رواية الموت ما هو أنك تكتفن بترابك ! الموت أنك تحب حي ويفارقك الفصل الثاني والعشرون 22 - بقلم Thalia Shire

ريم رغم توترها: يا كثر ما يتكلم.. بس في الحقيقه هو مخلص .. صح فواز
فواز كانت عيون ملصته على صوره وحده في المجله ولا انتبه على ريم اللي تبدلت ملامحها الواثقه الى الخوف: فووواز؟؟
فواز صحى من سرحانه: هاا؟
جسار بخبث و حتى يستغل الظرف سال: اي وحده اخوي من الجميلات في نظرك احلى من ام محمد يا اخوي ..
فواز خاف من سؤال جسار الغريب بابتسامه سخيفه جاوب: مع انهم كلهم احلى من ام محمد هذي احلاهم كلهم..
جسار حرك عيونه للصوره اللي اشر عليها واللي كانت لفكتوريا .. اللي كانت فيها المديرات الخمس و جنب فكتوريا بالضبط اسماء
جسار في نفسه: حركه ممتازه يا فواز .. لكن توترك و طريقه نظرك للصوره تاكد لي شكوكي في نواف...
محمد بتافف: فواز عيب عليك هذا الكلام.. ام محمد اغلى و احلى من هالعارضات الاجنبيات ..
فواز جلس على الكنبه و ضم ريم بطريقه محرجه: انا عارف يا ابوي.. وما يحتاج انك تقولي لي.. ام محمد غاليه و حبيبه و امووت فيها لكن هذا ما يعني اني اوقف اكحل عيوني بالزين...
ريم باحراج دفعته عنها: خلك مع زينك..
ريم جت بتقوم بس فواز رجع و سحبها و طاحت في حضنه: فوووووازز!!
فواز بجرأه و ضحك: عيونه و روحه...
ريم قامت باحراج وعلى طول ركضت لغرفتها .. جسار انفجر ضحك و ابوه عصب: فواز مليون مره قلت لك.. لا تسوي هذي الحركات قدامنا.. البنت بغت تموت من الاحراج.
فواز وقف و اخذ شنطته: ما اقدر يا ابوي و انت تعرف ان هذا طبعي من كنا صغار و المفروض ريم تتعود عليه..
جسار بتاييد لكلام ابوه: بس ريم غير عن باقي البنات انت تعرف هي شكثر رقيقه و ناعمه..
فواز : انا عارف هذا الشيء اكثر منك يا جسار و هذا اللي حببني فيها..
جسار استغل اللحظه حتى يضرب الوتر الحساس عند فواز: غريبه !! مع انك كنت تقول قبل ان البنات الرقيقات ماهم نوعك.. .. وانك كنت تبي وحده مثل ايمان..
فواز تاكدت شكوكه اخيرا من جسار ابتسم وقال بهدوء: و من ظل منا على حاله يا جسار... خل ناخذ صفه الخبث كيف صارت معززه عندك بعد ما كانت معدومه قبل كمثال..
جسار توسعت عيونه على قوه كلمه فواز اللي مشى وباس راس ابوه و طلع على طول..رعص جسار على اسنانه و كان بيمشي لما وقفه محمد..
محمد ببرود: لحظه يا جسار..
جسار رجع وجلس : هلا يا ابوي..
محمد: جسار انت ولدي الكبير و اعرفك زين و مستحيل تقدر تخفي او تكذب علي فاتمنى انك تجاوبني على سؤالي من غير لف و دوران... انت سامع شيء عن ايمان؟
جسار زفر .. كان يبي يستغل الوضع لمصلحته لكن الشيء اخذ نتيجه عكسيه سحب المجله و وراها لابوه: هذول يا ابوي.. مديرات في شركه l&m و اللي يخطط نواف انه يكسر تطورها السريع حتى ما يتعارض مع مصالحه... اليوم واحنا نعرض الصور ركز نواف نظره على هذي ..( وهو ياشر على اسماء) وهي بنت متبانه للعائله و ظهرت فيها من ثلاث سنوات... انا ماني عارف ليش احس نواف شاك فيها.. مع ان البنت ما عطتني اي انتباه.. لكن من خلال تعاملي مع نواف خلال الثلاث سنوات اللي فاتوا فهمت انه انسان لا يستهان بذكاءه و لايمكن ينسى شيء حتى وان كان صغير.. فلهذا السبب كنت ابي فواز يشوف الصوره باي شكل حتى اتاكد و اظن ان شكوكي في محله..
محمد: ان كانت ايمان مثل ما تقول .. تظن ان فواز ما راح يقول..
جسار من غير نفس: انت تعرف فواز اكثر مني يا ابوي.. وتعرف بعد انه خايف عليها منا كلنا ولهذا السبب في نظره انه تكون بعيده و في الغربه احسن من انها تكون عندتا.. اللي ماني عارفه او فاهمه هو شلون وصلت للشكل هذا و للمكان هذا شلووون؟؟؟
محمد ابتسم: ايمان تسوي اللي تبيه يا جسار و مافي شيء يقدر يوقف بوجهها وهي الحين تلعب اخطر لعبه في حياتها وما اعتقد بتسمح لنفسها تخسر بعد ما راهنت بكل ما تملك فيها..
جسار رفع حاجبه بغضب: كانك فرحان؟؟
محمد ضحك : هههه وليش ما اضحك على نجاحها...
جسار: ماني قادر افهمكم.... وتتصور انها وصلت للي هي عليه بطريقه شريفه!!
محمد: بنتي وانا اعرفها...وانا واقف من انها مهما صار و مهما اشتدت الظروف لايمكن تطلع عن شيء انا ربيتها عليه...
جسار رمى المجله على الارض: نشوف يا ابوي.. نشووف..
جسار كان بيروح بس محمد رجع وقفه : جسار.. ما خلصت كلامي..
جسار كان معصب بس حاول يبتسم و يقعد: هلا..
محمد: ابي افهم انتي الى متى ناوي تاجل في زواجك من فاطمه..
جسار من غير نفس: هذا اللي ناقصني ..بعد..
محمد: خير وش قلت؟؟
جسار: ابوي الغالي.. نواف توه مكلمني بالموضوه و بصراحه قلت له كل اللي عندي.. انا متسحيل اتزوج طول ما ايمان هربانه...
محمد: بس انت تعرف الحين هي وين؟
جسار: انا صحيح اعرف هي وين لكن ما رجعته لبيتنا وهو الشيء اللي اشترطته..
محمد: ايمان ما هربت حتى ترجع وانت تعرف هذا الشيء..
جسار: هي ما راح ترجع بس ما تقدر تمنعي ارجعها بالقوه... كل اللي احتاجه هو دليل ضدها و هذا الشيء مستحيل يصير طول ماهي بعيده..
محمد: ماني فاهم؟
جسار : انا بروح مع بحجه مراجعه بعض القضايا العالقه للشركه في لندن و راح احصل الدليل ..
محمد: لندن؟
جسار: بنتك العزيزه تدرس اداره اعمال في اكسفورد..
محمد ابتسم : ما شاء الله عليها سوت اللي كنت دايما اقوله ... رغم كل حججها وانها ما تحب الدراسه..
جسار انفجر عصبيه من برود ابوه: انا اخلص من جسار و ثقته فيها تطلع لي انت يا يابوي..
جسار عطى ابوه ظهره و طلع من البيت رغم انه كان ناوي يصعد لغرفته.. محمد بهدوء اخذ المجله و تامل صوره اسماء من جديد: حتى بعد كل هالسنين الوحيد اللي يقدر يطلعك من بين آلاف يشابهونج هو فواز... اما انا اللي ربيتج ما فهمت انها انتي الا بعد ما قال لي جسار..
-
-
-
ريم جلست قدام المرايا تتامل شكلها ترفع شعرها و ترجع تنزله من جديد و تغير في لوك شكلها بس ما كانت حاسه بتغير رجعته مثل ما كان وبعدها تاففت
حركت عيونها لصوره فواز المبتسه معها جنب المرايا و بوزت وجهها: حسبي الله و نعم الوكيـل: شككتني في شكلي يا فواز...مافي داعي ابدا تتكلم عن غيري في وجودي.. بس تدري.. تكلم في غيري مو مشكله.. بس لا تسوي حركاتك الجرئيه قدام اهلك... الحين شلون بقابلهم اسبوع كامل وانت مسافر بعد اللي اللي سويته...
ريم قامت من قدام المرايا ومشت للسرير اللي رمت نفسها عليها: ما انكر ان البنات اللي في الصوره كانوا ملكات جمال.. بس انت اخترتني رغم انك كنت تختار احلى مني بكثير.. والمفروض تحترم قرارك..
تقلبت ريم و تحركت عيونها لاتلقائيا لصوره كانت جنب السيرير وهي صوره غاليه على فواز بلبس رعاه البقر المفضل له مع ايمان اللي كانت مسويه معه نفس اللبس و الحركه: على من تضحكين يا ريم.. وحده من البنات اللي كانت في المجله هي البنت نفسها اللي شفناها في النمسا البنت اللي نادها ايمان... معقوله تكون هي؟؟ رغم انها ما تشبها نهائيا.. بس جسار يقول ان فواز يقدر يطلع ايمان حتى لو كان لها توام متطابق..في الشكل والاسلوب.... بس هي فعلا ما تشبهها..اووووووف......... معقوله..
