: ڪادوا ﺄن يطيࢪوا مـِن خفةِه ؏ـقولهُم لڪن ،
ثُقل دَمـهُم ﺄنقَـذ ﺄلمَوقف📍ꪜ .
أُلَمِلَأُزُمِ وِأُلَطٌأُلَبّةَ 💙،
اية/باعي جمان راح نخطب لاخوية يوسف
جمان/اها مبروك مقدمآ
اية/هه تسلمين بس امنيتي تجين بالخطوبة
جمان/ها هه وشلون اجي بلة
اية/اخلي امي تخابر مياسة وتعزمكم
جمان/ماعرف
اية/حاولي شبيج
جمان/هسة بالاول اخطبوا ويصير خير
اية/نشالله اكلج شو الخط ماكو والمدرسة كلهة طلعت
جمان/والله ماعرف شلون
اية/ماعرف تعالي وياي نطلع برة ننتضر
جمان/يلة
نثرت ملابسي وطلعنة انتضرنة اكثر من خمس دقايق ماكو المدرسة بدت تفرغ تقريبا ولا طالبة بيهة حتة المدرسات طلعن هاي شلون ماكدر اعوف اية بوحدهة اكو شباب ثنين ضايقونة يباعون علينة بدوا يتقربون جفلت بمكاني
…/شنو هل جمال
…/بوووية باع السمار اموت ع الاسمر اني
جمان/لزمت ايد اية حيل ماعرف شنو اسوي واية مو احسن مني الشارع فارغ يا ربي شنو اسوي الدنية ظهر ماكو ولا شخص حتة الشرطة كلهم داخلين
راد يلزم خدودي اية سحبتني وركضت بية لزم جنطتي عفتهة وركضت دخلتنة للمركز همة بقوا متفأجئين بدخلتنة
عمر/خير عيني شبيجن(بقلق)
اية/(وهية تاخذ نفس)اخوية اثنين شباب ديتحارشون بينة
عمر/روح سلوان شوفهم شلون شكلهم
اية/……………………بعد ممنتبهة اكثر
عمر/روح سلوان تفضلن للملازم
جمان/دخلنة للمكتب جان الملازم مخلي راسة ع المكتب مالتة ضربلة هل جندي تحية
عمر/سيدي
سيف/رفعت راسي ونصدمت بالي شفته وكفت اباوع علئ اية
احم عمر تكدر تطلع
عمر/حاضر
جمان/عززة هذا اخو اية طلع الجندي اجة هوة تقدم اية صارت وراية لان مبين علي معصب
سيف/اية شجابج هنا لازم انتي بالبيت هسسة
اية/سيف والله تأخر الخط علية
سيف/وشعندج داخلة للمركز
جمان/شفت اية سكتت تكلمت اني
طلعنة برة ننتضر الخط اني واية اجوي شباب
سيف/كملي شباب شنو
جمان/اخذت نفس طويل
اية/سيف والله ماردت اجي للمركز بس رادوا يلزمون جمان ركضنة صار المركز كبالي دخلت
جمان/اباوع علئ اعصابة برزت كور ايدة وصاح بصوت جفلني بمكاني
سيف/عمرررررررررر
عمر/نعم سيدي
سيف/لزمتوهم لو لا
عمر/اي سيدي جان عباس راد يطلع وشايفهم يتحرشون بالبنات فماخذ عدنان ولازميهم هسة همة بالتوقيف
عباس/طايحين حظ وربي كسرتهم تكسر هذي ثاني مرة يطيحون بيدي ربي يسلطني عليهم
جمان/دخل واحد مبين جندي بس فأجأني دخل كبل وتكلم
سيف/ريحتني عبيسان
عباس/خياتي اخذجن بطريقي
سيف/ها لا روح انت تأخرت اني اخذهن
عباس/لعد يلة باي
سيف/الله وياك
طلعوا عبيسان وعمر باوعت علئ جمان لازمة راسهة وكاعدة تقدمت عليهة
بيج شي
اية/تكول دايخة الظاهر هبط ضغطهة من الهبطة الاكلناهة
سيف/ثنيت نفسي صرت لمستواهة
اية جيبي مي هناك تلكي
اية/اخذت بطل المي ونطيتة الة
سيف/جمان تسمعيني
جمان/غسلي وجهي وشربني مي تذكرت تأخرت وكفت ع السريع
اية تأخرت شلون هسة بابا يحجي علي(بخوف وتعب)
سيف/هسة اني اخذج لتخافين تكدرين تتحركين
جمان/اي اكدر يلة نروح
سيف/مبينة خايفة وكوة مفتحة عيونهة
يلة كومن نروح
اية لزمت جمان وطلعنة وصيت عمر ينتبة ع المركز
عمر هسة نصف ساعة وراجع
عمر/حاظر سيدي
سيف/صعدنة بالسيارة وصلنة لبيتهم واني محتار شنو اكوللهم وهية مبين عليهة الخوف ولازمة اية حيل اخدت نفس طويل ودكيت الباب طلعلي والدهة مبين علي القلق من شاف بنتة سلم علي والتفت علئ جمان
ابو جمان/جمان بنتي وينج صارلج نصف ساعة
سيف/عمو جمان جانت متخربطة انتضرتهة تصحة وهسة جبتهة الك سالمة
ابو جمان/مشكور وليدي تعالي يابة ضل بالي عليج رحت للمدرسة ماكو ليش ما تتريكين اوف منج
