ِبِعٌدِ مَروِر شٍهِر وِنِصٌفِّ:•
جمان/ولج اية مو جمع طرحي شبيج
اية/شلوون
جمان/هيج باعي علي وتعلمي
جنة دندرس رياضيات اية اجتي يمي حتة ندرس لان عدنة باجر امتحان نصف السنة
فهمتي
اية/ولله فلا فهمت اوف لو سيف جان بسرعه فهمني عليهة
جمان/اكول ذكرتيني شنو مرجع مو كلتيلي ع ساس كول عشر ايام ينزل
اية/يكول ما اكدر عندة واجبات
جمان/وامج شلون صابرة
اية/امي سالفتهة سالفة حتة متاكل بالكوات اني ويوسف نضغط عليهة والعلاج اركض وراهة حتة تشربة
جمان/غير متعلقة بي
اية/اي اكثر واحد متعلقة بي
جمان/طب هوة ميحاول يجي حتة لو يومين بس تشوفة امج
اية/يكول من افرغ
المشكلة ميحجي بابا يسأله ع الوضع يكول زين
ومن بابا يسأل الي وياه يكولولة الوضع مو تمام ومن نتصل علي بس يسلم ويروح ميحجي هواي كلش تعبنة
جمان/نشالله يرجع بالسلامة
اية/امين
يلة رجعي عيديلي الشرح
جمان/لا والله
اية/شبيج شوي فهمت بس عيدي الي بليز
جمان/اخر مرة
اية/اي والله اخر مرة
سمراء/يلة تعالن تغدن
اية/اي والله جوعانة اني من ادرس هواي اجوعن
جمان/هه اني لا من ادرس ماحب اكل
شاهين/جا وسيف ميصير نسوي العرس وهوة مموجود
ابو سيف/عيب بابا تأخرنة عليهم هواي اني اتفقت ويا والدهة منطول اكثر موزين وصابر علينة
وبالنسبة لسيف فهمتة وما عندة مشكلة
يوسف/نأجلة مو بكيفة هوة اني ورند متفقين
ابو سيف/قابل بكيفهة افتهموا ليش اتعبوني اني من الخطوبة كلتلة ما نطول وهوة البارحة انتصل علي يذكرني عباله ناسي
يوسف/بابا اني اكللكم العرس مايصير اذا مو سيف موجود
ابو سيف/جا شلووون فهمني سيف مايكدر يجي شنو الحل
يوسف/احاجي رند وخليهة تقنع ابوهة
شاهين/انت شبيك متفتهم يريد ابوية يرجعلة الخبر هل يومين هوة راكب راسة ميريد السالفه تطول
ابو سيف/اكوم اصلي شوفولي حل
يوسف/انتصل علئ سيف
شاهين/انتصل هوة شتفتهم منة شلونكم شلون امي وسدة ماعرف شبي
يوسف/انتصلت علي مرتين مارد بالمرة الثالثة جاوب
وينك يمعود
سيف/هلا يوسف جان التلفون بالغرفة
يوسف/اكلك هذا ابو رند………………………
سيف/اي صدك تأخرت هواي غير لازم توفي بوعدك. انت كلتلة ماطول
يوسف/اريدك موجود غير انت
سيف/كمل ولو هية وصلت الفكرة
يوسف/قصدي غير انت اخوي
سيف/ماعرف يوسف الوضع هنا هسة عوفك مني اتفقوا وياه وسوي العرس باقرب وقت
يوسف/انت شلونك وضعك
سيف/هه شلوني متروس تربان ومانايم وطايح حضي عوفك مني رويحتي شلونهة
يوسف/تعرفهة انت شلونهة شتتوقع
سيف/انتبهوا عليهة ونت استعجل مالك دخل بية اروح طالبيني
يوسف/الله وياك
شاهين/شنو يكول
يوسف/مايكدر يجي
شاهين/استعجل ترة ابوهة اني ماطايقة هسة يسوي شي ويفنشهة
يوسف/الله كريم
جيهان/شاهين هذي ازل حرارتهة مرتفعة سويتلهة كمادات مفادت
شاهين/هية هاي البارحة رفل واليوم هية بدليلهة حتة ناخذهة لصديقي المضمد
جيهان/ورفل وين تبقة خالتي طالعه
يوسف/خلوهة يمي اني باقي هنا فدشوي هم اجيب اية تبقه يمهة
شاهين/زين يله ابوية بدليلهة حتة نروح
اية/والله انتي لازم تدرسينة بدل مدرسة الرياضيات
جمان/لج دوختيني انتي هاي خامس مرة اعيدلج الموضوع حتة راسي وجعني عبالي هم مافهمتي جان صدك انتحرت
اية/هههه لا فهمت
بدر/سيدي تلفونك يدك عبيسان منو
سيف/نطيني بدون امر عليك صديقي
هلا عبيسان
عباس/هلة بريحة هلي شلونك
سيف/الحمدلله متنتصل متسأل كوا..
