رواية النوك الحمر الفصل الحادي والستون 61 - بقلم مريم السعدي

فرح- بيومها دخلت بدوامه سطرتني سطر شسوي كلبي يريده ماريد اكذب على روحي خاله مره كالتلي من تردين شي باعي بمرايه روحج وساليها واني هيج سويت لميته بكل جزء بيه ياكل ويشرب لكيت صورته ب اركان كلبي
شهامته
وامانته وحرصه وغيرته
لو بس يقلل عصبيته حتى خوفي منه احبه امثر موقف ياثر بيه من اتذكره من صعدت اول مره بغرفته وحس بيه
وكانما احساسه مربوط بيه
صفنته من فتح باب الكنتور وراها راح لبس فانيلته وتقرب ووكف يم الزاويه متردد يشيل العباه بعدين رفعها شوي وتركني لحد الان اتذكر من وكفت كباله وهو لازم راسه كعد عدل من بجيت حتى مرفع عينه بعيني.

اموت على خوفه من ربه وحبه لاخته

بيومها قررت راسن انه اوافق بس انطي مجال لروحي انسى كلت ادز رساله من فون خاله وامسحها راسن

ثاني يوم خاله راحت هناك ورجعت تباوعلي بشك وحيره حدما بابا طلع تقربت مني وبيدها طاسه اللي البارحه سويت بيها الفاكهه كالت
اافرحه هاي شتساوي عدنا لكيتها عالمغسل هناك
خجلت حيل نصيت راسي مرديت غمضت عينها والتفتت عالسنك  غسلتها ورجعتها تقربت منها حسيتها زعلت وضاجت مني
خاله والله اني. شفته ضايج وو
وين شفتي فرحه اوخوي تحرم عليج لاتخبليني اوخوي مايطخ حرام

خاله والله مشافني من وره الخوص طيته الفاكهه
ييمه ان كان بكلبج شي له صارحيني وان لا   يايمه  لاتعلبين بكلبه. خلج بعيده حنا مانعرف. دعش لو فيها لو عليها
بقيت ساكته خجلني كلامها تركتني رجعت للغرفه حسوني مصخن البارحه والصبح فك تمددت شوي وطبت تبتسم كالت
يله برانا شغل
كمت بنشاط  توقعتها تزعل عليه بس من طبت تضحك نسيت كلشي  كمت وياها اشتغل

مرت ايام ماشوفه بيها خاله ارتاحت لراحته  كامت تروح وتجي مناك مرتاحه متجيب سيرته بالبيت ابد مر شهر. واني مشايفته وكل يوم يتجدد العهد اله بداخلي حسون تعلم بله امه   رغم الكه بعيونه حزن كلبي القديم. وارجع واكول يتعلم ويعرف ناسه بعدين مثلي
تعلق بيه هواي

حبني كلش بكلشي يرجعلي وكام يروح وي ابو يوميه للبر ويرجع العصر يمنا

جنت اشم بيه عنبر ريحه ابوه
ودم احضنه وهو يكيف
مرت شهرين واني بعدني مناطيته الاشاره حدما فد يوم مكدرت بعد شتاقيتله من سمعت صوته

يس- اندكت الباب علي بيدي وبريسم دتسوي عشا كمت طلعت
لكيته السيد
ها سيد تفضل تفضل
لاه بس حيت على سيد حسين لخو نام
لا لا بعد ديتعشى دفوت  شو معلاك حمس مسويه اختك
هاه ههه مايتفوت هالعشه

