سيف/جهزت ملابسي وكمت طفيت الاضوية نسدحت يم يوسف جان نايم غطيتة ونزعت فانيلتي ونمت
فزيت علئ ادينات حاضنتني كمزت من مكاني اذكرت هذا يوسف نايم هنا
خرة بي جفلني بعدتة عني كول ما احاول انام لو يحضني لو يخلي رجلية ع بطني هاي شلون مصيبة وكعت ع راسي طارت النومة بعد باوعت ع الساعه ب5:12نومة كلش مزعج كمت للحمام غسلت وبدلت ملابس دوام
يوسف/ولا عدك اداب متكول واحد نايم هنا
سيف/خليت الاداب الك ع ساس انتة الي خليتني انام كوم لا بارك الله بيك مو عندك دوام متكوم اتبدل
يوسف/احم ليش شبية عيني وما عاجبك
سيف/أسال نفسك كول ما اريد انام لو حاضني ومفززني لو حاط رجلك ابطني
يوسف/بالنسبة للحضنة يمكن تخيلتك رند
سيف/شنو(بصدمة)
يوسف/ها بالمناسبة سريرك كلش مريح
سيف/برة
يوسف/اصلن اني طالع لان اريد اوصل اية الخط ميجي اليوم وهم اشوف جمان اسلم عليهة
سيف/😒
يوسف/نسيت فانيلتي جاو
سمراء/جمان(بنعاس)لج جمان
جمان/هممم
سمراء/كومي الساعه سبعة يلة كومي راح ارجع انام ليروح عليج الوقت
جمان/نامي كعدت
باوعت عليهة منزلة راسهة وايدهة من السرير ههه ابتسمت علئ شكلهة كمت عدلت نومتهة سمراء صارت كلش قريبة علي غسلت وبدلت طلعت من الغرفة لكيت بابا ديحضر الريوك
صباح الخير بابا
ابو جمان/صباح النور بنيتي جاي احضر الريوك واكعدج
جمان/عوف كلشي من ايدك اني اكمل
كعد بابا ع الكرسي يمي واني حضرت الريوك
احم بابا لعد مياسة ليش ما كعدت حضرتلك الريوك
ابو جمان/يابة ماعرف شبيهة من البارحة نايمة هل نومة اكللهة شبيج تكول مبية شي
جمان/رفعتلة حواجبي بمعنئ ماعرف حضرت الريوك ع الطاولة وكعدنة ناكل
ابو جمان/كعدي كملي ريوكج
جمان/لا بابا تأخرت
غسلت ع السريع ولبست الحذاء(تكرمون)
ابو جمان/اخذي مصروف
جمان/اخذت مصروف ودعت بابا وتمشيت للمدرسة
ام سيف/ها يمة كاعد
سيف/اي يمة كاعد(بهمس)هوة واحد ينام من ورة يوسف
ام سيف/جا يوسف شنو نايم يمك
سيف/اي يمة يمي
ام سيف/جا كول مانمت من ورا
سيف/اي والله صح اللسانج
ام سيف/اعرفة نومة موحلو يتحرك هواي ونت ماتحب واحد يتحرك يمك
يلة تعال اكل حضرتلك الريوك
سيف/لا يمة ما اشتهي
ام سيف/ليش يمة
سيف/ماريد
ام سيف/لا يمة وراك طريق طويل لا يهبط ضغطك ويضل بالي عليك
سيف/منو يكدر يردج
ام سيف/يلة بعد روحي انزل
سيف/اشيلج خاف ماتكدرين تنزلين
ام سيف/شكالولك علي عجوزة
سيف/بعد روحي انتي شباب متكبرين نطيني ايدج ننزل سوة
يوسف/اهمممم اهممم صارلج ساعه يسعاد تكعدين بحبيب الكلب واني ميت من الجوع شوف ي ليث(ابو سيف)تقبلهة
شاهين/اه يابة سمعته شيكول
ابو سيف/ولك عويلص شو متحترم ترة اغير رأيي وافنش
يوسف/يابة شكايل اني صحتلكم بأساميكم لو شنو حرام واني ما ادري
شاهين/اي حراام
يوسف/جا انت رائد شاهين ولا يوم سمعت بناتك يكوللك بابا كولة شاهين ويدلعنك شوشو
شاهين/😑😒بناتي صغار قابل بطولك
يوسف/احمم خلوني ساكت
اية/يلة يوسف تأخرت اني ونت تحجي ومتكطع
يوسف/ولج حتة لو اتاخر اتانيني
ابو سيف/اله اية ما مرخوصين واحد يضوجهة شعندي العشرة شو بس هية وسرورة
يوسف/شني بابا سبينة العنب
سيف/شمسوية هية صدك انت لو منا الباجر مستعد تحجي والبنية تأخرت
يوسف/اكمل اكل ونروح تاني شوي
سيف/امشي بوية اخذج بطريقي اريد هم امر للمركز اني
يوسف/(بهمس)وهم مناك تشوف جمان
سيف/احجي خلي اسمعك
يوسف/قصدي غير هم تودع اصدقائك
يوسف/باوعت علي بطرف عيني سلمت علئ اهلي
ام سيف/يمة دير بالك علئ نفسك فدوة اروحلك
سيف/نشالله
ام سيف/ومن اتصل عليك رد لا تخليني بقلق
سيف/ادللي اكو اوامر ثانية
