بارت 27
نبا....محمد😳😳
بقيت من الدرج اسمع يحجي ويه بابا
محمد.... اني لو مامتاكد منها مااسوي بيها هيح حرمات التعب بيها وبعد ماريدها واني اول وتالي مرجعها حتى لو ماصاير هذا الموضوع
نبا...😳معقوولة هيج تخله عني بهاي السهولة
بابا ... زين شلون تاكدت بنتي مربيها احسن تربية وماتمد ايدها اذا ماتريدها طلكها وعوفها
محمد....ههه اوك لاتصدك بس راح اكلك شغله طلاك مااطلك وخليها يمك هيج معلكه
بابا بعصبية.... انت شنو تحجي بنات الناس مو لعبة وطلكها ورجلك فوك راسك
محمد... اني اكدر هسه اسجنها بتهمه السرقه و
بابا... واني اشتكي عليك لن ضاربهل وجسمها كل مشوها
محمد... هههه شوف ابو علي شنو لي يطلع بيدك سوي لي عندي كتله ونبا مااطلكها لو تموت مو اني بنيه بكد بنتي تلعب عليه اخليها تجي تبوس الايد يله اطلكها
نباسمعته هو وبابا يصيحون نزلت صارت ماما بوجهي وتبجي دخلت عليهم
نبا... بس اني ماريدك اريدك طلكني
محمد... اششش ولا كلمه انتي كلشي انتهاء
نبا... شتريد مني دااكلك ماريدك شوف سويت بيه حرام عليك والله كافي محمد عوفني
محمد... اني طالع وشوفي شنو تردين تسوين سوي
نبا.... محمد لاتسوي هيج والله مااخذت الفلوس والله
محمد.... لعد منو اخذها لج انتي فضحتيني بين اهلي اخويه ماكدر ارفع عيني بوجها عل لي سويتي
نبا.... محمد صدكني مو اني
محمد... وليش اصدكج واجب عيوني لي شف التصوير كدامي والكل جان موجود يايوم اني حرمت من عندج فلوس لو شي رتي وماجبته الج لو جاية وكايلتلي مو جان نطينج ليش مديتي ايدي فهميني راح اتخبل والله
نبابكاءوعصبيع .... والله مواني محمد والله لاتسوي هيج بيه واني هم ماريد ابقه يمك تعبت ماريدك روح الله لايوفقك دنيا واخرة وتطلع حوبتي بيك وكلمن ظلمني 😭😭 بقيت ابجي
محمدعفتها وطلعت توجهت البيت انطيت ال حسن الفلوس طالعه روحي لليل ورحت البيتي مخنوك ومقهور ليش هيج سوت لو ماشايفه عيوني جان ممكن اصدك لعد وين ودتهم خلص محند انتي ونبا مامترهمين كلمن بطريقه
محمد... الووو دينا
دينا... نعم استاذ
محمد... اسف عل ازعاج باجر حجزيلي سفرة ال تركيا
دينا... اوك استاذ
محمدقررت اسافر التركيا علمود مااواجها عمي خاف يعرف هو يريد حجه نمت وتوجهت الصبح الشركه وبعدها رجعت لميت غراضي ودعت اخواني وكتلهم
محمد... مو معناتها اني مسافر يعني تكدرون تحجون ويه نبا اني حلفت لي اسمعه حاجي وياها والله ماخلي يطلع عليه نهار
سعاد... خوية لي تريدة يجرالك بس وين رايح خليك يمنه
محمد... اريد اسافر ماريد اظل اذا ابقه ابوها يريد اطلك
احمد... وماطلك شتسوي بيها
محمد... خلي مو هسة اطلكها
سعاد... بس خويه نبا يمنه ظلت 6اشهر ماشفنه عليها شي و
محمد... سعاد رحمه المحمد سكتي مالي خلك
احمد... بس مايصير ظل هيج معلكه لاهيه مطلكه ولت هيه راجعه الك عندك شي تريد تسوي احجي لاتوكع نفسك مشاكل
سعاد... خويه عوفها اذا ماتريدها لاتسوي شي واللة اموت اذا صار بيك شي هيه مو من ثوبنه وختلاف العمر بينكم وكلشي مختلف بيناتكم عوفها
حامد... محمد مفتاحك وين مال بيت خاف تسافر ويصير شي
محمد... هاااا ايي ذكرتني هذا المفتاح احمد خلي يمك
حامد....خلي يمي
محمد... ايي خلي يم حامد يله اني اترخص راح اتاخر سلمت عل اخواتي وطلعت المطار بغداد دايخ وكارها الدنيا كلها ساعه وتوجها الطيارة وصلت التركيا وطلبت من وائل يرجع يكمل الشغل بل عراق زاني اكمل هنا بديت حياتي من جديد ولا كانو صاير شي اخاير اهلي اطمن عليهم بس مافد يوم حجيت ويه نبا ظليت شهرين اني بتركيا عايش حياتي طبيعية مابيها اي ازعاج .....
