رواية أُلَمِلَأُزُمِ وِأُلَطٌأُلَبّةَ 💙 الفصل الثالث عشر 13 - بقلم benin_rsool

‏اسندج بگلبي اذا چان الچتف مخلوع♥️
أُلَمِلَأُزُمِ وِأُلَطٌأُلَبّةَ 💙،
•
•
•
•
سيف/جمان

جمان/هذي وين عافتني شفت سيف وياه شاب يتمشون بأتجاهي بس لا يشوفني حاولت اخفي وجهي عنة بس الظاهر عرفني شكول عليج سمراء وصل يمي عكد حواجبة بتسأول
ههلا سيف(بتوتر)

سيف/ليش واكفة هنا منتضرة شخص

جمان/ها اي منتضرة

سيف/بس ميصير توكفين هنا دليني ع مكانهم حتة اخذج بطريقي

جمان/ها لا مداعي هسة تجي

سيف/منو؟

جمان/بنت زوجة بابا دخلت لهل محل(اشرت ع المحل باوع علي وعكد حواجبة وباوع ع الشاب الي وياه)

سيف/محل ملابس رجالية
يوسف ابقة شوي هنا دقايق وراجع

يوسف/اوك

جمان/راح سيف للمحل عرفني هل شاب علي طلع اخوة مبين لان يشبهة كلش

يوسف/اذكر شايفج بس مداذكر وين

جمان/اني بنت ياسر انتوا جنتوا جوارينة بس انتقلتوا

يوسف/ها صدوك عود انتي ام شعر الطويل وربي متغيرة كلش ههه

جمان/هه يي اني

سمراء/رافد ماكدر اسوي الي دتطلبة عفت اختي هناك منتضرتني انت كلت اشوفج وبس اني اجيت حتة اشوفك وهسة رايحة

رافد/مجنت متوقعج بهل جمال عوفي كلشي وراج وتعالي وياية للبيت حبابة

سيف/دخلت للمحل واني اتمنة الي دافكر بي انوا ميصير شفت اخت جمان(سمراء)واكفة ورافد لازمهة من ديناتهة كانوا يكوللهة لترحين تقدمت سلمت علي هوة من الفشلة الي هوة بيهة عاف ديناتهة ع السريع فشلان من الموقف الي هوة بية
رفعت حاجبي بتسأؤل;معرفتني ع زوجتك

رافد/ها اي هذي زوجتي سمراء

سيف/تشرفت بيج خيتي

سمراء/(بتلعثم)الي الشرف اني اروح

رافد/بعدين اكلمج

سيف/طلعت ع السريع كلت الرافد جنت مار حبيت اسلم عليك ودعتة وطلعت لكيتهم ماكو لا همة ولا يوسف

جمان/سمراء لمنو جيتي لتكذبين وتكولين اشتري صارلي اكثر من نصف ساعة واكفة بنصف السوك(بانفعال)

يوسف/احم جمان تعالي نروح هناك عيب هنا وكفتهم يم سيارتنة وبعدت عنهن خليتهن ع راحتهن

سمراء/جمان حبابة لتكولين شي لماما

جمان/لج اووف ضايع الحجي وياج كولي جيتي تشوفين واحد طايح حظ مو كلامي صح

سمراء/اشش لج صوتج والله طلع ديضحك علي اني غبية صدكتة

جمان/اريد ارجع للبيت رجعيني مجاي اتحمل ابقة وياج مداتحمل

سيف/ها يوسف وينهن

يوسف/هناك يم السيارة شنو صار

سيف/لكيت رافد وهذي البنية
لك هذا رافد الكوا.. ميبطل هل سوالف المكسرة طايح حظ هسة تلكاه ضاحك علئ هل ابنية

يوسف/يعني جانت يم رافد

سيف/اي يم هل قذر
تعال نشوفهن خاف محتاجات شي مبينة جمان معصبة

يوسف/ونت منين تعرف جمان

سيف/ها بعدين اكولك

يوسف/🤔يعني سالفة طويلة

سيف/اكول اسكت وتعال

سمراء/جمان ماريد احد يعرف جمان احجي شي شبيج
اجة الشاب الي دخل للمحل يحجي ويا،جمان عزا يعني اووف من الفشلة والموقف الي وكعت نفسي بيهة ماعرف شنو اتصرف

سيف/جمان تعرفين هل ابنية

جمان/اي طبعن هية جنت منتضرتهة

سيف/ممكن احجي وياج كلمتين(سمراء)
هزت راسهة بالموافقة تمشينةهية مبين عليهة الارتباك
احم باعي خيتي هذا رافد الي جنتي يمة ابتعدي عنة كلش لان مو مثل ما مفكرتة بين قوسين اكبر طايح حظ
اكدر اعرف شلون تعرفتي علي باعي والله اريد مصلحتج

