تاني يوم الصبح
في المدرسة
مريم: وحشتوني يا بنانيت
تمارا: عامله ايه يا مريومه
مريم: الحمدلله انتوا كويسين؟؟
ملك: احنا بخير يا روما
مريم: أنا من امبارح مش عارفه ابطل تفكير في موضوع مصطفى داا
ندي: طب وصلتي لحل ولا عملتي ايه
مريم: لا معملتش حاجه ومش هعمل أنا هشيل الموضوع دا من دماغي خلاص كداا
تمارا: طب فكري كويس يا بنتي حتي
مريم: لا لا خلاص كدا مش هرد عليه والموضوع هيخلص
ملك: طب خلاص براحتك ويلا عشان منتأخرش
مريم: يلا
__________________
مصطفى: حازم أنا خايف هي لسه مردتش عليا لحد دلوقتي
حازم: يبني اهدي شويه انت مفكر الموضوع سهل ولا ايه
مصطفى: لا بس مش مطمن لسكوتها داا
حازم: لا اهدي وان شاء الله خير
مصطفى: ماشي يلا
_________________
ندي: بقولكوا ايه انا هروح اقول لمصطفي انها موافقة
تمارا: لا متعمليش حاجه من غير علمها
ملك: بلاش عشان ميحصلش مشاكل
ندي: لا مفيش حاجه هتحصل واهو تجرب مش هيحصل حاجه
تمارا: براحتك أنا قولتلك
ملك: طب قوليله وعرفينا ايه اللي هيحصل
ندي: ماشي يلا باي
تمارا وملك: باي
_________________
قدام السنتر
ندي: مصطفى بقولك ممكن ثانية
مصطفى: نعم في حاجه ولا ايه
ندي: مريم
مصطفى: مالها مريم حصلها حاجه
ندي: اهدي مفيش حاجه حصلتلها هي وافقت انكوا تتكلموا بس مش دلوقتي
مصطفى بفرح: بتتكلمي جد هي وافقت
ندي: ايوا وافقت بس ياريت معترفش حد
مصطفى: لا لا مفيش حد هيعرف حاجه
ندي: ماشي سلام
مصطفى: سلام
_________________
مصطفى: حااازم حااازم
حازم: ايه طرشتني في ايه
مصطفى: وافقت يا حازم وافقت
حازم: هي مين ديه اللي وافقت ووافقت علي ايه
مصطفى: مريم يا حازم واقفت اننا نرتبط
حازم: بتتكلم جد
مصطفى: ايوا لسه صاحبتها قايلالي من شويه
حازم: يعني انت متأكد إن صاحبتها مش بتحور عليك
مصطفى: وهي هتحور عليا ليه
حازم: مش عارف بس مش مهم طب هتعمل ايه
مصطفى: لسه لما اكلمها بقاا
حازم: ماشي يا عم مبروك
مصطفى: الله يبارك فيك يا صحبي
________________
ندي: مريم عاوزه أقولك حاجه بس متزعليش مني
مريم: في ايه حصل حاجه ولا ايه
ندي: بصي أنا عملت حاجه مش عارفه هتحبيها ولا لا
مريم: في ايه قولي قلقتيني
ندي: أنا رحت قولت لمصطفي إنك موافقة ترتبطي بيه
مريم بصدمه: انتي بتقولي ايه
ندي: انا عملت كدا عشان حسيت إنك مياله ليه
مريم: وانتي ليه اصلا تعملي حاجه زي ديه من غير م ترجعيلي
ندي: فكرتك هتفرحي
مريم: أفرح ايه انتي مش عارفه المصيبة اللي انتي عملتيها
ندي: محصلش حاجه وخلاص أنا ممكن أروح أقوله إن أنا قولتله من وراكي وخلاص
مريم: متروحيش في حته وكفايه اللي انتي عملتيه لحد كدا وأنا هتصرف
ندي: ماشي بس متزعليش مني
مريم: امشي من قدامي دلوقتي عشان أنا مش طايقه نفسي
ندي: خلاص ماشي اهدي وأنا ماشيه اهوو
مريم: ماشي
________________
مريم: انتوا عارفين اللي ندي عملته؟؟
ملك: هي قالت لينا بس احنا حذرناها بس لسه مقالتش لينا هي عملت ايه
تمارا: هي عملت ايه؟؟ هي كلمتك ولا ايه؟؟
مريم: ايوا قالتلي انتوا ازاي متعرفونيش ان هي هتعمل حاجه زي ديه
ملك: عشان متعمليش حاجه
تمارا: احنا مرضناش نقولك عشان مصلحتك
مريم: مصلحة ايه انتوا عارفين لو حد عرف باللي عملته داا هيحصلي ايه
ملك: خلاص انهي الموضوع كله لو مدايقكك
مريم: انا بجد مش مستوعبه اللي هي عملته لحد دلوقتي
تمارا: خلاص اهدي واحنا ممكن نحل الموضوع
مريم: فككوا أنا هتصرف ومتشغلوش بالكوا
تمارا وملك: ماشي
__________________
في بيت مريم
