﷽
#المنجمة
الكاتبة _كفايه
لاتنسون متابعة الحساب
تصويت وتعليق بين الفقرات لطفاً 💜
ياعلي مدد ♕.
سمارك من يابخت ياتين ..
حتى خشونتك ترفة...!
____________________
_شبيك استاذ؟
_تسأل شبية بعد ما راحت من بين ادية؟
مسح وجهة بقسوة يذب حسرات بصوت عالي اندار علية اباوعلة وكلني خوف وعلامات استفهام تارسة راسي شنو سويت؟ معقولة ضايج مني؟
عيونة تلمع بدموعها يحجي بحسرة بقهر
_ليش هيج نجوم اروح وارجع الكاج مخطوبة؟
استحيت ودنكت راسي
_اسفة استاذ ماكتلك بس صارت بسرعة
والله حتى مامتوقعتها
ضرب على رجلة بحركة وبقهر كال
_لو ما راجع احسلي شيصبر گلبي
والضيعتة من ايدي غالي علية
صفن بعيوني ودنك راسة يستغفر بصوت ناصي وي نفسة يحجي:: على ذمتة صارت حرام فقار
حررام
مشة لمكتبة اكتافة نازلة وملامحة متروسة قهر غير عن صوتة الخلة غصة بگلبي مايستاهل يضوج ولا ينقهر والله مايستاهل كعدت بمكاني وبالي وياة افكر بية ماهان علية مديت راسي اشوفة مخلي راسة بثنين ادية رحتلة بسرعة وصلت للمكتب
وكتلة ..
_استاذ شبيك والله كلبي وجعني عليك
رفع راسة وعيونة حمر دمم هز راسة باسف وكال
_والله انكسر گلبي كسر يانجوم خسرت بناتي ثنينهن بوقت واحد
كام من مكتبة كتلة:: استاذ بس انت عندك بنية وحدة!؟
_وانتي الثانية من اكلج بنتي
جنت اقصد..
كطع كلامة وطلع من المكتب بدون مايحجي شي بقيت بمكاني مقهورة علية احس اني السبب بقهرة بس ماعرف شلون يمكن عبالة لان انخطبت بعد ما اقبل اكلة بابا .
خلص اليوم بعد ماشفتة رجعت للبيت وزيد هم ما احاجية زعلت منه ومن كلامة يشمرة شمر ويحرك الكلب داومت ثاني يوم مثل كل يوم بحماس بس من اشوف تعامل استاذ فقار وياي وطريقة كلامة الباردة والمختصرة انقهر ماتعودت علية هيج ومثل اخر موقف صار ، جان عندي شغل ماعرفتة دخت بية اخذتة اله لكيتة صافن خليتة على المكتب وحجيت .
_استاذ شوف هذا الشغل شلون يصير
رفع عيونة باوعلي واشر بيدة
_روحي لوحدة من البنات تشرحلج
ملت راسي وبلطف كتلة
_هو بس شوية مايحتاج اكيد محد تعرفة منهن
_اشمرية لاتشتغلينة
اخذت الملف وعيوني دمعت
_استاذ ليش هيج مو قبل دكلي اي شي
يصعب عليج تعاليلي
_قبل مو هسة
_انت صارلك فترة ماتحجي وياي حتى ماتباوع بوجهي وتحجي وياي برود لو من ورة خشمك مسويتلك شي؟ مأذيتك بشي؟ حتى اعتذر منك
_روحي لشغلج بابا ماكو شي
رجعت لمكتبي وعيوني تزخ دموع واضح ذاك هو تغير طريقة كلامة وياي حتى مايحجي شي مسحت دموعي وحاولت بيه والله ماعوفة ماطول علية واني اشتغل ومندمجة اندك الباب سمح استاذ فقار بالدخول ومن رفعت راسي جمدت بمكاني واني اشوف زيد دخل .
_زيد: مساء الخير على عيون الحبايب الحلوة
_فقار: مساء النور
باوعلي مبتسم اجة يمي واني مفهية ماتوقعت جيتة:: شلونج نجوم
_هلو زيد
_يااااابعد ررروح زيد
فتحت عيوني على وسعهن وجهي صار نار من كال هيج راح يضحك ويحجي بصوت مسموع
_لاتستحين اخدودج حمن
صارن تفاح فرنسي
تمنيت الكاع تنشك وتبلعني على هاي الفشلة والله كلش. استحيت لان استاذ فقار موجود ويسمع
_زيد: نجوم لمي غراضج حتى نطلع
لاتعوفين شي لان اخر يوم الج هنا اداومين
ثكلت انفاسي ورجفت ايدي ماكدر والله ماكدر اعوف الشغل هنا تعودت وحبيتة طلعت وجهي مصفر وهو يسولف وي فقار على الشغل التفتت علية تقدم ايدة صارت على جتفي ابتعدت اهز راسي بلا وهو عادي يضحك استاذ فقار عيونة على ايدة ابتعدت اريد بس احجي مايسكت .
_زيد: يلا نجوم نمشي شكراً الك فقار
كام يريد ياخذني ويطلع مديت ايدي امنعة واحجي
_كتلك ماعوف شغلي
_زيد: امشي حبيبي نحجي برا
_بس ماعوف شغلي لاتحاول
عفتة ورحت لمكتبي من شفتة نزلت دموعي هنا اول فرحة الي ذكرياتي السعيدة كلها هنا مرسومة ماكدر اشتغل بغير مكان .
_زيد: هسة عليمن تبجين
_ماروح منا
_مايستاهل تبجين على مكان اجيبلج احسن منه
واذا تحبين نفسة اجيب
من سمعت صوت استاذ فقار صرت ماعرف شلون امسح دموعي واسكت .
_فقار: كافي بابا شبيج تبجين
_نجمة: استاذ ماكدر اعوف الشغل هنا
_فقار: منوو كال تعوفينة وطلب منج
كمت من مكاني ما اتحمل اخذت جنطتي عفتهم وراي ونزلت اركض دموعي فشلني ماصدكت اطلع خارج الشركة بس طلعت بجيت من كل كلبي مسحت وجهي من شفتة اجة .
_زيد: شبيج نجوم هيج كالوها هو شغل
بشركتنا مكتب على ذوقج تختارينة
_ما ماريد
_هو شنو بكيفج نجوم لاتعاندين بعدنا بالبداية
_ما اعاند انت لا تعاند وكبر عقلك
عكد حواجبة ونتر بية
_شنو كبر عقلك اشفتي عقلي صغير
_لا مو هيج بس لاتبقى تصيح عوفي الشغل هنا عوفية كتلك صديقاتي ماكدر اعوفهن تعودت عليهن
_هسه امشي بعدين نحجي بهذا الموضوع
_وين امشي
_نطلع مطعم
_ماريد اكل
_نجوووووم
_شبيك لاتصيح
_انتي ليش تعصبيني حبيبج اني لو خطيبج
عادي نطلع وين مايعجبني يلا امشي
راح لسيارتة التفتلي واكفة بمكاني رفع عيونة متنرفز مشيت باتجاهة:: خالي مايقبل خل احاجية اذا وافق امشي وياك
_خابرية يلا
اتصلت بيه وهو يباوع بوجهي حميت من نظراتة اتصلت بخالي ومن كتلة وافق مباشرة بعد ماعندي حجة ماروح صعدت بالسيارة وشغل اني ساكتة وهو يحجي اجاوبة بكلمة .
_زيد: احسج ماطايقتني
_لا ليش بس بعدني مامتعودة عليك
_ليش ردتج تشتغلين ويانة هم تتعودين علية
وهم كدام عيني
وصلنا مطعم اكلنا وطلعنا للبيت ماصار كلام جوة بس من صعدنا بالسيارة باس ايدي لو تكهربت لزكت بداية السيارة ايدية ضامتهن لصدري وهو يضحك .
_شبيج جبانة قابل بايس شفتج
_عيب عليك هيج تحجي
_على ذمتي انتي هسة اني زوجج
عادي كلشي نسوي
_لا مو عادي بس نتزوج يصير عادي
_من نتزوج هيج تخلصينها تتكهربين؟
_اي
_لا ربحنا شنو غير مرتي
سكتت مارديت علية والله فنة يبوسني واذا خطيبتة وصلني وراح لليل خالي اجة يحاجيني
_خطيبج يريدج تشتغلين وياة بالشركة مالتهم
_ماريد اشتغل وياهم مرتاحة بشغلي
_افهمي بابا الولد من حقة شنو معنى تشتغلين وي الناس الغربة وماتشتغلين وياة
_مو ناس غربة هما نسابتنا وكلهم حبابين
محد ضوجني بشي ليش اترك الشغل يمهم ؟!