سمراء/هوة امم جنت راجعة للبيت صار بطريقي انطاني رقمة

سيف/كملي

سمراء/صار بيناتنة تواصل البارحة طلب مني يشوفني واجي بس اني جبت جمان وياية وبعد انتة تعرف الباقي

سيف/طلب منج شي ثاني

سمراء/اي

سيف/خلاص فهمت نفس موصيتج ابتعدي عنة دازة صور

سمراء/لا لا مدازة

سيف/تمام هسة تعالي اشتري شي ميصير ترجعين فارغة
دخلنة محل اخذت كم لبسة دفعت حسابهن هية مقبلت بس اصريت عليه رجعنة لمكانهم جمان مطعون وجهة احمر من العصبية

سيف/نوصلكم بطريقنة

جمان/لا مداعي اخرناكم هسة ناخذ سيارة

سيف/حاولت وياهة اوصلهن مقبلت ودعتهم وصعدنة بالسيارة

جمان/راحوا وكفت سيارة وصعدت وسمراء صعدت وراي

سمراء/جمان حبابة انسي الي صار ولتكولين لماما اخر مرة وعد

جمان/محجيت شي بعدت وجهي عنهة وصلنة للبيت وهية تراقب بية متكلمت شي سويت نفسي طبيعية صعدت لغرفتي

يوسف/حقيير هيج يسوي مبينة هل ابنية فطيرة بسرعة ينضحك عليهة

سيف/بلة هذا شسويله اشلبكة بتهمة اخلية ميعرف راسة من رجلية

يوسف/احنة شدخلنة لدخل نفسك

سيف/لك هذا عار ع المجتمع هه وفوك كل هذا يجذب يكول زوجتي

يوسف/اوف مصيرلة جارة هذا

سيف/وصلنة للبيت صفيت السيارة ونزلنة دخلت للبيت لكيت خالتي جاية هية وبنتهة(ام جيهان)سلمت عليهن وكعدت

ام جيهان/شلونك خالة كل ما اجي انت بالدوام

سيف/الحمدلله اي والله اغلب وقتي بالدوام خفارات

ام جيهان/الله يساعدك

سيف/ترخصت منهم وصعدت لغرفتي اجاني يوسف يغني

يوسف/*يبنت اولايتي الحلوة...
هاهاهاهاهاها
الج كلي رحت فدوة...
هاهاهاهاهاها
لكيتج...
هويتج ...
ابد لا ما نسيتج...
بلاج الدنيا ما تسوة...
هاهاهاهاها
احبج هية مو كوة ترة ترة...

سيف/خير شنو هل صوت المعفن

يوسف/لك سيف بس يوافقون اخطب خطوبة رسمية بنفس الاسبوع ورة اسبوع يصير العرس

سيف/وليش مستعجل

يوسف/ما جاي تحس بالي احسة يجي يوم وتوكع نفسي واكثر شوف

سيف/عليش اوكع لتخاف اني ما اوكع دير بالك ع نفسك انت

يوسف/اي هذي جمان منين تعرفهة

سيف/وشجابهة ع بالك هسة

يوسف/والله صايرة حلوة وسمنانة معرفتهة

سيف/هي هي ترة هستونة جينة من خطوبتك

يوسف/شكلهه محبوب تدش الكلب بدون استأذان

سيف/شبيك انت

يوسف/انت شبيك

سيف/اطلع برة

يوسف/المحقق كونان🤔
تعال تعال يا الله بس لا

سيف/شنو
قرب وجهة علي ولزم اخدودي

يوسف/تحبهة😊

سيف/اشش شنو هل كلام الماصخ اطلع برة

يوسف/هههاي كول اي

سيف/😒لا

يوسف/والله مبين من عيونك لك واكع انت ومحد امسمي عليك

سيف/لتحجي حجي فارغ ماشي

يوسف/نشوف الايام تثبت

سيف/خلة ادية علئ اعيونة بمعنئ مراقبك وطلع هه هذة خبل

جمان/كعدت ثاني يوم بدلت ملابس مدرسة ونزلت صارت بوجهي سمراء بعدت عنهة وكملت لكيت بابا جاي سلمت علية وكعدت

ابو جمان/شنو اليوم عندج امتحان

جمان/اي عندي امتحان انكليزي

ابو جمان/درستي تمام

جمان/اي
يلة اروح تأخرت

ابو جمان/انتبهي ع نفسج

جمان/اخذت الجنطة وطلعت تمشيت للمدرسة تقريبآ الشارع فارغ كم شخص موجود صرت اخاف خاف هماتين يرجعون يتحرشون وصلت للمدرسة تنفست براحة دخلت شفت اية سلمت عليهة وبدينة ناخذ دروس

رسل(اخت جيهان)/لج جيهان احبه ليش ميحس سلمت علي رد السلام حتة بدون ميباوع

جيهان/شنو اسويلج هوة هيج ميعجبة العجب متكليلي شعاجبج منة...

يتبع......

اعتذر اذا اتأخر عليكم بالبارتات الجايات اعذروني عندي ادروس وتحاضير كومة😔