رواية النجمة البعيدة الفصل الأول 1 - بقلم ريام هادي

كن جًّــ🎀ــًمّٓـيـُـل الخلق قبل المظهر
فإن احبك البشر لمظهرك
فإن المظاهر زواله
وان احبوك لخلقك
فإن الخلق يرتقي ويبقى

اعرفكم بنفسي اسمي مياسين طبعا شكلي يخبل شكره وعيوني خضر وشعري اصفر ذهب ومن البياض شفافه

بالمناسبه هـٍْْـٍْـ(ٍْ👆)ـٍْـٍْـٍْـْاي المواصفات الي جنت اتمناها مواصفاتي عكسها تماما اني سمره كلش وشعري تمري طوخ ودائما ماما تكصه ولادي حتى ليتعبها بالتمشيط وضعيفة معصعصه عوده مال مطيرچيه والقابي هي الزركه ، سوده تفيسه، عباس لان اشبه الولد وشعري ولادي ، الملحه، الجلحه وغيرها وغيرها لواعددهن ميخلصن منا لباجر هاي مواصفاتي

مواصفاتي اغلب الاطفال يتمتعون بيها بس اني اختلف لاني م̷ـــِْن عائله كلهم يخبلون بيض وشكر الا اني نسوني بالفرن
وجنت م̷ـــِْن اطلع ويه ماما الكل تكلها هاي بنتج يحجون بأستهزاء عبالك بيه جرب

الام ؛اي بنتي والجواب المعتاد اوي شحالها ولاعبالك بنتج خاف على ابوها
وطبعا بابا كلش حلووو وجواب امي
لا ابوها حلووو والسؤال المستمر لعد على منو طلعت هيج زركه ومحلوه خطيه هاي راح تضل على قلبج

واني جنت صغيره واسمع هذا الكلام عبالهم ماافتهم لا افتهم كلش زين واموت قهر شبيه قابل والله حلوه ومقتنعه بروحي ليش يزعزعون الثقة بنفسي بقلم Reem

اكو 3 علل بحياتي الاول شكلي وعرفتوا مواصفاتي الي تخبل ونظره العالم عليه
العله الثانيه اسمي اوف يااسمي مياسين ولكم اكو اصعب م̷ـــِْن هيج اسم والكل يسألني شنوو معنى اسمج اكيد انتم هم متعرفون معناه حتى لدوخوني وتسألوني معناه. النجمه البعيده ⭐️

والعله الثالثة اختي قمر جان بيني وبين قمر سنه وحده وطبعا قمر اسم على مسمى حسن وجمال وبياض تكول لعابه موطفله تشبهني سبحان إٱللـِْﷻـِْﮭﮧ هههههههه
وامي دائما اطلعنا سوه وهاي جانت مصيبتي الي يشوف قمر يضل يبوس بيها فدوه وتخبل وجنها لعابه وانيالج تخبل واني حتى سلام ميسلمون عمي والله بنتهم مومن الشارع جابوني
الشي الوحيد الي جان يهون عليه هو بابا حبيبي

عائلتي تتكون م̷ـــِْن بابا محمد وهو مهندس كهرباء وماما الهام خريجه اداب انكليزي بس ربة بيت و2اخوه الجبير امجد طالب كليه تربيه مرحله ثالثة والاصغر باهر هم طالب اداره واقتصاد مرحله اولى
و2 خوات ضحى وقمر وطبعا اني مياسين
اني تسلسلي الاخير مو كتلكم نسوني بالفرن

جانت طفولتي تعيسه واني اشوف الناس شلون تباوعلي بس اني طبيعيه لوجانت عائلتي مابيها گـ❈ٍـْلٍ هذا البياض والشكار لان مواصفاتي نص اطفال العراق يتمتعون بيها جتي ايام اتمنى اغير عائلتي حتى لحد ينظرلي بهاي النظره بقلم (Reem)

طبيت للابتدائيه وجانت اختي قمر سابقتني بسنه لانها اكبر واكثر المعلمات يعرفوها ومن دروا اني اختها اسمع الضحك والتصنيف بفلس بديت اضوج م̷ـــِْن المدرسه وهي اله تجيني بالفرصه مااريدها مااريد احد يعرف هي اختي لا شلون الا تجي وتحرجني شوكت اخلص منها ماادري

