سيف/اي شنو اخذتوا من السوك
اية/اخذنه فساتين وكملنه اغراض الخطوبة
سيف/وجمان
اية/اي اشترت بدلة مارونية حلوة
سيف/بس وحدة
اية/اي مقبلت اثنين تكول وحدة كافي
سيف/اممم
اية/وصلنه للبيت نزلت وسيف اجة وراية دخلت للبيت سلمت علئ امي ورحت ابوية بخدة
ابو سيف/طولتي
اية/ما اجينة اله الساعه سته
ابو سيف/اشتريتي ملابس
اية/اي اشتريت فستان
طلعته اله
هياته شرايك بي
ابو سيف/بالعافية حلو بس انتي احلئ منة بهواي
اية/ههه شكرآ حبيبي اموت عليك
ابو سيف/اني هم شعندي غيرج
ام سيف/ما خلصتوا غزلكم
اية/تقربت يم اذن بابا
بابا ترة ماما تغار غردلهة شوي
ابو سيف/شعندي غير ام شاهين بالله كومي خلي تكعد يمي
اية/ها بابا
ابو سيف/والله حرت بينكم يابة احبكم كلكم
وين اخوتج
اية/يابه ازوجوا ونسونة كله يم نسوانهم
ابو سيف/روحي هجمي عليهم واحد واحد جيبيهم الي همة ونسوانهم
اية/من هل شارب
ابو سيف/وينة هو الشارب
ضحك عليهة وطلع بالصاله هوة وام سيف
اية/دكيت الباب علئ شاهين طلعتلي رفل
رفل/عميمه
اية/بعد عمتج صيحي بابا ددو يريدة
هزت راسهه ودخلت شحلاتهة
صعدت دكيت الباب علئ سيف فتحلي الباب
سيف/ها حبي
اية/ابوية يريدك
باوعت علئ عمهه وكالت
ونت عمو هم
سيف باوع علئ احمد ورجع باوع علئ اية
سيف/ماشي
اية/وكفت يم غرفة يوسف دكيت الباب حيل طلع ع السريع
يوسف/هاا منو مات
اية/ابوية يريدك
يوسف/هيج تخرشيني اوكفيلي وين ترحين مني
اية/ركضت ع السريع نزلت وهوة وراية نزلت قبله كعدت يم ابوية
ابو سيف/هاي ليش تركض وراهه
يوسف/هيج اريد ابوسهة
شاف ابوه يحاجي سرور صار يأشر لاية ويعض بشفته يعني بس لو الزمج وهية ميته ضحك
احمد/سلام
الكل/وعليكم السلام
كعد احمد يم سرور يسألهة شلونج وية زوجج وبوس ابنهة جان احمد مدللهة لسرور
احمد/كبرت وصارت تستحي مني جنتي ليل ونهار يمي
سرور/عليش استحي منك انتة عمو الغالي
احمد/بعد عمج
ابو سيف/شنو انتو ماجنكم راح تصير مناسبة غير تجهزون
سيف/يابه مجهز اني لان خطوبة مو عرس
ابو سيف هز راسه يعني تمام باوع عليهم
ابو سيف/شبيكم وجهكم فالت ترة ماكو شي بس حبيت ننجمع ع العشة طلبت اكل
يوسف/اي والله جوعان
رفل/اني دوعانة(جوعانه)
يوسف/هم انتي
رفل/ابيك(شبيك)وهية تباوع علئ عمهة بعصبية
يوسف/موش فروخ يبو نزلي عينج(وهوة يقلدهة)
احمد/شاهين هنيالك عليهه هه
شاهين/اي والله هاي ام السان
رفل/ددووو(بعصبية)
الجد/يابه عوفهة ليش اضوجهه
يوسف/تعالي ازوله تعالي احنة متفاهمين انتي عاقله مو مثل اختج الفصعونة الي السانهة بيكيسي
سيف حك راسة وكال
سيف/ياهو عمهة
يوسف/اني قصدك الساني بيكيسي
سيف/لا انت ام فوري(نوع من انواع الاسلحة)
يوسف/غير يكعد عاد اني الساني ظاهري انت كله من جوة
وصل الاكل كعدوا ياكلون خلصوهة ضحك بضحك الكل منتبه علئ ضحكة سيف الي يضحكهة من كلبه بحيث تبرز كل اسنانة
ام سيف/الله يديمهة علينه
احمد/ولكم كافي شنو انتوا اخ بطني
يوسف/احنة بغلاوه احمد احمد اسمع هاي الله عليك
*سوداني شاف اسد فكام يبجي
*كلة مروتك لتاكلني
*كله الاسد بالعكس اصلن اني ما اكل مشويات
سيف واحمد وشاهين باوعوا علي بعدين ضحكوا كلهم بصوت عالي
سيف/هه الله يطيح حضك ههه
احمد/هههه اخ يابة والله تافه
يوسف/هههههه
رند/كافي يوسف هه
ابو سيف يباوع عليهم ويضحك علئ ضحكهم
خلصوا اكل كاموا غسلوا ورجعوا كعدوا بالصاله يسولفون بمواضيع سياسية والبنات انجمعن بغرفة اية علمود يحضرن للخطوبة
•
•
•
سمراء/هسة البيت كملنا
جمان/رتبنة البيت ومياسة كلة ماما وماما والله فرحت هيج تعاملني حالي حال سمراء من بعد المشكلة الاخيرة صارت زينة وياي
عزلنة الاستقبال ورتبناهة وخلينة بابا يكعد بيهة
مياسة كالت بس عزلنه للبيت واني اكمل الترتيبات
عزلنا ماكملنه اله الساعه ب10سوينه عشة وكعدنا ناكل اني والبنات
قدر/ماجبتولي فستان
سمراء/ماما كالت باجر انتي ومينا
