تحميل رواية «اللؤلؤ والأخرس» PDF

وفي الامارات في عماره سكنيه في الدور ال 13 شقه يبان عليها الرقيه والذوق الجميل وهي شقه لؤلؤه مكونه من خمس غرف وريسبشن كبير ومطبخ امريكاني



ونخش على اوضه يبان عليها الطفوله من كتر الالعاب اللي فيها ولونها بينك ونلاقي لؤلؤه نايمه ودخلت الداده عشان تصحيها وقالت لها قوم يا لؤلؤه انتي نمت كتير قوي



ردت لؤلؤه بنعاس سيبيني انام يا دادا ردت عليها لا مش هسيبك يلا قومي عشان تفطري مع ابوك ومامتك بره قالت لها حاضر وفتحت عينيها لؤلؤه وهي بتتمطع

وقامت من على السرير وراحت ناحيه الداده وبسيتها من خدها وقالت لها صباح الخير يا دادا ردت عليها صباح الهناء والسعاده على قلبك يا روحي الداده يلا يا قلبي عشان تفطري

ردت عليها حاضر ودخلت الحمام اخذ الدش والداده روقت السرير شالت اللاب توب حطيته في مكانه والعروسه المفضله للؤلؤه حطيتها مكانها وراحت ناحيه الدولاب طلعت فستان رقيق وحطته على السرير وخرجت



وبعد دقائق خرجت لؤلؤه وهي لفه جسمها بالبشكير وفوطه على شعرها متنشفه وراحت ناحيه السرير وبدات تلبس هدومها

وراحت عند التسريحه شغلت الاستشوار عشان تنشف شعرها وعملته وحطت ملمع شفايف وكحل في عينيها وخرجت لقت ابوها وامها قاعدين على السفره

وراحت تبوس خد باباها وتقول له صباح الخير يا حبيبي رد عليا صباح النور يا حبيبتي وراحت لمامتها وبسيتها من خدها وقالت لها صباح الخير يا بسبوسه حياتي ردت عليها صباح النور يا قلبي يلا اقعدي عشان تفطري

قالت لها حاضر وقالت بسمه هتعملي ايه النهارده يا لؤلؤه ردت عليها ما فيش يا ماما هاخد ادوات الرسم وهروح الجمعيه عشان الاطفال عايزين يرسموا وكمان هطلع على الكافيه عشان ماجي مستنياني هناك

رد يسري ماشي يا حبيبتي محتاجه فلوس ابتسمت لؤلؤه رد يسري يبقى اكيد محتاجه هبعت لك الفلوس على الفيزا بتاعتك قالت له شكرا يا احلى اب في الدنيا كلها قال لها ماشي يا بكاشه

وتليفون يسري رن وكان والده وقام يسري قال لهم انا ورايا شغل كتير واخذ مفاتيحه وخرج راكب الاسانسير

ورد صباح الخير يا حاج عثمان تليفوني منور لما شاف اسمك ضحك الحاج عثمان وقال له صباح النور يا ابني عامل ايه وحشتني قوي رد عليه انا كويس الحمد لله

قال الحاج عثمان مش هتيجي يا ابني مصر ولا ايه رد يسري هاجي يا حاج قريب جدا المهم انتم عاملين ايه

رد عثمان احنا كويسين بس انت طولت اول المره دي ومراتك واولادك متضايقين رد يسري حاضر يا حاج هنزل قريب وقال له عثمان ابقى تكلم مراتك وطمنها عليك واتصل على عيالك

رد يسري حاضر يا حاج وقفل معايا وتنهدي يسري تنهيده طويله مش عارف هيعمل ايه مع بسمه لو عرفت انه متجوز في مصر وكذب عليها ولا اللي في مصر لو عرفوا انه نتجوز ومعاه بنت

قال ربنا يسترها وخرج من الاسانسير ركب العربيه وقال للسواق على المستشفى رد السواق باحترام حاضر يا دكتور

نروح في مصر ارض الكنانه وبين الناس الاصيله والطيبه وفي منطقه شعبيه عماره عائله عثمان الكيلاني مكونه ست ادوار الدور الاول وبيطل على الجنينه وهي شقه كبير العيله عثمان الشاذلي والدور الثاني شقه توفيق ومراته واولاده وشقه شوق وزكريا جوزها واولادها

والدور الثالث شقه يسري ومراته واولاده والشقه اللي قصادهم مقفوله والدور الرابع والخامس لاحفاده الدور السادس ملك الابراهيم ومخصصه لنفسكم ممنوع اي حد يطلع فوق غير امه وابن عمه

وفي شقه عثمان كان قاعد في اوضته بعد ما اكلم يسري ابنه بص على صوره مراتي وقال الله يرحمك يا شوق

والباب خبط وكانت حفيدته روان بتقول له يلا يا جدو عشان تفطر رده عثمان الكل نزل قالت له الكل نزل ما عدا ابراهيم لسه ما نزلش قال لها طيب اخرجي وانا جاي وراكي وخرجت روان

مسك تليفون بعت رساله لابراهيم وابراهيم كان قاعد بيخلص الشغل اللي في ايديه ولقى تليفونه هزاز رساله اسم جدو وفتح وقال عثمان يلا يا ابني عشان نفطر

ورد ابراهيم برساله حاضر يا جدي هنزل حالا ودخل الحمام غسل وشه وسرح شعره ورش برفانه واغير القميص وانزل



اما في شقه عثمان الكل كان قاعد على السفره وكانت صابرين وكوثر وشاديه بيحضروا الفطار والبنات بيرصوا الاكل ونغم كانت قاعده على التليفون وهم بيحطوا الاكل عادي

وهاشم كان في الشقه وخرج شاف ابراهيم نازل وقال له اتاخرت ليه بالاشاره رد ابراهيم بالاشاره كنت بخلص الملف اللي معايا رد هاشم تمام ونزلوا وهاشم داخل وقال السلام عليكم ورد الكل

ونغم خبت التليفون وقامت عشان تحط معاهم الاكل وقالت روان خلاص يا ستي نغم احنا حطينا الفطار وشكرا ليكي ردت نغم في ايه يا روان حصل ايه ده كله وقال عثمان يلا يا بنات عشان تفطروا وهم بيفطروا

قال عثمان عملت ايه يا هاشم في شحنه الملابس اللي جايه من بره رد هاشم كله تمام يا حاج والورق هيخلص ونروح نستلمه كمان يومين بس انا شايف ان نشوف مصنع تاني نتعامل معاه عشان هم بداوا يشد حيلهم علينا

رد عثمان ازاي يعني وبص هاشم لابراهيم بمعنى اقول ولا لا وهز ابراهيم راسه وقال العقد بتاعهم هينتهي يا حاج بعد شهرين بعته عقد ثاني بشروط تانيه غير اللي كنا متفقين عليها

رد عثمان خلاص يا هاشم شوف الصح فين واعمله رد هاشم ابراهيم اتفق مع كذا مصنع وابعت لهم العقود بتاعتنا وفي مصنعين ردوا علينا وهنمضي معاهم رد عثمان تمام يا ابني

