رواية الكسار (سلاسل الغوث) الفصل السابع عشر 17 - بقلم لـ ميامي

الصعبه من تريد تبچي
وتكشف خلصان دمعك
الكلفه من تريد تحچي
و تنتبه محد يسمعك
تبقى نص الليل ضايع!
كحله مالمتهه عين

قراءة ممتعة 🤍
.....................................................

دموع:ضل صافن بوجهي يبلعم واني احس گلبي حيوكف اذا طلع ابنة وروان زوجتة شلون ابقى على ذمتة وكأن شيءً لم يكُن شلون اباوع بوجه روان واني ماخذة زوجها منها

رجلية بعد ميحملني انتچيت على الباب  شفتة تقربلي خايف بسرعة رفعت ايدي خليتها كدامة وكلت بصوت يرجف

:ب بس جاوب غيثثث ابنك؟

تقرب دفع ايدي ولزمني من اكتافي برهاوة
الكسار:دموع بس اهدي حتى افهمچ كلشي مو زين على عيونچ وعليچ فدوة رحتلچ تجيچ نوبة صرع تتأذين والله

شهگت شهگة شگت صدري من تأكدت ابنة دفعتة عني ومشيت بخطوات مكسورة لغرفتي ولازمة گلبي بألم دخلتلها وكعدت على چربايتي ابچي بحيرة چان ممكن اتقبلة بس شلون اتقبلة هسة وهو عندة عائلة

رفعت راسي من انفتح الباب بچيت اقوة من شفتة محتار وعيونة بيها هوااية كلام تقرب علية كعد جواية ولزم ايدية يبوس بيهم

الكسار:اهدئي ماكدر احچي شي وانتِ بهالحالة

غمضت عيوني ابچي حسيتة حضني بقوة يرجف وگال كلام نشف دموعي بعيوني

الكسار:ماعندي غيرچ صدگي انتِ الاولى والأخيرة انتِ بنتي مرتي اختي انتِ امي الحنينة انتِ روحي وعيوني الاثنين يشهد الله عليه وأن كنت مو طاهر وواحد سكير بس يشهد الله ورسوله يادمعتي بعمري مطخيت بنية بعمري مشاركت فراشي ويا غيرچ شكچ وعدم ثقتچ بية يموتني الف موتة

صافنة واستمع لكلامة ويا كل كلمة گلبي يرفرف
حط راسة برگبتي ورجع يحچي

الكسار:حقچ معندچ ثقة بية بس اني رايد افطر بيچ لا اكو قبلچ ولا اكو بعدچ اول بنية يلمسها الكسار راح تكون انتِ الي عندة وحدة طاهرة مثلچ بوسط هالنجاسة يكون ملك وميدور غيرها

دفعتة عني اشهگ
:لعد و روان؟

مسح دموعي الي نازلة على خدي وانطاني مي
الكسار:اشربي مي وراح احچيلچ

شربني مي ورجع الگلاص واني اباوعلة بترقب مسح على راسي مبتسم وكال بصوت عالي

الكسار:روان تعالي

دخلت روان خجلانة واني نزلت راسي عنها جابلها الكسار كرسي كعدت كدامنة والكسار اجة يمي حضني رفعت راسي من اجة صوت روان

روان:غيث مو ابن الغوث

تنهدت وحچت بحزن
روان:احچيلچ من البداية بس ما اتطرق للأشياء الي تخص الكسار

هزيت راسي وبدت تحچي
روان:چان عمري 15 وغوث 16 وحسن 18 وملك 16 اني چنت من الطفولة وياهم لعبنة وضحكنة وبچينة وزعلنة چنت اعتبر غوث وملك اخواني بس مگدرت اعتبر حسن اخوية حسن حبيتة حب نقي حب طفولي بريئ وهو هم حبني

ابتسمت ونزلت دمعتها
روان:برغم الاختلافات الي بينا مهتميت المهم حسن عندي هو من عائلة واني من عائلة هو من عائلة فقيرة اني من عائلة غنية بس حظي حالفني بابا الله يرحمة چان يحبة لحسن ومو مهم عندة الفلوس

