ياسمين اطلبلي بجا شاي زرد في كوبايه كبيره.
سيف: يا حبيبتي احنا في فندق وجايين نقضي شهر العسل، لو مش واخده بالك يعني.
ياسمين وفمها مملوء بالطعام: وانا عملت ايه لشهر العسل كمان، بلاش اطفح اللجمه.
سيف: انا عارف اني مش هاخد معاكي حق ولا باطل، كلي يا اختي كلي.
ياسمين: يا عيني عليك يا سيف وعلي الجوازه الزفت ديه.
سيف: بطلي صداع خليني اعرف اتنفس، ريحه البصل خنقتني.
ياسمين:( بغضب) طيب.
ليتركها سيف ويخرج من الغرفه ليحتسي فنجانًا من القهوه.
سيف: اطلع اشوف المجنونه ديه، اكيد خلصت اكل، منك لله يا ياسمين، هو ده شهر العسل، خليتيه شهر بصل.
ليصعد سيف الي جناحه ليجد ياسمين تغط في نومٍ عميق، فينظر اليها بغضب.
سيف: طبعا عندك حق تنامي، ما انتي واكله فدانين بصل، اعمل ايه انا بقا، انا عريس.
ليقترب منها محاولا ايقاظها.
سيف: عروستي اصحي يا قلبي.
ياسمين بنعاس: انا مالي، هي البجره ماتت وحديها؟
سيف: بقره ايه؟ اصحي يا بنتي.
ياسمين بنعاس: اطلعي برا يا اما، عاوزه انام.
سيف: انا سيف جوزك.
لتضربه ياسمين بالمخده ثم تضع الغطاء علي وجهها.
سيف: الله، حلو اوي كده، يعني كده مش هتصحي؟ طب والله لاروح ارخم علي اخوكي، مش هو يتهني ويفرح وانا اقعد اشم في بصل.
ليخرج سيف من جناحه قاصدًا جناح ياسين، ويطرق الباب طرقًا شديدًا.
ياسين: ايه ده؟ في ايه؟ القيامة قامت ولا ايه؟ طيب جاي.
ورده: ديه تلاقيها ياسمين.
ليفتح ياسين الباب وهو يتحدث.
ياسين: لا يا شيخه، ياسمين متهنيه مع عريسها واكيد مش هتسيبه وتاجي لنا.
ليجد سيف امامه.
ياسين: خير؟ في ايه وسايب عروستك ليه؟
سيف بغضب: اختك…فطرت فول وبصل اخضر ونامت وسابتني!
ليضحك ياسين.
ياسين: يا عيني عليك.
سيف: لا، ما انا مقولتلكش، انا قاعد هنا على قلبك لما اختك تصحى.
ياسين: وانا مالي؟
سيف: وانا كمان مالي!
ياسين: خلي عندك دم، انا عريس.
سيف: وهو انا يعني مش عريس؟
لتخرج عليهم ورده.
ورده: خير، في ايه؟
ياسين: معلش يا ورده، عاوزك تروحي الجناح عند ياسمين تشوفيها مالها.
ورده: حاضر، عن اذنكم.
لتذهب ورده إلى جناح ياسمين، فتدخل لتجد غرفة النوم مليانه ورق بصل وريحتها بصل وفول وفلفل.
ورده: الله يخربيتك، ايه اللي عاملاه في الاوضه ده؟
لتجلس بجانبها وتحاول إيقاظها.
ورده: بت يا ياسمين، قومي الله يحرجك، جوزك هيطفش منك.
ولا رد.
ورده: طب والله لأفوقك بطريقتي.
لتملأ فمها ماء وتبخه في وجه ياسمين.
ياسمين: ايه في ايه؟ وايه اللي جابك هنا يا زفته انتي؟
ورده: بذمتك ديه عمايل تتعمل؟ انتي ايه متستريش ابدا.
ياسمين: وانا عملت ايه؟
ورده: ده منظر اوضة عروسه؟ ولا جوزك اللي هيطفش من وشك.
ياسمين ببلاهه: كل ده عشان كلت مدمس وبصل اخضر؟
ورده: اسمعي يا بت، قومي نضفي الاوضه وغيري هدومك واستحمي والبسي حاجه حلوه لعريسك، احسن والله العظيم اتصل على خالتي وجوز خالتي ييجوا يعرفوكي مقامك.
ياسمين: خلاص، تعالي نضف معايا، وبعد كده غوري عند جوزك.
ورده: امري لله.
وبعد نصف ساعه انتهوا من توضيب الغرفه.
ياسمين: يلا غوري، وبعد نص ساعه خلي سيف ييجي. كفايه كده، انا مستحمله نفسي بالعافيه.
لتغادر ورده.
ورده: الله يكون في عونك يا سيف ويصبرك على ما بلاك.
بعد نصف ساعه يذهب سيف إلى جناحه، ليدخل فيجد ياسمين في منتهى الجمال وترتدي ملابس جميله.
سيف بانبهار: هو ده جناحنا ولا انا دخلت جناح غلط؟
ياسمين بدلال: لا، ده جناحك يا زوجي العزيز، وانا مراتك حبيبتك.
سيف: والله ما مصدق نفسي، انتي بجد ولا مقلب؟
ياسمين: لا والله مافيش مجالب.
سيف: يا بركة دعاكي يا بوسي.
ياسمين: انته هتفضل واقف كده؟ متاجي جاري.
سيف: جاي طبعا.انتي طبيعيه؟
ياسمين: اه يا حبيبي.
