رواية أُلَمِلَأُزُمِ وِأُلَطٌأُلَبّةَ 💙 الفصل الثامن وثلاثون 38 - بقلم benin_rsool

الشيخ/بنتي جمان هل تقبلين بسيف كزوج لكي اذ كنتي موافقة قولي نعم وانت وكيلي

سيف/مجاوبت وربي وكف كلبي عاد للمرة الثانية وهم مجاوبت ابوهة بقة يباوع علي عبيسان يطبطب علئ جتفي

جمان/ماعرف ليش انعكد لساني اريد اجاوب ما اكدر وكعن دموعي كال للمرة الثانية هم ما كدرت اجاوب اية لزمت ايدي وطبطبت ع ظهري وبتسمت

اية/يله جمان كعدهة

جمان/نعم وانت وكيلي
بس جاوبت هلهلت امه وبيبيته مسحت اية دموعي رجعت لمكاني اجتي ام سيف يمي

ام سيف/تردين مي

جمان/بوكتهة صدك عطشانة كلتلهة اي فتحت بطل المي ونطتني وهاي اية العوبة عايفتني وتركص والله تحلفت بيهة

سيف/افف ماي بارد وكع علئ كلبي من سمعتهة نطقت كملنه باقي الامور

جمان/كالوا حيدخل اجاني شعور ماعرف شلون اوصفه بحيث جسمي صار يرعش والنبي ما مبالغه لبسن البنات احجبتهن ودخل هوة ما حسيت بي لمن كعد يمي

سيف/دخلت للصاله طبعن الذهب اني جبته علئ ذوقي وكلت اذا ما ماعاجبهة ورا الخطوبة نبدله احتاريت بقياس الحلقة بس طلعت مثل قياس اية دخلت وشفت الملاك وله اكول القمر احلئ منهم اثنينهم كعدت يمهة وهية مرفعت راسهة انتبهت علئ شعرهة مصبوغ يعني مسمعت كلامي

جمان/اجتي اية جابت الذهب انطتني الحلقة حته البسهة اله هوة مد ايدة اخذتهة دالبسهة اله ايدي ترجف قرب ايده كلش لبستهة اله صار دوره يلبسني الحلقة انتبهت منقوش ع الحلقة اسم سيف باوعت علي ابتسم بوجهي نزلت راسي ولبسني سنسله وهم مكتوب عليهة اسمه شنو هاي

الجدة/شني يمه عرفناهة الك(وضحكت)قصدهة علئ اسمه الموجود بالسنسلة والحلقة

سيف/ابتسمت علئ كلام بيبي وكمت ما لبستهة باقي الذهب هواي ونضرات البنات ضوجني مجاي تخليني اخذ راحتي رجعت للاستقبال

عباس/ها تمن مرك

سيف/حلقوم

عباس/هههه

عصام/ها تمام

سيف/هزيت راسي تمام انتهت الخطوبة بس بقة بنفسي اشوفهة فكلت لابوهة وافق انطيت نضرة لعصام حته يكول لسمراء تدخلهة غرفه اريد اشوفهه

جمان/خلصت الخطوبة الكل راح بقوا بس عائله سيف اختنكت من الفستان ترخصت منهن وكمت حته اروح لغرفتي انزعه دخلت لغرفتي حته ابدل جان تدخل سمراء

سمراء/اوكفي اوكفي لتبدلين

جمان/ليش

سمراء/خطيبج يريد يشوفج

جمان/يشوفني لعد وخري ابدل

سمراء/لا لتبدلين

جمان/شنو لا

سمراء/ضحكت وكالت تفضل عيني

جمان/وج عزا بعينج دخل وهية ضحكت وطلعت سدت الباب جان اكو شال سحبته غطيت بي جسمي وهوة واكف يباوع علي

سيف/شنو كلتلج اني

جمان/اكيد جاي يحجي علئ شعري
مو اني ام الصالون اصرت وخاله مياسة جبرتني اسوي والله اني ما موافقة

سيف/ضحكت بداخلي عليهة شكلي يضحك وهية خايفة مني وتبررلي بس مبينت
اني قصدي وفيت بوعدي وخطبتج وبخصوص شعرج جنت ناسي وهسة ذكرتيني
كعدت بطرف السرير ثنيت ساعد ايدي علئ رجلي وهية واكفة كبالي
اي جمان ليش متسمعين الكلام

جمان/كعد ع السرير هم زين الغرفة نضيقة يباوع علي واني واكفة ومنزلة راسي
مو داكلك خاله جبرتني

