رواية الندم مابعد الخطيئه الفصل السادس وأربعون 46 - بقلم رونق

مساء الخير ع اجمل متابعين اتمنى لكم قراءه ممتعه

❣️❣️البارت السابع والاربعون ❣️❣️

❣️❣️الندم ما بعد الخطيئه ❣️❣️

ع فجأه وجان انصدم بردة فعله كام يصيح 😢
عليه

روان احنه مو متفقين ماكو طفل بالوقت الحالي

يعني شلون متفقين مفهمت عليك

اني كتلج مااريد هسه اطفال هو اني اشفت منج حتى تكربسيني بطفل

تحجي صدك مرتضى لو تشاقه

هو هذا الموضوع بي شقه

لعد مااخذت احتياطك انت اذا ممفكر بطفل

المفروض انتي تنتبهين اكثر

هاي شبيك مرتضى تحجي صدك اني فرحانه والدنيه ملامتني وانت هيج تحجي

روان تدرين بنفسج تحبين العناد وتحبين تعانديني بالذات نبهتج هواي ع الطفل وانت متعمده

يعني شلون متعمده هو هذا الشي بيدي وبارادتي قابل كمت ابجي
معقوله متحب اكون ام ولا تحب تكون اب

اي مااحب الاطفال ولا مستعد للاطفال ابد

يعني شلون اذا الله راده شاكله اعذرني مااريده لان زوجي ميقبل

اشو تخبل كام يشيل بالغراض ويشمرهن الكيكه والشموع خرب كلشي

احسه سجينه ودجني بنص كلبي حيل ضجت وانقهرت

انت متعمده تغثيني وتضوجيني

محبيت اتجادل وياه لان حيل معصب ومااكدر اجاوب اخاف منه ومن عصبيته سكتت

تركته وطلعت رحت يم شهد محجه شي ولا عارض

رحت لشهد ودموعي فاضحاتني سالتني شبيج سولفت الها الموقف لان من صدك انهظمت

كمت ابجي لمن مليت كامت تحجي عليه لتبجين والله متسوه اكيد عنده سبب قوي لان من المستحيل مرتضى يرفض هيج

يمعوده ياسبب هذا الي يخلي ميريد الطفل وحتى اذا عنده سبب المفروض يحجي ويايه بهدوء ويفهمني مو هيج يتصرف

قررت انام يم شهد جهازي بقه بالغرفه محاول يدز عليه ولا حاول يعتذر

كوه كدرت انام بيومها ثاني يوم كلت لشهد ابد متحجي كدام اهلها اخاف ميقبل مرتضى

نزلت سويت الريوك وره شويه نزل مرتضى بس متريك ولا باوع بوجهي اصلا طلع كبل

استغربت موقفه اكثر توقعته يعتذر مني يحجي ويايه بس ولا كانو
بقيت افكر معقوله حملي يستوجب هذا التعصيب من مرتضى

الظهر مااجه وبالليل الساعه ب12 وهو ماكو قررت انام لان حيل نعست مااكدر انتظره اكثر

بقيت نايمه لثاني يوم كعدت لكيت مرتضى ماكو طالع من وكت حيل ضجت من موقفه ودخت

بقيت ع هذا الحال اسبوع كامل تقريبا مااشوفه ابد يطلع قبل لااكعد ويرجع واني نايمه

اليوم قررت اروح لاهلي دزيتله رساله كتله راح اخلي عمار يمر ياخذني لاهلي

مدز شي غير روحي

احس بنفسي مخنوكه حيل معقوله ميحبني وميريد طفل من عندي

رحت لاهلي ولكيت بيت جدو صدفه طبعا الاسود ذبيته لان محد قبل ابقى لابسته

التهيت وياهم وكدرت اغير جو بس ماكدرت انسى موقف مرتضى

اتمنى يحجي ويايه ويعتذر مني يبرر موقفه كدامي بس ولا كانو معقوله اني غلطانه بحقه معقوله يكره الاطفال مثل ميكول

