رواية المراهقة (الرجل الغاضب) الفصل الخامس عشر 15 - بقلم نبأ التميمي

مرحبا الكل يكول البارت قصير من اطول البارت ماينشر عندي اكو مشكله وصار اكثر من مرة اكتب واريد انشرة ومايصير انشالله مااقصر الكتابه تعب مو مثل ماتقرين يمكن تخلص 5دقايق اذا نردون يوميه بارت بس راح يكون نفس قصير واذا تردون طويل راح يكون النشر بل اسبوع 3مرات كتبو بل تعليقات ☺
بارت 13

ام سمير...وينها هاي الفصلية
سعاد... مولي يالله عمتي جايه تعبانه تعالي كعدي هنا هسه تجي الفصلية وسلم عليج
طببت عمتي الغرفه  لن كلش جايه حاميه عل نبا

نبا سمعت صوت هاي المرة كلش خفت باوعت البنات
نبا... هاي منو الي اجه
ميس ... هاي تكون مرة عم الولد عمتهم
زهراء... بس شلون مرة كل ماتجي لازم سوي مشكله وتروح لو تسوي عركه ل بيت
نبا... هاااا
شويه واجت سعاد كالت تعالو سلمن عل عمتي اني ماقبلت بس الخاطر سعاد اجيت
نبا... سلام عليكم
ام سمير.... اهمممممم هي هاي الفصليه وجايه بكل عين صلفه
سعاد... يااا عمه مو انتي رتي شوفيها
ام سمير.... يايمه الله يرحمك سيوفي عمه وكامت تبججي
اشرتلي سعاد اكعد يمها كعدت واجه ابو سمير سلمت عليه بس من وراء خشمه رد الجواب رحت المطبخ بقيت اساعدهم صار الغدة  سوينه سفرة وحدة اني بقيت بل مطبخ استحي
سعاد.. يااا نبا تعالي شعندج كعتي
نبا... هااا ماريد مااشتهي
سعاد... عيب من عمي وعمتي تعالي يله كومي
كمت ويه سعاد كعدت بصف محمد وسعاد بصفي صرت بنص  هو ياكل ولا باله ومنو الكعد يمه بقيت اكل بس شويه لن الكل يباوعلي وام سمير كلساع ذب حجايه شكبرها بس محمد ولاجاوب باقي بس يطلع عصبيته بيه خلصنه الغدة وغسلت الماعين لكل بقه كاعد كعدت يم سعاد وهم بصفي محمد بس مامهتملي ولا عبالك موجودة اباوع البنات بيناتهن يحجن ويباوعن عليه شويه وكامن كمت وراهن اباوع شكلهن مال باجيات
نبا... شبيكم ليش هل دموع
زينب... هاا مابينه  شي  بس ميس عيونها دمعت
نبا... عل شنوو بس لني شفتكم باوعت عليه وبجيتن
ميس... اييي من شفت كعتي يم محمد كلش نقهرت متت قعر يعني فارق العمر بيناتكم حتى الله مايرضي بيها  حرام خفت عل سحر من شفتج تخيلت سحر وماكدرت اتحمل ونزلن دموعي
نبا... شسوي هاي قسمتي
اني هم بجيت ماتحملت بقن يواسن بيه رجعنه كعدنه يمهم
شويه وطلع محمد واخوانه وسعاد ومرت عمهم وراحو الكاظم يزورون همزين خلصنه منهم بقنه براحتنه كدرت انزع شالي وصار العشه وصار ليل ومااجوي ال12اجوي بس ماكو عمهم طبو كعدو شويه وجان تصير صياح بل مطبخ
حامد... اني شكتبج
زهراء... شنو شكلت
حامد... هاا نسيتي حقج اذا مكابله الفصليه وكاعدة شلون
زهراء... اي مصار شي هسه لي تريدة اسوي
حامد... هااا وجهال ليش الحد هسه كاعدة يله لنوم يله
محمد... حامددددد شنو هل صوت شو صاير يعله بل بيت هااا حامد...لعد ماتفهم شنو اكللها ماتفهم وو
محمد... حامددد اصعد نام ماريد اجاوز عليك وابكل كاعد
راح صعد حامد فوك اني هم صعدت لن كلش تعبت اليوم وباجر لازم اشوف الشغل لن ملش مقصر صعدت الغرفه
نبا بقيت مصدومه شلون محمد سكت حامد وصدك من كالن البنات بس يحون تصير مشكله
ميس... اليوم العركه ويه حامد وزهراء
زينب... همزين اني مابيه حيل اتعارك ههه
نبا... ههه اني توقعت اني لي اتعارك
ميس... صعدي فوك وهسه تتعاركين ههههه
الكل صعد فوك بقيت حايرة وين اروح صعد لكيته هسه يكفي الضوء يريد ينام ماهتملي بقيت افتر بل غرفه اروح واجي
محمد .. شبيج مثل البومه تفترين دخت
نبا... ليش تغلط
محمد... والله كيفي ونطمري تعبان
نبا... وين انام
محمد... براس الشارع  وين يعني نامي
نبا... ترة ماضحك
محمد... واني ماكتلج ضحكي
نبا... شايب وبي بله
محمد... شنو شحجيتي ترة اكوم واطيح حظج الشيايب موو بعدين اشوفج الشايب شيسوي
اخذت مخدة ونمت بل كاع بدون اي شي بس مخذة اريد انام ماكدر اتكلب ماكدرت صعدت يمه نمت بس كلش عل حافه شويه اوكع بس حطيت راسي بسرعه خفيت.....

