رواية اللعوبة وحقد الفهد الفصل الثامن 8 - بقلم غير معروف

هنادي : صــــــــــــــــــــدمه وكأنه احد صفعني و فوقني من اللي انا فيه كنت اناظر فيه وارمش ماني مستوعبه نزلت راسي وضحكت رديت له: صــح يافارس انا ما بيا حيا وطلعت من البيت بكبره

صرخت الجازي على فارس

الجازي: انهبلت يافارس انجنيت

فارس : بضيقه: وانا كاره الوضع هذا طلعت وانا اناظر فيها وهي تمشي بسرعه وتضرب برجولها بالأرض ابتسمت وهذي عادتها لعصبت ركبت سيارتي
حط راسه على الدركسون وهو ضايقه فيه الوسيعه ماهو عارف كيف يحدد هالملكه وبالنهايه خربها مع العروس هو اليوم من اوله زفت

هنادي: كنت امشي من العصبيه بمووووت قهر ابي أوصل البيت كانت تاكل بنفسها: انا ما بيا حيا انا ما بيا حيا لم ابيك تكون لي انا ما بيا حيا لم اتمنى تكون شريك حياتي انا ما بيا حيا لم تمنيت بس للحظه نكون سواء انا ما بيا حيا لم غطت على وجهها بدينها وبكت كسر قطعه من قلبها كسر حبها اللي من اوعت على الدنيا وهي ما تشوف غيره كسر احلامها اللي بنتها كسر امالها وتخيلاتها وكسر قلبها

بالشـــــــــــــــــــــــركة

فراس : دخلت كلمت السكرتير وبعدها دخلت غرفة المدير بس صدمه لم شفتها اهي

مها : كنت ادور حول نفسي على الكرسي معي لعبه العب فيها الكرسي المتحرك خخخخخ وانا ماخذه وضع المدير لو فهد هنا دخلني اشهار على خبالي مع اخر لفه الا تصنمت من اللي قبالي ومبتسم يممممه يمممممه يمممممه

فراس : ببتسامه وهو منتظر اللحظه هذي قفلت الباب وراها : حيالله الشيخه مها اسفرت وانورت بالمديره

مها : انقبض قلبي حسيت جسمي ينتفض من نبرت صوته كابرت على نفسي ووقفت وانا قامطه ام العافيه اكيد التسلب يبي ينتقم ياويل حالي : ياهلا ويش تبي وانا احوس بالمكتب

فراس: وهو يقرب منها وهو عينه عليها : ابد يابعدي عندي أوراق ودي اعطيها المدير بس يبدو ان المدير مو هنا

مها : بنفسها : كل مايجي يقرب مني خفت والله خفت انا عارفه الجني الأزرق يخاف مني بس اليوم انا خفت : كنت اتلفت اغض عنه مابي اناظر فيه جت ببالي فكره اهي غبيه بس هذا اللي يخليه يبعد : صرت اكح بفجعه وبقوه

فراس : تراجعت لورا وانا اشوف تكح بشكل يخوف اخذت مويه اللي على الطاوله أحاول اعطيها المويه ماعطتني فرصه صارت تمشي وتتخبط بالمكتب انذهلت من طيحتها حشا سكرانه

مها : شفته يقرب سحبت نفسي وانا اطيح نفسي على الأرض

فراس : يابنت الحلال اشربي اخذت المويه صارت تشرب وتكح

مها: شفته نزل نفسه لي قلت له بسرعه: لا تقرب لا تقرب ترى مرض معدي واذا تقربت بتنعدي

مها : شفت فزته مسكت نفسي على الفزه

فراس : فزيت من بعد اللي قالته : ياويل حالي بعدت عنها وهو يمشي للمكتب اعطي الأوراق اخوك لم يجي وطلعت ههههههههههههههههههههههههههههههههههه اجل معدي يعني بتخوفني غبيه

جنوبية : كلكم اغبياء

بالبــــــــــــر

فهد جالس بأعلى الجبل ويناظر اخويانه وهما لعب بلوت الحين له كم هنا وهو مو مع حاله : وبنفسه ااااااااااااااااااااااااااخ الحين يالفهد بتنفذ شروطها ابتســــــــــــــــــــــــــــــــم

بيت أبو مسفر

هنادي كانت جالسه بالغرفه وكل اللي بالمطبخ قبالها كانت تاكل بشراها وكلمات فارس تتردد عليها : ااااااااااااااه انا ما بيا حيا

دخلت ام مسفر وتشوف بنتها تاكل بخبال

ام مسفر: بنت وقفي اكل لو ضليتي كذا بيجي يوم زواجك ماراح تطلعي من الباب

هنادي: التفت بسرعه وهي مقهوره اخذت لها لقمه كبيره ودخلت بفمها وقالت : انا مابي اتزوج خلاص

ام مسفر : الله يقرفك الاكل طلع من فمك وغريبه ماتبي تتزوجي وانتي افلقتينا بهل الملكه

هنادي: بغصه بحلقها وبنفسها: امي قالت كذا ما الوم فارس بلعت لقمتي وشربت مويه حسيت دموع ماهي راضيه تنزل ماكنت ادري ان مزحي وضحكي ياخذوووه اني مشفوحه على العرس

ام مسفر : قومي خذي الأغراض هذي واي تحددت ملكتك يوم الخميس فارس كلم مسفر

هنادي : بقهر : سمي يمه

ام مسفر : طلعت وهي مستغربه من بنتها ماهي زي العادة تنط وتضحك فرحانه بملكتها بس ماعطت الموضوع اهميه

مــــــــــــر أسبوع

فهد اخذ له أسبوع زياده يمكن يتهرب

فراس مافارقت خياله مها

هنادي هل الأسبوع ماهي هنادي

مياده من المدرسه للبيت

فارس فرحان ان ملكته بس مقهور من هنادي

مها ما تدري وين الله حاطها بــ هالشركة ضايعه فيها

الجازي مرت أسبوعين ماشفته ولا ابي اشوفه مرتاحه كذا

الخميـــــــــــــــــــــــس

الملكه

بيت أبو فارس

الجازي : كنت جالسه بالصاله انتظر امي وفارس بنروح بيت عمتي اليوم ملكت فارس ما عزمنا احد نبي تكون ملكه عائليه وهذا قرار هنادي مدري اشبها وقفت لأنو خلاص بنطلع بيت عمي اخذت الطقم من امي وطلعنا فارس بيطير ههههههه وصلنا لأنو مابه مسافه دخلت سلمت على عمتي سلمت علي ببرود لسا شايله بقلبها مشيت لغرفة هنادي فتحت الباب انصدمت من اللي شفته انهبلتي يابنـــــــــــــــــــت