عضت شفتها بندم ورجعت كالت بصوت يرجف
روان:من صار عمري 15 و وعمر حسن 18 الشيطان لعب بعقلنة وسوينا الحرام ببيتهم والغوث وملك عرفو بالموضوع واكيد غوث كسرني تكسر بهذاك اليوم وحسن انكسرت ايدة اعترف الي صار اكبر غلط وحرام چانت غلطة چبيرة وماتنغفر

بقينة اسبوع عايشين بخوف من الغوث وملك ونتوسل بيهم يتسترون علينة وهم سكتو محچو شي وبرغم زعلهم من عندنا ساعدونا وبعد 4 اشهر تزوجنة اني وحسن چانو عمامي رافضين كلهم بس ماكو كلمة من بعد كلمة ابوية الف رحمة على روحة تزوجنة وعشنة فترة جداً جميلة بعدها بشهر عرفت نفسي حامل بغيث بس الله شاهد غيث ابن حلال مو حرام لأن ورة الي صار اجتني الشهرية اكثر من مرة واخذوني فحصوني مچان اكو حمل بس من تزوجتة حبلت

چانت فرحتنة متنوصف وحسن صار يمشي ويضحك وبشر الكل محد فرح غير ابوية وغوث وملك
بعد 9 اشهر ولدت غيث چان حسن يريد يسمي غوث بس الغوث رفض فسماه بأسم مشابه چنت طايرة بيهم مرت سنتين واني صار عمري 17 وحسن 21 وعايشين بسعادة بس مع الأسف هالسعادة مدامت من صار عمر غيث 3 سنوات حسن اختفى بقينة ندور وندور وماكو أي أثر لحسن والى الأن ماكو عرفت هذا عقاب من ربي لأن عصيتة

ابتسمت بنص دموعها وكالت بكسرة
روان:راح حسن وبقى حسرة بگلبي

مسحت دموعها ورجعت حچت
روان:ردت الكسار بس يسكت مرت ابوه لأن عرفت بموضوع عصياني لربي وصارت تمشي وتگول غيث ابن حرام وزنا وتكول عندها شاهد ماعرفه منو وربي يشهد عليه هي كذابه واعرف زوجج يسكتها تخاف من عنده هسه عادي عندي تفضحني عند الكل ولا ابقى تحت رحمتها ردت الكسار يعترف بغلطي ويساندني لأن اذا عرف اخويه يموتني

صرت ابچي وياها كلش صعب الي صارلها ردت احچي بس طلعت تركض وتبچي باوعت للكسار

:زعلت مني؟

هز راسة بلا
الكسار:زعلانة من وعلى نفسها

خليت ايدي على راسي محتارة
:احس عقلي افتر كسار يعني حسن اخوك ابو غيث الحلو وزوج روان وانتَ تصير عم غيث و...

قبل لا اكمل قاطعني
الكسار:حسن مو اخوي

حچيت بصدمة
:لعد منو؟

غمض عيونة وتمدد على الچرباية ومدلي ايدة
الكسار:تعالي نامي هنا حتى احچيلچ

تمددت بصفة نمت على صدرة وهو يمسد بشعري

الكسار:حسن ابن الحنينة

:لعد اخوك اذا هيچ الحنينة مو امك؟

الكسار:الحنينة المرة الربتني وماجابتني

رفعت راسي اباوعلة بعدم فهم
:مفهمت شلون يعني؟

تنهد وصار يحچي
الكسار:ابوية تزوج امي وهو صغير يمكن عمرة 16 سنة زواج اهل ومصالح من كبر صار يحب بنت عمتة وهم چانت صغيرة وحلوة صارت مشاكل چبيرة بين امي وابوية چانت حامل بية ويضربها ويخون بيها
بعدها ولدتني وبعد سنتين طلگها وهي راحت  بدون متسأل عني بعدها ب3 سنوات ابوية قرر يخطب بنت عمتة بس بدون سابق انذار بنت عمتة تزوجت واحد عندة فلوس ومعروف ابوية بعد زواجها تدمر صار يشرب ورجع امي علمودي برغم واحد مطايق الثاني اني مچنت مهتم لأن من عمري ايام اخذتني العاملة حنين ام حسن ربتني مثل ابنها چان بيتهم بصف بيتنة تاخذني انام عندها واهلي ميسألون عني

