رواية المتمرده الجزء 1...2... للكاتبه وعد يحيي البكري الفصل السابع والعشرون 27 - بقلم Shaimaa Gonna

الحلقه 10:-
__________
المتمرده ج2:-
____________
فاتن ارتبكت و بالذات ان باب الحمام اتفتح قامت قافله في وش روح و رمت الموبايل ع السرير
وداد:-اده؟فاتن ههههه و انا اقول الاوضه مضلمه....قصدي منوره
فاتن:-هههه اه....ممكن موبيلك اعمل تليفون
وداد:-معقول معكيش رصيد
فاتن:-خلص و لسه مشحنتش لو في مشكله خلاص
وداد:-لا تمام
فاتن مسكت الموبايل بتاع وداد و وداد اعدت تتسرح قدام المرايه
و فاتن بسرعه و ارتباك نقلت رقم روح ع موبيلها قامت روح رنه تاني ع موبايل وداد
فاتن:-موبايلك بيرن خدي
وداد:-طب عملتي تليفون؟
فاتن:-لا مش مشكله بقه يلا باي
و خرجت بسرعه
وداد باستغراب:-باي!
و ردت
روح:-الو
وداد:-الو مين؟
روح:-ازيك يا دودو عامله ايه انا روح
وداد:-رورو؟؟حببتشي عامله ايه
روح:-الحمد لله انا متصله اشتكي من ادهم و الله مضيقه اوي
وداد:-ايه بس خي....
روح:-الو؟!
وداد:-ثواني كده
قامت فتحه باب الاوضه لما حست اني في حد واقف لقت فاتن وقفه
وداد:-احم!...خير؟
فاتن:-هه؟لا ده انا سرحت و بشوف حاجه ع موبيلي انا مشيه اهوه ههه
و مشيت بسرعه و ارتباك و وداد فهمت انها كانت بتتسنط دخلت تاني و قفلت الباب
وداد:-ها يا رورو كملي
روح:-ادهم مشي الفجر من غير ميقولي و اتصل الصبح يقلي اطريت اسافر فجأه ينفع؟
وداد:-ما انتي عرفه شغل ادهم يا روح ملوش قواعد
روح:-ماشي بس..
وداد:-روح بصي انتي صحبتي و هو اخويا بس لازم تفهمي حاجه الي انتوا فيه كلو غلط في غلط و وهم و مش هيستمر من الاخر لانو مش هينفع ابدا انا اسفه ع كلامي بس دي الحقيقه و الواقع
روح استغربت من صراحه وداد الزياده
روح:-ليه؟...ليه بتقولي كده؟
وداد:-هتفضلي طول العمر في اسكندريه؟؟في مكان مقطوع كده؟؟هتعيشي هناك للابد؟و لما تجيبي اولاد هيتربوا هناك بردوا و لغايه ما ربنا يرزقك بطفل هتفضلي لوحدك متحمله كده؟!
روح بصدمه و دهشه:-لا مهو انا هعيش في القاهر قريب اوي بس ليه بتقولي كده برده هو ادهم قلك حاجه طمنيني
وداد مش مقتنعه:-لا مقلش يا روح بس خلي بالكوا و اسمعي كلامي انا دلوقتي مش اخته انا صحبتك العلاقه كده مش هتنفع ابدا!
روح بضيق:-شكرا اوي يا وداد بس علفكره مجرد ما الفلوس هتبقي باسمه كل شيئ هيبان في العلن و هيطلق فاتن
وداد:-ماشي يا روح ربنا معاكو و يسعدكوا باي يا حببتي
روح:-سلام
اول ما قفلت روح حست بالقلق من المكالمه الغريبه دي مال وداد طريقتها كده ليه و مال كلمها اثر فيها كده ليه روح رفعت القطه من ع الارض بشويه خوف
روح:-فاكر انو كده بيسليني!!
قامت حطاها ع الارض و ابتسمت بسخريه و اترمت ع الكنبه و كلمه وداد بتتردد في ودانها
((و لغايه ما ربنا يرزقك بطفل هتفضلي لوحدك متحمله كده؟!))