_مايقبل تشتغلين انتي ورجال داخل غرفة وحدة لو قبل مو رجال اني عجبني من كال هيج
حقة خالي شنو ماعندة غيرة مرتة تشتغل وي مديرها بالمكتب وهما عدهم شركة
كمت من مكاني منتفضة
_قبل محد حجة وكال ليش تشتغلين وي مدير بمكتب واحد بس هسة صار استاذ فقار
مو خوش رجال وصرتو تحجون علية
وعلى شغلي
_منو كال فقار مو زين؟ كلنا انتي مخطوبة وخطيبج مايقبل تشتغلين وي رجال
خو اشتغلي وياة
_ما اشتغل وياة
كام صاير عصبي ينتر بية نتررر
_كلة على كيفج تردين شلون تستمرون وانتي بهذا اسلوبج وعنادج؟؟
_مابيه شي اسلوبي بس اني ماريد اعوف شغلي
_لاتخليني اخابر فقار واخلية يفصلج
كافي لاتلحين تركين الشغل من شركة ولد الليث وتشتغلين وياهم غير هالكلام اكعدي واسكتي محد عاتب عليج تشتغلين باجر عكبة تتزوجين وهو يصرف عليج ومصرفج يدزة الج
_مامحتاجة من احد شي
دخلت للغرفة سديتها علية ماتحملت نبرة صوتة وطريقة كلامة وياي بجيت من حسيت عيوني وجعتني اني شكد تعبت وتحملت علمود الدراسة وهو برود يكلي اتركي الشغل مو لازم ، شكد مرت خالي حجت افتح الباب مارديت نمت ولثاني يوم بدلت وطلعت للشغل خالي كاعد بالصالة شافني
كام .
_ها نجوم وين؟
_للشغل وين يعني
_وكلام البارحة؟ ترحين تجمعين غراضج وتودعين زميلاتج مو؟
هزيت راسي لا صاح بمرتة
_امشي فهميهاااا شلون الناس تفكرر
عبالها كل الناس تفكيرها بسيط وسطحي مثلها
اخذتني مرتة للمطبخ كلبي متروس قهررر
_نجوم شبيج حبيبتي ليش كبرتي الموضوع وهو صغير شنو الفرق لو اشتغلتي يمهم؟
_بكلشي اكو فرق ماعرفهم ماريد اروح
_لا روحي وشوفي جوهم طريقة كلامهم
هاي فرصة حتى تتعودين علية وتعرفين
نمطهم وهم شغل افضل ليش ترجعين ليورة
بقت تقنع بية وتحجي اخر شي كالت
_لاتخربين علاقتج وي خالج
وانتي مالج غيرة بهاي الدنيا اضربي
عصفورين بحجر واحد هم ترضين خالج
وخطيبج والشغل تتعودين علية
وعلى المكان باسبوع زمان
طلعت من البيت الغصة بلعومي صارت ليش يردون بس يمشون كلامهم علية محد يهتم شنو رايدة
وين مرتاحة اكثر، وصلت للشركة مكتبي روحي بية شلت لوحة اسمي ودموعي نزلت لميت غراضي علبة الككو بقة مكتبي فارغ ودموعي ماسكتت انفتح الباب درت وجهي دخل استاذ فقار من شافني فتح عيونة بوسع واجة علية بخوف يسالني .
_شبيج نجوم منو وياج؟
مسحت عيوني والشهكة لازمتني
_محد بس راح انتقل لغير شركة
بهتت ملامحة سكت ماعرف شنو يكول شلت لوحة اسمي:: استاذ هاي اخذها وياي عادي؟
_عادي نجوم بس ليش تردين ترحين
_استاذ والله اني احبكم واحب المكتب هذا والشغل وماريد اروح منا بس هما مايقبلون
هز راسة سند ايدة يضغط عليها بقوة مدنك راسة
شلت علبة الككو رفعتها وبرطمت .
_استاذ بعد محد يجيبلي من هاي
ومحد يكلي بابا راح اشتقالك استاذ
وابد ما انساك لان انت كلش حباب
والله هم ارجع هنا مرة ثانية بس
ازوركم من يطك كلبي
مارد علية بحرف واحد لميت غراضي وكتلة
_بوسلي ود وكلها نجوم تحبج كلش هواي
مشيت كلبي مكسور بصوت مقهور كال
_منو بعد يكلي استاذ بس انت حباب؟
التفتتلة عيوني مدمعة كمل بقهر
_منو بعد يونسني بسوالفة
ويجفص منو يسد مكانج لو رحتي؟
جاوبيني منو؟ ليش اجيتي بسرعة وليش
رحتي برمشة عين؟
دموعي نزلت ماكدرت اجاوبة كلش تعودت عليهم
وعلى جوهم وسوالفهم وهما تعودو علية احسهم اهلي ودعت البنات بدموع وهنا يبجن على بجيتي
روان ماكدرت تسكت الموظفين كلهم التمو يدعولي بالتوفيق علي من بعيد طاحت عيني علية مبتسم بحزن يباوعلي مسحت دموعي ورحتلة .
_ها علي ها شو ماودعتني
هز راسة لا كملت عنة
_ماتريد تودعني ليش؟
يلا اجيكم للبيت لاتخاف تشوفني بعد
ابتسم بحزن سحب تليفونة يكتب
_الله يوفقج وين مارحتي
راح نفتقدج هواي ونفتقد روحج الحلوة
حتى لو اشتغلتي وي غيرنا نبقى زملائج
واخوتج اي شي تحتاجين لاتترددين
قريتها ودموعي نزلن
_والله انت هم حباب وخوش ولد
الله يوفقك ان شاء الله
التفتت شفت سمار يباوعلي مكتف ادية
_سمار: ها ولج ام خد المنكر راح ترحين؟
_اي
_لا كلبي مايتحمل الصدمة دي
منو يسمع اشعاري بحب واهتمام لانجمة لااا
منو اليسمعني للاخير
_شسوي لعد
_سمار: خل اودعج بشعر كتبت للتو
حالي بسبب فركاك لو تعرف شبي
مثل الربع مشكوك محد يمشية
كولي الله لاخر مرة
_نجمة: الله
طلعت من الشركة عيوني توجعني وراسي صدع من البجي لو ابقى هم ابجي رجعت للبيت وبقيت اسبوع كامل بالبيت ماطلعت للدوام اريد ارتاح شوية وخلال هذا الاسبوع زيد اجة مرة، بالليل كعدت لازمة تليفوني اكلب بية شفت حساب استاذ فقار ناشر استوري هو ولا ينشر ابد دخلت علية ناشر
ايدة بيها جكارة نصها مخلصة والكاع كلها كطوف
متروسة الجو اضلم دنيا ليل كاتب عبارة جوة ايدة .
"انطحن كلبي مثل طحن الجكاير"
والستوري البعدة ناشر السما الجو اظلم طالع الكمر والنجوم مخلي عبارة .
"شلون اباوع للسما ونجومي مابيها!!
يصبح الجو معتم جداً حينما تغيب النجوم
ايها القمر ضوئك لايكفي للانارة !
وبعد استوري فيديو بيه شعر ناشر ..
:منين نجيب مثلك حتى ننساك ؟
ومنو المثلَك يعوضك لو خِسرنة ؟
الشبه كل اربعين .. حچاية تنگال
ولو واحد يِصح چان انتظرنة
حطيتلة لايكات على منشوراتة وطلعت ثاني يوم جان يوم مختلف وهو دوامي الجديد بالشركة
اجة زيد اخذني الشركة تختلف كلشي بيها يختلف بقيت ساكتة اخذني لمكتبة عدلت خليت غراضي واجت بنية تشرحلي الشغل ماشفت زيد بقيت وياها خلص دوامي وطلعت هو مايعرف بية كمللت وكفت اجر تكسي وطبكت سيارة عالية بيها شباب
مشغلين اغاني عالية طفوها وصفكو بيدهم جمدت بمكاني من كالو ..
