رواية المراهقة (الرجل الغاضب) الفصل الأول 1 - بقلم نبأ التميمي

سلام عليكم  بارت 1

مراهقة(الرجل غاضب)

(اسمي نبا عمري 18سنة طولي 160 وزني 53بشرتي بيضه شعري طويل لحد ركبتي صف ثالث متوسط وتاركه عايشة ويه ماما وبابا الله يخليهم اليه وعندي اختي اكبر مني بسنتين عمرها 20سنه اسمها سارة مواصفاتها حلوة وعندي اخوان 3 علي واحمد ورضا وعايشين بيت وحدنه بس بصفنه بيت جدي اهل ابويه علاقتنه بيهم كلش حلوة ونحبهم ويحبونه وعمامي كذالك )

نبا... لج سارة خايفه اليوم النتائج خاف ارسب وبابا يبطلني
سارة ... وطبج طوب ليش ماقريتي
نبا... عابت شلون اخت عبالي راح تشجعيني تقللين من التوتر مالتي اففف
رحت المدرسه واني كلبي يدك عبالك طبل ويدك يارب ساعدني ماريد ابطل واكعد مثل سمر وابقه يم نسوان عمي هاي هيج سوت وذيج هيج ياربي دخيلج ياام البنين اريد انجح 😢😢وصلت المدرسه وتلكتني صديقاتي

حوراء... لج شبيج ليش وجهج اصفر
نبا...لج ميته من الخوف
غدير ... يمعودات كولن يالله خلي نطب نشوف شكو ماكو
نبا.. هما مو ينشروهن عل نت
غدير... 😳امشي نبا اني لي ماخايفه خوفتيني
دخلنه المدرسه وسلمنه عل بنات الباقيات وبقينه وحدة تباوع بوجها الثانيه وخايفين رحت اخذت النتيجه وياريتني مااخذتها طلعت 3دروس 😢😢وحوراء 3وغدير 1بقيت ابجي والبنات يسكتن بيه يمعود سكتي فضحتينه كافي العالم تباوع علينه

غدير... انتي ماتنجبني راسبه ابويه راح يبطلني
غدير... كليله امتحن دور ثاني
نبا... مايقبل شلون😢😢ومايتفاهم عصبي كلش هوو
حوراء... لجن وين وليتنه سارة ام ابوصخ تعرفهنها
ايي شبيها
نجحت
اني وغدير ... شلون والله اكيد جذب ال اروح اقدم عتراض
غدير... نجبي وسكتي اصلن الوزارة يقدمون عتراض عليج لن ماجاوبني سكتي
حوراء...بنات باوع منو اجه دخت والله شوف شلابس
باوعت اني وغدير وشفنه حسام واكف ومنتجي عل سيارة هذا حسام شاب يخبل طول وعرض يخبل بختصار البنات ابمدرسة ذابحات روحن عليه
نبا ... لج حوراء انطيني مرايا خلي اشوف خلقتي (احجي وحوراء صافنه عليه )هيه شبيج
حوراء ... دخت هاج
غدير... شبيجن كبر هو شلونه وذبحتن روحجن عليه وانتي نبا مو جنتي تبجين وابوج راح يبطلج والله توقعي تبجي لن راح تبطلين ومااشوفين حسام بعد 😂
باوعتلها صفح... ممكن تسكتين
يله بنات خلي نروح كافي تاخرنه
نبا.. بنات خلي اودعكم خاف مااشوفكم بعد
حوراء وغدير ... لالج ليش هيج تحجين قنعب ابوج وتعالي امتحني لج حرمات والله عندج ف صه حرمات ضيعيها نجي تحنا نحجي ويا
نبا... لا مايقبل احاول اقنعه
رجعت البيت واني فكر يوديني وجيبني شلون خاف ابطل اوووف شسوي واذا بطلت اكعد واسكت بس لا انشالله يقبل وصلت البيتنه وشفت سيارة بابا موجودة يارب سترك يعني بعد ماطالع الشغل وصلت البيت