روح:-صح يا واداد انا هتحمل الوحده دي؟؟
______________________________________
فاتن دخلت اوضه دولت بخوف و ارتباك
دولت:-تعالي يا فاتن
فاتن:-انا رديت علي موبايل وداد غصب عني و الله بس...بس ردت حده و قالتها شوفتي اخوكي و الرقم...
دولت:-مش مهم سواء وحده يعرفها او انش اء الله متجوزها
فاتن:-ايه؟
دولت:-هتشوفي و هتفهمي قصدي النهارده بليل و متخفيش كلوا هيبقي تمام
______________________________________
روح كانت اعده لوحدها بليل و مشغله اغاني لما افتكرت فستان هيام الاحمر و منظرها و هي بتكت الكتاب و الزغاريط حوليها روح كان نفسها اوووي الناس تزغرط حوليها و كان نفسها اوووووي تلبس فستان ابيض منفوش و طرحه مش تبقي جوازه صغيره بفستان عادي جوازه فيها عريس و عروسه و اتنين شهود
اتنهدت و قطع حبل افكارها تليفونها و اسم ادهم
روح:-الو
ادهم:-الو ازيك عامله ايه
روح:-كويسه الحمد لله
ادهم:-صليتي العشا؟
روح:-اها
ادهم:-زعلانه انا عارف و مقدر ده
روح:-لا عادي انا برده مقدره شغلك
ادهم:-كلمتي وداد؟
روح:-اه
ادهم:-فقلتوا ايه
روح:-عادي اعدنا نهزر و كده
ادهم:-مالك؟
روح:-و الله تعبانه اوي و كنت داخله انام
ادهم:-طيب يا حببتي تصبحب ع خير
روح:-و انت من اهله يا ادهم
و قفلت و اول ما قامت وقفت الجرس رن استغربت اوي و خافت جدا الجرس بيرن!
قربت من باب الشاليه براحه
روح:-مين؟
______________________________________
باب اوضه ادهم اتفتح و دخلت فاتن
فاتن:-طنط دولت عوزاك تحت في الصالون
و نامت ع السرير بقله زوق و أكنها بتقوله اخرج روح اوضه ولادك بصلها بقرف و خرج يشوف دولت
ادهم:-خير يا ماما
دولت:-خير و كل خير
ادهم:-مش هتثبتوا الفلوس بأسمي؟
دولت:-ده الي عوزاك عشانه
ادهم بلهفه:-ايون؟
دولت:-انا و ابوك قررنا اننا منثبتش حاجه ول ا نديك حاجه الا بشرط
ادهم:-تاااني؟لكن...
دولت مقاطعه:-لما فاتن ان شاء الله تفرحنا و تبقي حامل!
ادهم:-نعممممممممممم؟؟؟الحلقه 11:-
___________
المتمرده ج2:-
__________
روح قربت من باب الشاليه براحه
روح بخوف:-مين؟
محدش رد عليها فاتنهدت و عادت بصوت اعلي:-
-مين؟
بردوا محدش رد روح قالت يمكن حد خبط و فكر مفيش حد خاصه ان روح موطيه كل انوار الشقه لكن هتعمل ايه في الفضول الجم الي عندها
روح فتحت الباب ملقتش حد فأتجرأت و فتحته اكتر و بصت يمين و...
....:-اسفه اوي ع ال...
روح:-آاااه!
و رجعت لورا و هديت شويه لما لقت وحده قدمها
روح:-م...مين ؟
...:-انا هنا في الشاليه الي جمبك
روح انتبهت انها مسكه قطه بيضه شبه بتعتها
روح:-اه...اهلا وسهلا
.....:-اهلا انا منال
روح:-انا روح خير؟
منال:-القطه دي لقتها و انا بتمشي هنا فقلت يمكن بتعتكوا
روح:-ممكن لحظه؟
منال:-اتفضلي
روح ردت الباب و بصت بصه سريعه ملقتش القطه فرجعت تاني لمنال
روح:-اها دي فعلا بتاعتي
منال نولتها لروح
منال:-جميله اوي خلي بالك منها
روح:-انا فعلا مش عارفه هيه خرجت ازاي
منال:-اصل البلكونه قريبه اوي من الارض
روح:-مهو انا قافله البلكونه!
منال:-شغل قطط بقه ههههههههههه
روح ابتسمت بهدوء:-امال ليه لما قلت مين مردتيش؟
منال:-انا مسمعتش و كنت همشي
روح:-اها كتر خيرك..