_________
_ضيغم: اخذت اختي وطلعت من غبشة والله لو تنكلب ما انطيها لهذا السكط وهيج تهمة يمشونها علينة عبالك مانعرف تربيتنا شنو بس الكاتلني ابوي شلون هيج مصدكهم وماشي وياهم !؟
دنكت بست راسها وخلال الفترة لزمها اكتئاب حاد وردتنا ذبلت وجهها مزلغ يشعوط گلبي من اباوع بوجهها اخذتها لبيت فقار ماكدر اخذها للبستان كواكب هم مريضة وراح تعرف بالموضوع واني ماريد احد يعرف ومادام عندي مكان غيرة ما اخذها اله نزلتها دخلتها جوة وفقار يغسل بالبيت كاتلة التراب باوعلنة وابتسم .
_هلا بوردة الوردات ادخلي جوة نضفت الصالة
مريت منه ودكيت على ضهرة
_كفو منك ابن العم
_انجب اني اخوك
_والله اخو مامنك ثنين
_بس اخوك الجبير هاا
_على راسي ابو ود العلم
دخلت وردة جلبت بيدي خايفة تحجي
_شنو راح يصير فدوه ضيغم والله ابوي ينجلط
_ماعليج ابد كملي نومتج وعوفيها على اخوج
بستها وطلعت من البيت خابرت ضرغام
_ها ولك جبتة لا
_ضرغام: اصبر شوية واخذة بسيارتي ندور
_لا تسويلة شي جيبة وتعال
_ارجع للبيت حتى اجيبة
لاتطلع
سديت الموبايل ورجعت للبيت بقيت افتر بالكراج انتظر ضرغام بالنص ساعة واشوف سيارتة طبكت صرت ورة الباب دخل فتحة عندة مفاتيح
_ضرغام: كتلكم اكو واحد بالبيت هنا
شوف توقعاتي طلعت صح شردت هنا احد مشردها
_تميم: اشرب من دمها بس الزمها
دخل سحبتة من ركبتة خانكة بيدي
_ضيغم: منو هاي التشرررب من دمها منووووو
باوع لضرغام وصاح بيه
_تميم: غدررتني مسويلي كمييين
ضربة ضرغام بوكس بنص وجهة طيرة يصيح بية
_صارلي شكد ساكت ومتحمل رعونيتككك
ك***" تحجي على بت عمي وتريدني اسكت
خنكتة بقوة اهدد بية
_من الاخير تعترف بارادتك لو نزوعك حليب امك؟
_ضرغام: عاجبني ابلعك بلع
وجهك اكلبة على البطانة
_ضيغم: خاف تكول ولوني من هسة كتلك
تعترف لو نشوف شغلنة
سب وفشر مسوي روحة رجال طلعت ضيم كلبي بية انتهى سحلة ضرغام شمرة على القنفات بوسط الاستقبال وكف كدامة اعصابة ترجف وهو يمسح بدمة ..
_ضرغام: تحجي لو اكمل عليك
_تميم: شحجيييييي شتررريد تعرررف
جبت باكيت كلنس شمرتة عليه
_امسح وجهك هاك بسرعة
بقيت يباوع مستغرب وخايف سحب ضرغام كومة طبقات اكلنس يمسح وجهة بعنف من الدم اخذه من ايدة يصرخ بوجع وكمل يمسح وجهة، طلعت موبايلي وقبل لا افتحة كتلة.
_شوف لك تحجي مثل البشر
لاتشوف شي باحلامك ماشايفة
لا اكل ولا شرب الدولة كلها لو تدور عليك ماتلكاك
وبس الضرب تحصلة هاي لاشي
_ضرغام: مقدمة هاي
_ضيغم: بالضبط يعني اول وتالي تحجي
اختصرها على روحك لان اختي لو تنكلب
ما انطيها الك بعد الصار لو انت رجال
وجاي طلبتها مني بدون ما اطخها بيها باب وجواب
بس بعد الصار تحلم
_ضرغام: احجي يلا
فتحت الكاميرا وابتعدت اصورة واسئل بية
_شنو غايتك من الصار
_تميم: ماعندييي غاية
طفيت التليفون واستلمة ضرغام داخ وكعد وضرغام يمسح بوجهة من الدم شربة مي
اشرلي على ضرغام .
_وخر هذا الثور مني واني احجي
_ضرغام: مو نفسك شاد كرون اروح لعرض العالم
يامكررن
فتحت الكاميرا من جديد
_ضيغم: وردة جانت تلعب بالمرجوحة وحدها
صح لو مو صح؟
_صحيح
_وبعدين شنو صار سولف
_طلبت منها تجيب مي وسندس تفتر سمعتني بين
ماراحت جابت اني سحبتها علية وسندس شافتنة لمت البيت علينا
_يعني ماعندك علاقة بورد؟
_ماعندي اي علاقة بيها
_وليش سويت هيج
_حتى تزوجونها الي
_واليريد يتزوج بهاي الطريقة؟
_لا بس هنا انتو مجبورين تزوجونها الي
حتى تسدون السالفة لان كلها عرفت عدنا
علاقة
_وانت اذا تزوجتها شنو تستفاد؟؟
_ما استفاد شي
كطعت التصوير وضرغام لزمة من خوانيكة رفعة يصيح بوجهة:: لك عليناااا هاي السوووالف كووول
طمعان بالورث حتى ورثها يصير الك بعد ما تزوجهاا سوالفكممم مو علينااا
خنكة وهو يفلت بيدة يصيح
_والله راح احجي بس عوفني
شمرة ضرغام ياشرلي افتح كاميرا فتحت التصوير من جديد اسئلة:: اذا تزوجتها شنو تستفاد؟
_تميم: علمود ورثها حتى اصير غني
ورثي ورثها الي وحتى ورث اخواتي الي
_وكلمتك كدام الكل اني احبها واريدها؟
_جذب كلة جذب كلت هيج حتى نتزوج
وردة ماعدها شي وياي
ردتها تنتبهلي تحاجيني على تحبني
واتزوجها بس ماصارت هي ماتنتبة
الي وهاي اخر طريقة واسهل لان ردت ..
كطع كلامة يشهك بصوت عالي
سديت التصوير وكفختة راجدي اصيح بية ضرغام يكلي عوفة علية باوعت لفقار يباوع علينا من بعيد
اشرتلة بصوت فحطان اكلة: هذا مخبل
مو يموتة
_فقار: لا روح ماعلية شي
دخلت لوردة لكيتها بالغرفة مغطية وجهها وتبجي خايفة ترجف سحبتها لحضني ارفع بديها وامسح وجهها:: كافي ورداية كافي سمعتي الصار امشي وياي وشوفي الا العب بيهم لعب
من الخوف ماحجت شي عدلت شالها واخذتها وياي صعدتها بالسيارة وبوجهي للبيت لكيتهم مخبوصين من دخلت وشافونا انبهتو وكلها تهدادد عليها يكول تايهة الهم خليتها ورة ضهري وبصوت عالي صحت بيهم سكتو يتراجفون اعصاب .
_نعمان: وين جانت هاي ال...
ماخليتة يكمل كلامة صحت بيه
_ضيغم: لا تكمل كلامك لا تشوووف وجهي
الثاني اختي اني اخذتهااا حتى اطلع خيسة ابنك
طلعت تليفوني عليت الصوت اسمعهم كلهم خنسو وجوهم صارت تتغير الوانها خلص كلامة سديتة
وباوعت بوجههم واحد واحد رفعت اصبعي اهددهم بصوت عالي ..
هااا هسة بينت كل هاي السالفة علمود الورررث
دمرتوو اختي بسالفة هي مابيها ولا عليهااا
بس ردتو تزوجونها حتى تاخذون حصتها كلكمممم متفقين وياة وتسددون بالسالفة بس كون يتزوجون انكشفت اوراقكم هسة
_عدنان: لاتضل تخبط بالحجي
منو يعرف بتميم شرايد وعليمن ناوي
احنا من افتعلنا لان شفناهم سوى شمدرينا باختك
هيج اول ماصارت بعينا والصياح كب اذنة تسمع
وعيونة تشوف ذولة مجتمعين بالحرام
لو بناتنا بمكانها سوينة وياها هذا الشي وانكس
_نعمان: هو كال بلسانة احبها
شمعرفني يضحك علينة والسالفة كلها حايكها
_فرقد: سدو الموضوع مادام ماصار شي
_ضيغم: اسدة واليحجي بالموضوع مرة ثانية مايلوم الا روحة مرة رجال وابنكم العاررية السويتوة باختي الة اضعافة ومرة ثانية اليمد ايدة على وحدة من اخواتي اكسر ايدة واخليها بركبتة محد اله علاقة بيهن
سحبتها كدامي حضنتني
_هاي تسوة كل واحد جاب سيرتها بلسانة
وواريد اسمع وحدة من نسوانكم حاجية وياها كلمة ضبو لساناتكم واعرفو ويامن تحجون ثاني مررة
باوعت بوجهي ابوي باسف هزيت راسي راح مدنك راسة وام تميم تبجي وتلطم .