هنادي : بدون مبالاة وهي فوق السرير وكشتها طايره وتاكل تفاح: وليه انهبلت ويش بي

الجازي : بذمتك هذا منظر وحده ملكتها اليوم

هنادي : وهي تاكل : عادي بتزوج بن عمي يبيني كذا اهلا وسهلا مايبي الباب يوسع جمل

الجازي : حقدت حواجبها: قومي قومي تجهزي وهذا اللبس عليك من عام الفيل المملك على وصول الحين ينادونك

هنادي : ببرود أعصاب : وليه المملك بيشوفني علي عبايتي

الجازي : مذهوله من هذي البنت وبرودها : بس فارس راح يشوفك بـــــــــ اندق الباب كان مسفر غطيت راسي ومسفر يقول هنادي انزلي

هنادي : نزلت مع مسفر وانا قلبي طبول راح اموت دخل مسفر وانا ورا الباب انتفض بقهـــــــــر

وقف الشيخ وقرب من الباب وسألها : يابنتي موافقه على فارس الـــــ

هنادي : لا رد

الشيخ : يابنتي موافقه

هنادي : لا رد

الشيخ : يابنتي موافقه

مسفر : قلبي قرصني ليه ماترد : هنادي يا اخوك ردي على الشيخ

فارس : استغربت سكوتها اشبها ليه ما ترد على الشيخ

الشيخ : يابنتي للمره الرابعه موافقه

فارس ومسفر على اعصابهم صار الوضع مو طبيعي عندهم ليه ما ترد ليه ما تقول شي ردت بعد معاناة

هنادي : لاااااااااااااااااااااااا ماني موافقه

فارس :الدم جمد بعروقي انصعق التفت لمسفر ووجهه تتعاله منه الصدمه ومسفر ما يقل عنه بصدمته

الشيخ: يناظر بفارس ومسفر : ويش العلم ياشباب غصيبه يا ابني ما يرضي الله هذا اللي تسويه

طلعت هنادي بعد ما صدمتهم

هنادي : قلت اللي قلتها وركضت لغرفتي شفت قبالي الجازي تعديتها قفلت الباب على نفسي وعلى حياتي كلها

فارس : هز راسه بقهر وطلع مثل اللي انكسر بنفسه شي واشياء رفضته حب طفولته رفضته

مسفر : بغضب وقهر : عمري كله ماتوقعت انحط بهذا الموقف الشيخ يتكلم وانا بالي مع فارس اللي طلع التفت للشيخ: دقيقه ياشيخ تكفى دقيقه طلعت بألحق على فارس شفته يركب السياره وقفت قباله : انزل

فارس : بانكسار : ابعد يا مسفر اللي فيني مكفيني تكفى يا اخوك

مسفر : ان لي خاطر عندك بتنزل وبتوقع على الملكه

فارس : بضحكت قهر : ههه أي ملكه كل شي انتهى اختك رفضتني ماتبيني

مسفر : بقهر : يرضيك المضره لي تبي الكل يتكلم فيني هو قالها كذا عشان فارس ما يقدر يرفض له

فارس ناظر بيأس نزل من السياره وهو بيموت قهر : ويش تبي يامسفر

مسفر : والله ماتطلع الا اهي بذمتك

فارس : بقهر : لا لا لا

مسفر : سحبته وانا الى هنا يا هنادي كل شي له حدود دخلت فارس المجلس ودخلت البيت وانا ما اشوف شي من القهر اللي فيني : يا ولــــــــــــــــد

الجازي : فزيت وتغطيت وانا ماني عارفه ويش يصير هنادي بغرفتها ماهي راضيه تفتح : اقلط يا مسفر شفته يدخل زي الاعصار ويدق الباب بقوه ويصرخ عليها انصعقت من اللي سمعته رفضته ليه ويش صاير ناظرت با امي ما يقل صدمه عني

ام مسفر : وهي تقرب من الباب : سود الله وجهك من بنت مو هذا اللي تبينه ليه ترفضين افتحي الباب لا بارك الله بشيطانك من بنت

مسفر : بجنون : الى هنا وخلاص ياهنادي كفايه دلع الحين تطلعي وتوقعي ولا والله ماعاد أتكلم ولا ينطق لساني عليك تهينيني بهذي الطريقه ترفضي ليه احد غصبك جد ياهنادي ماقد كسرتيني زي اليوم اليوم كسرتي ضلوعي ياوخيتي

هنادي : غطت وجهها وبكت وهي تسمع كلام اخوها وقلبها يتقطع عارفه اليوم انهيت مسفر وانهيت الاثنين بس فارس انهاني بعد كلمته كسر قلبي يامسفر عور قلبي انا ملهوف قلبي عليه وهو وهو بشهقه : طلعت وانا دموعي مغرقة وجهي

مسفر : بقهر : شفتها تفتح الباب بس دموعها اوجعت قلبي كل شي الا دموعها

هنادي : مابــــــــي فارس

ام مسفر : وقطع هالسان بتاخذيه غصبن عنك فاهمه

فلة أبو وليد

مياده: كنت جالسه اقلب بالأرقام شفت رقم هنادي ابتسمت دقي رنه ورنه لم قفل : غريبه شكلها مشغوله

بالبــــــــــــر

جالس ويلعب بالرمل ويكتب اسمها ويمسحه وش اللي ابيه منك يالجازي انتقام اووو ابتسم مسح اسمها وقف وهو مبتسم وبعقله الف فكره وفكره

