سلام عليكم شلونكم حبايب انشالله بخير البارت اليوم هديه مني الكم لن هواي دخلون ويردون القصه تكمل وماكو تفاعل مايصير واهس اكمل ماتخسرون شي اذا ضغطتو عل نجمة وتعليقاتكم الحلوة اكيد واسفه عل الاخطاء الملائيه وانتو لا تفضحوني خلوها بيناتنه 😉 وشي ماتفتهمو تكدرون دخلون خاص ومن عيوني يله نكمل القصة
...........💜💜💜
بارت 36
محمد.... نبا بيها شي
عم نبا... لا مابيها شي هسه جان يمها دكتور كال زينه
محمدرتاحيت من كلي زينه رجعت راسي ليورة وحطيت ايدي عل راسي واذكر لي صار معقوله لي شفته جان حلم لا حقيقه بقيت اضرب عل ايدي اكرص بجسمي اريد اشوف شنو لي يصير وياي طلعت جهازي تصلت بحامد
محمد... الوووو حامد
حامد... هله محمد
محمد.... بيتنه وين صاير
حامدبصدمه بدون فهم.... شنو تحجي شبيك محمد بيك شي
محمدبعصبيه .... احجي الك بيتنه مو بل كرادة ......
حامد.... ايييي هذا بيتك و
محمدسديت جهاز بوجها حامد يارب دخيلك ماريد شي يصير بيها اموت ماكدر عل بعادها صار يومين عبالك سنتين اوووف يانبا شلعتي كلبي طلعت برة لكيتهم بعدهم كاعدين رحت سالت عن حالتها كالو زينه مستقرة باوعت عليها نايمه طلعت برة خارج المستشفى بقيت ادخن ركبت سيارتي وطلعت الكاظميه اريد ارتاح احس مخنوك الدنيا كلها ضدي وصلت الامام الكاظم (ع) اول مادخلت حسيت برودة وخشوع دموعي وحدهن ننزلن رحت لزمت الشباك جان فارغ الساعه 6ونص الصبح خلصت زيارة وكفت مقابيل الامام موسى بن جعفر (ع)
محمد... دخيلك سيدي ومواليه اريد تشافي نبا وترجع مثل قبل واحسن تعبت والدنيا كلها عليه مامقسوملي افرح ابد دخيلك ياابوالرضا اذا نبا رجعت زينه نذر عليه اخذها ايران والبيت الله بل سعودية بس ترجع عل حيلها ومابيها شي يمكن حبيتها ليش من حسيت بيها تريد تروح من عبالك طفل ومضيع امه صحيح اخذتها فصليه واذيتها اعترف بهذا الشي بس من راح تروح من ايدي حسبت شنو فراقها الفراق صعب اريد نبا ماازعلها ابد بس نبا ترجعلي كلشي ماريد دخيلك ياابوالجوادين رايد حاجتي منك اريد مرادي بل ايد ارجع وكون مابيها شي خلصت الزيارة وطلعت وخطري مكسور ليش مامكتوبلي افرح من صغري والمشاكل فوك راسي كل مااحاول احل شي يخرب من اول وجديد يارب دخيلك والله تعبت راح يصير عمري 40سنه وكلشي مامفتهم من حياتي 😔
رجعت المستشفى الناس رايحين مو كلش هواي سالت عليها كالو زينه نظفو الحرق
محمد... هم تاذت كامت تصيح
بابابقهر .... اييي هل مرة اكثر كامت تبجي حتى العالم كامت تبجي عل حالها
محمد.... اووووف منين اجتنه هاي السالفه
بابا.... جانت المدلل مالتي ماتاكل اذا اني مو يمها اني امشط شعرها جانت تريد تكصه امها ماتخليها اني بدون محد يعرف اكصه الها شويه وجانت كل شويه تجي دكلي حلكي كدوته (شكدوته او صغير)
محمداباوع عل ابوها شلون يحجي عل سوالفها ويبجي دمعت ويه عيوني