سويت العشه والكل اتعشه وغسلت المواعين بعدها دزلي رساله جهزي نفسج اني بالطريق

جهزت نفسي اجه ودخل كتله اسويلك عشه

ياريت والله جوعان

سويتله عشه كعد هو وعمار تعشوا وشربوا جاي

اني عايشه بغير عالم حيل ضايجه ومقهوره

الكل سالني وين صافنه وليش هيج ضايجه

كتلهم مبيه شي

سالتني ماما ع الحمل صدفه شلونه حملج مأذيج لا

هسه من الصبح لهسه اني يمكم ملكيتي غير هذا الوقت وتحجين بي ياماما بكلبي حجيت 😭😭😭

هنا مرتضى عيونه صارن عليه كام يباوعلي

كتلها مبيه شي ولحد الان زينه الحمد لله

بعدها رجعنه للبيت اني ساكته وهو هم ساكت

وصلنه وجنت اتمنى بس انام لان مااعرف ليش بس نايمه دائما

اول مدخلنه بدلت ورحت لفراشي كبل

درت وجهي وردت انام اجه مرتضى لان جان جوه

شنو تردين تنامين

اي نعسانه

شسالفه بس نايمه اطلع اعوفج نايمه ارجع الكيج هم نايمه

بعدنه بسم الله والطفل نساج عندج رجل وعندج حقوق اتجاها لعد بالنهايه شلون

حيل كلامه جان جارح يعني هذا الي يهمه حقوقه بس اخاف اقصر وياه ويضوج من الحمل

هاي اني كدامك شوكت ميعجبك تعال اخذ حقك مني ممانعتك وباي وقت يعجبك اني يمك مطايره ابد

اذا انت نايمه شلون

كعدت كتله هاي اني كعدت وبعد مراح انام اله لمن تنام قبلي

روحي نامي مااريد شي

مهتميت بقيت كاعده هو نام بفراشه وخله اديه ع عيونه واني بقيت ع كعدتي حتى نومتي طارت

بقيت يمكن نص ساعه او اكثر ع كعدتي افكر معقوله هذا مرتضى لو غيره دخت بي ومااعرف شنو الي كاعد يفكر بي

شلون رايج مراح تنامين راح تبقين كاعده

منعسانه حبقى كاعده

قبل شويه كلتي نعسانه واريد انام

طارت نومتي

وين طارت

محجيت شي سكتت وهو بقى ع نومته

مرتضى كوم اخذ حقك مني

نعسان اريد انام

اوك ع راحتك

نمت بس ماكدرت ابد حيل ضايجه ومخنوكه

اذاني بتجاهله الي حيل وضوجني

اتكلب منا ومنا مكدرت انام

شلون رايج لاتنامين ولا تخليني انام

محجيت شي درت وجهي والدمعه بطرف عيني

حضني من وره بدون ميحجي شي ونام اني هم غفيت

كعدت الصبح لكيته طالع

اليوم احس بنفسي دايخه واحس بنفسي اريد اتقيئ

غسلت ونزلت جوه بس كوه امشي

سالتني خاله وشهد كتلها دايخه ونفسي تلعب

كالت عادي هاي فترة النساه كل مره حامل هيج يصير بيها

سالتني وحلفتني اي شي اشتهي اكللها

اني اليوم حتى اكل مااشتهي ابد كوه جبرت نفسي ع كلاص حليب

الظهر مااشتهيت ابد ومرتضى مارجع ابد صعدت نمت وللمغرب يله كعدت

كالت شهد لا تنزلين موزين عليج اني راح اسوي العشه واصعدلج

راح اتعبج ويايه شهوده بس الصراحه حيل دايخه ومااكدر انزل نقذتيني والله

تدللين رونه روحي صلي واني هم اصلي وبعدين انزل

كوه كدرت اصلي من الدوخه مااعرف شبيه بس خلصت صلاه بسرعه رحت اتقيأت متحملت ابد

ارتاحيت شويه والدوخه راحت مني

اجتي شهد وجايبه عشه صحيح جوعانه حيل بس من شفت الاكل نفسي لعبت اكثر مااعرف لويش

ماكدرت اكل ابد هواي حاولت ويايه بس مكدرت

جابتلي فواكه كدرت اكل منهن وارتاحيت عليهن

كلتلي حاولي تنامين حتى ترتاحين

فعلا محتاجه نوم احس بنفسي نعسانه حيل رغم مانمت هواي العصر بس مااريد مرتضى يلزم عليه لزمه ويكلي اطلع نايمه وارجع نايمه

حاولت ابقى واقاوم بس مكدرت ابد نمت مااعرف شكد بس كعدت واصله ويايه حدها اريد بس اتقيئ