وانت يا توفيق كلمت الناس بتاعه عشان تيجي يوم الاحد تاخد بضاعتها ولا لا رد توفيق كل حاجه تمام يابا وكملوا اكل وقالت نغم بعد اذنك يا جدو عايزه اروح حفله عيد ميلاد صاحبتي الاسبوع اللي جاي

وقال عثمان بصي يا نغم ابوكي جاي الاسبوع ده قولي له وشوفي رايه هو ايه فرحه صابرين بما جاي يسري وقالت له بجد يا عمي يسري جاي رد عثمان ايوه يا بنتي كلمني الصبح وقال لي قالت له طيب يا عمي

وقالت نغم يا جدو اديني انت الموافقه وبابا مش هيقول حاجه بعد كلمه حضرتك رد عثمان لا يا بنتي ابوك لما يجي خد رايه هو ونغم كانت هتتكلم وقال هاشم ما خلاص يا نغم جدك قال كلمته بلاش الكلام الكتير اتضايقت نغم وسكتت

وقالت ايناس انا فرحانه قوي ان بابا جاي رد هاشم ماشي يا حبيبتي وابراهيم كان قاعد بيتفرج على العيله وبياكل وهو ساكت وقال توفيق بس هو ليه يسري اتاخر المده دي كلها هناك

رد عثمان ما انت عارف انه كان غاوي التعليم واختار مهنه الطب وهو بيحبها غيرك انت واختك رد توفيق ما انا عارف ما يرجع هنا ونبني له المستشفى اللي هو عايزها بدل ما هو قاعد في الغربه

ردت صابرين يا ريت يا ابن عمي وقالت شاديه فعلا يا ريت اهو يبقى وسطينا بدل ما وقعت طول عمره في الغربه من ايام وهو طالب رد عثمان انا ما اقدرش اغصب عليه وهو كبر وعارف مصلحته ايه

وقال هاشم يا جماعه هو مبسوط كده خليه براحته وقالت صابرين ما يبقى في وسطينا احسن من الغربه وكمان احنا اهله وانتم عياله ومحتاجينه جنبكم رد عثمان خلاص يا صابرين كفايه كلام ويلا يا هاشم روح شغلك

و بص زكريا وقال له سيف فين ما افطرش معانا ليه رده شاديه ما فيش يا بابا نزل الشغل بدري رد عثمان ماشي وانت يا حازم مش كفاياك بقى اللعبه اللي انت بتلعبه ده رد حازم انا ما بلعبش يا جدي وده شغلي

رد عثمان شغلك تصور الفنانين تبقى مصوراتي ابتسم حازم وقال له طب يا جدو انت عايزني اعمل ايه مش انت ساعات بتجيب شغل جديد وتطلب مني ان انا اصوره لك رد عثمان ايوه بس دي فكره ابراهيم وهاشم بس انا مش عاجبني الشغل ده وعايزك تنزل معانا

رد حازم ما انا معاك يا جدو بس دي حاجه انا بحبها ويا ريت ما تزعلش مني الرد عثمان ماشي يا ابني وقام ابراهيم عشان يمشي وقال له جدو رايح فين وابراهيم كان بيقرا شفايفه

وقال انه طالع فوق ياكل الكلب ويخلص الشغل اللي معاه وقالت ريم طالع يا جدو ياكل الكلب ويخلص الشغل اللي معاه رد عثمان طيب يا ابني خلص اللي وراك وانزل واقعد معانا بدل ما انت حابس نفسك فوق ورد ابراهيم ان شاء الله وخرج

وقالت كوثر هو ابراهيم هيفضل على الحال ده كتير نفسي افرح بعياله ده دخل في ال 30 ولا ايه يا عمي رد عثمان والله يا بنتي انا نفسي بس انتي عارفه انه رافض الجواز حتى هاشم بقى زيه

قال حازم بس انا عايزه اتجوز ضحكه شاديه وقالت له تتجوز مين ده انت كل يوم بتكلم بنت شكل ولا البنات اللي انت بتصورهم رد حازم لا يا عمتي انا عايزه اتجوز عشان اخلف العيال بدري زي ابويا وعمي ضحك عثمان

وقال له عشان كده بس طب ايه رايك مش هتتجوز غير لما ابراهيم وهاشم يتجوزوا الاول رد حازم يبقى مش هتجوز خالص وبعدين انا مش هروح بعيد اللي عليها العين موجوده معانا

وانكسفت ايناس عشان هي عارفه انه بيتكلم عليها رد عثمان اتلم يا ولا ويلا روح شغلك بدل ما اقوم لك رد حازم بدل ما تقول لي ابعت لك اجيب لك الماذون عشان تجوزني البنت

رده شاديه البنت لسه صغيره رد طب ما انتي اتجوزتي قدها يا عمتي ولا هي جت ناحيتي انا وبقت كخه صدقوا بالله انتم عيله انتم ما بتشجعوش حد خالص واخذ تليفونه ومفاتيحه وبص لايناس وغمز لها

وقال لها والله والله لاتجوزك حتى لو خطفتك وجري حازم على بره وايناس اتكسفت وضحكه شاديه هي وعثمان وخرجوا الرجاله على شغلهم

اما في الامارات في عياده يسري دخل عليه صاحبه سليم وقال له ملك يسري ما عدتش عليا الصبح ليه قبل ما تيجي رد يسري ما فيش سليم اصل ابويا كلمني الصبح وقال لي ان انزل وانت عارف اني كنت مواعد لؤلؤه ان احنا هنسافر سوا الاسبوع اللي جاي مش عارف اقول لها ازاي ان احنا مش هنسافر

رد سليم ما انت غلطان عشان لغايه دلوقتي ما قلتش لابوك انك اتجوزت وعندك بنت رد عليها يعني انت مش عارف اللي حصل زمان وان ابويا غصبني اتجوز بنت عمي قبل ما اسافر ولما جيت هنا ما شفتش بسمه غير بعديها طول وساعتها انا كنت متجوز ومعايا هاشم وسافرت

رد سليم ماشي يا يسري اللي تغير دلوقتي رد عليه ما بقتش قادر اعيش كثير مع انسانه ما بحبهاش نفسي اكمل الباقي من عمري مع بسمه واولادي كلهم حواليا رد سليم انا من الاول قلت لك يا بعد عن بسمه خلي بالك من مراتك وابنه بس انت رفضت

رد يسري ما انت عارف اني اول ما شفت بسمه عشقتها واتجوزنا وكمان ما خلفناش على طول عشان بسمه كانت عندها مشكله وقلت كويس بعد كده ربنا رزقنا بلؤلؤه انا مش قادر ابعد عن اللؤلؤه خالص ولا بسمه وحاسس اني بتنفس وانا معاهم عكس وانا في مصر مع اني بحب عيالي جدا وبكلمهم كل يوم بس بنسى نفسي وانا مع لؤلؤه وبسمه