روح عيونها بتقلها امشي بالذوق
منال:-انتي جديده هنا و لا مصيف و لا ايه
روح:-لا هعيش هنا فتره
منال:-اه...بس لوحدك مش كده؟
روح:-لا
منال:-اصلي كنت بشوف واحد بيمشي و...
روح بحده:-ده جوزي و وراه شغل و بيروح و يجي
منال:-طب براحه و الله مقصدش انا حبيت نكون صحاب
روح:-لا عادي
منال:-انا بقه جيه هنا مصيف مع جوزي و بنتي الصغننه و انا في الشاليه الي هناك ده
روح:-اممم
منال:-بقلك ما تقفلي الشاليه و يلا نتمشي شويه ع البحر
روح:-لا و الله اسفه مش هقدر اطلع برا
منال:-ليه
روح:-عشان مش قيله لجوزي
منال:-كلميه
روح بملل:-نام
منال:-ههههههه اصل لوجي و محمد نامو فقلت اعد معاكي تسمحيلي ادخل؟؟
روح استغربت من جرأتها الغريبه دي
روح بتردد و خوف:-هوا...ال...الشاليه مش متوضب
منال:-و لا بتاعي و الله هههههههه
روح بخوف:-ههه اه اتفضلي
منال دخلت
منال:-مهو متوضب اهه...الله!ده مفروش حلو اوي
و اترمت ع الكنبه
روح بصلها بدهشه من تصرفتها:-اه..
منال:-معندكيش عيال؟
روح:-لا انا اتجوزت من اسبوعين
منال:-هههههههههه طب اوعي تجيبي عيال دول شيطين هههههههههههههه
روح:-اه ههه
روح مرتحتش لتصرفتها و كانت خيفه شويه
منال:-عندك كام سنه شكلك صغيره
روح:-20
منال:-انا 29
روح:-العمر كله
منال:-شكرا
روح وقفه و بردو مستغربها و خيفه
و بعد نص ساعه من كلام منال المتواصل و التعارف
منال:-طيب يلا باي بقه يا روح عشان اصحيهم بقه و كده
روح بنص ابتسامه:-باي
خرجت منال و روح قفلت الباب
روح:-استرها يارب انا مش مطمنه
____________________________________
ادهم:-نععععععععععم؟
دولت:-زي ما سمعت
ادهم قام وقف و قال بزعيق:-انتوا بتعملو ايه بالظبط هو انا بمزاجوكو و بعد بقه ما تبقي حامل تقليلي لما تولد مش كده؟
دولت:-و انت ليه مضايق ما ده هيحصل اكيد
ادهم بغضب:-انا مش عاوز عيال عادي انا حر و بعدين مش شغل حد بقه بصراحه سواء حامل او لا انتوا قلت اتجوزها و انا اتنيلت
دولت:-ده الي عندنا
ادهم:-ماشي يا ماما انا بقه هسيلكوا الشركات و البيت و كل حاجه و حتي العربيه و مش عاوز منكوا حاجه
لف و جه يخرج
دولت:-ادهم!
ادهم لف و فاكر انها هتراضيه
دولت:-عوزه مفاتيح الشاليه
ادهم:-شاليه ايه
دولت:-بتاع اسكندريه مش انت قلت هتسيب كل حاجه...آااه و كمان الفيزا
ادهم بصلها باستفزاز و ادير تاني
دولت:-يييييييي عليه اتصدق نسيت ان الشاليه مشغول
ادهم وقف و ثبت في مكانه
دولت بتابع:-فيه روح مش كده؟علفكره باباك قبلها
ادهم ادير:-اه و قالتله ان البيت حضرتك كنتي عوزه تهدي علي دماغ الي فيه و انا ادهتله هيه و امها
دولت بابتسامه:-هممم عرفه
ادهم:-عن ازنك لما تعوزيني او تفتكروا ان ليكوا ابن نسيونوا ابقي اتصلي
دولت:-و الفيزا؟
ادهم رما الفيزا ع الارض و مشي
_____________________________________
كانت الساعه خمسه الفجر و روح في سابع نومه لما لقت حد بيحسس ع شعرها قامت مفزوعه لقت ادهم جمبها
روح بتتنهد:-حرام عليك خضتني و...ادهم....ايه ايه جابك؟
قرب منها شويه:-وحشتني
روح:-انا بتكلم جد ايه الي جابك؟اكيد محستش اني وحشاك و جيت !