رحت بسرعه ذبيت من راسي بس روحي طلعت بوقتها لان مماكله شي بس فواكه

رجعت للغرفه لكيت مرتضى هستوه راجع كاعد يبدل من شافني بهذا منظري اتخبل

روان شبيج ليش هيج وجهج مخطوف

مبيه شي

شلون مبيج شي وجهج اصفر

رحت لفراشي لان كوه واكفه مابيه شي بس خلي انام

اجه عليه راد يلزمني وخرت ايده عنه عوفني مبيه شي

لج شبيج احجي والله قلقتيني عليج

عفته ونمت لان حيل ضايجه منه

نام بصفي حضني وكام يلعب بشعري

رونه حبيبتي احجي بيج شي متاذيه من شي اخذج للمستشفى

مبيه شي بس خلي انام واني راح اصير زينه

باسني وبقه حاضني يله حبيبتي نامي ع راحتج لتفكرين بشي بقه يلعب بشعري لمن نمت صدك

كعدت لكيته ماهو كبل رحت ذبيت من راسي والدوخه زادت عليه

اجتي شهد وجابتلي ريوك كوه كدرت اكل جبرت نفسي جبر

وره شويه هم ذبيت الاكل كله احس روحي طلعت

اتمددت بالصاله سوتلي عصير شهد شربته لان بارد ارتاحيت اله

وره شويه هم ذبيته

كالت خاله العصر اخذج للدكتوره لان حالتج حيل ادهورت

للظهر اجه مرتضى ومن شافني هيج تخبل سالني شبيج

كتله مبيه شي

شنو يعني مبيج شي تحجين صدك انت

صاح شهد يمه

تعالن شبيها روان ليش هيج متخربطه

كلتله خاله عادي يوم غير البنيه حامل وتتنسه هي هاي الفتره هيج تصير

اشو مريم مصار بيها هيج ولا شهد

يوم وحده عن وحده تختلف العصر اخذها لدكتوره تفحصها وانطيها علاج

بهالاثناء هم تخربطت رحت ذبيت بس مي شاربه وحيل اتاذيت

حسيت مرتضى حيل قلقان عليه وشفت الخوف بعيونه

يوم خلي ناخذها هسه للدكتوره اخاف مو زين عليها

يوم الدنيا ظهر محد كاعده هسه اصبر للعصر ونروح

خلي ناخذها للمستشفى منو يكول تتحمل للعصر

لايوم ناخذها للدكتوره تفحصها وتلتزم وياها افضل

ها روان تتحملين للعصر لو لا

مبيه شي لتخاف

شلون مااخاف وانت بهاي الحاله حتحمل للعصر

غسلت وجهي وارتاحيت مرتضى هم صعد غسل وبدل ونزل

شهد صبت الاكل حاولت اكل بس مكدرت رحت شربت عصير بارد ارتاحيت

كملته ونمت بمكاني محسيت لمن كعدني مرتضى

يله رونه حبيبتي كومي بدلي وتعالي حتى نروح للدكتوره

خليني نايمه مااكدر اروح

لا حبيبتي كومي اني كلبي نار اريد بس العصر يصير حتى اخذج واطمأن عليج

كعدت بس حيل متاذيه رحت غسلت بس هم اتقيئت

اتاذه حيل من اتقيئ لان مماكله شي

رحنه اني وخاله اخذنه مرتضى لكيته حاجزلي اول موصلنه دخلونه كبل لان متخربطه

فحصتني الدكتوره واخذتلي سونار كلتلي لازم اندخلج مستشفى لان متاذيه ومو زين ع الجنين متاكلين

خاله خبرت مرتضى رجعنه للبيت اخذت الاشياء الي احتاجهن ردت اخابر ماما بس مقبلوا لا خاله ولا مرتضى كالوا محد بالبيت بس هي

مرتضى صافن مااعرف بشنو يفكر

احسه حيل ضايج من وره حملي وهذا الشي حيل اثر عليه وع نفسيتي

اخذنه وره العشه للمستشفى كمل الاجراءات ودخلت شكلولي مغذي وضربوني ابر راسا نمت مقاومت ابد

كعدت الصبح ب6 ع موعد العلاج هم انطوني ورجعت نمت

اجتي الدكتوره وكعدت كتلها ع النوم كالت هو الزين نامي شكد متكدرين

الظهر اجه مرتضى وجاب ويا شهد واخذ خاله كال خلي تسبح وتبدل وارجعها وجايب وياه اكل

كدرت اكل بس شي قليل بعدها نمت وكعدت ب6 ع العلاج يمكن منطيني مهدئ

هواي ارتاحيت ونفسي استقرت بديت اكل حتى لو قليل

بالليل اجه مرتضى جاب خاله وجاب عشه كال راح ارجع شهد واجيكم

اجوي اهلي ورجع مرتضى بقه لوقت متاخر اني بس نايمه عبالك سكرانه

ثاني هم بقتني بديت اتحسن هواي بعدها كتبتلي خروج اجه مرتضى رجعنه للبيت هالمره احسه متغير من ناحيتي هواي