بيت أبو فارس

الجازي : مرت يومين والبيت هادي مقابله امي وتناقش موضوع هنادي مستغربين من هنادي اكيد عشان الكلمه اللي قالها فارس اااااخ يافارس اهلك نفسه بشغل ونوم يوم الملكه مسفر لأول مره اشوفه عصبي وبالذات على هنادي كانت تبكي وتترجاه وهو يصرخ عليها وقعي وقعت بالغصب ملكت على فارس بس لا شوفه ولا شبكه ملك فارس وطلع من هنا وهنادي قفلت على نفسها عمتي انهبلت من هنادي طلعنا من بيت عمي وحنا مذهولين من اللي صار : التفت الا على رساله من الطحلبي ضحكت نسيت انو زوجي لي أسبوعين ارتحت وارتاحت نفسيتي كنت ابي وقت اراجع حساباتي وخلال الأسبوعين راجعت كل شي يالفهد وعلى كل كلمه قلتها لخليك تدفع ثمنها وعلى كل كف لا اخليك تكرهه اليوم اللي اخذت الجازي ماراح اسكت وماراح أتكلم مافي احد بــ يأخذ حقي بأخذه بيدي انا : اجل تبيني انا اجيك ناظرت با امي يممممه انا بطلع انام

المساء
فلة أبو وليد

فهد: انتظرت لين الليل ارسلت الظهر ولين الان ماجت اجل انا راح اجيك اخذت مفتاح سيارتي وطلعت

بغرفه الجازي
الجازي : كنت اتقلب بفراشي وانا النوم جافني عارفه رايح يجي اعرفه نارررررر و شرار

فهد: وصلت البيت دقيت الباب فتحت لي الشغاله جت عمتي سلمت عليها قلتلها تنادي الجازي مستعجل شوي

ام فارس : ببتسامه ابشر يمممه ارتاح الحين اخليها تنزل مشيت لغرفة الجازي شفتها نايمه على بطنها: يممه الجازي

الجازي : كنت صاحيه بس غمضت عيوني وانا عارفه انو براا : امممم يممه بنام

ام فارس : يمممه قومي زوجك برااا

الجازي : ببتسامه للعوبة: يمممه تعبانه قوليله يجي اكلمه مافيني أقوم : التفت الا امي طالعه لبرا ناظرت للبسي صح كان مغري بس ليه اسوي كذا صح ابي اعذبه بس ليه ابي احرقه بناري وانا عارفه علته شفت الباب ينفتح غمضت عيوني وحطيت نفسي نايمه

فهد: لم قالت لي عمتي تعبانه قربت من غرفتها وانا عارف اللي يدور براسها قربت منها حطيت ايدي على ظهرها ببتسامه حركت ايدي ماشفت الا قفزتها مسكت نفسي لا اموت ضحك ماهي بقدها

الجازي : فزيت حسيت روحي طلعت التفت له كانت علامات الصدمه بوجهي بس لم شفت ابتسامته قربت لم شوي ادخل بحضنه حسيت أنفاسه تلهف بوجهي وانا عارفه بتهور

فهد : ركزت عيوني بعيونها بتحدي كنت بتكلم بقول لها عارف اللي تسويه بس والله ضاع الكلام بعيونها عيونها عذابي عيونها عذبتني 11 سنه حضنتها وضعت بأحضانها وبقبلاتها وانا ناسي نفسي

فراس : جيت من الاستراحه الا اشوف سياره فهد شكله جاء دخلت سلمت على امي الا هي تقول لي فهد عند الجازي احب اللحظات هذي لازم اعلق شوي عليهم فزيت لغرفة الجازي

فهد : كنت ناسي الاتفاق انا نسيت نفسي الله ينعله من اتفاق ماحسيت الا بفزتها من فتحت الباب التفت الا هو فراس ابتسمت بخجل

فراس : فتحت الباب : يادافع البلا ويش يصير انا وين دخلت لااااااااااااا انا رجال اعزب انتم خراب المجتمع وسوا نفسه يبكي

الجازي : وجهي طاح بس قربت من فهد وانا ناسيه وجود فراس وبصوت واطي : ترى حدها أحضان ببتسامه على جنب

فهد: كتمت ضحكتي وانا عارف ايش يدور براسها الأخت فاهمه غلط قربت صوبها : ليه ياروحي تبين اكثر من الاحضان وغمضت لها شفت وجهها يتلون وقفت وراحت للحمام

فراس : وجع انشاء الله ماحد معطيني وجهه يا قليل الحيا طلع وقفل الباب وراه

بيت أبو مسفر

هنادي : كنت مقفله على نفسي الغرفه من بعد الملكه ماشفت احد جالسه اقلب بجوالي شفت رقم غريب دقيت لأنو مرتين دق علي ردت بنت رفعت حاجبي مين بس لم قالت مياده : ياهلا والله اخذتنا السوالف ساعه انذهلت لم دريت ان مياده ماغيرها يالله الدنيا صغيره صغيره طلعت اخت فهد ماني مصدقه يبيلي فتره حتى استوعب بعدها قلتلها تعالي اهي تبيني انا اجي وانا ابيها اهي تجي ابي اريح بالي احسني مخبوسه

فارس: واقف عند باب بيتها وانا نار بقلبي ماحدن بيطفيها غيرها ليه صار كذا ويش اللي جاها مو تبي الملكه ليه تهيني بهذي الطريقه ماراح ارتاح لم اكلمها نزلت وانا ناوي أوقف المسخره هذي وقفت عند الباب رفعت ايدي بدق الباب بس تراجعت بااخر لحظه رجعت ركبت سيارتي حط راسه على الدركسون وهو متيقن ان هنادي من بعد كلمته صار هذا كله

واقف عند باب دورة المياه يبيها تطلع لها حول ساعه بتنام في الحمام ماهو عارف ايش يصير معه كل اللي يعرفه جنون جنون مايدري ليه يسوي كذا من بعد براءتها وهو يبي يسوي أي شي يمكن الحب رجع من بعد 11سنه الا الأكيد انوو ناظر فيها وهي تطلع من دورة المياه

الجازي : طلعت وانا ناويه ألطعه يمكن يذلف : حسيت بمسكته من عند خصري التفت له وانا دقات قلبي حسيتها بتطلع من هالقرب اللي بيجيب فيني العيد