ريم قامت من الفراش على طول:معقوله يكون يخدعنا كلنا لما قال لها ايمان وهذي البنت وحده يحبها....
موبايل ريم رن الشيء اللي صحاها من ازمه الاحباط و الجنون اللي كانت فيها: الو..
ندى بصوت رقيق: مرحباا ..
ريم ابتسمت لما سمعت صوت ندى اللي ترتاح له كثير: هلا ندوووي..
ندى: ريم اسفه ان كنت ازعجتك باتصالي هذا الوقت..
ريم : لا ما في ازعاج اصلا انا كنت جالسه لحالي.. فواز طلع عنده رحله..
ندى: الحمد لله... ريم.. حياتي.. اذا ما كنتي مشغوله تقدرين تروحين معي المول؟
ريم بثقه مختلفه عن طريقتها المتردده في الماضي..: هذا كلام يا ندوي اكيد بروح معك..
ندى: ريم ممكن الحين؟
ريم تاملت الساعه وبعدها سالت: ما كأن الوقت بدري؟
ندى: لانه ضروري ارجع قبل الليل... اليوم..... شوفتي؟
ريم توسعت عيونها صدمه : ايش!!!!!
-
-
-
فاطمه كانت جالسه مع عواطف يتابعون مسلسل شافوه الف مره بتملل... لكن ماكان عندهم شيء احسن منه يسوونه.. كانوا لحالهم في البيت بما ان ديما طول الوقت عند اهلها او في غرفتها ما تطلع عندهم.. و امهم طالعه مع ابهم بما ان جلوسها معهم صاير يضايقها..
وسط جلست الملل رنين موبايل فاطمه لفت انتباه الكل : فطوم فوونك!!
فاطمه كانت متدده على الكنبه بملل و الموبايل بعيد شوي عننها:مالي نفس ارد...
عواطف تثاوبت: ما عندك حتى فضول تعرفين من المتصل...يمكن حبيب القلب؟
فاطمه تاففت وسحبت الفون من غير لا تتامل الرقم: الو؟
جسار بصوت رجولي ثقيل: مرحبا فاطمه..
فاطمه شقهت و نقزت من مكانها بقوه: جججججججسساااار...!!!!!
عواطف انفجرت ضحك على شكلها الشيء نفسه سواها جسار من ورا السماعه: هلا حبيبتي شلونج شخبارج؟
فاطمه على طول ركضت بره الغرفه اللي كانت فيه وعلى طول دخلت اقرب غرفه و سكرت الباب: بخير حبيبي انت شلونك؟
جسار بابتسامه: بخيـر دامني اسمع صوتج يالغاليه!
فاطمه: عساه دووم..
جسار بصوت كله حب: فطوم حياتي ابي اشوفج صار لنا مده بعاد عن بعض... ايشرايج نتغدى بره
فاطمه بفرح:صدقققققققققققققق
جسار: هه اكيـد.. وين تبين..
فاطمه كانت مثل عادتها بتقترح لها مكان بس قالت تهدا و تترك له القرار: اللي بتختاره انت اكيد بعجبني حبيبي..
جسـار ابتسم: اتفقنا.. عشر دقايق و اكون عندكم..اوكي.. لا تتاخرين؟
فاطمه: اوكي..
جسار: مع السلامه..
فاطمه: في حفظ الرحمان يا حبيبي.
جسار سكر الخط بسرعه و حرك بسيارته لبيتهم ، فاطمه نقزت من الفرح وعلى طول ركضت لغرفتها تطلع لها لبس بس عواطف طلعت بوجهها: خير على فين رايحه..
فاطمه: جسار عازمني على الغدا..
عواطف رفعت حاجبها: غريبه.. كذا ومن غير سبب؟
فاطمه: ما ادري عموما عن اذنك انا طالعه باااااااي..
فاطمه على طول ركضت لغرفتها و طلعت اشيك وارقى بلوزه عندها ولبستها على جنيز كحلي غامق ولبست الحزام الشوارفسيكي الكحلي و رفعت كل شعرها لورا و نزلت بس المقدمه بطريقه مايله على جنب وحطت ميك اب خفيف كحل كحلي و مسكرا كحليه و قلوس فوشي.. و لبست عباتها و المزينه بالنقوش و الكريستال و حطت عطرها المفضل مس ديور و ظلت تنتظر جسار يجي .. انتظرت و انتظرت و ما جاء لحد الحين
بعد ساعه..
ساره و جاسم دخلوا البيت يدهم بيد بعض: السلام عليكم
عواطف ابتسمت وهي ما زالت على التلفيزيون: وعليكم السلام.. ايش هالرومانسيه..
بونواف بابتسامه معتاده منه: هههه انا طول عمري رومانسي مع حبيبتي..
ساره انتبهت ان بنتها لابسه وجالسه: فاطمه؟ بتروحين مكان..
فاطمه ابتسمت لامها رغم القلق و الانزعاج اللي فيها على تاخر جسار: جسار عازمني على الغدا بره..
ساره استغربت بس بعدها ابتسمت لها: ماشاء الله وين؟
فاطمه: ما ادري والله بس كل شيء من جسار حلو..
بونواف: الله يخليكم لبعض.. فاطمه ما اوصيك ما ابي تاخير..
فاطمه هزت راسها له: ان شاء الله..
ثواني الا جسار متصل و قبل لا ترد فاطمه ببرود قال: انا بره..
وسكر الخط على طول قبل حتى لا تقول باي..فاطمه ابتسمت بتصنع و مشت: مع السلامه..
رغم ان فاطمه طلعت الا ان الجو المنزعج ما ترك البيت ساره على طول التفتت لعواطف: من متى وهي تنتظر؟
عواطف: من عشر دقايق
ساره بنظره عدم تصديقيه: متاكده انها عشر دقايق..
عواطف حركت وجهها لبعيد وساره على طول فهمت ان فاطمه تنتظر من مده استغفرت ربها و دعت ان الطلعه هذي تكون بدايه خير على الاثنين..
من جهه ثانيه فاطمه ركبت سياره جسار البي ام دبليو وجلست جنبه : السلام عليكم..
جسار التفت لها و نزل النظاره حتى يعطيها نظره ساحره: وعليكم السلام ... هلا وغلا بحبيبتي ...تاخرت عليج؟
فاطمه ابتسمت بتصنع لان اخر كلمه قهرتها وقالت حتى ترضي غرورها: لا ابدا اصلا انا توني خالصه..
جسار ضحك: ههههه اجل صدق اللي قال لي فاطمه عطتها موعد قبله بساعه..ههه
فاطمه ابتسمت رغم انها كانت مقهوره منه ..محامي و مستحيل تقدر تغلبه في الكلام.. جسار فهم انها قررت تختصر الموضوع فاخذ السيدي ودخله حتى يبدأ جوله ثانيه من ضغطها ... و اشتغلت اغنيه لعبدالحليم..

كان يوم حبك أجمل صدفة
لما قابلتك مرة صدفة
ياللي جمالك أجمل صدفة
كان يوم حبك صدفة
صدفة قابلتك ولا على بالي
شفت ساعتها جمال الدنيا
صدفة لقيتني إتغير حالي
واتبدلت لوحدي في ثانية
خدني جمال الروح والخفة
كان حبك أجمل صدفة
أوعى تفكر يوم تخاصمني
أو تهجرني ولو بالصدفة
وإن صادفك يوم ابقى صالحني
ماتفتنيش استنى الصدفة
وارحمني من الشوق واللهفة
كان يوم حبك أجمل صدفة
جسار ابتسم وهو يسوق ويسمع الاغنيه التفت لفاطمه اللي قهرها انه مشغل هذا النوع من الاغاني: فطوم شفيج ما تحبين عبداالحليم؟
فاطمه تصنعت السعاده: الا اكيد احبه.. من ما يحب عبدالحليم..
جسار كان فاهم تصنعها و كمل: اي اغنيه عندك احلى وحده..
فاطمه حست انها تورطت هي تكره عبدالحليم والاشياء القديمه و ما تحب الا الاغاني الاجنبيه بس ما قدرت تمنع نفسها من انها تظهر معه بنفس الذوق .. حاولت تتذكر وحده من اغاني عواطف المفضله واللي كانت تحب تسمعهم و قالت: اول مره تحب يا البي..
جسار رفع حاجبه وابتسم : حتى انا احبها.. القلوب عند بعضها..
فاطمه: اكيد..قلوبنا عند بعض..
جسار: بما ان قلوبنا عند بعض تتوقعين وين بنتغدا؟
فاطمه حست انها رجعت ورطت عمرها بس استخدمت ذكاءها: حركه حلوه بس ما ابي افرض رايي عليك ..
جسار رفع حاجبه: ماني فاهم...
فاطمه: انت تبيني اختار ولما اختار انت بتقول نفسي وبتاخذني له..
جسار ضحك على ذكاءها و اسلوب التهرب اللي استخدمته: ما شاء الله عليج... خلاص اذا جذي باخذج لمطعم واحد من شركائنا عجييييييييييييييب..
فاطمه وهي منزله راسها بخجل: اي شيء منك اكيد حلو..
جسار: فدييييييييت اللي يستحون..
