رواية النجمة البعيدة الفصل الخامس 5 - بقلم ريام هادي

مياسين : بديت احجي كلشي لعلي مااعرف لَيــِْ♡̷̴̬̩̃̊ـِْش هو م̷ـــِْن دون الناس احتاجيته وارتاح م̷ـــِْن احجي وٍٍُُيـٍٍـــٍٍــاًه

علي : زين هذا وسام الي تكولين ابن عمج بس سوه هيج لخاطر ابوهً وعافج بعد ماشرط ابوه انتي اتركيه لو اكو سبب ثاني تركجً علموده

مياسين : اي اكو سبب ثاني خلاه يتركني
علي : شنو السبب احجي
مياسين : اني راح اكلك السبب وحتى اذا بعد مخابرتني براحتك

علي : احجي مو قلبي راح يوكف
مياسين : لان محلوووه
علي : هًًهًهًهًــًهًهًهٰــهًهًهًهًٌ
مياسين : شبيك تضحك

علي : بله م̷ـــِْن گـ❈ٍـْلٍ عقلج تحجين شنًو عافني لان محلوه عبالي مسويه مكسوره صخام
مياسين : ليش السبب الي عافني بيه مو مهم يمكن اهم شى بالدنيا

علي : طبعا مو مهم اصلا تافه ولوما ابن عمج تافه ميسوي هيج
مياسين : انت سمعتني شكلت عافني لان محلوه
علي : واذا انتِ قابل غوريلا لو تشبهين عبسي
مياسين : يمكن عبسي احلى مني

علي : هًًهًهًهًــًهًهًه ولج والله انتي تموتين ضحك
مياسين : علي تره مكعد اتشاقة عافني لان محلوه واتوقعت راح تسد التلفون بوجهي لان دريت بيه محلوه

علي : اكلج شغلة منو قيمج انتي محلوه واخذتي بكلامه واعتبرتي اساس بحياتج
مياسين : محد بس م̷ـــِْن جنت صغيره مبقى واحد معيب عليه

علي : م̷ـــِْن جنتي صغيره هّْـٍٍـًًــٍواي اكو ناس م̷ـــِْن همه صغار يخبلون ومن يكبرون يصيرون يلعبون النفس وكذلك مثل حالتج محلوه م̷ـــِْن صغيره ومن تكبر تصير تموت

مياسين : بس اني م̷ـــِْن كبرت بقيت نفس الشى بقلم Reem

علي : غلطانه اكيد بيج شى تغيير وانتي ممنتبهه وملتهيه بهذا ابن عمج التافه الي ميهمه بَـßÊـسّ المظاهر
حنونه شمتكون خلقتج لازم تحمدين إٱللـِْﷻـِْﮭﮧ وتشكريه لان اكيد إٱللـِْﷻـِْﮭﮧ خلق بيج شى مميز عن غيرج

حنونه انتي قلبج طيب واخلاقج حلوه مومهم الشكل بكد الاخلاق والادب وانتي عقلج چبير وموزون ثقي بروحج ولاتكسرين روحج وعزة نفسج لخاطر واحد ميستاهلج لازم اتثبتيله انتي مستحيل تنكسرين وانتي اقوى منه

مياسين : علي يحجي واني مستمعه اله بقلبي وعقلي بدقايق كدر يرجعلي ثقتي بروحي وضحكتي مااعرف ليش هذا الولد ارتاح وياه بطريقة عجيبه
علي : حنونه بالج ويايه

مياسين : وياك عيني
علي : هله هله انطتني عيونها
مياسين : هههههههه متفيدك عـُـُيٌُـ👀ـٍٍُـُوُنُـٍي
جعب بطل

علي : غلطانه عيونج تجنن وعليها كبر وروموش يموتن اذا شافهن الواحد يضيع

مياسين :  شنووو شمدريك بعيوني
علي : غير دااجاملج ياعيني

مياسين : هًًهًهًهًــًهًهًهٰــهًهًهًهًٌ شكد سخيف
علي : م̷ـــِْن فدوه لهاي الضحكه مااريد بجي مو كتلج خلي اسميج ام دميعه مصدكتي