فهد: بغموض : اختيار خطأ يابنت محمد يعني اللي صار قبل شوي ويش ولا حركاتك قبال اخوك تبين تعلمينه اننا زوجين سعيدين

الجازي : ههههههه ضحكت بنفسي على تفكيره بعيد كل البعد اصبر يالفهد ماحان وقتك لسا : ابعد وهي تحاول تسحب ايدها اللي مو راضي يبعدها

فهد: ببتسامه تقهر : اتركك بشرط

الجازي : بنظرات حيرت فهد

فهد: وهو يحرك ايده: عطيني بوسه ما حسيت الا بوكس ببطنه تأوه على بطنه وهو يضحك رفع راسه

الجازي : وهي تتفف : كريه

فلة أبو وليد

مها : كنت اكتب وانا افكر اللي قاله ابوي هادي خطبني يعني عارف اني ما ابيه ليه يفرض نفسه غصب من يوم ابوي كلمني وانا ببالي فراس غطت على وجهها وهي تبي تبعد هالوسواس صار فراس يجي بتفكيرها واجد وهذا اللي ماتبيه ليه مايروح من بالي ليه دايم افكر فيه ويش يصير معي ليه قلبي يعورني اخر مره شفته بالمكتب وحسيتني مستحيه منه يادافع البلا ويش يصير معي ياربي غطت على وجهها تبي تبعد الأفكار هذي

مياده: دخلت الغرفه الا اشوف هالمجنونه تسولف مع نفسها مها مها بصرخه

مها : بهدوء غريب : اسمعك ويش تبين

مياده :بفرحه تخيلي هنادي طلعت بنت عمة الجازي تخيلي يالله ماني مصدقه هنادي نفسها ما غيرها جلست ساعه من الصدمه نسولف اخذتنا السوالف يالله يابنت ابي استوعب لين الان ماني مستوعبه ياربي اااااي قبل يومين ملكه هنادي والجازي ماقالت لنا

مها : بطفش : ويش دخل الجازي

مياده: كيف ويش دخل الجازي اخوها

مها طاح القلم من ايدهـــــا

اخوها مين فارس ولا فراس

مياده: وانا ويش عرفني تبين تروحين معي انا بروح

مها: الحين الساعه 9 الوقت متأخر أخاف ابوي ما يوافق

مياده: ههههه لاتخافين أضبطك معي امشي يالله

مها : بعد تفكير وبالها مع سوبرمان على قولتها : أي معك

مياده: تجهزي ع السريع

بيت أبو مسفر

جهزت كل شي بعد ماعطتني خبر مياده انها بتجي وعطيت امي خبر ضبطت مجلس الحريم بخرت بس كنت ساهية مع هذاك

نزلوا البنات الا بوجههم الجازي وفهد

مياده: الحمدالله ع السلامه من طول الغيبه جاب الغنايم

الجازي : ببتسامه مجاملة : يا هلا اشوفكم كاشخين وهي عينها على فهد اللي طلع الدرج بهدوء

مها : برد سريع : لازم تعرفين يعني : مدري ليه قلت كذا احس بنار بقلبي ماني عارفه ايش سببه

الجازي : استغربت ردها بس طنشت وانا اناظر بمياده

مياده: بفشله من اختها : عند بنت عمك يا نذله ما تقولي لنا ومبرررروك متأخرة شوي

الجازي : بهدوء اها الله يبارك فيك وطلعت الدرج

مياده: تلتفت لمها بقهر: ايش الرد هذا قسم بالله وقحه

مها : بقهر امشي امشي : مدري مدري يامياده احسني متضايقه

بيت أبو مسفر وبالحوش

مسفر : وهذا اللي صار يا فراس مدري اشبها كانت تبيه وش صك براسها

فراس : والله يا اخوك ما ادري ويش ارد عليك هذولا ما احد يفهمهم ولا انا قادر افهم فارس اللي اكل نفسه بالشغل

مسفر : بضيق : يعين الله خليك منهم ويش رايك نشوي بالحوش والأجواء خيال

فراس : والله علي دوام بس والله ما اخليها بخاطرك

مسفر : اجل بجيب المنقل وانت سوي الفحم على ما اجي

فراس : صار يالله ومدري ويش تحس فيه على بالك معك حوش كله زي وجهك

مسفر : ههههههههه يازينه وجهي زيناه
طلع مسفر وفراس طلع الفحم ويولع فيه

نزلت مياده وهي مبتسمه لحارتهم القديمة : يالله يامها ناظري اشتقت لهذيك الأيام يمممه ليتها ترجع

مها : كنت اناظر وهذي ثاني مره اجي الحاره بس جيتها وانا مغصوبه ووقتها عرفت اهو مين والحين بعدت هالافكار اللي صارت مزعجه لي فتحت باب بيتهم شفت مياده تسبقني بس التفت الا اهو قبالي يعني اهو العريس قلبي وجعني قربت منه وانا ناسيه وجود مياده نسيت نفسي بالوقت قربت خطوتين وانا اناظر فيه وهو مشغول بالفحم ما رفع راسه

فراس : شفت ظل شعر جسمي كش مو وقتك يالجني ابي اشوي بنفسي الله لا بارك الله فيك يا مسفر والجني تسلب مو راضي يروح غمضت عيوني وقريت المعوذات بصوت عالي لعله يروح

مها : بقهر فتحت عيوني على وسعهم وهو يقرا انا جني رفع ضغطي بصوت عالي : ليه على بالك جني

فراس : فز اعوذ بالله هذي انتي ويش جابك هنا

مها : حطت ايدها على خصرها : وبقهر: ابد جيت ابارك لك

فراس : رفع حاجبه : على ايش

مها : بغيض وبين سنونها: على ملكتك

فراس : كتمت ضحكتي : اها الله يبارك فيك ورفع حواجبه : عقبالك

مها : بقهر : قريب على ولد عمتي خطبني

فراس : انخطف لونه وحس بضيق اهو امس وهو مكلم امه يبيها وهو خايف الرفض يكون حليفه راح يخطبها وراح يكلم حتى لو رفضت راح يقنع قلبه مايدري متى راحت رفع راسه وهو يحس بضيق وقف وهو مو يم الفحم اللي بدا ينطفي مشا مايدري وين يروح

