رواية القاسي والمجنونه الفصل السادس والعشرون 26 - بقلم شهد احمد

قبل ما أبدا.. انا اسفه معاد البارت كان امبارح بس والله فوني شاشته اتكسرت وكان بيتعمل و لسه جاي حالا وبدأت اكتب .. ♥️

القاسي و المجنونه .. الحلقه السادسه والعشرون ♥️

في بدايه يوم جديد .. في المستشفى التي توجد بها نور كانت نائمه متمسكه فيه بشده .. تستمد منه قوتهاا .. كما يفعل الآخر فهو الآخر يستمد منها قوته .. تقلبت نور ونظرت لصقر فكان يجلس صقر وينظر لها بعشق شديد تائه في عيونها التي سحرته وجمالها ..

نور / صباح الخير يا صقورتي

صقر بضحك / صقورتك !!!! اي صقورتي دي كمان يا ست البنات

نور بحب ومرح / طبعاا صقورتي لوحدي انا بس ولا اي يسطا عندك مانع

صقر بضحك / طب ازاي صقورتي و يسطااا في جمله واحده يا مفتريه

نور بضحك وتعب / بسس يا بني بقاا صدعتني

صقر بلهفه / مالك يا حبيبتي انتي كويسه فيكي اي انادي الدكتور د

نور بهدوء / اهدا انا كويسه بس مصدعه شويه

فذهب صقر سريعا لكي يأتي معه الدكتور .. فدخل الدكتور ..

الدكتور / دا طبيعي يا صقر باشا .. بس حاليا انا هديها جلسه الكيماوي

فهز صقر رأسه بنعم دون أن يتكلم وجلس بجانبهاا يمسك يديهاا بشده ..وبدأ الدكتور بالجلسه اللعينه تحت تعب نور الظاهر التي تحاول أن تخفيه لكي لا يقلق عليها صقر .. فنظر لها صقر بقله حيله فماذا يفعل لكي ترتاح حبيبته وتتخلص من هذا المرض اللعين .. فطمائنته بعينها انها بخير ولكنه يعرف انهاا تتألم.. اها لو اقدر اشيل هذا المرض مكانك لكنت فعلتهاا دون أن يرف ليا جفن يا من ملكتي قلبي وروحي .. !

بعد مرور القليل من الوقت .. انهي الدكتور هذه الجلسه .. وخرج فلم تتحمل نور التعب أكثر من ذلك وذهبت في نوم عميق من تعبهاا الشديد .. فنظر لها صقر بتعب وحزن

صقر بحزن / ياريت اقدر يا عمر صقر اشيل عنك المرض الخبيث دا والله كنت هعملها من غير ما أتردد ابداا يا نور حياتي .. اجمدي كدا وقومي ليا بالسلامه ..

هل سوف تنجو نور من هذا المرض !؟

توقعاتكم يا قمرات ..؟!

______________________________________

في مكان تاني كانت تجلس نهله بحزن شديد وتبكي بشده علي ما حصل بالأمس .. فكيف كتبت علي اسم شخص آخر غير من ملك قلبهاا .. كيف سوف تواجه حمزه فهو عندما يعرف سوف ينعتها بالخائنه ولم يصدقهاا انها فعلت هذا من أجله لكي يبقا في امان ..

نهله ببكاء شديد / ياااارب يااارب خلصني من الورطه الا انا فيها دي ياارب تحميني منه وتحمي حمزه ياارب وتبعده عنه

فدخل حسام بعد أن سمع كلامها هذا / متخافيش اووي كدا عليه انا ادام وعدتك بحاجه خلاص

فنظرت له بكره شديد وقالت بصوت عالي/ انت اي الا دخلكككككك هناااا انت اتهبلت

حسام بغضب / لميييي نفسك يا نهلههههه مش تفتكري عشان بحبك يعني هسيبك تزعقي وتعلي صوووتككك كداااا

نهله بخوف حاولت ان تداريه / انت بتزعقلي كدا لي

حسام يحاول أن يهدأ نفسه / اقعدي يا نهله عاوز اتكلم معاكي شويه

فجلست نهله وجلس بجوارها حسام تحت توتر نهله من قربه هذا ..

