رواية النوك الحمر الفصل الخامس والثلاثون 35 - بقلم مريم السعدي

ياسين---
السيد جان بسياقته عابر الميتين عالطريق الخارجي واني ساكت وبكلبي اسبح وببالي بس اشوفها اضربها ابرد كلبي  بس كون مبيها شي بس كون ممتاذايه لو احد معترضلها افكار وهواجس لعبت بعقلي لعب راسي راد ينفجر وصلنا بغداد وبقيت ادلي بالسيد بس طبينا منطقتي وكلبي احسه انعصر هنا مشيت وهنا عرفوني هبه ريح وهنا لعبت بصغري مدرستي الابتدائيه و الثانويه وهذا البگال وهذا ابو الاسواق    امشي وادللي نفسي ثكل كمت كوه اجره وصلنا لفرعنا وعيوني تبسمرت عالبيت القديم اكثر شي جانت ننه متعلقه بي اختنكت حيللل فززني عبد الله كال

عمي وينو بيت الشارده بي بنيتك

فزيت باوعتله هنا هذا ورجعت باعت عالبيت الفوانيس الممبنيه بداخل الحايط مال باب الحوش اللي مغلفه بجام

ج

جج
ج

ج
ج

ج
ج

ججج

يسمو عكاده جان وداخله شبكه حديد بقيت صافن عليه تذكرت من بدلتها الضوايات وي عمي علي. وشون علمني رجعت باوعت لبيت خالتي رجاء
وكف هنا سيد نزلت ورجلي راخيه دكيت الباب طلعتلي مره مااعرفها  كالت
تفضل اخويه

العفو اني ابو فرح
ياعيني هسه اصيحها ثواني وجتي فرح تبجي وتركض طبيت للطرمه ضربتها راشدي كل قوتي انهزمت لصدري حضنتني قوي وتشهك

ليش بابا ليش ليش هييجي شو باعيلي شووو
رفعت راسها وجهه من الضربه صار دم باوعت بعينها مليانه دمع  ليش تاذيني اني مفروض ماجيج بعد ويطبج طوب اني مراح اخذج بعد

- لا بابا عفيه الله يخليك والله هناك متت من انت عفتني البيت يخنك خنك شتاقيتلك وشتاقيت لبيبي واباوع لغراضها جيت اموت وعمو عرفان وخاله رفاه رادو يسافرون واني توقعت انت بعدك مريض وعايف الدنيا خابرت ماما لحت عليه اروحلها لان هي بهذا البيت كاعده

يابيت فكيت عيني
بيتنا القديم كتلها اجي يمج تمنيت ارجع لبيتنا بلكن ارتاح بس بابا
بجت بقهر موتتني شبيج بابا احجي لتخبليني

بابا  ماما مووحدها بالبيت والوياهه ادبسز

كالتها وكلبي جمد طلعترالمره اللي بالبيت مدري جنتها لخاله رجاء ماعرف شتصير منها قدمتلنا عصير علو وكفتنه تعذرت بس ردت اخذها واطلع اريد تحجيلي وهنا مدتكدر تحجي
لبسي شي خلي نروح بابا
طبت ركض وطلعت لابسه عبايه خليجيه مالتها  اني جايبها الها امشي ضميتها جوه  كتفي وطلعنا متشكرين من المره   السيد بالباب من طلعتها فتح الباب راسن

طبت  للسياره وتشهك صعدت للسياره السيد كال
عمي بس كلهم يمدون الصونده السياره حماوتها صعدت

رجعت نزلت دكيت الباب ونطوني الصونده

فرح- مدري شدااحس تعبانه حيل احس ماكو مكان يريحني ابويه بذيج الفتره من تركني وي بيبي  تعذبت هواي  الليل مانامه ومااكدر اسكت كلشي ياذيني هدومها ودواياتها و مكان نومتها مكدرت على فراكها  رغم ماخاله بريسم ويايه بس مكدرت اتالف وياها  اريد ابويه وبيبيتي