الاب محمد :شبيج ميوسه حبيبتي ليش تبجين احد ضوجج بالمدرسه
مياسين : بابا مااريد اداوم كرهت المدرسه

الاب :لَيــِْ♡̷̴̬̩̃̊ـِْش حبيبتي احد سوالج شى
مياسين : بابا كلهم يعيبون عليه ويكولولي الزريكه والسوده التفيسه
الاب :بابا ميوسه لتبجين كافي ولج هو اكو احلى منج حبيبة ابوها هذوله يغارون منج
مياسين : على شنـِْ♡̷̴̬̩̃̊ـِْۈۋۈ على وجهي المصخم

الاب :عيب ميوسه تحجين هيج هاي خلقة رب العالمين وحرام تعترضين انتي ماكو احلى منج والحلوو موبالشكل بالاخلاق الحميده والطيبه والحنيه ومساعده الاخرين

مياسين : هااااا كلشي مفتهمت
الاب : حبيبتي هواي ناس شكلهم يخبل وحلوين بس ماعدهم اخلاق ولا تربيه ويأذون الناس وميخافون م̷ـــِْن إٱللـِْﷻـِْﮭﮧ ومغرورين بشكلهم وميدرون الشكل زائل وميبقى والي يبقى الاخلاق والعمل الطيب ومحبه الناس

بنتي لازم تحبين گـ❈ٍـْلٍ الناس وتساعدين الصغير والجبير وقلبج لازم يبقى نقي صافي ميحقد على احد لان الاحلى منج لازم اكو شى انتي احلى منه والاهم م̷ـــِْن هذا كله انتي عندي احلى گـ❈ٍـْلٍ البنات

مياسين : والله يابابا كلشي مفهمت دوختني بس الي فتهمته انت تحبني
الاب هههههههههه ام لسان م̷ـــِْن تكبرين راح تفتهمين كلامي يله انطيني بوسه وكومي اقري
مياسين : احبك يااحلى اب بالدنيا

مرت الايام والسنين واني سنه بعد سنه اتعقد اكثر وخاصة قمر ويايه العله الثالثة مالتي اتمنيت مموجوده بحياتي ولا ويايه بالمدرسه اقلها علتين كافي عليه اسمي وشكلي

بدت امي مطلعني وياها حتى لتسمع انتقاد الناس وهذا جان يحز بقلبي ليش ماما متحبني مثل اخوتي كلهم اطلعهم وياها اله اني جان بابا يطلع ويايه ومن اخوتي يضربوني بابا يكتلهم ويراضيني ويشتريلي هو احن واطيب قلب جان يحاول قدر الامكان ميخليني ازعل وانقهر ويحاول يقوي الثقة ويبني شخصيه قويه
وشلون تنبني شخصيه قويه اذا اقرب الناس مدمرين ثقتج بنفسج امي واخوتي

خلصت ابتدائيه اصعب ايام حياتي جنت اقره على اعصابي وانجح بالكوه لان اكره المدرسه مااريد ٱڑۆح ورحت للمتوسطه وهم ست قمر ويايه شلون مصيبه ياربي مااخلص
هنا شى واحد اتغيير هو شعري كامت ماما متكصه بقلم Reem

ها نسيت اكلكم واني بالخامس ابتدائي وكعدت على راسي واتأذت عـُـُيٌُوني واضطروا اهلي يلبسوني مناظر لان مااشوف زين بيها الشى الوحيد الحلوو بيه جان ومميز عـُـُيٌُوني لونهم غريب متقلبات ويه الملابس يوم صفر يوم جوزي وكبار وحلوات ورموشي طوال وراها بعد الوكعه ولبس المناظر حتى عيوني كامت متبين جمالها م̷ـــِْن وره المناظر حتى تكمل زين صًدك صرت سوده تفيسه وحوله