محمد نمت وكعدت لكيت الفصليه نايمه يمي بس عل حافة باوعت اسغفر الله يعني هاي زوجتي والله حرام كمت طبيت سبحت وطلعت وهاي نايمه بقينت اسوي صوت وهم ماكو اهر شي عفتها وطلعت نزلت ليكت سعاد مسويه الريوك
سعاد.. صباح الخير
محمد.. صباح النور ليش ماكعتي الفصليه
سعاد... لاخويه خليها نايمه خطيه
محمد... هاس طيبتج تعم عليج
احمدد.. صباح الخير محمد ترة متاخرين باع بيش ساعه
حسن... اني جاهز بس بقه حامد
سعاد... اكعدو تريكووو وروحو
محمد.. حامد وينه راح نتاخر عل اجتماع
حامدد. منو الذكرني اجيت
احمد... هله بل صوته يطلع ويرزل ويتعارك كدام الكل
حامد... لعد شلون ابين رجال
احمد... بس يهيج تصرفات موحلوة اذا رجال صدك ماتسوي هيج مرتك وتفشلها كدام الكل شي تريد تحجي بل غرفه مو كدام الكل
حامد... الله كريم يله خلي نطلع كافي رزايل بعد محمد هم يرزل بطريق رزلوني هههه
محمد... يله امشووو سعاد كعدي الفصلية وخلي ترجع البيت
سعاد... خليها خويه يمنه
محمد... 😒😒مع السلامه

كعدت جسمي مرتاح اباوع الشايب ماكو كمت سبحت وعزلت الغرفه ونزلت ليكت الكل كاعد تريكت وياهم كلش حبيتهم ماتوقعت هل شي ابد
سعاد..  نبا محمد يكول خلي ترجع البيت
نبا... ليش ماريد ارجع اريد ابقه هنا
ميس... صدك شسوي ترجع خليها يمنه
سعاد.. محمد بعد حجه تردن تعاندنه اني مالي شغل ما عل رسول الى البالغ
نبا... ماشي راح اكوم اجهز نفسي كلش انقهرت من تصرفه لن شافني ضحكت وتونست يريد يخرب حياتي بدلت ونزلت ولكيت مصطفى ابن احمد هو يوصلني وصلني بس حباب كلش حجالي عن حياته ولمحلي عل البنيه لي يحبها وصلنه فتحلي الباب وراح بقيت افتر حرت شسوي عزلت البيت وصار الساعه2ونص كمت سويتلي نواشف  واخذتلي غفه وهم مامو باوعت تلفزيون هم ماكو احد كطت روحي ضجت اريد احد احجي ويه صار ليل ال10وهم ماكو يالله بقيت خايفه شويه واجه الشايب طبب سيارته بس شكله عصبي اول نافات
محمد... 😯😯تصدكين ناسيج هسه ذكرتج
نبا... 😐😐😐اسويلك عشه
محمد... لا ماريد
يعني من صدك ناسيها بيقت بل شغل كلش مشغول وناسيها
رجعت شفتها تفاجت ورجعت اذكرتها طبيت سبحت ورحت اكلب بجهازي مااحس ال الفصليه فوك راسي

نبا كلش ضجت من حجايته من ناسيني اوووي عل شنو عل اساس هو من حورة شلونه هو شايب شنتظر منه اوييي بقيت افتر اريد شي اسوي اجوي بالي اهلي قررت اروحله حتى احجي وياهم
نبا.. ممكن احجي وياك
محمد..  لا
نبا... اريد احجي ويه اهلي
مجمد.. ممنوع
نبا... ليش ممنوع مو ااهلي اريد اطمن عليهم
محمد... مابيهم شي لو احد مات جان وصلنه خبر
نبا... اسم الله ليش هيج تحجي هسه تخليني احجي لو لا
محمد... اني كلت لا يعني لا
نباكلش انقهرت رحت ابجي صار سبوع ماكو ماحاجيه وياهم بقيت ابجي ونمت عل بجي 

محمدكعدت الصبح لكيتها نايمه شو هاي بس نايمه شوكت تكعد خلي اكعدها باوع شلون اكعد ماريد المسها باوع شفت ايدها بل كاعد باوعت جان ادوس عليها
نبا... اخخخخخخخ شبيك
محمد... يله كومي اريد زقنبوب
نبا... اكو واحد 😢هيج يكعد
محمدد......يله كومييي.....