ادهم بنظره حزن:-سيبت البيت و العربيه و الشركه و الفيزا و جيت موصلات بفلوس في جيبي
روح بصتله بدهشه و اتعدلت:-ليه ايه الي حصل؟
ادهم حط راسه ع صدرها:-انا عاوز نام و بس يا روح مش عايز اتكلم في حاجه عاوز احس بالامان بقه مع حببتي
روح حطت اديها علي راسه:-طيب يا حبيبي نام دلوقتي
مفيش شويه كده روح بصت عليه لقته نام فعلا معرفتش تقوم او تنام فضلت في وضعها عشان راسه و خافت تقلقه و اعدت تحسس ع شعره براحه لغايه ما نامت في وضعها...
____________________________________
فاتن الصبح لما عرفت الي حصل اعدت تعيط كتير و مكنش تمثيل لان فاتن كانت بتحب ادهم بجد...
دولت:-بطلي هبل مش ادهم الي يعمل كده مش هيقدر يستغني عن الفلوس و الشركا و هيرجع في الاخر
فاتن بعياط:-لو سمحتوا اكتبوا الفلوس باسمه ممكن؟كده بيكرهني اكتر
دولت:-لا يا فاتن متستسلميش هيرجعلك متخفيش
فاتن:-لا....مش عوزاه يرجع خليه مبسوط
دولت:-غباء!....ملكيش دعوه بس انتي
فاتن بيأس:-لكن...انا الي بقول...
دولت:-فاتن!اسمعي الكلام الموضوع مش عشانك الموضوع عشان لازم ابعده عن اي شك من الي في دماغي
فاتن قامت دخلت اوضتها و اعدت تعيط كتير
فاتن:-يعني حتي بعد موتها وقت ما تحب تبقي وحده غيري...ليه؟
_____________________________________
روح صحيت الصبح رقبتها وجعها بس كانت نيمه لوحدها قامت لقت ادهم اعد برا و شكله مضايق
روح:-في ايه يا ادهم؟
ادهم:-مفيش عادي
روح:-يا سلام عليا ده انا مراتك و...
طلع فيها بزعيق:-اعتقد انك هتقولي و مراتك و عرفه كل حاجه عنك صح؟
روح:-أ...اه...كنت...هقول كدا
ادهم بنفس الاسلوب:-تعرفي ايه عني؟؟هه؟
روح بابتسامه حزينه:-انك طيب و انا بحبك
و حطت اديها ع كتفه:-و ده كفايه
ادهم بهدوء:-شكرا يا روح
روح:-شكرا؟؟ما علينا مالك بقه
ادهم:-اشطرتوا شرط تاني عشان الفلوس قمت انا قلتلهم...
روح:-شرط ايه؟
ادهم كأنه مش سامع:-انا قلتلهم اني مش عاوز حاجه و سبت...
روح:-ايوه شرط ايه؟
ادهم بيتابع:-و سبت كل حاجه و مشيت بس...
روح:-ادهممممممممم؟!
ادهم:-ايه؟
روح:-شرط ايه؟
ادهم بصلها و تأملها فتره:-مش مهم اهو شرط
روح:-ممكن اعرف
ادهم:-خايف لتزعلي
روح:-لا شرط ايه؟
ادهم:-ان فاتن تحمل
روح بصتله بثبات و بصت الناحيه التانيه
روح:-اه
ادهم:-متخفيش انا عمري ما هوافق
روح:-ادهم انت المره الي فاتت قلتلي عمري ما هتجوزها بس اتجوزتها صح؟
ادهم:-لا المره دي لا لا لا
روح:-ماشي
سكتوا شويه و روح مش حسه بالثقه جت القطه تجري ناحيه روح قامت روح رفعها و حطها ع رجلها
روح:-امبارح حصل حاجه غريبه
ادهم:-حاجه ايه
روح:-بعد ما قفلت السكه الباب خبط
ادهم بصلها باهتمام:-و بعدين
روح:-اعدت اقول مين مين محدش رد د شويه كدا و فتحت اشوف في ايه لقيت وحده اسمها منال جارتنا و ادتني القطه و قالتلي انها لقتها و قالت تشوف بتاعت مين شكرتها لقتها دلقه نفسها عليا و دخلت اعدت معايا شويه
ادهم بغضب:-الله الله!اولا مش قلتلك لما الباب يخبط متقليش مين و لا حاجه صح؟لا و كمان فتحتي و دخلتيها بيتك
روح:-و الله يا ادهم هيه فرضت نفسها و اتكسفت و معرفتش اقلك
ادهم:-يا روح انا بخاف عليكي ازاي تفتحي الباب
روح:-اسفه يا ادهم
ادهم:-خلاص يا حببتي و لا يهمك بس اخر مره
روح:-طب ينفع منال تبقي صحبتي و اروحلها او تيجي و...
