رواية المليحة والمهووس الفصل الثاني 2 - بقلم Shaqraa

المليحة والمهووس
الجزء الاول

_ها يمه الله يساعدك..
الحمدلله ع سلامة وليدي خليت بالنا يمك..
_الله يسلمج حجيه بعد شغل وتعطلت تعرفين..
انشالله بعد مااطول راح استقر هنا..
_اي لازم منا وهيج بعد مرتك بحاجتك..
وابنك هم وغمزت..
_ابني؟؟؟؟ياابن حجيه!!!!
ها يمه ماتدري..
يلا يجوز مسويتلك مفاجأه حوراء..
خطيه خربت عليها..
_من رخصتج يمه صاعد اني.
_الله وياك وليدي..

حوراء..جانت الساعه بالعشره وربع بالليل..
منتصر مسافر لبغداد دزته الشركة..
وصارله ٣ اشهر هناك..
وممنوع اخابره الا هو يخابرني..
حسيت ع صوته يحجي جوا..
ارتبكت كمت طلعت للحمام بسرعه ..
غسلت ورتبت وجهي ..
سيطرت ع اعصابي شوي بعدت الخوفه..
اباوع لبطني كبرانه خليت ايدي عليها..
طلعت وفتت للغرفه..
لكيته كاعد ع جربايه..
ويهز رجله بتوتر...كال..

منتصر..اهلا وسهلا بمرتي المصون!!
شنكول ع الخير لو عظم الله اجرج؟؟؟
_شششبيك منتصر خل افهمك..
كام من مكانه اني لزكت يم الباب وارجف...
لزم ايدي لواها وراي..
_لج ساقطة اني مو حذرتج الف مرة..
كتلج بيوم التحبلين ادزج لهلج ماريدج بعد؟؟؟؟
_اني معليه ولله معليه..
انت كله يمك...
_هه لا حبابه مو يمي..
اني غايب صارلي كومة ..
هذا البطنج ابن منو؟؟؟؟
احجي ناقصه..
_شبيك منتصر صخام..
اعرفك تشك من يومك بس مو لهالدرجة..
ضربني ع حلكي حيل عضيت شفتي...
لك اني صارلي ست اشهرررررر..
_شنووو!
يعني حامل بالسادس هسه؟
_اي بس خفت احجي ..
مليت من الضرب مالتك تعبت..
جرني من ايدي ذبني ع الجربايه..
اني تكورت بالراس وخليت ايدي ع بطني..
اخاف افقد هالطفل ..
كل املي بالدنيا..
نزع حزامة وفتح القميص..
_اني حذرتج ماريد طفل ..
وكل مرة اتقربلج احذرج..
بس الظاهر عجبج تلعبين بذيلج..
واني اعرف شلون اكص ذيلج..
واخلص من البطنج ..

عرفت شراح يسوي..
ابتعدت وخليت ايدي ع بطني..
الله يخليك لااااا..
فدوة لتأذي ابني مالي غيره..
عفيه منتصر عفييية..
حاولت اركض جرني ودفعني ع جرباية..
وكالعادة من يقترب مني..
يربط ايدي ويسد حلكي..
ووي كل لمسه ضربه..
ويستخدم ابشع صور العنف..
وهالمرة اقوى واعنف..

استمر ع هالشي من العشرة والنص للساعة ١٢ ودقايق..
اني جوا ايده وانازع..
حتى صوتي يطلع تمتمة..
وكل قوة مابقت بية..
جان سلاحي الدموع والصرخات المكتومة..
جان يخلص جولة ويبلش بالثانية..
ونظرات الحقد والتهجم واضحه بعيونه..
وي كل ضربه واذية ابجي دم..
ادعي الطفل مينضر ..
بس للاسف هو جان قصده يضره..

لحد ساعة ١٢ ونص عافني..
بس شوكت..من شاف الدم تلف الفراش..
خلص وكام وهو يباوع بطرف عينه..
_اريد اشوف شلون تكسرين كلامي بعد..
هه خيفيدج جذبج وحيلتج..
مو منتصر الينلعب عليه ..
يعني جان عليج ٣ اشهر..
واني وياج ومادري..
هالمرة كرصة اذن سويتها..
الم الجاية اخذج اذبج يم اهلج..
وورقتج تجي وراج بشرط تتنازلين ع كلشي...

