الفصل الخامس

رواية الكبير وزوجاته وما ملكت أيمانه الجزء الخامس 5 بقلم هويدا زغلول الكبير وزوجاته وما ملكت أيمانهرواية الكبير وزوجاته وما ملكت أيمانه الحلقة الخامسة زهره فتحت الباب فجأة وهي بتبص لنرجس بعين كلها تحدي وقالت زهره

تمام طالما انتي بتتكلمي بالثقة دي قدامي كده يبقى تعالي بقى نخرج سوا ونقف قدام كل اللي في القصر وتقولي بصوت عالي ان نرجس الغلبانه المسكينه اللي الكل شايفها طيبه هي اللي كانت عايزه تموت كبير البلد علشان تخلص منه وترتاح نرجس قربت منها خطوة وهي بتبتسم ابتسامة فيها شر وقالت نرجس

طلعتي مش سهله فعلا زي ما الكل بيقول عليكي بس برضه لسه صغيره ومش فاهمه انك مهما عليتي صوتك عمرك ما هتعرفي تقفي قدام نرجس ولا تعرفي انا ممكن اعمل فيكي ايه لو فكرتي بس تعملي اللي بتقولي عليه وبعدها سابتها وخرجت وهي رافعه راسها ودخلت اوضة حكيم وكأن مفيش حاجه حصلت وبعد شوية دخلت مروه وهي بتبص لحكيم بقلق وقالت مروه قوليلي يا زهره حكيم عامل ايه دلوقتي طمنيني عليه انا قلبي مش مطمن من ساعة اللي حصل

زهره بصتلها بنظره فيها لوم وقالت زهره هو لو حد فعلا عايز يطمن على حد كان سابه لوحده كده وقاعد في اوضته مستني الأخبار تيجي له لحد عنده لو كان جوزك بجد كنتي قعدتي جنبه وارتاحتي رجلك حتى لو انا رفضت كنتي هتفضلي جنبه غصب عني بس انا كنت عايزه اشوف مين فيكم بيحبه بجد ومين عايش معاه لمصلحته مروه اتضايقت من كلامها وبصتلها بوجع وقالت مروه

انتي بتتكلمي كأنك عارفه كل حاجه عننا مع انك لسه داخله البيت امبارح احنا مش بنحبه زي ما انتي فاكره بس برضه مش بنكرهه حكيم ما اتجوزش واحده فينا عن حب هو اتجوزنا علشان كان عارف ومتأكد ان محدش من اهلنا هيقدر يقول له لا وكل واحده فينا كانت شايفه نفسها طالعه من ضيق لدنيا أوسع حتى لو التمن راحتها زهره سكتت لحظه وبعدين بصتلها بثبات زهره

يعني انتي شايفه ان الفلوس تشتري السكوت على الذل وعلى واحد بيتجوز كل يوم والتاني وكأنكم مش موجودين مروه هزت راسها وقالت مروه بوصي يا زهره انتي لو كنتي عشتي العيشه اللي احنا عشناها واتحطيتي في نفس الظروف مكنتيش قولتي الكلام ده ولا كان عندك الرفاهيه انك ترفضي او تتمردي زي ما بتعملي دلوقتي الدنيا مش دايما بتمشي بالقوه والعند زي ما انتي فاكره وبعدها سابتها وخرجت وزهره فضلت واقفه بتفكر في كلامها

وفجأة حكيم بدأ يتحرك ووشه اتكشر من الألم وبص حواليه وهو بيحاول يفتح عينه بالعافيه حكيم انا فين وايه اللي حصل لي زهره قربت منه بسرعه وقالت زهره انت في القصر يا حكيم واتصبت برصاصه بس الحمد لله عدت على خير والدكتور قال انك لازم ترتاح وماتتحركش حكيم حاول يقوم بس الألم وجعه جامد ووقع تاني على السرير وهو بيبص لها بنظره غريبه فيها شك حكيم مين اللي عمل فيا كده وقوليلي مين كان موجود وقتها انا مش هسيب حقي

زهره بصت له بثبات وهي بتحاول تسيطر على توترها وقالت زهره انا معرفش مين اللي ضربك يا حكيم بس اللي اعرفه كويس اوي ان اللي عمل كده مش بعيد عنك ولا غريب عليك ده حد من دايرتك وحد شايل منك جواه كتير حكيم اتعصب وحاول يرفع نفسه بالعافيه وقال حكيم اكيد مفيش غيره عتمان هو الوحيد اللي نفسه يخلص مني وهو اللي مش طايق يشوفني ناجح ولا واقف على رجلي كده زهره هزت راسها وبصت له بنظره تقيله وقالت زهره