صعدت واباوع عيون السيد يباوعلي وينصي راسي. ويرجع يرفع راسه يباوعلي مضيق عينه من الشمس ويرجع ينصي. اني العبره ماتركتني عيوني ورمت من اللي شفته ببيتنا القديم اباوع بابا يباوع لبيته ويجر حسره حجه وي عبد الله
يس- سيد هذا جان بيتي

السيد- باوعت بعيونه وباوعتله جنه المتيه وطن ماببيت ماعرفت شكلو سكتت   شوي ورديت
اهمه الباعوك وحنا الشرايه عمي

يس- نصيت راسي صعدنا بالسياره وتونا نطلع واني عقلي راح يوكف  بالي يم فرح  بس صعدت سالتها
احجي بابا شصار هناك

فرح- سكتت والشهكه من البارحه مجلبه بيه

احجي بابا ديور عبد الله السياره وحجت
بابا ماما تزوجت كلتهاومتت بجي بابا ساكت عبالك يدري

يس- على هاي دتبجين  احجي عااااد خل افهم ليش انهزمتي لان متزوجه

فرح- بابا ابن اخو رجلها ادبسز بس كملت حجي السيد وكف السياره بشحطه باوع لابويه مخنزر عينه ابويه التفت عليه  نتر
شسوه لج احجيي

بابا مسسوه والله مسوه ببس من ماما. راحت للدوام بقيت وحدي بالبيت
كملييي عاد

اي بابا دااحجي  والله مصار شي ههو طب للبيت وراد يجر حجابي انهزمت منه لغرفتي وقفلت الباب عليه وبس طلع انهزمت بيت خاله رجاء

يس- اباوع السيد وجهه انفخ غضب نتر

ابو فرحه ان ماخذيت حكك انه اخذه

يس- ديور وارجع سيد ارجع لنفس البيت
فرح- بابا عوفهم حباب الله يخليك باوعت للسيد يهز راسه متحلف بابا فرك وجهه وعض اصبعه صاح بعلو صوته
شوووووداج لهناك هي بت ال----

سكتت خايفه نزل بابا بباب بيتنا القديم والسيد وياه اشرله بابا اصعد مالك دخل دك الباب والسيد رجع صعد للسياره. بقه يدك الباب ويباوع للفرع فارغ شوي وطلع زوج امي
وبابا حجه وياه حجايتين هذا ضحك باستهزاء بابا لزم راسه وركعه بجامه الفوانيس مال باب وضل يركع ذاك حاول يقاوم مكدرله لبابا واني ابجي بحركه خايفه على بابا خاف ياذو

كمت اصيح حباب كله.  يعوفه حباب
هلللي يبرد نارو خلللي وانخرسي انتي ام المصايب

الله يخليك ذوله ياذو

ولا االبيه ياذي خلي ياخذ ثاره بيدينو

يس- مدري منين جتني هالقوه فلشت الجامه براسه اربع مرات حسيت رخه بيدي ووجه تدمه من اثر ضربه راسه صاح السيد
يييزي عمي يييزي هيج بشر مايستاهل الموت اطلع خلنا نتوكل بالله عسى ما ناراك بردت

يس- هديته من ايدي واحس شي بداخلي تفتفت براحه صعدت للسياره الفرع فارغ توه واحد ديطب بي اباوع ايدي مدمايه شمرلي السيد وصله من يمه مسحتها وشمرتها وطلع باقصى سرعته. وهاي تعوي ليوره

بسس انجببببي

بابا خاف يموت
لتخافين ميموت عار ماعلي شي تمنيت اشوف امج بس مومره دااضرب مره اني شوفي اكولج من هسه اذا كلتي اريد امي بعد متشوفيني بعد ومن تخابرين ماارد عليج ولوتموتين ماجيبج يمي بعد
لا بابا بجيت بقهر لابابا والله ماريد ارجع بعد بابا ماما انتهت من حياتي  متعرف شون صايره متدري
ولا ريييد ادري بعد  وسدي حلكج لتعوين بعد