مياسين : مرت ايام وليالي وعلي ميفاركني گـ❈ٍـْلٍ خطوه ويايه ويشجعني وبيوم صفنت على حجي علي وكفت اتأمل نفسي صدك اني متغيره وماادري لوني كلش كشف صرت حنطيه موسمره وجسمي كبر وبرزت انوثتي وشعري كلش طول واني ممنتبه اله لان ضفيره بَـßÊـسّ جسمي ممبين كبرانه لان البس لبس يشبه الولد ومناظري تشبه مناظر عجوز سبعين سنه

حبيت اغير بروحي بس موهسه خلي اكمل السادس طبعا علي اكل قلبي على الدراسه عرف بيه كلشي ماكو مااقره بس بسبب النك مالته وتشجيعه كمت اقره وهو دائما ويايه ويايه صارت ايامي تجنن وياه كمت مااضوج ولاافكر بوسام وكمت اقره واشد حيلي وعلي سوالفه وضحكه يخبل بكلشي اكثر م̷ـــِْن مره اطلب صورته هو ميقبل يكول اذا مدزيلي صورتج ماادزلج صورتي

و انحرج ادزله صورتي واسكت واسد الموضوع گـ❈ٍـْلٍ مره نفس الحجي واسكت

صار 7 اشهر ويه علي امتحنت والحمدلله جاوبت وبقالي امتحانين واخلص جنت بمنتهى السعاده والتفائل

وبيوم كاعده اسولف ويه علي واضحك اجه صديقة عليه وراح وراها بنص ساعه سمعت

وسام وامجد ويوسف يسولفون ويضحكون ماانكر وسام اله مشاعر بقلبي بس سوالف علي خلاني انساه بس م̷ـــِْن اشوفة اتذكر اهاناته انقهر
امجد :مياسه مياسه تعاي

مياسين : نعم باوعت على وسام ودرت وجهي مااريد اشوف هذا الحقير
امجد؛ فدوه ميوسه سويلنا چاي
مياسين : ادلل

رحت اسوي الجاي وكلت خلي اشوف علاووي وين بقلم Reem
دكيت مجاوب دكيت مره ثانيه هم مجاوب كلت خطيه خليه ويه جماعته وديت الجاي للولد سمعت وسام يكول ليوسف
وسام : ابو السوف تعال هذا تلفونك يدك

يوسف : اجيت اركض
وسام :اكلك منو هاي حنون

مياسين : ضحكت م̷ـــِْن كال حنون واذكرت علي م̷ـــِْن يصيحلي حنون

يوسف : هااااا هاي صديقه
وسام : صديقة م̷ـــِْن شوكت عيني وعليه ضامها بقلم Reem

مياسين : واكفه انطي الجاي واشوف يوسف ينطي الوان ومرتبك ضحكت بالبدايه بس بعدين دخل الشك بقلبي طبيت ركض للمطبخ وظليت اباوع ليوسف م̷ـــِْن الشباك
مااعرف ليش قلبي ممرتاح شفته اخذ التلفون وراح للحديقة الورانيه مالتنه وبهاي الاثناء دك علي بقلم Reem
أُلؤْؤٌ📞ؤًِّؤٌٍٓ هااا حنون داكه عليه

حسيت واحد وضربني على راسي ماادري بروحي امشي واحجي وٍٍُُيـٍٍـــٍٍــاًه انتبهت على يوسف يسولف بنفس الوقت الي اسولف اني ويه علي كلت لازم اتأكد

سديته بوجهه وهو يحجي وردت اشوف ردت فعل يوسف
وفجاه شفت يوسف يباوع على التلفون ويصيح أُلؤْؤٌ📞ؤًِّؤٌٍٓ أُلؤْؤٌ📞ؤًِّؤٌٍٓ

متت بدمي رجلي كامت متشيلني وقلبي احسه راح يوكف
دكيت وشاله رجلي اخذتني لحد يمه فتحت باب المطبخ الثاني الي يطلع على الحديقة الورانيه وكفت وراه وكتله علي

راسن اندار وكع منه التلفون بالكاع عـُـُيٌُوني مااشوف م̷ـــِْن الدموع حسيت رؤפـْـْـي لثاني مره انضرب بقلبي بس هاي المره مااعرف الضربه شنو نتيجتها بقلم Reem

يوسف : مياسين سمعيني اني

مياسين : اشششششش مااريد اسمع اي شى منك ليش يوسف ليش شمسويتلك اني
وانت تضحك عليه
هيج اني مضحكه هيج مالي قيمه ومحد مقدر مشاعري حرام عليك هيج صرت ملطشه الك ولاابن خالتك
يوسف : مياسه فدوه سمعيني انتي فاهمه غلط