مها : كنت امشي وانا اسمع صراخ مياده اللي تنادي لي وتصرخ علي قربت منها وانا ما فيني اتحمل اكثر من كذا خلاص فوووق طاقتي والله

مياده: وهي تمشي : اقسم بالله زودتيها صرتي تتمادي بحركاتك يالمها كنت اصرخ عليها بس لم فتح باب البيت سكت لأنو هنادي طلعت بس التفت الا مها تبكي بشهقه انجنيت قربت منها وحضنتها اشبك مها اشبك شفت هنادي تقرب منها وهي مستغربة وانا نفس الطريقه

مياده : بفشله : العذر والسموحة لازم اروح هنادي حياتي مره ثانيه راح اجيك وجهي طايح يالفشله

هنادي : باستغراب : عادي ياروحي بس طمنيني على مها

مياده : انشاءالله سحبت مها وجيت بطلع من عند الباب الا بوجهي اخوها كنا بنتصادم يا هذا اليوم من اوله فشله

مسفر : جيت الا الفحم زي ماهو والولاعه مرميه وسيد فراس مدري وين ذلف ادق ما يرد قربت من البيت بدخل الا بوجهي هذي البنت سحبت نفسي ولا كان قووووة تصادم التفت الا هما طالعين من البيت دخلت الا هنادي متنحه بنت اشبك

هنادي : بهدوء غريب عليها : مدري بس صديقتي اختها تعبت شوي

مسفر: اها وطلع لغرفته

بيت أبو فارس

ام فارس : منصدمه من ولدها : يايمه البنت شبعانه وحنا ناس على قدنا ماراح يوافقوا يايمه

فراس : بغبنه : ابيها وافقت رفضت ابي اريح قلبي يايمه لو لي نصيب فيها باخذها مالي نصيب الله يوفقها بس ابي اقتنع

ام فارس : بنفسها ياربي من هالولد

بيت أبو وليد

جالسه بغرفتها وتعاتب نفسها
ام وليد : كيف ظلمت البنت البنت كانت صغيره عذبها ولدي وظلمها وسكت يا أبو ليد يا قوة قلبك شفتها تنظلم ولا تكلمت يالله وين احط وجهي من خالقي ومن البنت

بالغرفة

مياده : اشوف ذي المجنونه مقطعه نفسها بكي ماني عارفه ويش بها وماهي راضيه تتكلم

مــــــــــــــــــــــرت ثلاث أيام

فهد طلع الكويت بهل ثلاث أيام عشان صفقه
فارس لا جديد شغل ونوم وشايل هنادي من باله
هنادي مشتاقه ومكابره على قلبها
مسفر لا جديد ينتظر هذاك السراب
مها واه من المها اخذ كل تفكيرها و وقتها فراس وما تدري ان فراس انأخذ عقله قبلها صارت منطوية على نفسها رفضت هادي حاولت امها بس قالت اموت ولا اخذه زعل ابوها عليها كيف ترفض ولد اخته

فراس له ثلاث أيام يحن على امه توافق وبعد تدخل الجازي
الجازي لي ثلاث أيام عند اهلي هذيك الليله روحت معه جاء اتصال مشا على طول للكويت ما انسى كلمته ارتسخت بعقلي
فهد: الجازي
الجازي : وهي تناظر لطريق ولا التفتت : نعم
فهد: وهو عينه على الطريق : انسي كل شي برجع من الكويت برجع فهد اللي قبل 11 سنه

الجازي : بغموض وضحكه : هههههه تنتف قرنيني

فهد: بقهر :هههههههههههه ليتها تعود هذيك الأيام
الجازي : فقت من مخيلتي والكلمه ببالي ليتها تعود مابي افكر كثير ابي بس اللي ببالي مابي فراق لسا ماحان يالفهد تأففت وقفت قبال التسريحه وانا ابي ابعد فهد من مخيلتي ماراح اطلع من بيتك يالفهد الا ما اطلع روحك انت واللي معاك ببتدي لعبتي وببتدي حبك المزيف غطيت على عيوني وانا مقهورة صدمني فراس بحبه للمها أخاف يخرب كل شي مخططة له بس خطبت المها بتساعدني على أشياء بس مابي قلب اخوي ينكسر زي ما كسرني مها شخصيتها قويه صح تبين كبرياء بس ما احد يعرف قلبها الصافي غيري يالله انا عارفه اللي راح يصير غلط بس ماراح ترجع كرامتي الا بهالشــــــــــــــــــــــــــي قمت تجهزت لأنو رايحين نخطب

فلة أبو وليد

وصلو فراس وفارس عند ابوليد بالمجلس
الجازي وامها عند ام وليد

الجازي : نظرات مصوبه على عمتي مستغربه ليه امي جايه وانا قلبي بيوقف أخاف تجيب العيد هالعمه النظرات وحدها تكفي ايقنت ان الرفض حليف فراس مها ما نزلت ولا مياده كنت اباشر على امي وامي مستغربه التفت الا بوجهي مياده ومها مبتسمين اثلج صدري

مها : كنت مستغربه ام الجازي جايه بس قلت يمكن تتعرف على امي كونها ام فهد جلسنا ما يقارب ساعه اندمجنا بالسوالف

الجازي : بصراحه انصدمت من البنات غيروا الأجواء حتى عمتي تسولف مع امي بارتياح ارتحت ان الوضع زي ما ابيه بس قطع سوالفنا دخلت فهد فزيت من طولي وانا ناسيه كل اللي بالصاله كنت امشي بتجاهه ومبتسمه بس فيقتني كلمة مها معقوله نسيت وعدي لنفسي أبعدت الأفكار هذي وانا احس عايشه بتناقض

فهد: وصلت شفت سياره برا يعني فيه ضيوف عند ابوي ابي اتسبح واروح لهم دخلت شفت فزتها ابتسمت بس اللي ضحكني تعليق الخبله