يس- مااخفي تملكني الخرف وكعته بالشارع والرجال شافني  صعدت وطلعت كبل بس متاكد منه ممات ادري اربع ضربات براسه قابل شنو بس والله بردت كلبي  وصلنا السماوه. ونزلنا البستان محسن وابو محمد فكولنا الباب السيد عاط بمحسن كاله روح مدري عليش دزه  جان معصب ازيد مني اخذت بنتي ورحت راسن للبيت ابومحمد وابو عوف صافنين عليه. جانت دنيا ضهر يمكن اول مره يشوفوها مااعرف

فرح- بس طبيت للبيت اختنكت مره لخ بابا ديطلع جلبت بي
لتعوفني وحدي

بابا داروح عالشغغل روحي من يمي تره اطلع قهري بييج
بابا لتعوفني اخاف والله اخاف حضنته بقوتي   حضنني باسني من راسي شاورني
بابا العلويه جوه
صفنت بوجهه شنو خاله بريسم جتي تزوجت يعني

بقه يباوع بعيني عاكد حاجبه جر نفس هز راسه اي فوتي وتاقلمي لتتعبيني كافي بابا الله يخليج مو روحي طلعت

يس- عفتها وطلعت سديت الباب ورايه بقيت اباوعلها من فوك الباب بقت بمكانها صافنه تباوع لداخل البيت طبت وره شوي فتحتلها العلويه الباب بقيت اباوع عليهم حضنتها وتبوس بيها وفرح صافنه عالبيت لمحتني العلويه اباوع من فوك الباب نصت راسها كلما تفتح الباب لازم الحجاب على راسها  رجعت لشغلي السيد جان دمه فاير ياهو الشافه رزله والشاهين كلسا منهزم من صياحه

مخليت شي مسويته ركض ركض داالحك تعبتني المراح يوميه غاسل المشمع والكاع جبيره اجتني فكره اسوي ساكيه داير ميدور المراح واسرسحه باتجاه الساكيه بحيث من اذب مي من البدايه يتجمع المي لنهايه المراح وتتوزع بالسواكي وي الفضلات هم سماد وهم مي ديتوزع عالمزروعات وبلشت ومحسن وابوعوف وابو محمد وكم واحد من الفلح كملنا حفر السواكي لليل يله ونضفت والسيد ساعدنا بتنضيف الابل واكو وحده تريد تولد هم نفس اليوم ولدوها جابو  طبيب بيطري   وكملنا تنضيف طبيت كبل للبيت اسبح مدااكدر بعد والسيد راح لبيته

من الباب صحت يا الله وفتحت الباب على كيفي لكيت فرح كاعده عالقنفه وبيدها الريموت دتكلب باوعتلي تبسمت وكفت حضنتني حضنتها
ها بابا شبيج مرتاحه
بابا تبات هنا يمي متروح بعد للساكيه

لا بابا هنا ابات حبيبتي ارتاحي ماعوفج بعد
بابا خاله بريسم كالت الغرفه الصغيره الي زين انت وين تنام
وين مجان بابا المهم ارتاح هو وين النوم
فرح- بس يعني انت مدتنام يم خاله

صفنت بعينها خزرتها سكتت منصيه كالت
بابا اذا تريد نام بغرفتك اني ماخاف تره

بابا شبيج شكو

ماكو شي كيفك

عفتها وطبيت للحمام نسيت هدومي كملت سبح وتلفلفت بالمنشفه جنت اسبح سريع اريد اكمل اروح اتاكد من الجبن لان البارحه مصار عدنا مااعرف ليش شكيت المكينه مدتضبط حرارته فضل بالي داشوفها  بس خل اسبح طلعت والمنشفه على جسمي وانشف براسي بالخاولي طبيت الغرفه الجبيره لكيتها تحضر الهدوم انحرجت حيل وهي هم انحرجت ارتبكت وطلعت من الغرفه وسدت الباب بدلت راسن الهدوم المعدله عالفراش وتمددت ارتاح وداافكر بالمكينه شنو الصار خارطتها براسي ترتبت واريد اعرف العله وين

