رواية النجمة البعيدة الفصل التاسع 9 - بقلم ريام هادي

قمر انهاريت خفت منه ومن حجه مااعرف شلون طلعت م̷ـــِْن حلكي
لان اغار عليك موبيدي تخبلت م̷ـــِْن شفتك ويه غيري
علي : شنووو شكلتي

قمر : وخر علي دفعته اريد اوخر منه مااريد اعترف بمشاعري اله وخاصة اني ماادري يحبني مثل مااحبه لو لا
لزمتها م̷ـــِْن ايدها تعاي وين رايحه عيدي شحجيتي
قمر : ماحجيت شى

علي : قمر احجي إٱللـِْﷻـِْﮭﮧ عليج عيدي شكلتي ولج قلبي راح يوكف الي سمعته صح
قمر اي علي اغار عليك ارتاحيت

علي : حضنتها ونسيت الدنيا كلها نسيت احنا بالكليه وبالمكتبه واني الثكيل الي الكل تحلف بااخلاقي وثكلي استخفيت م̷ـــِْن وره حبها

واخيرا واخيرا حسيتي بيه وبحبي
قمر شنووو انت تحبني

علي : لج يااحبج يااعشقج حبج مااله تسميه بعد محد سماه اذا اكلج الهوا الي اتنفسه قليل اني بدونج اموت
قمر علي يحجي واني مصدومه على فرحانه ودموعي تنزل بهدوء
مسح دموعي بأيده م̷ـــِْن حضني حسيت بحنان الدنيا كلها بيه
علي : كافي ياعمري گـ❈ٍـْلٍ دمعه تنزل منج تحرق بقلبي حرك تعاي
طلعنا كعدنا بمكان محد بيه

قمر :علي شوكت حبيتني وخاصة حبك عجيب وانت تحجي كأن واحد يحب م̷ـــِْن زمان
علي : حجيت لقمر على كلشي م̷ـــِْن اول يوم شفتها بيه لحد لحظه الي كاعدين بيها نسولف
قمر: يحجي عن حبه وعشقة الي واني مصدومه صدك اكو واحد يحبني گـ❈ٍـْلٍ هذا الحب واني جنت محاسه
قموره حبٌيـبتي ليش ساكته
قمر :علي اني احبك

علي : ولكم ياناس ياعالم واخيرا حبتني
قمر عزه ولك مخبل منا الطلاب عيب خزيتنا
علي : ميهمني احد المهم اني تحبيني وانتي الي

قمر :احلى حب عشته ويه علي نساني الدنيا كلها اول شى سويته اعتذرت م̷ـــِْن البنيه واتفهمت الموضوع شكد احبه واغار عليه وهو هم مخبل ويغار كلش وعصبي اموت على عصبيته وغيرته ويحاسبني على الضحكه اذا ضحكتها بصوت عالي وملابسي يدخل بيهن اذا جان ضيق قصير المكياج فاتح ماكو طوخ وغيرها وغيرها كله ممنوع وعلى قلبي مثل العسل وظلينا مثل طيور الحب الكل يحجي بحبنا فديته

مياسين : نجحنا مرحله الاولى وحياتي مابيها شى جديد بس علاقتي بقمر صارت كلش زينه وعرفت صار حب متبادل بين علي وقمر وجدا فرحتلها لان صدك هو انسان يستاهل حباب وخلوق وادري بيه يموت عليها ويخاف عليها ونيته شريفة وياها

روى وعمار انخطبوا واخيرا بعد معاناه ابوها مقبل بالبدايه الا تكمل الكليه بس هي وكفت بوجهه واخيرا الخرسه حجت وصارت الخطبه بس الزواج بعد تخرج عمار وعمار وافق المهم يضمن تصير اله

وضحى اختي الجبيره انخطبت الحبيبها مؤيد انسان راقي ويحبها وهادئ مثلها متوالمين جدا وصارت الخطبه وفدوه لقلبها طلعت اتجنن وهو طاير بيها طير واني بحفلة الخطوبه مسويت شى البنات كلهن مخبوصات لبس ومكياج وناس راحت صالون اني طبيت سبحت طلعت لبست بنطرون وتيشيرت وسويت شعري ضفاير وكعدت وسكتت متهمني هاي السوالف كلها بس جنت اساعد ماما بالتقديم والاكل