مها : حبه حبه ياروحي اثر الاشتياق فاق عندك ياحماتي العزيزه

كل اللي بالصاله ضحكو على تعليق مها

الجازي : وجهها استو طماطم بس حطت ايدها على خصرها : اكيد اشتاق لزوجي اذا ما اشتقت له اشتاق لمنو

مها : صفرت باعجاب : ارحمينا يا جوليت وروميو اخذ الرومنسيه هذي عنه

ام وليد: استحي على وجهك يابنت

مها : بطفش : ماتو الطيبين يمممه

مياده: شفت فهد يقرب من امي وعمته ويسلم عليهم وقفت سلمت عليه وطلع ومعه الجازي ضحكت على شكلهم مفضوحين الشوق باين بعيونهم الله يسعدهم ويهدي النفوس

فارس : كلمنا أبو وليد وبعدها دخل فهد جلسنا شوي ومشينا لأنو الوقت تأخر وفهد باين بشكله تعبان

فهد: كلن مقابل الثاني ماني عارف وش أقول ولا معي كلام أقوله

الجازي : بنفسها:بصراحه انصدمت من نفسي أقول لا كله انتقام بس اللي بقلبي اكبر اشتقت له مابي ابعد عنه أي كيف بقولها مابي انطقها

فهد: احم الجازي وانا منزل راسي مابي ارفعه وانصدم ننسى الاتفاق

الجازي : بنفسها: هذا اللي قدرت عليه ننسى الاتفاق حتى كلمة اسف ما قلتها ولا انا غلطت بحقك ولا كلمه يجبر خاطري فيها اللي جاني منك يافهد مو شوي وقفت ولا عطيته رد

فهد ظل ساكت وهي توقف و تروح من عنده عرف الجواب الرفض نزل راسه وغمض عيونه بدايته انتقام ونهايته عشق

بيت أبو فارس

فراس : رايح راد بالغرفه ماراح يرتاح الا ما يسمع الموافقه او الرفض

فارس : يناظر لآخوه وهو بقلبه مية وجع : وبنفسه: اجل يافراس ويش تقول اللي صارت ملكته ولا هو قادر يتكلم معها

اليوم الثاني

فهد والجازي

الجازي : اناظر فيه نايم غمضت عيوني وامس ما حنت لنا فرصه نتكلم كان تعبان ونام وقفت ابي اخذ لي دش بعد دقايق طلعت وصليت ركعتين وانا ماني عارفه ايش اسوي او ايش اقرر امس عرفت مشاعري تجاه فهد أي احبه بس كرامتي فوق كل شي لازم الموضوع ينتهي اليوم فكرت لين وصلت لحل لي وله ماحسيت الا قفل باب الحمام مادري متى قام انتظرته لم طلع شفته يجهز للصلاة تأخر عليها انتظرته لم خلص صلاته قربت صوبه وقلت فهد:

فهد: كنت اناظر فيها : ويش وصلتي له

الجازي : قلت لك قبل الطــــــــــــــــــلاق

فهد رفع راسه لها بارتباك

الجازي : انتظر منك ورقة طلاقي فهد انا استاهل رجل يقدرني ويصوني استحق رجل يذوب في حبي مو انت يافهد هذ الرجل اللي من يوم اخذتني كف ورا كف سحبت نفسي وطلعت وانا مخنوقه

فهد: ناظر فيها وهو مو قادر يقول شي كيف يعتذر لها وكيف يرد لها اعتبارها جرحها وبقوه وأهانها ماقدرها قدام اهله كيف كان يعذبها كيف ظلمها بسبت انتقام وحقد لا بارك الله فيه من انتقام حط ايده على راسه وهو يحس بوجع عليه ان يحترم رغبتها بالانفصال

بيت أبو مسفر

هنادي : بقي ساعه ويأذن العصر جدولي صار اكل ونوم ماعاد صرت اطلع من غرفتي صرت محبوسه بهل الغرفه كل تفكيري بفارس ولا دق ولا سأل ما يدري عنده زوجه او لوحه اففففففف
كانت تتحلطم على نفسها ودها تكسر كل شي التفت على فتحت الباب بنت

ام مسفر : قومي تجهزي زوجك جاي ولا اسمع منك نفس يالله

هنادي : كنت بتكلم قاطعتني عارفه امي بتفلسف بس سكت لان نبع الحنان ماهي معدية لي شي : سمي يمه وقفت اتجهز

بيت أبو وليد

مها : طلعت من عند ابوي وانا بحال ذهول كانت تتكلم معي مياده وانا ماني حولها ابي استوعب مصدومه

مياده: بنت بنت وين العقل أتكلم معك

مها : بفهاوه : التفت لها : مياده فراس خطبني

مياده: ها ويش تقولي انتي

مها : بغباء : والله كيف يخطبني وهو مملك على هنادي

مياده: الله كيف كذا مو هو اللي خطب الله

مها : صحيت من اللي انا فيه كيف كذا يخطبوني والولد مملك على بنت عمه

مياده: دقيقه الحين اجيب لك الخبر

مها : طلعت مياده وانا متنحه معقوله كانت تحرك ايدها انفتح الباب بقوووه فزيت وانا اناظر هالمجنونه

مياده: بنت طلع فارس توه مملك على هنادي الجازي علمتني قلتلها من مملك على هنادي وقالت لي فارس

مها : بخبال : اصبري اصبري : حطت ايدها على قلبها وسوت نفسها ذايبه يمممممممممممه قلبي ميـــــــــــاده روووحي قولي لأبوي موافقه ولا ابي مهر ولا ابي شي يجي ياخذني بكشتي لا بارك الله فيه من حب ضيعني

مياده : فتحت عيونها على وسعهم : وجع ويش تخربطي ويش قلة الادب ماعاد في حيا

مها : طاحت على الفراش برومنسيه : بلاك ماحبيتي ضيع علومي فراسووو

مياده: الصدمه الجمتها مصدومه من تصريحات اختها

بيت أبو مسفر

هنادي بالمطبخ وتتكلم بنفسها
كنت انتظر فارس وقلبي يقرقع مادري ويش أقول بعد اللي صار معي والله من القهر اللي فيني صار هذا كله ابي اعتذر عارفه غلطت اليوم راح أقول له انا اسفه وهي تمثل سامعني يابعلي العزيز وشابكه ايدينها ببعض بعلي يعني زوجي