طبت فرح
بابا
ها بابا تعاي
جيت يمه كعدت على ركبي يم راسه بالكع وهو متمدد عالجربايه تلمس شعري ومسد عليه مبتسم ضحكت
كال
رعنه
اي بابا شسوي انت عفتني

اصبري بابا اصبري مووهيج انطي مجال للامور متدرين شديصير  بيه بدال متوكفين ويايه تعوفيني
محد قبل اجيك كلهم منعوني ومر سبوعين  وانت مو يمي شسوي ردت اموت اله شوي

ميخالف شي صار بعد احجيلي هنا شون عشتي
اني عشت يم خاله رفاه بعدين سافرو وخابرت ماما كالت تعالي عادي جذب ملحت عليه  بس مادري وين اروح واخاف اجي هنا وانت هم مويمي واني كمت اختنك هنا لان مااطلع شسوي لعد
ايي
اي ماما من رحت الها بهذا البيت ماعرف شصاربيه من طبيت ولكيت زوجها تخبلت متت بجي وهو متزوجها بالسر لان يخاف من زوجته وابن اخو يعيش وياه ببيتنا القديم هو جان مسافر من اجيت اني سبوع واجه تفاجا من شافني ضل يسال عليه منو مامنو ماما حجتله بس هو عينه ادبسز بس يباوع كمت مااطلع من هو موجود حتى ماما متقبل اطلع كيفت من كمت ابقى بغرفتي والله بابا بليل اقفل الباب عليه واحس احد يفتح الكيلون

يس- تخبلت غمضت عيني
تدرين بابا لوماستر الله وصلاتج جان انتي هسه الله اليعلم شنوحالتج
بابا اصلا هو ادبسز يسكر  ويغلط بصوت عالي بتلفون واني كضيتها خوف  بخوف تالي مره ماما راحت للوضيفه وهو طبب السياره اني داافوت للغرفه ولحكتي راد يلزم الحجاب وينزعه ملحك لان جان مدري شون يمشي

دتحجي ولزمتها من شعرها قوي

انتي وحده غبيه مو ميت مره كتلج متروحين
اي اي بابا والله ماروح بعد حضنته وهو يجر بشعري حضنني بعدها وهداني
كافي بابا كافي الله سترج  بس كون تفتهمين بعد

اي والله فهمت هدات وسكتت بقيت بحضنه وهو يمسد على شعري
بابا ؟
ها بابا لج شكد صايره تحجين
اي بابا شنو اريد اشبع منك
هههه احجي سولفي

ببابا ليش خاله تلبس منك حجاب

جربت نفس وضربتها بخفيه على راسها
لتركزين وي المره
بابا بس هاي جاوب عليها وهذا ه
ولله بابا مادري
يعني هي موزوجتك ويصير تنزع الربطه
اي زوجتي بس بعدها تخجل
هاه زين انت كوللها
شكوللها لا بابا خليها براحتها
زين متريد تشوف شعرها انت
سكتت اباوع بعيونها تباوعلي بمكر الحياله
كومي من يمي عيب بابا استحي
بابا شعرها لهنا . وكفت امثله نهايه ضهري. وناااعم ولونه بلون التمر فد حلو

ابتسمت بله وعي متمدد واتخيلها  من توصف بيها
ها ليش متكوللها
لااا عوفيها براحتها
اي شنو اكو مره تلبس ربطه ببيتها
وانتي شعليج منها
مو تره اني هم البس ربطه
فررح بابا سوالف الزعاطيط جوزي منها كبرتي تره
اي بابا اوك بقيت اباوعله والعب باطراف  شعري الفلفه   بابا ؟

اوهووو مراح نخلص اليوم امشي بره ولي داارتاح

انت متتمنى تشوف شعرها
سكتت صافن عليها  لج انتي ليش صايره وكحه
كولي  بس كولي

لا  ارتاحيتي

بس عيونك كامت تضحك من حجيتلك بيها
شلت المخده وشمرتها عليها كامت تضحك وروحي هدات حيييل ردتني لايام كبل ضحكتها  وكفت اطلع وادردم واضحك وياها