صباح الخير
الكل صباح النور ها بشري
نبا... انطيتهم النتيجه وكعدت عل تخم
بابا... الله يطيح حظج 3طلعتي عود حطيتلج مدرسه علمود تنجحين وهم رسبتي
اني ساكته وبس ابجي
بابا... بعد ماكو مدرسه تكعدين وتسكتين
نبا... بس بابا اكو دور ثاني
بابا... نجبي وسكتي ماكو يعني ماكو
ماما ... كول يالله ابو علي لاتعصب اي تكعد وتسكت
اجت سارة كالت ها شطلعتي
همستلها .. كتلها شنو بابا مايطلع اليوم
سارة... لاليوم ماعندة شغل تعبانه
خرب حظي يعني اليوم الرزايل ماتوكف
بابا... سمعيني زين وحجايتي مااعيدهن بعد مدرسه ماكو واني رايح انام وماريد احد يكعدني
نبا... ماما احجي شي حيابه ماريد ابطل
ماما ... نجبي وسكتي هاي اختج مو شافت روحها مادب تها كعدت عل اساس راح تصيرين دكتورة
نبا... بس هذا لي طلع منج مشكورة يوم(عفتهم وصعدت الغرفتي ابجي)بس اني هم مااحب المدرسه واتمنه ابطل ليش ابجي يله نبا سكتي لاتبجين سكتي معقوله ابجي عل حسام خاف بعد مااشوفه خلي يولي عل اساس هو شلونه