نبابعد ماراح محمد بقيت الطم عل وجها حد ماتخربطت اخذني بابا المستشفى
نبا... اني وين
ماما... سلامتج حبيبتي تخربطتي وجبناج هناء شلون صرتي
نبا... زينه شوكت نطلع
ماما... هسه بس يجي ابوج ونطلع
نبااجه بابا وسوة اجرائت الخروج صعدت بل سيارة ونتجيت عل كرسي ودموعي عل خدي وصلن البيت كبل صعدت فوك جابتلي ماما شوربه شويه صحيت اجتني سارة
سارة... ليش هيج سوين بنفسج مو ماتردي انتي مايستاهل والله
نبا... اييي ماربدة بس تعبت اريد اخلص منه حتى طلاك مايقبل يطلك
سارة... مو بكيفه بابا كال ناخذ الشيخ العشيرة ويرحون ال اهله ويطلكون
نباماتحملت كمت ابجي ماريد اطلك اني احبة ماريد اعوفه ليش حبيته ليش
سارة... نبا انتي حبيتي مووو
نبابكاء.... اييي حبيته حبيته مادري ليش سلمته كلبي بس شفتي شلون جازاني يطلعون حراميه والله حاولت مااحبة وحاولت مااتواجت ويا بس ماكدرت كل يوم حبة يزيد اكثر واكثر اريد انسى ماريد افكر بي
سارة... صدكيني مايستاهل من اقل شي عافج وراح لاتهتمين ابد الف واحد يتمناج كافي ياعمري كافي
نبابقيت اسولف ويه سارة شوية ونمت كعدت الصبح جسمي كل يوجعني ماكدر كلشي اسوي جبت جهازي اكلب بي لكيت البنات مطلعاتني من الكروب ومنطيني حظر عرفت هو وراء هذا الشي كلبت بل فيس دخلت صفحته شفت صورة لا ارادية دموعي نزلن وكعدت اعاتبه
نبا.... ليش هيج سويت بيه محمد لن حبيتك هيج تسوي محمد والله احبك وماريد تعوفني ارجع والله قابله ارجع وياك بس لاتعوفني وحدي والله ماكد بدونك محمد مشتاقه الصوتك الحجيك حتى العصبيتك
بعدها مسحت دموعي ونزلت رحت البيت جدي كلها عرفت الي صار بيه البيهم كالخطية ولي حجه عليه ماهتميت مرة سبوع وماكو اي خبر بابا ساكت ماجايب طاري وكلها تتعامل وياي بحذر ويخافون عليه الليل سارة نايمه كلبت بجهازي شفت سحر مامسويه حظر فكرت ادك عليها دكيت
سحر.... الووو
نبا... الووو هلو سحر شلونج
سحر.... زينه الحمدالله انتي شلونج
نبا... زينه عل الله مالكو الفلوس
سحر... لا حتى اني مامصدكه انتي ماخذتهن
نبا... لعد ليش ماحجيتي
سحر... شلون احجي وادخل وانتي كله التهمه متلبسعده عليك واكو دليل واءا عمي عصبي ماكدر احجي وانتي تعرفين عمي شنو من عصبي
نبا... اييي اعرفه زين هو شكال بعد
سحر... عمي مو هناء سافر التركيا صار سبوع
نبا بصدمه... سافر
سحر... اييي خلي يرتاح ترى مايقبل نحجي وياج والكل انطاج حظر بس اني نسيت وماكدر احجي وياج بعد لن اخاف يعرف ويموتني
نبا... ماشي براحتج
سحر... باي
نباسديت الجهاز وفرفحت من البجي يعني اني ناسيني وهو رايح يتونس بتركيا اني صوجي حبيته اكرهك محمد اكرهك ماريدك بعد بقيت ابجي الحد الصبح كعدت عيوني مورمه نزلت
ماما... شو بعدج مابدله يله راح نتاخر
نبا... مالي خلك روحو انتو