ولي متخلين واحد يرتاح صايرتلي مره امشي من يمي توج اليوم  جيتي

فرح- طلع بابا من الغرفه كح وكمل مشيته منصي اباوع عليه شون منصي راسه خاله طلعت من الغرفه وبيدها الهدوم مال بابا مكويه وصفحه اللخ الاوتي من شافته ارتبكت راد يوكع الاوتي بابا لزمه راسن

يس- شون بخجلنا وارتباكنا شون بعمري اني ورزانتج شون تاليها حتصفى. شون بيه وبيج ---باوعت بعينها نصت راسن اخذت الاوتي كلت بصوت ناصي
على كيفج يابه جان وكع على رجلج

شفتها باوعت ورايه ومشت من يمي سريع مرتبكه التفتت هاي الرعنه تضحك ورايه

شبيج لج مو اجيييج

لا بابا والله هيج
تعاي سدي الباب ورايه لا اسد حلكج المشروك

اي بابا الله وياك

طلع وسديت الباب وكعدت خاله طبت المطبخ باوعتلي كالت
لعد ماتغده ابوج

مادري خاله مكال جوعا ن. ضربت على خدها كالت

مبشاره جا شلون ماياكل عجل المن ركبت ما تاكلين انتي
خاله مالي نفس والله

انه هم ماراح اكل
شالت الاكل خلته بالثلاجه بجداريه وكعدت كدامي بقيت اباوعلها شكد حلوه اتمنى بابا يرتاح عاد من شفت ماما كرهتها وكرهت نفسي النولدت منها. ومن جيت شفت خاله بحجابها اني موصغيره وماافهم عرفت بينها وبين بابا مجرد عقد وليش هم هيج مااعرف بس شون حلوين من يرتبكون مااعرف شون جنت اكرهه قبل اني مااحبها بس مااكرهه وهي حبابه ساعدتني وكت وفاه بيبي شكد حاولت تقترب مني بس اني. صديت عن الكل حتى عن نفسي ادور روح ننه بكل ركن بالبيت بكل غرض من غراضها مر ت الايام واني رجعت لبطاتي انطيهم مي انطيهم اكل وخاله تكعد من الفجر تطلع يجي عليها اخوها تقريبا نادرا منحجي
تاكلين
تردين شي
هدومج الوصخه طلعيهن

اني هم اعاونها بالبيت وهي من تشوفني اشتغل متكولي ليش تتركني براحتي وكت الغده اكوم راسن الملم الميز واغسل مواعين كمنا نتغده سوه وابو عوف ياخذ غده بابا للبستان لان الشغل هالفتره هواي وبليل يجي بابا راسن يسبح ويشرب لبن وينام ويكعد الصبح يلكه الريو ك حاضر وخاله مو بالمطبخ بالغرفه

جنت اراقب واحب اباوع عيونهم من يتلاكون اكثر من مره كلت لبابا نام بغرفتك كوم من الهول اعلك التلفزيون بليل بس هو ميقبل واخجل المح اكثر لان ابقه بنيه وهو رجال وبيوم من الايام دااغسل وجهي شفت خاله تحجي وي ام عوف عالتنور ديشجرون بالبيت جايب ابو عوف خشب وديخبزون طلعت وكفت يمها اني من يوم اللي علو السياج كمت اطلع بله حجاب وكفت يمها باوعتلي تبسمت وخلت العجين عالمخده فرشته بقيت اباوع والبطات يفترون ورايه واني صافنه كالت

جعتي فروحه

لا خاله تريكت من الباقي مال بابا
ماشربتي حليبج

لاماحبه

براحتج عجل شربي البرتقال انه عاصرته لعيونج

ابتسمت يمكن اول مره تحاجيني ويمكن بعد بيبي اول وحده تهتم بيه هيج رحت للثلاجه طلعت العصير ووكفت يمها شفتها مضيقه عينها وبقوه لزكت الخبزه وطلعت ايدها واني صافنه ببطن التنور
اشرتلي
بعدي يمه وحهج الحلو لا يكسب

