رواية أُلَمِلَأُزُمِ وِأُلَطٌأُلَبّةَ 💙 الفصل التاسع عشر 19 - بقلم benin_rsool

بعد جلسآتٍ طويلة ، القاضي أَحَبَّ المجرمة ، وسقطت العدآلة
أُلَمِلَأُزُمِ وِأُلَطٌأُلَبّةَ 💙،

ام سيف/شنوو كول السمعتة غلط

ابو سيف/خلي نفتهم عزيزتي

ام سيف/شنفتهم ما سمعتة شيكول ولك انتة يمي هنا وبالي يمك ونوب بالانبار

سيف/يمة الله يخليج لا تزوديهة علي

ابوسيف/شنو اجاك كتاب رسمي

سيف/اي كتاب رسمي اليوم الصبح وصلني من بغداد ولازم باجر التحق للانبار

ام سيف/والله راح اموت من وراكم اني ابوك دوامة ابغداد واخوك بالكوت ونتة تريد تروح للانبار شني متكلولي شني

سيف/كعدت تبجي وتشهك هوة هذا الجنت متوقعه اني والخايف منة
يمة شسالفة الله يرضى عليج كافي

ام سيف/الناس تحسدني عندي ولد وكلهم رتب هوووة اني ششايفة منهم اشايفة اربع وعشرين ساعه بالدوام

شاهين/يمة كافي مو بيدة هوة اجاه قرار لازم اينفذة لا تزيدين علي مشوفينة تعبان

يوسف/هية شني يمة كلبتيهة عزا كافي هية هذي الانبار شمرة عصا

سيف/ههه استغفرلله هذا عود يواسي يجفص بالنص
باوعت علي وضربت كصتي
يلة يمة كافي هية سبعة اشهر ورجع ما طول اكثر يمة مو جاي احاجيج والله تعبان
اوف راسي راح ينفجر كمت وكفت احاجيهة متحاجيني صعدت لغرفتي نزعت الملابس دخلت للحمام سبحت وطلعت لكيت يوسف بالغرفة باوعت علي ورحت للمراية انشف شعري

يوسف/شبيك

سيف/شوي تعبان

يوسف/تعبان لو خايف

سيف/باع هذا خايف من شنو بس شفت امي شسوت بنفسهة هذي اولآ وثانيآ ابالي شي ثاني

يوسف/منو حبيبتك🤔😐

سيف/خاب شجاي تمضرط يا حبيبة

يوسف/جمان القزومة

سيف/😒وشجاب جمان هسة

يوسف/جا هية غير حبيبتك وكل يوم تسال اية عليهة واكثر شي تأكدت منة من اجينة من خطوبتي وامي كالت اذكرك

