رواية القاضي و الشاهدة الفصل التاسع عشر 19 - بقلم شامخ

خلصنة غدة صبينة چاي گعدنة على التلفزيون بابة ايباوع على برنامج اني ما جنت منتبهة وياهة كوب الچاي بيدي واني متكرفصة على القنفة گال بابة
- رغود بوية جيبي الشطرنج نالعب اشوي صارلي هواي ما غالبچ .
- غير مرة تعبانة اشوي .
- معقولة رغد مالبيهة تالعب .
- تعبانة راح أَنَــ😴ــْامّ .

گمت ورحت لغرفتي طلعت حباية منوم شربتهة و اتمددت على الچرباية سمعت الباب اندگ صحت ادخل دخل حمود

- رغد گاعدة ؟
- اي ادخل.
- عندي اسألة بالعربي ما جاي افهمهم عادي اشرحيلي اشوي؟
- عادي باجر لان راح أَنَــ😴ــْامّ هسة باجر اشرحلك كلشي ما فاهمة .
- ٱوكي اممم رغد شبيچ ؟؟
- مابية شي .
- ليش ضايجة ؟
- ما ضايجة بس تعبانة اشوي من الطريق وجاي افكر بسالفة السفر واخاف ما اطلع معدل ومل تنقبل جامعة براسهة خير .
- لا اتخافين انشالله اطلع معدل وارفع راسكم واصير طبيب اسنان .
- انشالله
- اي اشحسبالچ ....

حمود يحچي وياي احس عيوني وحدهم ينسدن الى ان نمت ...

- يمة رغد يمة رغد گعدي الدنية ضهر صارت وانتي من البارحة نايمة .

صحيت على صوت أَامٌَِْي وهية تحچي وياي  راسي ما اگدر احركة من المخدة بس اعيوني مفتوحة .

- يمة گومي اتغدي ويانة .
- ما اشتهي يمة عوفيني نايمة .
- من البارحة العصر نايمة گومي مو زين النوم حتة ما مصلية .
- راسي يوجعني حبوبة مامة عوفيني .
- يمة ابوچ قلق عليچ ويسأل ليش ما گاعدة گتلة گعدة الصبح وهسة نامت .
- هسة اگوم بس انطيني ايدچ لان راسي ما اگدر احركة .

مدت أَامٌَِْي ايدهة وگومتني رحت للحمام غسلت وجهي وفرچت ودخلت للهول لگيتهم صابين اتغدينة وخلصنة ... ما خلصت طول هاي الفترة من بابة لان هوة متأكد اكو شي كل اشوي ويسأل بيچ شي اكو احد مضوجچ ما اعرف اشلون خلصت خمس ايام بالبصرة واني باب البيت ما طلعت الة بس انضف طلعت البيت ليرة ومن اخلص انام طبعاً النوم صار بحياتي بس بالادوية اذا ما اشرب ادوية منوم ابقة يومين بلة نوم دگ علية ابو البيت بغداد گالي اجو شراية علة البيت وايريد ايبيعة فضطريت ارجع لبغداد علمود غراضي بالگوة قنعت بابة علمود ارجع بالسيارة بطريق الرجعة كلة امشي ١٦٠ وفوگ عسة تنگلب السيارة واموت بس للاسف وصلت لبغداد بسلامة دخلت للبيت دگيت على ابو البيت گتلة عمو اني بالبيت گال اني قريب راح اجيچ ..
اجاني بعد السلام گال

- بوية آنتي مسافرة اجة مشتري البيت وانتي گتيلي عادي ايشوفة هوة من شافة گال اذا المأجر يقبل ايبيع الاثاث اني الشراي .
- والله عمو سويت علية فضل كلش چبير.
- وگال كل اثاث البيت راح اشتري ٢٠ مليون .
- كلش زين اني موافقة .
- گال ما تاخذ ولا كشة بس اهدومهة.
- اصلاً اني راح اسافر مراح اخذ بس غراضي .
- لعد اتفقنة وبوية الچ مهلة بالبيت شهر الى ان اسافرين.
- لا عمي طيارتي بهل الاسبوع  انشالله .
- على راحتچ بوية اني أتــرخص .
- مع السلامة .