-
-
-
بعد ساعتين كاملين تسوق انتهت ندى و ريم من المول و جلسوا في كافيه ممغلق يرتاحون...
ريم كشفت وجهها و طرحتها وزفرت: اوووووف تعبت
ندى ضحكت على شكل ريم وهي تتافف: هههه فديتك يا ام محمد..ما قصرتي..
ريم ابتسمت لها و رجعت ترمي الطرحه على كتفها : تستاهلين يا حياتي... كل شيء خلصناه الفستان و الجزمه و حتى اكسسوارات الشعر..
ندى: اخدكم بعرس حمودييي ان شاء الله..
ريم: ما يحتاج يا ندى انتي ماقصرتي معي ايام زواجي ولا نسيتي.
ندى ضحكت بخبث: ههههههههههههه يا انها كانت ايام تضحك.. تذكرين يوم نشتري قمصان النوم..
ريم انقلب وجهها الوان: ننننننننننددددددددددددىىىىىىىىى!1!!! عـ....ــــــــــيب عليـ,,,ـــك
ندى: هههههه اي هذي ريم اللي اعرفها ... حتى بعد كل التعديلات اللي سواها فواز.. مازلتي خجوله..
ريم نزلت راسها على ذكر اسم فواز: بس ندى!
ندى ضحكت: مشتاقه لفووواز؟
ريم تنهدت: وليش ما اشتاق له يا ندى.. وفواز الروح و القلب و احلى شيء في حياتي كلها...
ندى بنص ابتسامه: تدرين يا ريم ان حياتك مع فواز و التغيرات اللي اشوفها فيك هو واحد من الاسباب اللي اقنعتني بالزواج من اللي متقدم لي؟
ريم: ماني فاهمه؟
ندى: انتي لسى تحبين نواف يا ريم..
ريم انصدمت من سؤال ندى و بعصبيه جاوبت:إإيييش هذا السؤوال طبببببببعااا لالاا
ندى بتوتر: لا تفهمنين غلط يا ريم.. انا بس ابي اوضح لك راي..
ريم: كملي..
ندى: انتي يا ريم.. في ايام مراهقتك انعجبني بنواف وهو شيء كل افراد العائله يعرفونه بسبب اختي ديما.. اللي هما انعجبت فيه اللي صار هو ان ديما فرضت نفسها على نواف اللي ما كان في باله احد.. وانتي تزوجتي يعقوب الله يرحمه..ديما تزوجة نواف و صار اللي تبيه لكن السعاده هي شيء بعيد عن حياتها.. ديما تشمتت فيك لما مات يعقوب وانا عارفه هذا الشيء حتى و ان انكرته وهذي هي الحين مقهوره و نادمه على زواجها من نواف.. انتي ربي عوضك بفواز.. من كان يتصور ان عيال عمي محمد بيظهورن في حياتنا من جديد.. وواحد منهم ياخذ فاطمه والثاني انتي والثالثه تعطيني نصيحه ما حسيت بقيمتها الا الحين...
ريم: نصيحه؟ اي نصيحه؟
ندى بهدوء: تذكرين يا ريم يوم ملكتك من يعقوب؟ ايمان قالت لي ان حتى من غير حب يقدر الرجال بالقلب البارد يمثل العشق بجنون قدام اي مرأه يرغب فيها... لهذا السبب لا ترمي اي وحده منكم نفسها في ايدي الرجال...
ريم رمشت بعيونها: صحيح الحين ذكرت كلامها .. الله يذكرها بخيـر..
ندى: اي والله.. يومها كنت مراهقه اعشق عبدالعزيز الشاب الوسيم في عايلتنا واللي من نفس عمري خصوصا ان الباقي اكبر مني بوقت وهو الوحيد اللي كان طول الوقت قدام عيني.. كنت اظن اني اقدر اطيحه بحبي و ارسلت له رسايل غراميه ولما ما رد علي ظنيت انها خيره بما انه ما رد عليه فهذا يعني انه ما يرد على غير و بكذا يكون احسن صالح و مستقيم.. بس اللي سمعته من صديقاتي واللي راحوا معه لندن للدراسه انه العكس و يمشي مع البنات الاجنبيات وله علاقات اعوذ بالله منها... لهذا السبب يا ريم انا خفت و قررت اخذ الطريق المستقيم انا بنظري الزواج التقليدي فيه بركه اكثر من الزواج اللي يجي عن طريق الحب,, ولو ما صار نصيب ممكن انا ننهييه بسهوله.. بعكس ديما اللي دمرها هو انها كانت تحب نواف وهي اللي سعت حتى تتزوجه .. و فاطمه اللي لسى معلقه...
ريم مدت يدها ومسكت يد ندى: سويتي خيـر يا ندى و تطمني باذن الله .. كل حي بياخذ نصيبه بهذي الحياه وان ما كان عبدالعزيز نصيبك اللي بتعيشين معه احسن حياه .. بيجيك اللي احسن منه باذن الله..
ندى ضحكت: ههههههههههههه والله و كبرنا يا ريم وصرنا نعطي حكم ومواعظ...
ريم: ندىىى
ندى بخبث: يااا حلوك ويا زينك يا فواز غيرت ريم الخجوله لانسانه ثانيه .. اكيد يعطيك دروس جريئه..
ريم على طول طرا في بالها حركت فواز اليوم قدام اهله و نزلت راسها محمره: بسسسسسسس
ندى ضحكت بجنون:ههههههههههه
-
-
الطيـاره المتوجهه لباريس :
عبدالعزيز كان يطبع على لابتوبه بسرعه كبيره و في نفس الوقت يتصفح له كم ورقه من ملف ...سعود كان جالس جنبه بتملل و بنفس الوقت اندهاش من مهارته
سعود وهو يلتفت عليه: الابتوبت عرفت انك تسوي عليه تحليل نسب المبياعات لشركه l&m بس الملف اللي بيدك ايش؟
عبدالعزيز وهو ما يشيل عينه من على الللابتوب: قاعد اراجع محاضرات الاسبوع اللي فات..
سعود رفع حاجبه: وااوو.. فعلا الله يعينك يا عبدالعزيز تدرس و تشتغل في الوقت نفسه.. و كل ويك اند ترجع للرياض لاهلك و تحضر الاجتماعات..
عبدالعزيز فصخ نظاراته الطبيه.. : انا عكسك يا سعود في سبيل اثبات نفسي مستعد اسوي اي شيء مهما كان..
سعود: بس هذا انتحار انت كذا ما تقدر ترتاح..
عبدالعزيز: راح ارتاح قريب .. بعد ما انتهي من الدراسه.. خصوصا اني اهدف اكون مثل نواف بعد التخرج..
سعود ضحك : ههه مستحيل.. نواف غيـر.. ذكاءه و تمكنه من شغله مستواه اعلى من مستوا انسان طبيعي .. يقدر يفهم الشيء وهو طاير و مستحيل احد يقدر يخدعه او يضحك عليه..
عبدالعزيز:نشوف .. مافي قوي في الدنيا الا وفي اللي اقوى منه.. وانا اسعى حتى اكون هذا القوي و اهزمه..
سعود ضحك: ههههه لما تخسر باكون اول متشمت فيك..
عبدالعزيز : نشوف..
كابتن الطياره فواز كان يتمشى في الطياره و يسلم على الركاب مثل عادته لما شاف سعود و عبدالعزيز جالسين جنب بعض
ابتسم وقرب منهم: ما شاء الله انتوا على رحلتي؟ بس اشنو اللي مقعدكم هني ... لو قلتوا لي كان
عبدالعزيز قاطع فواز قبل لا يكمل خصوصا ان مكان عبدالعزيز و سعود في مكان مزعج في درجه رجال الاعمال : اكيد هذي الطياره الوحيده اللي طالعه باريس اليوم و ما كان في غير هذا المكان.. خصوصا ان الدرجه الاولى مملوءه على الاخر ونفس الشيء مع رجال الاعمال..
فواز ابتسم بغباء: هههه بس السياحيه فيها اماكن احسن..من هنا..
سعود عصب : تبينا احنا عيال البدر نركب في الدرجه السياحيه..
فواز اخذ خطوه ورا ورجع ضحك: هههه اسف يا سعود كنت اضحك معك.. انا ديما مجهز مكان خاص لعبدالعزيز على رحله لندن- الرياض .. بس استغربت لما شفتك هنا...
عبدالعزيز هز راسه: صحيح انا اروح دايما على لندن.. بس عندي كذا شيء بخلصه مع سعود وبعدها بطلع على لندن ..
فواز في نفسه: سبحان الله يوم سويت المستحيل حتى اخذ مكان صاحبي على رحله باريس.. انكشف على يد هالاثنين بالذات..
سعود رفع حاجبه لما حس ان فواز سرح: فواز... انت ما هو من شوي تقول انك تقابل عبد العزيز على رحله لندن؟
فواز تظاهر بالبرود: صار تغير في اللحظه الاخيره.. زميلي اللي طالع باريس.. عنده ظرف يجبره يتاخر فلهذا اخذت رحله الحين و هو بياخذ رحلتي بعد ساعه..
عبدالعزيز: اهااا...
فواز التفتت لسعود: مبروك خطبه الاخت..
