دي وهي ماشية وبتشد مريم من إيداها: بصي يابت يا مريم الواد دا كل البنات بتكراش عليه وكاريزما أوي ف نفسه
مريم وهي بتبص عليه: اهه قصدك علي دا
ندي: ايوا اسمه مصطفى واكبر مننا بسنة
مريم: بس علفكره هو مش حلو أوي يعني
ندي: لا دا مز أوي حتي أنا بكراش عليه
مريم: بس يابت يابت بلا نيلة شكله عادي يعني مفهوش حاجه واقفلي بقاا علي الحوار دا دلوقتي
________________
مصطفى وهو ماشي كل شويه عليهم: هما مالهم البنات ديه بيتكلموا عليا ولا ايه بس لا أكيد قصدهم حد تاني يلا مش مهم بقااا
________________
مريم وندي كانوا قاعدين قدام بيت مريم فشافوا مصطفى معدي من قدام البيت
ندي: بت يا مريم مصطفى اهوو
مريم: ايوا يعني اعمله ايه
ندي: بت داا باصصلي اهوو
مريم: ايوا بقااا العيال اللي هتتحب وترتبط اهي
ندي: بطلي قر شويه اناا نفسي بجد نرتبط انا وهو داا عسل اوي بشعره داا وشكله العسول القمر داا
مريم: يارب يختي انا اتمنالك الشر يعني
________________
مصطفى: بقولك يسطاا
حازم: قول يمعلم
مصطفى: عارف البت اللي اسمها مريم ديه
حازم: اهه قصدك علي البنتين اللي بيمشوا مع بعض اللي اسمهم مريم وندي
مصطفى: ايوا هي مريم بقاا حاسس اني مشدود ليها او في حاجه غريبة جذباني ليها بس مش عارف ايه هي
حازم: اوعي تكون بتحبها يسطاا
مصطفى وهو بينكر: لا ياعم حب ايه اللي بتتكلم عليه انا مبحبش حد
حازم: ايوا ياعم البت ديه بالذات متقربش منها اخوهاا لو عرف حاجه زي ديه مش هيسكت
مصطفى: خلاص ياعم قولتلك مش بحبها واسكت بقاا عشان قفلتني
حازم: خلاص انا سكت اهوو
مصطفى: ماشي
_________________
مريم كانت نازله من بيتها فشافت مصطفى معدي محتطتش في دماغها وعدت الموقف
تاني يوم كانت واقفه في البلكونة شافته معدي برضو قالت انه ممكن معدي عادي يعني مش حاجه
والموقف اتكرر كذاا مرة وكل يوم كان بيعدي مش الشارع بتاعهاا لحد بداية الدراسة كانت مريم داخلة 2 ثانوي ومصطفى كان داخل 3 ثانوي ويشاء القدر إنه يكون معاها في نفس المدرسة
________________
أول يوم في الدراسة
مريم كانت ماشيه مع ندي
مريم: بقولك
ندي: قولي
مريم: الواد اللي هو اسمه مصطفى داا كان في الإجازة كل يوم بيعدي من الشارع بتاعنا
ندي: بتتكلمي جد
مريم: ايوا ليه
ندي: اصله بيعدي من عندنا برضو كل يوم
مريم: اممم ماشي يلا عشان منتأخرش علي الطابور
ندي: يلا
___________________
مصطفى كان ماشي هو وصاحبه حازم
مصطفى: مش مصدق إني هشوفها كل يوم
حازم: ايه يبني امال لو كنت بتحبها كنت هتعمل ايه
مصطفى بينكر: لا لا ياعم أحب مين
حازم: ماشي انا قولت أقولك برضو
مصطفى: خلاص بطل كلام ويلا عشان منتأخرش
حازم: يلاا
_______________
مريم قاعده في الفصل بتاعها
المعلمة بتاعت الفصل: مريم مريم تعالي ثواني
مريم: ماشي يا مس
مريم: نعم يا مس حضرتك عاوزاني في حاجه
المعلمة بتاعت الفصل: ايوا عاوزاكي تنزلي أوضة المدرسات تجيبي ليا كشكول الفصل
مريم: حاضر يا مس
_____________
مريم: كنت نازله وخايفه اشوفه عشان مش عارفه لما بشوفه قلبي بيدق جامد مش عارفه ليه ولسه بفكر لاقيته في وشي هو وصحابه فوشي اصفر وجريت علي أوضة المدرسات بسرعه
________________
مصطفى: مكنتش مصدق اني شوفتها وقلت لازم أكلمها أول م أشوفها ومش هيضيع الفرصة المرة ديه
_____________
مريم: خلصت وكنت طالعه علي الفصل حسيت بحد بينادي علياا
: مريم…
______________
مريم: حسيت بحد بينادي عليا ببص لقيته مصطفى
مريم: ايوا ف حاجه؟؟؟
مصطفى: ايوا كنت عاوز أقولك حاجه…
مريم: اتفضل قول بسرعه
مصطفى: هو انتي متجنباني ليه انا عملت حاجه
مريم: لا مش متجنبااك ولا حاجه بس مفيش بينا حاجه اصلا عشان اتجنبك
مصطفى: طب بصي هقولك علي حاجه
مريم: اتفضل
مصطفى: انا مش عارف الكلام اللي هقوله ليكي ينفع ولا مينفعش بس انا معجب بيكي من فترة ومكنتش عارف أقولك ازاي
مريم: ….؟؟؟؟
مصطفى: ساكته ليه ردي عليا