باوعتلها وجهه احمر ولا فه الربطه على قرص وجهه والملاوي بيدها تلالي والحجل وايدها محنايه
خاله انتي وجهج ميصير بي شي

يمه انه معلمه ومااكرب زايد

هاه شلعت الخبزه وطلعتها مكسبه كالت
وهاي اول خبزه لفرحه البيت
ضحكت باوعتلها اخذتها وسويت لفه جبن ورجعت باوعتلي كالت
اكوش مصفي بي خضره لا تاكلين الجبنه بحيدها خللي وياها زعتر وخضره وجوز لان ببحده داء. وي الحبه السوده والحوز والخضره يصير دواء
فكيت حلكي باوعت للفتي رجعت شفت مصفي خضره جبير عالسنك مغسول ونضيفه خليته بالخبزه وخليت حبه سوده واني صافنه اكول شنو مخلين حبه سوده والجوز عالميز عالريوك اثاري وي الجبن خليته وطلعت يمها ابتسمت يمكن حست بيه اريد قربها

صرت بوضع لازم ارضه بعيشتي لاامي نفعتني ولا احد بقالي لازم اتقبل العيشه هنا لازم اتعلم ابويه هنا لكى حياته ومالكى احد يوكفله غير هالناس بقيت اباوعلها من تخبز كالت

تحبين خبز اللحم
اي اموت عليه ابتسمت

وابو الشكر
هم احبه واحب بي سمسم جان اكو خباز يمنا بابا يجيب منه خبز انطي وياه قوطيه سمسم اكوله كوله يخلي سمسم بي ويجيبه مكسب يخبل

عجل جيبي السمسم والشكر الا اسويلج حنونه تلوك لهالوجه

ركضت جبت القوطييتين خلتها يمها بقت ٢ صغار سوتها وحده شكر وسمسم وحده سمسم وحدها كسبيها خاله حبابه
مو تدلل فرحه البيت

كالتها تبتسم تباوع لطولي كالت
فروخج نشدن عليج بغيبتج
اي خطيه يله بعد ماعوفهم صارو كبار شوفيهن

اي غير انتي مداريتهن كلشي لمن تداري يكبر ويحلو

اي صح سمعت صوت من يم السياج

علويه
فزيت من يومي اخاف منه وموقف السباره من وصلني للسماوه وي بابا زين الطين بله ابتعدت خطوتين كالت

عيوني اوخوي

فد كرصه خبز من ايدج ام عوف بطت علينا وتدريني يوم الماروح للبر اتريك مرتين

فرح- بقيت صافنه كلت لا ممعقول يمد راسه باوعتلي خاله نصت تاخذ خبزه من الطبك كال
اكو احد عدج وصعد راسه اني نصيت وهو نصه راسن
كال
المعذره ماضنيت احد موجود الله ينعلك يشيطان ماريدن علويه خلص

ياخوي دنطي مفكه دكول يا الله عجل المن علينا السياج
صاح بعصبيه

و انه عدي علم الغيب انه غلطت نعله الله عالشيطان روحي خوي كلشي ماودي عساه علكم ماخبزنازل بمصراني

عفتهم وطبيت شوي وطبت خاله ورايه تصفط الخبز باوعتلي جنت مبوزه صرت اعصاب واني شعليه هو صعد جنه مطيرجي كالت

لا تنقهرين اوخوي ماقصده وتعذرلج

اني شعليه والوش صاير عصبي

اهو مايتحمل عروحه نضره حرام لاتلومينه غيرته على اهل بيته مايتحملها وانتي تعدين من اهل بيته
شعليه منه عدي اب مسوول عني مو من اهل بيته اني نترت بيها سكتت ونصت راسها كملت الخبز ضمته بالفريز بعد محجت ويايه دتخلي الاكل عالنار جيت يمها. شسوي ماعدي غيرها ويامن اتونس.