مريم قاعده بتفكر: أنا مش عارفه أعمل ايه بس أنا ممكن أكسره كدا لا لا أنا مش هعمل في حد كدا بس برضو هما اللي غلطانين ومعرفونيش طب اعمل ايه يااارب وريني الصح ايه طب اسبيه كدا فترة من غير م أكلمه وبعدها أسييه ولا اعمل ايه اهههه دماغي هتموتني من التفكير ايوا هسييه كدا فترة وبعدها اسييه ايوا كدا الصح وقامت نامت
________________
تاني يوم
مصطفى: ندي هو انا ومريم هنتكلم ازاي
ندي: لسه مش عارفه هتكلمك فون ولا لا
مصطفى: طب ممكن تسأليها
ندي: بص هو اللي متأكدة منه إنها مش هتكلمك فون دلوقتي خاالص
مصطفى: طب أكلمها ازاي
ندي: مش عارفه
مصطفى: طب بصي شويه وهقابلك هنا تاني هديكي حاجه تديهالها
ندي: ماشي
________________
بعد ربع ساعة
مصطفى: خدي اديها دا
ندي: ايه داا
مصطفى: دا جواب أنا كاتب جواه رسالة ليها ممكن تديهالها
ندي: ماشي
___________________
في الفصل
ندي: مريم
مريم: نعم
ندي: مصطفى اداني حاجه اديهالك
مريم: اداكي ايه
ندي: خدي شوفي
مريم: ايه داا دا جواب
ندي: ايوا جواب
مريم: ماشي
ندي: هتقرأيه دلوقتي
مريم: لا هقرأه في البيت
ندي: ماشي
_________________
في بيت مريم
روحت وغيرت وصلت واتغدت وقعدت تشوف ايه اللي مكتوب في الجواب
الجواب
” أنا مبسوط أوي إن في فرصة إننا نتكلم، أنا عارف إنك مش واثقة فيا دلوقتي، بس مع الوقت هتتأكدي إننا قد أي كلمة وأي وعد هوعدهولك، وإحنا لسه في البداية وعلفكره أنا أول مرة أتشد لحد كدا وأبقي عاوزه معايا، خلي بالك من نفسك لحد م أشوفك بكرا وانتي راجعه من الدرس ”
مصطفى
مريم كان علي وشها علامات صدمة مش مصدقه إن فيه حد بيحبها كل الحب داا بس فرحت أويي وقالت تديله فرصة وتجرب مش هيحصل حاجه وقامت نامت
___________________
تاني يوم الصبح
مريم: صباح الخير
تمارا وملك وندي: صباح النور
مريم: عندنا ايه دلوقتي
ملك: عندنا حصة إنجليزي
مريم: طب يلا عشان منتأخرش
ندي: قرأتي الجواب
مريم: ايوا
ندي: طب وهتردي عليه
مريم: لا مش هرد ويلا عشان منتأخرش
ندي: ماشي يلا
___________________
مصطفى: عامل ايه يا حازم
حازم: كويس انت عامل ايه
مصطفى: أنا تمام بعت ليها جواب امبارح
حازم: طب وردت عليك
مصطفى: لا مردتش مش عارف ليه
حازم: أكيد هترد يلا دلوقتي
مصطفى: يلا
____________________
وفضل الحال علي كداا كام يوم مصطفى بيبعت جوابات لمريم ومريم مش بترد عليه خاالص ولما ردت مرة قالت إنها مش عاوزه تكمل
_______________
مصطفى فتح الجواب بتاعها اللي صاحبتها جابته ليها
” أنا بجد مش عاوزه أكمل وحاسه إني مش مرتاحه الموضوع صعب أويي عليا مش عارفه أتقبله ف لازم نبعد عن بعض الفترة ديه عشان أقدر أتأقلم علي الوضع داا ف ياريت تفهمني ”
مريم
مصطفى كان علي وشه علامات صدمه مكانش مصدق انها بتقوله كدا وقرر يكتبلها جواب ويديهولها بكرا
__________________
مصطفى: ندي معلش ممكن تدي الجواب دا لمريم
ندي: ماشي بس هو فيه حاجه
مصطفى: لا مفيش ومعلش تعبتك معايا الفترة ديه
ندي: ولا تعب ولا حاجه هديهولها حاضر
مصطفى: ماشي وشكرا مرة تانية
___________________
ندي: مريم
مريم: نعم
ندي: مصطفى اداني الجواب داا وكان شكله زعلان اويي
مريم: ماشي خلاص هشوفه لما اروح
ندي: ماشي
_________________
مريم أول م روحت غيرت وفتحت الجواب
” مريم أنا بجد مش عارف أنا عملتلك ايه عشان تبعدي عني، بجد انا مكنتش مصدق إنك قبلتي إنك تكوني معايا ودلوقتي عاوزه تبعدي عني، عشان خاطري متبعديش عني مش هقدر أستحمل انك هتبعدي عشان خاطري فرصة أخيرة ولو عملت حاجه زعتلك ابعدي مش هقولك حاجه بس عشان خاطري مش دلوقتي ”
مصطفى
وبعدها فكرت انها تديله فرصة وخلاص مش هيحصل حاجه ونامت
___________