تربيت تحت التعذيب النفسي والجسدي چان احد عمامي يضرب بية و و

سكت يرجف ويبلعم متوتر لزمت ايدة بقوة
:اذا متريد تحچي لتحچي لتضغط على نفسك

هز راسة بالرفض وكال بخفوت
الكسار:كلشي انكشف احچيلچ افضل

اخذ گلاص المي شرب ورجع يحچي وجسمة يرجف بشكل مو طبيعي ويهرب عيونة عني

الكسار:چان ي يتحرش بية والحنينة تحميني

شهگت بقوة وهو فز وحط ايدة على حلگي
الكسار:اششش دموع لحد يسمع اششش

لزمت ايدة عصرتها بقوة وهو عبالك حس بالأمان
الكسار:چان ياخذني لغرفتة و ويحاول يعتدي علية بس بكل مرة چانت الحنينة بالمرصاد توكف بوجهة وتهددة ومتخاف

ابتسم مغمض عيونة
الكسار:بعد عمارچية وعليچ الحساب چانت قويةةة

ابتسمت ورفعت راسي حسيت بالفخر ماعرف ليش
الكسار:حتى هو صار يخاف منها وبعد متقربلي ابد بس چانت عيونة على روان چان نذل نذللللل بشكل
المهم خلصت حياتي عند الحنينة وحسن بعمرها مفرقت بيني وبين حسن چانت تقسم خبزتها ويانة صار عمري 10 سنوات ورجعو اهلي تطلگو وامي تزوجت وابوية تزوج بنت عمتة بعد متطلگت ونسوني صار عندهم اطفال امي صار عندها بنية وولد وابوية صار عندة 3 ولد وبنات اثنين وفرحان بمرتة وبيهم بعمرة مذكرني بفد شي چانو ناسيني حقدت عليهم كلهم وبالخصوص على سلوى چانت تذلني بلگمتي وخلت ابوية يطرد الحنينة من الشغل وسوت مصايب خلت ابوية يضربني بدون سبب وخلت اخواني يضحكون علية چانت تتفق هي وعمي يحبسوني بغرفة ضلمة ويتركوني بيها الحمدلله چنت من صغري قوي ما اخاف من ضلمة صرت احمي نفسي بس الظلم يتعب
كبرت وحقدي كبر وياية عليهم
من كبرنة وحسن تزوج روان بيوم من الأيام وصلنة الحنينة للعمارة ورجعنة اني وحسن لبغداد نسولف ونضحك فتح باب البيت وانصدمنة من شفنة عمي ينزع بملابسة يريد يعتدي على روان وروان بدون ملابس ومربطة هنا مشفنة دربنة اني رحت ذبيت بطانية على روان وحسن راحلة كسرة تكسر ورحت ويا خلينة الدم يصب من كل مكان بجسمة تخيلي عم متحرش يتحرش بأبن اخو ويريد يعتدي على بنت اخو بس تخيلي هذا انسان ؟
لحد هسة اسمع صوت غيث بعقلي وهو يبچي لأن محبوس بالغرفة بأثناء ميريد يفعل فعلتة رحت طلعت غيث وانطيتة لأمة وبدون منحس شرد من عدنة

سكت يبلع ريگ ويفرك بصدرة دقايق وكال
الكسار:بعدها بأيام اختفى حسن ولگينة جثة عمي محروگة

خليت ايدي على حلگي ماعرف شنو اكول مصدومة مذهولة قذارتة مثل قذارة اهلي واكثر

الكسار:ليومچ حسن منعرف وينة عايش ميت منعرف حالتة ومن يوم الي اختفى الحنينة صارت تغني ربيتك صغيرون حسن ليش انكرتني يا حسن ليش انكرتني وعيونك الوسعة حسن سهام صابتني