مياسين : مااريد اسمع صوتك كافي دمرتوني إٱللـِْﷻـِْﮭﮧ لايوفقك لعبتوا بيه وسويتوني مهزله گـ❈ٍـْلٍ شويه واحد لاعب بمشاعري ومدمرني مع الاسف عليك انت بالذات متوقعت هذا الشى منك انت الثكيل العاقل هيج تسوي روح حسبي الله ونعم الوكيل بيك ولو هو شترجى منكم اذا ابن عمي ومن

لحمي ودمي واني عرضة لعب عليه شترجى م̷ـــِْن الغريب روح الي إٱللـِْﷻـِْﮭﮧ وطبيت ركض ابجي ومنهاره

اعرفكم بنفسي اني يوسف عمري 22سنه
طالب مرحله رابعه علوم بايو ويه وسام
وسام ابن خالتي واخويه وضلعي م̷ـــِْن كثر حـًًًبي اله لغيت قبولي لان اني بالاصل طلعلي صيدله جبت معدل اعلى وقبولي احسن م̷ـــِْن وسام بس لغيته من عرفت طلع علوم بايو ورحت وٍٍُُيـٍٍـاه بنفس الكليه لان مااكدر افاركه عائلتي تتكون م̷ـــِْن امي الله يحفظها واخويه نصر اصغر مني واختي منال اخر العنقود طالبه اعداديه والدي متوفي بس الْحٍمَدٍ للـّہ م̷ـــِْن تركنا مخلانه بعازه احد لان امكانيته زينه مأجرين بيت ومحلين وبأيجراهم عايشين حالتنا زينه ومنتظر اتخرج وافتح مختبر خاص الي

مواصفاتي حنطي عـُـُيٌُـوني جوزيات صاحب لحيه بسيطه جسمي معضل ورياضي احب ملابس السبور كشاخ جدا ووسيم هادئ طبعي بس بنفس الوقت اذا صرت عصبي افقد ومااتحكم بااعصابي صاحب تجارب بالعلاقات ماابقي وحده مااصادقها بس مااكذب عليها م̷ـــِْن الاول اكلها اني مو مال زواج ودوخه راس اني حدي علاقة وطبه وطلعه الي تقبل والي ترفض والي تجازف عسى ولعل احبها يعني عايش حياتي بالطول والعرض بس اهم صفة بيه قلبي طيب بقلم Reem

جنت دائما التقي بولد عم وسام بحكم همه عمرهم مقارب لعمرنا وهمه خوش ولد ومن احنا صغار نلتقي ونكعد نسوه وجنت دائما اشوف بنات عمه شُلُـн͠σ͠wـوُنْ حلوات وخاصة قمر بس مااندك بيهن ذني عرض ضلعي وسام وهم جنت استخطي بنتهم الصغيره جانت ولا عبالك بنتهم بس وسام جان دائما يضايقها هي شكلها عادي تشبه الهنديات وسمره بَـßÊـسّ لان بيت عم وسام كلهم شكر وبيض حتى الولد وهي الوحيده لا جانت مضحكه للكل

ومن وسام عاف منطقتهم واجه يمهم التقيت بمياسين وصار خمس سنوات مشايفها
شفتها كبرت وصارت مره بس خطيه مبهذله نفسها مناظر جعب بطل تكول عبالك عمرها سبعين سنه وملابس مال ولد شعرها دائما ضفيره بااختصار ايه انوثة ماكووو

ومن عرفت بوسام ومطلب ابوه والي راح يسوي وسام بيها ضجت كلش خطيه شنو ذنبها هاي طفلة مراهقة وادري بوسام طايح حظ ماعنده حدود حتى لو بنت عمه حاولت احميها اكثر م̷ـــِْن مره منه انقهر عليها وهمزين هو هم ممتقبلها بقلم Reem

ومن قرر وسام يعترف الها رحت وياه وشفت نظره الانكسار بعينها صدك تكطع قلبي عليها واكثر شى هزني م̷ـــِْن نزعت المناظر وكسرتهن شفت عيون عليها عجيبه تحسها تنطق شكد شايف عيون اشكال الوان بس مومثل عيونها ابد المميز بعيونها تحسها تحجي وتسولف مكان حلكها وجميلات بلونهن والرموش طوال خلتني اصفن عليهن ونسيت كلشي وحسيت على رؤפـْـْـي وصلتها لغرفتها ومن طلعت ظليت بس افكر بيها حيل اثرت بيه وحاولت اكثر م̷ـــِْن مره اشوفها