حسام بهدوء / اول حاجه كدا عشان نعرف نعيش سوا لازم تعرفي شويه حاجات

نهله / قول

حسام / انا مبحبش حد يعلي صوته عليا .. ولا حد بيعند معايا بتعصب وانا لما بتعصب بتحول ١٠٠ درجه واخاف اعمل حاجه تزعلك مني بس لو انتي معلتيش صوتك ولا عندتي معايا فهتلاقي مني معامله ولا جت في خيالك تمام

نهله بهدوء / تمام .. ممكن اسالك سؤال

حسام بحب / اتفضلي يا اميرتي

نهله / هتخليني امشي امتي !؟

حسام / تمشي فين !! انسي انك ترجعي انتي دلوقتي بقيتي مراتي والدنيا كلها عرفت السوشيال مقلوبه اصلاا والناس كلها عرفت

نهله بفزع / نهااار اسووووود يعني دلوقتي حمزه وماما و بابا عرفووواا .. ثم أكملت بصوت يسوده البكاء .. هيقولوا اي دلوقتي عليا .. !

حسام بهدوء / اهدي يا نهله انتي معملتيش حاجه حرام .. وبعدين عشان تطمني باباكي عارف كل حاجه من قبل ما اجيبك هنا اصلاا

نهله بصدمه / نعمممم ازاي !!! وسابك كدا و وافق تتجوزني طب وحمزه !

حسام / اهدي وانا هفهمك كل حاجه .. بصي انا لما شوفتك وطلبت اتجوزك وانتي اخدتي الحوار هزار .. انا رحت لعمي محمد وكلمته و حكتله علي الا ناوي اعمله عشان هو عارف انك مستحيل توافقي عليا لو اتقدمتلك .. وافق عليا بس طبعا خلاني اوعده اني مش هاذيكي و اني هعملك فرح والدنيا كلها هتيجي وبعد لما اكتب عليكي هرجعك ليهم تاني واخدك من بيتهم يوم الفرح ..

نهله بصدمه / طب و حمزه مش صاحبك !

حسام بهدوء / حمزه صاحبي الوحيد وانا مش بايدي اني اتحكم في قلبي أنه يحبك ولا لا ! بس متقلقيش حمزه صاحبي وعارف أنه هيسامحني بس مش دلوقتي بس هيسامحني انا عارف

نهله بحزن / طب وانا مش فكرت فيا لي ! مش فكرت اني بحب حمزه وهو بيحبني وخلاص يبقا تبعد عننا مش تفرق بيننا

حسام بغضب بسيط / حمزه تنسيه خالص يا نهله انتي دلوقتي مراتي وعلي اسمي يعني استحاله تفكري في حد غيري واستحاله اني اطلقك انسي .. و حمزه اكيد دا كان حب طفوله وانا واثق من دا

وخرج وتركها تتخبط في أفكارها فهي سوف تعود لهم بكره ! فماذا سيفعل حمزه !

توقعاتكم ..؟!

______________________________________

في فيلاا السيوفي .. كانت تجلس في غرفتهااا تذاكر بسبب امتحانات نص السنه ..التي تم تحديدها بعد اسبوعين ... فدخل رامي قاطعهاا

رامي بمرح/ دحي حلو يا دحيحه

فرح بضحك/ بزمتك انا دحيحه دا انا بذاكر قبل الامتحان باسبوع

رامي بضحك / اها مهو واضح اهو

فضحكت فرح برقه ..

رامي بتوهاان / يخربيت ام ضحكتك يشيخه اي يا به المااانجاااا دي

فرح بضحك / بقيت بيئه اوووي يا رامي

رامي بضحك / كلنا ولاد تسعه يا ختي

فضحكت فرح علي مرحه هذاا ..