طب بثكل ومنصي ميت مره صاح
يارب ياساتر
واكوله فوت يمعود ماحو بس اختك ادري بفرح متطلع من تسمع حسه كاعد بالمطبخ وبريسم تصب العشا بدينا نتبادل اطراف الحديث عن البر وعن الزرع والنخل والحليب وصيح حسي
بويه  انه اريدن اباتن هني
لاع سيد حدو ويايه كمل عشاك ياله
سكت حسين ونصه بحزن  سكتنا فجاه فرح بمشيتها بالممر القريب عالمطبخ واجراص الجنجل تدوي لان فارغ الممر اشوفه صفن مركز بالصوت عكد حاجبه ودنج منصي ويفر راسه يمنه  ويسره فرك وجهه وكام كال
اترخص
تعال وين متعشيت
لاه غير نوبه
ارتبك حيل وطلع حتى مرد على بريسم الصاحته  كمت اشوف اثباتات واغلس بنتي موثوبه ولاهو ثوبها متتحمل عصبيته واخاف عليها صراحه. ويكفي انها مرايدته وتخاف منه بعدها لحد الان صوت عبرتها وشهكتها بيوم الطلعت من السجن تحرك بكلبي

فرح- ماعرف ليش راح   تعشينا وخاله وبابا نامو مكدرت اغفى شتاقيتله كلش طلعت لكيت فون خاله عالشحن بالمطبخ اخذته وطبيت للغرفه طلعت رقمه عالفايبر اباوع مبتسمه عاضه شفتي بخجل

صعبه عليه
بس سويتها

دزيت رساله
سيد
شوي ورد

كولي علويه شلي مصحيج عسى ماشر

سكتت مبتسمه رسلت
شونك
كال راسن
فرحه
اي ضحكت من كلبي كال
كولي
شكول
التردي وروحي
عادي اخابر
لا
ابتسمت شكد شهم رسلت
شون انطيك اشاره
كال

وصلت  روحي هاذ اهو
يعني شنو
يعني تزهبي  الخميس داز على خوالي روحي هاذ اهو الباكي علي
اوك
راح ومسحت الرسايل كتب
مسحي الكتبتي ماودي حجايه تاذيج
لامسحته لترسل بعد
اوك
ضحكت من كلبي مسحت ورجعت الفون
نمت براحه ثاني يوم الصبح دنتريك ودك فون بابا رد مستغرب
الو ابتسم بفرح وكف وضحك صاح
ولكك بذذات
استغربت منو هذا اني وخاله بقينا صافنين  عمو قاسم البارحه راحله بابا منو هذا بقه يفتر ويحجي باوعلي كال
فروحه صارت مره تعالو مرولنا منكرص والله هههه
عرفت عمو عرفان كمزت وي بابا وكفت يمه يحجي ويضحك وياشر اوكفي كمل حجي سده كال
خالتج عكب باجر جايبها عرفان وجاي
جذاب صدك
اي والله باوعت لبريسم متحتاجين توصاه
انت وخطارك بعيني يمي عيني
اروح فدوه. يله طالع اني اااصدك علويه شنو رايج نطهره لعلي فد نوب لان عرفان مضمد جان يعرف يطهر
هاذ اهو التكوله اعتبره تم
نيال كلبي يله فيماللا

طلع بابا واني وخاله كعدنا نقرر شنسوي وشنو المنسوي كالت كون خوالي همات يجم
كلبي دك راسن باوعتلي كالت
تضنين لون طهرنا حسين فد نوبه يتملل ابوج لو ما يدير. بال
لاخاله عادي بابا يميف
هاذ اهو راح اكولن لابوه بلجن نخلص صار رجال ومامطهرلحتى فد نوب نركب على روح امي واوبوي واخوي وولد عمي ونعزم خوالي من كربلا كلهم وبعد ينعرفون على اوبوج
اوك
كمت من مكاني وبلشنا شغل خاله راحت لبيت الجبير ورجعت  خابرت اخوها وفهمت انه ارتاح للفكره بيت   خاله رفاه كال بابا حيباتون عدنا ثلث ايام كيفت مشتاقه للبنات وخاله هم رغم مو ذاك الكد عشت  عدهم بس والله جانت احن من ماما عليه احب عائلتهم كلش جنت

يومين وبابا تسوك وخاله حضرت واني وياها خبز وكبب حضرنا للطهور وام عوف ويانا خطيه حسين علاوي بعده صغير بس هذا جبير يومين وجوي بيت خال السيد تقريب خمستاطش نفر مره وحده جبيره بالعمر وثنين بال٣٠ جانو كلش بشوشين مثل خاله بس اول مشافوها كالو