_ابني وين ابني فدوة اروحلكم رجعولي ابني
وحيدي
صعدت بوردة فوك رجعتها لغرفتها واجت جوري حضنتها تبوس بيه وتردد:: الله يحفظك النة
_ديريبالج على اختج
راحت تلفلفت بفراشها
_ها وردة ها تبقين هيج ناوية
حتى البيت ماينطاق هيج غير انتي محليتة
_ارجع العصر مثل ماجنت بس هسة
اريد انام
بستها ونزلت جوة بلغتهم قبل لا اطلع
_تميم مالة فوتة على البيت
واذا دخل مو بس اني شكو واحد يلزمة
مايرحمة
_نعمان: هسة هو وينه تميم
_ماعرف ابني لو ابنك
_نعمان: ضيغمممم هالوحيد عندي
لا تسوولة شي غلط ما اكلك ما غلط
بس كافي عفوة مايدخل للبيت بس لاتسوولة شي
طلعت وامة تبجي علية عمي اسامة لاكاني يدخن جكارة تقرب مني وكال:: عوفو الولد بابا ضربة من الضربات تنهية وتخسرون مستقبلكم
_منو كال لازمينة شوفو وين ولى
خزرني يعرف بيه عدنا اتصلت بفقار كال لاتخاف طردت ضرغام اخذت نفس امسح وجهي هسة لو صاير عقد وردة شيصير بحالها لو تم بعد ماخلصت السالفة رحت للبستان اشوف كوكبة وهالايام حالها ابد ماعاجبني ومن دخلت الغرفة مالكيتها رحت للغرفة المخصصة للعلاج من الادمان جمدت بمكاني
الغرفة ضلمة بعز النهار بس فتحت الضوة شهكت
كاعدة بالزاوية راسها بين اديها مخليتة رفعت عيونها صايرات حمرر شافتني وغطت راسها بحضنها بخوف رحتلها كعدت كدامها ورفعت راسها
_شبيج كواكب شصاير وياج ليش جاية لهنا
_بعد اني ما اطيب خاف جنت بوحدة
صرت باثنين
_شنو اليوجعج هسة كليلي؟
ماردت علية رجعت راسها وغمضت عيونها حجيت وياها ردت ماترد سحبتها اطلعها كوة وهي تصيح بيه:: ماريد اطلع ماريد عوفني
_امشي اطلعي لا تفحطيني غير افهم شبيج
لا سابحة وحتى اكل مبينة ما ماكلة خير غير تكولين شبيج امشي اخذج لدكتور يعرف علتج وين
_روح مني ررروح ماكو علاج رروح عوفوني وحدددي رجعت علية بعد سنين
اريد افهم منها شي ماتحجي تريد بس افلتها وتدخل جوة سحبتها كوة:: نكعد جوة الشجرة امشي بالفي
سكتت ترفع بشعرها عن عيونها والرجفة لازمتها من اشوف ايدها ترجف ينكسر كلبي عليها كعدت طابكة رجليها صافنة وجهها شاحب وخرت شعرها المغطي وجههة وحاجيتها ..
_اخذج للدكتور شنو رايج اشوفلج دكتور نفسي
_لو تموت
_اذا متت منو ياخذج غير هسة علمودج واني عايش
_ما اروح ما اروح انت هم عوفني وروح
_مو صرتي زينة شبيج هسة
_مو من الادمان والله مو منة
غمضت عيونها تجر النفس جر واني حالها ماعاجبني اريد اخذها لدكتور غير تقتنع ومن احجي للدكتور عن حالتها يكول طبيعي يصير عدها اعراض جانبية بسبب الجرعات،، واهم شي گلي انتبة لـ حالتها النفسية .
رفعت كذلتها من عيونها بصوت يرجف كالت
_كتلك كصها جيب مكص يلا كوم
كصها لا اكصها بالسجينة
_اوووو كذلة تنكص بسجينة ماصايرة ولادايرة
ماردت علية تمرد براسها مرد ندستها
_تاكلين شي؟
_اي اريد دجاج وطاطلي ولبن
_وبعد
_هاهية
دزيت رسالة للحارس يجيبهن كمت صرت وراها سحبت راسها شهكت:: شبيج اسويلج مساج
_مايفيد
سكتت واني افرك بيه غمضت عيونها وحتى من احجي وياها ماترد كعدت خليت راسها بحضني اضغط بين عيونها واسولفلها الصار ..
_كواكب: وهو جلب اختك فطير همزين ما
زوجتوها....... تدري لو زوجتوها جان اتفل بوجهك
ضربت على خدها
_الفاظج وتالي وياج
_هي تفلة لان تستاهل بوقتها... بس هسة ما اتفل عليك لاتخاف
هزيت راسي مو بيدها عدها الفاظ تنرفز بس اتحملها شسوي . غفت على كعدتها بقيت اتامل ملامحها من تنام شكلها يصير بريء رتبت حواجبها بيدي ضربتني بيدها .
_كواكب: لاتصير سرسري مانمت
_نايمة بحضني شعلية
_يا ** خلة راسة بحضني
_كواكب: ضربني على حلكي طفرت منه اخزر بية وهو يصيح علية:: مو صوجج صوجي ما ادبج
_عود ادبني اذا صح بيدك لاتقصر
_مو قبل شوية مواتة
_لاتعير بيه
كمت افتريت صدك مريضة راسي رجع وجعة علية ورجعت حالتي جنت دوم اطيح كل سنة يحيرون بية اخر سنين من ماتو اهل البنات محد بحالي اشتغل هناك اطيح منا لمن تعبر فترة بهاي الفترة اكرة روحي .
بقة كاعد ضيغم كطفت ورق من الشجر انداريت من وراة طشيتهن فوك راسة .
_عروسة والحبايب زافينها
نكت روحة وشعرة يصيح
_طاح حظج
_اتونس اريد ماتخلي الواحد يتونس
هسة بس تروح ارجع اعيش بكأبة
بهتت ملامحة وكال
_براحتج سوي اليعجبج بس لاتوصخين
ملابسي
_لا اكعد ماسويلك شي بعد
كعد سند ضهرة على الشجرة رحت يمة كعدت
ميلت راسي باوعت بحضنة خليت راسي وتمددت
_سوية بيدك
هو يسوي مساج واني احجيلة قهري
_تذكر من جنت اكلك اخواتي شلونهن كلبي
حاسني بيهن شي وطلع احساسي بمكانة
ليش ماسولفتلي الصار
_حالتج ماتسمح
_خاف جنت اهم بنيزك هسة صرت
اهم بشهب اكثر منها شايفة لو بحيلي القديم
شسوي بيه
_قبس يحبها اني من عرفت يريد يسافر
منعتة والله خفت لاتتطور الامور ويرجعلها
لان جانو علاقة قوية الكل يعرف بيها
ورادها زواج مات عليها بس رفضتة جان مايعرف
السبب وهسة من عرف بحالتها راحلها
تمنيت مايروحلها منعتة كلتة مرتك بس تسمع
تخرب علاقتكم وهي بعدها صغيرة كلها
ما سمع مني ولحد هذا اليوم مااحجي وياة
_بس اخلص ايامي اخذهن
اخواتي متبهذلات منا خالهن
يفكر بس بروحة والله ولايهمة يعيشن
شلون اهم شي بعيد عنة وعن مسؤلياتة
هاي نيزك شصاير بيها فوك القهر قهرين
شنو المايقهرها
_ضرغام اعرفة كلش زين يحبها
ماحب وحدة مثلها ماشايفتة
شيصير بية من تطيح شوكت جان عندة ضغط
قبل من طاحت اجاة الضغط
_انت اسكت بس ادافع لولد عمك
من الاخير زواجهم اكبر غلط والمسؤؤل
عن الصار سالم لو ماهو هسة احنا عايشن بخير
اخواتي ملتمات يشتغلن بيتهن
وروح جبار ذاك العزيز الوع كلوبهم مثل
ما لوعوهن هنا مكسورات جنح وكسروهن
بالزايد
سكتت اتنفس بقوة اخذت فترة انظم انفاسي
رجعت حجيت:: حتى نجمة ماعاجبني هذا الجديد
ماتلوكلة ولابينهم توافق مدري منين جابوة شيطلع احسن منهم عود
_هنا اتفق وياج
عدلت كعدتي صفنت على حالنا
ابتسمت من اجت فكرة براسي
بس مو وكتها هسة رادلها صبر
راح هو مشيت غسلت رجعت لكيتة يفرش سفرة والاكل كعدت يباوع ماعاجبة الاكل .
