رواية أُلَمِلَأُزُمِ وِأُلَطٌأُلَبّةَ 💙 الفصل الثاني 2 - بقلم benin_rsool

طولج بياضج ضحكتج خصرج جمالج يا يابة ⁽💙₎⇣♪
أُلَمِلَأُزُمِ وِأُلَطٌأُلَبّةَ 💙،

مياسة/لج كومي عزلي البيت والله متتحركين للمدرسة اذا البيت مامعزل

جمان/حاضر خالة
كمت اسحل بنفسي يا ربي شوكت اخلص من مياسة اعرفكم علي
اني جمان نجحت للثالث متوسط واليوم اول يوم الي ماما متوفية بابا ازوج مياسة مخليتني اشوف انجوم الضهر بالليل تنضيف البيت والطبخ علي وبناتهة كاعدات عندهة قدر الي هية اختي عمرهه خمس سنوات ومينا 10سنين وبنتهة قبل لتتزوج بابا سمراء صف سادس ادبي

كمت حضرتلهم الريوك خدرت الجاي والبيض وصحتلهم باوعت ع الساعه ب7دخلت بدلت ملابس مدرسة رتبت الشال اخدت الجنطة لبستهة ع ضهري وطلعت من الغرفة جان بابا هستوة كاعد
صباح الخير بابا

ابو جمان/صباح النور بنيتي ادخلي اخذي مصروفج بالغرفة

جمان/اي
دخلت للغرفة شفت مياسة مهتميت فتحت محفضة بابا اخذت مصرف وطلعت فرحانة اليوم اول يوم تمشيت للمدرسة جانت شوي بعيدة عن بيتنة بالطريق شفت بنات هماتين طريقهن للمدرسة تمشيت وياهن لان الطريق يخوف

خمس دقايق وصلنة للمدرسة جان اكو مركز شرطة كبال مدرستنة كول واحد ضخم وطويل منضرهم يخوف دخلت كعدت بالساحة ما اعرف وحدة شوي حسيت واحد طبطب ع ظهري التفتت شفت اية فرحت من شفتهة حضنتهة حيل

اية/ههه شبيج

جمان/حقيرة مكلتلي راح انقل وياج

اية/لج ماعرف صدفة اخوية سجلني يكول كبالي

جوان/كبالة شنو

اية/لج شفتي هذا المركز الي هنا اخوي ملازم يشتغل بي

جمان/اها اي همزين جيتي والله ضوجة بوحدي ما اعرف وحدة

دقايق ورن الجرس سألنة ع صفنة همزين طلعت اية وياية نفس الصف كعدنة اني وياهة وبدة الدرس الاول جان كيمياء مأخذنة شي جانت بس تعرفنة ع نفسهة ونطتنة واجب لباجر
.
.
.
.

سيف/لك عبيسان موتتني انت

عباس/سيدي شنو اسوي اذا الصاكات كلهن كبال عيني

سيف/يعني احنة ابتلينة المدرسة كبالنة كول يوم موكع كلبي يا ريت شغلة بيهة حظ طايحة حظهة نفسك
اطلع منا شوفلي الملازم علي اجة لو لا

عباس/جرحتني سيدي زعلان منك هواي

سيف/روح ازعل الطش راسك بالحايط مايهمني شوفلي اجة لو لا حتة استقبلة

عباس/حاظر سيدي(ضربتلة تحية)

سيف/اي انت شوكت متذكر تضربلي تحية حسب مزاجك طايح حظ شنو مو بعينك اني ملازم اول

عباس/ههه علئ راسي والله سيدي اروح ونشالله اضربلك تحية وما انسة

سيف/طلع رجعت كعدت ع الكرسي هذا عبيسان بس هوة يونسني دقايق واجاني جندي

.../(ضرب تحية)سيدي ملازم علي منتضرك

سيف/نشالله جيت
كمت رتبت ملابسي اخذت مناضري وطلعت تقدم ضربلي تحية بأعتبار اني اعلئ رتبة عنة هوة ملازم واني ملازم اول صافحتة ورجعت دخلت للمقر وهوة وراية دخلت لمكتبي اشرتلة يكعد ع الكرسي واني اتجهت لكرسيي

ملازم علي/مثل متعرف اجيت علمود قضية مشتركة اني وياك بيهة

سيف/طبعن واني مستعد وجنت منتضرك

ملازم علي/هذي القضية بغداد شوكت نروح مبقة وقت

سيف/ملازم علي انت متأكد تريد تروح ترة خطرة تكدر تنسحب ويجي غيرك

ملازم علي/لا سيدي متأكد بس انطيني امر والوقت حتة اجهز

سيف/بعد يومين هيج تمام النقيب عمار نلتقي بي بغداد هوة الي راح يجهزنة الفوج كامل ما علينة بس نلزم هل عصابة القذرة