ها لخو ماكرطتي زلمتج جاوبتها خاله تضحك
لا جده طالعي   ذاك وينو جنه الغضنفر الهاديء الف الحمد لله والشكر على نعمتو
هاه هههه ول بريسم حصلتلها رجل
اي وسيد الرجال تاج على راسي  مخليتو فخر وطاعه

ربي لا يحرمكم دخلتو هاي بنتو
اي يالجده هاي بنيتو وبنيتي بعد
الله يستر عليها تعاي حبوبه احبنج
تقربت ابتسم باوعت لخاله بخجل بوستني شفطت خدي شفط طبو وقدمت مي مهيل عدهم هاي عاده هنا قبل الغده لازم يقدمون هيج وراها الغده ينصب ام عوف تحضر بالخضره ركض ركض سويت زلاطات واللبن وخاله كاعده يمهم النسوان الثلاثينيات يباوعولي ويتشاورون ويبتسمون كامو وجوي يمنا مالو
مامحتاجه فزعه وياج
لا العفو ويتيه ام عوف روحو ارتاحو
لا بالله الا وياج
كيفكم
وحده وكفت عالسنك دقايق كام يلمع عزه واني ساعه امعمس بي واللخ تمسح الطباخ والكاونترات. صبينا واجه بابا اخذ الغدا اشرلي  بابا يضحك
لج بابا فتحي باب الصاله خالتج جتي كمت اكمز وركضت شي من ريحه اهلي وحنيتهم القليله فتحت الباب وطبت خاله تبوس وتبجي واني طايره تقربت بست بناتها وطببتهم وسديت الباب بابا دك باب المطبخ ركضت فتحتها بيتجنما خاله تتسالم وي خاله بريسم والبنات وترحب اخذ بابا الصواني يباوعلي يبتسم كرصني من خدي بفرح وراح طلع ١٢ صينيه بقالنا بس٦ الزلم بيت السيد والنسوان عدنا بيتنا انترس واني ماعرف احجي وي منو طايره كومه ناس عدنا لليل كالو باجر الفجر يطهرون الولد خاله لزمت كلبها  خطيه خايفه هو اني ميته خوف على اخويه وحسون خطيه
لليل خابر بابا خاله بريسم ماللها فرشي لعمو عرفان وولد خاله بالصاله بيت خال خاله بريسم النسوان راحو لذاك الحوش نامو فرشتلهم ام عوف والزلم بالمضيف خاله كامت ووياها اني نفرش لخطارنا رجع دك فونها كالت
ها خوي باوعتلها من جوه ليجوه عكدت حاجبها كالت
شفيك وانه شدراني
--
اهو الاتصل كال فرشي للزلم انه شعلاي

--
ان مارضى لاتضقط عليه خطارو مابخطارك سيد واهو يريد ياخظ راحتو بالحجي وي صاحبو حت بهاي واكف بزورو

---
عليش حارك بدمااك انه ما فايته عليهم يا عبد شجاك
انه ماعلي اهو اليامر وانه انفذ الله وياك سدته بعصبيه وتدردم

فرح- بقيت صافنه شبي عصبي حضرنه فرشات الولد شون حلو مكيفين شوي وطب بابا كال
حيفوتون

طلعنا وخاله فرشتلها بغرفتي هي والبنات سمعت حجي بابا وخاله بالممر بهدوء
كال
خطاركم نام واني اريد اسولف وي عرفان استحيت جبته هنا حتى ناخذ راحتنا صار سنتين ممتشاوفين
اي شكوش منها تاج راسي هله بيهم
تحضريلنا لبن وتمر فدوه لعمرج اروح يوم يوم
بعد عمري ثواني واطرشو بيد فرحه البيت
زين

