رواية المليحة والمهووس الفصل الرابع والثلاثون 34 - بقلم Shaqraa

المليحة والمهووس
الجزء الواحد والثلاثون

شبيج اطياف منين يجي الطفل؟؟؟
ميخالف هو انت مو بلسانج تكولين ماكو شي بعيد يم ربنا ..
اذا توقعي هالشي حتى لو عقيم بعد اذا رادت تصير محد يلزمها..
ياريت هيج وتصير لج ادفع نص عمري بس اشم ريحة طفل..
ماتدرين شكد ادعي..
لج انت مخبلة!؟؟هالشي بي ضرر الج واحتمالية ولادتج ضعيفه..

بس هم انطو احتمالين ممكن اسلم واولد وممكن يصير العكس..
ليش مااجرب اني؟؟
اففف هسه انت بطرانه ترى اني متاكده مااحبل بعد ليش اتأمل..
يكفيني مرتضى عندي بالدنيا كلها..
هو ابني الوحيد..
يبووو مرتضى ابنج!!!لعد تعاي اسئلج شي باقي بقلبي عفية..
من جان طفل بشنو كمطتي ..
ماكو كماط يكفي..
لا خيه جنت اكمطه بزولية ههههه..
عابت الله يساعده ع خبالج صيري ادميه وسايري..
انطي حقه ليروح يمل منج ولج ترى الرجال ميتحمل خصوصا المتمكن..

لا رح اتصرف بعقل كافي الي صارلي مو شويه..
اكلج اشو وكع دم؟
اي عادي تصير لان صارلج فتره يمكن هو جسم المرة حساس وخصوصا انت طبيعة بشرتج حساسة..
اي اني هم كلت..
يلا طيري خل اكمل زعلتي ههههه..
عابت باي..

سديت الفون انطيته ظهر اريد انام..
تقرب مني باس ظهري ..
اسف حبيبة عمري مو قصدي ااذيج..
بس متحملت الكلام الي سمعته حسيت رجولتي انهانت..
وانت محاجي كدام امي بالموضوع وطلعت منج كلش انقهرت خليتيني اضطر اكلها...
ضل يحجي اني ساكته بسس..
كعد ودارني ع جهته..
منزله عيوني ماباوعت بوجهه ماردت ابجي وابين ضعفي..
رفع وجهي بيده ..
ليش ساكته حاجيني كولي اي شي...
لتعاقبيني بالسكوت..

مرتضى اني من تزوجتك لان شفتك مختلف وهواي تحبني وتريد خاطري..
بس من اول كلمه سمعتها عليه انطيت بيه وضربتني وغصبتني..
يعني تعرف امك متحبني وتعرف كلش زين ماانطي بيك اني لو يذبحوني..
شلون تتوقع احجي كدامها..
يمكن هي سامعه صدفه يمكن حجتها من ذاتها هيج مجرد تلفيق..
المفروض تفهم مني مو تعاقبني بلا متتفاهم..

صح حبيبي عندج حق واني اسف..
بس ساعه عصبيه صدكيني..
بس حقيره انت هم ترى..
ليش!!!
لان تحبيني ومتكولين..
ومن اقربلج تصديني وانت ذبتي بيدي من اول لمسه..
لازم اعاقبج بعد..
ليش عيني ماكفاك الصار..
لا وين يكفيني غير انت نار اوف لج شفتج عذااب..

لا ماكو روح مني ماريد لان موجوعة..
اي عادي حبيبي شوي وتروح ..
صارلج فتره مو قليلة وانت بشرتج حساسه لتخافين حتى الدم النزل عادي ميخوف..
لا منين اخاف بعد اكو اكثر من وحده متزوجة سفاح وين الخوف ..
هههههههههههههههه اموت عليج...

كعدنا يوم ثاني اجت امه بس احسها فكت شوي من حاجيلها..
شوي شوي ضلت تتلوك..
ورا كم يوم رحت لبيت اهلي..
انجمعنا كلنا ونسولف اطياف سالت شكس عن اخبار عوع..
لج شخبار عوع ورويه ابنهم المن صفى..
كالت رواء عايفها صاحبها الجان مواعدها بزواج..
ومتخبله فد مرة متتعاشر صايرة..

وتريد ترجع لمنتصر بس هو مغير ارقامه..
وكايله لعبير تتوسطلها حتى يرجعون ومتعاركة وياها..
كومي وصوريها ودزيها لامها..
والمرة مجلوطة وصايرة هوسه..
وراجعة عبير وسادين السالفه خايفين من الفضيحة..
ورواء مطالبه بالطفل وماخذته لان اصلا ام منتصر تعبانه مابيها حيله..

ياا يعني ابنها عدها هسه؟؟
اي عدها حتى تضغط ع منتصر بي..
افف غير زبالة ذوله واحد يلوك للثاني..
عطت بيهن اووي سدو السيره عفيه لعبتو نفسنا عووع ههههه...

مشت الايام ومرتضى صار قريب مني اكثر..
حبيته من صدك..
اكتشفت الحب اخذ وعطاء مو بس عطاء مثل ماجان وي منتصر..
الحب يجي باللين والرفق مو بالقسوة والغصب..
اشوف الحب بعين مرتضى واضح..
مو بس حب احس نظرات اعجاب ويعبرلي دائماً..
احبه من يوصفلي شي حلو بيه..
يتغزل بشفايفي ليل نهار ..بطولي ..بسماري..
يحسسني بانوثتي..

فد يوم اني عد اهلي وتعبت كلش ..
شنو اكل استفرغ حتى الماي..
رادو ياخذوني مستشفى كتلهم هو يعرف بعد ليش اروح وبهذلة..
بس كتله اجه يركض..
دخل سلم اهلي كلوله هيج حالتها ومتقبل تروح طبيب انت طبيبها عشتو..
حسيت لونه انخطف باوعلي..

لا سلامات اكيد تسمم امشي ناخذ علاج..
بين الكلام وي اهلي ووداعهم طلعنا..
صعدت بالسيارة دار عليه..
حوري اكو شي ياذيج نزل شي عليج؟؟
لا بس معدتي ماكدر اكل شي..
بس شنو ينزل؟؟
اكلج شوكت الشهرية؟؟
ماعرف شكد بالشهر اليوم..؟
اليوم سبعة..
اي فايته يومين يعني..
زين من تقربتلج شكد صارلها ؟؟
امممم اعتقد ورا باسبوع..
بس ليش تسال شعليها هي؟؟

اوف حوراء من هسه اكلج هسه احنا بعدنا مواصلين..
اذا حللتي وحامل تذبي من هسه..
ممستعد اضحي بيج طز بالاطفال..
باوعت بوجهه طفل؟؟؟؟؟
باوع بعيني فهمت نظراته ..
معقولة!!!!!

للحكاية بقية..
بقلم شقراء (قمر كانون)

محدثتكم الفلبينية تكتب وتثرم بالتبولة تكتب وتخلط بالباذنجاية..صار البارت كله ريحة اكل