ماما... يااا لج كلها جهزت نفسها بقيتي بس انتي واحنه هاي الزيارة سويناها علمودج يله يمه حبيبتي كومي
نبا.... ماشي صعدت فوك لبس عباية عل راس لن راح نروح الكربلاء نزور احنه وبيت حدي اخذنه كوستر ورحنه خلصت ونزلت صعدت بل سيارة بقيت اباوع من الجام مال سيارة حطيت السماعت بذني وطلعت اغنية حاتم العراقي دكول
عافني ... عافني
بعد هل صبر لي صبرته
بعد هل التعب لي تعبته
صرت مااعجب حظرته عافني
بعد هليل الي سهرته
بعد هل ضيم الي حملته عافني
كلي كلشي انتهاء بوكته وعافني
جنت احبة جنت اربدة
نطيته كلشي لي يريدة
وكالي فرصة سعيدة وعافني
باعني شفتو لي بروحي فديته
هدم كل لي بنيته لي بل غالي شتريته باعني
تعب عمري ضاع مني
طلع اصلن مايحبني
ورقه وصط النار ذبني وباعني
كل منك ياحساسي
يل جبتني البشر قاسي
جنت اكله تاج راسي باعني
لو مجذب جان حبني
لن ماخنته تركني وباعني
نبا اووووف يامحمد تعبتني لازم اعيش حياتي مثل ماانت عايش حياتك وصلنه الكربلاء كعدنه شويه ورحت ازور توجهت الامام الحسين (ع) وكفت مقابيله
نبا... دخيلك ياابا عبدالله مثل مادخل كلبي خلي يطلع منه تعبت ماريدة وداعت ستر زينب مااخذا الفلوس اني ماريدة اريد اخلص منه تعبت من عندة ومن مشاكله اريد ارتاح من اخذته الحد هسه مامرتاحة ويه بقيت ابجي بعدها صليت ورحت ال ابوفاضل هم طلبت اخلص منه وماريد اشوفه بعد صدك الواحد يرتاح من يشكي همومه بقيت اسولف واضحك ولا عبالك صاير شي بعدها رجعنه البيت ماهتميت بقت اضحك ويه البنات مرت الايام تركض ركض وصار شهرين محد خابر لا محمد ولا احد من اهله ماكمت افكر بي هواي لن هو مامهتم ليش اهتم بي وافكر بي حتى صفحته ماادخل عليها هواي صحيح احبة بس مو مثل حبي ال من البدايه ....
محمد جنت كاعد عل بحر اشتم هواء دك جهازي
محمد.... الوووو هله مصطفى
مصطفى... عمي الحك ابويه
محمد... لك احجي شبي ابوك
مصطفى... عمي ابويه صار بي جلطه وهسه اخذنه المستشفى تعال ارجع تبهذلنه بغيابك
محمد... روح هسه وشوف شلون حالت ابوك واني اول طيارة البغداد جاي وخابرني باي شي يصير
نروح ال بيت اهل محمد
احمد.....سعاد محمد ماكلج سوة عل سالفت نبا ماصير هيج
سعاد... كل ماافتح الموضوع ويه مايجاوب ويصير عصبي
احمد .... وشلون يعني يظلون هيج
سعاد... الله كريم هم الله يساعدة لي صار مو شويه سودة عليه دومه المشاكل وراء
احمد... اييي والله من يوم توفه ابويه حتى احنه مقصرين ويه كل عليه الشغل شنو بعدج سهرانه
سعاد.. لا راح ارروح انام تصبح عل خير
احمد... تلاكين الخير
كمت اتمشه بل بيت شفت الشارع مفتوح الباب طلعت اريد اسدةسمعت صوت واحد يحجي تقربت اكثر وعرفت الصوت وكف عقلي معقوله.......
اذا اكو تفاعل انزل بارت بالليل ☺💙
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!