فرح خاله تمددت تعبانه من الطريق والبنات هم كمت وي خاله بالمطبخ ننضف ونعدل ليوم باجر ونحضر حتى الريوك سوت وي ام عوف كاهي ونكعت دجاج علمود شوي التنور يمكن ٣٠ دجاجه من غير السمج عزه خطيه بابا والسيد لل١ ونص رجع خابر السيد
جاوبت خاله
ها خويه
اي تعال هله فيك لالا صاحين تعال خش من باب الخطار سيده
فرح- بقيت اباوع لخاله شنسوي اساعدها متلهفه يمكن بابا يمه وحيفتح السيد موضوع وياه كلبي يدك كلما  اسمع حسه خاله سوت صينيه ودكت الباب طلع بابا اخذها باوعلي كال
لبسي بابا وتعاي سلمي على عمج سال عليج
اني اشرت على روحي باوعت لخاله
اي يله ماكو احد غريب بس رجل خالتج والولد والسيد منا وبينا لبسي حجابج وتعاي
اوك
باوعت لخاله وجهه يضرب الوان رحت لبست
يس- دكت فرح الباب السيد كاعد بصفي جاوبت
تعاي بابا فوتي
السيد التفت عليه خزرني همس لوين تفوت عمي زلم كاعده شني السالفه
قابل غرب سيد
تعاي بابا تعاي
السيد كال وضاغط على سنونه وعيونه نار

شني السالفه عمي شجاك وين مدخلها
يابه عمها يريد يشوفها
كال بنتره. هه احمر
جا شني تستعرض فيهاا
فكيت حلكي ضيقت عيني ماحملت حجايته همست اباوع لعرفان والولد يباعون عالباب فرح مدخلت
عفووا شكلت
خزرتها فرك وجهه وكف من نزل الكيلون ديروح عالباب لزمته كتله
خطارك وحده سيد
اباوع وجهه  انفخ خزرني طبت فرح كالت تبتسم سلام عليكم هلو عمو
وكف عرفان تقرب منها
وج بابا صايره مره  باسها من راسها
والسيد يباوع ومخنزر وتنفسه يصعد وينزل بقيت اباوعله وهو ميباوعلي عيونه على فرح  بغضب الولد سلمو

هلو فرح شونج
هلو حيدر هلو كرار شونكم
الحمد لله
عرفان- فروحه باركي لحيدر تعين والحمد لله
مبروك حيدر
فرح- التفتت السيد وجهه يخوف نصيت راسي  وترخصت وطلعت  والسيد راسن طلع  جسمي كام يرجف نامو الخطار وطلع بابا صاير نار خاله صارت بوجهه كال راسن
اخوج فهمي ميتدخل بنتي اني اربيها
شني الجره وخلاك متكدر
كام يخربط بالحجي فهمي اني اعرف شون اغار على عرضي مالك دخل ليتدخل بتربيتي لبنتي

سكتت خاله ونصت جنت اباوعله من الباب مال غرفه بدون ميدرون بابا كلش معصب ثاني يوم الصبح  فجريه طهرو الولد والهلاهل والمزايق جابوها لبست مثل الزنجيل بي ليرات على راسي وكلبيه خاله الحمره  وفليت شعري سوينا مولود وحنو الولد وركصنا وحبوبتهم هم والناس جوي كومه  الحفله صارت بيت السيد ببيتنا الزلم والمطهرجي.  صعدت فوك لغرفته مفتوحه جانت طبيت بهدوء همه ملتهين بالهوسه بس ردت اشم ريحته  بقيت اتلمس هدومه واشم بيها عطره ردت روحي دااحضن دشداشته واعلكها. بمكانها طبت خاله ووراها السيد جمدت بمكاني السيد فك عينه ونصه راسن خاله كالت

ااانزلي ييمه هاي هي عاشت ايديج عالترتيب
انحرجت حيل نزلت ركض اني ودناديشي واباوع عيون السيدمن جوه ليجوه رفعها باوعلي وغمض نزلت ركض كلبي راد يوكف

شوي ونزلت خاله جرتني
يفرحه ييمه مايصير هيج. ماترهمم
خاله اني موافقه عليه
فةت حلكها بوجهي ابتسمت
والله خاله قابله
يمه تتحملين عيشتنا
اي قابل متت بهالسنتين وهو قبل اكمل معهد
غمضت وحضنتني همست
ابوج يعرف
جج محد
يبي يكلمو
اي اعرف
ياله بعد الحفل
اوك.
خلصت الحفله والغربه راحو بقو بس بيت خاله للسيد وبيت خالتي جنت احلى وحده بالموجودين وين ماروح العين عليه ومغروره بروحي وشعري وحياتي وفرحه بكلبي جبيره خاله بنفس اليوم راحت رجعوا. لبغداد