ام مسفر : دخلت المطبخ والا اشوف هالخبله بنت ويش فيك انهبلتي

هنادي : فزيت بسم الله خوفتيني يمممه

ام مسفر : انتي بكبرك تخوفي بلد ادخلي زوجك بالمجلس

هنادي : بارتباك : الحين فعلاً حسيت بصعوبة النطق والحركه جاني شلل نصفي بلعت العافيه : طيب بخوف اخذت قهوتي وانا امشي واهز قربت من المجلس دقيت الباب ماسمعت ولا صوت بدايت خير ياهنادي دخلت قفلت الباب وراي وانا احس بخوف وبرهبه لأول مره سلمت مارد علي جلست مقابله له ولسا زي ماهو ابيه يرفع راسه سلمت مره ثانيه ولارد ياويلي ليكون زوجي صار ما يتكلم يا لليل البلشه يابعد قلبي يا فارس بس الكلام اللي جاني خلاني بغيبوبه كنت ابي اعتذر انا غلطت صح وهو غلط ابي اعتذر بس ما حسيت الا دموعي تنزل من قوة الكلام

فارس : ما ادري متى دخلت كنت ابي اشوفها ابي النار اللي بجوفي رفعت راسي وقلت : هنادي انا قلبي طاب منك قلبي اكتفى منك مابي اجاملك مابي اعطيك شي مزيف كنت احبك بس يوم الملكه كرهتك والله كرهتك ودي اتقبلك بحياتي بس قلبي عيه سويت المستحيل عشانك وعشان هالملكه بيوم الملكه صدمتيني وبردك كسرتي الحب اللي بقلبي لك ليتك قلتي لي قبلها والله ماراح انكسر كسرتي فرحتي وبلحظه محيتي حب الطفوله من قلبي مابي اوجعك بس اوجعتيني

هنادي كانت تناظر فيه وبنفسها :ماقدرت تنطق ماغير دموع فوق طاقتي والله كل هذا يافارس تكرهني كنت معصبه وكنت بعتذر منك بس الحين ابشر مسحت دموعها بقوه وقفت وهي ضاغطة على اعصابها ناظرت القهوه والحلا كل شي قبالها كسرته لعل يبرد قلبها ووجعها شوي تبي تهدي عصبيتها ماتدري ان ثارتها

فارس : كنت اناظر مصدوم ركبها جني لا والله مجنونه هذي

هنادي : التفت له بقوه ورديت له : اصبر والله لا اخليك تندم مو هنادي اللي تستلم ومو اللي تنهان تعقب التفت وانا اسمع باب الصاله ينفتح يعني في احد جاي ابتسمت قربت صوبه وطيحت نفسي بحضنه حضنته بقوه فارس لاااااااا لاااااااااااا فارس انجنيت انهبلت على فتحت الباب ام مسفر

فارس : انجنيت من اللي كانت تسويه والله ماهي هنادي هذي ماكره التفت الا عمتي تدخل تصلب قلبي وانا عارف ان اليوم انتهيت انهتني هنادي ويش تفكر عمتي ويش بتقول وهالمجنونه تصرخ بحضني

هنادي : فزيت وانا ابعد يده من حضني :ببكي ودموع مزيفه يممممممممممممممه يممممممممممه

ام مسفر :طلعت على شي يتكسر دخلت المجلس الا اشوف بنتي بحضنه وتصرخ : بفجعه: ويش بك يممممه قربت من بنتي حضنتها وهي مخبوسه وبتمووووت بكي : فارس ويش صاير

فارس : بحالة ذهول من اللي يصير معه نطق بصعوبه: والله ياعمه مدري ويش بلاها شوي انقلبت

هنادي : يمممممممممه ااهه اهه كيف ماتدري وانت كنت ااهه ااههه كانت قاصدها تتقطع بالكلام

فارس : بفجعه فز: ويش

ام مسفر : ويش يمممه خليني افهمك وخلي البكي عشان افهم

هنادي : يمممه فارس كان يممممه هه ههه والله يمه استحي أقول اههه

فارس : بذهول : وجع يوجع العدو ويش تقولي يابنت

ام مسفر : اسكت انت خلني افهم أي يمممه ويش

هنادي : وهي تناظر بفارس ببتسامه على جنب فارس انجن من اللي قالته: فارس يمممه كان يبي ههه والله ما اقدر أقول اهه اهه اهه

ام مسفر : وهي تبعد هنادي من حضنها : ياقليل الحيا بنت عمك عرضك وشرفك يالخسيس تبي تفضحنا بين العرب وماصار زواج

فارس :خلاص بيموت عروقه طلعت من العصبيه مو منطق هذا كيف عمته تصدق هالمجنونه وبصوته كله من الغضب : هنــــــــــــــــــــادي وحطبـــــــــــــه وقسم بالله ما اخليها لك

ام مسفر : بصوت اعلى : تحطب ضلوعك اذلف لا بارك الله فيك من ولد ناوي تفضحنا هذي سواتك

هنادي : وقف قلبي من اللي صار خايفه مسفر يجي هنا بتصير نهايتي فارس طلع بسرعه وامي طلعت وراه تصرخ وقفت نفضت فستاني : اجل طابت نفسك مني هههههههههههههههههههههههههههه

بيت أبو هادي

همس : يايمه كل شي قسمه ونصيب هادي ماله نصيب فيها

ام هادي : والله ما ياخذ بنت اخوي الا ولدي والتفت لابنها بقهر سمعت

هادي : يمممه انتي عارفه ابيها من اول وهي رفضتني والحين تجي توافق على هذا التبن والله ما اخليها له مها لي انا

همس : بتعب من امها واخوها هما عارفين مها وكرهها لهادي مستحيل توافق الله يعينكم وقفت وانا ضايقه فيني هذي امي ارسخت فهد بعقلي وبالنهايه تزوج مو حب لا بس لم يقول هذا شخص لك تبني امال وامال وتروح بغمضة عين والحين امي رسخت بعقل هادي مها ااااااااخ اااااخ

