رواية الندم مابعد الخطيئه الفصل الاول 1 - بقلم رونق

مساء الخير متابعيني الاعزاء

طبعا مشتاقتلكم هواي ولتعليقاتكم الحلوه رجعت وياكم بقصه جديده واحداث جديده اتمنى تنال اعجابكم

بس اهم شي اريد يرجع التفاعل مثل قبل لان قصتي الي خلصت منطيتوني حقي ابد لازم تشجعوني وتنطون القصه حقها

مثل ماتعب واسهر اريد منكم تتفاعلون

وياي حته تشجعوني استمر وياكم

هاي بعض المشاهد وان شاء الله عن قريب انزل القصه

للكاتبه رونق

المشهد الاول

جان اسمع صوت ولد اني طفرت من مكاني

هاي شدتسوين هنا

مااعرف بعد اجاوب

عدلت حجابي

اني صديقة شهد

اشو هذا دخل وقفل الباب

هاي شدتسوي

حاب العب وياج شويه

كمت اصيح شهد شهد باعلى صوتي

اجاني اتقدم عليه

حاب اخلي سمعتكم بالكاع مثل مسويتوا بينه

هاي انت شدتحجي

ولج شهد شهد

اتقدم عليه لزكني بالحايط

جسمي كام يرجف من فوك لجوه

حاب اعلمج انت واخوج السكط شلون تقشمرون ع بنات العالم

بده يتلمس بوجهي اول مره يلمسني رجال اتخبلت

اني ابعده مني بس ولاكانو

هيج اخوج جان يسوي بشهد

دموعي نزلن انهار الله عليك لتلمسني

دنك وباسني اني ادفع بي بس ولاكانو

هو ظخم وصاحب جسم رياضي

اني ضعت النسبه اله

اني شويه دبدوبه وشبه قزومه

يعني طولي وسط

قسم يكلولي حلو طولج

وقسم يكلولي قزومه

بدت ادي تتلمس جسمي بوقاحه

اتخبلت

ادفع اضرب ولا كانو

جرني للجربايه

شهد شهد

كل مااصيح يبوسني حتى اسكت

نيمني ع الفراش وبحركه منه

نزعني الصدريه

المشهد الثاني

اجت العطله وتقرر الخميس يرحن امي واخواتي

واليوم صادف ثلاثاء

جنت حيل متلهف ومتحمس حتى اعرف ردة فعلهم ولو هو واضح

خبرتها شهد وطلبت منها تسوي نفسها ماتدري بينه ابد

فعلا ابوي وصلهن واني بقيت ع نار

طلبت من شهد تخبرني الاحداث اول باول

عكبت ساعه ولاحس ولا خبر

صار ساعاتين وهم ماكو شي

ادك وتنطيني رفض شهد

ادك ع ايات همين تنطي رفض

رجعت للبيت لان متحملت

اخر شي اجني وي الاذان

الوجوه متتفسر ابد وجانت واضحه النتيجه

ردت اسال وبطلت اكيد موافقوا

ردت اطلع وجان تكول امي

ها مرتضى حبيبي متريد تعرف النتيجه

واضحه من وجوهجن ماكو داعي تكولين شي

جان تضحك وتكول موافقين وماعدهم مانع

اني الصراحه انصدمت وممصدك ابد

لان من المستحيل هيج يوافقون بسهوله

لج شهد احجي الصدك شنو الموضوع

جان تكول والله يامرتضى البنيه طلعت مخطوبه واحنه مندري

شنو مخطوبه معقوله حبت تنتقم وجذبت علينه وكالت تعالوا

عقلي وكف شنو وافقوا شنو مخطوبه

جان تكول ايات الحقيقه هي ..........

المشهد الثالث

ابويه اقتنع بس قبل كلشي تجمعوا هو وعمامي اثنين ومهند وطلبوا مني اواعدهم وعد شرف امام الجميع بس يرفضون اهل روان لازم انسى الموضوع نهائي وبعد مااجيبه بالطاري

الصراحه اصعب موقف امر بي لان مااكدر اواعدهم مااخطبها بعد لان حتى اذا رفضوا اهلها مراح استسلم وراح اشوفلي غير طريقه

يابه فدوه افتهمني اني غير روان مراح اتزوج وحتى اذا رفضوني مراح اسكت قابل اني اول واحد مايستسلم اذا رفضوا اهل البنيه

هنا ابوي فقد كل اعصابه وكام يغلط عليه كدام الكل

شنو انت محد يوكف بوجهك والله لانروح ولا نخطبها وروح انت اتصرف بوحدك يعني راح ناخذ شيوخ وساده بعد شيردون قابل نبوس اديهم يله يوافقون كافي ذل واعقل لا وحق الله وكدام الكل اتبره منك ليوم الدين

ردت احجي بس مهند اشرلي اسكت سكتت

بعدين ردت اهدئ الوضع كتله هاي هي بس هالمره اخطبوها وبعد هاي هي

حددوا الموعد كالوا يوم الجمعه وطبعا صدفه بعطلة نصف السنه صارت

منطيناهم خبر بس خالها وجدها عن طريق احمد وابو وطبعا هم قرروا يرحون بالمشيه

اتجمعوا ابيتنه وسوينالهم غده ذبحنه ذبيحه وطبخنالهم

مااكدر اوصف شعوري بهذا اليوم احس دكات كلبي ابد ممنتظمه ويمكن بالدقيقه الف دكه وجنت حيل متوتر وخايف من ردة فعل اهلها

كمل الغده وصبينه الجاي وبعدها بده العد التنازلي للموعد طلبوا مني مااروح مرادوني التقي باخوها ابد

شراح يصبرني مااعرف

مااعرف شراح يكون ردة فعلي بالحالتين

اذا وافقوا او اذا رفضوا

اذا وافقوا راح اكون اسعد انسان اما اذا رفضوا هاي راح تكون كارثه بحد ذاتها راح اكون عاجز كل العجز امام اهلها لان مااعرف شراح اتصرف

جهزوا نفسهم وطلعوا بدوا يصعدون بالسياره اتصلوا بخال روان وكال منتظريهم بالبيت يعني مخبر ابوها لروان

اباوع ع المشيه هيبه والسيارات كومه اذا نرفضت هاي الناس من صدك بعد من المستحيل راح يوافقون عليه

راحوا وراحت روحي كلها وياهم وبقيت منتظر ع نار