وره كم يوم كاعدين وصاحت قمر بان مياسين انتحرت احس رجليه كامت متشيلني وطبيت وشفتها غركانه بدمها فقدت لا حسبت حساب اخ او ابن عم شلتها واركض بيها خايف افقدها
ومن صارت زينه حاولت اكثر م̷ـــِْن مره اشوفها وماكو

لهذا قررت اوكف بجانبها ورحت اشتريت سيم كارت جديد وخابرت واخذت رقمها م̷ـــِْن وسام بدون ميدري م̷ـــِْن تلفونه واول يوم اتصلت مبينه مال وحده باجيه متت قهر عليها وحاولت احاجيها ماكو قافله وسوتلي بلوك كلت هاي هيه كافي عيب هي هاي هم سوايه سوايتي دره بيه امجد ولا باهر وحتى وسام شيكون موقفي قررت مااخابر

ضليت يومين افكر لحد محسيت غير رجليه اخذتني لمحل موبايلات اشتري سيم كارت جديد وخابرتها وهم حضرتني ورجعت اشتريت مااعرف لَيــِْ♡̷̴̬̩̃̊ـِْش مصر احجي وياها مااعرف وكدرت اقنعها احنا اصدقاء وبديت اتقرب منها

اول ايام ضحك وشقى وراها اجتي ضايجه م̷ـــِْن وسام وحجتلي كلشي ارتاحيت م̷ـــِْن كامت تحجي حسيت بدت تأمن بيه ومن شفتها بدت تضحك بمرور الايام قررت اعوفها كلت لهنا ومهمتي انتهت ومكدرت اكثر م̷ـــِْن مره مااسيطر على نفسي واخابرها هاي البنيه بيها جاذبيه عجيبه وبقيت وياها 7 اشهر اتعلمت عليها وعلى سوالفها وصلت بيه مرحله احب انام على انفاسها رغم مصار بيناتنا كلام حًب ومشاعر بس جنت احس هي ملكي تابعه
الي ..

يوسف : وره فتره حاولت احجي ويه مياسه اريد اشوف بعدها تحبه لا وكالت اصلا نسته

ولاحظت م̷ـــِْن احنا موجودين متباوع ابد عليه وردت اتأكد م̷ـــِْن وسام ومن مشاعره كلت خاف حبها تعلق بيها حتى اعوفها مهما كان هذا اخويه واحبه ومااريد اطعنه بظهره واخذ حبيبته منه بس بعدين عرفت هي اصلا مو باله اصلا مكيف لان عافها وارتاحيت كمت م̷ـــِْن اشوفها ارجف مااعرف رغم مابيها شى يجذب كمت اشوفها احلى البنات حتى علاقاتي

انقطعت ويه اغلبهن رغم ماكو علاقة حب بيني وبينها بس احب احجي وياها حتى وسام انتبه عليه 24 بيدي التلفون م̷ـــِْن نكعد سوه بالكوفي شوب لازم اراسلها حبيت برائتها طفولتها ضحكتها كلشي بيها يونس وينسيني الدنيا بقلم Reem

وبيوم وبغلط مني نسيت التلفون على الميز بالحديقة ردت اجيب الجكاير مالتي بالسياره
ورجعت لكيت التلفون بيد وسام ويكول حنونه تخابرك متت خوف وخاصة شفت مياسه واكفه تضحك متت م̷ـــِْن الرعب بعدين اطمأنيت ماحست وخابرتها وتحجي طبيعي ابتعدت منهم وره 10 دقايق سمعت صوت مياسه ورايه وتصيح علي م̷ـــِْن الهبطه حتى التلفون وكع م̷ـــِْن ايدي حسيت هاي هيه خسرتها وحجت حجي يجرح انقهرت م̷ـــِْن نفسي لَيــِْ♡̷̴̬̩̃̊ـِْش هيج سويت بيها اني اتعلقت بيها وضيعتها
حاولت اتصل لليل ارجف اريد احجي وياها وهي غالقته. بقلم Reem