طلع ابو البيت گعدت على القنفة واني اباوع على البيت بكل مكان الي بي ذكرة وية قيصر افضل طريقة لنسيانة هوة اعوف هذا البيت لان جاي اتأذة بوجودي بي اخذت السويچ وطلعت للسنتر اشتريت جگاير ومريت على الصيدلية اشتريت دوة منوم ابو الصيدلية عرفني من گد ما اشتري منة گالي

- العفو اختي بس ترة ما ايصر تاخذين هلگد ادوية احتمال ايصير عندچ ادمان .
- مو الي .
- بلة الچ وهذا الشي واضح من الرجفة الي بيدچ اذا استمريتي على هذي الادوية راح تتأذين بالمستقبل .
- تنطيني اياهم لو لا .
- على راحتچ اخذيهم .

اخذت الادوية ورحت لوكالة الطيران علمود احجز گالي الطيارة يوم الاحد والخميس حجزت على الاحد لان ما ارد اطول اكثر خاف اصير بيني وبين قيصر مشاكل وما يخليني اطلع المهم اجة يوم السبت واني لامة كل غراضي وديت منهم البيت خالتي من اتسافر أَامٌَِْي اجيبهم او اذا اصير رجعة الي للعراق اخذهم ...
نضفت البيت احس جسمي خامل بالگوة امشي لان ما اكل وما أَنَــ😴ــْامّ بخرت البيت خلصت گعدت افتر بالبيت ومقهور لان راح اعوفة احس هذا بيتي ايجوز لان كلشي بي اني رتبتة حتة صبغة اني اختاريتة ماكو شي بي مو على ذوقي اتصلت ودع اجة اتصالهة بوكتة لان ضايجة كلش

- الوو هلة بالحقير .
- هلوو ودع اشلونچ؟
- ولي اني كلش زعلانة عليچ تجين للبصرة وما اسألين وحتة ما تجين ادري متعاركة وياي لو ية قيصر .
- اعذريني ودع والله تعبانة وحتة ما اعرف الوقت اشلون يمشي بس نايمة .
- طبعاً اذا اتشربين بهل الادوية وترجعين الي ورة .
- ما جاي اشرب هل الايام.
- ليمتة تجين للبصرة؟
- باجر طيارتي للامارات .
- يعني ما ترجعين بعد ؟
- اي راح استقر هناك ...
- يعني ما اشوفچ بعد ؟؟
- ودع گوليلي روحي اشحال ما آنتي تدرين بكلشي والله روحي طلعت من علاقتي وية قيصر خلي قيصر ايحس اشوي بوجودي كل ما يتمادة اني اسامحة بس هل المرة راح اسافر بدون حتة ما اودعة ورقمي هم اغيرة .
- يعني ما تتصلين علية 😢.
- احط شريحة اماراتية اتصل بيچ بس ما اوصيچ انطيهة لقيصر.
- لا والله اصلاً قيصر من رجع من بغداد ماشفنا ولا حتة يتصل أَامٌَِْي البارحة دگت علية ما جاوب ودالهة رسالة گالهة مشغول .
- خلي يبقة مشغول ...ودع يمكن اجة قيصر لان الباب انفتح .
- قيصر بغداد؟!
- ما ادري والله .
- اي هوة مع السلامة .
- بـٌـٌٌـ👋ـٌٌـٌـُآٍيِ .

جنت گاعدة على القنفة وبيدي جگارة وقيصر واگف اگبالي طفيت الجگارة وگمت دخلت للغرفة جبت جنطة اصغيرة حطيتهة يم رجلي هوة ولا اتحرك من شافهة گال

- شنو هاي ؟!
- غراضك خاف اسافر وين اوديهم .
- رغد گعدي ارد احجي وياچ .
- قيصر قبل ما تحچي اذا الموضوع بي بقائي لا اتفتحة افضل .
- لا رغد مو هيچ الموضوع .
- چا شنو !!
- گعدي بالاول.
- هاي گعدت

