تحميل رواية «الخادمه والمعاق» PDF

رواية الخادمه والمعاق الفصل الاول

في البار كان قاعد شخصين وباين من لبسهم أنهم أغنياء جدا، كانوا بيلعبوا اومار.

على : بص دلوقتي اللعب اخر فلوس في جيبك لو كسبتهم هتاخد اضعافعم 3 مرات لو خسرتهم ممكن تاخد اضعافهم 6 مرات مقابل انك هتجيب بنتك امنيه تشتغل عندى في القصر وتخدم ابني وانا هعاملها زي ابني ، وهتاخد فلوس كتير ،. محدش هيأذيها قولت ايه.

خالد وهو بيشرب الكاس وبيقول بسكر : س ست ا أضعاف وبنتي هتبقى زي بنتك ، م موافق بس هكسب الرهان والدور دا ومش هديك بنتي وموافق على رهانك وادي 40 الف جنيه الي في جيبي هلعب بيهم ومعيش ولا جنيه بالبيت لانك بسبب الاومور افلستني.

على : يلا وادى 40الف جنيه هلعب بيهم وبداوا يلعبوا اومور وبعد دقائق كان اللي فايز علي واخذ ال 80 الف جنيه ونزل خالد راسه للارض بحزن.

خالد بسكر: خ..خسرت الرهان انت بتخم ياعلي.

على بابتسامه : لا مش بهم ودي لعبه وانت وافقت على الرهان وخسرت ودلوقت هاخد بنتك قصري ومش هتشوفها تاني مقابل 6 اضعاف المبلغ يعني.

وطلع من جيبه شيك وكتب عليه 250 الف جنيه.

على : امسك يا خالد الشيك ودلوقت الساعه 1بليل هوصلك لانك سكران طينه وهاخد بنتك بكره الصبح، انا حطيت لك 10000 زياده لانه المفروض كانوا ب 240 الف افتح بيهم مشروع وبطل لعبه اومور شويه.

خالد بسكر : ت تمام.

سند على خالد ودفع حساب المشروبات ، وصلوا بيته وفضل يرن الجرس لغايه ما صحيت امنيه واعتقدت ان هو باباها وخرجت ببجامه النوم وشعرها السايب ، شافها.

على بنبهار : ماشاء الله تبارك الرحمن ، بنتك زي القمر يا خالد.

منتبهتش امنيه اللي لبسها بس انتبهت لابوها اللي كان سكران ومش قادر حتى يقف وان في شخص سانده امنيه بعد اذنك ممكن تساعدهني علشان ادخله جوه علي اكيد يا بنتي وساعده خالد ان هو يدخلوه على اوضته وكانت قطه كبيره جدا وحلوه امنيه ربنا يخليك شكرا جدا علي لا شكر على واجب خلي ده اخويا مش صاحبي يلا تصبحي على خير عايزه حاجه يا بنتي امنيه مع السلامه يا عم و.

ركب علي عربيته وهو بيقول هي دي شايف من عيونها اللي هي عندها مسؤوليه لدرجه اني باين عليها ان هي ما نامتش لانها قلقانه على باباها بكره حياتك هتتغير يا امنيه 180 درجه روح علي القصر بتاعه.

وبعد مده كان وصل علي القصر ودخل وهو بينادى بصوت عالي وفرحه.

على: يا رحيم يا رحيم يا مروه.

خرجت مروه من جناح رحيم وهي بتقول بحنان: بالراحه شويه رحيم لسه نايم يا دوبك اديته العلاج ونام.

طلع علي على السلم.

على بفرحه: لقيت واحده هتعتني برحيم بدالك يا مروه وفعلا انت كنت نعمه الام اهتميتي بيه بقالك سنتين ،وبتدي له ادويته واكنك فعلا امه الحقيقيه مش مرات ابوه قليل اوي لما نلاقي مرات اب بتحب ابن جوزها كده في الزمن دا.

مروه ببتسامه: ربنا يعلم انا بحبكم انت ورحيم قد ايه انت عوض ربنا ليه.

حضنها علي وهي حضنته بكل حب.

على: ربنا يخليكي لنا يا مروه.

مروه: خش الجناح بتاعنا عقبال اما انزل اجيب لك الاكل.

علي: تمام هخش اغير واخد دش عقبال لما تكوني جهزتي الاكل.

نزلت مروه جهزت الاكل وطلعت وكان علي لابس البرنس وبدا يغير هدومه وهي حاطط الاكل على الترابيزه وبدات تاكل معاه واثناء ما هم بياكلوا.

مروه: هي البنت دي اسمها ايه يا قلبي هي متعلمه ولا لا.

علي : اعتقد انها ما كملتش علامها بس يعني تعرف تقرا ماشي حالها يعني وبعدين هتقدر تهتم بيه وتريحك وانتي هتعرفيها مواعيد الادويه.

مروه : ماشي يا حبيبي.

علي انا نفسي رحيم يتحسن بقى له سنتين ما فيش تحسن يا مروه مروه ربنا يشفيه هنعمل احنا بنعمل اللي علينا والباقي على ربنا وان شاء الله يبقى احسن من الاول.

علي :ان شاء الله.

اشرقت الشمس لتعلن صباح يوم جديد.

ليه بتعالي بدلته ودخل على ابنه رحيم.

رحيم شاب في سن ال 25 سنه نايم على السرير سامع الباب بينفتح بص في اتجاه الباب.

علي بحزن على حاله ابنه رحيم : عامل ايه.

بص له الرحيم بحزن.

علي : ان شاء الله هتبقى بخير يا حبيبي انا هجيب لك واحده هتهتم بيك وهتبقى احسن من الاول انا عارف انك بقالك سنتين راقد على السرير لا حول ليك ولا قوه لا بتتكلم ولا بتتحرك عرضنا حالتك على اكثر من دكتور الكل بيكتب ادويه وما فيش دواء مأثر بس انا مش هسيبك يا حبيبي غير لما تتعالج.

ومسك ايد ابنه وباسها.

على:ربنا يشفيك يا حبيبي.

نزلت دمعه من عين رحيم وهو بيبص لوالده ، مسح علي دمعته.

على : احمد ربنا لعله خير وادعي ان ربنا يشفيك تأكد انها كلما ضاقت فرجت، و اقل من ساعه وهجيب لك واحده تهتم بيك لان مروه تعبت معاك كثير، وهجيب دكتور يشوفك عامل ايه.

خرج علي وركب عربيته وراح فيله خالد وخبط كانت امنيه قاعده في الجنينه بتقرا كتاب خاص بالادويه وعلاجات بالاعشاب ،سمعت صوت الجرس وقامت فتحت.

امنيه: خير يا عمو اتفضل دخل على وقعد معاها في الجنينه.

علي : خير ان شاء الله يا حبيبتي الموضوع انك هتسيبي فيله والدك وهتيجي عندي في قصري لان والدك باعك لانه اتراهن عليكي واحنا بنلعب في الاومور امبارح وهو اخذ مبلغ محترم ولازم تيجي يا اما والدك هيتسجن ، وهتسيبي الفيلا ومش هتيجي تاني ، وهتشتغلي في القصر.

امنيه بصدمه:........

رواية الخادمه والمعاق الفصل الثاني

اللهم صلي وسلم وبارك على سيدنا محمد.

امنيه بصدمه: عمو بلاش بالله عليك الهزار ده احنا دلوقتي في عصر متقدم رهان ايه ومار ايه وايه الهبل ده.

علي بجديه انا بتكلم جد وشكل خالد لسه نايم لانه لسه ما عرفكيش بس دي الحقيقه وانا ما بكدبش والدك لعب بكل الفلوس اللي في جيبه وخسر الرهان ودلوقتي انت هتيجي القصر وما تخافيش انا هعاملك زي ابني بالضبط.

امنيه بدموع: انا مش لعبه في ايد حد وازاي اصلا بابا يتراهن عليا حرام عليكم هو مش مكفيه اللي هو بيعمله فيا.

علي بحنيه: حبيبتي الموضوع ان انا عايز بنت تعتني بابني لانه تعبان جدا بقاله سنتين راقد في السرير ما بيتحركش ما بيتكلمش سامعنا بس شايفنا عرضت حالته على اكثر من دكتور ووالدته تعبت من كتر ما هي بتهتم بيه وانا قولت اشوف بنت عندها مسؤوليه وتقدر تهتم بيه وتكون من سنه تقريبا تبقى فاهماه تقدر تخليه يبتسم لانه حزين جدا ، وحاسس انك هتقدري تغيريه.