واقف ناررررررر تاكل بقلبه مصدوووم وكيف ماينصدم كيف توصل فيها كذا معقوله هذي هنادي اللي حبيتها رفع ايده على عيونه وهو يحركها يبي يستوعب اللي صار خاب كل شي قباله كيف كان يحبها كيف قدرت تسوي كذا ليه ياهنادي هذا كله عشان عارف جرحتها لأنو ابيها تخفف حركاتها اللي صارت تزعجني مادريت انها بتحقد وتسوي كذا كيف بتصرف معها هذي ويش اسوي اعلم مسفر بيقتلها عمتي صدقت بنتها وانا ماني قادر اعلم احد خايف عليها
شموخ جنوبية : الظاهر تعيش بتناقض معليك يا روحي باخذ حقك منها الدلوعه فيس حزين

فلة أبو وليد

أبو ليد : اذكري الله ياام هادي مايصير كذا

ام هادي : بقهر : هذاني قلتلك مها لهادي ولا والله ماعاد لي دخله لهذا البيت
هادي : خال انا ابي مها وانتم كلكم عارفين

أبو وليد وهو بحيره : التفت لحرمته: قومي كلمي مها

ام وليد : ابشر وقفت وانا بصراحه مو عاجبني الوضع طلعت غرفت مها فتحت الباب قربت صوب فراشها يمممه مها يمممه

مها : كانت تحت البطانيه ماهي نايمه عارفه عمتها لو حطت شي براسها تجيبه سمعت قبل ماتجي امها كلام عمتها : حبته أي حبته وكيف تقدر ترفضه وهــــــــــــــــو خطبها غمضت عيونها بقوه ماتبي شي يصير تبي فراس

ام وليد: ماسمعت رد طلعت

الجازي والفهد

طالعه من دورة المياه

الجازي : طلعت الا اهو بوجهي رحت يمين راح معي رحت يسار راح معي رفعت عيوني له شفته يبتسم : بتنهيده طويله : ابعد يافهد

فهد: ببتسامه تدوخ: لاااااااااا

الجازي: لفيت بسرعه ضربت بصدره لف ايدينه علي كانو حاضنين بعض : وقف كل عرق بجسمي الا هالقرب صرت ضعيفه عنده

فهد: احبـــــــــــــــــــــــــــــــــــــــــــــــ ـــــك

الجازي : رفعت نظري له عجز الكلام عجز لساني ينطق : حطت ايدها على وجهها وبكت بنحيب

كان يناظر فيها وقلبه يتقطع عليها اوجعه حيل حيل كيف يقدر يبرر لنفسه وكيف تسامحه وهي كذا موجوعه

فهد: شفتها هديت شوي : انا عارف اني عذبتك انا عارف انك تكرهيني كنت أقول بتزوجك لسبب واحد وهو الانتقام لا لا كذاب واكبر كذاب كنت احبك بس كنت أقول لا انا ابيها عشان انتقم الجازي ما اعرف اعبر والله ولا اعرف شنو أقول كل اللي اعرفه اني احبك وكل اللي ابيه انك تنسي الطلاق

الجازي : من بين دموعها : مــــــــــــــاراح انسى الطلاق انا ابيك تطلقني

فهد: وهو يحاول يتمالك أعصابه بس فلتت اعصابه بعد الكلمه هذي : صار يتلفت يبي أي شي يبرد قلبه فيه مايبي يضرها ضرها بما فيه الكفايه التفت صار يرمي اللي على التسريحه ويصرخ : طلاق ماني مطلق انتي حقي انا ماني مطلق فهمتي فهمتي

الجازي : قربت تأخذ عبايتها ولبستها دقت على فراس قبل شوي بس ما قالت شي قالت تعال ابي عند امي كانت دموعها تنزل غصب عنها خلاص ما فيها تتحمل اكثر من كذا جلستها عنده تحس بإهانة عمرها ما انهانت ومن يوم اخذت فهد أنواع الذل والإهانه

ام وليد: ياربي ويش الصراخ هذا

ام هادي: بضحكه وصوت واطي: احسن

طلعت ام وليد وهي تبي تعرف ويش صار بينهم ذولا

فراس: غريبه جوجو داقه علي شكل فهد مو موجود يارب ياحبيبي احصلي نظره صار يتلفت وهو بالسياره ومنتظر الجازي تنزل

الجازي :سمعت فتحت الباب على دخلت عمتي وابنها يكسر كل شي وقفت وانا بنزل ما حسيت الا بسحبته ليدي :ابعد تراك عورتني ايده حسيت انغرزت بضلوعي : ماعاد فيني اتحمل خلاص تعبت منك تحملت تحملت بس فوق طاقتي ياعم ينحرق الاتفاق ماهمني كان يناظر فيها وعيونه جمر كل شي يافهد سويته معي أنواع العذاب معك شفت حتى اخواني هددتني فيهم ما عاد همني الا نفسي ابي ارجع الجازي قبل دفيته وعمتي تناظر فينا ما تكلمت نزلت اركض

فهد: جن جنونه وهو يشوفها تبعد وتطلع هو عارف غلط بحقها هددها بخوانها بس الحين اللي يبيه ما تتركه ما بقوا فراقها

ام وليد كنت اناظر فيهم وانا عارفه بغلطت ابني وبغلطتنا كلنا بحقها

فزت ام هادي وهي تناظر الجازي تطلع من عندهم بسرعه وأبو وليد ماهو عارف ايش يصير

الجازي: طلعت للحوش شفت فراس بالسياره منتظرني شفته ينزل بعدها حسيت بسحبت ايدي صار يصرخ فهد

فهد: بصراخ وهو ما يشوف قباله احد:مـــــــــاراح اتركك مارح تروحي مكان ارجعــــــــــــــــي

فراس : انجن لم شاف اخته كذا وفهد يسحب فيها ويصرخ اســــــــرع بخطواته وهو يناظر فهد يهز الجازي واخته ماغير الدموع ماتوقع الجازي القويه بهذا الضعف : قـــــــــــــــــــــــرب مـــــــــن فهــــــــــــد وبكـــــــــــــــــــــــــــــــــٍس