گعدت بس كلش خفت لان قيصر وجهة بي برود ايخوف گتلة

- احچي شنو موضوعك!!
- رغد اني صارلي فترة افكر بعلاقتي بيچ وشنو نهايتهة ....
- اي كمل ليش سكتت؟!
- ما اعرف اشلون ادخل بالموضوع بس اتمنة تتفهمين الي راح اگولة..
- قيصر احچي ماعندي وكت انتضرك .
- مثل ما گتلچ اني صارلي فترة افكر بعلاقتي وياچ واني طول ذيچ الفترة اكو شي بداخلي ايگلي انو الي اسوي غلط و ما ايصر استمر .
- ما جاي افهم !!!
- خاليني اكمل.
- اوكي بس ياريت تدخل بالموضوع مباشرة لان هواي جاي اتلف وادور ارد اسمع المضمون.
- رغد الي ارد اوصلة علاقتي وياچ بالنسبة الچ وبالنسبة الي هم مجرد نزوة اني چنت وهمان انو حبيتچ وهمت روحي بيچ بسبب خلافي وية جنان وماجنت مرتاح نهائياً وياهة من شفتچ انعجبت بجمالچ والي زاد اصراري انو اخذچ صدچ الي ...
- ليمتة اكتشفت هذا الشي من جنان انطتك وجه ؟لو خاف هسة مصلحتك صارت ويهة .
- لا مو مثل ما تتوقعين اني من لبداية احبهة وكل زوجين ايصير بينهم خلاف وحتة آنتي صدگيني الي بينة مو حب وبعدين راح تكتشفين هذا الشي .. رغد ما انكر عشت وياچ اجمل ايام بحياتي بس اني احب مرتي وما اگدر اضحك عليچ اكثر و اوعدچ بشي وما اگدر اسوي لان مالت اگدر اعترف بيچ فهذا الشي مستحيل اتمنة اسامحيني ونبقة اصدقاء واهل. .. ليش ما تحچين شي؟
- طلگني قيصر.
- انشالله اني جايب وياي شيخ راح ايطلگنة هسة ومثل ما گتلچ راح نبقة اهل واصدقاء عمري مراح انسة شخص مثلچ وبالنسبة للمأخر احولة لحسابچ.
- ما اريد منك شي طلگني واطلع من حياتي.
- رغد صديگيني...
- ما اريد اسمع منك شي قيصر جيب الشيخ بسرعة خلي ايطلگ .

رغد: من حچة قيصر وظل ايلف وايدور اتوقعت هاي نهاية علاقتنة جنت مستعدة لهذا اليوم بس ما اتوقعت هيچ راح ايهني اهانة من گالي اني نزوة بالنسبة الة حسيت الگاع ظلت ادور بية جذبت اذني وگالت بداخلي لا ايجوز غلطت بالسمع بعدهة گال اني احب جنان وجملهة ايگلي ما اگدر اعترف بيچ يحچي واحس روحي تطلع اشوي اشوي ما اتحملت حچية طلبت منة الطلاگ مدري اضحك مدري اواسي حضي ايگلي جايب الشيخ يعني كلشي مكمل بس ايريد ايطلگ ... قيصر كتلني قيصر ذبحني خلص كلشي انتهة بينة خلص انكشفت الحقيقة اني طلعت نزوة و قيصر شبع منهة
واني الغبية اگول جاي علمود ايخليني ما اسافر قيصر ما ايهون علية ايعوفني طلت اني نزوة بالنسبة الة ..

- رغد دخلي لبسي حجاب علمود الشيخ راح يدخل.

باوعت بعينة وعيوني كلهة عتب بس ما اگدر اعاتبة ليش هوة يسوة العتب گمت لبست عباية وطلعت شفت الشيخ جاي وية اثنين زلم امبينين جماعة قيصر گعدت بدة الشيخ يحجي ....
الى ان گال انتو الان احرار من الزواج بقة بس المؤاخر ما اعرف اشگد اكتب .
- شيخنة المأخر طايح ما اريد منة اي شي.
- ما ايصر بنتي لازم ينطيچ المأخر.
- كلشي ما اريد واذا ما اصير زحمة عليكم اتگدرون تتفضلون لان تعبانة كلش .

ما اعرف اشلون طردت الشيخ والناس بس بعد ما اتحمل احس ادموعي بالگوة لازمتهم طلعو كلهم وبقة قيصر طلع شدتين ورق (٢٠،٠٠٠دولار) و انطاني اياهم وگال اتگدرين تعتبرين هاي جزء من المؤخر اخذتهم وشمرتهم بوجهة
- مو لهل درجة رخيصة اني يا قيصر ما اريد افلوسك قسم بالله قسم برب العباد الة اندمك يا قيصر على الي سويتة بية ومو حسبالك كسرتني انت هسة لا والله انت هسة صحيتني على زماني ..
- رغد ما اتمنة هيچ توصل علاقتنة گتلچ خلينة نبقة اهل واصدقاء...
- اطلع برة وجهك ما اريد اشوفة لا اتخليني اصرخ.
- على راحتچ مع السلامة