امنيه :الله يشفيه.

علي: امين دلوقتي قومي لمي لبسك وما تشغليش بالك بباباكي لانه هو معاه فلوس واحتمال يفتح مشروع او ما اعرفش هيعمل ايه بس يوم ما تعوزي تشوفيه هتشوفيه بس مش هتعيشي في الفيلا هتعيشي معانا في القصر.

امنيه بدموع : لا حول ولا قوه الا بالله ، انتوا اترهنتوا عليا ولا اكاني انسانه اكاني لعبه ، لو كنت جيت وقولتلي كنت هوافق انا بحب اعالج المريض بس بالطريقه دي في اهانه ليا أن حد يقرر مصيري ،يتحكم فيا يجبورني اني اعمل اكدا لمجرد رهان.

على ببتسامه: رحيم طيب قبل ما يعمل الحادثه كان شخص فرفوش بيساعدني في شغلي وبيهتم بدراسته ، بيساعد الناس ، بعد ما حصلت له الحادثه بقى عباره عن انسان عايش من غير هدف الحزن ماليه نفسي يموت انا مش عارف ليه حسيت ان انت هتقدري تغيريه وتخليه يبتسم.

الدكتور قال ان العامل النفسي ومع العلاج هيقدر يتحسن بس هو حالته النفسيه وحشه ارجوكي يا بنتي وافقي وتعالي.

اتاثرت امنيه من كلامه.

امنيه : حاضر يا عمو هقوم اجيب لبسي وجايه.

قامت امنيه ودخلت اوضتها وبدات تلم لبسها ودموعها نازله على خدها ولمت هدومها وكل حاجه هتحتاجها ولبست بنطلون جينز وبلوزه وراحت على اوضه والدها لقيته غرقان في النوم.

بدأت امنيه تصحيه وتهز فيه علشان يصحى.

امنيه : بابا يا بابا.

خالد : مشي يا امنيه عايزه انام.

امنيه بدموع : انا هروح مع عمو علي القصر مش هتودعني.

غطي خالد وشه بالبطانيه واداها ظهره ، بصتله بخيبه امل وكسره ، كانت متوقعه أنه هيرفض وهيطلع يدي الفلوس ل على ويقولها مش هسمح أن بنتي تخرج برا بيتها وياخدها في حضنه خاب أمله بصتله بدموع ووجع ، وجرت شنطتها وخرجت لاقت على في انتظارها.

اخذ علي منها الشنطه وجرها وهو بيقول: يلا يا حبيبتي اركبي العربيه.

ركبت امنيه جنبه وهو راكب وطلعوا على القصر وامنيه شارده وحزينه.

وبعد مده وصلوا.

علي : انزلي يا حبيبتي يلا وصلنا.

نزلت امنيه ونادى علي على الخدامه.

على : يا صفاء خودي شنطه الهانم وطلعيها فوق في اوضه اللي جنب جناح رحيم ورتبى هدومها ونظفوا الاوضه كويس.

صفاء : حاضر يا بيه.

علي : تعالي يا حبيبتي يلا معايا عشان اوريكي اوضتك وجناح رحيم.

طلعت امنيه وراه.

علي: دي الاوضه بتاعتك وده جناح رحيم ابني اللي انت هتعتني بيه.

ابتسمت امنيه.

على: تعالي اوريكي رحيم ومروه ومامته هتعرفك امتى هياخد العلاج والدكتور هيجي كمان نص ساعه يكشف عليه ويكتب له على ادويه وهيعرفك حالته.

فتح عليه الاوضه على رحيم وكانت مروه قاعده جنبه وبتكلمه علي ده رحيم ابني ودي مروه مامته بصت امنيه على رحيم اللي كان راقد في السرير كان شاب وسيم لكن على وشه حزن وتعب شديد وبصيت لامنيه بحزن وشفقه بص لها رحيم بحزن.

مروه : تعالي حبيبتي هي دي الي هتعتني بيه يا على.

على : ايوه دي امنيه ، امنيه دي مروه مراتي.

امنيه : اهلا بحضرتك اتشرفت بحضرتك.

مروه : الشرف ليا حبيبتي.

مروه بحزن : زي ما انت شايفه رحيم رحيم في السرير بالشكل ده بقى له سنتين دلوقتي انا هعرفك على الادويه بتاعته .

مسكت شريط علاج وقالت :ده بيتاخد مرتين في اليوم ، والشريط الاحمر ده بيتاخد مره بعد الغداء ، وبدأت تعرفها امتى ياخد الادويه.

امنيه : تمام فهمت.

على : هروح الشركه سيبها ي مروه معاه شويه.

مروه : تمام حبيبي.

خرجت مروه وعلي ،وقعدت امنيه على الكرسي اللي جنب السرير بتاع رحيم.

امنيه بابتسامه : ازيك يا رحيم عايزه اقول لك قبل ما تبدا تاخد علاج والدكتور يجي يشوف حالتك خلي عندك امل وما تياسش من رحمه ربنا وان شاء الله العلاج يجيب نتيجه بس عايزه دايما اشوف ابتسامتك اكيد شكلك احلى ببتسامتك بدل الحزن ده كله ها مش هتوريني ابتسامتك الحلوه.

غير رحيم وشه الجنب التاني.

وقفت امنيه وراحت له.

ابتسم رغم المك وحزنك دا اختبار من ربنا وبيشوفك هتتحمل ولا لا ادعي الدعاء بيغير القدر خلى املك بي ربنا كبير وعمرك ما هتتحسن الي لما يكون عندك عزيمه ورغبه انك تتغلب على المرض.

ابتسم رحيم لها.

امنيه : الله ابتسامتك جميله ميلقش على الوسامه دي الحزن.، انا امنيه ممكن نبقى أصحاب ، وبعون الله هساعدك لما الدكتور يجي ويعرفني الحاله بتاعتك ، عايزه اقول لك حاجه انا في سنه 3 كليه صيدليه ده سيري بيني وبينك مش عايزه حد يعرف ولما تخف ان شاء الله هقول لك السبب.

وفجاه سمعت صوت حد بيخبط الباب راحت وفتحت لقيت الدكتور وبدات الدكتور يكشف على رحيم وبعد ما انتهى الدكتور من الكشف عليه.

امنيه : دكتور ياريت حضرتك تغير له الادويه دي لان انا اعتقد ان بقاله فتره ماشي عليها وحسب حالته لازم يتغير الدوا وانا عايزه اعرف ايه اللي عنده بالظبط.

الدكتور: ......

.

رواية الخادمه والمعاق الفصل الثالث

الدكتور : للاسف يا انسه ما فيش تحسن مع ان المفروض الادويه اللي اخدها تعمل معاه تحسن على الاقل يقدر يحرك صوابع ايده لكن بقاله سنتين على الوضع ده جربت ادويه كتير وعملت سيرش كثير عن حالته بس ما فيش حاجه عامله تأثير.

امنيه : طيب ممكن اعرف ازاي قدر يوصل للحاله دي.

الدكتور هو عمل حادثه من سنتين لان فرامل العربيه كان ملعوب فيها وعمل حادثه كبيره جدا ونجا منها باعجوبه وفي ناس انقذوه جابوه المستشفى كان جاي حرفيا متكسر وجسمه كله كدمات وكسور كثير جدا مضاعفه في جسمه وكان وجاله نزيف هو المفروض ان كان بعد الادويه يبدا يتحسن على اقل بعد ست شهور لكن ما فيش تحسن خالص ولقيناه ان هو بينضر اكتر.

امنيه طب ممكن تكون الادويه مش مناسبه ليه الدكتور ازاي مش مناسبه ليه ماسك الدكتور شريط وقال ده الشريط ده اقرئي الروشته بتاعته وهتعرفي ان هو مناسب ليه.

امنيه طب حضرتك غير له الادويه وشوف ادويه تانيه.

الدكتور: تمام يمكن يتحسن.

وكتب الدكتور على الروشته الادويه وإدها لي امنيه وخرج.