مش عتمان لوحده يا حكيم انت خليت ناس كتير تتمنى تشوفك واقع وكل واحد فيهم مستني الفرصه علشان ياخد حقه منك بطريقته حكيم اتعدل شويه وهو بيبصلها باستغراب وقال حكيم انا مش فاهم كلامك تقصدي ايه انتي بتلمحي لمين بالظبط زهره قربت منه اكتر وقالت بصوت واطي مليان معاني زهره انت عارف انا جيت هنا ازاي وعارف مين اللي دخلني حياتك اصلا نرجس هي اللي حطتني في طريقك وهي اللي خلتك تشوفني وتشد لي حكيم عينيه وسعت بصدمة وقال حكيم

انتي بتقولي ايه انتي اتجننتي ولا ايه نرجس تعمل كده ليه وهي مراتي وعايشه معايا في بيتي زهره ابتسمت بسخريه وقالت زهره مراتك اه بس قلبها مليان نار منك من سنين وانت مش شايف ولا حاسس بكل اللي جواها كانت عايزه تنتقم منك بكل الطرق ولما لقتني قدامها استغلتني علشان توصلك وتكسر كبريائك اللي دايما رافعه بيه راسك حكيم مسك ايدها جامد وهو بيبص في عينيها بعصبيه وقال حكيم

اتكلمي عدل وقولي اللي عندك كله مره واحده انا مش فاهم منك نص كلمه ومش عايز لف ودوران زهره حاولت تفك ايدها من من ايدو وقالت زهره انا هقولك كل حاجه وبعدها بدأت تحكي ليه فلاش باك زهره قاعده تعيط علي موت امها وبعدها دخلت نرجس وقالت نرجس دخلت عليها بهدوء وهي باين عليها الحزن وقعدت جنبها وقالت نرجس

ربنا يرحمها امك كانت طيبه جدا وحنينه اوي وانا عارفه قد ايه وجعك كبير بس اعملي حسابك انك مش هتفضلي هنا لوحدك انتي هتيجي معايا الفيلا ومش هسيبك لحظه واحده تعيشي الوجع ده لوحدك زهره مسحت دموعها وبصتلها بعند وقالت زهره انا مش عايزه مساعده من حد ولا عايزه اروح مع حد انا هقف على رجلي بنفسي وهعرف اعيش لوحدي زي ما انا نرجس قربت منها ومسكت ايدها وقالت بنبره كلها ضغط واحتياج نرجس

انا مش جايه اساعدك يا زهره بالعكس انتي اللي هتساعديني انا محتاجه حد يكون جنبي ويقويني انا بقيت لوحدي ومش لاقيه حد يفهمني ولا يحس بيا وبدأت تعيط قدامها وتكمل كلامها وهي مكسوره نرجس قوليلي ازاي ارضى باللي انا فيه ده ازاي اسكت وكل يوم والتاني جوزي يدخل عليا بواحده جديده كأن انا ولا حاجه كأني مش موجوده اصلا انا قلبي اتحرق وكرامتي اتهانت ومش قادره استحمل اكتر من كده زهره اتأثرت بكلامها وبصتلها وقالت زهره

طب وانتي عايزه تعملي ايه يعني هو ده نصيبك وربنا يعوضك نرجس شدت على ايدها جامد وبصتلها بنظره فيها قسوه وقالت نرجس الحل الوحيد ان حكيم يموت انا مش هفضل كده طول عمري مكسوره تحت رجله وهو بيلعب بيا بالشكل ده هو كاتبلي جزء كبير من ثروته وانا لازم اخد حقي مش بعد اللي عمله فيا وكل مره يدخل عليا بواحده جديده يوجع قلبي اكتر زهره اتصدمت من كلامها وقالت زهره انتي بتقولي ايه ده انتي واعيه لكلامك انتي عايزه تقتليه

نرجس قربت منها اكتر ودموعها نازله وقالت نرجس ابوس ايدك يا زهره تقفي جنبي انا لوحدي ومش هعرف اعمل حاجه من غيرك 1 2الصفحة التالية مدونة كامومنذ 16 ساعة 0 7 دقائق