_ضيغم: هي المطاعم اكلها ماينعرف شبية
_صح الزيت يبقى اسبوع بالطاوة
والدجاج مجمد رايحة مدتة
ومن يطبخون الذبان يفتر بالاكل
مرات...
ضربني بالسفرة على ايدي لعبانة نفسة
_اسكتي لعبتي روحي
_احسن حتى الاكل يبقى بس الي
_ايا حقيرة
_دولي مايعجبك العجب اكل نضيف وشحلاتة
بس بعد شوفوني اني ابن الامبراطور
اكلت صار ياكل وياي بس احسة متردد
شبعت رجعت اكل لبن وطاطلي جنت اكل شكد بالسوك مديت ادية ادعي .
_اللهم بارك بهذا الولد وارزقة بت الحلال
كون لاعلى الخاطر والبال وكون فهاوي
مثلة وسكوني حتى يخنسون ومحد بيهم
يشيل راسة كول امين
خزرني ماعاجبة يهز بيدة غسلت ورجعت لكيتة ياكل اكلة بطيء رفع عيونة كال
_بدال هاي روحي سويلي جاي
_هذا لبن اشرب
سحبت بطل اللبن كتلة
_تدري السكارة تحب اللبن
_تؤ
_هههه والجاجيك يموتون علية
_امشي منا لا اكوملج من صدك اكتلج
مديت ايدي اهز بيها
_شوف شلون رجفت
ذبلت ملامحي من شفت ايدي صدك ترجف
شربت من البطل عفتة بالكاع ورحت للمطبخ
الدمعة بطرف عيني اخذت القوري ترستة مي وخليتة على الطباخ درت جاي علية وبقيت انتظرة يخدر ورة فترة التفت علية من دخل .
_ضيغم: بدلي اخذج للدكتور
_على شنو
_نشوف نسبة التطور عندج
_مو جبتة هنا وسحب مني دم
_ميخالف وهم نشوف شبية راسج يوجعج
_ راسي مايفيدة دكتور اسئل البنات
شكد اخذوني لدكاترة بصغري كلة كبار
ماعرفو يحددون الحالة لاهي شقيقة
ولا غيرها سوولي مفراز مابية شي اخر شي حولوني لدكتور نفسي
_شصار بعدها
_شيسوي قابل يروح الوجع
هي بكل سنة يوجعني بهاي الفترة
نصحونا ما اخذ مسكنات لان ماتفيد
لحالتي
درت وجهي منه اعصر بين عيوني رفعت راسي من كال:: شنو منتظرة ماتمشين
_االجاي يخدر
_يخدر على الهوى غير ماكو نار
اباوع للطباخ طافي خرب شلون نسيت اشغلة هسة ماشفتة طافي وين عقلي طلعت متفشلة اسمعة يطك بالجداحة شغلة رحت للغرفة سبقتة رديت الباب رحت لفراشي ماكو دقايق ودخل يباوعلي
_تشربين الفيتامينات الكتلج علبهن
_اممم
_والعلاج ملتزمة بيه
_اممم
_جذابة متروسات
_والله اخذ
_بديت اخاف عليج لاتسوين شي بروحج
_شنو مخبلة
_اذا ما التزمتي بالعلاج يجيج شعور هيج
_صح
فتح عيونة بوسع كملت اوضحلة
_مرات هيج تجي فكرة بس ما اسمعلها اطلع برا
اريد مصيادة جيبلي اشمر بيها حصو التهي
بيها
_اللبسي نروح للدكتور
_تعبت مابيه حيل
_امشي مو بكيفج
كمت من مكاني بس لان اريد اطيب وارجع مثل قبل مو لان اسمع كلامة نثرت الملابس واني مايعجبني غير ملابسي السود والشفقة .
__جايب كلشي الا الشفقة وملابسي الاطلع بيهن
هسة بيش اطلع
_ذني ملابس كلهن ماعجبنج
_لا
_اللبسي صاية مثل اخواتج وفضيها حتى تلوكلج
لان طولج حلو ورشيقة تجي صبة عليج
_اي والبس حجاب واصير مثل
البنات باحلامك الخايسة
لبست وطلعت انتظرة ماعاجبة صعدت ونمت كعدت من وصلنة خفت من وصلنا للمستشفى
باوعلي مد ايدة لزمتها وصرت وراة ماكدر اشوف العالم احس كلها تعرف بية اني كتلت واحد ولهذا هذا الوقت مامصدكة بعدة عايش، تلكانة صديقة
اليجيني سلم علية وبعد ماسولف وياي حالني لتحاليل اسويهن ولعبان نفس شخلوني شخل
رحنا لدكتور قلبية حجالة حالتي حالني على التخطيط سوولي واني مافتهم شيحجون بالي مو يمهم ضيغم يسمع منهن من بدا راسي يوجعني
حس علية وكال :: اخذج لدكتور
_لا والله بدون فايدة ماله منهم
_مانخسر شي
_لا كتلك اسال البنات سنين يفترون بيه
مايفيد من ورة الحادث هيج يوجعني
بعد مااخذنة ماطلعت التحاليل انطوني علاج واني واكفة انتظر ضيغم يجي ماعرف وين راح عيوني شوفت احلى ثنين منو برأيجن؟
اي افنان وصبيحة وجنتها رحتلهن بسرعة طلعتلهن صفح انصدمن من شافني ضحكت اسلم عليهن
_اهلاً بالغوالي اهلاً مشااقين يابة
شلونجن اخبارجن؟
باوعلي من فوك ليجوة
_افنان: ها بت الشوارع صاير براسج حظ
مبدلة ملابسج ماعرفتج
_ها *** بعدج انتي انتي من بعيد عرفتج
_افنان: ماكو غيرج ***
ضحكت اباوع لصبيحة واشر بيدي على افنان
_لج زمالة هاي تنام وي رجلج تالي الليل
من تنطمرين ماحسيتي عليهم سنين هاي سنين
شابعة بيه
صبيحة وجهة انطعن وافنان صارت صفرررة السانها نبلع:: برايج ليش طردني رجلج من البيت
غير عرف بيه شفتهم بس وماراد افضحهم
هسة وينة سلومي شو متيهجن وحدجن
على خير جنتج حامل شنو يلة عوضي بابنج واحد انمحى من الدنيا
لزمتني من زندي تعت بية بقوة وطاكة عيونها
_صبيحة: تحجين صدك لو تجذبين علية
_وداعت عيون اخواتي ماجذب وانتي تعرفين اخواتي شكد عزيزات عندي
ردت احجي ماخلتني افنان اكمل
تدفع بية وتصيح:: امشي ولي الجذابة
طايحة الحظ نفسج اني تايهة بالشوارع
وانتي شبيج تصدكين بهاي الجذابة بس
تريد تهجم بيوتنا هي حلفت تهجمة لاتصدكينها
_اني صح بالشوارع بس محافظة على روحي مو تالي الليل البس مدلع واكف بالباب انتظر حتى اختل بالاستقبال تالي الليل وي حماي
لج صبيحة ماتشوفين سالم يباوع لحلكها وشدكول يكلها حاظر
باوعت بوجهها مثل الاستوعبت وربطت السالفة
_صبيحة:اشوفهم من اجي يسكتون
ومن الكة اثار يكلي منج اشك بس هو مايطلع
وبالنهار بدوامة وهاي مثل اختي حاسبتها
صاحت بيها جنتها
_هسة وكتج بالمستشفى تتذكرن صرتن
وين جنتي
_صبيحة: اني وين جنت اني
_افنان: هاي اخر وحدة تصدكينها تريد تنتقم من عدنة تذكرين شسوينا بيها تريد تخرب علينا لو اريد اتزوجتة رجلي ميت شنو الازمني
_كواكب: هو رجلج شلون مات غير كشفج تخونين بيه وي اخوة ومات وانتي استمريتي بالحرام
هو نكس وانتي نكسة وبايعتها من الاول
ولو يتزوجج صبيحة تعوفة ولدة يعوفونة
وخايف لايصفة بس عليج ابنج مابية خير وساكت
بلاش شابع
درت وجهي على طبة قوية اشوف صبيحة طاحت على وجهة بالكاع وجنتها كلبت الصريخ لمت الدكاترة بقت افنان جامدة بمكانها باوعتلي مبتسمة
رادت تكفشني هي ضخمة واني مابية حيل وجسمي تعبان ماحس الا انسحبت وضيغم طلعني برا يحجي علية .
