بارت34
نبا.... محمددد وينك حتركت محمد محمددد وينك
محمدجنت اسبح واسمع صوت نبا تصيح ماهتميت عبالي تغني سديت المي اريد ابدل ملابسي واسمعها دكول حتركت طلعت اركض شفت النار عل ايدها تخبلت رحت اركض
محمد... لا مو بل مي انتظر نبا لا مو مي
نبا.... محمد راح اموت ايدي اخخخخخخ ماما ايدي محمددددد ساعدني
محمدرحت اجبب بطانيه علمود اطفي ايدها جبت البطانيه وطغيت ايدها وحظنتها من وراء
محمد... اهدي ماكو شي خلص نبا نبا
بقيت اضرب عل وجها ماكو اغماء عليها باوعت اديها منظهر بخوف حطيت عل راسها شال وخذتها المستشفى طول الطريق احجي وياها واريدها بس تكعد اديها كل دم ومحتركه
محمد.... نبا سمعيني نبا اصحي هسه نوصل المستشفى
وصلنه المستشفى كبل الطوارى خابرت اخواني كتلهم تعالو بسرعه المستشفى نبا حتركت اجوي بسرعه
دكتور... منو ويه المريضه نبا
محمد... انييي اني زوجها دكتور
دكتور .... بشنو محتركه
محمد.. بل طباخ داسوي اكل وحتركت
اثناء مانحجي اني ودكتور اجوي اخواني وراهم اجتي الشرطه
سعاد... خير خويه شبيها نبا
محمد... حتركت
سعادبصياح... يمه يمه يمه بنتي راحت محمد شحركها
الظابط.... شنو لي يثبت هيه حتركت مو انت حاركها
محمد.بعصبيه..... انت شنو تحجي شلون احركها
دكتور .... رجاء مو وقت صياح الوقت مو من صالحنه المريضه حالتها كلش صعبه
محمد..... انشالله مابيها شي دكتور حالتها خطرة
دكتور.... مع الاسف اييي كلش نسبه 30بل100تعيش
محمدكعدت عل كرسي دخت نبا هم راح تروح من ايدي مستحيل اخليها تروح
احمد.... الله كريم محمد كول يالله خويه خابرت اهلها
محمد... اشرت براسي لا خابرهم انت
احمد... ماشي هسه اخابرهم
خابر احمد عل اهل نبا وجوي يركضون امها وابوها وعمامعا وعماتها وخلاتها دنيا نكلبت المستشفى بصياح ويبجون عل نبا
ابو نبا..... محمد احجي صار شبيها نبا ليش حتركت
محمد... داسوي اكل وحتركت و
عم نبا... وانت وين جنت عنها والله اذا انت وراها اموتك واشوف منو لي يطلع وراك اذا صار بيها شي
احمد... عل كيفك اخي ماكو شي ينحل بل صياح لو هو حاركها جان ماموجود هسه هنا دكتور يمها وهسه يطلع ونفهم شنو وضعها
ام نبا.... يمه سودة عليه من عمري عل عمرج دومج مشلوع كلبج يمه بعدج صغيرة وشفتي الويل
محمدبقيت دايخ حاير شنو اسوي صار دكتور بعد ماطالع بقه يمها واكفين كلنه برة وحاطين شاشه نشوف نبا داخل الغرفه بس ظلمه بعدين فتحو الشاشه كلها اجت يمها تباوع اباوع اني من بعدين ماكدر اقترب
ظابط.... سيد محمد
محمد... نعم
ظابط... نريد تجي ويانه البيت شنو موقع الحادث
محمد.... ماكدر اروح واعوف زوجتي راح يجي وياك واحد من اخواني حامد روح ويه
عم نبا... واني هم اروح
ظابط... ماشي يله نروح
راح الظابط وحامد وعم نبا بقيت صافن واذكر نبا ليش هيج صار بيها معقوله تموت والله اموت هل مرة من صدك واني بقيت اصيح عليها دومي متسرع
سعاد... محمد ايدك شبيها