احسه مهتم بيه ويخاف عليه حيل اول موصلنه صعدني بايده كلي اسبحي وارتاحي وبعدها اتغدي ونامي

صدك سبحت لان روحي طلعت من المستشفى احس نفسي زينه وراح انتظم بالعلاج حتى ابقى زينه

طلعت لكيت شهد جايبه الاكل خطيه هواي تعبتهاولو ماهي يمي مااعرف شاتصرف

اتغدينه سويه اني وهي ومرتضى بعدها صليت ونمت

كعدت العصر مرتضى مو بالبيت احتمال بالمحل

نزلت جوه كلت عيب من خاله وشهد خلي انظف البيت وارتب المطبخ

بدين ارتب وانظف مجان احد يمي كملته كله شفت نفسي زينه طلعت رتبت الصاله بس اجتي خاله مقبلت ابد كالت روحي نامي وصيري زينه والله كريم

والله زينه صرت واحس بتحسن

ميخالف خاله مو زين عليج التعب كوه خلتني اصعد

صليت وجابولنه عشه جاهز اجتي شهد يمي وبقينه نسولف لمن راحت

رتبت غرفتي وغسلت ملابسنه اجه مرتضى

ها. رونه حبيبتي شلون صرتي

زينه الحمد لله

ان شاء الله دومج .... شكرا

متعشي لو لا

اي متعشي راح سبح واجه

تعالي حبي يمي هواي هواي مشتاقلج

سكتت محجيت شي لهسه حيل ضايجه منه

اجه اتقرب يمي ها حبي معقوله ممشتاقتلي

هم سكتت

بده يبوس بيه تعالي حبي والله حيل خفت عليج ليصير بيج شي مااريد اشوفج متاذيه ابد

اني باللحضه دموعي نزلن

مسح دموعي ليش تبجين حبيبتي والله مو زين عليج واحسج تحركيني بدموعج

مرتضى انت اذيتني اذيه مو طبيعيه اكو احد ميريد الطفل الناس تتحسر ع الطفل وانت تتبطر ع نعمة الله

جر حسره جبيره وكلي حقج هيج تحجين متعرفين شنو احساسي وليش ارفض الطفل

تتوقعيني صدك مااحب الاطفال لو مااريد طفل منج

اي هو هذا الصحيح انت متريد طفل مني احجي وابجي

ولج لتصيرين مخبله اني كلبي تلوع من وره الطفل نسيتي مريم الله يرحمها ماتت بسبب الطفل وشكم طفل راح النه

خسرت مريم وبعد مااريد اخسرج انت هم بسبب الطفل

ولج احبج واموت عليج والقران واخاف عليج اكثر من خوفي ع روحي

مرتضى الاعمار بيد الله والكاتبه النه الله لازم نشوفه هذا قدر مكتوب علينه

منكدر نكضي عمرنه كله بدون اطفال غيرنه اكو ناس تتمنى بس ريحة الطفل

وثانيه وبعد تكدر تجيني باسلوب حلو وتفهمني سبب رفضك مو تعاملني بقسوه هيج

اسف حبيبتي والله جنت قلق عليج وع اعصابي مااحجي وياج لان جنت ضايج حيل ومو لاجلي والله خايف عليج

مرتضى ماكو داعي للخوف اني مو اول وحده حامل ولا اخر وحده

ان شاء الله ماكو شي وايام تعدي وان شاء الله يجي الطفل وراح يغير حياتنا كلها ان شاء الله

باسني وكلي ان شاء الله واسف لان ضوجتج اعتذر منج

مرتضى : حيل ضجت من كالت روان حامل لان خايف عليها مااريد تتاذه ولا اريد اخسرها مثل مخسرت مريم

مااعرف ليش هيج تصرفت وياها خطيه حيل تندمت وجنت خجلان منها ومن تصرفي كمت مااتواجد بالبيت حتى ماالتقي بيها