اما قمر طلعت تخبل خبله تعاركت ويه علي لان لابسه فستان مخلع رغم ماكو بس نسوان اتعاركت وراها تركص ادري بيها تموت عليه وتحب غيرته وخلصت الحفلة ماانكر اسمع اشكال حجي مدح لجمال ضحى وجمال قمر واني هم حجوا كالوا ولا عبالك اختهم حرامات مو حلوه مثلهم  شفتوا هم جابوا سيرتي ميكدرون
واني اسمع واغلس

جنت دائما اكعد افكر بحياتي والي مريت بيه ودائما اذكر يوسف ميروح م̷ـــِْن بالي مرات احس روحي ظلمته وجان لازم انطيه فرصة حتى اعرف يحبني لا مااعرف لَيــِْ♡̷̴̬̩̃̊ـِْش لحد الان افكر بيه طبعا بعد الي صار ويانا مأجه للبيت غير مرات معدوده وراها اختفى كمت اسمع اخباره م̷ـــِْن اخوتي م̷ـــِْن يحجون كدام بابا او ماما طول ما يجيبون طاريه قلبي ينبض حبيته والمفروض مااحبه لان حب نهايته الفشل
واني مو م̷ـــِْن مستواه مو ماديا لا الماده الْحٍمَدٍ للـّہ متساويين بس شكلياً لان اذا اوكف يمه اسويه مزق كبال جماعته راح يستهزئون بيه وخاصه هو حلووو وراقي وانيق واني كلشي ماكووو

قمر :مياسه عندي شغله وياج
مياسين : كولي ياستار خير
قمر شكوو لج قابل شريد منج بس اريد احجي ومتزعلين
مياسين : احجي عيني خلي نشوف تاليتج شلون
قمر : ميوسه تدرين بيه احبج

مياسين : مبين م̷ـــِْن خبالاتج ويايه وخباثتج
قمر لَيــِْ♡̷̴̬̩̃̊ـِْش قلبج اسود متنسين
مياسين : لاعمي نسيت يله فضيني تعبانه واريد انام
قمر: شفتي بحفلة ضحى العالم شحجت
مياسين : شحجوا
قمر: لاتزعلين قلبي لو مااحبج مااحجي
مياسين : يبووووو سوتها قصة فضيني يمعوده مو لعبت روحي
قمر : حجوا عليج وكالوا ..
مياسين : اشششش ادري شكالوا مدحوني اخبل اكيد
قمر : انتي هم الج واهس وتضحكين يعني تسمعيهم شلون يجرحوج وانتي عادي

مياسين : باعي قموره طول حياتي م̷ـــِْن اني وصغيره اسمع اشكال انتقادات وحجي يلعب النفس م̷ـــِْن الغريب والقريب يعني صارت عندي مناعه م̷ـــِْن حجي العالم ميهمني وثانيا مديحجون غلط صدك اني محلوه شنوو تريدين العالم تجامل وهمه يشوفون خواتي يخبلن وحده احلى م̷ـــِْن الثانيه واني صخله بيناتهم ويكولولي انتي حلوه تره حرام والله اني لو منهم هم احجي

قمر : لا ميوسه لتكولين هيج على روحج والله انتي تخبلين بس انتي خبله عاجبج دور الولد الي انتي بيه وهامله نفسج وتعاي اكلج بابا صار سنتين يلملج على فلوس وسوالج عمليات علمود عينج وبقت اخر وحده وانتي وقفتي كلشي ورادج بس تتغيرين وانتي قافله شنوو سالفتج  خاف بعدج مجروحه م̷ـــِْن وسام

مياسين : شنو ياوسام ابن عمنا
قمر : اي اكيد سوالج جرح بقلبج م̷ـــِْن فشلتي بعلاقتج وياه