قمر :احب اعرفكم بنفسي اسمي قمر و اسمي على شكلي جدا جميله ومغروره وكل مجنت اسمع كلام م̷ـــِْن الناس عن جمالي ازداد غرور وخاصة م̷ـــِْن اختي مياسين م̷ـــِْن تمشي ويايه اذا اني حلوه اصير اخبل لان هي محلوه
جنت اتقصد اروح يمها حتى اسمع كلام الاعجاب والمدح بجمالي ومااراعي مشاعر اختي رغم ادري بيها تضايق وادري بيها تغار مني بس هي متدري اني هم اغار منها لان عدها اهم شى واني مااملكه حب بابا وتعلقه بيها صح بابا يحبني بس مو مثلها اكثر وقته وياها ويطلع ويطب ويشتريلها جنت اموت غيره ومااحجي اكول ليش اني مو احلى منها ليش يحبها اكثر مني وجنت دائما اتقصد احرجها يم صديقاتها انتقم منها لان بابا يحبها اكثر مني

مياسين : وٌلًــًّجٌ قمر نعل وًٌيْـــــنُِٓــچٌِّٰ
قمر :وجع ولج بابا احترمي نفسج اني اكبر منج ليش بَـßÊـسّ تغلطين
مياسين : هي سنه اكبر قابل 100 سنه
قمر :واذا المهم اكبر وثانيا شبيج تعيطين مثل المخبله
مياسين : البدي الابيض الي جابه بابا الي قبل يومين وينه

قمر :لبسته اني البارحه م̷ـــِْن مداومتي واتوصخ وذبيته بالهدوم الوصخه
مياسين : ولج متجوزين تلبسين ملابسي الجديده اني الج اليوم اكطعج
قمر : ماما لحكيلي اخ اخ شعري مخبله كطعتي عوفيه

مياسين : اليوم شعرايه ماابقي
براسج اله اسويج كرعه حتى توبين تلبسين ملابسي
الام الهام : ولكم شبيجن تخبلتن صوتكم واصل للشارع هسه يجي امجد ويسمع حسكم وشيخلصكم منه بقلم Reem

قمر : ماما مياسين كطعت شعري
مياسين : مو بس راح اكطعه راح احركه الج حتى توبين كلبه
الهام : مياسين تخبلتي شجاج وشنو هذا لسانج كم مره كتلج لتغلطين عًًـٍٍــًًــٍٍــلًًٍٍـٍٍــًًــىٍٍ اختج الاكبر منج
مياسين : ماما غير اخذت البدي الجديد مالتي ولبسته وصخته واني بعدني محاطته على جسمي ومكالتلي
الهام : واذا انتو خوات وماكو فرق بيناتكم عيب يله اعتذري م̷ـــِْن اختج كومي
مياسين : ماااا مااعتذر لو اموت
الهام راشدي معدل على وجه مياسين
حتى مره ثانيه ميعله صوتج عليه ومتتجاوزين على اختج ولاتصيرين انانيه

مياسين : مبجيت حتى قمر متشمت بيه وعافتني ماما وقمر وطلعوا
ليش ياربي هيج ماما تكرهني اني مغلطانه قمر اتعدت عليه وحتى محاسبتها وفوكاها تضربني

ومرت الايام والمشاكل تزيد بيني وبين قمر ونجحت م̷ـــِْن المتوسطه بالدفرات وصرت رابع اعدادي وقمر خامس قمر شاطره مومثلي كوه

اختي ضحى هادئه متدخل بأي شى لان فرق العمر بينا خمس سنوات ادري بيها جانت تحب واحد وياها بالكليه ولان ممأذيتني ومتتدخل بالمشاكل الي بيني وبين قمر محبيت احرك فلمها يم اهلي خطيه

طبعا بابا حجبها لقمر واني لا
عندي قابليه اقناع عجيبه استغل شكلي بكل شغله ممقتنعه بيها بابا ميجبر بنيه على الحجاب بس بسبب الظروف صار خطف بنات والوضع يخوف حجب قمر و صارت بعد احلى اني اختها واصفن عليها م̷ـــِْن الجمال الي شايلته خرب حظي لوشويه منطيني م̷ـــِْن جمالها ومن عرض بابا عليه موضوع الحجاب كتله

اكلك بابا هو اني حلوه وهلمره اتحجب شصير ام ستوري
الاب :هًًهًهًهًــًهًهًه ولج متجوزين م̷ـــِْن سوالفج
مياسين : حباب بابا عوفني م̷ـــِْن تصير عندي قناعه اتحجب