سعود انصدم : الله يبارك فيك.. كيف عرفت؟
فواز ضحك: ههههههه ساااحر.. ... ندى اخذت ريم معها للسوق تتجهز للخطبه اليوم ... وطبعا ريم ما تقدر تطلع قبل لا تقولي.. سبحان الله اتصلت قبل لا اطلع الطياره بشوي هه..
عبدالعزيز حس بصدمه و عدم تصديق على طول التفتت لسعود: ندى بتتزوج؟؟
سعود ابتسم وهز راسه: اليوم ان شاء الله الشوفه و الله يكتب اللي فيه الخيـر و انا كان المفروض اكون معهم بس للاسف طلع لنا هذا الشغل و منعني.. بس ان شاء الله ان صار نصيب ما في شيء بيمنعني من ان احضر الملكه..
فواز ضحك: ههه وانا معك... ندى غاليه علينا كلنا... و حبيبه قلب ريم ...
سعود: ههههههههههه
عبدالعزيز ما انتبه ابدا ان سعود و فواز غيروا موضوع ندى و دخلوا موضوع ثاني و لا لما تركهم فواز و كمل رحلته التفقديه على الركاب كان يغلي و يطبخ من داخله وهو يصرخ في نفسه: ماااشي ياا ندى.. مسويه لي فيها مستقيمه و تبين زواج تقليدي... وين الحب و ووين المسجات و الوعود.. ماشي ياا ندى.. ان ما كنتي لي... عمررررررك ما راح تكونين لغيري..
-
-

باريس .. المقر الرئيسي لشركه L&M :
مكتب رئيس مجلس الاداره.:
للمره السابعه تاففت راني .. للمره الخامسه تاملت جوليا الساعه و للمره الالف تاملت فكتوريا صبغ اطافرها..
راني وقفت بملل: سأمت الانتظار.. ساتصل بها ..
اسماء كانت جالسه ترتب ملف اوراقها اللي بنتقاشها رفعت عيونها لراني باتسغراب: لا تظنينها نسيت الاجتماع.. لابد ان امرا هاما اخرها...
جوليا: اننا هنا يا سوما من اكثر من نصف ساعه.. والليدي لم تاتي بعد...
فكتوريا: ربما اضطرت للمرور بالمنزل قبل المجيء الى هنا .. فالمصنع في اطراف باريس كما تعرفون..
راني سحبت موبايلها متجاهله كلام اسماء وفي اللحظه اللي كانت بتتصل انفتح الباب و دخلت لارا ومعها سلين..: مرحباا..هل تاخرت..
راني كانت بتفنجر بوجهها من البرود اللي كانت فيه بس تمالكت نفسها: اجل يا سيدتي تاخرتي كثيرا.. ولدينا عمل كثير كان من الممكن ان نقوم به بدل الانتظار..
لارا حركت عيونها بدل مشبوك بحزن: انا اسفه يا راني.. لقد كان هنالك طفل صـغير يــ
جوليا بتأفف قاطعتها: يبعي زهور مقطوفه من الشوارع؟ مجلات قديمه ؟ علب سجائر فارغه؟
لارا بدلع عارضات الازياء عقدت حواجبها: جوليا لا تقولي هذا .. انهم اطفال برئيون و فقراء مساكين .. ليس لديهم سبيل لكسب النقود سوا هذا الشيء... ام انك تريدين ان يسرقوا
فكتوريا ولكن بيع اشياء غير حقيقيه يعتبر سرقه يا سيديتي..
لارا: انا اعطيهم المال وانا اعرف انه اشياء غير حقيقيه .. لانني ارغب ان اعيطه اياه ولا اريده ان يشعر بانه يسالني مثل متسول..
راني بتافف: قريبا سوف تصبح بوابه الشركه مجمع للمتسولين بسبب ما تقدمينه باستمرار..
اسماء ضحكت على تعليق راني والتفتت للارا...: ماذا اشتريتي هذه المره يا سيديتي..
لارا مدت جزمتها لهم: كان هنالك طفل ينظف الاحذيه وبدا فقيرا فطلبت ان ينظفه..
راني صرخت : حذااااااااااااااااااااااااااؤووووووووك اتلف ايتها الحمقاء.
جلده الجزمه كانت متاكله وكانها مغسوله بحمض ماهو بصابون..لارا خلعت الجزمه على طول و مشت من غير شيء: لاباس انه مجرد حذاء يا راني...
جوليا: راني لا تتكلمي مع السيده لارا هكذا...
راني : انني اتكلم هكذا لانني ارا ان هؤلاء المتشردين يتسغلونها .. منذ متى و الاطفال ينظفون الاحذيه هذا الشيء اختفى منذ سنوات..
لارا لعبت بخصله شعرها الطويل: ربما اجبرتهم الظروف..
اسماء لما حست ان راني بتسوي جريمه في لارا: لارا... راني ارجوكم كفى انكم تضيعان الوقت اكثر ..
راني بعصبيه قعدت في كرسيها المعتاد واشرت للارا انها تجلس على مكتبها: تفضلي يا (ماري انطوانيت.)..
لارا ابتسمت و جلست على المكتب و اشرت لكل وحده تاخذ مكانهم بما فيهم سلين اللي كانت تسجل اي قرار معها...: لنبدأ هذا الاجتماع المصغر...سووما!
اسماء وقفت وبدت تتكلم : وردني اتصال من احدى السيدات تتكلم فيه عن درجه لون اكتشفته خلال خلطها للالوان .. و تتمنى لو استطاعت ان تقوم بعمل هذي الدرجه للطلاء اظافر .. و احمر شفاه .....بحيث يكون مميزا ..
فكتوريا: ان الحصول على درجه معينه من الطلاء مختلف كثيرا عن طريقه حصوله من خلط الالوان العاديه...
جوليا : انا ارا انه ان اعجبنا اللون فيمكن ان يكون الحصول عليه كاحمر شفاه اسهل بكثير من الحصول عليه كطلاء .. الا ترين هذا ايضا سيديتي..؟
لارا بهدوء: لايمكن الحكم على الشيء من دون النظر اليه اولا.. فجميعكن تظنون ان اللون سيكون اجمل ان استخدم كاحمر شفاه في حين انه قد يحدث العكس..
راني هزت راسها بالموافقه: انا اؤيد الليدي بما قالته.... لا نخسر شيء من التجربه.. اطلبيها ياا سوما
اسماء حطت صح على اول شيء تكلموا عنه و كانت بتتكلم في الموضوع الثاني لما رن موبايل سلين...
سلين تفاجأه لما رن وهو شيء ماهو من عادتها و بعد ما تاملت الشاشه تغيرت ملامحها اكثر: انا اسفه..
لارا بعيون هاديه: عزيزتي سلين... يمكنك ان تتحدثي.. لا تهتمي للاجتماع..
سلين بلعت ريقها بتوتر: ولكن يا سيدتي؟؟
لارا بابتسامه: اذهيي هيااا...
سلين بتوتر قامت ورجعت الملف: شكرا..
طلعت سلين بوسط اندهاش كل الموجودين،جوليا : لا احد يتصل بسيلين عدانا فهي لا عائله ولا اصدقاء لها..
فكتوريا وهي رافعه حاجبها: ممكن ان يكون بويفريند؟
لارا ابتسمت وطلعت نفس راحه طويل: اتمنى هذا من كل قلبي.. انها انسانه وحيده وحزينه دايما اتمنى فعلا تلتقي بالانسان اللي ينهي هذه الوحده..
راني من غير نفس دليل كرهها لسلين: اتمنى ان يكون الامر هكذا..
اسماء كانت عيونها على سيلين وهي تقول في نفسها: اللي خايفه منه ماهو ان هذا الشخص يكون جديد... خوفي من انه شخص من ماضيها الخطر..
من جهه ثانيه سيلين بعدت عن مكتب لارا و دخلت لمكتبها الخاص وردت على الرقم المميز: الو؟
نواف بصوت هادي : مرحبا سيلين..
بلعت سيلين ريقها: سيدي نواف..
نواف بسرعه: لا تقولين اسمي.. انتي تعرفين عدل ان الجدران لها آذان..
سيلين: كيف حصلت رقمي..
نواف ببرود: تعرفين اني احصل على اي شيء اتمناه و بسهوله.. والوصول لك هو رغبتي الحاليه..
سيلين: سيدي نواف..
نواف عصب: قلت لك لا تنادين اسمي... سيلين بما انك تعرفين تفكيري اكيد تعرفين سبب اتصالي... لازم نتقابل..
سيلين: سيدي بعد طردك لي بنيت لي حياه جديده..و
نواف قاطعها: و ان كنتي تتمنين تستمر هذي الحياه لازم تقابلين لاني بكل بساطه اقدر ادعي عليك عند لارا وبتطردك بكل سهوله.....
سلين باستسلام : متى تتمنى ان نتقابل ؟
نواف: متى ما انتي فاضيه..
سلين : بكرا بعد الساعه 12
نواف بانتصار : ادوارد راح يمرك في سياره تاكسي.. و يحدد مكان اللقاء.. لا تخافي يا سيلين.. انا اعرف تمام كيف اتصرف.. باااي يااا عزيزتي..
سيلين ضغطت على الموبايل بقوه يسوده القهر: ليش تظهر في حياتي بعد كل هذا الوقت بعد ما نسيتك و عشت حياتي بسلام... ما ابي اعيش العذاب اللي عشته ما ابي..
