• ياليت تتقبلون الشخص بعيوبه ترا مستحييل تلگى شخص كامل ..ֆ🌝❤️
أُلَمِلَأُزُمِ وِأُلَطٌأُلَبّةَ 💙،
اية/مختنكة ع سيف
جمان/ليش شبي
اية/اليوم عندة مداهمة خاف يتأذة
جمان/طب ما منعتوا يروح
اية/هه ع ساس هوة يقنع لج عنيدددد بشكل اذا كال كلمة مايتراجع عنهة
جمان/نشاء الله يرجع بالسلامة
اية/من حلكج لباب السما
يلة اروح اجة الخط هسة الكة امي تفتر بالهة علي
جمان/الله وياج نشالله يرجع سالم انتبهي ع امج
راحت اية صعدت للخط تمشيت للبيت ماعرف ليش بقة بالي يمة وصلت للبيت لكيت بابا راجع سلمت علي ودخلت لغرفتي بدلت وغسلت وجهي وطلعت من الغرفة لكيت مياسة دتجهز للغدة بابا موجود يعني راح ارتاح شوي
بابا صار يسألني ع الدوام
ابو جمان/محتاجة ملازم غير شي كولي اجيبلج
جمان/لا بابا من احتاج اكولك
حرك راسة يعني تمام ابتسم وكعد يتفرج ع التلفزيون كمت جهزت العشا ويا مياسة اجتي سمراء ويانا صراحة تفأجات شعجب جتي ماهتميت الهة دأئمآ تحسسني اني محلوة تعايب ع شعري ع سماري واني هذولي منوا يشوفني يتعجب ع سماري يعني مو سمرة كلشش لا حنطية وشعري طويل وبي تروج من الاخير ماعرف ليش تغار مني
.
جهزنة العشا وكعدنا ناكل بابا فتح موضوع
ابو جمان/باجر يجون اهلي
مياسة/(بنزعاج)كلهم
ابو جمان/ماعرف المهم جهزوا غدة مرتب
جمان/(بابتسامة)نشالله
ابتسملي ورجع ياكل كملنة كام بابا غسل نقلنة المواعين اني ومينا اجتي سمراء
سمراء/اني اغسلهن روحي رتبي الاستقبال
جمان/عفتهة ورحت للاستقبال جان استقبالنة كبير طلعت القنفات وبديت اكنس وبعدين مسحت الارضية ورجعت الفرشات والقنفات حسيت نفسي تعبت اذكرت بعدني مدارسة عندي امتحان شهري رياضيات اووف شيخلصهة اخر شي طفيت الاضوية وطلعت اجتي مياسة
مياسة/رتبي الصالة وياج اني تعبت
جمان/رتبت الصالة ساعدني مينا وقدر خطية شالن الفرشة ودفعنة القنفات متنة ضحك
مينا/متتتت(وهية تدفع القنفة)
جمان/لج كافي دتضحكيني متخليني اشتغل
مينا/ثكيلة هاي كلش
جمان/حاولنة وياهة ندفعت اخر شي كملنة الصالة همين طفينة الاضوية وطلعنة بوستهن راحن لغرفتهن ينامن تاخر الوقت دخلت سبحت وطلعت طلعت كتبي وكعدت ادرس ما نمت لمن خلصت صارت الساعه ب3:00كملت نمت فوك الكتب من التعب
ملازم عمار/هياتة البيت علئ الخطة سيف ماريد اي خطأ
الكل/(بهمس)نشالله
سيف/حاوطنة المكان جان بمزرعة صارت بيناتنة اطلاقات نارية شلت المسدس ضربت واحد برجلة رجع ضربني بجتفي حسيت شي حار اخترق جتفي ماهتميت اخر شي كدرنة عليهم دخلنة للبيت ريحة الشرب لعبان نفس والبنات لبسهن استغفرلله خذوهم كلهم للتوقيف هواي لزمنة منهم بس اكثر من اربعة هربوا
طلعت من المكان لعبت نفسي شنو هل قذارة ايدي كامت تصل علية اتذكرت اني متصوب نزلت عيوني ع جتفي ملابسي كلياتهة دم
دقايق وطلعوا علي وعمار
عمار/قذارة مزبلة
علي/عوووووع شنو هاي وفوكاهة متونسين ماعرف شعاجبهم من هل اماكن
سيف/ابتسمت ع علي ورجعنة للمركز اخر شي متحملت كلت لعمار;عمار اكو دكتور هنا بالمركز
ملازم عمار/ليش شبيك
سيف/مو تصوبت بجتفي
علي'عمار/شنوووو
عمار/متصوب وكاعد تضحك ويانة
سيف/شبيكم خفيفة بس هسة دتاذيني شوي
علي/تحجي صدك
عمار/كوم يابة كوم نروح للمستشفئ
سيف/صعدنة بالسيارة هذا عمار ولا سد حلكة دوخني