مياسين : طبيت منهاره مااعرف شأسوي ذيج المره انتحرت هلمره شسوي احرك روحي ابجي بحركه احس قلبي يتكطع نفس مااكدر اخذ خفت اسوي شى اندم عليه رحت ركض لبابا رغم م̷ـــِْن ذيج الحادثة وبابا قليل الكلام ويايه
طبيت ابجي وبحركه

الاب محمد : شبيج مياسه صاير شى
مياسين : شمرت نفسي بحضن بابا وابجي
بابا عفيه محتاجه حظنك راح اموت نفس مدااكدر اخذ
محمد :شبيج احجي وكعتي قلبي باباتي احجي

مياسين : بابا اني لَيــِْ♡̷̴̬̩̃̊ـِْش العالم تضحك عليه
ليش دائما ماعندي حظ إٱللـِْﷻـِْﮭﮧ انطاني وجه مصخم وحظ مصخم
الاب محمد : باباتي حرام هذا الكلام رب العالمين خلقنا وزرع بينا گـ❈ٍـْلٍ شى حلوو وانتي لازم تحطين بالج عسى ان تكرهوا شيئاً وهو خيرا لكم

باباتي اني مراح اسألج على سبب انهيارج لان
ادري مراح تنطيني السبب الحقيقي بس الي اعرفة بنتي سباعيه ومستحيل تنهزم لازم تواجهه الكل وتثق بروحها اني كضيت حياتي كلها اربي واعلم علمود اشوف وحده قويه متهزها ريح وانتي بهويه وحده انتهيتي مااريد اشوفج هيج اريد افتخر بنتي وتربيتي

مياسين : مسحت دموعي بابا لاتعوفني اوكف ويايه محتاجتك
الاب ؛عمري مااعوفج وياج باباتي بس اتوعديني كافي قلة ثقة بنفسج كافي اريدج قوية مااريد اي احد يكسرج ولخاطر اي احد تنزل دموعج

مياسين : اذكرت حجايه يوسف وحده م̷ـــِْن قوانينه لاتخلين احد يكسرج وكلت لازم اطبق قوانينك يايوسف واول قوانينك راح اطبقة عليك انت انتهيت م̷ـــِْن حياتي وغلقت موبايلي وراها كمت حضرته م̷ـــِْن الفيس ومن گـ❈ٍـْلٍ البرامج هاي هيه يوسف ورقة وانتهت م̷ـــِْن حياتي

يوسف بقيت ايام احاول اتصل بمياسه حتى للبيت رحت اكثر م̷ـــِْن مره اريد اطمأن عليها اشتاقيتلها واشتاقيت لضحكتها وسوالفها حتى نفسها اشتاقيتله معرفت قيمتها وتأثيرها على حياتي لحد مخسرتها ليلي ماانامه اني شنو الي سويته گل ماافكر اكول المفروض ماادخل بحياتها او اذا دخلت اكلها الحقيقة ليش جذبت عليها وشنو الي وصلني وياها لهذا الحد جنت ناوي اساعدها تعدي ازمتها م̷ـــِْن وسام واعوفها محسيت بنفسي غير واني متعلق بيها
ومكان مااساعدها دخلتها بأزمه ثانيه

اذكرت بقى امتحان واحد الها الي اجلته دور ثاني ظليت اسبوع كامل واني اكل بروحي بس اريد اشوفها ورحتلها للمدرسه م̷ـــِْن الصبح وانتظرتها ومن طلعت صرت كبالها Reem

مياسين : يوسف شجابك هنا وشعندك جاي روح
يوسف : مياسه اسمعيني اريد افهمج والله مو قصدي أاذيج

مياسين : كافي الي سويته عيب بحقي وبحق اهلي انت تكعد بنص اخوتي واهلي وتاكل م̷ـــِْن زادهم ومعاشرهم والمفروض تصون العشره مو تجي تطعن بشرفهم

يوسف : انتي شتحجين وٌلًــًّجٌ اني علي الي اخاف عليج م̷ـــِْن الهوا الطاير اني نفسي الي م̷ـــِْن اطلعين لحد مترجعين ارجف عليج واظل اتصل ماارتاح لحد مطبين للبيت اني الي اذا بجيتي احرك الدنيا لخاطرج ولااشوف دمعه منج اجي اطعن بيج اني الليل ماانامه اذا مااطمأن عليج مرتاحه اكلتي شربتي درستي حتى لو جنت تعبان اسمعلج واضحك لضحكتج كله في سبيل متكونين مقهوره وترتاحين