الاب :ميوسه حبيبتي غير اخاف عليج
مياسين : لتخاف بابا تره انت مخلف زلمه حوك وعيونك محد يباوعلي كلهم عبالهم ولد ومستخنث
الاب :هههههه ولج والله خبله باباتي اخاف عليج والله
مياسين : بابا حبيبي فديته الروحي لتحجبني حباب
الاب :يله براحتج
مياسين : يمه م̷ـــِْن ڤًــــدّوٌٓوٌٓهْٓ لحبيبي باباتي الصاك

الاب : ههههههه شوكت تعقلين ماادري
صار التهجير والقتل على الهويه وسمعت ابن عمي راح يبقى يمنا مده لحد ماتهدأ الامور يمهم و صار 5 سنوات مشايفته هو م̷ـــِْن قبل صاك عاد هسه شلون صار

اعرفكم عن نفسي اسمي وسام عمري 22 سنه طالب مرحله ثالثة علوم بايو شكلي حنطاوي عيوني خضر وسيم بشكل ومغرور بنفسي لان شكلي يخلي البنات يزحفون عليه طويل طولي 180 ورشيق واحب الرياضة وخاصة السباحه مهتم جدا جدا بمظهري واناقتي احب الحلوات بطريقة عجيبه ابد مااصادق محلوه يوميه وحده شكل وعندي ابن خالتي يوسف ضلعي واخويه واحزام ظهري منصادق بس الحلوات بس هو شخصيته قويه وبنفس الوقت طيب قلبه لهذا متبقى وحده متزحفله واني وياه عيني منخلص يامكان انطبله دقايق ونطلع مصادقين

قبل مده اجانه تهديد بمنطقتنه ولان عندي دوام ومااريد اعوفة اضطريت اروح لبيت عمي اخلص كم شهر باقيلي واخلص الثالث واهلي سافروا لااربيل لحد متهدأ الاوضاع بًيــت عمي اروحلهم بين فتره وثانيه جنت ٱڑۆُح لاامجد ولباهر نادرا مااشوف البنات ضحى اكبر مني بسنه وحبابه وهادئه وقمر اسم على مسمى كلش حلوه وراقيه اما مياسين مشايفها صار خمس سنوات لان كل مااجي ماتطلع ابد تسلم ادري بيها متطلع لان م̷ـــِْن زمان كارهتني لان اني طلعت عليها لقلب الملحه جنا صغار ومن ذاك الوقت مشفتها خطيه استخطيها لان اكيد محد يباوع عليها

مياسين : جنت جدا معجبه بوسام هو غير يموت ومن طلع عليه لقب الملحه زعلت منه ووعدت نفسي مااشوفه روحي ابد اخاف يطلعلي لقب جديد
الاب :بابا مياسين انتي وقمر حظروا غرفة باهر وفرشوا الجربايه الثانيه لاابن عمكم وسام
جاي يبقى يمنا فتره

مياسين : ادلل بابا
اجه وسام واكيد بعده بغروره قررت مااسلم عليه بس شلون هذا راح يعيش ويانه شلون مااشوفة

وسام : وصلت لبيت عمي
امجد :هله باابن عمي الًـغالي مشتاقين

وسام : هله بحبيبي مجودي شلونك اخبارك بالكليه شلونك
امجد الْحٍمَدٍ للـّہ
وسام : سلمت على الكل بقى بس قمر ومياسين
طبت قمر وسبحان الخالقها
قمر شُلُونك وسام شخبارك

وسام : هلو قمر شلونج طبعا تموت موبنيه
طبت مياسين
شلونك وسام شخبارك
وسام : هلو مياسه شلونج يارب بًخٌـًـُيّر

بقلبي احجي زين والله كاشف لونها ومتغيره بس تبقى محلوه خطيه شوف قمر يمها صدك دبس وحليب ههههههه
مياسين : هذا شبيه صفن عليه بس لايفكر بلقب جديد بس هو شنـِْ♡̷̴̬̩̃̊ـِْۈۋۈ صاير غير يموت
يله إٱللـِْﷻـِْﮭﮧ ليستر م̷ـــِْن الايام الجايه
يتبع ....