تفضل يابة ارتاح
سيف/لا عمو تسلم اروح اني المركز بقة فارغ غذيهة زين عندهة العافية
ابو جمان/مشكور وليدي سلملي ع الوالد
سيف/الله يسلمك نشالله اترخص
جمان/رحت حضنت بابا اتشكر من سيف وبعدين ودعا سلمت علي اية وراحت اخذ بابا جنطني ودخلنة
ابو جمان/يا بنتي تعرفين عندج هبوط غير تاكلين منا وجاي ماكو روحة بدون اكل
جمان/نشالله بابا داخلة ارتاح
ابو جمان/والاكل
جمان/وعد بس ارتاح اكل
هز راسة بمعنئ تمام دخلت شفت مياسة بوجهي شافت بابا راح حجت
مياسة/عبالي نهزمتي واخلص منج
جمان/لتخافين محمضة ع كلبج
رادت تحجي عفتة وتمشيت للغرفة هسة اني الي خلكهة هه والله يا ربي ما ناقصني الة هية
سيف/هذا خطيش يولي اني اشوفلج غيرة
ام سيف/والله يمة ضل بالي عليهة حتة كلت لابوك كال اذا تأخرت اكثر يتصل عليك
سيف/يوسف استفسر منة شنو هل تأخير ولة اكلك انطي فلوس ونشوفلهة غير خط
يوسف/اوك
سيف/يلة اني رايح
ام سيف/وين يمة
سيف/يمة ارجع للدوام وين يعني باجر انزل
ام سيف/اوكف اصبلك غدة اخذة وياك
سيف/يوم متأخر
ام سيف/هسة هية دقيقة شمالك اكلتك الي تحبهة
سيف/يلة يمة بسرعة
شاهين/تعال سيف وراية اريد احجي وياك
سيف/دخل لغرفتة كمت ورا دخلت
كول
شاهين/شلون صرت هسة كون متأذي
سيف/لا زين
شاهين/شنو بنفس الايد
سيف/اي
شاهين/ترة انت عصبتني وسديت الخط بوجهك لك خفت عليك انت متعرف العشاير شنو يسوون ونت دخلت بنصهم
سيف/لا اعرف اتصرف لتخاف علي
شاهين/وشنو تحجي وياي من ورة خشمك ترة اني اخوك الجبير لتخليني اذكرك بشي
سيف/ابتسمت علي ليش متنسة هل شي وتنسينياه
شاهين/ههههه وشلون انسة وهذي نقطة ضعفك هههه
سيف/ههه
فتحلي ايدة حضنتة طبطب ع متني صار يشاقة وياي البيت كلة يعرفني اضوج من سدة الخط بوجهي طلعنة لكيت امي محضرة الاكل ودعتهم ورجعت للمركز
ابو جمان/يلة بنيتي كومي اكلي شي موزين هيج
جمان/فتحت عيوني لكيت بابا جايبلي اكل ابتسمت اله شكد حنين علي كمت بست خدة وعدلت كعدتي
ابو جمان/اريدج تاكلين هل اكل كلة ماريد يبقة منة
جمان/هه حييل كله
ابو جمان/اي كلة
جمان/تأمر يا احلئ اب
ابو جمان/ههه ونتي احلئ جمان
جمان/باس راسي وطلع اكلت كملت كمت فتحت الشباك الدنية ليل اف شكد نايمة اني كعدت ع السرير واتلمس وجهي اذكرت شلون غسلي سيف هزيت راسي ع السريع
كافي هوة غسل وجهي ماكو شي ثاني بعد
يوسف/يمة شوكت تخطبولي
ام سيف/ولك يمة اثكل شوي
يوسف/يمة متكليلي شثكل اني منتضر يوم يوم ابوي باجر ينزل
ام سيف/اليوم الفجر ينزل وخوك الصبح
شاهين/عويلص شوي اثكل
تالي وكت الزعاطيط تتزوج
يوسف/شنو قصدك عيني
شاهين/ماقصدي شي عيني
اكلك ليش تضوج بناتي
يوسف/هوة اني حصرة علي الزمهن يطفرن مني متكللي يا عمو ابزز اني شو اذا شفتن سيف تركضن علي لعد اني ابن البط الاسود
شاهين/انطيهن مالات يردنك
يوسف/لا حرام مالات عمو معندة
شاهين/ههه غير يكعد الهندي ابو فليس
سرور/هلااااو
يوسف/هلا بسنفورة
ام سيف/هلا بيج يمة توة نور البيت
شاهين/هلة بأم رضآ شلونج
سرور/الحمدلله انتوا شلونكم شتاقيتلكم ونتوا متسألون كلت اني اروح اشوفهم
شاهين/حقج علينة دشوفين كاضينهة دوام وخفارات لك يوسف متسأل انت لو كاضيهة نوم
يوسف/يا بوية كلشي اذبوهة براس يوسف شنو مرد المضالم اني سرور ترة همة ميخابرون اي لا شغل ولا شي ثاني
سرور/ههههه شنو شو متسلمون علئ رضآ
يوسف/هلا بعد خالو كبران ابن السنفورة
يتبع……
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!