ماما... لج وين رايحه تعالي نزلي لاظلين فوك
سارة... يمه عوفيها بس اول يومين وبعدين تسكت
بقيت نايمه من الساعه 10الحد الساعه 4العصر بس نايمه
اني احب النوم كلش احبه حتى مرات مااطلع ويه اهلي علود ابقه نايمه نزلت مصدومه اني وين وبيش ساعه عزة كل هذا نايمه اني
نزلت سارة وين ماما
سارة... رحت يم بيت جدو
اني... شسوي
سارة... جايه عماتي وراحت تشوفهن واني هم رايحه
راحت بقيت سويت اكل نسيت النتيجه ههه واني راسبه
رحت بيت جدي حصلتلي رزاله معدله من عمتي هلي عمتي كل ماتشوف احد كباله ترزلع عل كلشي بس هيه تحجي المصلحتنه احجي بيني وبين نفسي جابني اني خلي ارجع بيتنه بس رزايل وهاي احسن منج نجحت وانتي رسبتي اهووو بس ليش اروح خليني الكعدة حلوة وكعك وجاي شعندي موليه البيتنه بقينه بيت جدي الساعه 8بالليل بس اني وسارة اختي ماما رجعت
شويه وصاحت علينه علمود العشا يله تعالنه ساعدني
ماما... يله هاج سوي زلاطه وانتي سمر كشري البتيته
اني... وانتي شنو راح سوين😕
ماما... اروح اباوع تلفزيون اسوي الكباب مو اني نبا اعوف الشغل وانهزم
كملنه العشا واجه بابا كعدنه كلنه نتعشا
علي... ها عل خير ال3دروس يتربن بعزج انشالله
اني😒
علي ... كومي جيبي 3خواشيك من المطبخ
ههههه الفطيرة ضحكت سارة واخواني
كمت جبت واجيت
علي ... بدربج طفي الكلوب 3مرات وتعالي
اني... عليييييي😠
بابا... كافي انت ويا اكلو وسكتوو
كعدنه ناكل واخويه ياشري بيدة 3بدون بابا مايدري
الماي جان يم بابا كتله بابا انطيني المي من يمك
باوعلي صفح ... راسبه وتردين تشربين مي هم
اني... لعد شلون مااشرب والله ماريد زعلت وانتي موبطلتني والله لي يعيدها مرة ثاني بعد مااحجي وياكم
الكل يضحك عليه واني صعدت فوك ابجي واسمعهم يحجون ويسولفزن واجتي بيبي يمنه وسوالف وضحك
بابا ... وين علاوي وين رايح دنيا ليل
علي... هاي هنا يم عصام هسه اجي
بابا ... كم مرة كتلك عصام لاتمشي ويا ناتسمع الكلام
بيبي... يمه عوفه بعد صغير وصديقه هسه يجي
بابا... يمه ياصغير عمر 16سنه صغير هاي اصدقاء السوء يعلمو عل كلشي عل شرب الجكاير كلشي يعلمو
بيبي... اهداء يمه هسه يجي كوم احمد صيح اخوك خلي يجي كوم وتغمز الخويه عود كدام بابا بس
نزلت اني كلت خلي اسويها عادي شوبعدني باب الهول
بابا ... وهاي طلعتلي 3دروس وتريد تعيد دور ثاني
اني بقيت صافنه هسه اني شنزلني مو جتت فوك هلي اصعد واسمع بابا يحجي عل علاوي اخويه لن يطلع ويمشي ويه ولد امبر منه يخاف عليه
.
.
.
.ونروح البطلنه
(اسمي محمد عمري38سنه طويل وجسمي عادي لاسمين ولا ضعيف عصبي كلش كلش يعني مااتفاهم بسرعه اصير عصبي اشتغل عندي شركه الشركه مال ابويه واجدادي بقديمه واخوتي وياي يشتغلون بس شغلي الخاص عندي معارض مال سيارت يعني الحمد الله خابتنه الماديه زينه مزوج بس ماعندي اطفال ماكو سبب مني ولامن زوجتي احب زوجتي كلش وهيه هم تحبني وماتقبل عل زعلي ومافديوم بحياتي غاثها بكلمه اكو مشاكله وزعل نحلها بيناتنه مو ال الكل يعرف جنت عايش ويه بيت اهلي امي وابويه وعندي اخوان 4واخت وحدةعندي الدنيا كلها بجفه واختي سعاد بجفه ثانيه كلش احبها واحترمها اخوان عندي احمد اخويه اكبر مني عمر 40سنه مزوج وعندة ثنين بنات وثنين ولد اني محمد وحسن مزوج وعندة 3جهال وحامد الصغير هم مزوج وعندة ولد وبنيه سعاد اختي تزوجت بس توفه زوجها وهم ماجان عدها اطفال بس كحترام الها وهيه جان تتمنه يصير عدها ولد وتسمي احمد فااحنا الكل يصيحلها ام احمد ااني كلش عصبي من اعصب مااشوف شي كدامي الكل يخاف مني من جبير الحد الصغير كلها تحبني وتخاف مني صحيح اخويه احمد الجبير بس اني لي مصسطر عل بيت وعل كلشي الكل يخاف مني ويحسبلي حساب فتحنه فرع بتركيا وخليت ابن عمي هنام يدي باله عل شغل وعندي ابن عمي لي هو احسبه اخويه واحبه واحترم عمر28سنه مامزوج لن جان عندة قلب ومايقبل يزوج يكول ليش ماورط بت العالم وياي واني عل اي وقت اموت )