سلين بعد ما اخذت اكثر من شهيق و زفير قررت ترجع للاجتماع جتى محد يشك فيها احد..بعد ما دخلت لغرفه لارا ما لقت احد عرفت انهم راحوا للغرفه الاجتماعات.. لما دخلت لقتهم كلهم على الطاوله لارا ابتسمت و اشرت لها
لارا: سلين تعالي و شاركينا الحوار فانا وراني في مشكله...
سلين قربت و شافت انهم عارضين اكثر من صوره لنجوم مشهورين.. الصورتين اللي كانوا طالعين من المجموعه كانت
للنجم الاميركي براد بيت

لارا بابتسامتها المعتاده: اننا نختار النجم الذي يكون في اعلان العطر الجديد.. سوما و جوليا و فكتوريا اختاروا براد بيت وانا وراني نريد هيرتيك و بما اننا متعادلون صوتك سيحسم الوضع..
سسوما بعصبيه: النتيجه ليست متعادله.. انتما اثنتين ونحن ثلاث..
لارا مدت لسانها: انا امثل عضوين فانا الرئيسه...
جوليا بتافف: هذا ليس عدلا سلين اكيد ستختار المديره..
سلين ابتسمت و اشرت على صوره هيريتك..: انا اسفه لكنني اجد هيرتيك اكثر وسامه.. كما اني لا احب براد فهو خائن..
فكتوريا عصبت: براد ليس خائنااا...
راني من غير نفس: وما فعله في جنفير انيستون... عندما خانها مع انجلينا جولي القبيحه..
لارا بضحك: هههه انجلينا ليست قبيحه يا راني.. انها بشعه هههههههههههه
سوما عصبت: لا اسمح لكم انجلينا جميله جدا!!! و لا الوم براد ان وقع في غرامها
لارا : انكي تقولين هذا لانك تحبينها ..
جوليا باعجاب: ومن لا يحب انجلينا...
راني رفعت يدها : انا لا احبها و حتى ماري انطوانيت لا تحبها.
لارا نزلت عيونها بحزن لثواني وبعدها رجعت تبتسم : اذا فالفائز هو هيرتيك .. جوليا اجري الاتصال ..
جوليا سحبت موبايلها حتى تتصل على مدير اعمال الممثل لما رن موبايل الشغل : سيدتي انه السيد ادغار..
لارا لوت وجهها وكان الموضوع ماهو عاجبها : انا غير موجوده...
جوليا ردت بتردد: اهلا سيد ادغار... نعم انا جوليا اردت ان اقول ان الليدي...
اسماء ما كان عاجبها تردد جوليا سحبت الموبايل منها بسرعه: انا سوما .. الليدي لارا هنا ولكنها لا تريد التحدث معك.. بااي..
اسماء على طول سكرت الخط الشيء نرفز لارا: سوما كيف تفعلين شيئا كهذا..
اسماء: يجب ان يعرف انك لستي سلعه رخيصه يمكنه امتلاكها بسهوله...
لارا : ان ادغار لا يعاملني هكذا فهو يحبني..
فكتوريا بتملل : مللت من هذي القصه يااا سيديتي... ان ادغار لا يحبك فهو زير نساء معروف في الوسط الراقي. .. وان كنتي مصره على انه يحبك لما لا تبادلينه هذه المشاعر..
لارا هزت راسها: لا.. انا لا يمكن ان اتزوج الا شخصا يجبرني على الوقوع في حبه... وهذا الشيء لا اظن شخصا غير مبارك يستطيع ان يفعله..
راني من غير نفس: سيفعله ... متشرد وسيم من هؤلاء اللذين تساعيدينهم يا ماري انطوانيت...
لارا ما عاد فيها تتحمل كلمات راني الجارحه وقفت و عطتهم ظهرها: عن اذنكم.. يجب ان اذهب الى الحمام..
لارا مشت بخطوات هاديه بس بعدها اسرعت وطلعت من الباب بقوه..
جوليا على طول صرخت في وجه راني: ليس هنالك داعي لمناديتها بماري انطوانيت ياا راني..!!!
راني: يجب ان تعرف انها بتصرفاتها تشبه تلك الملكه الفرنسيه: رقيقه، جميله، هادئه، وثريه و لا تظن الناس كلهم مثلها طيبون.... ولكن يجب ايضا ان تفهم ان نهايه ماري انطوانيت هي ما ينتظرها ان استمرت في اسلوبها هذا يجب ان لا تصدق اي شخص يدعي الطيبه..
راني بسرعه عطت نظره قويه لسيلين و بعدها رجعت عيونها للبنات.. سلين حست ان راني كانت تقصدها بكلامها عن الناس اللي يدعون الطيبه.. فقررت تطلع : يجب ان اخذ حذاء اخر للسيده فهي خرجت عاريه القديمين .. عن اذنكم..
فكتوريا حركت عيونها لراني: راني اعرف انك تكرهينها لكن اهانتك لها ازادت كثيرا و اصبحت ملحوظه.
راني : يجب ان تعرف انه لابد ان تنكشف ان حدث وقررت الخيانه وعندها لن ارحمها.. بما ان لارا لن تستطيع ان تدافع عنها يومها
جوليا: ان ما اخشاه يا راني هو ان لا نكشفها الا بعد فوات الاوان و تؤذي السيده لارا..
اسماء بثقه: اطمئنوا لن تستطيع سلين او غيرها ان يؤذوا لارا فانا ساكون لهم بالمرصاد..خصوصا اني اعرف كيف يتم استغلال طيبي القلب في هذا الوقت..
جوليا: الله قد عوض لارا بك يا سوما... فبينما شخصيه لارا طيبه القلب و هادئه انتي.. شجاعه وقويه..
اسماء هزت راسها لتتاكيد..وبعدها قامت جوليا من مكانها: عن اذنكم ساذهب لغرفتي..
بمجرد ما دخلت جوليا مكتبها توجهة لكمبيوترها الخاص و دخلت كلمه السر و بعدها لمف خاص و هما دخلت كلمه سر و ظهرت لها تصويرات خاصه في كل ممرات و غرف الموجودين في الشركه و بدت تدور على فيديو محدد لما دخلت اسماء فجأه ,
اسماء فتحت الباب بسرعه : جوليا الديـك.... ماذا تفعلين..
جوليا تجمدت في مكانها و تجمدت اكثر لما قربت اسماء و تاملت الشاشه: اتجسسين علينا يا جوليا؟؟
جوليا على طول حطت اصبعها على فمها: اششششششششششششششششش لا تتكلمي .. انني افعل هذا لمصلحتنا و لحمايه السيده لارا..
اسماء توسعت عيونها: بالتجسس؟؟
جوليا سحبت اسماء و جلستها جنبها و اشرت على تصوير الكاميرات: انني اقوم بهذه الكاميرات بتفصح جميع التصرفات و الاعمال التي تتم خلال اليوم..هذا الشيء ما سويته الا حتى اكشف الخاين الذي بينا..
اسماء توسعت عيونها صدمه: خاين؟؟ في خاين بينا؟؟
جوليا: اجل هنالك خائن.. اكتشفت هذا الشيء بالصدفه بينما كنت اراجع بعض المعلومات حول مبيعات شركتنا للعام الماضي... هنالك من عبث بها وقام بنسخها..
اسماء انصدمت من اللي تسمعه في خاين معهم في الشركه كيف؟ وهو كلهمم مثل العائله و اصدقاء قراب من بعض: وهل عرفته؟
جوليا هزت راسها: لا للاسف فانا اعمل على هذا الموضوع منذ شهر تقريبا ولم اكتشف شيئا.. الكاميرات تم وضعها بطريقه متقنه في جميع الغرف باسثناء غرفه الاجتماعات و السيده لارا وذلك لعدم قدرتي على الدخول لهاتين الغرفتين خصوصا ان وضع الكاميرا في غرفه راني وفكتوريا كاد ان يكشف كل شيء..
اسماء انصدمت: ولم وضعتيها فيهما يا جوليا..
جوليا باسى: انني لا استبعد ان يكون الجاسوس واحد منا نحن الاربع ..
اسماء :وانا الست مشتبها به.
جوليا: انتي ابنته صاحبه الملك اليس كذلك؟ ولا اظنك ستؤذين من تدير اموالك... لكنني لا اضمن راني و فكتوريا...
اسماء: ولكن راني و فكتوريا لا يمكن ان يقوما بشيء كهذا..
جوليا: يجب ان افكر في الجميع حتى اصل الى الخائن بسرعه.. و سلين احد هؤلاء الاشخاص..
جوليا كبرت التصوير على سلين في غرفتها لما تكلمت في الموبايل، وسمعوا الحوار: تبا انها تتكلم بالعربيه؟لم اكن اعرف انها تتقنها ؟
اسماء توسعت عيونها حقد على سيلين وهو تسمع الشخص اللي تكلمه: انها تتحدث الى نواف البدر دون شك؟
جوليا التفتت بصدمه: نواف البدر؟ مديرها السابق...
اسماء بحقد رعصت على اسنانها: تلك الحقيره!!!
جوليا: ماذا قالت له؟ تكلمي..