كانت مروه قاعده في الجنينه بتشرب الكوفي بتاعها ونزل الدكتور وقفت مروه.

مروه : دكتور طمني في تحسن.

الدكتور : للاسف مفيش تحسن.

في اوضه رحيم كانت امنيه قاعده معاه وبصت لقيت الدكتور مشي وبصت قبل ما تقفل الباب تشوف في حد جاي ولا لا لكن ما فيش حد جاي قعدت وهي بتقول مش عارفه انا ليه حاسه يا رحيم ان الادويه دي لها سبب في عدم تحسنك بس ازاي والدواء دا خاص بحالتك والمفروض بالمواظبه عليه تتعالج لكن المشكل أن مفيش تحسن بنسبه 1%.

بصلها رحيم كتير وبدأ يحرك دماغه واكنه بيحاول يقول حاجه.

مسكت امنيه أيده وقالت : قول حاول تتكلم أو تعمل اشاره اي سبب عدم تحسنك اكيد انت عارف.

رحيم بيهز راسه ويحركها تجاه رف الادويه.

امنيه : مش فهمه حاول تشاور بي ايدك.

بدأ رحيم يحرك صابع واحد تجاه الدواء.

امنيه : عايزه تاخد الدواء.

بص لها رحيم بغضب وكأنه بيلعن غبائها لانها مش قادره تفهمه.

امنيه: اهدى ما تتعصبش هجيب الدوا وعرفني انت عايز ايه.

وراحت امنيه اخذت كل الدوا اللي كان محطوط على الرف وحطيته قدامه.

امنيه: ايه عايز تقول ايه على الدواء.

بث رحيم على الدواء وبدا يهز راسه بالنفي.

امنيه : مش عايز تاخد الدواء.

بص لها رحيم بغضب اكبر وهز راسه بالنفي مره ثانيه.

امنيه : اسفه مش فاهماك.

بص لها رحيم بحزن وكسره و نظرته ليها حسيستها بنغزه في قلبها.

امنيه بعد تفكير وصمت طال بنهم : طيب الدواء في مشكله هو السبب يعني.

ابتسم رحيم وهز رأسه بالموافقه.

وفي اللحظه دي دخلت مروه.

مروه: طمنيني يا امنيه رحيم تعبك ولا حاجه لو حابه ترتاحي وتخوشي تريحي في اوضتك وانا اقعد معاه بدالك تمام.

امنيه : لا خالص يا طنط لا تعب ولا حاجه.

مروه : ماشي يا حبيبي الله يجازيكي خير.

وخرجت مروه وبصت امنيه في كل اتجاه وعايزه تتأكد أن مفيش حد في الوضه غيرها هي ورحيم.

امنيه: رحيم كل الادويه دي هتتغير وهجيب الادويه الجديده هنادي للحارس يشتري.

ناديت امنيه على الحارس يشتري الدواء واخذ الحارس الروشته وراح الصيدليه يشتري الدواء وبعد مده جاء، كانت مروه قاعده في الصالون وشافت الحارس في ايده الدواء.

مروه : تعالي عثمان انت جايب الدواء ده لمين.

عثمان: دا الهانم اللي بتهتم برحيم باشا طلبت الدوا ده.

مروه ببتسامه : طب هاته وانا اطلعه لاني عايزه اقعد مع رحيم شويه.

أعطى الحارس الدواء لمروه وطلعت اوضه رحيم وكانت امنيه قاعده مع رحيم بتقرأ روايه وبتسمع رحيم وهو مبتسم وبيسمعها.

خبطت مروه مده العلاج لامنيه وقعدت معاهم شويه وكانت امنيه بتهزر ورحيم مبتسم ومروه بتضحك.

وبعد مرور اسبوع كانت امنيه بتدى العلاج لي رحيم ومنتظره بعد شهر يتحسن ، وكان رحيم بيحبها تقعد معاه بتنسيه مرضه وأنه مش قادر يتحرك وبافضل تتكلم معاه وهو بيسمعها وبتقرأ له روايات ، وسلاسل كتب عن الحياه والامل ، وهو بينسى أنه مريض وهو معاها.

في البار كان قاعد خالد بيشرب ويتفرج على البنات وهي بترقص ونادى على بنت وجات بنت وكان لبيان مبين مفا*تن جسم*ه‍ا ومئات بدلع عليه وطلعوا على اوضه من توض البار ودفع ليها فلوس وووو.

في صباح يوم جديد صحيت امنيه واخدت شاور ولبست سالبتو وربطت شعرها ديل حصان وبدأت تقرأ عن حاله رحيم وتعرف ازاي تقدر تعالجه ، وراحت له.

ودخلت وكان نايم بدأت تفتح الشبابيك وتدخل ضوء الشمس ليه ، فتح رحيم عينه وابتسم لها.

امنيه ببتسامه : صباح الخير يا جميل.

غمضت رحيم عيونه وابتسم وكأنه بيقولوا صباح الخير.

ابتسمت امنيه لانها فاهمه الاشاره.

امنيه : يلا علشان اكلك وتاخد الدواء.

بدات امنيه تاكل رحيم وكان رحيم بيبص لها بابتسامه وهي بتبتسم له وبعد ما اكلته اديت له العلاج.

امنيه : بص يا عسل هحكيلك انهارده عن نفسي ، اي رأيك.

هز رأسه بحماس وابتسم.

امنيه : تعرف اني اكتر حاجه بحبها قراءه كتب عن الطب وتجارب ناس قبلي ، واقرء عن اكتشافات علاج جديد يخلى حالت المريض تتحسن وحاليا انا بعمل كدا ومنتظره بعد شهر حالتك هتتحسن ولا لا؟

المهم : هسألك وانت لو موافق هتهز راسك ولا اقولك حاول تحرك صوابع ايدك لان لازم تحركهم علشان تتحسن عارفه ان الموضوع صعب بس مش مستحيل بالعزيمه والاراده هتعمل المستحيل تمام.

السؤال الاول : بتحب اللبس الكاچوال.

هز رحيم رأسه وحاول يحرك صوباعه.

ابتسمت امنيه : حلو اوي.

امنيه : بتحب تقرأ كتب عن اداره الاعمال ولا الطب والمره دي حاول ترفع صوابعك الاثنين وتختار لو الخيار الاول الصابع الاول لو الخيار الثاني هيبقى الصابع الثاني تمام.

حاول رحيم يرفع صوابعه الاثنين لكنه مش قادر مسكت امنيه ايده وحاولت تساعده وهو حرك صباعه الاول بعد دقائق من المحاوله والفشل ولكنه في الاخر قدر انه يحركوا.

وقفت امنيه وضحكت وقالت وهي بتسقف : براڤو رحيم أن شاء الله هتتحسن.

ابتسم رحيم بشده ودمعت عيونه من الفرحه.

وبعد مرور ثلاث اسابيع كانت امنيه قرات كتير عن حاله رحيم وعرفت حاجات كثيره وازاي تقدر تساعده.

والنهارده هيبان اذا كان هيقدر يحرك أيده كلها ولا لا لان دا هيوضح تأثير العلاج إذا كان عمل نتيجه أو لا؟

دخلت امنيه اوضه رحيم وفي ايديها الاكل كان رحيم صاحي.

امنيه : رحيم حاول تحرك ايدك.

وانصدمت امنيه لما رحيم.......

رواية الخادمه والمعاق الفصل الرابع

سبحان الله وبحمده سبحان الله العظيم.

امنيه : رحيم حاول تحرك ايدك.

وانصدمت امنيه لما رحيم مقدرش يحرك أيده،حطت امنيه صنيه الاكل على الكوميدينو ، وقعدت جنبه.

امنيه بصدمه : ر ..رحيم ازاي مش قادر تحرك ايدك انا كل يوم كنت لتساعدك تحركها ، في حاجه غلط معلشي حاول تحرك ايدك هتقدر وانا معاك.

بص لها رحيم بحزن وألم وهز رأسه بمعنى مش قادر.

امنيه : هات ايدك.

ومسكت أيده وبدأت تحاول تحرك في ايده وتخليه يحرك بس مفيش استجابه.