سيف: يعني مش مقلب؟
ياسمين: وحياتك انته، أبدا.
سيف: مع إني مش مطمّنلك، لكن تمام.
ياسمين: تعالي بس يا راجل.
ليقترب سيف منها أكثر.
ياسمين: اهو، مافيش مجالب ولا حاجه.
ونتركهم ونذهب إلى الصعيد، كانت نجلاء تطعم أطفالها ليستيقظ عواد.
نجلاء: دجيجه وأحضّرلك الفطور.
عواد: له، خليكي.
نجلاء: مش هتاكل لجمه؟
عواد: له، أنا شبعان الحمدلله، وكمان هروح أشوف الأرض بجالي كتير مروحتش شوفتها.
نجلاء: طاب في وكل معين تحب أعمله ليك لما تاجي بالسلامه؟
عواد: أي حاجه إنشاءالله، عيش وجبن.
لتنظر له نجلاء باستغراب: سبحان مغير الأحوال، أمال البط والوز واللحم مين هياكلهم؟
عواد: هاكل، بس بالمعجول عشان صحتي، وعشان أخس كمان وأشرّفك جدام ناسك.
نجلاء: والله انته شرفتني ورفعت راسي، انته وحماتي باللي عملتوه في فرح عيال عماتي
عواد: الله يكرمك يا أصيله. أروح أنا بجا.
نجلاء: ربنا يكتبلك في كل خطوه سلامه.
عواد: عوزاش حاجه أجيبهالك؟
نجلاء: كتر خيرك، عندينا كل حاجه الحمدلله.
عواد: طاب اعملي حسابك بكره تعزمي ناسك كلهم على الغدا وتعملي وكل يشرّف كده.
نجلاء: بتتكلم جد؟
عواد: اه والله، أنا هفوت على بيت ناسك، وبعد كده أعدي على عماتك، وانتي بردك ابجي أكدي عليهم في التلافون.
نجلاء: حاضر، إن شاء الله تعيش.
أما عزيزه فكانت تتقلب في فراشها.
شحته: نفسي أعرف مالك، متجومي شوفي وراكي ايه؟
عزيزه: لما أطمن على بتي.
شحته: وبعدين معاكي، بتك اتجوزت وبتجضي شهر العسل مع عريسها، كل شويه أقولك كده.
عزيزه: طاب اتصل عليها شوفها.
شحته: يا وليه اعجلي بجولك، عرسان يعني مفاضينش لحد.
عزيزه: خلاص اتصل على ياسين.
شحته: وهو ياسين يعني اللي مش عريس؟
عزيزه: ماليش صالح، أنا عاوزه أطمن.
شحته: الأمر لله.
ويتصل شحته على ياسين.
ياسين: خير يا أبا، فيه ايه؟
شحته: مافيش يا ولدي، بطمن عليكم، أمك عامله مناحه، أختك عامله ايه؟
عزيزه: افتح السماعه خليني أسمع.
شحته: حاضر.
ياسين: أختي زينه وزي الفل مع عريسها.
عزيزه: متوكد إنها معملتش مجالب ولا أي حاجه في واد الناس؟
ليضحك ياسين: له، ديه عاجله خالص، وإحنا هنسافرو مصر بليل عشان عندينا جضايا مهمه.
عزيزه: ربنا يهدي سركم يا ولدي.
شحته: ارتاحتي؟ جومي بجا شوفي حالك.
عزيزة: الحمدلله، ربنا يسعدكم يا ولادي ويفرحني بعوضكم
شحته: تفتكري لما ياسمين بتنا تخلف، عيالها هيبقوا عاملين إزاي
عزيزة: والله ما عارفة
ليضحك شحته
شحته: طبعًا هيطلعوا مجانين زيها
عزيزة: يا راجل حرام عليك، بتوجع بطني ليه
شحته: في صوت خبط على الباب
عزيزة: شوف مين
شحته: نازل أهو
يفتح الباب ليجد عواد
شحته: خير يا ولدي
عواد: كل خير، بس عاوزكم تشرفونا بكرا ناكلوا لقمة مع بعض، وهروح كمان لعمي سماعين وبعدين أفوت على حمايا
شحته: كتر خيرك يا ولدي
عواد: كله من خيركم
شحته: طيب تعالي أروح معاك، أنا كده كده كنت رايح لسماعين
أما عروستنا ياسمين فكانت بتكلم ورده في التليفون
ورده: إحنا مسافرين عشان عندنا قضية مهمه
ياسمين: هو إحنا لحقنا يا بنتي
ورده: خليكم انتو على راحتكم
ياسمين: طيب مش هتفوتوا تسلموا على الجماعة
ورده: مافيش وقت
يغلق الهاتف
سيف (يفتح عينه): كنتي بتكلمي مين
ياسمين: كنت بكلم ورده، أصلهم مسافرين مصر
سيف: ربنا معاهم
ياسمين: وأنا كمان الصراحة عاوزة أسافر زيهم
سيف: إحنا لسه قعدنا
ياسمين: مهما قعدنا مسيرنا نمشي
سيف: حاضر يا ستي
ياسمين: أحلى سيف في الدنيا كلها
سيف: اعملي حسابك اننا هنعيش ف بيت العيله ياسمين: ما انا عارفه
سيف: ابوس ايدك عاوزك عاقله عشان كمان بابا هيعملنا حفله كبيره وهيبقا فيها اهم ناس ف البلد غير زمايلي ورؤساءي
ياسمين: مجولنا حاضر
الفصل الحادي والثلاثون من هنا