بابا.... محمد لاتاذي بنتي يكفي لي صاير بيها اذا ماتريدها بعد ابوها واهل يردوها ترى اغلى من روحي لاتعذلها وياك انت جبير عليها وتفكيرك غير تفكيرها مدام بعدكم بل بدايه خلي كلمن يروح بطريقه احسن الك والها
محمد كلش ضجت ليش هيج حجه اني اريد نبا
محمد.... ابو علي صحيح من البدايه جنت رافضها وماريدها بس هسه لا نبا زوجتي وام بيتي مااعوفها اخر يوم بعمري خلي دكوم بل سلامه والله كريم يصير خير
محمد بقيت افتر بل ممرات اكو بنيه بس تباوع عليه اني مالي خلك طالعه روحي عل نبا وهاي تتموع يمي جنت واكف منتجي عل حايط احت وكفت يمي
زينه... مرحبا
محمد... اهلا تفضلي
زينه ... اني اسمي زينه اريد منك مساعدة فدوة
محمد... تفضلي اذا شي كدر عليه ليش لا
احجي وياها ومدنك راسي
زينه... امي باجر عمليتها ولازم تحتاج دم ومالكيت غيرك ممكن تساعدني
محمد... تدللين من عيوني سهله
زينه... صدك الله يبشرك بل خير
محمدبقيت هاي بس تضحك وتسولف عرفتها مو راحه جانت شايله كلينس انطتني هيه اخذته منها وعفتها ورحت ماهتميت الوجودها رحت تلاكاني الدكتور
دكتور... شلونك سيد محمد
محمد... هله دكتور بشر
دكتور... حالتها مستقرة تكدر طلعها وياك وديرون بالكم عليها
محمدبفرحه... صدك ددكتور نبا راح تطلع
دكتور... اييي لن اذا ظل هنا راح يخرب كل شي سوينا
محمدفرحت كلش من كال راح تطلع حظنت ابوها كمت ابجي
محمد.... راح اخابر يحظرون البيت ال نبا
بابا... شنو تحجي نبا تجي يمي
محمد... ابو علي نبا ترجع البيت وانتو تعالو يمها
بابا... لا مستحيل تجي وياي حد ماتصير زينه بذاك الوقت الله كريم
محمدطلعت روحي من حجه ابوها هيج خليتهم عل راحتهم رحت اني وعم نبا يعلمنه دكتور شنو علاجها حتى نستمر عليه
نباجنت نايمه وكلش تعبانه واحس نفسي راح اموت عل اي لحظه اخاف اغمض عيوني خاف مااكعد بعد وصلت الموت وماعرف اذا راح ارجع بقيت الوب مثل السمجه ايدي موتتني اباوع عليها ماكدر اذا اابجي شلون جانت ايدي تخبل واضافيري اصعب الم من ينظفو الحرق احس روحي تطلع وترجع من الالم يدخلون ايدي بشمع ماع ف شنوووينظفو الحرق روحي تطلع حد مااخلص اوووف
ممرضه... هله والله يله عيني راح طلعين
نبا... وين اطلع
ممرضه .... البيت
نبابفرحه... صدك تحجين
ساعدتني الممرضه وطلعت باب الغرفه كلها موجودة اجت سلمت عليه اباوع محمد واكف وحاط ايدة لي وراء بتسملي
بابا... يله خلي نطلع بسرعه قبل لا يجي دكتور ويغير رائيه
نبا... هههه يله لعد
طلعت ويه اهلي صعدت بسيارة بابا اباوع اريد اشوف محمد ماكو اختفه يالله وين راح معقوله عافني وراح صعدت بل سيارة سالت ماما
نبا... ماما وين رايحين
ماما.... البيتنه يمه ماكدر اعوفج وحدج
نباهمممم ييي اجاني وجع بيدي ماحجيت علمودلا يرجعوني المستشفى وصلنه البيت ولكيت جايبن مزيقه والجكليت الي تنشمر عليه كلش فرحت بوحودهم يمي بس ناقصني الشايب مالتي وينه يسلمون عليه وعيوني دور عليه درت وجهي عل يسرا وشفته نزل من السيارة لبس كله اسود ومناظرة فرحت من شفته