:يعني هذا سر حبك للأغنية

هز راسة يزفر نفس بضيق وسكت نمت على صدرة حاضنتة بقوة اريد اواسي بس ما اعرف شلون خليت راسي برگبتة

:اني وياك كسوري وحسن يجي يوم وينعرف وينة يجي يوم ويرتاح گلبك

حچة بغصة
الكسار:شوكت؟

رفعت راسي بست خدة
:مو بعيدة على ربك الله ديختبر صبرك

شفايفة ترجف وعيونة مدمعة يريد يبچي ومستحي مني بدون ما احس طبعت بوسة خفيفة على شفتة انصدم وصفن بوجهي

الكسار:شسويتي؟

:مداعرف اواسيك ومرة سمعت من وهيب البوسة تواسي المكسور

بلع ريگ يباوع لشفايفي عرفتة شنو يريد بسرعة دفنت راسي بصدرة وكلت
:ترة بوسة بريئة كسر حباب لتتسرسر

الكسار:بوسيني بعد

مرفعت راسي ولا جاوبتة بسرعة گلب نفسة وصار فوگاية وعصر شفتي بأيدة

الكسار:كملي معروفچ وبوسيني بعد بوسة قوية واسيني

دفعت ايدة عن شفتي
:ترة اليوم تصالحنة تريد نرجع نتعارك؟

هز راسة بلا وعيونة على شفايفي غمض عيونة وحط راسة برگبتي اسمعة يستغفر عرفتة ميريد يسوي شي رافضتة صرت العب بشعرة اريدة ينام وماكو اخر شي اني نمت وهو ضل كاعد

فتحت عيوني منزعجة من چكچكة شواربة بحنچي لكيتة نايم فوكاية وحاضني ويبوس بحنچي

:اهووو كسارر وخر

رفع راسة يباوع بعيوني
الكسار:صباح الخير

:صباح النور بس وخر عني

رجع حاضني ويبوس
الكسار:عوفيني مرتاح هيچ شبيچ نحيسة

:اني ممرتاحة شلون بلا؟

باوعلي وغمزلي مبتسم
الكسار:اني ابو الراحة ترة

عضيت شفتي معصبة ورفعت رجلي ضربتة مادري وين اجت الضرب ابتعد عني لازم منطقتة وصار يتلوى متألم خليت اصابعي بحلگي خايفة

الكسار:اخخخخخ شسويتييييي

:والله مادري بدون قصد

سكت عني يتلوى وبصعوبة يتنفس دقايق وهدئ يتنفس سريع باوعلي وكال بحدة

الكسار:بنت ا الكلب ميصير اطفال عندي بعد

سكتت عنة گام يعرج وطلع للغرفة واضح أذيتة طلعت ورة سمعتة بالحمام متأذي وكفت بمكاني خايفة وضميري يأنبني

دقايق وطلع عاگد حواجبة باوعتلة ببراءة ابتسم وتقرب احتضن اكتافي يمشيني للحمام

الكسار:لتخافين مبية شي بس ألم ويروح

:أذيتك هواية؟

لزم شواربة واردف بخبث
الكسار:عادي بعدني اشتغل

فتحت عيوني من فهمت قصدة وركضت للحمام سديت الباب علية واسمعة يضحك بعلو صوتة

مهتميت غسلت وجهي وطلعت لكيتة بالمطبخ يجهز الريوگ باوعلي وابتسم

الكسار:اكعدي اني اسوي الريوگ ماكو مدرسة اليوم واني مراح اروح للشغل شنو رأيچ بعد الغدة نسوي مزة ونتابع فلم؟