اسماء وهي تاخذ شنطتها: سيتقابلان غدا.. ويجب ان اعرف ما الذي يخططان لفعله؟
جوليا حركت عيونها على صوره سلين و بعدها على اسماء: اتظنين سلين هي الخائنه؟
اسماء: سواء كانت الخائنه ام لا.. ساذهب لكي ارا الموضوع بنفسي..
جوليا : الا يجب ان نخبر لا..
اسماء: لا.. فربما لا تكون الخائنه اللتي نبحث عنها وبهذا الشكل سنكشف موضوع الكاميرات. فلارا لايمكن ان تسمح بوجوده هذه الكاميرات حتى وان كان هنالك خائن..
جوليا: معك حق يا سوما..
اسماء و جوليا استمروا يتناقشسون عن موضوع لقاء سلين مع نواف وهم ما يدرون انه كان في شخص براه المكتب و سمع كل حوارهم..
-
-
الرياض:
نواف رجع البيت وهو فرحان ان خطته اللي قررها ماشيه على خير ما يرام و قريبا بيمسك ايمان و ماهي بس هي نصيبها في شركة L&M اللي ما عرف كيف حصلت عليه و بعد راح يكسر غرورها و ثقتها بنفسه..
عواطف كانت لابسه و كاشخه و جالسه في المجلس مع ديما يتكلمون لما دخل و استغرب منهم
نواف ببرود: السلام عليكم
عواطف بهدوء: وعليكم السلام..
ديما من غير لا تلتف : وعليكم السلام..
نواف: وين امون حبيبه قلب نواف..
ديما بلعت ريقها بقهر: نايمه في غرفتها
نواف رفع حاجبه: وانتي وين رايحه حضرتك؟
ديما: في خطاب اليوم بيجون لاختي ندى و انا قلت لازم اموت موجوده حتى اوقف معها و عواطف بتجي معي..
نواف : وليش ما راحت معكم فاطمه؟
عواطف بتوتر و فيه شيء من الخوف: فاطمه طلعت من الظهر مع جسار و لحد الحين ما رجعوا..
نواف توسعت عيوننه و التفتت للساعه اللي كانت قريب 7 و بصراخ: وليش ما اتصلتوا عليها؟؟؟؟
عواطف خافت و غاصت بالكنبه اللي كانت جالسه عليها: اتصلت عليها بس جهازها مغلق... و...
نواف عطاها ظهره و على طول ركض لغرفته يتصل عليها .. عواطف كانت مستغربه سبب غضبه بس ديما كانت فاهمه وتقول في نفسها: خايف من جسار يسوي في اختك اللي انت سويته فيني..
نواف اتصل و اتصل على جسار اكثر من مره و اخيرا وبعد محاولات رد: الو؟؟
نواف بجنون: اخيرااا رديت..
جسار: سووري نواف كنت اسوق.. وما اقدر ارد وانا اسوق ..
نواف: انت وينك بالضبط؟
جسار عند باب قصرك نزلت فطومه ؟ خير في شيء
نواف سكر الخط بوجه جسار و على طول نزل ولقى على الدرج فاطمه تمشي وكانها ترقص : فاااطمه؟؟؟
فاطمه خافت من صوته و وقفت: هلاا نواافي..
نواف بقوه مسك يدها و سحبها معه لجناحه: وين كنتي مع جسار؟؟؟
فاطمه بخوف: كنا نتغدا؟؟؟
نواف" تتغدون للمغرب قووووووووولي لي وين كنتي؟. ايش سوووالك هذا الحقير؟؟
فاطمه حطت يدها على قلبها: تشك فيني يااا نواف؟؟؟
نواف: فاطمه ارجوك جنوني كلها شغاله تكلمي و خلصيني ايش كنتي تسوين وليش قافله موبايلك..
فاطمه : اسفه يا نواف انا رحت مع جسار نتغدا صحيح بس بعدها صرنا نتمشى بالسيياره و طلبنا من باسكن روبنز و اكلانه في السياره و بعدها تمشينا شوي في المول ..حتى شوف اشترى لي هذا الاسوار.. و الفون مالي خلص شحنه في الطريق انا اسفه نواف ..
نواف لما شاف الاسوار وانه ينقش عليه الكلام ارتاح و فهم سبب التاخير و تنهد براحه..
نواف: الحمد لله... مره ثانيه فطومه حبيتبي اذا بتطلعين مع جسار قولي لي ارجوك..
فاطمه ابتسمت: مع اني ماني فاهمه سبب هذا الخوف كله بس ابيك تتطمن من اليوم ورايح ما ارح اطلع الا بعد ما اخذك الاذن منك..
نواف باس خدها و سمح لها تطلع: اوكي يا عسل...
بعد ما طلعت فاطمه من الجناح نواف تنفس براحه وفتح ازاير ثوبه و تمدد على الكنبه : الحمد لله .... يظهر ان جسار اخيرا تعدل مع بعد كلامي معه و بيعدل اسلوبه معها ..... الله يستر منك يا جسار و ما يكون تخطيطك لغير هذا الشيء..
-
-
-
باريس:
بعد ما اتفقت اسماء و جوليا على شنو يسوون لسيلين قرروا يرجعون لغرفه الاجتماعات من جديد حتى يكلمون الموضوع الثاني للنقاش..
لما دخلوا تفاجأو بان فكتوريا هي الوحيده اللي كانت في الاجتماع: تاخرتما لقد بدأت اشعر بالملل وحدي ؟
اسماء التفتت في الغرفه : الم تعد السيده لارا؟
فكتوريا هزت راسها بالنفي: وبعد مغادرتكم ذهبت راني الى الحمام ولم تعد حتى الان... وانا بقيت وحدي..
راني دخلت على طول بعدهم بشوي: رجعتم؟
اسماء: كانت جوليا تتحدث الى الهاتف مع حبيب القلب ولم استطع ان امنع نفسي من الاستماع لهم..
راني تنهدت: اهاا حسنا.. اين لارا؟
لارا فتحت الباب و دخلت والابتسامه العريضه على وجهها: ما رايكن بحذائي؟؟
لارا مدت جزمتها الكعب الطويل المزين بالكريستال و شريطه حريره لملتفه على الساق وتنتهي بورده جوريه كريستاليه..
فكتوريا صفرت: واااااااااااااااااوو جميل جدااا
اسماء عصبت: اليس هذا الحذاء الذي سيعرض في عرض الازياء؟
لارا: لا.. انه النسخه الاضافيه الغير معدله.. فانا اضفت حجرمن الفيروز على التصميم ...
راني حددت بعيونها على لارا: لا احد افضل منك في انتقاء الافكار المميزه... فانتي عارضه سابقه..
لارا ابتسمت رغم ان وجهها كان عليه علامات حزن: انا كنت و مازلت عارضه.. ولا يهمني المال فانا لدي الكثير منه.. انا اقوم بما اقوم به لاني احب الازياء..
اسماء مشت لعند لارا وحضنتها من ورا: كل شيء يناسبك مهما كان بسيطا يا عزيزتي وايضا لا احد يشك في حبك للازياء..
لارا حطت يدها على ايد اسماء: حبيببتي سوما..
فكتوريا صفقت: يااا ناس نحن هنا!!! توقفوا عن هذي الحركات..
اسماء مدت لسانها لفكتوريا: غيوووره..
لارا التفت حولها و بعدها قالت: سلين غادرت قبلي الم تعد؟
فكتوريا ردت : لقد عادت ولكنها طلبت الاذن مني حتى تغادر فهي تشعر بعدم تحسن..
لارا عقدت حواجبها: مسكينه انها ترهق نفسها بالعمل كثيرا..
اسماء كانت تاشر من ورا لارا للباقين وتوحي لهم بالغضب...
فكتوريا هزت يدها لهم: هل استطيع ان اناقش موضوعي الان؟
لارا ابتسمت و اشرت للكل ياخذ مكانه حتى تناقش فكتوريا الموضوع الاهم.. عرض الازياء..
-
-
-

في بيت منصـور :

ندى كنت جالسة تحط اللمسات الاخيرة وتلبس حلق كبير وردي متناسب مع فستنانها كنت لابسة فستان اسود ناعم ميزن برسوم ورديه حاطة كحل وغلوس وردي وفاتحه شعرها ...
تنهدت بخوف وقالت: الله يعين.. احس رجولي مو شايلتني
ام سعود دخلت على بنتها و على وجهها نظره غاضبه: انتي قايله لريم ان شوفتك اليوم؟
ندى هزت راسها: اي و رحت المول معها..
ام سعود: وليش تقولين لها؟؟؟!!
ندى : ليش يا امي في شيء؟؟
ام سعود: اي اكيد فيه... انتي ناسيه ديما ايش سوت في خطبه ريم قبل.. ؟ تتوقعين ان ريم ما راح تستغل هذي الفرصه حتى تنتقم منا؟
ندى انقهرت من كلام امها و من نظرتها للناس: ريم لايمكن تسوي هذا الشيء.. اولا لانها صديقتي انسانه نقيه و صافيه و ثانيا ريم ماهي ديما!!
ام سعود عصبت و كانت بترفع يدها في وجه ندى بس رجعتها: لو ان شوفتك ما هي اليوم كان استخدمت معك اسلوب ثاني... يااا ندى..