_شعندج تحجين وياهن وين عرفتيهن وشفتيهن
_هههههههههه عليك الله خليني اشوفهن
الله لك كلبي برد من صدمتها هاي حبيبة كلبها
صعدت بالسيارة
_شعليج انتي ماتعوفينهن
_اني حلفت اهجم بيتة وكل الصار بينة
من ورة سالم النذل عبالك اعوفة
بالي طراكيع اله ابهذلهم يلا ارتاح
مشة بالسيارة مطيت ادية اتثاوب
_هو سالم ولايخلص فلوس كاعد على
شط يكول بس لوتي تدري شلون
الاملاك الحولهن باسمة استثمرهن
وعايش بيهن مايخلص
_شعليج بيه ماتعوفينة يولي
_ترة هو هنا مارايح بعيد عبالكم
ابنة اخذة القانون رجع لمكانة
فحطت سكتت وصلني لمكاني وراح
صار العصر خفت يصير الغروب طلعت يم الحارس مايتحاجة خزرني يكلي:: شكو
_ماكو شي اريد ضيغم كلة يجي من يصير الليل
رجعت لمكاني شربت ادوية العلمني عليهن اكلت فواكة نعست ونمت فزيت دنيا الليل يكول بس اني وحدي بالعالم عايشة صوت بشر ماكو المكان يخوف واني صايرة بيه حالة خوف تخيلات ماتعوفني كلة اجرام ورعب اكثر مشهد لازك براسي
من قتلو الرجال كدامي زرفو وضربوني ابرة متت بساعتها ومن اتذكرها اموت وجع وخوف
كعدت على حيلي اصب عرك وجهي جسمي شجعت روحي واخذت ملابس بسرعة بس غسلت بمي وطلعت اركض شهكت من شفتة كدامي بعد ماكدر اوكف كعدت على الجرباية اجر النفس جر .
_شبيج
_انت تخلسني وادكلي شبيج
_خابر علية الحارس واجيتج
_شامرني باخر الدنيا من باجر ارجع لدراهم سمعت
_لو تموتين
كمت من مكاني متعصبة
_شنو لا اموت شنووو كافي جزاك الله الف الف الف خير شكد ابقى عمرر هاي طبت بعد
ارجع لهناك ارجع لشخصيتي
هنا ميتة اني
_انسيها
_مو بكيفك ارجع باجر هسة انتي من
عايفني هنا اكو شي يتغير
هناك احسن احب دراهم بس
اشوفها اطيب وهي هم وحدها
_طيبي بالاول
_االحمدلله طبت كافي لازم ارجع
ماعيش هنا. معزولة عن العالم
اتخبل هنا وحدي
خليت وجهي كدام المبردة وهو باقي واكف
ذب حسرة، وكال:: والله ماكدر اجيج هواي
شغل لو ابات بالليل هواي اهلي يشكون
_هسة شعندي بيك تنومني على ايدك
ماعرف انام لاتجي عمي تطلع عليك
سمعة متزوج بالسر وانت كلشي ماكو
_اتفق وياج
_شحدك لو ماتتفق
درت وجهي فرشت بالكاع جسمي تكسر من الجرباية
خليت مخدتي كدام المبردة تمددت ادية طابكتهن جوة راسي .
_بس اليوم اني هنا باجر الصبح اطلع
اذا تروح خليلي كروة ارجع بيه
ولارد علية بحرف طلع ورجع مغسل فاتح دكم قميصة وشعرة مخربط منكعة كعد يمي ينشف بشعرة على الهوى حجيت اذكرة .
_باجر اروح منا
باوع بعيوني وكال
_بس انتي ما طبتي
_اطيب بس اشوف البعيجية
ودراجتي
_دراهم ماتعودلج شي
_وانت هم ماتعودلي شي
_رجلج اني شلون ماعودلج
_اليمنة لو اليسرة؟
ضربني كلبت وجهي اضحك وهو يضرب بية
_اسفة ما اقصد اسفة والله
_لسانج كلش طويل رادلة حش
_يلا كافي كافي
سحب مخدتي خلة راسة على الطرف
_روحي طفي الضوة
_ولي
_اني اروح ولامنيتج
كام طفاة صارت ضلمة بس ضوة الكمرية يجي من الشباك رجع لمكانة باوعلي وكال.
_شنو تسوين لو رجعتي
_ارجع لحياتي لطبيعية
_بعد الصار بيج كلة!!
_هي العصابة وانلزمو بعد ماعلية شي
_انتي عاقلة اعوفج هيج وترجعين للضيم من جديد
_وانت شيخصك لهنا وانتهت بعد لا اعرفك ولاتعرفني بس يصبح الصبح انت بطريق واني بطريق
_على ذمتي انتي بكيفج اخليج تمشين
_زواج نعل هذا هو شصار بس كلت نعم طب صرت مرتك عمي زواجيش هذا
_هو هذا الزواج بس غير اني ما متقربلج
_بلة اقترب حتى اشوفك الدنيا شلون سودة
باجر نجيب شيخ وهذا الحارس شاهد
نطلك وكل واحد يولي بدربة
باوعتلة مركز بكلامي رفع حاجبة وابتسم
بمكر رفعت حواجبي وصحت بيه
_ها شبيك؟؟؟
بصوت هامس كال
_غمضي عيونج
_ما
_بس غمضي
نبرة صوتة جبرتني اغمض:: وبعدين شسوي
مفاجاة تنطيني؟
_استرخي وجري نفس لاتحجين شي
_اممم
سويت مثل ميكول سكنت جسمي باد
فتحت عيوني بسرعة من حسيت بانفاسة قريبة مني لكيتة بوجهي ردت ادفعة من صدرة لزم ايدي
يحجي بهمس:: لاتتحركين ابقي هيج
سحبت نفس صدري يصعد وينزل
_والله اكوم اكتك
بحركة دائرية يمسح على خدودي صفنت اباوع بعيونة حلوات والله كلش حلوات حواجبة ثخان نازلات على عيونة رموشة صغار مو كلش حتى عيونة مو كبار غمضت عيوني من اجة عطرة بخشمي بلا شعور تقربت اكثر من حسيت خشمي
بقميصة فتحت عيوني دك خشمة بخشمي
هنا عقلي ماعرف وين راح ولافكرت بية لاول
مرة بحياتي استسلمت لعاطفتي ، عيونة على شفايفي غمض عيونة وفتحهن همس بصوت
ضعيف :: بوسة وداع تقبلين؟
هزيت راسي اي شعري غطا عيونة ردت ارفعة لزم ايدي وكلبي يدك بقوة دنك شفايفة من لامست شفايفي شهكت وقوتي راحت رفع نفسة يطبع بوسة ويرجع يكررها من انكطع نفسي لزم ايدي بقوة وضم راسي لصدرة سحبت نفس قوي
وسكنت خلة شفتة يم اذني يبوس بيهة ويحجي
_تبقين بنية عندج مشاعر لاتنسين هالشي
لاتتقلصين شخصية الولد عيشي مثل البنات
لاتبقين دوم تركضين
_وهسة... سكتتت اخذت نفس ماكدر احجي كملت
_وهسة شتريد مني وراي اخواتي
وانت واني ماننجمع من المستحيل
لو اهلك يدرون خاصة ابوك يتبرا منك
بس اتخيل اني وين انت وين
ماننجمع مي ونار
_ضيغم: احلى اجتماع واحد يدمر الثاني
_لا ضيم لا اسكت حجي ليل لاتحجية
الصبح يمحية
لمني بحضنة باحتواء وحنية نمت بين ادية وعطرة تارس ريتي من كعدت الصبح طلعت برا مامصدكة كل ما اتذكر الصار اكول مو حقيقة كواكب تالي عمري انام بحضن رجال لا ما اصدك حلم اعتبرتة بس حلم غريب بية مشاعر حلوة ردتة يتكرر بيوم
دخلت سحبت ملابس بنطرون اسود وقميص
سبحت من الصبح رحت للثلاجة طلعت موز اكلت وسحبت حذاتي كعدت البسة وهو كعد يفرك بعيونة ويمط بجسمة .