رد سليم بقول لك ايه انسى اللي فات وخلينا بدلوقتي هتعمل ايه مع لؤلؤه وهتسافر ازاي رد عليه انا قلت اسافر النهارده وارجع يوم الخميس رد سليم وابوك هيوافق قال له ما هي دي بقى اللي انت هتعملها رد سليم ازاي قال له انت هتكلمني يوم الاربعاء بالليل وتقول لي ان في عمليه مهمه يوم الخميس ولازم ان ابقى موجود

رد سليم ماشي هعمل لك اللي انت عايزه بس ليك فاكر اني حذرتك كثير من الموضوع ده رد يسري خلاص يا سليم ما بقاش ينفع وانا مبسوط بحياتي كده رد سليم ماشي و فضلوا يتكلموا مع بعض

اما عند لؤلؤه كانت في الملجا وحواليها اطفال كثير وهي معاها دفاتر الرسم والوان بتفرق على الاطفال والاطفال مبسوطه وشايف الطفل قاعد بعيد

وقامت لؤلؤه وراحت عند الطفل ده وقالت له قاعد لوحدك ليه الطفل باصص لها وساكت و لؤلؤه فضلت تتكلم والطفل ساكت باصص لها بس وقربت المشرفه

وقالت لها ايه يا لؤلؤ سايبه الاطفال ليه لؤلؤه ما فيش يا مدام هناء انا شفت الطفل ده قاعد لوحده قلت اجي اشوفه في ايه عمال اكلمه وهو ساكت ردت عليها معلش يا لؤلؤه اصل الطفل ده ما بيسمعش ولا بيتكلم

زعلت لؤلؤه قربت منه وهي بتعيط والمشرفه قالت لها اهدي بس يا لؤلؤه هو مولود كده ردت عليه طب بتتكلموا معاه ازاي بتفهموا طلباته ازاي ردت المشرفه في واحده هنا متعلمه لغه الاشاره وبتتكلم معاه وبتعلمها له برده عشان يفهمنا

ردت لؤلؤه طب هو اسمه ايه ردت عليها برق قالت لؤلؤه اسمه جميل قوي طب هو جاي من امتى هنا انا اول مره اشوفه ردت المشرفه جه اول امبارح اهله عملوا حادثه وهو جابوه علينا عشان ما لهوش قرايب في مصر تاخده

ردت لؤلؤه هو مصري قالت لها ايوه قالت لؤلؤه هو انا ينفع اتبناه رده المشرفه لا ما ينفعش لازم زوج وزوجه هم اللي هيتبنوه ردت لؤلؤه تمام قالت لها انا عايزه اتكلم معاه

قالت لها ثواني هبعت لك واحده تساعدك قالت لها طيب وهي قعدت جنب برق وجابت الكراسه الرسم وبدات ترسمه وهو باصص لها وبعد دقائق

وصلت الانسه ليان وقالت لها المدام هناء قالت لي ان حضرتك عايزاني اساعدك رده لؤلؤه ايوه عايزاك تعلميني لغه الاشاره ردت ليان الموضوع صعب شويه عشان حضرتك ما عندكيش خلفيه ردت لؤلؤه لا بس علميني وانا هتعلم بسرعه

ردت ليان طيب وبدات تعمل لها الاشاره بمعنى انت اسمك ايه انت عندك كم سنه انت عايز تاكل كل ده ولؤلؤه بتتعلم وبعد ربع ساعه بصت اللي برق وقالت له انا مبسوطه قوي اني عرفتك ومش هسيبك وهاجي لك على طول واديته كراسه الرسم

ومشيت وهو فتحها وشايف صورته ومكتوبه تحتيها الي الطفل الوسيم برق ابتسم ولؤلؤه راحت تركب عربيتها وهي في دماغها هدف تعمله

اما في القاهره كانت قاعده صابرين بتزعق لبنتها نغم قومي يا بنت حركي نفسك وخلي ابراهيم يحبك ردت نغم احب ايه يا امي ده اخرس ما بيسمعش كمان ردت عليها بس يا غبيه ده ماسك الشغل العيله كله ومن غيره كلهم يضيعوا حتى هاشم اخوكي ما يعرفش يخطي الخطوه من غيره

رده نغم وانا هتعامل معاه ازاي اذا كنت ما بعرفش لغه الاشاره وهو كمان ما بيطيقنيش رده صابرين عشان انتي خايبه ومش عارفه تحببي فيكي انا عايزه الاجازه ديت قبل ما ابوك يسافر يطلب ايدك من ابوكي

ردت نغم لا يا ماما مش هعمل كده وانا ما بحبهوش وقامت وصابرين قالت والله لاوريكي يا نغم الكلب انتي وقعدت شاديه وقالت لها مالك يا صابرين ده انتي كنت مبسوطه الصبح

ردت عليها بنت الجزمه عماله تحرق في دمي ضحكه شاديه وقالت لها ما انتي اللي مدلعاها ده حتى ايناس ما خدتش نص دلعها ردت صابرين اعمل ايه بحبها بنت الجزمه ديت وهي اللي في عقلها بتعمله

ردت شاديه بس انتي لازم تشد عليها كويس عشان ما بقتش تعجبني حتى طريقه لبسها اتغيرت ردت صابرين بغيظ وانتي عايزاها تلبس ايه يا شاديه النقاب ولا حاجه

ردت شاديه براحتك يا صابرين وطريقه كلامك مش حلوه وانا بقول لك انا عمتها وشايفه ان طريقه لبسها وحش وبقول لك غيريها ردت صابرين لما يجي ابوها ابقوا قولي له وبنتي حره في لبسها مدام ما بتعملش حاجه غلط وطول النهار قاعده في البيت ما بتتحركش في حته

رده شاديه براحتك يا صابرين وقامت دخلت المطبخ عند كوثر وقالت لها مالك يا شاديه زعلانه ليه وحكيت لها شاديه كل اللي حصل وقالت لها كوثر سيبك منها هي على طول كده دلوقتي هتقول لك اروح الكوافير واظبط شعري عشان يسري لما يجي

وفعلا بعد ثواني دخلت صابرين قالت لهم انها رايحه الكوافير هي ونغم وهتتاخر شويه وخرجت وضحكت شاديه وكوثر وكمله اعمال الاكل

وفي اوضه ريم كانت قاعده مع روان وايناس بيتكلموا وبيهزروا وقالت ريم يلا يا ستي عمي جاي وهيجيب لك هدايا قد كده ردت ايناس والله ما مش عايزه هدايا انا عايزه بابا يبقى جنبي وما يسافرش تاني

ردت روان انتي عبيطه يا بنت حد يكون عايش في الامارات ويرجع يعيش هنا والنبي انتي هبله انتي ما بتشوفيش شكل الامارات ايه لما بيجيبوا صورها على التلفزيون ردت ايناس بشوفها يا ستي بس انا زي اي بنت نفسي ابويا يبقى معايا ما انتي ابوك جنبك والثانيه ابوها جنبها

ردت روان يا ريت يا اختي ابويا كان سافر وانا اروح له قالت ايناس ما هو رافض ان حد يسافر له مش عارفه ليه ردت ريم بضحك يمكن متجوز على امك ولا حاجه ضحكه ايناس