ام سيف/اوف تعبت اليوم
اني خايفة اليوم خاف هذي صديقتج تنضرب عين من وراهن

اية/ههه

ام سيف/والله اربعه خطبنهة مني عبالهم اني امهة

سيف/رفعت راسي من التلفون
منو هذي يا صديقة

اية/جمان

سيف/بعدهي مو مال زواج صغيرة

ام سيف/بعد اني انطيتهن عنوان اهلهة ورقم مياسة

يوسف/ها ومن امي كالت هيج عصبت وكمت صعدت فوك ها شنو يسموه هذا

سيف/لا يمعود ماكو شي من الي ابالك
رحت طلعتلي تشيرت ولبستة

يوسف/كافي سيف عيونك فاضحتك

سيف/يوسف سد الموضوع ماكو شي

يوسف/سمعت من اية باجر خطوبتهة

سيف/شنوو

يوسف/اي خاطبهة واحد محامي

سيف/شوكت هل حجي

يوسف/وليش مهتم انتة بيهة

سيف/مدخلك

يوسف/اصلن هوة جذب بس حبيت احقق وياك وتأكدت انتة تحبهة هههه

سيف/اصلن مصدكت ه ه ه ه
اطلع خلي انام بدون مطرود

يوسف/تنام شنو تعال خلي اشوفك باجر تروح خلي اشبع بويهك الي مينشبع منة

سيف/كعدت ع السرير يمة سحبت الغطة خليت ضهري ع تاج السرير اي شنو تريد

يوسف/اسألك

سيف/اسأل

يوسف/الله عليك شنو جمان بالنسبة الك

سيف/رجعنة

يوسف/حلفتك

سيف/ماعرف

يوسف/احسن اختيار والله حبابة هنيالك عليهة خوش بنية تستاهلة

سيف/ترة مخاطبهة اني

اية/ادخل

سيف/تعالي ابوية ادخلي ليش واكفة برة

اية/جبتلك عصير ليمون ماما دزتة تكول خلي يشربة كلة

يوسف/جا واني اوف منج سعاد اني مو ابنج بس سيف وشاهين ولدج

سيف/حبيبتي امي تعرف هبط ضغطي
هدت شوي

اية/اي بابا وشاهين فهموهة شوي احسن،من قبل شوي كمل عصيرك ونزلوا تغدوا

سيف/شلون دراستج

اية/الحمدلله

سيف/خلي تركيزج ع الدراسة واذا مفهمتي شي يوسف يفهمج

اية/اوك

شاهين/مجتمعين هنا الفصاعين وعايفيني اني وبناتي شبينة نكووص

يوسف/لا ما تكووص اني اكووص

سيف/دخل شاهين هوة وبناتة خلاهن ع السرير وصعد وياهن

رفل/امو

سيف/حبيبة عمج
شلتهة بوستهة وخليتهة بحضني
هذي رفل مو

شاهين/اي رفل

سيف/هه الحمدلله عرفتهة

يوسف/مو كلتلكم اني الي اكوص

شاهين/ههههه لا ما تكوص ازل تريدك

يوسف/يا صلوات اجتني اهلهل اذبح ذبيحة
ماطولج اجيتيني هسة نروح للاسواق نشتري

شاهين/يلة تعالو تغدوا امي تريدكم جوة

سيف/اني ماشتهي

شاهين/ليش تعال ويانة

سيف/لا ماشتهي انام اشوي ومن اكعد اكل

شاهين/يلة چا نام نروح احنة ننزل

سمراء/لج قدر اشتغلي ع كيف لتكعد جمان لا تخربين المفأجاة

مينا/بابا جاب الكيكة يلة راح تكعد

جمان/كعدت من النوم باوعت ع الساعه3:06اي زين كعدت خلي ادرس بعدت الغطة مني كمت شلت شعري طلعت اشرب مي شنو شو ماكو صوت دخلت ع قدر ماكو فتحت باب الاستقبال لكيتهم مسويلي مفأجاه اذكرت اليوم عيد ميلادي اجة بابا بوسني والبنات مياسة مشفتهة من ورة المشكلة بعد ابتعدت عني

ابو جمان/اعذريني مسويتلج نفس كل مرة اجيت من الدوام علئ مودج

جمان/حبيبي بابا بالعكس حلو

سمراء/تعالي كصي الكيكة

سيف/فزيت ع ادينات تحرك بشعري فتحت عيوني بنعاس شفت امي كاعدة ع السرير يمي

ام سيف/ما تكعد تاكل

سيف/هسة اكوم

ام سيف/يلة كوم ننزل سوة اني هم متانيتك

سيف/ليش متانيتني غير عندج علاج

ام سيف/ماصار شي يلة كوم هل ضعفان انتة شبيك ما تاكل ضال بس العظم

سيف/شسالفه يمة ما شوفيني شعرضني وين العظم

ام سيف/لا ضعفان قبل جنت شحلاتك هسة وجهك اصفر كاضيهة شغل لا نوم ولا اكل مثل البشر ابني واعرفك

سيف/نوب هه مابية شي
كمت غسلت ونزلنة سوة كعدت ع طاولة بالمطبخ وامي تحضر الاكل
يمة شو ولا واحد

ام سيف/يوسف راح هوة وخطيبتة للمول وشاهين هم اخذ جيهان وراحوا لاهلهة وابوك بالغرفه كاعد يخابر العميد مدري منو

سيف/حضرت امي الغدة وكعدنة ناكل

ام سيف/هسة شنو مايصير ما تروح

سيف/لا مايصير يوم ماطول اكثر من سبعة اشهر كل عشرة ايام انزل تلاثة ايام ونشالله يخلصن