مريم: أرد عليك أقولك ايه
مصطفى: عاوز أعرف رأيك في الكلام اللي قولته ليكي
مريم: معلش أنا آسفة بس معنديش رد دلوقتي عن إذنك
مصطفى: هو أنا قولت حاجه غلط ولا ايه
________________
مريم: طلعت وحسيت إن قلبي مش موجود في مكانه مش مستوعبه اللي هو قاله أصلا
تمارا وهي بتحط إيدها علي كتف مريم: مريم مريم مالك في ايه من ساعة م طلعتي وانتي مش علي بعضك
مريم: اااا لا بس هو في حاجه حصلت مش مستوعباها
تمارا: ايه اللي حصل في ايه
مريم: لا لا خلاص مفيش حاجه دلوقتي
تمارا: تمام ماشي براحتك لما تحبي تحكي قوليلي
_______________
مصطفى: حازم بقولك
حازم: قول في حاجه حصلت ولا ايه؟؟
مصطفى: بص انا عملت حاجه مش عارف هي صح ولا غلط
حازم: قولي عملت ايه يا جلاب المصايب
مصطفى: أاانا رحت قولت لمريم إني معجب بيها
حازم: بتقول ايه انت فعلاً عملت كداا
مصطفى: ايوا رحت قولتلها هو انا كدا عملت حاجه غلط
حازم: مش عارف بس ربنا يستر محدش عارف ايه ممكن يحصل
مصطفى: ماشي ربنا يستر
_______________
مريم: يلا يا ندي عشان منتأخرش علي الدرس
ندي: انا جايه اهوو يلا
مريم: ندي هقولك حاجه بس بجد انا مليش دعوه ومتزعليش مني
ندي: فيه ايه قلقتيني
مريم حكت ليها كل اللي حصل وندي اتصدمت من اللي عرفته واللي مصطفى علمه
مريم: ايه مردتيش عليا اعمل ايه ولا أقوله ايه
ندي: مش عارفه أقولك ايه انا كنت مفكراه معجب بيا انا
مريم: وأنا كمان كنت مفكره كدا والله مش عارفه هو قالي كدا ليه
ندي: خلاص يا مريم يلا نروح الدرس
مريم: بس بجد متزعليش مني
ندي: انتي ملكيش ذنب في حاجه يلا نروح
مريم: يلا
___________________
مصطفى: يلا يا حازم بسرعه عشان ألحق أشوفها
حازم: ياعم اسكت أمال لو مكنتش لسه عارفها من كم شهر
مصطفى: سوق بسرعه وانت ساكت أنا بقولك أهوو
حازم: يلا ياعم يكش نخلص النهاردة
__________________
مصطفى: مش عارف أعمل فيك ايه أديها روحت أهووو
حازم: ياعم أنا مالي هما اللي طلعوا بدري
مصطفى: خلاص يلا نروح
حازم: يلا
__________________
أم مريم: مريم أنزلي هاتيلي شويه حاجات من السوق
مريم: يووووه هو مفيش غيري أنزل ولا ايه
أم مريم: يلا يختي اخلصي مش بناخد منك غير الكلام الحاجات مكتوبه في الورقة أهي
مريم: ماشي ربناا علي الظالم
أم مريم: يلا يا بت بدل م أضربك بالشبشب
مريم: نازله أهوو
__________________
مريم: رحت وجبت الحاجات من السوق وأنا راجعه شوفته راكب الموتسيكل مديت بسرعه عشان ميشوفنيش بس مرة واحدة حسيت بحاجه خبططني ووقعت علي الأرض
________________
مصطفى: كنت راكب الموتسيكل وبفكر فيها ومش شايف قدامي كويس مرة واحدة لقيتني خبط حد ووقع ببص أشوف مين لقيتها هي مريم
_______________
مريم: أنت أعمي مش شايف قدامك
مصطفى: أنا آسف بجد مختش بالي ومكنتش مركز
مريم: أعمل ايه بأسفك داا
مصطفى: معلش أنا آسف مرة تانية واللي انتي عاوزاني أعمله هعمله
مريم: خلاص كتر خيرك اناا ماشيه
مصطفى: طب استني أوصلك بس
مريم: توصل مين يا عنيا هي سايبه ولا ايه
مصطفى: خلاص خلاص روحي انتي
مريم: ماشي وبعد كدا ابقي خد بالك لتموت حد مرة تانية
مصطفى: ماشي أنا آسف بجد
________________
في بيت مريم
مريم: بقولكوا ايه
ملك: قولي عملتي ايه
تمارا: خير يارب ميكونش حصل حاجه بس
مريم: في ايه اهدوا شويه انا لسه متكلمتش وانتوا نازلين زن زن
ملك وتمارا: خلاص قولي
وحكيت ليهم علي كل اللي حصل وهما كانوا مصدومين أوي
ملك بصدمه: انتي بجد ممكن ترتبطي بيه
مريم: مش عارفه بس حسه قلبي ميال ليه حتي بعد كل المواقف اللي حصلت
تمارا: طب انتي ناويه تعملي ايه
مريم: مش عارفه انا مشتته اوي خصوصا ان احنا داخلين السنة الجاية تالتة ثانوي
ملك: تالتة ثانوي أو غيرها هي لو هتكون علاقة ناجحة مش هتأثر علي دراستك ولا هتشغلك اصلا لو هو كويس بس برضو فكري كويس أوي عشان متأخديش خطوة غلط
مريم: ماشي ربنا يكتب اللي فيه الخير بقاا