ملازم علي/نشالله سيدي محتاج شي ثاني لازم انزل لاهلي اليوم

سيف/اخذ راحتك توصل بالسلامة طلع علي
لزمت راسي صاير هل كبرة فوك كل هاي مشايف اهلي صارلي اربعة ايام اذا كدرت اليوم انزللهم

اية/واخيرآ خلصنة الخط تأخر علي ليش

جمان/ماعرف اكو وحدة وياج بالمدرسة

اية/لا بس اني بالخط

جمان/انتضرة يجيج واروح ماخليج بوحدج

اية/بعد كلبي وغراضة انتي

جمان/ابتسمت ع كلامهة
انتضرنة بدوا الطالبات يطلعون والخط مالتهة ماكو بعدين اجة ودعتهة وتمشيت للبيت اول مدخلت سمعت صوت مياسة لا هلة ولا مرحبة جنت مرتاحة منج فتحت باب المطبخ ودخلت باوعت ماكو بابا يمكن طالع للشغل
مباوعت بوجهن دخلت لغرفتي بدلت ملابسي وطلعت

سمراء/ماما جوعانة اليوم عندي تحاضير اريد اكل وادرس

مياسة/اي يلة جمان ماطولج اجيتي صبينة غدة ابوج يتغدة بالشغل

جمان/(قابل بس انتي عندج تحاضير كبور حتة كبور متشيل ورقة من الكاع تسوي نفسهة كيوت وهية لا خلقة ولا اخلاق)كمت اصب اجتي مينا وياي تساعدني علاقتي بيهن حلوة بس سمراء كولة تحاجيني بنتر

صبيت غدة وصحتلهن اجني كعدن اكلت وكمت خليت المواعين عليهن تعبانة مالي خلك دخلت الغرفتي نمت ع الجرباية

كعدت ع صوت مياسة تكعدني

مياسة/كومي عيني سوي عشة يلة دنية مغرب ونتي نايمة

جمان/هزيت راسي طلعت وسدت الباب هسة كعدتني اسوي عشة لو لان دنية مغرب من يجي بابا تعاملني معاملة حلوة وتكوم تساعدني عود شوف ياسر(ابوية)اعاملهة تعامل حلو ومن يروح للشغل تراويني انجوم الضهر
بعدت البطانية برجليناتي وكمت للمراية رفعت شعري كعكة وطلعت لكيت بابا كاعد بالصالة دخلت للمطبخ اسوي عشة اجتي مياسة بس واكفة وياية سوي هيج وسوي هيج كملت العشة راحت مينا تفرش السفرة واجتي تاخذ الاكل بقة اخر شي المي اخذتة ورحت كعدت يمهم

مياسة/ليش مدتاكل عيني

ياسر(ابو جمان)/اليوم معدتي توجعني ماعرف ليش

جمان/لعد ليش مكتلي اسويلك اكل بدون دهن
حجت مياسة عوذة

مياسة/اسويلك غير شي

ياسر/لا ماريد

جمان/كام بابا غسل وراح لغرفتة مبين تعبان شوية وكامت سمراء غسلت وراحت لغرفتهة اخر شي كامت مياسة

مياسة/غسلي المواعين وطفي الاضوية ماريد شي بالمطبخ اكوم اشوف ابوج شبي

جمان/كامت غسلت ودخلت لغرفتهم
يلة متعودة اني لازم اخر وحدة اكوم واغسل المواعين بديت انقلهن غسلت ورتبت المطبخ اخر شي طفيت الاضوية ورجعت لغرفتي طلعت واجبي وكعدت ادرس صارت الساعة ب12:00كملت كمت فرشت اسناني وغسلت رجليناتي بية حالة اذا ما اغسلهن ما اكدر انام رجعت للغرفة نمت ع الجرباية
اجتي ع بالي ماما اني صح ما اتذكرهة لان توفت من جان عمري خمس سنوات بس تمنيتهة عايشة لان محاسة بشعور الام طفولتي كلهة يم بيت جدو وبعدين بابا تزوج مياسة محسيتهة ابد امي ولا راح تصير

نزلن دموعي حسيت نفسي اختنكت رفعت نفسي عدت كعدتي صرت اشهك بس كاتمة صوتي ماريد احد يسمعني لو ماما وياي جان مخلتني اشتغل كول هل شغل الي مياسة ذابتة براسي لو ماما وياي جان ساعدتني بهواي امور وغيرهة وغيرهة ابد ولا يوم حسيت نفسي طفلة ولا عشت طفولة حلوة نفس الاطفال
سحبت نفس ومسحت دموعي احس ماما وياي بلكشي اسوي احس بوجودهة حولية خليت راسي ع المخدة بعد صراع وية نفسي استسلمت للنوم ………

يتبع ……

قِصٌتّيِّ أّلَجِدِيِّدِةّ أّنِطّوِِنِيِّ رأيِّګمَ بِيِّهِةّ ګبِدِأّيِّةّ حٌلَوِةّ لَوِ لَأّ