_صباح الخير
_كواكب : هلو اني رايحة
_وين من الصبح
_شعليك
_احجي عدل احسلج
_اشوف اخواتي وارجع لدراهم
_هم رجعنا لنفس السالفةة
_اممم
طلعت موزة ثانية وشربت ماي
_هذا البيت منو اليكعد بيه لو طلعنا
_يتاجر
_اححح خوش بيت بالعافية
_وانتي شلون ترحين لاخواتج وغراضج
_اروح لبيت دراهم اول شي
بعدين اروح الهن
_انتظري اغسل واخذج
_انتظرك برا
_لمي هاي الغراض
_ما اتوقع بعد البسهن
_مو بكيفج البسيهن ولا تطلعين من البيت
والله لو سمعت طالعة شوفي شسوي بيج
_ديلة هم نمر على الشيخ بدربنا
راح وعافني لميت غراضي بعلاكة جبيرة طلعت اصيح:: اكلك الثلاجة متروسة منو الياكلها
_انطيهن للحارس
_بعد شيصير يطك الغيم الحارس
اخذهن لدراهم بيها ثواب
فرغت الثلاجة كلها فواكة ومعلبات
خليتهن بعلاكة جبيرة وطفيتها بقة
المي جامد اخذ الابطالة صارت العلاكة ثكيلة طلعت لكيتة ينشف بوجهة .
_اكلك الجرباية
_بس لاتردين تاخذينها وياج
_ها مو
_رادلنة حمل على هاي السالفة
اخذي الغراض بالحمام لميهن
_ذكرتني احسن مايبقن للحارس
يصير يطك بالكاع اخذهن لدراهم تجرب
لاول مرة
ضحك يهز بيدة جمعتهن بعلاكة وخليتهن
وي الغراض:: يلا وصلهن للسيارة خل اودع
البيت ااخ شجرتي
رحتلها اركض حضنتها اودعها والله تعودت عليها
والي ذكريات هنا صارت اجة وراي يباوع مامصدك
_بلة كطعوها والله اموت من القهر عليها
هنا ضيم اذا اجيت وشفتها سلملي عليها
شجرة عادلت البشر حافظة سوالفي
صدك انقهرت لان ما اجي هنا بعد طلعت من البستان تاركة بية ذكريات اصعب ايام عمري
صعدت بالسيارة حمل الغراض ليورة وراح يحجي وي الحارس شوية واجة شغل .
_حتى ريوك ماتريكت من وراج مستعجلة
_مر على شيخ خل نفضها
_وين الكة هسة
_تلكة هذا الجبتة
_مو هنا طالع محافظات من البارحة
_من يجي جيبة لو غيرة
_صار
سكتت اباوع للطريق
_شكراً ضيم لا مو شكراً احس هاي
الكلمة ماتوفي الشي السويتة وياي
ماراح احجي شي يشكرك راح انتظر يوم
اردلك بيه السويتة
_كواكب
_ها
_اوعديني تلتزمين بعلاجج
واذا ماصرتي زينة اخذج لدكتور نفسي
اوعديني
_وعد التزم بالعلاج بس الدكتور اشوف بعدين
_اوعديني ماتطلعين تشتغلين
_لا ما اوعدك انسى
_شنوووو بكيفج تطلعين
_وانت شكوووو اضن عبالك مرررتك
وتريدني اكعد هسة كلمن رجع لاصلة ولحياتة
انت غير عني اني ادري بيك تنقهر علية
بس راح ابدي صح من شغل وكلشي هو اني جنت لازكة بالسوك علمود الكة اهلي هسة بطلت ماريدهم
_بس انتي بعدج مريضة
_لا زينة زينة
سكت وكلساع يصفن يريد يسوي حادث خليت ايدي على كلبي منا لمن وصلنا باوعلي عيونة تلمع مد ايدة بجيبة درت وجهي افتح الباب سحب ايدي دارني علية نترتة وصحت بصوت .
_ماررريد والله ماررريد
_مصرف الج
_ماررريد هواي صرفت علية كااافي
جعص الفلوس بيدي بس نزلت شمرتهن ورحت اركض حتى غراضي مانزلتهن شفت بيت دراهم تنفست بصوت عالي ورفعت راسي اشوف البعيجية الشجر فارغ من شفتة نزل ركضت للبيت بس دفعتة انفتح كالعادة دراهم هذا بابها أصلاً ماتكوم تفتحة النسوان التجيها تدخل كبل عليها
بس دخلت شافتني هلهلهت بصوت عالي فتحت اديها ركضت حضنتها بعد السلام الحار والكلام الدار بينا طلعت لضيغم دخل بالساحة بيدة غراضي نزلهن وهي مشتلة تهوس بشيلتها ..
_دراهم: هلا بالدك صدرة وجابها
ابتسم تقرب منها دكت على جتفة
_دراهم: تربات النسوان الكلفة
زلمة تسولف افعالك
من طاحت كلت هذا انا
_ضيغم: مادام قصدتيني بالاسم
ماردج على موتي
_كفو منك ومن الكحيلة الربتك
افتريت اخذت الغراض نقلتهن جوة وكعدت افرغ المسواك وهما برا يحجون فرغت ملابسي بخاتني القديمة والباقي عفتة بالعلاليك طلعت ودخلت دراهم تكلي:: امشي شوفية يريدج
هزيت راسي ومشيت ماعاجبة الوضع عبالة
ابقى هناك دوم شوكت الحك على عمري لو بقيت اكل وانام:: ها ضيم
_شنو البراسج كولي؟
_فارغ
هز راسة مامصدك سايرني يحجي
_مريضة لاتطلعين ولاتشتغلين اكعدي
واسكتي لا اجي اخذج احبسج بغرفة
_صار
_لاتمشيلي بالجذب
_استغفرالله بس جيب الشيخ
حجة هواي قبل لايروح واني اكلة اي تالي راح ومن رجعت لدراهم كالت:: عافلج مصرف كال لاتطلع
دكيت على كصتي بقوة
_المن اخذتي منه راح يفلس من وراي
شبقة عندة والله مصيبة يربي هذا صدك
ضيم
_زلمة صاحب غيرة ونخوة شتردينة
يخليج تفرفرين علمود الفلوس
طلعت متنرفزة هواي صرف علية كافي رحت لدراجتي كنستها بالمكناسة التراب مغطيها شغلتها شفت بيها بانزين رحت جبت وصلة بللتها وطكيتها مسحة صارت تلمع دخلت للغرفة بدلت ملابسي
وطشرت غراض دراهم لكيت سجينتي قديمة خليتها بجيبي ودراهم تكلي
_وين هستوج اجيتي حتى ماشفتج
_رايحة لاخواتي اشوفهن
_وارجعي لا ترحين ادورين شغل
طلعت بدراجتي بعد زمن رجعت كواكب مشيت بسرعتي كلني حماس واهس من جديد بعد ما لكيت صبيحة وعرفت الحقيقة هذا اكبر انجاز الي
وصلت بعد فترة من الزمن وصلت لبيت الليث
ذاك هو لام الناس كلها طبكت دراجتي ودكيت الباب فتحولي ولد ثنين الباب يباوعون الي. ولدراجتي .