عباس/وداعت ملامح وجهك مفارغ
سيف/اي انت شلونك
عباس/بالضيم يالتنشد علية
سيف/خير
عباس/والله يا سيدي هذا البرعوص(النقيب الجديد)جالطني
سيف/ليش
عباس/يكومني برزالة ويكعدني بعيطة شايف نفسة الاملح
المشكلة رزايلة مابيهة طعم نفس رزايلك
سيف/هه شكد طايح حظ انت خاف انت متكعد
عباس/هوة يمكن بس هوة شايف نفسة ولا اكلك ولا وتكلي صايرين مكافخ اني وياه
سيف/يولي اكفخ بي ومالك دخل
احم المهم جاي اسوي الي كلفتك بي
عباس/اي سيدي جاي اراقبهة من البيجامة للبدي احم قصدي من تطلع لحد متدخل
سيف/زين تسوي
عباس/والله يا سيدي خوش تختار انت
سيف/شنو قصدك
عباس/وين لكيتهة شوداك عليهة
سيف/عبيسان
عباس/احم
سيف/شنو انت بالبيت
عباس/لا بالمقر صارلي اسبوع منازل من ورة هذا البرعوص شامر الشغل براسي
سيف/نشالله اخلص هل مهمة وارجع
عباس/اميين دعوة عجوزة واكعة اسنونهة
سيف/شكد سخيف
عباس/تربيتك
سيف/اوف لو يمي جان هفيتك ب٤٥علئ وجهك
عباس/اتقبلهة بكل برحابة صدر
سيف/اكول روح مني رفعت ضغطي
عباس/ههه لعد اروح انتبه علئ نفسك
سيف/باي
بدر/الظاهر قريب عليك
سيف/اي كلش
اممم هسة شنو عدنة من شغل
يوسف/ولج بعد عمج كعدي شوي شنو ابتليت خليتج يمي
رفل/ناء(لا)
يوسف/جا شنو معناهة تخلين اصبعج بعيني
رفل/اي
يوسف/اخ يابة كعدي بنتل الحلو
رفل/ناء(لا)
يوسف/شنو تردين مني
رفل/نلوح(نروح)
يوسف/وين نلوح لابوج
رفل/نشلي(نشتري)كاكو امم دومي عصير ئائق(رقائق)
يوسف/مو اني فاتح مصرف الرافدين
رفل/اهئ اهئ
يوسف/ليش البجي مو كلتلج راح اخذج
رفل/(مسحت دموعهة)يلة نلوح(نروح)بالسياله(بالسيارة)
يوسف/اها وهم تردين بالسيارة
رفل/ايي(بطريقة طفولية)
يوسف/امشي امري لله الواحد الاحد
جمان/شعندج هسة رايحة
اية/هناك امي وهم احضر للامتحان
جمان/منو راح يجي ياخذج
اية/يوسف كال بس يشتري لرفل يمر علي
يوسف/هاي اشتريتلج يابة اطلبيني بشي
رفل/ناء(لا)
يوسف/زين من سكتي يابة موش اللسان عليج اني عمج تكليلي عويلص هاي ونتي صغيرة من تكبرين شتكوليلي
رفل/ويلص(عويلص)
يوسف/ولج اني عمممج
رفل/اي امو(عمو)ويلص(عويلص)حلو شاهين هوهو(مو حلو)لان ماشليلي(ما يشتريلي)
يوسف/بعتي ابوج يلة زين من طلعت حلو مو هوهو