امنيه : لا اكيد في حاجه غلط رحيم متقلقش انا معاك وبعون الله هتخف ، هتصل بدكتور صديقي في المانيا فديو كول ، لاني انا سافرت هناك واتعرفت عليه وهيشخص حالتك ويعرف سبب عدم تحسنك ، دقائق وجايه هجيب اللاب توب بتاعي.

وراحت امنيه اوضتها وجابت اللاب توب ودخلت وقفلت الاوضه وفتحت اللاب واتصلت بالدكتور وفتحت الكاميرا ، وبدأت تتكلم بالانجلش.

الدكتور : ?Hi Omnia, How are you

الترجمه : مرحبا يا امنيه ، عامله ايه؟

امنيه: ?Fine Thanks, and your presence

بخير شكرا ، وحضرتك عامل ايه؟

الدكتور : .I'm good

الترجمه : انا كويس.

امنيه: I want to ask you about a patient who has never moved, just flat in bed for two years, and no treatment has affected him.

الترجمه:اريد ان استفسر منك بخصوص حاله مريض ، لم يتحرك ابدا فقط متسطح على الفراش منذ سنتين ، ولا يؤثر اي علاج عليه.

الدكتور بستغراب: How is that wrong you have to make sure everything is right, at least it has to be 40 percent better.

الترجمه: كيف هذا يوجد خطأ ما عليك التاكد أن كل شى سليم ، على الأقل يجب أن يكون قد تحسن بنسبه 40 %.

امنيه : I doubt the treatment even though the package is labeled appropriate for his condition, and everyone cares about him and the doctor always examinates him but there's no improvement, what should I do to make him better.

الترجمه: انا اشك في العلاج على الرغم من أن العبوه مكتوب عليها انها مناسبه لحالته ، والجميع يهتم بيه والدكتور يفحصه دائما ولكن لا يوجد تحسن ، ماذا عليا أن أفعل لكي يتحسن.

الدكتور: I want to see the patient, see what the treatment looks like, open it up and see what the pill looks like.

الترجمه : اريد ان ارى المريض واري شكل العلاج وافتحيه لأرى شكل قرص الدواء.

امنيه : .ok

الترجمه : تمام.

امنيه وجابت العلاج اللي كان على الرفش وشالت اللاب توب وبدات توري للدكتور حاله رحيم وكانت دكتور بيبص على حالته ومركز جدا.

امنيه : I've been trying to move his fingers for a month now, but there's no improvement, and I don't know what's wrong.

الترجمه : حاولت تحريك أصابعه منذ شهر الى الآن ولكن لا يوجد تحسن ، ولا اعرف ما الخطأ، ممكن تساعدني.

الدكتور:Check the shape of the disk and make sure it is original. It is certain that the name of the treatment is stamped on the disk, but if it is not stamped, it is imitation or a cure error.

الترجمه : افحصي شكل القرص وتأكدى من أنه الاصلي من المؤكد ان يوجد على القرص ختم اسم العلاج على القرص ، لكن إن لم يوجد عليه ختم فأنه التقليد أو علاج خطأ.

بدأت امنيه تبحث على الانترنت على العلاج الاصلي وتقارن الي معاها ولاقت أن كلام الدكتور صح وان دا مش العلاج الحقيقي.

امنيه بصدمه : You're right, the cure is not original.

الترجمه : كلامك صحيح العلاج ليس الاصلي.

الدكتور : There is a treatment that has been exported from Germany to Egypt that is very suitable for its condition. I will send you a picture of it in a letter, give it this treatment, and I want you to go to the lab and give them this fake tablet and find out what it is and what it is. It looks like a conspiracy. If you need something, I'm there, don't worry. Bye, my friend.

الترجمه : يوجد علاج تم تصديره من المانيا الي مصر مناسب لحالته جدا، سأرسل لكي صورته في رساله ، واعطيه العلاج هذا ، واريدك أن تذهبي الي معمل التحاليل وتعطي لهم هذا القرص غير حقيقي واكتشفى ماذا يسبب هذا العلاج له وما نوعه ، يبدو أنها مؤامره، وإذا احتاجتي لشئ انا موجود لا تقلقي ، الي اللقاء صديقتي.

امنيه:

Thank you. Goodbye, beautiful Doctor.

الترجمه :شكرا لك مع السلامه ايها الدكتور الجميل.

وقفلت امنيه مع الدكتور وبعت لها رساله فيها اسم الدواء وشكله.

امنيه همست في ودن رحيم.

امنيه بهمس : رحيم افرح 6 شهور وهترجع زي الاسد ، جدد املك متيأسش من رحمه ربنا دا اشطر دكتور بي المانيا وعندى امل وثقه بالله أن العلاج هيعمل نتيجه وهتتحسن ابتسم عايزه اشوف ابتسامتك الحلوه قبل ما امشى.

ابتسم رحيم وبص لها وعمل اشاره بعيونه ورأسه بمعنى هتروحي فين.

امنيه : اكيد مش هسيبك بس كل الموضوع عايزه الحق عمو على أخد منه فلوس للعلاج لاني مش معايا فلوس ، واشترى العلاج بنفسي علشان ميحصلش خطأ شكل الدكتور بيكتب علاج غلط او ممكن يكون في حاجه بتحصل واحنا مش عارفين.

بدأ رحيم يهز راسه بهستيريا ويحركها ويبص لها نظرات ويغمض ويفتح عيونه.

امنيه بقلق وخوف : ر..رحيم في ايه مش فاهمه اهدا .

بس رحيم مازال بيحرك رأسه وعيونه بهستيريا.

حطت امنيه ايديها على وشه وكأنها بطمنه.

امنيه : أهدى متقلقش انا معاك.

بص لها رحيم بحزن لانها مش قادره تفهمه.

امنيه : اقل من ساعه هكون قدامك بإذن الله.

نزلت امنيه ولقت على في المكتب خبطت ودخلت بعد ما أذن لها تدخل.

امنيه : ازيك يا عمو.

على : الحمدلله.

امنيه : دايما بصراحه دواء رحيم خلص وعايزه فلوس اشتري له الدواء.

طلع على فلوس من جيبه واداها الفلوس، وكمان فلوس تانيه.

على : وادي 5000جنيه لكي اشتري الي عايزاه.

امنيه : شكرا بس مش محتاجه.

على : ازعل لازم تاخديهم.

وبعد إصرار منه اخدتهم ،وراحت امنيه الصيدليه وقالت للصيدلي على اسم العلاج واشتريته ، وكان سعره غالي دفعت الفلوس وراحت المول اشتريت تيشرت لي رحيم ، ولبس ليها ،واشترت فازه فيها ورد طبيعي ، وروحت القصر.

وصلت القصر ولاقت مروه في الجنينه بتسقى الورد.

مروه : امنيه كنتي فين حبيبي.

امنيه : كنت بشتري لبس ليا ولرحيم.

مروه شافت لبس في ايديها وابتسمت.

مروه : ماشي حبيبي اطلعي لرحيم.

طلعت امنيه ودخلت لرحيم وبمجرد ما شافها ابتسم وبص لها كتير وكان عيونه بتتكلم.

امنيه : اسفه والله، عارفه اني اتاخرت عليك، بس كان لازم اشترى ورد لان في الربيع بتبقى ريحته حلوه وغير كدا بيدي امل وتفاؤل.

ابتسم رحيم قربت امنيه وقالت : تشم الورد.

هز رأسه بالموافقه.

قربت منه وبدأ يشم الورد ويغمض عيونه ويبتسم.

امنيه : عجبك.

هز رحيم رأسه وابتسم.

امنيه : دا العلاج الاصلي وفعال خود القرص دا.

واديته العلاج وشربته المياه و بدأت تتكلم معاه وتحرك أيده ورجله.

بعد مده.

امنيه : رحيم لازم تنام تصبح على خير.

وبعد مرور 3 ايام من الاحداث دي امنيه بتدى العلاج لرحيم وبتساعده يحرك أيده وبتتكلم معاه.

في صباح يوم جديد صحيت امنيه وخرجت من القصر وكانت الصدمه لما.....

رواية الخادمه والمعاق الفصل الخامس

لا اله الا الله.

في صباح يوم جديد صحيت امنيه وخرجت من القصر وكانت الصدمه لما وصلت معمل التحاليل وسألت الدكتور عن النتيجه.

امنيه : دكتور ايه نتيجه التحليل واي تركيبه الدواء.