هزت راسهة ورجعت تاكل
مينا/جمان تلفونج
جمان/منو
مينا/ماعرف رقم
جمان/اخذته عرفته من خلفيته سيف كمت اروح للغرفة
سمراء/ماتحجين هنا😒
جمان/علئ اساس اني مخبله احجي يمج حته تخبليني
ضحكنة ودخلت للغرفة فتحت خط
هلو
سيف/هلا بيج شلونج
جمان/تمام
سيف/دوم
احمد/سيف تلفوني وين خليته
سيف/بقه عند يوسف
اي جمان
جمان/امم منو هذا
سيف/احمد قصدي عمي
جمان/اها سيف بخصوص المدرسة نفس مكلت لبابة اكمل
سيف/تكمليهة بس بشروط
جمان/شنو الشروط؟
سيف/بعدين اكولج الشروط مجهزة نفسج مابقه بس باجر
جمان/اي
•
•
عصام/سمراء اني كلش ضايج من لبسج
سمراء/لبسي
عصام/السدرية كلش ضيكة وكصيفة
سمراء/عصام جاي تراقبني من اروح للمدرسة
عصام/اي
سمراء/ليش معندك ثقه بيه
عصام/مو شغله ثقة بس خايف عليج وكل يوم اكحل عيوني بشوفتج
سمراء/تعرف شلون تقنعني
عصام/جاي احجي جد مو كلام فارغ نشالله ورا خطوبة سيف اتقدملج رسمي
سمراء/بالعطله احسن
عصام/هشش نخطب هل فترة احسن
سيف/مو اني سادس حس بية
عصام/حبيبتي حاس بيج الخطوبة هل فترة والعرس براحتج
•
•
•
رند/حاسة هل فترة عندي حمل وتأكدت اكثر من خلال الاعراض دنتعشة عمو طالبنة مشويات وبيتزا بس شميت ريحة الاكل نفسي كامت تلعب كمت للحمام تقيأت اجة يوسف وراية غسلي ودخلني للغرفة القلق باين عليه
يوسف/شبيج
رند/معدتي دتأذيني شوي
يوسف/كومي نروح للمستشفئ
رند/لا مايحتاج
يوسف/شنو مايحتاج
رند/روح كمل اكلك هسة بس ارتاح اجي وراك
يوسف يباوع عليهة بحيرة
رند/روح والله تمام هسة اجي
يوسف/لطولين
رند/هزيت راسي وبتسمت نزل يوسف رحت دورت بأغراضي اذكر ماما جابتلي تحليل منزلي دورت علي لكيته سويت التحليل منتظرة علئ نار والله هية دقايق وصار خطين ماحجيلكم طرت من الفرح بحيث صرت اطفر مثل الطفله بعدين انتبهت علئ نفسي رجعت كعدت واني الابتسامة واضحة علئ لازم اطلع ليجي يوسف بس اول اخبر اية لان وعدتهة انتصلت عليهة كلتلهة تعالي ع السريع
اية/جاية
دخلت اية تباوع علئ رند الي من ابتسامتهة شكت اكو شي
اية/ها
رند/اني حامل
اية/(بابتسامة)صدووك يروحي الف مبروك والله فرحتيني
رند/والله اني الكون ما سايعني
اية/يوسف عرف
رند/لا
اية/اكول لو يدري جان خبصنة
رند/بالليل اكوله هسه خلي نطلع كانوا ماكو شي
رند/ماكو شي
رند/ضحكنة اثنينه وطلعنه يوسف يباوعلي اشرلي اكعد يمه سوالي مجال وكعدت
يوسف/(بهمس)وضعج معاجبني
رند/ماكو شي حبيبي
خلصنه عشه ورتبنه المطبخ اني والبنات دخل يوسف للغرفة دخلت ورا جان هستوة طالع من الحمام طلعتله التحليل
يوسف
يوسف/شنو هذا
رند/متعرفة
يوسف/لا
رند/تقربت علي خليت ايده علئ بطني
يوسف/بطنج بعدهي دتأذيج
رند/غمضت عيوني يوسف صح كبير بس ميفهم بهل امور حته التحليل ميعرفة
يوسف انيي حامل
يوسف/حامل
باوع عليهه كأنوا ديحلل هل كلمه
يوسف/حااامل
رند/هزيتله راسي
رفعني وهوة الفرح باين علي يبوس بية بكل وجهي
يوسف راح اوكع الله عليك نزلني
نزلني حضني حضنه دخلني بيهه بين ضلوعه
يوسف/رند راح اصير أب
رند/اي والله بس رخي كسرت ضلوعي
يوسف/(ضحك)اسف بس فرحان بهل خبر
رند/اني هم
يوسف/تعالي كليلي شلون عرفتي
عباس/اني اخر من يعلم حرامات الربا
سيف/يمعود نسيتك
عباس/تنساني كسرت كلبي
سيف/كافي يمعود
عباس/ما اسامحك
سيف/باع يمك الحايط
عباس/(بعفوية)اي ليش
سيف/الطش راسك بي
عباس/لا هاي هية صح ماعندي كرامه بس ما اسمحلك تنزل كرامتي
سيف/عبيسان كافي
داحجي ويا عبيسان جان ينفتح باب الغرفة بقوة بحيث طفرنة اني واحمد من مكانة
يوسف/…
يتبع…
للي طلبوا صورة احمد هياته👆
لا تزحفون علي😂
ولو هوة صاك احم قصدي مرتب
سيف احلئ مو
كلولولي منو احلئ العم لو ابن اخوة(سيف)
يله اشوفكم بالخطوبة اني حاضرة هناك راح اسولفلكم بالتفصيل هه باي
حلقوماياتي ❤️❤️❤️❤️❤️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!