اية/يلة هياتة اجة باي اشوفج باجر
جمان/باي
اية/ودعت جمان وطلعت صعدت بالسيارة
هلا هذي رفولة شجابج هنا
رفل/امو(عمو)ويلص(عويلص)اشلالي(اشترالي)باعي
اية/هههههاي
يوسف/وحك علي هاي البنية راح اكضهة واشمرهة من الجامة
اية/ههه حلوة بالسانهة
بدر/والله انك كفو
سيف/هسة همة عليش مخلصين افلوسهم علئ هل شغلات المالهة داعي اذا همة عدهم فلوس وما محتاجيهن انطيهن للفقراء عليش اذبوهة علئ هل شغلات التعبانة
بدر/شلون سويت هيج حرامات فاتتني لو ما الواجب جان رحت وياكم
سيف/من اخذت عنوان البيت منك
بدر/اي
سيف/بالليل صار واجب اني وياهم ف بدو شوي شوي ينسحبون اتفقوا ويا جنود وطلعوا اني قبل متفق ويا العقيد ف من طلعوا رحت للعقيد رحنة وراهم بنصف ساعة نزل العقيد والجنود بس اني مقبل انزل والله هية دقايق ورجع العقيد معصب الظاهر من وراهم اصلن مشفتهم راحوا ماعرف وين سألتة كال راح انقلهم واعتقلوا كل الي بالبيت وهذا الي صار
بدر/ماعرفت وين نقلهم
سيف/علئ ما اضن للموصل خلي يحمدون ربهم مانزل رتبهم
بدر/والله خلصتنة من شرهم
يوسف/هاي سيارة شاهين لعد رجع
اية/ليش وين جان
يوسف/اخذوا ازل حرارتهة مرتفعة
تعالي ام السان انزلج
اية/دخلنة للبيت ركضت رفل علئ بابا
رفل/ددو(جدوو)
ابو سيف/هله هلة وين جنتي اشو اليوم ولا شفتج لا كعدتي يمي سولفتيلي
رفل/لحت(رحت)اني وامو(عمو)ويلص(عويلص)نشلي(نشتري)
الكل/هههه
يوسف/بعدين اكضج اوكفيلي(عض اصبعة بغضب)
اي انطوهة علاج
شاهين/اي كال عندهة التهاب بسيط
رفل/ددو دوو
ابو سيف/هاا
رفل/انت حلو وتيتة حلوة وويلص هوهو(مو حلو)
يوسف/اه ليش مو قبل دقايق جنت حلو
رفل/امة(عمة)حلوة وامو(عمو)سيف حلو وشاهين هوهو
شاهين/ايا بنت القنادر ليش
يوسف/يلة زين مو بس اني هوهو
رفل/ماشليلي(ماتشتريلي)
شاهين/سويتيني هوهو لان ماشتريتلج البارحة
يوسف/لعد اني مو استوني اشتريتلج يا ضالمة النفس ام السان ما تسوين الخمس تالاف الي خسرتهة عليج
ام سيف/يا يمة شبيكم وياهة
يوسف/ع ساس هية تقلدلي باعيلهة تضحك وضاربتنة جلاق
جِأّريِّ ألَګتّأّبِة……
نشالله استمتعتوا بالبارت الي رفل خلصتة علينة ويلص ههه
الملتقئ بالبارت الجاي•
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!