رفعت حاجبي وتخوصرت؟
:مزةةةة؟؟؟

ضحك وعينة على خصري
الكسار:مزة بدون عرگ تصير يعني نارگيلة وكرزات وفاكهة وكلشي

:اممم موافقة بس فلم حلو

انطاني تلفونة وراح يكمل الريوگ
الكسار:اختاري انتِ

هزيت راسي فتحلي الرمز وصرت ادور على افلام حلوة

كملنة ونظفنة البيت سوية ومخلاني اسوي غدة راح جاب من برة وبس تغدينة سحبني للغرفة طلع الحبشكلات وسوة نارگيلة وجاب اللابتوب وطلع فلم اسمة king kong كعد وكعدني بحضنة وصرنة نتابع چان فلم كلش حلو وممتع محسيت بالملل ابد

طلع مشهد من السمر يهجمون على ان چان شكلهم يخوف غمضت عيوني وبدون قصد كلت

:بابا كسوري طلع يخوف الفلم

صار هدوء وبس صوت حسراتة تنسمع فتحت عيوني وباوعتلة مستغربة
:شبيك؟

التسم مجاملة واردف
الكسار:لا مبية شي كملي الفلم اني راح انام

:لااا اخاف وحدي لتنام اريد اتابعة

هز راسة ساكت رجعت اكمل الفلم شوي شوي راحت الضوجة وصار يتفاعل وياية يضحك علية ويراهني بأحداث الفلم

لحد ما انتهى الفلم بموت الغوريلا دگيتها مناحة وكعدت ابچي وهو يهدي بية

:ليش مات ها ليش؟

الكسار:خلي يموت طبة مرض هو فلم ولچ عيونچ لتبچين

دفعتة عني اشهگ
:وخر وخر كلة منك تعرف يموت واختاريت الفلم هااا

الكسار:شمدريني اني تابعتة وياچ ترة

صفنت مستوعبة شداسوي هو فلم صرت اضحك على نفسي ودموعي بعيوني وهو شافني هيچ وتمدد يضحك علية سكر من الضحك صار يگح ويرجع يأشر على وجهي ويضحك

الكسار:والله مخبلة تبچين وتضحكين

سكتت زعلانة
:صدك ليش مات خطية

هز ايدة وسحبني لصدرة
الكسار:فد نعسااااان نامي نامي

دفعتة وكمت
:نام انتَ عندي دراسة

هز راسة حط ايدة على عيونة وبسرعة نام
جبت كتبي وصرت ادرس شوي وصار يشخر كمت على كيف سديت خشمة هو بسرعة فتح عيونة لزمني من رگبتي بقوة من شافني رخت ملامحة

الكسار:الله يطيح حظج مو نايم

:دتشخر اريد ادرس

هز ايدة ورجع نام واني كمت اكمل دراستي صرت ادرس بدون ما احس بالوقت اخر شي تعبت ونمت بمكاني

للليل يلا كعدت جسمي مكسر رفعت راسي شفت الكسار رايح بسابع نومة تمغطت وكمت غسلت وجهي ونزلت ادور على غرفة روان البيت كلة نايم وضلمة چانت الساعة 1 ونص خفت تطلعلي سحير الليل مالي خلگ عركات رحت لغرفة روان دافتح الباب وانحضنت من ورة شهگت وجسمي رجف

:روان مشتاقلچ

ضربتة اعيط
:مو روان اني وخرررر مو روان اني دمووووع

ابتعد عني مصدوم وركض فتح الضوة يباوعلي وحاط ايدة على راسة واني كل ذرة بية ترجف

:منو انتِ ويييين روااان

:انتَ منوووو شلون تجرء تحضنييييي حقيييير

اشر علية بغضب
:ضبي لسانچ لا اندمچ

:شنووو تندمنيييي حقييير نذل متحرششش منو انتَ

راد يحچي واجة صوت سلوى
سلوى:هلووو هلوووو هالبيت صاير ملهى متستحون تسووون هيچ

رفعت ايدي بوجهة مصدومة
:انتِ شبيچ شسوينة اني حتى ما اعرفة

سلوى:انچبي زعطوطة متعرفة

صار تعيط واني مصدومة والولد يباوعلها ببرود ويدخن طلعت روان من غرفتها خايفة بسرعة رحت وكفت وراها