وقالت لها يا ريت وحقه كمان ام صعبه تتعاشر اساسا ضحكه روان وقالت له يخرب بيتك عارفه امك لو سمعتك هتعمل فيك ايه هتعملي بطاطس محمره ردت ريم بس هقول لك حاجه والصراحه البنت ايناس دي قالت كلمه حق ضحكوا البنات

وقامت ريم قالت لهم بقول لكم ايه سيبكم من الكلام ده وتعالوا نرقص شويه وشغلوا الاغاني وقعدوا يرقصوا

اما عند ابراهيم كان قاعد في الروف وبياكل الكلب بتاعه حط له ميه ودخل يكمل شغله

روح يسري البيت ولقى بسمه في المطبخ ودخل واقف وراها وهو حاضنها وقال لها بتعملي ايه يا حبيبي

ردت عليه ما فيش يا قلبي بعمل لك الاكل بايديا عشان انا عارفه انك بتحبش تاكل غير من ايدي

رد عليها ما اعرفش اكل غير من ايديك انتي حتى وانا مسافر ما بعرفش اكل خالص لغايه ما برجع واكل من ايديك الحلوين وماسك ايديها وبسها

ردت بسمه وهي بتلف وشها هو انت هتسافر يسري رد عليها ايوه يا حبيبتي في عمليه ولازم اسافر عشان طالبني بالاسم ما انتي عارفه

ردت بسمه بس لؤلؤه لو عرفت هتزعل قوي عشان انت وعدتها اننا نسافر كلنا اجازه مع بعض

رد يسري ما هو ده اللي مضايقني وعايز ارفض السفريه ديت عشان خاطر لؤلؤه

ردت بسمه ما ينفعش دي حياه ناس متوقفه عليك لؤلؤه طيبه وهتسامحك بسرعه لو جبت لها شوكولاتايه

ضحك يسري قال له عامله زي مامتها بتحب الحاجات الحلوه ضحكه بسمه وقالت له عشان كده بحبك وحضنته

باب الشقه اتفتح ودخلت لؤلؤه وهي بتقول يا ماما انتي فين ردت بسمه احنا هنا في المطبخ يا حبيبتي وراحت لؤلؤه وشافت يسري وهو حاضن بسمه

وقالت له خيانه رد يسري انا بريء هي اللي جرتني لغايه هنا وحضنتني ردت لؤلؤه بشقاوه ما تحاولش يا دكتور انت مذنب رد يسري بس انا يا سياده القاضي بريء

ردت بسمه وانا اشهد ان هو دخل لوحده المطبخ من غير ما اقول له اي حاجه ردت لؤلؤه احنا نفرغ الكاميرات ونثبت ضحك وهو بياخدها في حضنه

وقال لها من غير كاميرات ولا حاجه انتي عارفه اني بسمه قلبي من جوه وانتي روحي

قالت لؤلؤه وانا عارفه يا سي بابا والمهم انت قررت هنسافر فين رد يسري بصراحه كده يا لؤلؤه احنا مش هنعرف نسافر عشان ورايا عمليه

ردت لؤلؤه بعد تفكير وانا موافقه بس بشرط ردت بسمه طبعا هتقولي له عايزه الشيكولاته وكاندي وهو جاي ردت اللؤلؤه لا طبعا انا كبرت ومش تافهه للدرجه دي انا عايزه حاجه اكبر

رد يسري عايز ايه يا قلبي وانا اجيبه لك ردت لؤلؤه بفرحه انا عايزه اخ زعلت بسمه ورد يسري ازاي يا حبيبتي

ردت لؤلؤه انا اسفه يا ماما لو زعلتك انا عارفه ان الموضوع مش بايديكي بس صدقيني انا نفسي يبقى ليا اخ وانا لقيت طفل في الملجا حبيته قوي وكمان انه مصري فيا ريت انتي وبابا تروحوا تتبنوه

قال يسري لا طبعا يا لؤلؤه مش هينفع زعلت لؤلؤه ومشي دخلت اوضتها واتكلمت بسمه ليه يسري رد عليها انا عارف يا حبيبتي انك نفسك في طفل مع لؤلؤه بس مش هينفع ناخد ولد كبير وهيحس انه غريب مش هيتاقلم بسرعه وممكن ما يتقبلش انا ولا انتي

ردت بسمه بس انا مع لؤلؤه وموافقه وهمشي في الاجراءات لو انت موافق كان بها لو مش موافق براحتك المهم لؤلؤه ما تزعلش وخرجت وراحت اوضه لؤلؤه

ودخلت لقيتها بتعيط قربت منها وقالت لها ملك يا قلبي بتعيطي ليه وردت عليها اصل اول مره بابا يرفض لي طلب حتى من غير ما يسالني او يفهم انا عايزه الطفل ده ليه

ردت بسمه بس انا معاكي وهروح بكره وهتبناه عشان خاطرك ردت لؤلؤه بس يا ماما برق له ظروف خاصه ردت بسمه ازاي يعني قالت لها اتولد ما بيتكلمش وما بيسمعش وكمان اهله توفوا من يومين في حادث عربيه وعنده حاله نفسيه مش حلوه بس لما قعدت معايا انا حبيته قوي حتى في شبه من بابا قوي

ردت بسمه خلاص يا حبيبتي قومي اغسلي وشك وغيري هدومك وتعالي عشان تتغدي وانا هتكلم مع بابا وهنروح بكره نعمل الاجراءات عشان نجيبوا البيت فرحت لؤلؤه و قامت حضنت بسمه

وقالت لها انتي احلى ام في الدنيا كلها ردت بسمه بس يا بكاشه ودخلت الحمام لؤلؤه وبسمه طلعت لها بيجامه وحطيت لها على السرير وفتحت الباب وشافت يسري واقف

وقالت له اكيد سمعت الكلام كله رد يسري انا موافق يا بسمه وهاجي معاكم المهم يا لؤلؤه ما تعيطش تاني انا حسيت ان قلبي بيتقطع وانا سمع عياطها

ردت بسمه انا عارفه يا حبيبي ان انت بتعشقها وكان نفسك يبقى ليها اخوات بس ربنا ما قراتش اخلف تاني حتى انت ما لكش اخوات ولا اهل بس ده نصيب

رد يسري الحمد لله بس انتم عندي بالدنيا كلها ردت بسمه طب يلا يا باشا خشي الاوضه غير هدومك وتعالى عشان تتغدى وتفرح لؤلؤه للقرار ده

رد يسري حاضر يا هانم ودخل يسري الاوضه ولؤلؤه خرجت من الحمام ولبست البيجامه وسرحت شعرها وعملت قطتين ومسكه التليفون واتصلت على ماجي وحكيت لها على كل اللي حصل معاها قالت ماجي انا هاجي معاكي بكره اشوفه اللي خطف عقلك ده ضحكتي لؤلؤه