فرح / كنت عاوز اي

رامي بضيق / نزلي ام الطرحه الا كل ما تشوفيني تحطيها علي شعرك يا بنتي انا جوزك مش واحد غريب والله ! لو مش مصدقه اجبلك عقد الجواز

فرح بضحك / لا طبعاا مصداقك بس بردو مينفعش

رامي بضيق فتقدم منها وشد الطرحه فنزل شعرهاا الناعم علي ظهرهااا يغطيه ويعطي لها شكل جذاب .. / لما اكون انا وانتي بس شعرك يبقاا كدا فاهمه

فخجلت فرح منه بشده / احم تمام

فنظر لها رامي يحفظ كل ملامحهااا ويحفورهااا في أعماق قلبه .. فهي حبيبته ومن احتلت قلبه منذ الصغر وهي بضفيرتين .. فكان هو من يهتم بهاا ويسرح لها شعرها .. فهو يعشقهااا بشده .. فنظر الي الفرشه الموضوع علي الرف وأخذها وجلس واجلسها وظل يسرح لها شعرها تحت خجلها و توترهاا بشده من قربه هذا .. !

فرح بتوتر / احم بقالك كتير اوووي مسرحتهوش ليا

رامي بابتسامه / عشان مكنش ينفع لكن دلوقتي انتي مراتي وعلي اسمي

فرح بابتسامه / ربنا يخليك ليا يا حبيبي

رامي بحب / ويخليكي ليا يقلب حبيبك .. امتحاناتك كمان شهر ؟

فرح / اها ادعيلي

رامي بمرح / دا انتي دحيحه يا بت .. عارفه يهود الدفعه انتي منهم

فنظرت له بذهول ثواني وانفجرت في الضحك / انا يا رامي !!!! اخص اخص بجد .. طلقني يا رامي

فنظر لها رامي بغضب / الكلمه دي لو جت علي لسانك تاني هقطعولك انتي فاهمه

فرح بخوف / يا بني بهزر في اي

فحاول أن يهدأ من نفسه / يا حبيبتي انا اسف بس الكلمه دي بالذات بللاش تهزري بيهاا

فرح/ بس بردو كنت جاي لي

رامي بضحك / مبتنسيش .. المهم كنت عاوز اعرف انتي يا بت مش كنتي زعلانه مني و طالبه الطلااق واجي اكلمك تبصيلي بقرف وتمشي اي الا حصل بقاا خلاكي كدا

فرح باحراج / احم احم نور هي إلا خلتني اصالحك

رامي باستغراب / ازاي

فرح / هحكيلك اليوم الا كنت بعيط فيه و كنت طالبه الطلاق فيه دخلت نور قعدت معايا و ..

Flash Back :

نور بحنيه / ينفع ادخل ؟

فرح ببكاء / ا اكيد اتفضلي

نور / اقولك كلمتين واعتبريهم من اخت لأختها تمام

فنظرت لها فرح / قولي

نور بحب / بصي يا فروحه سبب المشكله من الاول هو غيرة رامي عليكي صح وانا عارفه أن الغيره مش دافع أنه يمد أيده عليكي بس اكيد انتي استفزتيه بالكلام أو اتوترتي وهو حس أنك بتكدبي عليه

فاومت لها فرح .. فكملت نور

نور / و سبب كمان أن مشاكلك مع جوزك تكون بنكوا محدش يحس بيهاا مش تطلعي تعرفي جدك أو باباكي أو حتي صقر عشان بعدين لما ربنا يبعتلكوا اطفال ويحصل خلاف مش يأثر علي نفسيه الاولاد و بعدين حبه حبه هتعملوا ليهم عقده اختصار الكلاام انتي كان بايدك تلمي الحوار دا كله وتزعلي منه بس بينكوا وبين بعض محدش يحس بحاجه ومحدش يدخل في حاجه بينكوا وانتي عقابتيه ومكلمتهوش بقالك يوم او اتنين .. وغير كدا أنه جابلك حقك تالت و متلت من الا عمل كدا صح

فرح باقتناع / ايوا صح

نور بهدوء / يبقا الحوار لحد هنا وخلص بقاا تمام اتكلمي معاه كويس عشان هو ميديقش ويبص برا مهما كان بيحبك لو زهق أو لقي معامله مش كويسه منك هيدور براا صدقيني

فرح بابتسامه وهي تمسح دموعها / تمام ربنا يخليكي ليا يا نور ياارب وميبعدناش عن بعض

نور بحب / ويخليكي ليا يقلب نور

End Flash Back...