:روان شوفي هاي دتتهمني بشي اني ممسويتة

كالت بأستغراب
روان:شنو صاير هناااا شبيچ انتِ؟

سلوى:انتِ سكتي ام الزنا سكتي

تريد تكمل كلامها ونزل الكسار معصب
الكسار:خيييييررر؟

باوع للولد ورخت ملامحة انصدمت من شفتهم تسالمو سلام حار

سلوى:تسلم علية ومرتك چانت بحضنة؟

ابتعد عنة فاتح عيونة بغضب طلعت من ظهر روان وركضت دخلت بصدرة ابچي

:اسمع شنو تكول دتتهمني

مسح على ظهري وكال بغضب
الكسار:سلوى شلون بيچ؟ مو اكلچ كفي شرچ عنننن مرتييييي

تقربت همست بأذنة اشهگ
:تكول هالبيت صاير ملهى وتكول على روان ام الزنا

سحبني خلاني ورة ظهرة وراح لزمها من شعرها
الكسار:بنت الكلب نسيتي نفسچ؟ نسيتي انتِ منو وشصارلچ مرتي واختي خطوط حمرة والله يا سلوى ادفنچ عايشة طفح الكيييييل

جاوبتة بعين قوية
سلوى:وخر عني مكادر بسسس عليةةةة اسأل مرتك چانت بحضن منو لك بعيني شفتهم اذا مرتك مو شريفة لتحاول تبررلها

رفع ايدة راد يضربها بس رجع نزلها
الكسار:متستاهلين اوصخ ايدي بيچ

تركها واجة علية لزمني من ايدي
الكسار:هاي الي كدامچ اشرف من الشرف وانقى بنية بالنسبة الية لا كلامچ ولا كلام غيرچ مهم عندي

سحبني للصالة وكال بحدة
الكسار:تعالو وراية

اجو كلهم اني كعدت بصف الكسار وروان والولد كعدو بصف بعض وسلوى وكفت بالباب معصبة واني وهذا الولد واحد يخزر بالثاني تقربت للكسار وكلت بحدة

:هذا منو الصلف والحقير

خزرني وكال
الكسار:لسانچ دموع هذا ابن عمي واخو روان هذا زياد

بقيت على نفس نظرتي خازرتة وهو خازرني يهز برجلة
زياد:چا انتَ ماتزوجت غير هاي؟

راد يحچي الكسار وقاطعتة
:اسمي دموع مو هاي وبعدين شبية مو احلى منك راسك مثلث

بس كلت هيچ صار يرفع روحة وضربها بالأرض
زياد:اني راسي مثلث يابقرة الضاحكة

كورت ايدي هم جابو سيرة وزني احس اريد ابچي لعد مو ضعفت

الكسار:انچب زياااااااد

شفت روان همست بأذنة مادري شنو وهو نزل راسة خجلان رجع كال الكسار بهدوء

الكسار:يلا اعتذرو من بعض

تكتفت وكلت بأصرار
:ما اعتذر لازم هو يعتذرلي

زياد:ما اعتذر ويلا رايح انام

عاط الكسار
الكسار:داااااكووول اعتذرووو من بعض

باوعت للكسار وعطت
:ماااا اعتذررر غوووث ما اعتذرررر ترة هو حضني من ورة لازم هو يعتذر

صفن بوجهي الكسار واني عرفت بنفسي چفصت
الكسار:مسمعت مسمعت شسوة؟

خليت اصابعي بحلگي خايفة وهو بدون سابق انذار هجم على زياد يعت بي من ملابسة

الكسار:صدگ عوووددد حضنت مرتيييييي

جاوبة متفشل
زياد:والله چان عبالي روان چانت واكفة بباب غرفة روان واني توهمت عبالي اختي اعتذر منك ومنها