كالت
شعاجبج تاكلين هالنهار
بقيت صافنه باوعتلها خاله ميخالف نشوي دجاج بالتنور

انه ما محضره روحي بس الباجر على بكره صباح ربج لااسويلج عالغده اطيب دجاجه مشويه بالتنور
زين تكعديني وياج حتى اخلي الصلصه بيبي جانت تشوي بالحديقه عالمنقله بذاك بيتنا وكلسا تكلبها وتخلي صلصه وتصير كلش طيبه
وشنهي بيها ماتعرفبن
لا اعرف كتجب ومعجون طماطا ولب رمان وملح
ها اي شكوش منها اخلي تدللين

زين. تكعديني وياج
انه اكعد من طره الفجر فروحه ماودي ازعج نومتج

شتسوين من الفجر
هاي اخبز واحلب النوك واكمل شقلي

زين عادي اجي وياكم اشوف الابل بابا يكول اكو بيهم صغار يخبلون

لوين للمراح خههههه فروحه وتحملين ريحتها وحرها
صفنت عليها بيها ريحه مطيبه
اوووو ماتنحمل

لعد مافديوم شميت بيج ريحه
جا غير اول مااكمل افوتن اتسبح

ها زين اني هم عود اول مارجع اغسل تكعديني لو ميقبلون
ياهو المايرضى
اخوج السيد خاف ميقبل
لا عليش مايرضى انه اكوله ويايه بس لازم تلبسين لان هنايا اكوش فلح غرب واخافن عليج من عيون الوادم

اوك البس مثلج شتلبسين البس

جا خوش عجل باجر اكعدج واشوفج الحوار الجديد والسليل وام حوار

هاي شنو
هاي اسماؤهن انه كل وحده مكنيتها بس ياخذون كليبي وكت التباع والله خصه اللي لاهل الماراثون هاهي بشر ينوخذ بكت عالحواوين لو شتكولين
اي خاله صح جريت نفس كالت

عدج هدوم يرادلها شطف
خاله اني اغسل الهدوم واشرها وانتي عالتركيب والخبز واذا موزين كوليلي حتى اعيده
له له فروحه تعاوني يمه وتصير عدي بنيه

تحجي وتاشر بيدها صوتها هادي ضحكت نصيت راسي فعلا اني مقصره كم شغله بسيطه اسويها وهي طتني كل المجال ومافد يوم حجت وبديت من يومها اسوي الشغله واروح عليها
خاله زين لو اعيده
لابعد روحي يجن عاشت الايد الحلوه

داغسل الهدوم شفت دشداشه سوده وغتره وياهن صفنت هاي مال اخوها هي تغسلها داافتشها قبل الغسل لكيت بجيبها اوراق حسابات وفلوس طلعتها خليتها عالرازونه وكملت شغلي يعني هو فلاح ويشتغل بالبر واكو وبر جان مال جمل بدشداشته بس الريحه مال دشداشه متروسه عنبر تخبل واني من اول احب ريحه العنبر اتذكر بيبي من جابته من العمره اتخبلت عليه

شريت الهدوم وفتت للبيت داانزل شفتها دتطب للغرفه ركض يمكن بابا اجه صارلي شهرين هنا ولحد الان همه بعاد وحتى اني اليوم يله تقربت منها وحاجيتها هواي وساعدتها نزلت شوي وطلع بابا يتغده عالميز صاح
فرح بابا متتغدين
تغديت بابا وي خاله
ماشي رحت كعدت يمه دياكل باوعلي ونصه عالاكل

احجي شعدج اعرف هالنضره

بابا كلت لخاله اروح باجر وياها للحضيره
وكف اكل باوعلي عكد حاجبه

يطلعون قبل الفجر بابا
ميخالف اريد اشوف الجمال
اي روحي بس لبسي بوشي تره هنا ميقبلون