الدكتور : بصى يا دكتوره الدواء دا مش الاصلي يعني مكتوب عليه نوع الدواء الحقيقي الي هيعمل مفعول ، لكن التركييه الي جوه بدمر صحه الشخص ، بتخليه زي المشلول حالته مش بتحسنن وممكن تسوء لو استمر الدواء دا الشخص المريض ياخده فتره طويله احتمال 55% يفضل بالشكل دا حتى لو أخد العلاج الاصلي.

امنيه بصدمه: معقوله المفروض اعمل شكوى على الشركه دي.

الدكتور : لا الي عمل كدا شخص ذكي، وعارف هو بيعمل ايه ، لان محدش يقدر يعرف أن الدواء هو الي بيأثر عليه.

امنيه : تمام شكرا لحضرتك ، الله يجزيك خير.

تعالوا بينا فلاش باك.

"يوم ما امنيه خرجت واشترت لبس ليها ولرحيم واشترت الدواء ودت العلاج للدكتور يفحصه وبعد 3 ايام راحت تشوف النتيجه وطبعا محدش يعرف غيرها ".

باك.

ركبت امنيه التاكسي وفضلت تفكر كتير ياترى مين الي عايز يإذي رحيم كدا ، وايه مصلحته.

امنيه في نفسها" الدكتور الي بيتابع حالته مالوش ذنب إنما في حد بيبدل العلاج لان الروشته العلاج الي فيها بيأثر بالايجاب إنما الدواء الي بيتبدل بيأثر بالسلب ، اخر مره الدواء الحارس جابه بس طنط مروه هي الي طلعته ، في لغز في الموضوع يا الحارس ليه يد في الموضوع ،يا اما لا لا مش معقول مروه متعملش كدا في ابنها ، ياربي دماغي هينفجر مين الي بيعمل كدا ، لازم اراقب من بعيد".

فاقت امنيه من شرودها على صوت السائق : يا انسه وصلنا.

نزلت امنيه وحاسبته ودخلت القصر.

على ومروه كانوا قاعدين مع بعض وبيشربوا قهوه.

امنيه : السلام عليكم.

على ومروه: وعليكم السلام.

على : اي يا مروه كنتي فين بتزوري خالد.

امنيه بتوتر خفيف : ا اه يا عمو بس ملتقهوش رحيم صحى.

على : اه اطلعيله.

طلعت امنيه ولاقت رحيم بيبص على الباب ولما شافها ابتسم.

امنيه : رحيم عامل ايه يا بطل.

هز رحيم رأسه بمعنى الحمدلله.

امنيه وهي بتقعد على طرف السرير جنبه : عندى ليك خبر انما ايه فل؟

بص لها رحيم وحرك عيونه بمعنى ايه هو ؟

امنيه : بص يا باشا بإذن ربك بعد 6 شهور هتتحسن بنسبه 60% اه والله متستغربش دي حقيقه ، قولك على سر خطير سبب عدم تحسنك.

اتفاجئت امنيه أنه نزلت راسها لتحت وكأنه عارف السبب ، ومش متلهف علشان يعرف سر عدم تحسنه.

امنيه وهي بترفع وشه بي ايديها وبتبص في عيونه : ر رحيم انت عارف السبب صح؟

رحيم وعيناه مليانه بالدموع هز رأسه بالموافقه.

امنيه : يعني انت كنت عارف ان الدواء هو السبب وأنه بيأثر عليك بالسلب وبردك بتاخده ليه معملتش اي حركه تعرفني أنه غلط ، انت عارف معنى انك تاخد الدواء الغلط لمده سنتين دا ايه أن احتمال لقدر الله متتحسنش كتير.

نزلت دمعه من عينه وبدأ يعمل إشارات بعيونه ورأسه والمفاجأه أنه حرك صابع أيده.

امنيه : انت تقصد انك فاقد الامل وعدم اعتراضك على أخد الدواء انك معتقد انك كدا كدا ميت.

ولفت انتباها ان رحيم حرك صابع ايده.

امنيه بفرحه : رحيم انت حركت ايدك في امل يا رحيم جدد املك بدايه تحسنك.

بص رحيم على صابعه الي قدر يحركه وابتسم وبصلها بحب وعيون مدمعه.

امنيه : يلا خود العلاج واديته العلاج واكلته وطلعت كتاب كان بيتكلم عن الامل والصبر وبدأت تقرأ وهو يسمعها وهو سعيد وبقى عنده امل أنه هيتحسن بعد ما كان فاقد الامل.

وفجاه دخلت مروه وقعدت معاهم وباست راس رحيم.

مروه : رحيم يا حبيبي عامل ايه.

امنيه : الحمدلله حالته النفسيه اتحسنت كتير.

مروه : ربنا يتمم شفاءه على خير.

وخرجت مروه وفضلت امنيه تحرك ايد وصوابع رحيم وبتحاول يخليه يحركهم بنفسه لكنه مش قادر.

وبعد مرور 3 شهور كانت حاله رحيم اتحسنت ، وعلى ومروه فرحانين جدا ، وامنيه بتراقب كل الي موجودين بالقصر على أمل تعرف مين الي بيعمل كدا لكنها مش قادره تعرف، لكن كانت بتحري انها تعمل له الاكل بنفسها ، وتحضر العصائر ليه بنفسها ، منعا لحدوث أي غلط ميخلهوش يتحسن ،طلعت امنيه اوضه رحيم.

وقعدت جنبه ببتسامتها المعتاده وهو ابتسم لها.

امنيه : طبعا انت دلوقت قدرت تحرك ايدك بي اكملها وصوابع رجلك ويدوبك بتقعد واحنا بنسندك ، مش اقل من دقيقتين ، بس الحمدلله احنا كنا فين وبقينا فين ، فاضل اسمع صوتك الحلو دا واشوفك بتمشي قدامي ، شوفت لما قولتلك ان بعد العسر يسر ، يلا ارفع ايدك الحلوه وحرك صوابعك وكول بنفسك.

بدأ رحيم ياكل لوحده وهو فرحان وامنيه فرحانه.

رحيم : اي رأيك ننزل الجنينه دا هيكون اول يوم ليك تخرج من اوضتك بعد مرور اكتر من سنتين ، على الأقل تشوف جمالها وتشم هواء وتاخد طاقه ايجابيه.

عمل رحيم حركه بي ايده بمعني ازاي هنزل واقعد تحت وانا لسه متحسنتش كليا.

امنيه : عارفه عملت حسابي جبت ليك كرسي متحرك كهربائي هتتحرك بسهوله وهتقدر تحرك نفسك وهتحس بالفرحه مجرد ما تغير روتين تواجدك كل يوم في الاوضه.

جابت امنيه الكرسي المتحرك ونادت على الحرس يشيلوا رحيم يقعدوا على الكرسي ، وقعد رحيم على الكرسي وساعدتوا ينزل الجنينه.

ونزل الجنينه وفضلت يضحك زي الاطفال وكأنه التحرر من سجنه اخيرا شاف جمال الطبيعه والحشائش الخضراء فضل يستنشق ريحه الورد ويتحرك بالكرسي وهو طاير من فرحته وامنيه عيونه مدمعه من الفرحه وعلى في البلاكونه سعيد أنه شايف ابنه مبسوط وبيتحسن وامنيه ماشيه جنب رحيم وبتقطفله ورده يشمها وفضلت تتكلم معاه وهو بيسمعها.

امنيه : رحيم انا هروح اجيب حلوياتك المفضله الي صفاء عملتها ليك مخصوص ، اجدع كنافه وبسبوسه الي رحيم بيموت فيهم وانا كمان بحبهم 10 دقائق وهاجي.

ابتسم رحيم وفضل يبص على القصر والجنينه وكأنه لاول مره يشوفهم.

مشيت امنيه في الجنينه ولكن وقفت لما سمعت اخر حاجه ممكن تتوقعها وانصدمت لما سمعت......

ح

مشيت امنيه في الجنينه ولكن وقفت لما سمعت اخر حاجه ممكن تتوقعها وانصدمت لما سمعت مروه بتتكلم في الفون.

وبتقول : ايوا رحيم اتحسن كتير.

وسكتت لانها بتسمع الشخص.

وفجأه قالت : مش عارفه بس باينه العلاج جاب نتيجه.