مياسين : اولا انت يوسف مو علي ذاك علي شخصيه انت خلقتها حتى تكدر تعلقني بيك وبعدين تكسرني وابشرك نجحت

يوسف : لزمتها م̷ـــِْن ايدها مياسين اني اسف واني ..
مياسين : اشششش مااريد اسمع كلمه منك الي صار بيه يكفيني عمر كامل انقهر بيه على نفسي وكرامتي هد ايدي واياك تحاول تتصل بيه لهنا وكافي وعفته ومشيت

يوسف : انقهرت م̷ـــِْن حجي مياسه ادري بيها مجروحه مني بس لازم ابتعد صدك لهنا وكافي
تخرجت وبديت اشتغل وكل فكري بيها حتى حياتي صارت اسود وابيض تعلمت على سوالفها اي بنيه كامت مااهواها وحتى م̷ـــِْن تحجي احسها تافهه ومااحب اسولف

تغيرت شخصيتي كلش حاولت اعرف اخبارها وسمعت بيها نجحت وجابت معدل صدك فرحتلها م̷ـــِْن گـ❈ٍـْلٍ قلبي

مياسين : مرت الايام مره بليه يوسف اتأكدت اني حبيته وتعلمت عليه وصدك حبي لوسام وهم مني ومجرد حب مراهقة لااكثر

قررت اغير م̷ـــِْن نفسي بس مو مره وحده بالتدريج حتى لحد يتوقع لخاطره لايوسف ولا وسام وحتى والدي ليحس لخاطر الكليه عيب بحقي كمت اعالج عيوني حتى اتخلص م̷ـــِْن المناظر وبعد علاجات وجلسات بدت عيوني تتحسن وخاصة تطور طب العيون بالعراق

نجحت وجانت صدمه للكل معدلي 89 ومعدل قمر 90 اني الي كضيتها دفرات وكوه انجح جبت معدل زين وقمر كله الاولى جابت 90 فرق درجه هًًهًهًهًــًهًهًه

ماانكر الفضل الاول ليوسف لان هو جان كلش يشجعني هّْـٍٍـًًــٍواي غير بنفسيتي وزرع الثقة بيها وجان يشجعني بشكل رهيب للقرايه ويزعل اذا مااقره واحيانا يساعدني ويشرحلي بالتلفون حبيت خوفه عليه احيانا بهواي مواقف احسه يحبني ويغار عليه بس جنت اجذب نفسي واكول اكيد متوهمه

مرت الايام ويوسف ميفارك تفكيري وكل ميجي اسمع صوته احس قلبي يريد يطلع يركض عليه ويحضنه مرات اباوع عليه م̷ـــِْن الشباك بدون ميحس اشوف عيونه ادور عليه مرات اكول يجوز يحبني ومن اشوف شكله الحلوو وشخصيته الي تخبل وفوكاها صار محلل وعنده شغله الخاص اكول مستحيل هيج واحد يفكر بوحده مثلي وهو الف وحده تتمناه

وبيوم كاعده بالحديقة ومااشوف غير يوسف فوك راسي و ماما وضحى طالعين وامجد وبابا بالشغل بس باهر وقمر بالبيت ونايمين واني ضجت وطلعت بالحديقة
يوسف رحت لباهر اشتاقيت لمياسه كلت بلكت المحها ولو شويه

طبيت للحديقة اريد اصيح باهر شفت مياسه وحدها مااعرف احس جسمي ثلج ورجلي متمشي اريد اوصل يمها ماكو
صرت فوك راسها واباوع عليها متغيره وشكلها هواي متحسن مااهتميت اهم شى اشوفها
شلونج ميوسه
مياسين : يمه يوسف شجابك
يوسف : اشتاقيتلج
مياسين : روح منا واذا تريد اصيحلك باهر كمت وجرني م̷ـــِْن ايدي
يوسف : وين تعاي
مياسين : يوسف تخبلت هد ايدي
يوسف : مااهدج اله احجي وياج كافي وٌلًج لا ليلي ليل ولا نهاري نهار كافي
مياسين : ولك يوسف تخبلت باهر وقمر هنا ليشوفونا كافي هدني