فرح بابتسامه / وبس دا الا حصل ومن بعدها بقيت اتكلم معاك عادي بقا

رامي بحب / ربنا يخليكي ليا يا فرحتي في الدنيا ..ثم أكمل بندم .. انا اسف اني مديت ايدي عليكي اوعدك هتبقا اخر مره

فابتسمت له بحب شديد وهو هكذااا

______________________________________

في شركه الدمنهوري .. كان يجلس فهد علي مكتبه يباشر عمله بدقه عاليه وتركيز شديد .. فقطاعه دخول سلمي المفاجا له ..

فهد بدهشه / اي دا اي الا جابك هو انا مش مديكي اجازه يا بنتي عشان تجهزي للفرح

سلمي بحب / اي امشي تاني وبعدين انا جايه اطمن عليك بللاش

فهد بابتسامه / تعالي يا مغلبااتي تعالي

جلست سلمي بجانبه ولكن كان يوجد مسافه بينهم ... وظلوا يتحدثون في حوارات مختلفه ..

سلمي / نور عامله اي

فهد بتنهيده / والله تعبانه كل اما بتاخد جلسه الكيماوي بيجي اليوم تاني تتعب اكتر

سلمي بأمل / صدقني هتخف وهتبقي احسن من الاول وهتحضر الفرح بتاعنا كمان

فهد بخبث وغمزه / اها قولي بقا انك مستعجله علي الفرح

فنظرت له بخجل شديد وخدودهاا احمرت بشده / نعم ! انا انا مش قصدي انا انا ق قص قصدي يعني

فانفجر فهد ضاحكا / بس بس اي يا بنتي كل دا توتر عشان بهزر معاكي

فنظرت له بضيق شديد و ضربته بكفهاا في كتفه

سلمي بضيق / علي فكره بقا انت دمك سم

فهد بضحك / سم !!! لي طيب طب دا انا البنات كلها بتقولي ان دمي شربات و واد حيلوه كدا

سلمي بغيره وصوت عالي بعض الشيء / نعمممم يعوومري مين يخوياااا وانت عرفت ازاي أن شاء الله .. أها ما حضرتك اكيد منشكح اوووي والبنات بتعاكسك صحححح

فهد بحب و ابتسامته الجميله علي وجهه / انا محدش يقدر يملي عيني غير سلمي بس

فنظرت له باحراج وحب / احم احم س يا بني عيب

فهد بضحك / هانت كلها 28 يوم وتبقي مراتي وعلي اسمي وفي بيتي كمان

سلمي بحب / عددهم انت

فهد بحب / طبعا أنا عادد الليالي و الدقائق والثواني الا هتجمعني بيكي

سلمي بحب / انا بحبك

فهد بحب وفرحه شديده / وانا بحبك يا نور عيني

توقعاتكم هل ستدوم فرحتهم وحبهم هذا أم للقدر رائي اخر ... !؟

_____________________________________

أما عند روان كانت تجلس مع والدتهااا ولكن تفكيرهاا في صاحبه عمرهااااا و اختهاا ..

والدتها / رووووان يا رووووووووان

روان بانتباه / ها في اي

والدتها / يتهني الا واخد عقلك بتفكري في اي يا بت

روان / بفكر في ساره الا محدش عارف يوصلها دي

والدتها بحزن / وحشتني والنبي البت دي

روان باشتياق / وانا والله يا ماما ادعلهاا ترجع لينا بالسلااامه

( دا عند ام ترتر لو شوفتوها تاني هه😂 )

الام / بدعلها والله يا حبيبتي ..