وقالت لها ده طفل صغير عنده خمس سنين ردت ماجي ما انا عارفه بس لدرجه انك تقولي باباك ومامتك يتبنوه يبقى اكيد في حاجه مميزه ردت اللؤلؤه يا بنتي ده زي القمر حتى في شبه من بابا وطيب خالص بس انا صعب عليا لما عرفت ان والده والدته ماتت في الحادثه وهو اللي عاش اكيد حالته النفسيه مش حلوه

ردت ماجي طب يا ستي هقفل معاكي عشان ورايا شغل اكلمك تاني ردت لؤلؤه طيب يا ستي وقفلت معاها

وندهت بسمه على لؤلؤه وردت عليها ايوه يا ماما انا خارجه اهو ولقيت يسري قاعد على الكرسي ولؤلؤه قعدت من غير ولا كلمه

وقال يسري اعملي حسابك يا بسمه اننا هنروح بكره دار الايتام عشان نتبنى طفل لؤلؤه اتفاجئت وقامت تجري حضنه يسري وهي مبسوطه اقبلته من خده

وقالت له انت احسن اب في الدنيا كلها ردت بسمه ماشي يا ستي بنلاقي احبابه ردت لؤلؤه وهي بتحضنها ابدا يا مامي انتي قلبي من جوه

وقال يسري ما تزعليش مني يا لؤلؤه وحقك علي واوعي تزعلي مني في يوم

ردت لؤلؤه ابدا يا بابا انا عمري ما ازعل منك وقعده يتغدوا في جو عائلي

اما في القاهره ابراهيم كان قاعد في الاوضه بتاعته وبيراجع الشغل بترن الجرس وابراهيم عامل لما الجرس يضرب النور يفتح ويطفي وقام ابراهيم فتح الباب ولقى والدته

وقالت له بالاشاره اتفضل يا ابراهيم القهوه بتاعتك اخذ القهوه وبدا يشربها وهي كانت قاعده بتتفرج عليه

وقالت في نفسها يا سبحان الله على الدنيا ديت ابني اللي زي الفل ده يطلع ما بيسمعش ولا بيتكلم وهو اللي ماسك الشغل بتاع العيله ومشي الدنيا كلها وفضلت سرحانه فيه

وابراهيم لاحظ وقام قعد جنبها وهز كتفها وهي بصت له وهو قال لها بالاشاره سرحانه في ايه

ردت عليه في الدنيا انا هنزل اكمل الغداء مع عمتك وخرجت وسابت ابراهيم وهو عارف امه بتفكر فيه ورجع يبص في الورق بتاعه

اما في البيوتي سنتر صابرين بتصبغ شعرها ونغم بتعمل باديكير ومانيكير وقالت انها هتعملي لون ايه يا ماما

ردت صابرين مش عارفه اختاري لي انتي لون جميل كده ردت نغم اعمليه اصفر هيكون تحفه عليك

ردت صابرين ماشي تفتكري ابوك هيجي ويقعد على طول هنا يا نغم ردت عليها مش عارفه يا ماما ما انتي عارفه ان بابا بيحب شغله هناك اكتر وطول الاجازه بيبقى مستعجل يسافر

ردت صابرين ما ده اللي مزعلني نفسي يقعد هنا ويستقر بدل ما هو بيسافر كده ردت نغم ما خلاص اتحلت مش جدو قال انه يبني له مستشفى وكده هيبقى بابا صاحب المستشفى ونسيب البيت ده وننقل في فيلا في الشيخ زايد ولا التجمع

ضحكه صابرين وقالت لها احلمي يا اختي وانتي فاكره ان جدك ممكن يسمح لنا ان احنا ننقل بالسهوله دي

ردت نغم وايه يعني ده احنا معانا فلوس قد كده بس جدو اللي قاعد في البيت ده وماسك فيه

ردت صابرين على فكره جدك ماسك في البيت ده عشان ريحه ستك فيه وعمره ما هينقل خالص منه

ردت نغم بصراحه كده يا ماما انا عايزه امشي من المنطقه ديت نفسي نعيش في التجمع ولا الشيخ زايد حتى نقابل الناس اللي هاي

ردت صابرين اتجوزي انتي بس ابراهيم وهو هيجيب لك احسنها فيلا ردت عليها ابراهيم مين يا ماما ابراهيم مش شايفني اصلا وطول الوقت قاعد في الاوضه بتاعته ومقفل على نفسه كده غير سيف وبصراحه كده يا ماما انا عايزه اتخطب لسيف ابن عمتي

ردت صابرين بطلي تحلمي وسيف ده ما لوش اي لازمه الفلوس كلها في ايدي ابراهيم حتى ابوكي مش بايديه حاجه هو ولا اخوك سكته نغم وهي متضايقه وبعد وقت

اما في بيت عثمان الرجاله وصلوا واتكلم الجد يا شاديه الغداء فين ردت عليه ثواني يا بابا هيكون جاهز وسيف دخل وقال السلام عليكم وكل رد السلام

وقال عثمان اتاخرت ليه يا سيف رد عليه معلش يا جدو ما انت عارف ان مكتب المحاسبه في شغل كثير

رد عثمان طب يا ولدي يعني انت ما رحتش الشركه النهارده عند هاشم قال له لا يا جدو كنت في المكتب عشان اخلص الشغل اللي ورايا و اخلصه عشان اروح لهاشم واقفل الميزانيه بتاعه السنه

رد عثمان طيب يا ولدي اقعد عشان تتغدى قال له حاضر يا جدو وقعد سيف وعنيه على طفلته الصغيره وكلامها مع بنت عمها

وقالت روان ما تيلا يا بنات تعالوا ساعدونا نحط الاكل على السفره وقالت ريم حاضر وقامت هي وايناس وخرجت كوثر وقالت رنوا الجرس عشان ابراهيم ينزل

قال سيف خلاص يا مرات خالي انا هبعت له رساله وابراهيم كان في اوضته والفون اهتز برساله وفتحها ورد حاضر انا نازل واقفل التليفون ودخل الحمام

وقال سيف خلاص نازل يا مرات خالي قالت له طيب يا حبيبي والباب اتفتح ودخلت صابرين ومعاها نغم وقال عثمان كنت فين الساعه بقت 8:00

ردت صابرين معلش يا عمي اصل رحت اشتريت حاجات عشان يسري لما يرجع رد عثمان بعد كده خلي بالك من الوقت يا صابرين مش هقولها تاني قالت له حاضر يا عمي

والكل قاعد على السفره وابراهيم قعد معاهم يتغدوا في جو عائلي صامت وقال حازم وحدوا

رد الجد والكل لا اله الا الله سيدنا محمد رسول الله وقال لجد عايز ايه يا حازم

رد عليه بصراحه كده يا جدو عايزين نطلع رحله قبل الدراسه ما تبدا وكمان بمناسبه ان عمي جاي

ردت نغم بسرعه يا ريت يا جدو احنا زهقنا من قعده البيت وقالت روان اول مره تقول حاجه عدله من ساعه ما عرفناك

ضحك حازم وقال لها عشان تعرفي يا بنتي انتم من غيري تغرقوا رد هاشم ويا ترى دي فكرتك انت ولا فكره حد تاني