ضل يحجي ويسب ويغلط..
وهو لازم فونه ويكلب بي..
اني حيلي مهدود ...
الم ماحس بي لان فقدت الاحساس..
كل الاحسه برودة ورجفة..
لان فراشي الجواي مبلل..
وجان شهر ال١٢ نهايته..
وهو مستمتع بمنظر الدم...
كام عافني وطلع..
ايدي مربطة وحلكي مسدود..
ماكدر اتحرك من فراشي شسوي..
لا لازم اطلع حتى لو ياذيني تالي..
المهم هسه انقذ ابني..

بس شلون ملابسة شي..
حاولت افتح ايدي كوة مانفتحت..
حاولت وي حلكي وخرت الوصله..
صرخت باعلى صوتي..
اااااااااااااااااااااااخ ..
يمكن اذني انصمت من الصوت..
سمعت حماي جلال يدك بالباب..
_شبيك حوراء شكوو..
_الحكللللييييييي جلال رااااح امىوووووووت ..
كعد خالتي كعدهاااااا...
راح جلال انفتحت الباب دخل منتصر..

شعره مبلل وبالخاولي امبين طالع يركض من الحمام..
اجه عليه صم حلكي بيه..
_لج عا...... اليوم انهيج...
شلون تعييطين فضحتيناااا...
اندكت الباب خالتي ..
فتحته مقفول..
كال صيحي ماكو شي ..
اي اي بس عوف حلكي...
شال ايده عطت...
الحكيلييييي خاله فدوة...
تخبل ماعرف شيسوي...
كام لبس ملابسة ع سريع..
وخالتي تدك بالباب..
فتحها وطلع دخلت تركض..
_يبووووو ولج شنو هذا ولج ذبيحة..
صخام صخمك منتصر ..
_خاله لحكي نروح للمستشفى..
عفية ابوس ايدج ابني..

لبستني شلون ماجان..
بس اني خلص دمي واشوف مغوش..
بس ماردت افقد حاولت اصمد..
لازم اصير قويه اخاطرك ابني حبيبي..
اجه جلال سندني ونزلني..
وي كل طسه سيارة تشوغ روحي..
وخالتي تسب بمنتصر..
وجلال يتوعدله..
وصلنا واني نص واعيه..
دخلوني مجرد ماشافني الدكتور..
انصدم واني انصدمت من ردة فعلة..
ممتوقعه دكتور هيج يغلط..
بس الظاهر موقفي يطلع الشخص من طوره..
ضل يعيط وطلب شرطة..
هخلال هالحجي فقدت الوعي...

فتحت عيني بغرفة بالمستشفى..
الكانونة بيدي واحس الم ببطني كطعني..
باوعت محد يمي الغرفه فارغة..
ضليت اون من الالم ..
الم جسمي مدري الم قلبي..
كلشي اجتمع عليه..
شوي واجت امي ..
ام قاسم ..يمه اسم الله وسور سليمان..
الحمدلله ع سلامتج..
حوراء..يمه عفية جسمي يوجعني شنو صار..
احس بطني خدرانه..
يمه الطفل راح مو؟
_لتفكرين بشي يمه ارتاحي هسه..
عمتج توها نزلت خطية تجيب ماي..
وحماتج هم وياها..
_لتجيبيلي سيرة احد منهم عفية..
ترى مابيه حيل اعيط واحجي..
كليلي ابني مات؟
_العوض بالله حبيبة شسوين هذا امر الله..
_لا هذا فعل البشرررر ..
اريد ابنييييييييييي ...
اريد ابنييييييييييي....
_يمه بنيتي يمه...
ركضت للسستر اجت ضربتني ابرة..
بعد ماحسيت بالدنيا..

للحكاية الآم
بقلم شقراء (قمر كانون)