مياسين : حيل انتي شكد قديمه بابا وسام صفحه سوده م̷ـــِْن حياتي وانشكت
قمر : لعد ليش متغييرين م̷ـــِْن نفسج والله شغلات بسيطه اطلعين صاكه

مياسين : مااريد ولي يله وسدي الموضوع وروحي لعلاووي صالحي والتهي بيه احسن ماكاعده ادوخيني

قمر : انتي ميفيد الحجي وياج انطيني تلفونج اخابر روى تساعدني
مياسين : ملكيتي غير هاي الفاهيه

روى :مياسين ممكن أســــAskــأل ليش رافضة تتغيرين اكيد مراح تضمين عليه

مياسين : رورو الصراحه ومكايلتها لااحد امنيتي واحد يحبني على شكلي هذا ويحتويني وميهمه شكلي يهمه داخلي ويعشقني واعشقه بدون سوالف الجمال والرشاقة وحب الشكل

روى :هذا بااحلامج متلكيه لان الرجال اول ميفكر يفكر بالشكل والجسم بعدين يله يدور اخلاق وقلب طيب هاي السوالف متهمهم وعلى وضعج هذا لو تموتين متلكين واحد يحبج لتزعلين مني تدرين بيه صريحه

مياسين : لا والله قبيحه بس خلي اكلج شى لا مو مستحيل لان لكيته لهذا الانسان وماادري اتصرفت صح لو غلط م̷ـــِْن عفته
روى :شنووو عزه منو هذا
مياسين : وحجيت كلشي لروى

روى :ليش مياسين هو هيج واحد ينعاف المفروض عليج تنطيه فرصه حتى يبين حبه الج ولو انتي وجهه الفكر والسانح طويل ومتكدرين اذا متخربين الشى الزين

مياسين : على كلا هذا شى انتهى صار سنتين واكيد هو هسه يحب وحده تخبل
انسى موضوع وانتهى

وطبعا استلمني روى وقمر وزن وزن موتني مااعرف وين انطي وجهي منهم واخيرا بعد اسبوع م̷ـــِْن الملحه مالتهن قررت اتغير واحاول آحـــًًًًِــــــسًٓـن م̷ـــِْن منظري

اول شى سويته دخلت على النت وشفت الموديلات والعالم وين واصله بالموضه واحاولت اتعلم تنسيق الالوان اخذتلي ايام وليالي كاعده واتعلم طريقة المكياج وتنسيق الالوان وروى وقمر معافوني كلشي يعلموني عبالك عندي امتحان بكلوريا

رحت ويه بابا لمركز مال عيون الي سويت عدهم العمليه والدكتور جدا راضي عن نتيجه فحص العين ومتحتاج عمليه فقط علاج وابره بالعين ويرجع كلشي تمام سوويت الي طلبه الطبيب واخذت اجازه كم يوم م̷ـــِْن الدوام والحمدلله جانت النتيجه جدا ممتازه واستغنيت عن المناظر

خابرت صديقتي صفا الي جانت ويايه بالاعداديه اتزوجت واستقرت بتركيا جانت تموت على الموضه ومواكبه الازياء ودور العرض وتعرف الماركات جانت مخبلتني بهاي سوالفهم وطلبت منها تشتريلي ملابس م̷ـــِْن تركيا وحولتلها فلوس بعد مابايا حبيبي كيف م̷ـــِْن دره دااغير بوضعي وانطاني مبلغ جبير حتى اشتري گـ❈ٍـْلٍ الي اريده وصدك وره اسبوعين وصلت الملابس تجنن قطعه احلى م̷ـــِْن قطعه وست قمر تكمز ههههه تريد منهن وماانطيها

محاولت اسوي شى يفوق الحدود اني جمالي بسيط ليش اغيره رب العالمين انطاني هاي الخلقة وراضيه بيها گـ❈ٍـْلٍ الي سويته غيرت وبرزت انوثتي سويت رجيم بسيط لان كان عندي كم كيلو زايد واكيد هاي فرصة قمر وروى موتوني م̷ـــِْن الجوع وحده بالبيت محاربتني والثانيه بالكليه ونزلت وصار جسمي يموت صاك صاك اني ظليت صافنه ورحت كصيت شعري ودعت الضفيره الى الابد