سيف/وكلامي الي كلته نبلع لو تبخر بالهوة

جمان/باجر ارجعه نفس قبل

سيف/شلفايدة راح يتعب

جمان/سيف وعد بعد مراح العب بي

سيف/كمت وكفت وهية رجعت لي ورا
وعد

جمان/وعد

سيف/تعالي ناخذ صور

جمان/صور

سيف/تقربت عليهة طلعت التلفون مم جيبي شلت الشال الي متغطية بي
هيج احلئ

جمان/صار وراية ووجه التلفون اكبالنه

سيف/ترة ميصير هيج شكد قزمه انتي

جمان/كلت بكلبي والله انن الطويل انحنه صار لمستواي واخذنه صورة

سيف/شبيج معبسة متضحكين

جمان/ابتسمت وهوة ابتسم واخذنة صور حسيت بي تقرب طبع بوسة علئ جتفي جسمي تكهرب من قربة

سيف/اخذنه صور ماعرف ليش اجة علئ بالي ابوسهة وطبعن ما اخلي شي بنفسي بستهة من جتفهة يالله علئ رجفتهة عدلت وكفتي ورجعت شعري لي ورا
محتاجة شي اروح عيب لان طولت

جمان/سلامتك
باسني بخدي وطلع ياله كدرت اتنفس براحة يابه وجودة يوترني بدلت ع السريع اجتي سمراء تكول بيبيته تريد تسلم عليج طلعت الهة اول مشافتني ابتسمت

الجدة/حبيبه ردت اسلم عليج خاف ماشوفج منا للعرس

جمان/سلمت عليهة وهية تبوس بيه وتكلي دشيتي كلبي سلمت علئ ام سيف واية

اية/(بهمس)ترة الفار يلعب بعبي من اوصل انتصل عليج وسولفيلي من الخيط للابرة

جمان/تحلمين اكولج

اية/غصبن عنج اني حماتج

جمان/غير تكعد حماتي
ضحكنه ودعتهة وراحوا البيت فرغ حته عماتي راحن بس سمراء ماكو دخلت لغرفتهة شفتهة عاكدة حواجبهة ومبينه ضايجه
خير شبيج

سمراء/عصام شافني ويا ابن خالج

جمان/شلوون وين

سمراء/دخلت للمطبخ اشرب مي وبن خالج سنام دخل للمطبخ هم علمود ياخذ الضيافه فسلم علي وسلمت علي وحجينه شوي جان اباوع اباب المطبخ واشوف عصام عيونة صايرة براسة دار وجهة وكال

عصام/خويي المي

سنان/جاي حبيبي يله اروح باي

سمراء/باي
دكيت علي اكثر من مرة ميرد

جمان/فهمج غلط لابسة شال

سمراء/بس مخليته ملافته

جمان/هسة شلون

سمراء/ماعرف المشكلة مديرد حته ابررله موقفي

اية/اليوم كلش يوم حلو بالخطوبة امي دزتني علئ بطل مي دخلت للمطبخ لكيت ولد واكف اباب المطبخ مهتميت لفيت شتاي عدل ودخلت اخذت بطل المي داطلع جان يكول

سنان/انتي منو مشايفج قبل

اية/التفتت علي
واني هم مشايفتك قبل وين المشكله
عيونة صارت تجول علي من راسي لحد اطرف اصابيعي خزرتة ودخلت منو هذا
انطيت المي لامي طلع لجمان خلصنه الخطوبة ورجعنه للبيت الكل تعبان دخلت سبحت وطلعت امشط بشعري دك تلفوني فرحت عبالي جمان تالي طلع رقم عفته يدك ورجعت لفيت شعري