ام سيف/يا يمة خايفة عليك

سيف/يمة كل واحد ويومة الكاتبة ربج يصير

جمان/شوكت حضرتوا كل هذا

سمراء/ههه بعشر دقايق دزيت عمو ع الكيكة واني والبنات رتبنة الصالة

جمان/هه خوش فنانة

سمراء/اعجبج ههه

يوسف/هلا خوش كاعدين كعدة بس ناقصهه اني

سيف/ونت شنو
اجة سحب الكرسي وكعد ويانة

يوسف/انة يا خوي كلشي
عندي حجي وياج سعاد اليوم اسويهة عشاير

ام سيف/ولك شنو سعاد اختك اني

يوسف/اف سعاد انتي معطبة كلبي انتي وولدج

سيف/عويلص اتأدب

يوسف/اي نرجع لموضوعنة ليش هيج اسوين ليش

ام سيف/ولك شمسوية

سيف/يمة يغار

ام سيف/عليش تغار

سيف/يمة يغار مني

ام سيف/ليش اكو واحد يغار من اخوة

يوسف/ابسط شي اني وياه كاعدين تصعديلة عصير جا واني ابن ضرتج

ام سيف/يا جا غير هبط ضغطة انت شبيك شو جنك صل

يوسف/اي كولي بعد انت عارر وميصير بيك شي

سيف/اي صدك والله انت عار لتخاف ع نفسك

يوسف/يمة سيف عندة وحدة ابالة وله اكلج شاغلة تفكيرة

سيف/جنت داشرب مي من سمعتة هيج كال غصيت بالمي

يوسف/اسم الله ضربي ضربي ع ظهرة خطية حتة من جبت طاريهة غص😉

ام سيف/صدك يمة ناوي تزوج منو هاي

سيف/يمة لتصدكين بي جذاب ماكو هيج حجي

يوسف/لا اني ما اجذب انتة…

سيف/ضربت رجلة حيل من جوة الطاولة

يوسف/اخخخخخخخ يمة

سيف/خطية نضربت رجلة بالطاولة غير تنتبة غسل اي والله

يوسف/يمة

ام سيف/هسة غير يفهموني

يوسف/من الاخير بدون لف ودوران ابنج اباله وحدة

ام سيف/غير اعرف منو كبيرة صغيرة

يوسف/لاتخافين صغيرة وتكول للكمر وخر واكعد بمكانك

ام سيف/الساعة المباركة يوم اليتزوج سيف

سيف/يمة شبيج تصدكين بي
اني كايم احضر اغراضي ونت خلص وتعال وراي

ام سيف/تعال يوسف منو هاي تعرفهة

يوسف/ها لااا

ام سيف/جا شلون انطيت مواصفاتهة

يوسف/هوة كالي اول تالي انشوفهة اروح اصعدلة

سيف/صعدت صرت ورا باب غرفتي بسيطة يا يوسف متظم شي سمعت صوت خطوات ع الدرج دخل للغرفة

يوسف/وينك يول

سيف/طلعت صرت ورا خليت ادي ورا ضهرة
يعني انت ما تعرف تسكت

يوسف/واني شنو كلت

سيف/اه لا والله مكلت شي

يوسف/اي مكلت الحمدلله

سيف/ضغطت علئ ادية

يوسف/اي كلت والله كللت اخ يابة ولك اني اخوك مو مجرم موش ادين اسبانات

سيف/ومنو كال اني احب جمان هسة تطلع ناشرني ع الصحف الصباحية والمسائية كول لا

يوسف/هوة الربعنة ما كلت الغريب

جمان/حضرنة العشا وكعدنة ناكل بابا حس الوضع مو طبيعي لان سمراء متحجي ويا امهة ومياسة بس كاعدة بالغرفة

ابو جمان/شنو صاير احسكم مو طبيعين ليش مياسة ما تاكل ويانة

سمراء/عمو شوي معدتهة توجعهة تكول فد شوي اكل

جمان/باوع علي حركتله اجتافي بمعنئ ماعرف كملنة اكل بابا دخل لغرفتة يرتاح واني والبنات رتبنة المواعين قدر ومينا راحن لغرفهن واني دخلت لغرفتي اجتي سمراء جايبة كتبهة

سمراء/خلي ادرس يمج هناك بوحدي ماعندي واهس

جمان/اجتي كعدت يمي حبيت افاتحهة بموضوع امهة
سمراء ليش متحجين ويا،امج اعرف بسببي بس ميصير

سمراء/لا مو بسببج بس امي كلش صايرة لا تعرف حرام ولا حلال اني ضجت منهة انتي شلون متحملتهة

جمان/لا ميصير هيج تكولين

سمراء/لشوكت تبقين فطيرة ترة تنوكلين جمان هاي الحياه لازم تصيرين قوية ترة الناس تاكلج

جمان/باوعت عليهة ونزلت عيوني ع كتابي
هية هاي طبيعتي ماعرف امشي عكس ويا الناس كملنة دراسة سمراء نامت ع الكتاب كمت لملمت الكتب وعدلت نومتهة غطيتهة وفرشتلي ع الارض

يوسف/يابة شنو هاي ادية يوجعني الله يساعد الي يطيح بأيدك

سيف/جا التدريبات والضرب الاكلتة بالتدريب وين يروح لي هسة جسمي يوجعني عود صارلي اربع سنوات

يوسف/اي تدريباتكم قاسية لو اني من اول ضربة اوكع انتة هم شمروك من فوك الجسر

سيف/هه كبور مو شمروك يسموة تدريب الموت اي سويتة ونجحت بي

يوسف/هه واني شمعرفني انتة اشوه شوي شايف شاهين عود يطبطب ع جتفي يسوي انزلاق بجتفي الي يطبطب بي همزين انتم متضربون نسوان جان نودعهم للنجف

سيف/شسالفة وحوش خو مو وحوش

يوسف/اليوم انام يمك

سيف/شنو سبب

يوسف/تطردني من حوشي(بيتي)

سيف/حوشك شني يابة غرفتي هاي هناك غرفتك ادليكياهة اذا متندلهة

يوسف/اني انام هنا اليوم

سيف/نزع فانيلة هذا سواهة احنة كلنة ما انام اله ننزع الفوانيل
يابة مو وكت طناكيرك اريد انام باجر اولي التحق

يوسف/تعال نام هذا سريرك يكفي لو تجيب ثور ويانة هم يكفي

سيف/انت نام اني اريد احضر ملابسي

يوسف/طفي الضوة

سيف/لا والله

يتبع…