وحفيت وخرت السعفات الي بحواجبي وتنظيف بشره وترتيب بس هذا محبيت ازيد او اغير بعمليات التجميل واول يوم اتجرأت ابدل واتمكيج مكياج نازك بناتي وشسورت شعري ولبست تنوره ميدي وقميص قصير وجنطه وحذاء كعب باوعت على المرايه هاي منووووو
هاي اني عزه صًدٌك ولج مياسين الزركه هيج صارت فديتني
لامستحيل طبعا مااكلكم طلعت اخبل واكطع لا بَـßÊـسّ طلعت حلوه والي يشوفني هسه يحسني جميله بنزاكه وبدون تكلف وراقيه واجذب الانتباه كلش حبيت نفسي قبل شكلي بس خايفة شلون اداوم هيج وشلون ردت فعل الطلاب وزميلاتي اذا شافوني

قمر :طبيت على مياسين يمعوده وًٌيْـــــنُِٓــچٌِّٰ تأخرنا على الخط هاي منوو
انتي منو مياسه وين لا ياربي
مياسين : هههههه امشي لج تجامليني
قمر وٌلًــًّجٌ شجامل طالعه تموتين راقيه بشكل
مياسين : قمر خايفة مستحيه م̷ـــِْن الطلاب هسه عبالهم لخاطر الولد هيج سويت لو عندي شى

قمر :امشي لج لتضلين توهسين اريدج مياسين السباعيه البطله الي متخاف م̷ـــِْن احد والسانها 10 مترات يله امشي اليوم راح تنكلب كلها عليج
مياسين : طبيت للكليه والكل تباوع عبالهم ضيفة بالكليه والي اسلم عليهم بينا فقط سلام الي يجاوب يظل صافن ميعرفني واني اضحك بيومها مشاعر مختلفة بين الثقة والغرور والخوف والخجل مااعرف
روى :حبي مياسه هاي شنوو طالعه تموتين
وين جان هذا الجمال قبل
يمعوده متسكتين كله منج ومن قمر الرعنه صوجي سمعت كلامكم باعي الطلاب عبالك م̷ـــِْن غير كوكب
عمار :هلوو رورو معرفتينا بالبنيه
مياسين : ولك خبل معرفتني
عمار :هاي منو مياسه مستحيل انتي بنيه

مياسين : سالمين عيني شنوو قبل جنت رجال
عمار :لا والله جنتي ارجل م̷ـــِْن الرجال ههههه
مياسين : لو ما بالكليه جان عرفت شلون اتصرف وياك
عمار رورو غيرت رأي راح اتزوج مياسين واعوفج لان طالعه تخبل
روى اذا مياسين موافقة
مياسين : اي هاي هيه مبقى عليه غير عمار المخبل وروى الفاهيه يله امشي ست روى ورانا محاضرات

طول اليوم متوتره احس بس اني بالكليه بنيه نظرات الولد عجيبه حتى اكو ولد مستحيل يباوعًلي كتلوا نفسهم شكد فاشلين لعد همهم المظاهر والشكل وميهمهم الجوهر

كمت يوميه البس شكل ابدع مااكلكم خلال شهر واحد صارحوني 4 بعد مجنت مااشوف اظفر رجال هسه صاروا 4 وبشهر واحد كله رفض مااريد ارتبط بًًًـأي احد لان قلبي بعده يحب يوسف رغم مشايفته ومااعرف شنو وضعه هسه يحب لا
صرت كشاخه القسم ههههههه تصوروا مياسين العوبه كشاخه القسم والكل يثنون على الاناقة مالتي وترتيبي وملابسي حتى صاروا هواي بنات يغارون مني والله مخبلات