عمار/غير تكول من زمان حتة ناخذك والله ما اعرف بيك متصوب اصلن مشفتك التهيت ويه القذارة شنو ناوية متحجي عجبك الوضع مثلآ
سيف/يا اخي وصلني للمستشفئ
علي/بس ميصير متتكملم يمكن تلتهب وسببلك الم فضيع
سيف/الطريق كلة يحجون علي ضوجوني بس سكتت وصلنة للمستشفئ اجة دكتور كلولة بقة مصدوم
الدكتور/شنو مصوب لعد شمنتضرين لازم نطلعهة ليصير التهاب اذا داخلة كلش كلش لازم عملية
سيف/عملية شنو هية رصاصة طلعهة فضت راحت
الدكتور/ادخل ابني للصاله
سيف/دخلت لصاله كعدت ع السرير دقايق واجة الدكتور وراية علي وعمار بقوا برة اضوج من المستشفيات ونوب هذا يحرك بالادوات مقص وماعرف شنو من ادوات نزعت السترة العسكرية
الدكتور/راح اخدر المنطقة الكتف يمكن تحس بوجع خفيف تحمل لان انت رفضت البنج العام
سيف/هزيت راسي كموافقة مني بدة يطلع بيهة داخلة كلش صرت اتحرك من الالم مغمض عيوني وعاكد حواجبي وجع فضيع اول مرة اتصوب ربع ساعة طلعهة بس صرت نصفين من الالم خلص عقمهة ولفهة الي
الدكتور/الحمدلله ع سلامة بطل
سيف/الله يسلمك
الدكتور/انطيك مهدأت وعلاج لازم تستمر علي تمام
سيف/اوك
طلع الدكتور دخلوا عمار وعلي تحمدولي ع السلامة;الله يسلمكم
علي/شنو كون اكو وجع
سيف/خفيف يلة نطلع
عمار/لحظة وين خلي نشوف الدكتور بالاول يقبل لا
سيف/مابقة خلونة نرجع
شوي واجة الدكتور انطاني العلاج سأله علي
الدكتور/اي اطلع بس تبدل الشاش كول فترة ونتبه لتحاول تضغط عليهة مثلآ اشيل شي ثكيل بس فترة مع العلاج اصير احسن
سيف/شكرآ
شرحلي ع العلاج والوقت تشكرت منة وطلعنة رجعنة للمركز
عمار/روح ارتاح هاك مي اشرب العلاج هسة،ادزلك ع اكل لازم تاكل
سيف/شربت العلاج
وكلت العلي
باجر نرجع للبصرة مهمة وخلصنة بعد الضابط حر هوة يكمل الباقي
علي/اي ونت شلون صرت
سيف/زين لتشيل هم
جابوا عشة كليت قليل وكمت دخلت لغرفة الاستراحة نمت العلاج قوي
ام سيف/ما خابر كلبي يوجعني ليش ما ادكون علي شنو انتوا متحسوووون
ابو سيف/عزيزتي عندة مداهمة مياخذ التلفون ويا يبقة بالمركز ميصير
ام سيف/منتضرتة من راح وهسة الساعة ب10بالليل ليش ميدك هذا ناوية يجلطني
شاهين/اهدي يمة شبيج هسة ادك علي وشوف راجع لا ايو انطي ماي لمي
دكيت علي مرة مرتين ماكو
عمار/هذا تلفون منو يدك
علي/سيف
اخذت التلفون كاتب اخوية شاهين دخلت لغرفة الاستراحة شفتة نايم كعدتة ونطيتة التلفون اكيد باقين بقلق علي
سيف/عدلت كعدتي ورديت
هلا شاهين
شاهين/شنو غير ادك اتكول امي موتت روحهة عليك
سيف/ماكو شي باجر راجع خلصت المهمة
شاهين/وشبيك هيج تحجي
سيف/ماكو شي بس تصوبت بجتفي
شاهين/شنوو
سيف/اش اش اش لتحجي شي لاهلي اني اجي واكول
شاهين/طلعت من الصالة
اي وشلون صرت يول غير تنتبه
سيف/ماكو شي شلت الرصاصة لتخاف طمن امي كللهة زين وباجر الصبح يمج
شاهين/انتبة ع نفسك
سيف/الله وياك
سديت الخط ورجعت نمت
ابو جمان/بابا جوان شلون نومة هاي كعدي يابة
جمان/فتحت عيوني الكتب جواية ومتكسرة الاوراق رفعت نفسي منهن
صباح الخير
ابو جمان/صباح النور حبيبتي ليش نايمة هيج
جمان/ماعرف شلون نمت هيج
ابو جمان/هه هسة جسمج يوجعج ورقبتج يلة كومي لتتاخريين
جمان/اي
طلع بابا رحت للحمام غسلت وبدلت وكعدت اتريك......
يتبع.........
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!