البنات خافوا ان حازم يبيعهم وقال لا فكرتي انا يا هاشم وانا جاي لي عرض حلو هروح اصور كمباوند في الساحل وقلت نسافر كلنا مع بعض وهي فرصه البنات اتناهدوا براحه

وقال عثمان انا ما عنديش مشكله بس استنوا لما يسري يجي وكمان هاشم يخلص الشغل اللي وراه ونسافر

رد حازم ما فيش مشكله يا جدو انا هحجز لكم هناك شاليه ونروح كلنا على الاسبوع اللي جاي ايه رايك

رد زكريا عامه انا موافق بس هم اسبوع واحد مش اكتر عشان الشغل اللي ورانا وقال توفيق انا مع زكريا هو اسبوع واحد

وردوا البنات مش مشكله اسبوع اسبوع احسن من ما فيش قال حازم خلاص انا بكره هتفق معاهم هنسافر امتى بقى يا جدو رد عثمان قول لهم على يوم الاحد هنوصل هناك عشان عمك جاي يوم الخميس

رد حازم يعني عمي جاي بعد بكره رد عثمان ايوه يا ولدي وقالت كوثر والله الواحد كان نفسه في الرحله دي بقى له كتير والله كويس يا واد يا حازم

وقالت نغم طب يا جدو انا عايز اشتري شويه حاجات عشان الرحله قال الجد ما تقلقيش يا نغم انا هدي لامكم الفلوس عشان كلكم تشتروا مش انتي بس

ردت نغم ماشي يا جدو والبنات فرحوا وقالوا ربنا ما يحرمنا منك ابدا يا جدو ابتسم عثمان على احفاده وابراهيم كان شايفهم بيتكلموا وفاهم نصف الكلام من حركه شفايفه

وبص الهاشم وقال له بالاشاره في ايه ورحله ايه اللي هم عايزينها وقال هاشم كل اللي حصل بالاشاره وهز راسه ابراهيم

وبص لوالدته وقال لها انا مش هطلع الرحله ديت زعلت كوثر وقالت له بالاشاره ليه يا ابني كلنا هنبقى مع بعض خليك تشم هوا احسن من الحبسه اللي انت حابسها لنفسك

رد ابراهيم انا مبسوط كده عايزين تسافروا سافروا ما لكوش دعوه بيا وقام طلع على اوضته وعيطت كوثر وقال توفيق اهدي بس يا كوثر انا هتكلم معاه

ردت عليه بعياط عاجبك اللي بيعمله في نفسه ده حابس نفسه ما بيخرجش خالص غير فين وفين رد هاشم اهدي بس يا مرات عمي وانا هتكلم معايا وهقنعه ولو ما رضيش جدي هو اللي هيقول له

وقالت شاديه خلاص يا ستي اتحلت اهي ابويا هو اللي هيقول له وهيحل الموضوع كله اهدي بس وكملي اكلك وانت يا هاشم بعد ما تخلص اكل خذ صينيه الاكل بتاعته وطلعها له رد هاشم حاضر يا عمتي وكملوا اكلهم

اما في الامارات كان قاعد يسري وبسمه ولؤلؤه بيتفرجوا على فيلم وقال يلا انا مش قادر هقوم انام وانتي يا بسمه جهزي لي شنطه السفر عشان هسافر بعد بكره

ردت بسمه حاضر من عيني هجهزالك بكره رد يسري طب يا حبيبتي يلا يا لؤلؤه يا حبيبتي قومي نامي عشان نروح الصبح نجيب يا ستي الطفل اللي انتي عايزاه

ردت لؤلؤه طيب يا بابا تصبح على خير وبسيتهم من خدهم ودخلت اوضتها نامت على السرير

اما في اوضه يسري دخل هو وبسمه وماسك ايديها وبسها وقال لها ربنا يخليك ليا ما يحرمنيش منك ابدا يا بسبوسه قلبي ابتسمت بسمه

وقالت له ماشي يا سيدي بس الكلام الحلو ده اكيد وراه حاجه ضحك يسري وقال لها دايما كشفاني كده واخدها في حضنه وقال لها وحشتيني قوي وراح بيها عند السرير واتعامل معاها اكنها جوهره

اما في القاهره في اوضه ابراهيم كان قاعد وبيمشي ايده على الكلب بتاعه ودخل هاشم ومع صنيه الاكل وحطها على الترابيزه واقرب من ابراهيم

وقال له بالاشاره يعني انت سايبنا تحت متضايقين عشانك وانت قاعد مع الكلب بتاعك رد ابراهيم بالاشاره وانا عملت ايه

رد هاشم بالاشاره بصراحه كده امك زعلانه وخلي بالك بقت بتعيط كتير الايام دي على حالك وانت قافل على نفسك جامد

رد ابراهيم بالاشاره ما انت عارف اللي فيها انا بكره اتعامل مع الناس بيحسسوني اني مختلف وكمان بيتعاملوا معايا اكني حاجه نكره مش بني ادم وبفهمه

رد هاشم بالاشاره انت اللي عامل في نفسك كده من ساعه الموضوع ايام الجامعه وانت متغير حتى الشغل ما بقتش تنزلوا زي الاول

رد ابراهيم بالاشاره كان عاجبك وانا في الشركه وطول الوقت ماشي معايا المترجم عشان يقول للناس انا عايزه اقول ايه انا كده مرتاح وبلاش وجع دماغ

رد هاشم انا معاك في كل اللي انت بتقوله بس لازم تروح معانا الرحله ديت عشان خاطر امك رد ابراهيم ان شاء الله و قال هاشم طب تعالى كل رد ابراهيم ما ليش نفس

وقال هاشم طيب يا سيدي في شغل جديد بعتها شركه عشان نعرضه هنا ونبقى احنا الوكاله بتاعتها هنا رد ابراهيم ابعث لي الملف وانا هقول لك هنعمل ايه رد هاشم خلاص هبعته لك يلا بقى تصبح على خير ونزل هاشم شقته

اما ابراهيم نام على الارض وبص للسما وهو بيفتكر ايام الجامعه وقد ايه كان مبسوط فرحان مع حب حياته واللي كان فاكرها حب وفي الاخر طلعت رهان وغمض عينيه ونام نوم عميق

وثاني يوم صحيت لؤلؤه وهي مبسوطه وبصيت في الساعه لقيتها 7:00 وقالت في نفسها ده لسه بدري قوي وقامت دخلت الحمام واخدت الدش

وخرجت وهي لافه البشكير على جسمها وشغلت مزيكا هاديه ولبست ملابس رياضيه وقعدت تعمل يوجا



اما في اوضه يسري صحي من النوم وداخل الحمام اخذ دش وخرج لافف الفوطه على وسطه شاف بسمه نايمه بطنها وظهرها كله عريان والملايه مغطيه نص جسمها

وابتسم على حبيبته البريئه وقرب منها وبدا يقبل ظهرها وهي قالت بصوت ناعس سيبني انام يا يسري انا تعبانه قوي ابتسم يسري