الهام ام مياسين :ماما ميوسه وانتي قمر احسبوا حسابكم عدنا روحه بًيــُــتُٓ عمكم ابو وسام لان يردون يتناقشون علمود موضوع خطبة مروه
مياسين : ماما اني مااروح
الهام :ماكو الكل تروح يله فضونا
مياسين : فكرت بيها اكيد وسام هناك وهو مشايفني بالوك الجديد

نسيت اكلكم غير وسام الغبي خطب اني مرحت للخطوبه جانت الخطبه قبل 6 اشهر مردت اشوفه مااريد اتذكر اهانته اليه وماردت اسمع انتقادات اهل ابويه علمود شكلي لان خطوبته صادفت قبل مااتغير
خطب وحده بيضة وعيونها خضر تخبل بس قزومه يله القزمه هم حلوه بَـßÊـسّ خشم يابس وميعجبها العجب وهاي الاحداث كلها عرفتها م̷ـــِْن قمر

قررت اروح واكيد راح اشوف وسام بدلت وصار اكثر من سنه مشايفته وكشخت بس بدون تكلف حتى ليحس على موده هيج مسويه ولو اني اصلا اريد اروح احرق قلبه

الحلوو بالموضوع بعد مضعفت صار جسمي يجنن واني طويله طولي حلوو صارت الملابس عليه فدشى
لبست بنطرون جوزي مخطط ناعم وفوكاه ستره لونها وردي مطفي جدا فاتح وتحته قميص ابيض وحذاء جوزي وبيه وردي نفس لون الستره طلعت اجنن فدشى راقي

اول مطبيت لبيت عمي ظلت صافنه مرة عمي وعمي ومروه ههههههه تخبلوا م̷ـــِْن شافوني وكلش حبوا اللوك الجديد وحبيبي عمي يتغزل بيه هههههه وفجأة طب علينا وسام ومن شفته اذكرت گـ❈ٍـْلٍ الي مرت بيه م̷ـــِْن اهانات وكسره قـلب وتقليل قيمه رجع الحقد بقلبي تجاهه شافني صفن
وسام :معرفوتنا
قمر :ههههه هاا استاذ وسام معرفتها هاي مياسين

وسام :منووو مياسين مستحيل
مياسين : شلونك وسام ان شاء إٱللـِْﷻـِْﮭﮧ زين والف مبروك الخطوبه طبعا احجي وياه وشايله خشمي بكل غرور وكبرياء

وسام : بقلبي احجي هاي مياسين مستحيل شغيرها شنو كميه الاناقه والنزاكه الي هيه بيه صدك فاجأتني وطول الكعده عيني متنزل م̷ـــِْن عليها مو بيدي بعدني مصدوم شكلها وثقتها بنفسها موتني احس انسانه اول مره اشوفها واريد اكتشفها عيونها بيها سحر عجيب م̷ـــِْن تنظرلي جسمي يرجف مااعرف شبيه كياني كله تخربط م̷ـــِْن شفت مياسين
اي مياسه شخبارج بياكليه هسه
مياسين : هندسه برامجيات جامعه التكنلوجيه مرحله ثانيه
وسام : هاااا ماشاء إٱللـِْﷻـِْﮭﮧ

ابو وسام :شنوو متدري بنت عمك بيا كليه
مياسين : حقه عموو جان ملتهي
ابو وسام : وبيش ملتهي

مياسين : ملتهي يدور بنات حلوات ويصطادهن
وسام : عرفت هذا بسمار اليه ضحكت ودنجت عرفت بيها مناسيه الي سويته بيها

مياسين : صدك وسام كالوا خطيبتك حلوه بعد شتريد الي ردته صار وراح تزوج وحده صاكه مو شرطي وبنيه مسترجله

وسام :لايربي هاي صاعد الحقد عدها فول مبين م̷ـــِْن كلامها
اي مياسه خطيبتي حلوه وان شاء إٱللـِْﷻـِْﮭﮧ بخطوبه مروه اعرفج عليها
مياسين : اكيد راح اتعرف عليها