باوعلي الكسار بخزرة وكال بغضب
الكسار:دمووووع فوووووگ

بسرعة ركضت صعدت للطابق مالتنة دخلت للغرفة خايفة واكل بأظافري بس اني ما الية ذنب بس لا يعصب علية

گعدت على الچرباية وعيوني على الباب متوترة سمعت خطوات قريبة بسرعة تمددت على الچرباية وغطيت راسي مرتبكة وخايفة

سمعت الباب انفتح وانسد وخطواتة تقربت علية
گال ومبين من صوتة معصب

الكسار:كومي

بلعت ريگ ومتحركت غمضت عيوني سويت نفسي نايمة من رفع الغطة عني

الكسار:اعرف كاعدة كومي ما اسويلچ شي

متحركت اعرفة كذاب زفر نفس بغضب وذب الغطة عني وتمدد فوكاية

الكسار:اذا مكعدتي ابوسچ؟

عصرت ملابسي محتارة اذا افتح عيوني يعاقب واذا ابقى هيچ هم يعاقب
حسيتة اخذ شفايفي يبوس بيهم فتحت عيوني وصرت ادفع بي وهو ولا مهتم صار يأذيني متعمد

ما ابتعد لحد ما نزل دم من شفتي دفعتة معصبة
:شفايفيييي شعليهممممم

كال بذبول
الكسار:كومي سبحي يلا

رفعت حاجبي مستغربة
:ليش؟

عصر زندي بقوة واردف بغضب
الكسار:غيري حضنچ تلوثتيييي كومي سبحي لا اسبحچ اني

بس كال هيج طفرت اخذت منشف وملابس وركضت للحمام سبحت زين وطلعت بردانة شفتة واكف بالباب مزعوج تقرب علية وحضني

الكسار:ماريد غيري يطخچ انتِ الية وبس

:كسوري مچان قصدنة والله هو عبالة اختة واني مچنت حاسة بي اجة من ورة والله بعدني طاهرة

سد حلگي بأيدة وحط شفتة على ايدة مثل الي يبوسني
الكسار:انتِ طاهرة وراح تبقين طاهرة اعرفچ اني ومراح اشك بيج ولو بذرة دمعتي بس اني ماريد احد يباوعلچ بنظرة اموت

رفعت حاجبي وحچيت بخفوت
:اخاف تحبني؟

ابتسم وصفن بعيوني ثواني ونزل عيونة وكال بأبتسامة
الكسار:لا ما احبچ

ابتسمت وهو اخذني للغرفة مشطلي ونمنة
مر يومين عاديات وزياد بعد ماشفتة ولا روان وغيث ماعرف وين راحو مهتميت خليت كل تركيزي بدراستي الامتحانات الاسبوع الجاي ومتوترة والكسار مخلص وقتة وياية يدرسني ومن يطلع يخليني انام ارتاح

اليوم الامتحان الاول اخذني الكسار واني اقرة ايات وهو متوتر اكثر مني دخلت وامتحنت وچانت الأسئلة ناررر وشرار صعبة بس كدرت احل منها بس هم مواثقة من اجوبتي

طلعت من الامتحان مزعوجة شفتة واكف بصف السيارة بس شافني تقرب علية عاگد حواجبة

الكسار:ها بشري؟

:كُلش صعبة ماعرف اذا انجح لولا

الكسار:دكولي يا الله شبيج اكو دور ثاني واذا مانجحتي تعيدين مو مشكلة

نزلت راسي ورحنة صعدنة بالسيارة وحرك بس وصلت سبحت وكعدت ادرس ضغطت على نفسي في سبيل انجح لأن تعبت بهالمرحلة والكسار تعب وياية

امتحنت كل امتحاناتي وخلصت بحيث بأخر امتحان من رجعت للبيت نمت بملابس المدرسة واحس حمل وانزاح من على صدري واجة حمل النتائج

كعدت بعد فترة بلعومي متشحرج من كثر النوم وعطشانة كمت اتطوطح نزعت ملابس المدرسة ولبست تراكسود احمر ورحت غسلت