فقاطع كلامهم صوت رن هاتف روان .. فنظرت فشاهدت رقم ادهم .. فرضت سريعاا

روان بلهفه / ادهم لقيتهااااا ولا اي عملت اي.. عرفت حاجه عنها

ادهم بضحك / اي يا بنتي اهدي براحه

روان / سوري بس لقيت حاجه

ادهم بجديه / احم ايوا

روان بلهفه / هااا اي هيا بسرررعهه

ادهم بجديه / الا خطفها واحد اسمه اسد و والده كان صديق والد سارة بس والده اتقتل وهو مقتنع أن الا قتل والده هو والد سارة و خطفها عشان ينتقم منها

روان بمقاطعة وخوف / طب انت مستني أي روح جبها قبل ما ياذيها

ادهم بجديه / مينفعش

روان باستغراب / مينفعش !!!! ازاي طيب

ادهم / احم ما اسد اتجوز سارة يعني دلوقتي هي مراته مينفعش نروح ناخدها منه بتهمه الخطف ..

روان بفزع / يا نهاااااااار فحلوقي يخربيتك يا سارة دعاويكي استجابت يا حيوانه واتجوزتي الا خطفك يختتتاااااي اعمل اي دلوقتي يااارب

ادهم كان يكتم ضحكته بشده / في اي يا بنتي اهدي هو مستحيل ياذيها

روان بشرود / والنبي دي هيا الا هتاذيه يخوياااا

فضحك ادهم بشده / يخربيتك بجد اي دا انت مسخرررره

فضحكت روان و قفلت بعد أن دق قلبهااا بشده من مجرد ضحكته التي سحرت فيهاااا

توقعاتكم اي حكايه روان و ادهم !؟

______________________________________

اما في فيلا الدمنهوري .. كان يجلس حمزه بحزن شديد علي أخته وعلي حبيبته المفقوده .. فدخل عليه والده

محمد / اي يا حمزه هتفضل حابس نفسك هنااا

حمزه بحزن / بعد اذنك يا بابا سبني لوحدي

محمد / علي فكره انت مكنتش بتحبها يا حمزه

حمزه بنفي / لا طبعااا انا كنت بموت فيهااا

محمد بابتسامه / مستحيل يا بني دا انت ابني وانا عارفك اكتر من نفسك

حمزه / امال لو مكنتش بحبها كانت تبقا بالنسبة ليا اي بقا !؟

جلس محمد بجانبه / بص يا بني انا عندي فوق ال 55 سنه والسنين دي علمتني حاجات كتير .. نهله بالنسبالك كانت حب طفوله و مراهقه مش اكتر و اكتر دليل على كدا انك سبتها في زعلاهااا تواجه لوحدها

حمزه بنفي / انا كان قصدي أني اسبها لوحدها بس مش اكتر عشان ترتاح

محمد / لا يا بني انت لو كنت فعلاا بتحبها كنت مستحيل تسبها في حزنها لوحدها وكنت هتبقي جمبها وهتحاول تعمل اي حاجه عشان تطلعها من حزنها دا

اقتنع حمزه بالكلام بعض الشيء.. ولكن قطعهم صوت ريهام ..

ريهام بفرحه / نهلههههه تحت يا محمد

فجري محمد و ريهام و حمزه لكي يشاهد حبيبته .. فنزل حمزه ولكنه تسمر مكانه عندما شاهد صديقه حسام الحناوي يمسك يديهاا بشده بين يديه .. فنظر لها فشاهد نظرة اعتذار

محمد بحب وهو يحضنها / حمدالله على سلامتك يا حبيبتي نورتي بيتك

نهله ببرود / الله يسلمك يا عمي

فاستغربت ريهام بشده كلامها ببرود و حزن محمد وعلم أنها عرفت كل شيء ولكنه عمل هذا افضل لهااا لكي تعيش حياه سعيدة .. ولكن هل سوف تغفرله .. ؟!

________________________

•