محمد... اسفه تاخرت شويه جان زدحام
بستها من راسها
نباتفاجائت من تصرفه معقوله هذا محمد لو كاعد يمثل
دخلت البيت نمت عل سرير وكل شويه جاي واحد مسلم عليه الوجع كام يزيد اكثر ماكدرت بعد لازم احجي خاف يصير شي علمود يلحكوني قبل فوات الوان
نبا.... ماما وينج بعد ماكدر
ماما... شبيج يمه احجي
نبأ... ماما ايدي مااااكدررررر
بقيت ابجي واصيح ماكدر ايدي اجه باباومحمد عمامي كله فوك راسي
محمدكاعدين بيت اهل نبا ردت اروح البيت بس ماقبلو ال اتغدة يمهم كاعدين نسولف نسمع نبا تصيح طلعنه نركض
بابا.... شبيج باباتي تحملي هنا احسن الج
نبا....بابا راح اموت ماكدر احد يحس بيه تعبت والله كافي
محمد... شنو لي يوجعج انسي الوجع
نبا.... اييي مو محد حاس بلوجع الي بيه هيج تحجون باببااااا بعد ماكدر تعبت ايدي موتتني اووووووف كافي
الكل كام يبجي ويصبرون بيه اسكت بس محد حاس بللم والله لا يراوي ال احد
محمد... حسن دكتور مو كال نظف الحرق اليوم
حسن عم نبا.... وهسه خاف موزين لن هناك هم نظغو
محمد... ميخالف خلي ترتاح هسه
طلعنه المواد وشغلات لي علمنه عليها دكتور نسويها بدينه نحظر ونبا بعدها زيد بل بجي وكلنه واكفين مانعرف شنو نسوي
حسن... يله عمووو
نبابخوف ..... يله شنو
حسن.... نظف الحرق علمود تصيرين زينه
نبابتعب وقهر وحرقت كلب .....ماريد اموت والله اموت بس تنظفو االحرق عمووو حباب ماريد
حاولت هواي امنعهم بس ماكو فايدة محمد هم فوك راسي اباوع عليه ودموعه بين عيونه بس يكابر كدامي بدة الالم عندي يزيد فتحو ايدي زبد عمي ينظف بل حرق
نبا..... اوووف كافيييييي تعبت عموووو كافي اخخخخخخخخخخ ماماااااا عل كيفك عمووو محمد حباب محمد
اسمع اهلي كلها تبجي برة وماما تصيح وتدعي
نبا.... اووووووووووووووووووف كافي كافي
كمت اشيل روحي واركعها بل سرير بعد ماكدر
محمدشفت نبا شلون تصيح وتبجي ماكدر اتحمل عفت عمها يمكل وطلعت بل شارع حطيت ايدي عل وجهي وبجيت من كل كلبي عليها اول مرة ابجي هيج اني وكاعد اجه علي اخوها اول مرة اشوفه يجي يمي ويحجي
علي.... اني السبب لي صار بيها كل هذا
محمد... ليش
علي... لن بسبي اجت يمك فصليه اني السبب اذا صار شي وياها مااسامح نفسي طول عمري اني لي دمرت حياتها
محمد... بل عكس حياتها راح تبتدي وياي لازم
علي... بس انت دائما تاذيها اذا ماتريدها عوفها خلي ترجع يمنه
محمدشبيهم كلهم متفقين عل هل حجي ..... مستحيل اعوفها
احنه ونسولف اجه ولد كالو خلصو نبا هدت صار زينه دخلت حوة لكيتها كاعدة ويمها نسوان عفتهن ورحت يم الزلم
حسن... اشو عفتني ورحت
محمد... ماكدرت اتحمل
حسن... اني هم ماكدرت بس شسوي
محمدتغدينه والعصر اجوي اهلي كلهم نسوان اخويه وجهال كلها بقيت مصدوم هاي جابهم ذوله دخلت وياهم سلمو عل نبا بس نبا ماتباوع بوجهي شبيها
نبابعد مانظفو الحرق ارتاحيت شويه كدرت احجي واسوالف اجنه البنات يمي يتحمدولي بل سلامه