ام سعود طلعت على طول و ندى رجعت تتامل شكلها في المرايا من جديد تذكرت عرس ريم.. وشلون كانت امها حنونه و تقرا عليها طول قبل لا تدخل الصاله.. حست بدمعه بتنزل من عينها لما دخلت ريم الغرفه..
ريم بابتسامه: مرحبااا!! ايش هذا الزين كله..
ندى ابتسمت وقالت في نفسها: وتلومني ليش اتصلت فيها..
ريم صارت تعدل على شكل ندى و تقرا عليها.. شيء كان المفروض ام سعود تسويه..
ندى: مشكوره يا ريم..
ريم : عفوا ما سويت شيء...
ندى: لا انتي سويتي الكثير..وما راح انساه لك ابدا...
ندى نزلت مع ريم للمجلس و مسك يدها و دخلها لعند خطيبها.. ريم ودعتها بفرح و طلعت تتنتظرها في غرفه الجلوس لما شافت ثنتين ما توقعت تقابلهم.. ديما و عواطف..
ريم بتردد: السلاااام عليكم..
ديما رفعت حاجبها : وعليكم السلام.. انتي هنا؟
ريم هزت راسها: ما قدرتتتت امنع نفسي ...ندى عزيزه علي..
عواطف من غير نفس وهي اكثر وحده متشوقه تكون مع ريم لحالهم: ههه ندى صارت عزيزه عليك.. سبحان الله كنا ثلاثتنا قراب من بعض .. ما ادري ايش اللي غيرنا؟
ريم ابتستمت بتوتر: ومازلنا يا عـ..
عواطف بعصبيه قاطعتها: لااا تكذبين.. متى كانت اخر مره اتصلتي فيها علي يا ريم...؟ متى كانت اخر مره دعيتني نطلع مع بعض قوولي؟
ريم توتر وما عاد تتكلم عدل ديما ما كان عاجبها هجوم عواطف على ريم وهي في بيتهم واليوم شوفه اختها لكن ما حبت انها تتعب نفسها بالدفاع عن احد.. نهائيا لاني في نظرها ريم ما تستاهل اللي يدافع عنها و لا عواطف تستاهل اللي يساندها.
ريم: انا ما اكذب انا ..
عواطف : خل نكون واقعين يا ريم انتي قطعتي علاقتك فيني من رفضت مشاري اخوك صح.. لايكون كنتي صايره صديقه ندى حتى تقنعيها تتزوج اخوك؟؟
ريم رفعت عيونها بقوه غير معتاده منها: لا لاااا تتتدخلين مشاااري في المووووووضووووعع هوو..
عواطف بقوه هاجمت من جديد: اجل من تزوجتي الامير فووواز وانتي رافعه انفك اللي محتاج كسر..صح؟؟
ريم استغربت: الامير؟؟؟
عواطف عطتها نظره حقد: شاب وسيم جدا... غني.. طيار ما يعرف غير المزاح والكلام الحلوو و غيرها هذا حنون و يشفق على اللي مثلك ولا من يراضي بوحده ارمله قبيحه مثلك.. اكيد لازم ترفعين انفك على اللي مثلنا...
ريم: من فضلك يا عواطف لا تدخ...
عواطف من غير لا تحس طلعت الكلمه من فهمها على طول: يكون بعلومك هذا الانسان اللي تظنين انك محظوظه فيه ورافعه انفك علينا من تزوجتيه ...كان خاطبي قبلك!! وانا رفضته..
ريم رفعت عيونها صدمه: نعم؟ خير ايش قلتي..
عواطف بثقه مصطنعه: اللي سمعتيه واذا مانتي مصدقتني اسئليه او اسئلي عمي محمد ... انا مثلك كنت مخدوعه بكلامه المعسول و ضحكه .. لكن نواف رفض هذا الززواج لان تصرفاته اللي يسافر بره كلها ما تناسب وحده مثلي.. و حتى مع المضيفات في الرحلات الطويله..
ريم هزت راسها بالنفي: هذاا كذب!!! كذب....
عواطف التفتت لديما: هذا صحيح ؟؟ قولي يااا ديما صح؟
ديما ترددت في انها تقول لا ما حصل بس ما كان عندها استعداد تخسر عواطف الانسانه الوحيده اللي تتكلم معها في البيت و تدخل بمشكله جديده معهم بعد وو هي اسااااسا كانت تحقد على ريم لانها سعيده في حياتها...
التفت لريم وقالت: انا مالي دخل... بس هذا اللي قاله نواف لما خطب فواز عواطف.. قبل خطبته لك بمده قصيره..
ريم نزلت الدموع من عيونها بجنون: لا كذب كذب...
عواطف: ماضيك هو اللي تسبب في خطبته لك.. عرف انك رضيتي بفضلت فاطمه قبل... تذكرين فهاد اللي كان خاطب فاطمه بعد ما رفضته رضيتي فيه انتي و عرف بعد انك ترضين باي شخص.. فلهذا قرر يخطبك...
ريم حست انها بتختنق ما عادت تقدر تتحمل من غير تفكير عطتهم ظهرها و طلعت من البيت على طول ..
عواطف ضحكت بانتصار بعد ما طلعت كل اللي كان داخلها..
ديما التفتت لها: ليش سويتي كذا؟؟
عواطف: تستاهل... لا تسوين فيها برئيه انتي مشتركه معي في الجريمه..
ديما تنهدت بالم بغضب يسوده تاذنيب الضمير..كانت تظن ان اللي صار لها هو نتيجه ظلمها و حقدها على الناس.. وانها ان تابت راح يتعدل كل شيء لكن يوم عن يوم صار هذا الشيء يزيد ما عادت تقدر تطلع منه..
بعد فتره من الانتظار رجعت ندى من عند مجلس الرجال متلونه باللون الاحمر من الخجل و دخلت عليهم: مرحباا..
ديما ابتسمت لها: اهلاا
ندى: شلونك عواطف؟ شلونك ديما.
ديما: بخير,,
عواطف بفضول: كيف كان العريس..
ندى ابتسمت: ههه يجنن.. وسيم.. واسلوبه عسل و يضحك و فوق كل هذا محامي ممتاز و شاطر و بعد ابوه صاحب فلوس كثيره.. بصراحه ماني قادره انتظر العرس ههههه
عواطف بنبره خبيثه: يااا جرئيه انتي ..
ندى التفتت حولها و ما شافت ريم: وين ريم؟.
عواطف بسرعه كذبت: ما شفناها يمكن في غرفتك؟
ندى بسرعه طلعت من عندهم وراحت لغرفتها بسرعه بس ما لقت ريم .. توجهت لموبايلها حتى تتصل فيه عليها بس انصدمت لما شافت رقم متصل فيها اكثر من مره.. وفجاه رن من جديد..
ندى ما كانت من النوع اللي يرد على ارقام غريبه بس الرقم كان متصل كثير فخافت ان الموضوع يكون خطير ردت بسرعه.: الو؟؟
عبدالعزيز بصوت غاضب: ان كنتي تظنين اني راح اسمح لك تتزوجين غيري فانتي غلطانه..
ندى خافت من صوت عبدالعزيز: عبدالعزيز؟؟
عبدالعزيز وهو محافظ على صوته المخبف: اي عبدالعزيز.. اللي خدعتيه ووعدتيه تنتظرينه حتى نتزوج ونبني عش حبنا .. عبدالعزيز اللي طاردتيه بمسجاتك الغراميه سنين و بعدها قررتي اخيرا انك تصارحينه وجها لوجه...
ندى: عبدالعزيز انا
عبدالعزيز بقوه: ارفضي اللي متقدم لك يا ندى وانهي الموضوع بسلام..
ندى بلعت ريقها و بخوف قالت: ما اقدر ياا عبدالعزيز
عبدالعزيز: خير؟؟
ندى: انا صار لي سنتين انخطب و ارفض لاني انتظرك وامي و ابوي سالوني اكثر من مره ليش ارفض اللي يخطبوني .. والحين ما اقدر انا اسفه..
عبدالعزيز: تتخلين عن حبنا بهذي البساطه يا ندى؟؟؟
ندى بالم: انا اسفه يا عبدالعزيز... الله يرزقك باللي احسن مني بكثير..
عبدالعزيز بتهديد: زواج من غيري يا ندى ما راح تتزوجين الا على جثتي فاااهمه..
ندى كانت بترد بس عبدالعزيز سكر التيلفون شيء موتها من الخوف اجبرها تجلس على الارض و تتكور على نفسها: عبدالعزيز ليش تسوي كذا ليش.. بعد ما اقنعت نفسي اني خلاص بعيش حياتي من غيرك.. ليش..
-
-
اليوم الثاني..:
في مطعم من الدرجه الثانيه على اطراف باريس كان نواف جالس في زوايه شبه معزوله ولابس كاب و نظارات وملابس لاعب قولف حتى ما احد يعرف و يتنتظر سلين اللي مشت لعنده بتوتر..
نواف ابتسم: مرحباا سلين.. مر وقت طويل على اخر مره تقابلنا فيها..
سلين بتوتر جلست: كان هذا يوم طردك لي من الشركه و ضربي و سحب كل املاكي..
نواف بعيون محدده: انتي كنتي تعرفين زين اني ممكن اسامح اي شيء الا الخيانه.. وانتي خنتيني و كشفتي شيء لايمكن كان يطلع لانسانه تحدتني...