محمد... ها يابه كالو رايدني
الاب ... اي تعال بويه اريد بشغله
محمد...امرني بويه
الاب... بويه اني محتاج فلوس وقررت ابيع البيت هذا وانطي الخواتك وكلمن يشتريلي بيت ويطلع
محمد... اف عليك بويه محتاج فلوس وماعندي علم اني
الاب... لا بويه عندي شغله بي واريدهن وانت بله طالعبك بيت علمود ترة حرمتك خوتك عيالهم كبرو خلي يطبعون واني هاي كدامك اجه احمد كعد هاا اجيت احمد بوكتك شكلتو
احمد ... بويه من كلك اني اريد اطلع اني اريد ابقه هذا البيت لي تربيت بي من صغري الحد ماكبرت وتريدني اعوفه مااطلع اني بويه اريد ابقه هنا
الاب... زين انت ماتريد تطلع اخوتك شلون هم ماي دون يكلعون
احمد ... ماعليك بيهم محد يكدر يحجي شي
الاب... بس اني اريد اموت ولني مرتاح واريد اطمن عليكم بويه ماريد عكب مااموت تتفرقون
محمد... صدك تحجي من عمري عل عمرك انت الخير والبركه بس كلي شنو تسوي بل فلوس اني انطيك بدون مانبيع البيت
الاب... بويه اني ماريد منك فلوس ولدي زين عندي قتراح شنو رايئك تشتري نص الييت انت والنص الثاني باسمي
محمد ... بس يابويه اخذ الفلوس وبقي البيت بااسمك
الاب... لا تقبل تاخذ نص البيت اهلا وسهلا ماتقبل اشوف احد يدايني
محمد... احمد شنو رايئك
احمد... والله بكيفك بعد اني لو عندي جان اني شتريته بس ماعندي مكانيه اشتري بيت هسه
محمد ... ماشي يابه بس خلي يجون الولد مصطفى (ابن احمد )صيح عل عمامك خلي يجون وعمتك سعاد
مصطفى... اي عمي
اجويه حسن وحامد خير خويه كالو رايدنه
محمد.. كعدوو
محمد... هاي كدامك ابويه باعلي بيت نصه باسمي ونص باسمه بس الله شاهد عليه البيت بيت اخواني لن اني عندي بيت والحمدللله كاعد وساكت والله شاهد عليه وروح امي مااطالب بهذا البيت الحد اخر يوم بعمري والبيت بيت اخواني الهم الحق بي
احمد ... الله يحفظك خويه ويف ح كلبك
محمد... تسلم يابعد كلبي
بقو يسوفون ونضحك وحامد يقلد ويحشش هو ومصطفى ومريم (زوجته)كلساع الدك واني رفض ترخصت منهم ورحت بعد ودعت اهلي وباوعت عل ابويه شكله تعبانه وجها اصفر وصيت سغاد عل ابويه دي بالها عليه لن كلش تعبت بعد ما توفت امي الله يرحمها بيتي يصير قريب عل بيت اهلي يعني مسافه رحت واني صافن وافكر بابويه ماعجبني وضع وصلت البيت كعدت عل تخم
مريم... هله حبيبي شبيك ليش ضايج صاير شي
محمد ... ها لا حبيبي مابيه شي بس تعبان ويالي يم ابويه
مريم ... ليش شبي عمي
محمد... ظاعجبني وضعا و
مريم... وشنو حبيبي كمل
محمدحجيتلها عل انو شتريت البيت من اهلي تعشيت ورحت نمت واني مختنك كلش مادري شبيه كلبي مقبوض
ثاني يوم الصبح
مريم ... صباح الورد
محمد... صباح الورد ياورد صياح السكر
مريم ... كوم حبيبي سويتبك رويك
كمت تريدك واني اتغازل ويه حبيتي زوجتي اباوع عليها اك ل يارب ليش ماصار عندي طفل هاي راح يصيرلي 4سنوات واحنا مزوجين لاعتراض عل حكم ياالله
مريم... حبيبي اطلب منك طلب
محمد.. كولي ياعمري
مريم... حبيبي اكو جايه دكتور جديدة خلي نروح نشوفها بالكي تلكه علاج او كالو تسوي اطفال انابيب خلي نروح وخلي يفرح كلبي