محمد... هااا شبيها
من طفيت نبا حتركت ايدي شويه ماحسيت بيها
محمد... عوفيها مابيها شي
احمد... مايصير روح خلي يعالجوك موزين ظل هيج
محمداجتي الممرضه وسوت الحرك لي بيدي حرق بصيط وهيج صار بيه الله يساعد نبا اوووف اني السبب اني كل من عندي ليش هيج اصرف وياها وهيه تسوي كلشي حتى ترظيني واني اصدها 😔😔
سعاد... ها خويه شلونها ايدك
محمد.... زين سعاد الله يساعد نبا
سعاد... الله يساعدها
محمد... طلع الدكتور
سعاد... لا بعد ماطلع واهلها راح يتخبلون عليها
محمد... اني السبب كله مني
سعاد... شنو تججي لا احد يسمعك ليش كله منك
محمد... ابد مامحترمها ودائما احب اذيها ليش من جانت كبالي مامهتم الوجودها ومن راح تروح مني شتاقيتلها ماريد شي ياذيها
سعاد... تحبها
محمدد.... مادري اذا احبها او لا
سعاد... بس هيه تحبك
محمدبستغراب... شلوووون منو كلج هيه تحبني
سعاد... مرة كبتلي احب محمد بس هذا الحجي قديم
محمد... يعني تتصورين هسه ماتحبنني
سعاد...عل صار اخر فترة مااتوقع
محمد... الله كريم خلي نشوف صار وياها
طلعت وكفت يمهم شويه واجه ظابط وحامد وعم نبا بس يجبي عل صار بيها
ظابط... راح يظل التحقيق حد ماتصحه ونعرف لي صار
احمد... سيد الظابط انت رحت بنفسك وشفت بعد شنو تريد تتاكد منه
ظابط.... من تكعد الله كريم
راح الظابط وكلها عبالهم اني لي حاركها 😏 طلع الدكتور
ابو نبا.... بشر دكتور صار ويها احجي الله يخليك
دكتور....هسه يله صحت بس ايدها كلش متاذيه الوريد متذي كلش هسه راح نظفها والباقي عل الله
محمد...دكتور بعني مامو خطر عل حياتها
دكتور .... واللهي بعد بيد الله بس اني اكلك حالتها مو زينه وخايفين خاف تتلوث ايدها انشالله خير والحرق مو بس بيدها وبطنها هم شويه بس مو خطرة كلش
راح دكتور وكلها كامت تبجي وتصيح ولي يدعي نباوع من الشاشه شلون تتحرك تلوب تكدر تتحرك بس تلوب ماتكدر وتبجي
دكتور....كافي هل بجي ادعوها الله يكومها بل سلامه
ام نبا.... دكتور خلي ادخل اشوفها الله يخليك دكتور راح اموت اريد اشوف بنتي
دكتور... مايصير خاغ تتلوث ابدها وهسه راح ندخل نظف الحرق وانشالله خير
محمد دخل دكتور ينظف الحرق صار هدوء الكل ساكت وجان يبدي الصياح
نبا......اوووووووووووووووف ماماااااااااااا اخخخخخخخخخخخ باباااااا وينك لا دكتور لا ماااااامااااااااا راح اموت
محمدالكل عل صياح نبا كام يبجي اني هم ماصيطرت عل دموعي بجيت عل حجيها والصياح مالتها بس ماكالت اسمي بس امها وابوها 😔😔😔
نبا....مامااخخخخخ راح اموتتتتت محممممددددددد
محمد... سمعتها صاحت بااسمي كلش فرحت 😍
طلع دكتوروالكل راح يركض عليه
ابو نبا.... شبيها بنتي ليش هيج تصيح
دكتور.... شي طبيعي لن نظفنه الحرق
محمد... وشلونها هيه صحتها زينه
دكتور.... الله كريم الله يشافيها
راح دكتور واجه دكتور ثاني