مشيت بسرعه قبل ما مروه تلاحظ وجودها وتعرف أنها عرفتها.

امنيه بصدمه وهي داخله المطبخ : لا لا لا معقول ام تعمل كدا في ابنها معقول طنط مروه تإذي ابنها طب ليه جالها قلب تشوفه بيتعذب ومش قادر يقعد حتى على السرير ، بجد قلوب البشر باقت اقسى من الحياه علينا ، انا لازم اعرف عمو على بالحقيقه لانها ممكن تإذيها بي اي طريقه ، ومضمنش هتعمل ايه فيه ، لازم اتصرف بسرعه.

ودخلت المطبخ وخلت ملامح التوتر أو أنها بتفكر في حاجه.

امنيه : طنط صفاء الكنافه جاهزه.

صفاء وهي بتديها طبق الكنافه : اه يا بنتي اتفضلي بالهنا والشفا.

اخدت امنيه الصينيه منها وراحت الجنيه وساعدت رحيم ياكل وهو اكلها وهي اتفاجئت بس كلت وابتسمتله ، وحس بشعور حلو من قربهم من بعض.

وسرحت امنيه انها ازاي هتكشف مروه وهي مش معاها دليل وهل على هيصدقها هو بيوثق في مروه كتير و فاقت من شرودها على رحيم وهو بيشاور بي أيده قدام عيونها.

امنيه ببتسامه : رحيم.

عمل رحيم اشاره بي ايده ورأسه بمعني روحتي فين.

امنيه : ولا حاجه سرحت شويه ، ها نطلع فوق ولا نتمشى في الحديقه.

ابتسم رحيم وشاور بي ايده على الحديقه.

امنيه : تمام نتمشى.

وحركت الكرسي وبدأوا يتمشوا لكنها مش مركزه معاه كل بالها وتفكيرها ازاي هتكشف مروه.

وبعد ساعتين دخلت امنيه رحيم وقعدوا في الصالون وشغلت الشاشه يتفرجوا على فيلم وعملت فشار وكانوا بيضحكوا ويزعلوا وعايشين مع الفيلم لحظاته وفي نهايه الفيلم دخل على ومروه مع بعض وهما بيضحكوا.

وقفت امنيه : عمو لو سمحت عايزه حضرتك في موضوع ضروري جدا.

على : اتفضلي يا بنتي.

وقفت امنيه ورا رحيم وقالت بنفعال وعصبيه خفيفه : مش عارفه اذا كنت هتصدقني ولا لا بس عايزه اقول لحضرتك السبب الي وصل رحيم لحالته وعدم تحسنه رغم العلاج والدكاتره الي فحصوه ، هي مروه هانم.

وهنا كان كل القصر اتحمع لان صوتها في فيه كزن وانفعال والكل شهق ، بص على على مروه والي لقي الدموع مغرقه عيونها وكل الخدم بيتهامسوا ورحيم بيوزع نظراته على الكل وعيونه كلها دموع.

على بغضب شديد : امنيه مسمحلكيش تتخطى حدودك مروه خط احمر ، ولو كلمه زياده خرجت منك غلط في حقها هتشوفي ردت فعلي مش هتعجبك.

امنيه بإصرار: لا يا عمو عارفه انها صدمه للكل وانك ممكن متصدقنيش لان مش معايا دليل ، السبب في عدم تحسن رحيم هو الادويه الي كان بياخدها كان الدواء بيتبدل ويتحط دواء نفس الشكل لكن تركيبه مختلفه بدمر صحته تدريجيا.

وطلعت اوراق من جيب بنطلونها.

امنيه : ودي تحاليل تثبت الي بقوله أنا اتواصلت مع دكتور الماني وقدر يعرف دا وغيرت ادويته في السر وكنت أخد من الدواء المزيف قرص وارميه وأدي لرحيم العلاج الاصلي ، علشان اكشفها على حقيقتها ، الحارس ابعته يجيب العلاج تاخد مروه هانم منه العلاج وتطلعه ليا والدواء يتبدل ، إذن محدش غيرها عمل كدا وغير كدا سمعتها بتتكلم في الفون الصبح وبتقول أنه الدواء هو الي حسنه وأنه اتحسن وكان باين علي شكلها انها مش فرحانه بتحسنه.

الكل ساكت ومصدوم ومروه بتعيط.

مروه بدموع: حرام عليكي يابنتي ليه تعملي كدا دا مش دليل انتي حطيتي كل الادله واثبتيها على طريقتك ، واكملت بشهقات متتاليه : مش معنى اني مرات باباه اني بكره ، ربنا يعلم انا بحبه قد ايه وانا مبخلفش ، ورحيم انا الي ربيته بعد وفاه مامته صديقتي الله يرحمها.

اعتبرته ابني وعوض ربنا ليا ، وعمري ما عملته على اساس اني مرات ابوه طول فتره مرضه كنت ملازماه وبحلول اخفف عنه ولما انتي جيتي انا بعدت شويه وقولت انتي من سنه وهتقدري تحسنه حالته ، بس عمري ما كنت اتوقع انك تتهميني أن انا السبب في عدم تحسنه الله يسامحك.

وطلعت مروه تليفونها وقالت : المكالمه متسجله وهسمعك الحقيقه وانك غلطتي لما مسمعتيش باقي الحوار.

وشغلت المكالمه وكانت بتقول لصحبتها : اه اتحسن بسبب الادويه ، انا فرحانه جدا يا هدى ، الحمدلله ربنا استجاب لدعواتي ، صحتوا اتحسنت جدا ، ربنا يتمم شفاءه على خير ، هو ابني الي مخلفتهوش.

هدى : الحمدلله ربنا يسعدكم.

مروه : الحمدلله أن تلفوني بيسجل المكالمات والا كان زمانكم مصداقينها.

وعيطت بشده وفجأن وقعت على الارض مغمى عليها وامنيه مصدومه وعلى بيبص لي امنيه بتوعد ورحيم مصدوم.

على بصراخ : مروه.

وشالها وطلب الدكتور وجا الدكتور وفحصها.

الدكتور : ضغط دمها انخفض وهي دلوقت افضل واحسن ياريت محدش يزعلها.

نزل على لي امنيه الي كانت مازالت وقفه من الصدمه ومش مصدقه كل الي حصل.

على بصوت عالي : امنيه.

وشدها من ذراعها بقوه ورحيم بيعمل إشارات يوقف والده وعلى مش شايف الي مروه الي امنيه ظلمتها وخرج رحيم وراهم بالكرسي المتحرك وشاف والده وهو بيرمي امنيه برا القصر ووقعت على الارض وهي بتعيط.

على : انتي حقيره ، مش معنا انك قدرتي تجيب علاج افضل لرحيم انك تتهمي مراتي حبيبتي ، كرامتها من كرامتي مش عايز اشوف وشك هنا تاني اخرجي برا القصر.

امنيه بدموع وهي بتقف : عمو اسمعني.

قفل على بوابه القصر في وشها ودخل ورحيم بيعط وبيشاور بي ايده على امنيه وبيحاول يتكلم أو يمنعه والده.

امنيه بدموع : ر رحيم.

وهي ورحيم بيبصوا لبعض وعيطوا ودخل على رحيم القصر ورحيم بيهز رأسه بنفي وبيبص على امنيه الي منهارة.

مشيت امنيه وهي بتعيط وكانت هتعمل حادثه وراحت ڤيله والدها ، والي كان برا البيت ودخلت اوضتها وفضلت تعيط.

وتقول : معقوله الي حصل؟

وبعد مرور 10 ايام كان فيهم رحيم رافض ياخد علاجه وبياكل بالعافيه ودخل في حاله اكتئاب ويبص لوالده بحزن ويعرفه أنه عايز امنيه بس والده رافض ، وفي يوم دخل على ولقي ابنه في حاله لا يرسى لها لقاه بيرتعش ، ووشه اصفر ورافض يأكل أو ياخد العلاج مقدرش على يشوف ابنه بالشكل دا.

واتصل بي امنيه واتراجها تيجي واعتذرلها لان رحيم محتاجها وأنه حالته النفسيه وحشه ، ورافض العلاج والاكل ،وهي لما عرفت ان رحيم حالته سائت راحت بسرعه على القصر.