عباس/بعد معرفت بخطوبة سيف وهوة اصر عليه احضر اني وعائلتي بدلت وامي ونوارة هم نوارة مرادت تروح بس اني اصريت عليهة حته تتونس وهيه قبلت بدلنه ورحنه دخلن امي ونوارة واني انتصلت علئ يوسف كال ادخل بالحديقه جايك
دخلت بالحديقة وعيوني تجول ع المكان عيوني ركزت علي كاعدة تاخذ الملابس من الحبل والمصيبه هم حمرة مشمشيه متعت عيوني بهاي الثواني سمعت صوت يوسف رأستن التفتت علي طلعلي من الباب الخلفي تمشيت سلمت علي ودخلنه من الباب الخلفي صعدنه كبل لغرفة سيف سلمت علئ عمه احمد اني اعرفة كذا مرة شايفه انتضرنة سيف دقايق ودخل انتبهت علي ضعفان مو نفس قبل بس بعده هوة هوة بسوالفه
اني طبعي بسرعه اندمج ويا الشخص طبعي اجتماعي بسرعه اضحك واسوي ميانه فلكل يكول علي محبوب
انتضرنة سيف يبدل احمد طفر لان يريد يسبح وسيف هم فكال اروح اشوف غير حمام
كملنه نزلنه جانوا الكل مبدل نزل سيف واني ورا جان هم اشوفهة طالعه كيوت
يوسف اخذوا سيارته فراح ويايه اجني البنات هم من كثر ما اني محظوظ اجتي صعدت ويايه يوسف تقريبآ طبعه نفس طبعي كال شغل اغنية شغلته هل اغنيه دأئمآ اسمعهة وذبينه لحم نسيت البنات ورا بعدين اذكرت وشوي تأدبت انتبهت اني وياهه لابسين نفس اللون رصاصي مو داكول اني محظوظ اليوم
وصلنه ونزلوا المهم صارت الخطوبة الحمدلله انتصل علي النقيب اني من كثر ما احبه كاتبه الاملح احبه مو بيدي
طلعت برا الاستقبال رديت علي اخذ مني معلومات محتاجهن علئ قضية نسيت اكوللكم ترقيت برتبة ملازم صفكولي يله بسرعة ههه

واني احجي وياه التفتت علئ باب المطبخ شفت اية تحجي ويا ولد وهوة فد واحد كوا.. نظراته مو راحه شفتهة من باوعت علي بطرف عينهة وطلعت اكيد تحرش بيهة السافل
دخلت للاستقبال وهوة دخل وراي يالكعبة بدي بس الزمة
خلصنه الخطوبة فرحت لسيف بس اني ضايج علي شفته ليش واكفة وياه رجعت للبيت صعدت كبل لغرفتي انتصلت عليهة مترد اخذت الرقم من نوارة وهية متدري
•
•
•
•
اية/منو هذا دينتصل انتصل اكثر من عشر مكالمات كلت ارفعه خاف وحدة من صديقاتي بس رفعته اجاني صوت سامعته من قبل بدون مقدمات كال

عباس/شنو جنتي تحجين وياه

ايه/العفو من انت وليش دتنتصل علي

عباس/معليج جاووبي

اية/ليش دتعيط منو انت

عباس/اني الحرامي اذكرتي

ايه/عب عباس

عباس/اي عباس وهسه عرفتيني جاوبي

اية/علشنوا دتحجي

عباس/اليوم بالخطوبة شفتج بالمطبخ ويت واحد تعرفي

اية/لا

عباس/لعد ليش واكف وياج ويباوع عليج

اية/ماعرف

عباس/محصلت جواب

اية/ما اعرفه دخلت اشرب مي وبس ونت منو حته تحاسبني عندي اخوة يحاسبوني

عباس/يالكعبة اكول اسكتي لا تخليني احجي كلام(غمض عيونة مايريد يجفص يعرف السانه مو حلو)

ايه/اي كمل ليش سكتت

عباس/اسكتي وهدي النفوس لان بس احجي ما اسكت

ايه/ماعرفت بصفتك منو حته هيج تعيط وتحجي ويايه

عباس/انتي تخصيني فمن حقي انتبه عليج واعيط عليج

اية/مافهمت شجاي يكول فسكتت
وهسه تطلبني شي اريد انام نعسانه
مجاوب فصل الخط بوجهي شنو جاي يحجي وليش انتصل علي
•
•
•
عصام/شنو رايدة

سمراء/بس اوضحلك

عصام/كلشي شفت مداعي

سمراء/عصام والله فاهمني غلط

عصام/اني ما مضوجني غير وكفتج وياه ابفستانج وشالج ملابسته عدل وفوك كل هذا كاعدة تسولفين ويا وهوة اصلن ميقربلج

سمراء/اعتذر وداعتك متنعاد عصام ما اتحمل عقابك حباب سامحني

عصام/اروح

سمراء/عصام
فصل الخط اعرفة جاي يعاقبني اوف هسه اني اله احجي ويا سنان

جمان/طلعت من غرفتي جعت لكيت بابا ومياسه كاعدين بالصاله دخلت للمطبخ لكيت كيك وعصير اخذتلهم

ابو جمان/مشكورة بنيتي

جمان/بالعافية
اخذتلي ودخلت لغرفتي اباوع ع الحلقة الي بأيدي باجر من اداوم انزعهة عيب اروح بيهة اكلت ونمت

يتبع…

اشوفكم بخير ❤️❤️