بس حيل اضوج من اشوفها ضايجه بعدين تخربطت واني تخبلت كلشي ولا يصير بيها شي

بعدين كعدت وياها واعتذرت منها وبديت اتقبل الفكره وجنت متلهف لموعد ولادتها

ابد مااضغط عليها ووصيت شهد عليها كتلها خطيه مااريدها تتاذه بس دمرتني من متاكل مو شي اكلها

ودائما تتقيئ بس كلولي شي طبيعي

حاليا هي نهاية شهر الرابع وراح ندخل بشهر الخامس

قرروا يرحون لبغداد احمد واخو وعمار وطلبوا مني اروح وياهم بس اعتذرت مااكدر اترك روان وحدها لان كاعد تتخربط اكثر المرات

اخو احمد اخذ محل يمنه اني وعمار وطلب من عمار يساعده حتى ياخذه للشورجه وياه لان ميعرف مثل عمار

قرروا يباتون ابغداد

اتصلت بيهم بالليل وجانو فرحانين ويسولفون ع روحتهم وبقوا يحجون عليه ليش مااجيت وفاتتك

اصراحه محبيت اروح هالمره ابد ومااعرف السبب بقينه نسولف فتره بعدها طبكته منهم

جنت كاعد بالمحل وخابرتني روان كالت اكو انفجار وعمار واحمد اجهزتهم مغلقه

خفت الصراحه لان قبل شويه حجيت وياهم هواي اتصلت بيهم مغلق

بقيت عايش بقلق اخو احمد خابرني وهم قلق بعد مااعرف شاسوي وشاتصرف

وره نص ساعه تقريبا خابرني اخو احمد وخبرني متاذين حيل

رحنه لبغداد اني وابو روان وابو احمد واخو

احمد حالته حيل خطره هو واخو وعمار هم حيل متاذي بقينه للصبح ع نار كلهم بالانعاش

الصبح اتوفه اخو احمد خطيه حيل ضجنه عليه ابوه اتاذه رجعت الكل وبقيت اني وياهم اهل احمد التهوا بالفاتحه وابو عمار ميتحمل خطيه ووجوده بدون فائده

احمد خطيه كل شويه وكالوا متخربط ونفسه يضيك عنده اصابه بالرئه مخلينه ع الاوكسجين بعد 3 ايام عاش بغيبوبه كال الدكتور منعرف شوكت يصحه منها

عمار وره اسبوع شويه تحسن ونقلوا من الانعاش

قررنه ناخذهم اثنينهم لمستشفى الكفيل وفعلا اخذناهم بسيارة الاسعاف

اني ضايج ع احمد خطيه ابد مكاعد يستفيق نهائيا

عمار سووله عمليه لرجله متاذيه حيل وخلوله بيها بلاتين نجحت عملتيها الحمد لله

من غير الشضايا مدمره جسمه متاذي هواي

بدوا يسوله لعمار علاج طبيعي وبده يتحسن الحمد لله

اتحسنت حالته وكدرنه نطلعه من المستشفى روان دزيتها يم اهلها رغم ماهي هم تعبانه بس هم خطيه اهلها وحدها امها

وهاي شهد معنده ابد مترجع ابد رغم ما اهله هواي اجو وهواي توسلوا بس هي قافله

بقه همنه احمد خطيه ابد مكاعد يستفيق وهواي حاولوا الاطباء ويا بس بدون فائده

عمار طلع لبيت بس حيل متاذي

رجله

ماذيته وبس يون منه بقه يراجع اطباء وحالته النفسيه زفت هم من وضعه وهم

ع احمد كلنه ضايجن ع احمد تاذينه حيل

هل فتره وجنه خايفين ع احمد كلش هواي
عمار شويه شويه بده يصير احسن فرحنه بي

من تحسن

بعد مرور شهر ونص من الحادث

عمار بيومه جان يم احمد وقبل شوي

جنت احجي كال اروح احمد ماعرف شبي

اشو الاطباء نخبصو والكل اجه بغرفته

اني لزمت كلبي وخفت حيل كتله طمني عليه

لاتخليني بقلقل

تقريب نص ساعه اكثر اني كاعد ع نار

اتصل بعمار ميجاوب تخبلت بالزايد

وراه شوي اتصل وجان يكول

يتبع... .

انتضروني فد ساعتين وانزل الحزء الثاني من البارت الاخير

اعتذر عن التاخير ماعرف شبي البارت ماينشر

حذفته ورجعت نشرته يله صار نت قوي عندي بس ماينشر