سلين: سيدي نواف انا خايفه لو سمحت اتمنى نختصر.
نواف: سلين لا تخافي حرسي هنا و يراقبون المكان وراح يرصدون اي شخص غريب و فوق هذا انا متنكر انتي نفسك ما عرفتيني لو ما اشر لك ادوارد علي.. اللي بدوره هما متنككر..
سلين: ايس اللس تبيه مني يا سيدي؟
نواف: معلومات..
سلين: حتى تدمر شركه l&m ?
نواف هز يده قدامها: طبعا لا.. لاني لو كنت بدمرها كنت استخدمت مجلس القوه الخمسه.. صح... كل اللي ابيه معلومات.. حتى اعرف اتصرف معهم و اعرف بعد ان كانوا يستحقون اشاركهم..وطبعا مكافأتك راح تكون ارجاع كل املاكك اللي اخذتها ووظيفتك السابقه ان كنتي تبينها
سلين حست برعصه في قلبها معقول بعد هذا الوقت ممكن انها ترجع لنواف تشوفه كل يوم وترجع لعملها اللي كانت تحبه: عن من بالضبط هذي المعلومات
نواف: عن العضوات الجميلات طبعا..
سلين: انا اعرف معلومات تفصيليه عن ثلاث منهم بس.
نواف حدد عيونه: ايهن.
سلين: راني و فكتوريا و جوليا..
نواف رفع حاجبه: واسماء؟
سلين تنهدت: اسماء كانت تشتغل في الشركه قبلي..
نواف: متى بالضبط تعينتي عندهم؟
سلين بدت تشرح بالنفصيل حتى ما يوترها باسئلته: بعد ما طردتني.. حاولت ابتدي اي شغل بسيط من حسابي الخاص لكن هذا الشيء كان صعب و شبه مستحيل تدريجيا صرت احاول اشتغل في اي شركه لكن هذا الشيء كان مستحيل خصوصا بان كل كان يعرف اني كنت احد سواعد المهمه .. وواحده من اكثر الناس اللي يوثق فيهم .. الكل كان يظني جاسوسه.. وطردني... بعد تسع شهور .. قررت اسافر لباريس و ازور الشركات هناك و في النهايه وصلت لمبارك عبدالمحسن.. مبارك انسان طيب القلب و حنون و كان يتمنى انه يساعدني لكن خوفه من الغدر كان يخوفه.. لكن لارا واللي كانت زوجته في تلك الفتره و ينتظرون طفلهم الاول طلبت منه يتناسى اي شيء صار و يعطيني فرصه وهذا اللي صار..
نواف رفع حاجبه: واضح ان لارا طيبه كثير..
سلين ابتسمت بحزن: راني تسميها الغبيه بسبب هذي الطيبه..
نواف بعيون خبيثه: وراني ايش تعرفين عنها؟
سلين: انها اقوى الموجودين.. انسانه قويه انسانه ما تخطي لارا خطوه قبل لا تقدم على شيء كل اعضاء مجلس الاداره يحترمونها و يثقون باي خطه تهتم فيها و هي تكرهني لاني كنت اشتغل معكم و هذا الكره ناتج من كرهها لكم..
نواف: سمعت انها كانت متزوجه اسامه؟
سلين : هذا الشيء صار قبل لا اشتغل معه بمده طويله ...
نواف باصرار: و جوليا هما تكرهنا..
سلين: كرهها نابع من سبب مختلف.. راني تكره الغرور اللي كان في اسامه وتحاول تسكره بقوتها.. جوليا تكرهكم بسبب الظلم اللي عاشته بسبب تدمير عائلتكم لعائلتها ..
نواف: تتوقعين ان الصدفه هي اللي اجمعت شخصين يكرهونا في الشركه؟
سلين: كنت شاكه في الموضوع من مده.. لكن ما رجحت الصدفه.. لان تعاملتنا في الدول الاوربيه كانت كثيره مثل تعرف و اكيد تضرورا ناس كثير .. خصوصا ان فكتوريا مثلا ما عندها اي عداوه لنا و هذا الشيء نفسه لاسماء..
نواف: ابي اللي تعرفينه عن اسماء يا سلين..
سلين: قلت لك ان اللي اعرفه هو مجرد معلومات عن الشغل بس..
نواف: وايش هي شغلتها
سلين : اسماء هي اذن الشركه في المجتمع.. الشركه اعطت المجال لاي شخص يتمنى يعرض فكره او موديل او لون للمكياج .. فهي تسمع لهم و تعطي النصايح في الازياء و تسمع اقتراحاتهم.. و اللي يقدم شيء مميز يكافئ بمنصب مصمم.. و بعد تسمع اراءهم ومشاكلهم في الازياء و المكياج حتى يسون حل له..
نواف رفع حاجبه على الفكره الغريبه: بمعنى انها طورت فكرت نادي العشاق الى نادي المصميمن.
سلين: ايش قلت يا سيدي؟
نواف : ولاشيء كملي عن راني اي هي وظيفتها..
سلين: السيده القانونيه في الشركه ما تمر اي مناقصه او عمل من غير موافقتها القانونيه عليه.. هذا الشيء منع الشركه من السقوط في اي مشكله قانونيه...
نواف: وجوليا؟
سلين: هي المتحدثه الرسميه للشركه و ما يصدر اي بيان باسمها او رد على الصحافه قبل مشاورتها؟
نواف: وفكتوريا.؟
سلين: مسؤوله العروض و التصميم الرئيسي و تتولى المسابقات دايما .. وهي عارضه الشركه الاولى..
نواف: ممتاز؟ عندي استفسار بسيط يا سلين..
سلين: ماهو؟
نواف : لارا ؟ كيف كانت علاقتها مع مبارك وهل لديها اي تطلع للرجال من حولها؟
سلين هزت راسها: لا.. لارا كانت تعيش مع السيد مبارك قصه حب جميله و رقيقه كانت ما تفارقه الا لاقل من ساعه و ساعتنين.. و بعد وفاته اعتزلت الرجال و رغم ان طالبيها كثر و اولهم السيد ادغار؟؟
نواف بعيون محدده: دايما كان ادغار عنده ذوق في الحسناوات..
سلين حست بحقد و عصبيه في قلبها وهي تصرخ داخلها: ليش يا نواف؟؟ ليش بعد هذي السنين تظهر في حياتي حتى تذبحني من جديد بكلامك عن غير بحب..
نواف: سلين؟ الديك شيء اخر تفيديني فيه؟
سلين مدت له مجموعه من الاوراق: لا طبعا غير ملف بسيط عن طريقه تعاملهم انا اعرف ان هذا احد الاشياء اللي تبيها مني..
نواف: دايما تفهميني يا سلين...و بعجبني اسلوبك... اهلا بعودتك...راح انتظرك في مقرنا بالرياض؟؟
سلين وقفت من مكانها : شكرا على هذا الكرم..
نواف بابتسامته الساحره: عفوا يااا سلين..
سلين على طول عطته ظهرها و طلعت من المطعم و انصدمت باسماء تنطرها برا: اسماا؟؟؟
اسماء بعيون غاضبه: ترجعين للشركه وتاخذين اغراضك كلها و ابي اشوف وجهك من جديد.. والا اقسم بالله ... اخلي راني تتصرف معك باسلوبها..
سلين نزلت عيونها باسى وقالت: مافي داعي.. انا ماشيه من غير لا تقولينن.. طلبي الوحيد هو ان الليدي لارا ما تعرف.
اسماء:ولو اني اتمنى اقولها حتى تعرف حقيقه الانسانه اللي فتحت لها بابها و كرمها و لمتها من الشوارع الا اني ما راح اسويها .. لاني ما ابي اشوف الحزن في عيونها...
سلين: شكرا يا سيده اسماء.. شكرااا
اسماء لمحت نواف يمشي من مكانه للباب على طول عطت سيلين ظهرها و ركبت سيارتها و حركت فيها.. سلين مشت على رجولها حتى تدور على تاكسي و نواف ركب سيارته الفخمه و اشر للسواق يتحرك..
ادوارد: اعرفت شيئا مهما؟
نواف: الكثــير... انا الان اعرف من ساهاجم وكيف..
ادوارد: ولكنك طبلت من سعود و تولي راني و عبدالعزيز تولي اسماء؟
نواف بثقه: هؤلاء ليسوا الا بطاقات تضليليه للهدف الذي من خلاله سادمرهم ..
ادوارد: عرفت نقطه ضعفهم..؟
نواف: نقطه ضعفه وحده و حتى اوصل لها كان لازم اكلف سعود و عبدالعزيز بتورلي الثنتين..
ادوارد: لا تقول
نواف رفع يده على شكل اوكي: بينقووو.. اجابه صحيحه.. ايش راح تسوين حتى تحميها يااا سيده الحب...
موبايل نواف رن في نفس اللحظه اللي قال فيها نواف كلمته سحبه كان رقم غريب.. استغرب ان رقم غريب يتصل على هاتفه الخاص.. فلهذا رد..
نواف ببرود: الو؟؟
بصوت كله دلع و ثقه.. صوت انتظره وقت طويل: مرحبااا نواف.... وحشتك صح؟
نواف توسعت عيونه بصدمه: ايمااااااااااان؟؟
-
-
يتبع:

-
-
-