وقال لها لا يا قلبي يلا اصحي وحشتني عيونك ابتسمت بسمه وقالت له على فكره انت بقيت بكاش قوي نفسي اعرف انت طالع لي مين لوالدك ولا لوالدتك

رد يسري مش عارف زعلت بسمه وقالت انا اسفه قوي يا يسري ما كانش قصدي اضايقك وافكرك ووالدك ووالدتك الله يرحمهم

اتضايق يسري عشان حبيبته زعلت وقال لها انا مش زعلان يا روحي كفايه ان انتي معايا في حضني ويلا قومي بقى بنتك المجنونه صحيت من بدري ومشغله مزيكا شكلها كده ما نامتش خالص طول الليل

ضحكه بسمه وقالت له على فكره هي شبهك جدا ما يكون وراك حاجه ما بتعرفش تنام وهي كذلك رد يسري طيب يا قلبي يلا قومي خدي دشي بقى انا جهزت لك الحمام

قالت له بسمه طيب يا حبيبي قوم خش الدريسك روم عشان تلبس فهم يسري انها مكسوفه والاقيها بتلف الملايه على جسمها وقام واقف وقال لها طيب يا حبيبتي وراح موطي شايله

وقال لها لسه بتتكسفي مني يا قلبي بعد العمر ده كله اتكسفت بسمه وقالت له عيب كده يا يسري ضحك وقال لها عيب ايه يا قلبي ده انتي زي القمر ودخل بيه على الحمام واحطها في البانيو

وخرج وهي ابتسمت على حبه ليها ودخل يسري اوضه ادرسينج روم وطلع فستان رقيق لبسمه ولبس هو البدله بتاعته





وخرج ولقى الداده بتحضر الفطار وقال لها صباح الخير ردت عليه صباح النور يا ابني على فكره لؤلؤه ما نامتش خالص

رد يسري انا عارف وراح ناحيه اوضه بنته وخبط على الباب ودخل شاف لؤلؤه قاعده على الارض وبتعمل تمرينات اليوجا ومغمضه عينيها واقرب من جهاز اللي مشغل الموسيقى ويطفاء وفتحت عينها لؤلؤه وقالت له صباح الخير يا بابا

رد عليها صباح النور يا قلب بابا يلا بقى عشان نفطر مع بعض ردت عليه حاضر يا بابا وقامت قبلته من خده ودخلت الحمام تاخد دش ويسري فتح الدولاب بتاعها وطلع نفس الفستان بتاع مراته عشان لؤلؤه هتلبسه

وخرج قاعد في المكتب بتاعه يبص على الشغل بتاعه عشان يبعت كل الحالات اللي عنده الاسبوع ده لصاحب

اما في اوضه بسمه خرجت من الحمام وشافت الفستان ولبسته وعملت شعرها وحطت ميك اب خفيف ورشه برفانها وخرجت ولقت الداده

وقالت لها صباح الخير ردت عليها صباح النور يا حبيبتي قالت لها يسري فين ردت عليها في المكتب بتاعه وقالت لها طيب وراحت عشان تعمل القهوه بتاعه يسري

اما اللؤلؤه خرجت من الحمام ولقيت والدها مطلع لها الفستان ولبسته وعملت شعرها ورشه برفانها وحطت ملمع شفايف وكحلي في عينيها وخرجت وقالت صباح الخير والكل رد عليها صباح النور

وقالت يلا يا دادا حضري الفطر بسرعه انا جعانه قوي ضحكه الداده قالت لها من عيني الاثنين يا قمر بس ايه الحلاوه دي انتي وماما مطقمين زي بعض ابتسمت لؤلؤه

وقالت لها اكيد بابا هو اللي عمل كده ردت الداده ربنا يخليكم لبعض ما يحرمكوش من بعض ابدا يا بنتي ردت لؤلؤه يا رب يا دادا والنهارده هتشوفي ضيف جديد للعيله وهتحبيه قوي

ردت الداده طبعا يا بنتي لازم احبه مش كفايه انه من طرفك ابتسمت لؤلؤه وخرجت بسمه وهي معاها صينيه المشروبات

واتفاجئت بلؤلؤه لابسه نفس الفستان وابتسمت على جوزها اللي عمره ما يتغير ودائما حابب انهم يبقوا شبه بعض مع اني لؤلؤه مش شبهها خالص

وقالت يلا يا لؤلؤه اندهي لبابا قالت لها حاضر

اما في القاهره صحي ابراهيم من النوم على رساله من جده انه ينزل له ودخل ابراهيم الاوضه اخذ دش واغير هدومه واسرح شعره



ونزل فتح شقه جده ودخل الاوضه وشافه عثمان وقال له تعالى يا ابني هنا وابراهيم راح قعد قصاده وباس ايديه

وقال عثمان بالراحه عشان ابراهيم يفهمه انت زعلان من ايه ابراهيم قال بالاشاره انت عارف يا جدو اني ما بحبش ان حد يضغط عليا وهم كلهم بيضغطوا عليا وانت اولهم يا جدو

رد عثمان اهدى بس وقال له بالاشاره انت عارف انك ليك معزه خاصه في قلبي لانك اول حفيد ليا وكمان اول ما اتولد الغاليه هي اللي سمتك وقالت انا حلمت بان توفيق ربنا اداله ابراهيم فعشان كده سميناك الاسم ده وكمان جبت واحد مخصوص يعلمنا كلنا لغه الاشاره عشان نعرف نتكلم معاك ونتعامل يبقى ليه مضايق نفسك وانا قلت لك انسى اللي حصل زمان بس انت مش عايز تنسى وطول الوقت بتانب نفسك عشان كنت ضحيت واحده ما لهاش لازمه ولا قيمه وعملت عليك رهان

رد ابراهيم انا عارف يا جدو كل اللي انت بتقوله وصدقني انا ما بلومش حد ولا حتى نفسي انا كل المشكله اني مش حابب اتعامل مع الناس تاني عشان اوقات كثيره بحس بالشفقه منهم

رد عثمان بالاشاره انا عمري ما اتعودت منك اني اشوفك مهزوم فين ايام زمان لما كنت قوي وعلى طول بتمشي اللي في راسك اللي اتغير رد ابراهيم حاضر يا جدو احاول اتغير وارجع زي زمان بس ما تضغطش عليا رد عثمان مش هضغط عليك يا ابراهيم بس اعمل حسابك انك هتسافر معانا عشان خاطر امك

رد ابراهيم حاضر وقال عثمان يلا بقى تعالى نشرب فنجانين قهوه يظبطوا الدماغ ابتسم ابراهيم

اما عند يسري كان قاعد بيفطر مع لؤلؤه وبسمه وقال انا هروح المستشفى ساعتين وهرجع عشان نروح دار الايتام

ردت لؤلؤه لا يا بابا انا اتفقت مع المديره واتصلت بيها امبارح وخلصنا كل حاجه وهي قالت لي ان ممكن اجي على الساعه 8:00 عشان اخذ برق