ادهم:-لا تيجي اه تروحي لا
روح:-شكرا عشان لما تمشي مبقاش لوحدي
ادهم:-لا مهو انا شكلي مش همشي تاني
روح:-حاول تتكلم مع والدك
ادهم:-هحاول هرتاح يومين و هحاول
روح:-ماشي
ادهم:-عرفه المشكله الحقيقه ايه؟
روح:-ايه
ادهم:-انهم عرفين انك هنا
روح:-اه مهو انا بقيت مشكله كبيره
ادهم:-مش قصدي و الله بقلك ايه بلاش نتكلم عليهم
روح:-ماشي..
ادهم:-انتي بقه عامله ايه
روح:-زي ما انا
ادهم:-يا ساتر يا رب
روح:-هههههههههه ليه مالي
ادهم:-ملكيش اجمل وحده في الكون
روح:-عرفه
ادهم:-ايه الثقاله دي؟....بقلك ايه قومي البسي و نخرج
روح:-ماشي احم.....انا معايا فلوس لو انت...
ادهم:-مش للدرجه دي يعني انا جيت بشويه فلوس كاش كانو معايا
روح:-ههههههه تمام
___________________________________
عدي يومين ع روح و ادهم حلوين مع ذلك كانت روح بتقدر تشوف كسره عنيه و انو مضايق و مخنوق
ادهم:-رورو انا همشي بكره علفكره
روح:-بسرعه كده؟
ادهم:-ايوه وداد قالتلي انو جي و ماشي في نفس اليوم هتكلم معاه كده ااه و علفكره وداد فرحها الخميس الي بعد الجي فممكن...
روح:-ممكن متجيش الخميس....مش كده؟
ادهم:-لا بس...
روح:-مش مشكله عادي علفكره
ادهم:-خلاص خلاص مش مهم انتي اهم
روح:-ادعي بس الاول ربنا ان باباك يرضي
ادهم:-يارب
روح:-طب لو مرضاش؟
ادهم:-مش عاوز فلوس!
ابتسمت روح بفرحه
____________________________________
احمد:-اعد يا ابني اعد يا ادهم
ادهم اعد قصاد ابوه
احمد:-انا هكلمك اني اب
ادهم:-اتفضل يا بابا
احمد:-يا حبيبي انا عاوز اطمن ع مستقبلك
ادهم:-انا مش عاوز ولاد غير ساندي و فادي
احمد:-ما انت هطلقها لو اديتك الفلوس
ادهم:-لا لا مش هيحصل
احمد:-معلش يا ادهم ارضيني
ادهم:-كل مره بتقولوا كده و لما برضيكوا بترجعوا تشرطوا تاني
احمد:-المره دي لا اقسملك اننا لو فرحنا بمجرد طفل الشركه الفلوس و العربيه بتوعك و ليك جزء في القصر و كمان....كمان هسيبك لروح
ادهم:-نعم؟
احمد:-انا فاهم كل حاجه
ادهم بارتباك:-لا انا...
احمد:-كنت اعد فين اليومين دول
ادهم:- في لند...
احمد:-متقلش لندن لاني سألت في المطار
ادهم اتنهد و سكت لما عرف ان الموضوع اتكشف
احم بيغمز:-و كمان دولت مش هتعرف ها قلت ايه؟
المشكله مكنتش في الشرط....
المشكله الحقيقيه ان ادهم اقتنع