عافني و طلع گعدت ابچي واصرخ احس گلبي يتگطع اصرخ احس النفس ينگطع مني ماكو هوة وصدري ايبز بية گلبي ايوجعني خلص كلشي

هاي هية انتهت كل المواضيع
شرد اگلب بعد وياك صفحة
يا صفحة البقت ظل بس الجلاد
وعلية عنوان حبك راح امسحة
اخذ الباب بيدك لمن تروح
وبعد لا ترجة من أدگ نفتحة
ارض صحراء اصيرن وارتجي الموت
ولا اقبل تبوس بجسمي مسحة
ما ظل بس جرح شتريد انطيك
اخذ هاك الجرح كبرلة جرحة
وضحك مو علي عل عايزة البيك
يمن ما فاد بيك الزاد ملحة
يمكن يصحى تمثالي ويحاجيك
وأكدلك ظميرك عيب يصحى
شلي بثوب النظيف تلبسة وياي
وسواد بروحك شما اطوي صفحة
ردتها العشرة حلوة تخلص وياك
ونعم خلصت ولاكن صورة ملحة
عندك عين تسحر من يصد ليك
ولاخرى بلا خجل فد نوب وكحه
ومو بل كوة بومه تصير طاوس
ولا خير شرط من كظلة سبحة
الليل اسود نعم بس يكتم اسرار
عكس وجة الصبح سرك يفضحة
خذيت دروس منك خلصت اجيال
بس جيب الوكح درسك يشرحة
اليحب من جف حبيبة يريد تذكار
مو يتلاوة حتى يشيل رمحة
اليحب يحجي بحبيبة وي اليحبون
وتعاين عل ملامح تلكة فرحة
وانا اظطر لان تسمعني شمات
أعاين عل جرح ينزف وامسحة

للشاعرة شهد الشمري

اگدر اختم علاقتي بقيصر بهاي القصيدة هذا ثاني اصعب موقف بحياتي كلهة وهوة اي غير شخصيتي قيصر اول رجال دخل گلبي وما دخل شخص بعدة لان هوة كسرة وسوى كومة من الحجارة گدرت اعيد ترتيبهم وترتيب حياتي بس للاسف مو للاحسن صارت حياتي للاسوء صرت شخصية حقير صارمة جدية بشغلي حياتي اتكرست بس للشغل بدبي رقوني من مهندسة الى مديرة فرع بسبب التزامي اهواي رادو ايدخلون حياتي بس چان الصد مني كل الي ايحصلو ابتعدت عن الناس وحتة عن اهلي ابوي وامي حاولو ايغيرون بية بس ملو عافوني على وضعي حتة بالبيت جنت اجيب وياي اوراق وشغل محد ايشوفني بين قوسين هلكت روحي علمود انسة تعاستي وية قيصر اسمع زملائي بالشغل ايغلطون وايسبون بية واني امشي لان ما اهواي اتفنشو بسببي ...
اكثر فرع نجح هو اللازمتة اني من اخذتة اقترحت على مدير المجموعة اغير بالكادر كل شخص ما يتلزم .. فنفصلو هواي والي بقة انهلك من الاوامر و حتة جدد ملو اني جنت ما اهتم الى اي شخص المهم نجاحي واوصل الى اعلى ما اگدرلة الى ان اجة يوم وانكسرت اقوة كسرة بحياتي الي دمرت رغد كلش ...
حمود قرر يخطب وهوة چان ايحب ابنية بالبصرة اني اتفقت ويا اذا ينجح سنة ثالثة بطب الاسنان اخطبهة الة وهوة نجح فگالي امشي نخطبهة بوقتهة جانت عندي سفرة للصين نتفق على مواد تجهيزية ومستلزمات فما گدرت گتلة روح انت ومامة وبابة اتكفون واتوفون وراحو كلهم بس ما حصلو حجز على البـــــصـره وبسبب استعجال حمود حجزو على بغداد و من بغداد ايروحن بسيارة للبصرة وصلو لبغداد دگ علية بابة طمني وچنت احجي ويا فگتلة بابة عندي هسة شغل بس اخلص اتصل بيكم فضطريت اغلق المكالمة
————-

ملاحضة : صار خربطة بالبارتات نزل بعد التنوية بارت١٦
En.Zahraa