اتصدم يسري وقال لها انت بتتكلمي جد عملت ده كله امبارح ردت عليه طبعا يا بابا انا خلصت كل حاجه حتى الورق انا طلعته بالليل من مكتبك وكل حاجه ما فاضلش غير ان احنا نروح نقدمه عشان نستلم برق

رد يسري طب يا حبيبتي انتي هتعرفي تتعاملي معاه ردت بسمه ما تقلقش يا يسري انا اتفقت مع واحده صاحبتي بتعلم لغه الاشاره وقالت لي ان الموضوع سهل مش هياخد اكتر من اسبوع وكمان انا عرفت من لؤلؤه ان الطفل عنده سبع سنين يعني المفروض يخش المدرسه فانا هجيب ورقه عشان اخليها تقدم له في المدرسه عندها

رد يسري ده انتوا طابخينها بقى سوا وخدتوش محتاجاني في حاجه اما انتم مخلصين كل حاجه ضحكت بسمه ولؤلؤه وقالوا له طبعا يا بابتي وضحك يسري وقال لهم ماشي يا اختي انت وهي يلا افطروا خلونا ننزل نروح نجيب استاذ برق

بعد وقت في دار الايتام دخلت لؤلؤه مع مامتها وباباها وقالت لهم مكتب المدير اهو وراحوا

وقال يسري انا اسف اني جيت في وقت بدري زي ده ردت المديره ما فيش مشكله يا دكتور وكمان

اللؤلؤه قالت لي على ظروف سفرك فعشان كده انتم مستعجلين رد يسري فعلا انا مسافر بكره فكنت حابب اخلص الموضوع قبل ما نسافر

ردت المديره تمام بالورق فين طلعت لؤلؤه الورق من الشنطه واديته لها وقالت المديره تمام قوي خلاص انتم ممكن تستلموا الولد النهارده بس هتيجي لجنه كل ست شهور عشان تطمن على حاله الطفل معاكم

رد يسري تمام كل حاجه وجاهزه لاستقبال الطفل الجديد ردت بسمه ممكن نشوفه انا متشوقه جدا من ساعه ما لؤلؤه قالت لي عليه

ردت المديره ثواني ورفعت سماعه التليفون وطلبت من المشرفه تجيب لها برق وبعد دقائق الباب خبط ودخلت المشرفه وفي ايديها طفل



يسري اتصدم من شكل الطفل حته منه هو وبسمه وقالت لؤلؤه شفت يا بابا مش انا قلت لك انه حته منك

ردت بسمه انا ما كنتش مصدقه الا لما شفته دي حاجه غريبه رد يسري ولا غريبه ولا حاجه يخلق من الشبه 40

قربت لؤلؤه من برق وقالت له بلغه الاشاره انت عامل ايه النهارده رد عليها انا كويس انتي جايه ليه راحت قايمه وراحت ناحيه مكتب المديره وجابت ورقه

وكتبت فيها انا من النهارده هكون اختك وبابا وماما هيكونوا باباك ومامتك عيون برق دمعت وقربت بسمه منه واخذته في حضنها بالراحه ما تخافش يا حبيبي انا هكون ماما انا عارفه انك مش فاهم كلامي دلوقتي بس اكيد مشاعري واصله لك والطفل حضنها جامد وكان مشتاق لحضن امه

ويسري قرب منه هو كمان وقال للمديره في ورق هنمضي عليه ولا حاجه ردت المديره اكيد طبعا وطلعت الورق اللازم ويسري مضى عليه هو وبسمه ولؤلؤه خدت برق عشان يسلم على اصحابه

وبعد وقت خلصوا كل حاجه وخرجوا ركبوا العربيه وقالت لؤلؤه طبعا بابا هيطلع على المستشفى ينفع انا وانتي يا ماما نطلع على المول نجيب هدوم لبرق ولعب

ردت بسمه حاضر يا حبيبتي وقال يسري اتفضلي يا ستي الكريدت عشان تجيبي كل اللي انتي عايزاه انتي واستاذ برق

ردت عليه طيب يا بابا وهي فرحانه وبرق كان مبسوط مع انه مش فاهم الكلام

اما في بيت عثمان الكل كان متجمع وبيفطر اتكلم عثمان ابراهيم هيطلع معانا الرحله ماشي يا جماعه فرحه كوثر وقالت بجد يا عمي

رد عليها طبعا يا بنتي انا اتكلمت معاه وهو وافق حتى النهارده هينزل الشغل مع هاشم عشان يخلص الشغل عشان لما نسافر ما اكونش في شغل كتير فرح الكل

وقالت صابرين بصوت واطي شفت يا خايبه مش انا بقول لك ان ابراهيم في ايده كل حاجه بس انتي عينك على اللي مش شايفك اساسا وبصت نغم على سيف ولقت عيني على ريم وتضايقت

اما في الامارات يسري جهز كل حاجه مع صاحبه وقال له انا مش عارفه اشكرك ازاي على الهدايا اللي انت جبتها

رد سليم ما فيش شكر ولا حاجه دولت لولاد اخويا المهم انت تعرف ابوك بوجود لؤلؤه وبسمه

رد يسري ان شاء الله يا سليم بس انا خايف من رد فعله رد عليه فعل ايه اللي انت بتتكلم عليه ده عمر افرض جرى لك حاجه بسمه ولؤلؤه يعملوا ايه

رد يسري انا عارف عشان كده انا بوصيك لو جرى لي حاجه ابقى انزل مصر واعرف ابويا ووجود لؤلؤه وبسمه رد سليم يا ابني بلاش الكلام ده انا بس بفهمك وبوضح لك النقطه ديت عشان خايف عليك

رد يسري انا عارف كل الكلام ده بس هعمل ايه وانا متاكد ان ابويا عمره ما يقبل بوجود لؤلؤه رد سليم ما يمكن كل حاجه اتغيرت حاول

رد يسري ان شاء الله خلي الشنطه هنا وانا هبعت السواق بكره ياخدها قبل ما يسافر رد سليم طيب يا صاحبي خلي بالك من نفسك وتروح وتيجي بالسلامه

رد يسري الله يسلمك يا حبيبي محتاج حاجه اجيبها لك من هناك ضحك سليم وقال له عاوز ايه يعني ميه النيل مثلا ضحك يسري على كلام صاحبه

اما في المول كانت لؤلؤه وبسمه بينقوا هدوم لبرق و مبسوطين ودخلت لؤلؤه على النت وجابت كم كلمه بالاشاره عشان تقولها لبرق وهو كان مبسوط من طريقتها وحس انها اخته

وبسمه كانت مبتسمه وقالت الحمد لله ان ربنا عوضنا ببرق يفرح قلب لؤلؤه وكانت بتتفرج عليهم وهي مبسوطه

اما في الشركه ابراهيم كان قاعد على المكتب والكل مستغرب وجوده بعد غيابه ثمان سنين والسكرتيره كانت لسه جديده وقال هاشم انا هنقلها لمكتب التاني معايا وهجيب لك سكرتير معاه لغه الاشاره

رد ابراهيم بالاشاره تمام وخرج هاشم المكتب التاني وبدا يشتغل وهو مبسوط برجوع ابن عمه