ام سيف/تروح وترجعلي بالسلامة
سيف/نشالله يلة ايوتة
اية/يلة خوية
انطاني سيف المفتاح فتحت السيارة وصعدت وهوة راح يسلم علئ ابن جوارينة
سيف/اي شخبارك شو متبين
وليد/اي والله جنت مسافر مصارلي شهر من رجعت
سيف/اها الحمدلله علئ سلامتك
وليد/الله يسلمك
شنو رايح للدوام
سيف/اي والله نقلوني للانبار هسة رايح
وليد/صدوك تحجي
سيف/اي والله
وليد/شوداك بعيدة
سيف/هههه حضي شسوي
يلة خويي اترخص تأخرت
وليد/تروح وترجع بالسلامة
سيف/حبيبي
ودعتة وتمشيت للسيارة
تأخرت عليج
اية/لا عادي مو هواية
سيف/(بابتسامة)لا اهواية
اية/ههه
سيف/وصلت اية للمدرسة ثواني واجتي جمان تتمشة
جمان/صباح الخير
سيف/صباح النور
اخذت نفس وزفرتة بهدوء يمكن هاي اخر مرة اشوفهم حسب ما سمعت انو الانبار خطرة والي يدخللهة ما يطلع منهة لو للنجف لو مصوب ابتسمت علئ تفكيري راح بعيد
يلة ايو رايح
اية/انتبة ع نفسك حباب
سيف/نشالله
جمان/(بهمس)ليش وين رايح
اية/نقلوه للانبار(بحزن)
جمان/تروح وترجع بالسلامة
سيف/(بابتسامة جانبية)الله يسلمج يلة ايو باي
ودعت اية وتمشيت للمركز صار بوجهي عبيسان
عباس/ها سيدي شلونك
سيف/هلا الحمدلله
عباس/ماكو منا منا ماغيرت رأيك
سيف/لا ماغيرت رأيي ولا راح يتغير جيت اشوفكم حتة اروح علي وين
عباس/بالمكتب
سيف/طبطبت ع ظهر عبيسان ودخلت للمركز
صباح الخير
علي/صباح النور تفضل
سيف/تسلم جيت اشوفكم واروح
شنو شوكت يجي النقيب الجديد
علي/ع الاكثر العصر
سيف/اها تمام يلة اترخص اروح
علي/ترجع بالسلامة
سيف/حبيبي تقدم علي حضني وطبب ع ظهري
ودعت الباقين وطلعت وعبيسان وراي
مترجع
عباس/والله وبالله راح اشتاق الك والرزايلك
سيف/كتمت ضحكتي وباوعت علي صارت عيني بعينة ضحكنة سوة
هههه
عباس/هههه
سيف/كافي عبيسان مالي خلكك يلة ادخل ونفس موصيتك
عباس/ادلل ملازم اول سيف نشالله من ترجع مرتفع نقيب
سيف/نشالله
ودعتة وصعدت بالسيارة جنت متفق ويا نقيب وملازم نروح سوة تركت سيارتي ببيت صديقي وصعدت بسيارة الدوام
•
•
•
اية/صارت الساعة بالعشرة بالليل ننتصل علئ سيف ماكو خارج نطاق التغطية البيت كولة اتوتر بابا ينتصل وشاهين يفتر ولازم التلفون ويوسف لازم امي يهدي بيهة حسب ما سمعت حتة الطريق خطر
شاهين/يابة علئ كيفكم شبكة ماكو لو تلفونة مخلص شحن
ام سيف/يمة سيف يا ربي دخيلك احفضة الي واحمية
يوسف/يمة علئ كيفج نشالله مابي شي
جيهان/شاهين تلفونك هذا سيف
شاهين/ها سيف
سيف/(بتعب)هلا شاهين
شاهين/الحمدلله علئ سلامتك وصلت غير
سيف/اي هستوني دخلت للمقر
شاهين/الحمدلله ع السلامة
سيف/الله يسلمك يلة ارتاح ونتصل عليكم سلملي
شاهين/انشالله يلة روح ريح
سيف/باي
ام سيف/ها يمة شكالك
شاهين/يمة واصل بس يرتاح ينتصل عليج
ام سيف/الحمدلله ربي
ابو سيف/الحمدلله
يوسف/يلة يوم كومي فاتج الوقت وعلاجج مشاربتة يلة حبيبتي
اية/اي يمة يلة بس يعرف بيج سيف يزعل عليج يلة
جمان/هسة اني ليش افكر بي اف هسة وصل انتصل علئ اية اوو شتكول علي
سمراء/خير شو تحجين ويا نفسج شبيج نهبلتي
جمان/ها ماكو شي
سمراء/مبين اليوم كضيتيهة علي صفنات هنياله الشاغل بالج
جمان/😒اكلج اني جوعانة
سمراء/اني هم كومي نسوينة شي ناكلة
جمان/سمراء وامج شوكت تصالحيهة
سمراء/اهووو هم رجعنة عود بعدين اصالحهة
جمان/شوكت
سمراء/خلال اسابيع انشالله
جمان/هه صدك تحجين
سمراء/لا جذب دكومي تركيني من هل سالفة خلي ناكل لكمة حتة اروح اصخم عندي امتحان
جمان/اني هم عندي يلة نروح
يتبع………
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!