نبا... يعني محمد ماراح وعافني
سارة.... لا راح البيت ولا باله غير ملابسه واجه حاط عطر سابع جار يشتمه
نبا... ايي هو هيج العطر مالته كلهن هيج
سارة... باع هاي عبالهم علمودها علمود الموجودين
نبا... منو الموجودات
سارة... بعدين نبا خلي اساعد ماما
نباراحت سارة من يمي بقه الشك براسي شنو جان يسوي اكيد ماميت عليه يبقه يمي لازم شافله وحدة بقيت انتظر سارة يمي تجي تكمل العالم طابه طالعه عليه
عمتي... والله طلع رجلج يحبج ولا عافج دقيقه وكف عل شاشه وما راح
نبا... صدوك
عمتي الثاني... لعد دكولين بس مشاكل وعرك
نبا... هو هذا الصدك يجوز كسرت خاطرة
سارة... كافي يله نبا ارتاحي شويه
نبا... تعالي كملي صار محمد شبي
سارة... باعي راح احجي بس مامتاكدة من حجي
نبا... احجي يمعودة وخلصينه
سارة... من جنه بل مستشفى هو الرجال ظل موجود ولا راح بس يبجي ومقهور عليج هذا الصدك اكو نسوان ثنين يمنه عدهم مريض وحدة منهن ذبحت روحها عل محمد وين مايروح تروح وراء شفته واكف وياها يحجي وهيه تضحك من وطلع جهزة مادري سوة بي رجعت حجت لي وياها وكلتلها كلشي تمام قبل ويضحكن ودكللها كون يروح يغير ملابسه خطيه تعبان هو صدك راح غير ملابسه واجه وحدة دكول الثاني اليه واليه اني ردت اروح ارزلهن بس ماحبيت اسوي مشكله
نبا... اييي وبعد
سارة... وبس والله موقصدي اضوجج بس
نبا... لا عادي اول وتالي راح اعرف انتي ظاضمين شي مامعقوله خايف عليه هو علمود البنات موجود زين شنو لبس من اجه كلشي ولا دشداشه السودة
سارة... لا ياريت لبس كله اسود ومناظر وسبحته بيدة ويمشي بل ممر كلش حلوة شخصيته ماشوفيهن تعجبن بيهن
بعدين اجيج
نبا...اوك
نباخرب حظي هو من يلبس كله اسود يطلع يخبل نوب اكو بنات ماشي يامحمد انت لي ردت هيج يصير بقيت بس ابجي ولي يسالني اكله ايدي توجعني تعبت واني العبالي مقهور عليه طلع علمود البنات العصر اجوي عيالي كلهم حبيت طبتهم عليه محمد ماباوعت بوجها ابد
رادو يطلعون محمد هم طلع وياهم ورجع كعد يمي الكل كام ظلينه بس اني ويه كلش ضايجه من تصرفه يعني اني حالتي خطرو هو يضحك ويسولف وياخذ ارقام من بنات ماشي انتي لي ردت هيج
محمدبقيت بس اني وياها بل غرفه فكرت هواي علمود اكللها احبج واريدج اليه زوجه مو فصليه وخدامه كلش جنت خايف من ردت فعلها
محمد.... شلون صرتي
نبا... امممن زينه
محمد... شبيج نبا صاير شي
نبا... لا ماكو شي سلامتك
بقينه ساكتين شويه وحجه
محمد... اريد اكلج شي مهم
نبااحجي اني وابجي ... اييي احجي شنو تريد تحجي تريد تشمت بيه رتاحيت هسه من حتركت راح اموت وانت اخذ راحتك وسوي لي يعجبك انت ماميت عليه لا تريد بس علمود العالم لا يححون عليك عبالك مااعرفك اني و
محمد... احبج نبا
نبا... اييي واذا شنو يعني 😳شنووو
محمد.... اييي احبج
نبا... بس اني........
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!