وسام : دمرتني حجيها كله بسامير وتحجي بخشم يابس ويه الكل تضحك وتسولف اله ويايه بخشم ظليت بس صافن عليها وين متروح وين متجي واني اباوع على طولها وجسمها واناقتها وعطرها يموت دكت عليه خطيبتي رفضتها ردت بس اعرف هاي مياسه شغيرها هيج بالي كله يمها ومردت احد يشوش فكري وخاصة خطيبتي نادين فدوحده نكاكه وبس تتزعل واكيد راح نتعارك مثل گـ❈ٍـْلٍ مره

مياسين : طول اليوم وسام مشال عينه مني حسيت بأنتصار عجيب رغم مابدر شى م̷ـــِْنه بس عيونه فاضحته وين مااروح عيونه ورايه وبس يحاول يحجي ويسولف واني كله حجي وياه بثكل اني الك وسام اله اندمك

م̷ـــِْن دنطلع م̷ـــِْن بيت عمي بالباب سلمنا
يله مع السلامه وكف وسام قريب مني بحيث م̷ـــِْن يحجي محد يسمعه وهمس بأذني
وسام : خلينا انشوفج مو تكطعين وتعاي بخطوبه مروه
مياسين : اكيد راح اجي يله باي
وسام : شنوو هذا الكبرياء الي عدها ظليت يومين ومياسه متروح م̷ـــِْن بالي فكري كله بيها

مياسين : بعد اول مواجهه بيني وبين وسام قررت انتقم منه خاصة م̷ـــِْن شفت نظرات عيونه اتريد تاكلني تملكني الانتقام لازم انتقم لنفسي ولاانوثتي الي دمرها جرح مراهقة وايام صعبه مريت بيها بسببه ومحسب حساب شراح يصير بيه وجان نتيجتها محاوله انتحاري لهذا راح اشتغل عليه على البارد احرك قلبه على كيفي واني اعرف نقطة ضعفة الجمال صح الجمال مااملك جمال خارق بحيث اخبل لا شكلي مرتب واملك الاناقه والترتيب والجسم الحلوو سهله ياوسام اله اندمك

بعد كم يوم صارت خطبة مروة بنت عمي الخطبه عبالك خطوبتي مو خطوبتها اشتريت فستان اسود والايد كيمونه مقسم على الجسم وطويل وفوكاه شال خفيف وكان جدا مغري بحيث مرتين تعاركت ويه امجد اخويه يله قبل البسه ولان ماكو غريب وبس بنات قبل وفتحت شعري ومكياج كلها تخبلت كلهم عبالهم مسويه عمليات تجميل وصلت لبيت عمي ونزعت الجبه لان مصلخ مااكدر البسه الا البس فوكاه جبه

مااعرف اول مطبيت حسيت قلبي مقبوض واشوف عـُـُيٌُوني ادور على شخص بس كلت مستحيل اشوفة شافني وسام م̷ـــِْن بعيد درت وجهي سويت روحي مشفته
وسام :لا يالله هاي شطالعه تموت شنو هذا الجسم وهاي الاناقة هاي ناويه تحرك قلبي
هلو مياسه
مياسين : هلو وسام وانداريت ولبسته
وسام : اوف شطالعه احجي وياها وهي لابستني هيج تغيرت هاي مياسين الي جنت لابسها ومااعبرها بكلمه لابستني حقها هي غير شطالعه كلها انوثة واغراء والجسم يكطع والاسود طالع عليها فدشى

بقيت افتر ورها احاول احجي وياها وهي لابستني واتعاركت ويه خطيبتي ومراح تجي للخطبه بعد احسن وصاحوني الولد لان اهل الولد اجوي لان هي قرايه فاتحه وهي نيشان بنفس الوقت

مياسين : طبيت للمطبخ اساعد بالكيك والعصير شفت العصير قليل وكالوا جابوا بعد
هاي ۆيـن صارو غير يجيبون العصير دومهم شغلاتهم عوجه ونداريت على السنك داارتب بالكلاصات شميت عطر بحياتي ماانساه اوف هذا العطر نفسة لو اتخيله لا ياربي لتخليني بهيج موقف
هلو شلونج مياسين وانداريت والصدمه
يتبع ...