يوسف : اخذتها م̷ـــِْن ايدها وسحلتها سحل للحديقة الوره
مياسين : ولك م̷ـــِْن عزه الي عزاني وين رايحين فدوه هدني
يوسف : حصرتها بالحديقة الوره بالحايط وحطيت ايدي وصارت مياسين بين الحايط وبين ايدي
مياسين : حصرني بالحايط وضليت ارجف ماادري خوف اشتياق اول مره اتقرب م̷ـــِْن واحد هيج وفوكاها يوسف الي يخبل والي حبيته
عفيه عوفني بقلمReem
يوسف : مياسه رفعي راسج لادنجين اريد اشوف عيونج
مياسين : كافي يمعود ياعيون

يوسف : اتجرأت ونزعت مناظرها وشفت عيونها تجنن وخاصة هي مغيره المناظر وكاعد تعالج عيونها دريت هاي المعلومه م̷ـــِْن باهر

رفعت راسها بأيدي باعيلي ولج مشتاقلج وظليت قريب م̷ـــِْن نفسها اشمه اشتاقيتله
مياسين : صرت مي ارجف واحس جسمي يثلج ويحتر شعور عجيب ماعت روحي وهو قريب كلش مني وجسمي يرجف وبنفس الوقت حابه قربه مني

يوسف : مياسه
مياسين : نعم
يوسف : بستها بوسه وظليت اشم بيها
مياسين : 😳
يوسف : ميسووو احبج
مياسين : انتهيت اريد اوكف ماكوو يمكن ردت اخرب دفعته وركضت
يوسف : وين ۆيـن تعاي وجريتها م̷ـــِْن كصيبتها
مياسين : اخ اخ هدني

يوسف : وٌلًــًّجٌ وين عايفتي ورايحه سمعتي شكلت
مياسين : كافي فدوه الي سويته مااقبلك عليه
يوسف : صدك يعني معجبج وظليت امشي ايدي على شفايفها وهي ترجف واباوع على شفايفها وابلع ريك طعم شفافها يجنن

مياسين : ولك يوسف كافي اعقل شجاك
يوسف : مااكدر طيرتي عقلي وقربت شفايفي منها وبستها مره ثانيه واشم بنفسها حتى نفس مظل بيه اريد اكلها

مياسين : دفعته وضربته راشدي
كافي اني مو رخيصة وتسوي هيج بيه احترم نفسك اني مو لعبه وتلعب بيها وتضوج منها وتشمرها
يوسف صرت نار ولزمت ايدها بقوه ولج شلون تتجرأين اتمدين ايدج عليه مو صوجج صوجي اني احب وحده مثلج بقلم Reem

مياسين : كله بجفه واحجايته هاي بجفه سجينه وطبت بقلبي اذكرت حجايه وسام نفس الموقف انعاد عليه

مبجيت مردت يشوفني اضعف وابجي كدامه
حقك هو اني منوو حتى واحد مثلك يحن ويتكرم يحب وحده مثلي اني مجرد وحده حشره متستاهل شاب مثلك

يوسف : مياسين انتي اتجاوزتي ومديتي ايدج ولوما حـًًًًِـبٌــيّ الج هسه ادفنج هنا وصرت نار وطلعت الحجايه م̷ـــِْن حلكي مو قصدي

مياسين : قصدك مو قصدك لهنا وكافي كالها قبلك وسام وهسه انت عدتها وبنفس الموقف اثنينكم حطيتوني بس كل واحد بطريقة شكل

يوسف طريقك غير طريقي رجاءا احترم قراري لان مستحيل يصير شى بيناتنا انت جنت تحجي على وسام انت صرت مثله واتصرفت اتعس منه لهنا وكافي لتخليني اتصرف غير تصرف واقلل احترامي الك

يوسف : باعي انتي اتجاوزتي وقهرتيني منج اني هم بعد مااريدج اتوقعت م̷ـــِْن تعرفين مشاعري راح تحترميني وتقدرين حبي الج وخاصة انتي شفتي شلون اخاف عليج بهاي الاشهر الي فاتت حتى لو بغير اسم المهم اني نفسي يوسف مو مهم الاسم وكتلج احبج وانتي ساويتيني بوسام وبلي سواه وياج بس اني مو مثلة مياسين وانتي تدرين كلش زين اني مو مثل وسام ومشاعري غير مشاعره تجاهج اني حبيتج واتعلقت بيج وانتي تستهزأين بمشاعري و ماطول هذا رأيج بيه
صدك لهنا وبس واسف اذا ازعجتج وطلعت وعفتها هاي هيه انتهت مياسين م̷ـــِْن حياتي

يتبع ....