اي ادري تنهدت بقيت اباوعله كال

خالتج تغدت
اي اني وياها
زين مرتاحه بابا لو بعدها الخنكه
لا لازم اعلم روحي
عفيه عليج نصيت عالاكل كالت
اليوم خاله الا شوي يحترك شعرها بالتنور
وكعت الخاشوكه من ايدي فكيت عيني ساكت اريدها تكمل حجي انلصمت
تاالي
لا تلحكنالها الحمد لله
شون صارت كب التنور شنو
لا مو دتخبز الحراره صعدت وشعرها يبس
لتخبر ملازم اجيب من بره.
لا همه متعودين اكولك بابا انت لو تشوف شعرها اطول من شعري وناعم فبالحراره شوي ييبس بس وراها ينزل تخليله حنه

اباوع لابويه بلع ريكه ونصه عالاكل كال
كومي بابا روحي تفرجي تلفزيون
ليش متكولها تنزع الحجاب
فرررح عيب باباا

سكتت يعني انت متزوج شنو بس حتى تداريك حتى متحاجيها

فرررح لسانج
بابا انت هم نوبات تكرهني لان ماما تزوجت

بقيت صافن عليها شجاب الباميه عالجلاق بابا شبيج شدتحجين امج متهمني مره وعدي وكاافيتني لتتوقعين فكر بامج انسي هالشي ولتفكرين انتي هم

هزيت راسي مبتسمه اوكي
كمت من يمه وطبيت يم خاله كالت
ابوج كمل الصحن
اي خاله ميحتاج غسل بعد
جا خوش
فتحت شعرها تسرحه وسوته ضفيره نازله على جتافها بنعومه باوعتلي بالمرايه من شافتني اتاملها اني كل يوم هيج اتخيل بابا يحبها وتحبه واتخيل يحضنها وتعوضه اذيه الشافها من امي التفتت كالت
شجاج اليوم فروحه
خاله ليش متنزعبن الحجاب
وكفت التسريح التفتت فكت عينها مجاوبت انتبهت اكو كم شيبه بفرك شعرها كملت كلامي

تدرين خاله بابا جان يتخبل من يسمع بيه مساويه شعري شوي يكولي شعرج ليمشي علي مكص ابد لو يشوف شعرج يمكن يوكع من طوله هههه

بقت ساكته وتسرح بهدوء صافنه كملت كلامي
هو كلي اتمنى اشوف شعرها بس مخليها براحتها

نصت راسها ضفره شعرها وخلتله لاستيك بنهايه الضفيره تقربت عالمرايه خلت كحله ببطن عينها الطوز الجانت بيبي تخلي منها دترحع الكحل واندكت الباب كامت كالت
اوخوي جاه انه اروحن لحوش اهلي ارتب واردن فدوه فروحه بس يوعه ابوج حطيله بياله جاي وكليجه لاتنسين
اوك خاله الله وياج دتطلع وتذكرت
خاله اوكفي غراض اخوج جانت بالدشداشه مالته بالجيب
السيد- سمعتها تفاجات غراض ايش هذن تذكرت ورقه الحساب ضربت على جبيني جان انلاصت اذا مبتله طلعت بريسم كالت
هذن جانن
اي اعرف والله جان تبهذلت الشهر كله يرحم حبوبتها

فرح- سمعته منوره الباب كيفت مدري ليش طلعت وره مراحو بابا نايم بالغرفه مالته الضهر ينام بيها وبليل ينام بالهول طلعت عالمرجوحه والفروخ يفترون من احسبهن بس ٦ تخبلت عزه بقه دنفش وينه ادور عليه ادور ماكو دنفش كلبي راح وين يصير لمحت الشاهين على السياج واكف ويفر براسه بله غطه معقوله هو الاخذها واكلها والنبي اذبحه شمرت عليه حصوه من الحديقه طار

رجعت ادور ماكو والله ردت ابجي -----
ةمريم السعدي
شوي واعدله من الاغلاط لان تاخرت عالتسعه