محمد... نقهرت عليها كلش .. مريم موقتها ولني هءا عمري تردين اروح دكتور علود اطفال عوفي هذا ابموضوع حبيبتي
مريم... خلي نروح ماراح نخسر شي (تباوعلي بتوسل )
محمد ... اني طالع الله كريم
مريم... يعني احجي يم الدكتورة
عفتها وطلعت ماحاوبتها رحت يم ابويه رحنه اني ويه يجلنه البيت بااسمي واني بل طريق اتصلت عل مريم
محمد... الووو
مريم... هله حببيبي
محمد.... حجزي اليوم نروح اني وياج
مريم ... صدك تحجي حبيبي يعني
محمد... ايي
سديت منها وابويه سالني
واخيرانا اقتنعت وراح تروح الدكتور
محمد .. والله يابويه الخاطرها راح اروح لو باقيه عليه لولموت مااروح
وصلت ابويه البيت ورحت لكيت مريم تتنظرني بالباباخذتها وطول طريق فرحنا وصلنه الدكتورة بقينه كاعدين شويه ودخلنه سوي تحاليلي وبقيت تسولف هيه ودكتورة
كال الدكتور ... رجلج تحاليه مابيها شي بس
مريم... يس شنو دكتورة راح يوكف كلبي
دكتورة... انتي منج السبب وو
محمد ... خلص شكرا دكتورة
مريم ... بس خلي افتهم
اخذت مريم وطلعت بعد ماكالت الدكتورة انو منها السبب ماتحملت حتى ماخليتها تكمل حجيها الطريق كله ومريم بس تبجي وصلنه البيت طببت سيارتي وهيه صافنه
محمد... حبيبي وصلنه
مريم... اهاا ايي
نزلت وكبل راح الغرفه نامت اجيتهاكتها
محمد...الله كريم حبي انسي حجي الدكتورة والله ماريد جهال اني راضي بقسمتي الله ماكلتبلي يصير عندي طفل خلص ياعمري والله ماريد
مريم... بس اني لي مااخلف مو انت
محمد... ميخالف حببيبي
واني امسح عل شعرها وكامت
مريم... لعد راح تزوج وتعوفني
محمد... شنو تحجي شنو ازوج انتي زوجتي وحبيتي واذا اريد جهال منج بس ماريد من غيرج حببيبي
اخذتها بحضني وكتها اذا الحجي يظل بيناتنه وومحد يعرف بي ماشي حببيبي نيمتها بحظني وشفتها نامت رحت يم اهلي شافنتي سعاد ضايج
سعاد... شبيك خويه ليش ضايج
محمد... سعاد تعبت ليش هيج اني حظي شنو لي مسوي فهميني
سعاد... كول يالله خويه خير شكو احجيلي بعد اختك
حجيت ال سعاد لن اعرف هيه الوحيدة اذا حجيتبها ا تاح ونبهت عليها لنو ماتحجي الحد رجعت البيتي
وكلت نروخ اني ومريم نسافر نظل سبوع بتركيا نغير جو طبيت البيت لكيتهل محظرة العشا ومسويه اجوة رومانسيه
محمد... حببيبي احبج والله
مريم... اني هم ياعمري
محمد... كعدي حبيتي لني حجزت باجر راح نسافر ال تركيا اني وياج نغير جوة
مريم... بس حببيبي اني زينه مابيه شي
محمد لا حببيبي اني عندي شغل هناك وانتي هم تعالي هم ديربالج عليه ونتونس ها شكلتي
مريم براحتك حببيبي
ثاني يوم الصبح رحت بيت اهلي ودعتهم ودعت ابويه احس كلبي يوجعني من سلمت عليه واني اشوفه متغيري وصيت اخواني عليه انو يديرون بالهم عليه سافرنه التركيه اني ومريم حبيبتي حاولت كلشي اسوي حتى افرحها
مريم... حبيبي شوكت نرجع حببيبي
محمد... ليش شنو مليتي
مريم ... لاحبيبي بس هيج اسال
محمد... عكب باجر نرجع حبيبي .واحنا نسولف ونضحك وناسين الدنيا دك عليه تليفون.........

...............
الكاتيه
كمرايه 💜