دكتور.... اكلكم شي بنتكم اذا ظل هنا تموت طلعوها البيت احسن الكم والها امو واحد بل كرادة اسمه حجي سلمان هو يشافيها لن هنا ب المستشفى تتلوث وتموت
ابو نبا.... انت شنو تحجي دكتور يعرف حالتها شنوو
محمد... منا الباجر اذا ماصارت زينه اسفرها خارج العراق
دكتور... بكيفك بعد
راح دكتور والكل ظل يبجي رحت اباوع عل شاشه اريد اشوف نبا اووووف يانبا سامحيني والله ماجنت بالي انو حتركتي عبالي تغنين سامحيني نبا
سعاد... كوم خويه ارجع البيت غير ملابسك وارتاح وارجع
محمد... لا ماعندي شي اظل هنا مااعوفها
ابو نبا.... روح غير ملابسك وارتاح واحنه هنا لايظل بالك
محمد... ليش كلها دكلي غير ملابسك باوعت هاي شلابس اني بجامه سودة وتيشيرت ابيض مدمر دم ومحترك
رجعت البيت ورجعت سعاد وبقيت حامد يمهم
اول ماطبيت البيت اذكرتها دخلت المطبخ شفت الحريق بقيت صافن ليش هيج صار ليش دومي مشاكل مامرتاح بحياتي ابد اريد ارتاح تعبت والله اذكرت سوالفها وحجيها اوووف يانبا طلعت صورة مريم حبيبتي اووووف يامريم رحتي وراحت روحي وياج لو ميت ولا هيج عايفتني مريم حبيبتي اني وعدتج ماااحب عليج بس شسوي لو نوجودة وشوفين صار وياي اكيد ماتلوميني والله مو بيدي لي يصير وياي راح احاول احبها واكيد ماراح انساج سامحيني 😔💔
بعدها سبحت وغي ت ملابسي لبست كل اسود رحت البيت اهلي البنات يبجن عل نبا طمنتهم عليها وطلعت سعاد رادت تجي بس ماخليتها كتلها عل باجر تعالي
اول مادخلت ال المستشفى بعدهم اهلها موحودين محد رايح سمعت
عمت نبا.... شوفي ولا باله راح سبح وغير ملابسه ولا عبالك شي صاير والمسكينه راح تموت جوة
عمت نبا الثانيه.... شميته عطرة لي يشوفه عبالك رايح العرس ومحظر نفسه لبس اسود امد الزلم اي والله
محمد سمعتهم بس طنشت مالي واهس اسوي مشكله
ام نبا بهستريه .... اذا صار شي بنبا محد غيرك السببب دومها مشلوعه كلب من صغرها جانت يمي تضحك وسولف ولا بالها هل حرق الله لايوفقك ليش خليتها ترجع البيت مابقيتهايميي اوووف يمه نبا وينج بعد كلبي
محمدهم صدك لو مبقيها يم اهلها جان ماصار بيها شي
اجه دكتور كلها راحت يمه
دكتور... راح نظف الحرق مرة ثانيه
ابو نبا.... ماريد اسمع صوتها ماريد اسمعها تصيح باسمي ومااجيها
محمد ... عادي اطلعها باجر
دكتور... اخي افهمني المريضه حالتها كلش حرجه اذا تطلع توقع عل مسوليتك اني مااكلك هسه هيه زينه لا بل عكس حالتها ساعه عن ساعه تصير اسوء
محمد.... لعد شلون اذا ظل هنا رتح يتلوث الحرق
دكتور... خلي نظف هسه الحرق وبعدها الله كريم
الكل طلع برة والبيهم بقه كاعد اني طلعت ماكدرت اتحمل صياح الشويه صار هدوء وبدت نبا تصيح وتعيط ماكدرت ابجي دموعي وحدهن ينزلن كلها تبجي من صغير الجبير شويه واجه اخوها كال خلصو طبينه نركض طلع الدكتور بس وجها مايبشر بخير مدري هو هيج شكله
محمد... هااا دكتور بشر
دكتور.......
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!