طلعت امنيه اوضه رحيم وكان مروه على بيحاولوا يهدوا رحيم.

امنيه بدموع : رحيم.

وبمجرد ما سمع صوتها بصلها وارتسمت ابتسامه وفتح ايده لها وهي جريت وحضنته وعيطوا في حضن بعض.

امنيه بدموع : خلاص يا رحيم انا رجعت ، لازم تأمل وتاخد العلاج علشان تتحسن وعلشان خاطري.

مسح رحيم دموعها وبدأت تاكله واخد العلاج وعرف على أن امنيه مصدر سعاده ابنه.

امنيه : لو سمحت يا استاذ على ينفع اخد رحيم ونخرج برا.

على : اوك خودي السائق.

واخدت رحيم امنيه ونزلوا يخرجوا ويتمشوا في المدينه علشان تغير نفسيته.

امنيه : رحيم هجيب ايس كريم لينا خلينا ثابت هنا وانا هجيب.

ومشيت امنيه من قدامه وانصدم رحيم لما شاف....

هل مروه ليه يد في الموضوع ولا ايه ، وياترى رحيم شاف ايه؟؟

اصبحنا لا نعرف بأي مكان يختبئ السيئون ، فالجميع يتحدثون بالمثاليه🖤✨

مهما كانت الحياه صعبه ، ومهما كانت الابواب مقفوله ،فتأكد أن الذي شق البحر لموسى قادر على أن بفتح لك الابواب المغلقه..🙏

ومشيت امنيه من قدامه وانصدم رحيم لما شاف عربيه جايه بسرعه كبيره جدا وبتقرب من امنيه وامنيه بتبصله ومش منتبه بالعربيه ورحيم بيعمل إشارات بي ايديه انها تخلي بالها وهي مفكراها بيشاور لها متتأخرش وبدأت العربيه تقرب اكتر ورحيم مش عارف يعمل ايه بيحاول يتكلم ينادي عليها مش قادر.

رحيم في نفسه " لا لا انا لازم اعمل حاجه امنيه مش هسمح لي حاجه تتضرها ، مش هسمح لحاجه تتضرها انا افديها بحياتي.

رفع رحيم رأسه للسماء وقال برجاء ودموع: يارب احميها ، يارب ساعدني أنقذها اديني القوه يارب اقدر اتحرك تاني.

وبدأ يضغط على نفسه علشان يقدر يقف بس مش عارف وبص بدموع ليها ورفع عيونه للسماء وأصدر منه صرخه قويه وهو بيقول : يا الله ، ساعدني بالله!

وبدأت رجله تتحرك ، وقدر يحرك نفسه والصدمه لما قدر يقف ، مكنش مصدق أنه قدر يوقف ، وجري بي اقصى سرعه خلاص تكه وامنيه ممكن تروح منه.

حضنها وقعها ووقع معاها وقدر يبعدها عن العربيه وبقى هو تحت وهي فوقه ، واتأذى من أثر الوقعه ، والعربيه عدت بسرعه رهيبه.

رحيم بدموع وهو بيشيل شعرها من على عيونها : ا امنيه انت كويسه.

امنيه بدموع وهي بتحضنه : رحيم انت انت بتتكلم.

شددت رحيم على حضنها ودموعه نزلت انتي لكي الفضل بعد ربنا اني اقدر اقف على رجلي تاني.

بعدت امنيه عنه بكسوف ووقفت ، مثل رحيم أنه مش قادر يقف شدته امنيه علشان يقف فحضنها.

رحيم : مش عايزه تعرفي ازاي فجاه اتحركت.

امنيه : ازاي؟

رحيم : في عربيه كانت قاصده تموتك وتخبطك ، حاولت اعملك إشارات بي ايدي لكنك مفهمتنيش ، مقدرتش اشوف الانسانه الي حبتها وقدرت تديني امل ان اعيش ، بعد ما كنت فقدت الامل ، اديتني امل اني اعافر علشان اتحسن ، وادعي وميأسش من رحمه ربنا.

الانسانه الي قدرت تخليني اضحك من جديد تنسيني اني معا*ق ومقدرش اتحرك ، الي عافرت علشان تعرف سبب عدم تحسني ايه ، اتواصلت مع دكتور الماني تعبتي كتير. علشان تخليني اتحسن ، وبعد كل دا واشوفك قدام عيني وهتروحي مني وافضل ساكت دعيت ربي ، واستجابة دعوتي الحمدلله ضغطت على نفسي لغايت ما قدرت اقف واتكلم ، وانقذك.

قد ايه اتمنيت اليوم دا يجي ، اني اخدك في حضني واكون اتحسنت وقدرت اتكلم واتحرك واعترفلك بحوبي ، متعرفيش لما بعدتي عني ايه الي حصل اكتشفت اني ولا حاجه من غيرك انت النفس الي بتنفسه ، سكنتي روحي وعمر ما قلبي هينساكي.

وباس ايديها وقال : شكرا على وجودك في حياتي ، شكرا لدعمك وتعبك معايا ، انتي هديه ربنا ليا ، امنيه انا بحبك بحبككككككككك ، ومقدرش اعيش من غيرك ، انتي اجمل حاجه حصليتلي.

نزلت الدموع من عيناه وحضنته بكل حب وشوق وفرحه وقالت : وانا بموت فيك بحبك يا رحيم ،حمدلله على سلامتك.

رحيم : الله يسلمك.

ودخلوا مطعم وطلبوا اكل.

رحيم بحب وهو ماسك ايد امنيه : مالك حبيبي شكلك عايزه تقولي حاجه.

امنيه : عايزه اعرف حاجه طنط مروه هي السبب في الي كان بيحصلك.

رحيم : لا ماما مروه هي عوض ربنا ليا ونعم الام ، ربتني كويس بعد وفاه امي ومستحيل تعمل كدا.

امنيه : طيب مين ؟

رحيم : معرفش ، الي اعرفه اني علاجي كان بيتبدل بس مين السبب الله اعلم.

امنيه : انت حياتك في خطر طول ما احنا منعرفش مين عدوك مين عايز يدمرك وليه وهيستفيد ايه؟

رحيم : اكيد هينعرف.

امنيه : رحيم فاكر الدبدوب الي جبتهولك من 4شهور.

رحيم : اه ماله.

امنيه : في قلبه كاميرا مزروعه والعلاج اتبدل بعد لما انا مشيت من القصر ، وانا واثقه من دا ، واكيد الكاميرا جابته.

رحيم : انتي دماغك الماس اقسم بالله.

امنيه : ولسه الي جاي تقيل ، يلا بسرعه نروح نشوف مين الي بيعمل كدا.

روحوا القصر سوا ووانصدم كل من مروه وعلى لما شافوا رحيم قدر يتحرك وينسى على رجله.

جريت مروه عليه بدموع وحب وحضنته : رحيم ابني حبيبي رجعلنا بالسلامه.

وفضلت تحضنه وتبوس رأسه ومش مصدقه أه ربنا شافاه.

مروه بحب ودموع : على شوفت ابننا خف وقدر يمشى يا حبيبي.

حضن على ابنه والكل كان دموع الفرح مغرقه وشه.

على : ازاي اقدرت تمشي؟

بص رحيم لي امنيه وقال : ربنا بعتها ليا لتكون مصدر شفائي وقوتي ،وبدا يحكي كل حاجه حصلت وان فعلا حد بيبدل العلاج.

على : مين الي بيعمل كدا ومنكشفش.

امنيه : دا الي عايزين نعرفه.

وطلعت هي ورحيم اوضتها وقفلوا الباب واتاكدوا من عدم وجود حد وبدأوا يفرغوا الكاميرا ، بس مش لقين حد وفجأن لاحظ رحيم حاجه مش طبيعيه حصلت في اوضته في نصف الليل ورجع المقطع شويه وظهر باب سري في اوضته وفتحه شخص ودخل منه وشال العلاج السليم وحط العلاج المزيف وبداوأ يعملوا زووم لصوره الشخص وكانت الصدمه لما طلع.

امنيه : مين دا.

رحيم بصدمه : دا عمي عماد.

امنيه بصدمه : عمك وليه بيعمل كدا.

رحيم : معرفش لازم نجيبه هنا ومنعرفهوش السبب ونواجه ونثبت انه هو السبب في تدمير صحتي.