وخطار بيت السيد بقه. خطيه علي وحسين تاذو كلش بس عالمسكن احسن توني اغفى وسمعت بابا طب لغرفه خاله نتر
اخوج يريدج
صار
طلع بابا وياها  بقيت اتصنت سمعته لبابا نتر بي
تره حجايه البارحه ممعديها.   بس ساكت لان خطار شوف سيد. انت من نطيتني اختك معناها وثقت بيه  مال تكعد تشمر وتكولي وين غيرتك. خليها ببالك احنا هاي طبيعتنا.
عمي ماترهم  تدخل عرضك على  الزلم  ما شفتهم شون كلوها بعيونهم جا شنيي.  تشوفهم حسنها
وانتتت شالللك غرررض اني مكرن انت شعليك حتتدخل بتربايتي انشاء الله لو هم مااعرف اربي مثل امها. انت العليك بابنك

وانه شني اوخيتي ما هني عايشه شني السالفه عمي
اني مدددخلت اختتتتك
صيح بابا بعلو حسه صار هدوء كلبي وجعني السيد همس

بس دخلت بنيتك ولو ما اني بهني عدك عادي تدخل العلويه
واذا مدخلت حياكلوهااا اني عرفان واثق بي
عمي انه على اخوه زوجها ماتنكشف شجاي تحجي
،انت هيجي اني موهيج تكول مكرن مااعرف اربي انتتت متتدخل خنكتنيييييي تره بالقران يصلح الصبح متلكاني اذا تكررت شنو مشتريني لخاطر محمد مو لعبت نفسيي من جيت لحد الان شككتني بروحي كمت اشوف روحي ك--
ةلاعمي محشوم
محشوميش انت خليت محشوم. اصغر مني عشر سنين يكولي تستعرض ببنتك   ليكون لتن امنتها يمك. سبع شهور عبالك هاي هيه بعد انت مسوول عنها يابه اني ركعت مميتت  روح ربي ابنك مالك دخل ببيتي واختك من نطيتها الي طلعت من جيسك بعد. تصبح على خييير.  بريسم عود قفلي وراج قبل لتنامين

طب بابا صاير كبره كلبي وجعني معقوله اول مره تصير اول مره بابا يعصب هالحد كلهاي لان مقبل اطلع اشوف عمو عرفان مجفص خرب حضي  اي والله توني افرح

يتبع

اقتباسات من البارت القادم

اامري يزينه  البنات.  يبيضه كلب بس امي شايلته

يعصفوره على متني تستند متطيح  جن دولاب عمري توكف بشدته

فرحه. 
نعم سيد
تبين تكملين علامج
امم
هاذ اهو تدللي ويجرالج  بس انه بعد ودي اتدلل
ماانزعزالبوشي
هاذي عيونج فد الي
بس الك
تطالعني واطالعها  يفرحه فد الي ومامش بشر يلمح بياض الفيها ولونها
محد
يبعد عمري الضايع  بدونج  ودي اشوفج شقيله رافجتني من زمان
شنو هي
خضيها من جوه الخوص اوبوج واعي
لاتوه نام
ماودي يزعل علي مره لاخ
لاميزعل صرت نسيبه
اخخخخخ واحلى نسب 
تحبني
كلتها وغمضت انمدت ايده من جوه الخوص سادها بيها شغله لزمتها فتحتها بقوه سادها
افتحها
حدما ترخى روحي تنفك من بحيدها
شون ترخى
لمن احسن بدفو ايديج ------

البارت الجاي كدما حلو كدما يقهر

القصه تلفظ انفاسها الاخيره 
احلى قصه شون حفاركها كلما يقلن اوراق الدفتر اخاف
ساره علي محسن