دورت على الكسار ملگيتة رحت للمطبخ اكلت وشربت وبقيت كاعدة وصافنة

ساعة ودخل الكسار عاگد حواجبة معصب هو عودني من يجي احضنة بسرعة كمت حضنتة وهو بادلني

:شلونك كسوري؟

الكسار:زين حبيبي زين مي فدوة لأيدچ

ركضت جبتلة گلاص مي خليتة بأيدة قبل ليشرب قربة لحلگي وكال
الكسار:شربي حتى اشرب

شربت رشفة مستغربة وهو شرب من نفس المكان الي شربت من عندة وكعد على ميز الطعام يتنهد رحت كعدت بصفة ولزمت ايدة

:شبيك مو على بعضك

رفع ايدي باسها
الكسار:تعبان دموعي

:شنو متعبك؟

حط راسة على الميز وكال بغصة
الكسار:كلشي متعبني

حچيت ببراءة
:واني هم؟

رفع راسة يباوعلي مبتسم حط ايدة على خدي وطبع بوسة سريعة على شفتي

الكسار:انتِ راحتي بين كُل هذا التعب

حضني يمسح على ظهري واني حضنتة بقوة
:كُلشي حيكون بخير مكسرات حيجي يوم وتضحك على الايام الي تعبت بيها

الكسار:الله كريم

ابتعدت اباوعلة واهز براسي
:كسوري انتَ مؤمن ليش هيچ واحد سرسري

رفع حاجبة وعض شفتة
الكسار:مؤمن لو سرسري اثبتيلچ على شي

:مرة هيچ ومرة هيچ

ضحك واسنانة بينت
الكسار:بس وياچ اصير سرسري حبيبي

ردت احچي وقاطعنة صوت تحمحم باوعت للباب شفتة زياد فتحت عيوني وطفرت صرت ورة الكسار لأن ملابسة حجاب وملابسي ضيقة

زياد:اسف اضطريت اصعد غوث عادي احچي وياك؟

هز راسة الكسار ببرود
الكسار:ادخل للغرفة الثانية جاي وراك

بدون اي كلمة دخل للغرفة الي چان ينام بيها الكسار
الكسار:روحي دخلي للغرفة ولتطلعين نهائياً

هزيت راسي ورحت للغرفة بس الفضول قتلني اسمع صوتهم يحچون بس مينفهم شي

طولو اخر شي مكدرت اتحمل لبست عباية وطلعت من الغرفة وكفت بالباب اسمع صوتهم

زياد:اجت وجبة جديدة وانتَ مطلوب توصلها

الكسار:ماكدر انيييي شلون اترك دموع

زياد:دموع بأمانتي وأمانة الريس وباهر لتخاف بس كمل هالشغل منكدر نوثق بغيرك

الكسار:ماكدرررر فهمونيييي اذا صار بية شي دمعتي تضيع

كال زياد بحدة
زياد:غووووث انتَ من دخلت لهالشغل تعرف شنو بي ركز وياية اذا مكملت شغلك راح يأذوك انتَ ودموع واهلك

سكت كسار واني گلبي يدُگ من الخوف تأكدت من شغل الكسار وخطورتة

عضيت اصبعي ماريد ابچي واني اسمع الكسار يوصي علية
الكسار:موافق ب بس انتبهو عليها زياد

زياد:لتخاف من ترجع تلگة دمعتك منتظرتك

صار يحچي بهدوء وبتعب واضح
الكسار:اذا صارلي شي احچولها كلشي وانتبهو عليها زين اوصيكم عليها زياد

سكت ثواني ورجع كال بصوت يرجف
الكسار:ا اذا صار شي ومتت ك كولي لحزني لتحزن علية وكولولها كسار هايم بحب دمعتة....

..يتبعع..

توقعاتكم؟

.
.
.
.
.
.
.
.
.
.

6000كلمة

مشتاقتلكم حياتاتيييييي🥹🤍

ضيفو حساب الانستا

وقناة التلي

اللهم صلِ على محمد والِ محمد 🦋

مها ال عبدالله