امنيه : تمام ، هتعمل الي هقولك عليه...

في صباح يوم جديد صحى رحيم واتصل بي عمه.

عماد : الو مين معايا.

رحيم : اي يا عمى لحقت تنساني وتحذف رقمي ازعل.

عماد بصدمه وتوتر: .ر..رحيم!!!

ابتسم رحيم وكمل بمكر: ايوا رحيم شكلك مش مبسوط بمكالمتى.

عماد : ازاي انت خفيت ،لا طبعا بس دا انا كنت عندك من شهر وكانت حالتك مش كويسه نوعا ما خلال شهر اتكلمت فرحان جدا.

رحيم : حكمه ربنا هنعترض ، المهم بالمناسبه الحلو دي وان ربنا شفاني الحمدلله ، عازمينك على الغذاء انهارده.

عماد بغيظ حاول يخفيه : ماشي يا ابن اخويا اكيد هاجي واحتفل بالمناسبه دي.

وبعد مرور ساعات كانت امنيه ورحيم بيجهزوا الادله علشان يكشفوا عماد ، والخدم بيجهزوا الاكل والقصر.

واخيرا وصل عماد بعربيته وركنها وداخل بكل غرور لابس نظارته الشمسيه ، والحراس بيسلموا عليه، وراسم على وشه ابتسامه مزيفه وكان في استقباله مروه ورحيم وعلى وأمنية.

سلم على على اخوه ، وحضن رحيم عمه.

عماد ببتسامه مزيفه : حمدلله على سلامتك يا حبيبي ، ربنا استجاب دعواتي.

رحيم بخبث : طبعا مش من قلبك يا غالي

اتوتر عماد.

مروه : يلا يا جماعه الاكل هيبرد.

ودخلوا علشان ياكلوا ، وبداوأ ياكلوا ، وكانوا بيشربوا العصير.

رحيم : قال صحيح يا عمى شركه الادويه بتاعتك سمعت ناس بيقولوا أن الدواء بتاعك مش كويس ومفعوله وحش.

عماد بتوتر : ا..ازاي يعني تقصد ايه وانت ازاي تصدق كدا على عمك.

رحيم بسخربه : عمي والله طيب كويس انك لسه فاكر انك عمى.

على بغضب : رحيم عيب كدا انت بتلمح لي ايه واتكلم بي ادب مع عمك.

وقف رحيم وقال بغضب : عمى الي حاول يقتلني ولا عمى الي لعب في فرامل عربيتي وكنت هموت بسببه ، ولما مامتش يعتبر بقيت شبه مشلول في احتمال كبير اتعالج ، هو ازاي يشوفني هتحسن واقف على رجلي ، كان لازم يتصرف ، وبما أنه خبير في صناعه الادويه، عمل خطه في منتهى الذكاء بدل الادويه السليمه بي ادويه مزيفه وعليها طباعه الشركه الحقيقه علشان مايبنش أن عدم تحسني بسبب الادويه.

عماد : انت بتقول ايه انت كداب.

رحيم : كداب هثبتلك.

واخد فلاشه من امنيه وشغل الشاشه وعرض عليها الفديو وهو بيبدل الادويه وبيدخل من الباب السري وكان واضح وشه.

رحيم بحزن : ها كداب ، كل مجرم لا بد من أنه يسيب دليل ولو بسيط وراه ، اي رأيك ، ليه عملت فيا كدا ، حرام عليك هان عليك تشوفني بموت بالبطئ وبتعذب ومش قادر اتحرك ولا اتكلم ومفرقش حاجه عن الميت الا النفس ، عملتلك ايه فهمنى ؟!

على : الكلام دا صح يا عماد انطق!

عماد بغضب : ايوا انا الي عملت كدا كل كلمه رحيم قالها انا السبب في الي وصله ، عايز تعرف ليه ، لانك وريث اخويا الوحيد ، وشركاتكم اكبر من شركاتي ، كان لازم اخلص منك ومن على بعدك علشان انا استولي على الامبراطوريه دي واكون انا المالك ،وانا الي كنت هقول امنيه امبارح واقتلك وراها وبعت واحد تبعي ،لكن مكنتش اعرف انك بتحبها وقدرت تتغلب على مرضك علشانها ،ياه الحب حلو بيغيرنا.

وطلع مسدس من جيبه وصوبه عليهم: وبما انكم عرفتوا حقيقتي لازم تموتوا كلكم وهبدأ بي امنيه الي كانت السبب في كشفى وسبب علاجك.

ولسه هيضرب امنيه دخل البوليس ورفع السلاح عليه.

الظابط: سلم نفسك يا عماد لو حاولت تتذاكى هنقتلك انت اعترفت على نفسك وسجلنا كلامك وهتتعاقب.

في لحظه كان البوليس محاوط عماد.

وقف على جنب اخوه وضربه كف على وشه.

على بدموع : ربنا ينتقم منك انا مش مسامحك.

وتم القبض على عماد.

امنيه : طنط مروه انا اسفه اني ظلمتك سامحيني ، اعتقد وجودي ملوش لزوم مع السلامه.

مسك رحيم ايديها وقال بحب : ازاي ملكيش وجود انت حياتي تقبلي تتجوزيني يا حب حياتي انتي امنيت المعاق*ق انا بحبك.

دمعت امنيه وقالت بحب : موافقه اتجوزك يا رحيم.

على : شكرا يا امنيه واسف على اهانتي ليكي.

امنيه : ولا يهمك يا عمو.

رحيم : فرحنا اخر الاسبوع مش قادر انتظر.

وفي نهايه الاسبوع لبست امنيه فستانها الأبيض وكانت زي الاميره وشكلها يخطف القلب ببساطه مكياجها وجمالها الهادي ، لبس رحيم بدلته وخفف لحيته وكان وسيم جدا، وكتب الكتاب بحضور خالد ، نزلت امنيه على الدرج وهي مغطيه وشها ومضت على جوازهم وبارك ليهم المأزون والجميع.

شال رحيم طرحه الفستان من على وشها وانصدم من جمالها.

رحيم : الله مراتي عسل ياناس.

وشالها ولف بيها وقال : بحبك يا امنيتي.

لفت ايديها حوالين رقبته : وانا بعشقك يا قلب أمنيتك.

والكل بيسقف ليهم ، وراحوا القاعه واحتفلوا ، وروحوا القصر ، ودخلوا اوضتهم وأصبحت امنيه زوجه رحيم أمام الله.

وبعد مرور 15يوم .

دخل عماد السجن ، ودخل خالد المستشفى علشان يتعالج من الادمان .

وابطالنا شرم الشيخ، كانت لابسه امنيه فستان احمر قاط وماسكه في ايد رحيم وباصين لبعض بحب وماشين على الشاطئ والهواء بيطير شعرها وفستانها.

وقف رحيم ومسك ايديها وباسهم وقال : بحبك يا امنيه تجاوزت تعريفها ، وكأنني لم ارى بشريا سواكي، كأن الحياه ليس بها غيرنا ، كان كل شئ هيأ لنا انا وانتي فقط يا كل حياتي.

امنيه بحب : سأكتفى بجملتين فقط عشقتك منذ البدايه وبحبك حتى النهايه.

وحضنوا بعض بكل حب.

The end 🥰✍️

عارفه ان في بعض المتابعين هيقولوا روايه صغيره بس محبتش اطولها ، وانتظروا اسكريبت جديد بعنوان خلقت من اجلى ، هينزل أن شاء الله الجمعه على 10مساء واتمنى يعجبكم ، شكرا على التفاعل ، دعوه حلوه من قلبكم ليا ، تفاعل ومنتظره رايكم بالكومنتات.

والمهم نطلع بأجمل حاجه من الاسكريبت دا وكان غرضه ايه، اوعى تفكر أن ربنا ممكن يسيبك وانت بتخطط تإذى غيرك ، لان الظلم ظلمات يوم القيامه ، اوعي تخلى الطمع يعمى عينك ويخليك تخسر نفسك،وتخسر اقرب الناس ليك ، رزقك هيجيلك لحد عندك فبلاش تبص في رزق غيرك علشان متخسرش الاتنين ، واحسن ظنك برب العباد يريك الله من فضله ما لم يكن بالحساب ، فإحمدوا الله على كل شئ.