_حسين: يارب شلون دراجة
انت لو انتي تاهت علية تتفق وياي محوسن؟
_اتفق وياك ضلعي افتح الباب مبينة بنية
فتحلي الباب ركنتها على الحايط وهما راحولها صحت بيهن:: مو تخربونها اريد امشي
_حسين: لا اكيد بس اذا تردين نترسها بانزين
_ماريد بيها
مشيت وشفت من بعيد اموري ولد وياة يلعبون شافني وعاف البيدي اجة يركض مامصدك يصيح تواتب اخذتة بحضني ابوس بية واشم .
_تواتب اليد دلاجة
_اجيبلك بس اصبريلي ياروح كواكب
نيزك طلعت ادور علية شافتني ماصدكت
بقت مكانة مشيت واني شايلة ابنها نزلتة من وصلت وصرت كدامها:: شلونج نيزك
_كواكب صدك اجيتي؟
حضنتها مامصدكة اجيت بوستها ودخلت
_اجيت اشوف الاوضاع
_وانتي شلونج متغيرة مريضة
بشري افكر بيج هم يوجعج راسج
_اي والله يوجعني البارحة كلش
والقبلها بس اليوم لا
_نيزك: هو بالليل يدك بيج دك الوجع
_يمعودة تعودت
دخلت للمطبخ متروس نسوان
سلمت يباوعلي باستغراب وسهلة من شافتني اجت تباوسني تهلي بيه دخلت للصالة ونيزك بضهري
كاعدة ذهب وحفصة بعيد منها شافتني رفعت ايدها تخليها على عيونها ..
_ذهب: يا ولج زيبك هاي اختج
السباعية لو ما اشوف
_نيزك: هي بيبي
_يا هلا ومية هلا
فرحت باستقبالها الي دنكت ابوسها وكعدت يمها
تعاتبني لان كاطعة ما اجيها حجيت شوية وعيني صارت على ام ضيغم مو مرة تلمع لمع البشرة شنو اللبس شنو هاي لو تسمع اني جنتها تموت بمكانها
اجت سلمت علية اباوع بالوجوة ونيزك صارت عينها على اسيل عرفتها من بطنها البارزة
يكول بايامها واعتقد فعلاً هيج .
كمت اشوف شهب لكيت وردة يمها وجوري سلمت عليهن وردة ضعفانة وشهب مامصدكة اجيت كعدت نيزك اسالها عليها .
_نيزك: ايدها باجر تفتحها بقت رجلها
طلعن البنات بقينا وحدنا
_كواكب: اي شهبة شلونج شخبارج
_بس اكوم اخذيني وياج
_اخذج المن عايفتج بعد هذا شلونة وياج
علاقتكم شلونها
_شهب؛ منتهية هسة يروح يتزوج
_كواكب: طبة الف مرض عسا مايتزوج عشرة
شعليج بية
_شهب: هو اكلج اخذيني وياج
_كواكب: بعيوني صار وانتي نيزك
تلامعت الدموع بعيونها
_نيزك: هم انتهت اخذيني وياج ملابسي على حطتهن جمعتهن وردت امشي من صارت سالفة وردة بقيت بس فضت اريد واحد ياخذني محد
خابرت خالي يكلي ابقي خلصت هي
نزلت دموعها كوة صبرت روحي
_كواكب: هو هذا خالجن جان خير هسة
انمحى بعيني ماصدك تزوجتن وخلص منجن
عبالة تايهات لامنيتة
_نيزك: مسحت دموعي وهي ماخلت واحد ماحجت علية وسبتة لزمت كلبها تتنفس صار وجههة احمر طلعتلها مي شربت غسلت وجهها ايدها ترجف
_كواكب: شوفي انتي نيزك وانتي شهبة
تبقن هنا لفترة من الوقت تتحملنهم
بس ديربالجن تنطنهم وجهة تالي الليل
_شهبة: اني اطمني رجلي بس يتقرب اصيح
وعلاقتنة بس مرادد
_نيزك: واني انتهت كلش حتى مايجي للغرفةة
_كواكب: بعد احسن هما زبالة عود
شايفين رواحتهن يصبرولي وانتن اصبرلي
اسويلجن الضربة القاضية وشكو فلوس عدجن اجمعنها نيزك وين وديتي الفلوس البكتهن
سديت حلكها بيدي لا واحد يسمعها
_نيزك: دزيتلج مبلغ بيد نجمة
والباقي عندي
_كواكب: خوش ذهب شي لمنه
واني هسة رايحة ديربالجن على رواحتجن
ولاتحركن اعصابجن كواكب لديجن لاخوف
عليجن
طلعت تضحك وكلبي قبل سنوني تضحك مامصدكة رجعت خبالات نزلت واني وراها مدري شعجب اجة ضرغام بهذا الوقت شافها تعجب راحتلة تسلم علية .
_ها نسيب شلونك
كواكب رجعت تسعد ايامك
سوتلة بيدها باي وطلعت تضحك
وكفت بالمطبخ باوعت بيهن وكالتلي بصوت عالي
_عمرري نيزك امشي على نظامي
اذا وحدة غثتج
طلعت سجينتها تلعب بيها راح تشهرنا وام حسن تكلها:: خالة شنو انتي منين جاية
ليش هيج لابسة
_كواكب: يعجبني خالة
_ام حسن: اي بس لايكلج
_احتراماتي
سوتلها بوسة وخزرتهن طلعت وصلتها للشارع طلعت يلا دخلت احس هم وانزح من كلبي بشوفتها هي كواكب ناوية على نية كشرة ماطول هيج تحجي .
تجاوزت كل الموجودين صعدت فوك ماشفت امير نزلت جبتة صعدتة سبحتة وراح يم شهب لليل اريد انام سهلة ماتنطية وهو مجلب يمها مثل كل يوم انام وحدي مطفية الضوة هستوني غفيت والباب يندك غلست علية ولا اكوم رجعت نمت والدك يزيد بقيت على نومتي رفعت راسي من سمعت فتحتة
دخل قفل الباب فتح الضوة يمشي يتطوطح ويلزم براسة عبالك نايم كمت اعدل بروحي شمر روحة على الفراش عبالي سكران تقربت اشمة مابية ريحة شرب فتح عيونة دم .
_شبيك عبالك سكران
بلسان ثكيل حجة
_اني ادور عليج صارلي شكد.
بس مالكيتج وينج انتي؟؟
عكدت حاجبي وكمت اجيب مي اسبحة بيها
هذا مو بوعية شارب حبوب شبية !؟
سحبني بقوة احس ايدي انخلعت كام واني اسحب بيدي منه:: روح منا شجابك هسة اخ ايدي عوفها
_ايدج توجعج؟ تؤ تؤ اني كلبي اشر على صدرة بقوة وكمل يجر الكلمة جر گلبي يوجعني حيل والله عليج اريدج ادورج اصيح حبيبتي نيزك
وينها ام عيون اريدها ماكو اختفت هسة لكيتج
كلت يا الله ترحين مني ليش؟؟؟
_ضرغام انت مو بوعيك شارب شي
_لا لا لا مارايح لمكان وداعت عيونج
بس اريدج اني
اريد اكوم كام على حيلة
وايدي لازمها لزم وجهي بيدي يباوعلي بتركيز
_واخيراً لكيتج عرفتج من عيونج
اني اعرف عيونج اميزها هي مو عيونها
هيج كتلها روحيييي تجذبين علية اني حبيبتي ام عيون الطاااكة عيونج هاي عيونج عمت علية
_امشي اسبح بلكت تصحى امشي
بقوة باسني اريد افل نفسي منه ماكدر احلف علية مو صاحي وبقوة سيطر علية مافاد وياة توسل ضرب كل شوية وكال:: ادور عليج ماكو انتي اختفيتي
ماعافني بقوة لازمني لا اشرد يرفع راسة كل شوية يبوسني ويرجع يغفى الى ان نام طفرت اسبح
بقة على نومتة الصبح واني اخذ ريوك لشهب لاكاني نزل ماشافني بس صعدت اسمع صريخ سهلة
كب نزلت ما تشيلني رجلية واشوف
الكاع دم وضرغام بطولة واكع بالكاع ادية شامرهن منا ومنا ..
يتبع....
________________________
اللهم صلِّ على محمد وآل محمد
توقعاتكم 🫢🔥
وبما انو حبيتو فقرة الاسئلة
سؤال اليوم
سر محد يعرفة بس انت 🔥
خلي الواتباديات يعرفنة 😂
هاي قناتي لليسالون
وبالانستا افتح اسك للاسئلة
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!