رواية النوك الحمر الفصل السابع والستون 67 - بقلم مريم السعدي

فرح- نامت خاله واني كلبي يمه مكدرت انام طلعت للحديقه مطلع ابد للفجر طلع للنوك ورد رجع طكطكتت تمرجحت بالمرجوحه ابد موكف ولادار وجهه يروح ويجي يمشي سريع شامخ متت قهر رجعت نمت واتذكر حضنه وحنانه بجيت من كلبي سبوع مامرك حنين الشوك موتني صوته يرن باذني اذا اكول غلطت اسفه حيزعل اكثر واذا كلت مغلطانه هم يزعل وميقبل ارجع اذا ماترك دراستي واني اخجل اروح اتوسل بي   بقيت بناري يومين وهو على هالحال وخاله تروح وتجي متجيب سيره اله ابد ولااسمع صوته  طكت روحي  ولكيت طريقه سويت روحي تخربطت
متالمه من كلبي وخاله انهبطت خطيه واني ابجي ولازمه كلبي واصيح كلبي ياذيني  واني من صدك بده يوجعني مدري ضيق مدري الم مدري اريد رجلي خاله خافت كلش خابرته  واجه ابو عوف  وخاله ويايه وابوعوف هم للمستشفى ردته بس يجي  على حضي طلع بايت البر كلسا يخابر خاله وخاله ترد تحجي وياه همس  رجعنا بعد الفحوصات  خلولي مغذي   كمل ورجعنا محصلت شي طبيت للبيت تمددت يم خاله بقت تقره عليه وتمسد بشعري ابد مجابت سيره احتراما. لرغبه بابا وماخذه بخاطرها عجبتني من محجت ولالامتني  للفجر خاله نامت واني حيل حزت بكلبي حتى مكلها طينياها احاجيها الفجر سمعت صوت سيارته دخلت البيت الجبير كمزت بهدوء طلعت شفته نزل وشايل حسون بيده
رجع علمودي  ادري بي كعدت عالمرجوحه متاكده راح يجي لان صوترالمرجوحه يوصله  بقيت انتضر وفعلا حسيت الخوص تحرك
كلبي دك سريع بجيت راسن كدما مشتاقتله رحت ركض يم الخوص اباوعله مغمض ومرتجي عالخوص ويدخن لحيته طولانه.  بجيت فتح عينه  وباوع للسما جر نفس جكاره وذبه  مغمض عينه  همس

شلي يوجعج

جاوبت اشهك كلبي ومتت بجي جر حسره 

كال
وانه بعد حيل ماذيني وضرب عليه ثلث مرات
شمر كطف جكارته بطرف اصبعه وكام بقيت اباوعله مشه راسن طب البيت  وقفل.  شبيه بجي شبيه قهر طلعته  اريد اسيطر مداكدر خاله جتي عرفت هو خابرها تجي تطببني طببتني حضنتني تبجي ويايه وتردد
كافي يبمه موتتي روحج
واني ازيد ماانقص
كافي كليلي شني اللي تبي يبعد روحي
اهز راسي بالرفض وابجي تركتني علي كعد رضعته رجعت نومته واني كمت اغفي من التعب غفيت حسيت الصبح صوت بابا ولمسته على شعري وخاله تحجيله الصاركعدت حضنته
باسني يباوع بعيني،شبيج حبيبتي ليش تخربطتي
لا بابا هيج شوي وجعني وهاهي
منو وداج علويه السيد وداها خاله ردت
لاه كان بالبر ابو عوف ودانا
بابا فك عينه   كال
يدري بي اني ببغداد شون يبات بالبر
خاله دارت وجهه تشتغل تتهرب من عينه نتر
متبقون هنا اليوم بليل تحضرون غراضكم وتجون ويايه كدام عيني
خاله التفتت صافنه عليه  همست انه فايته اغير لعلي
كال
حروح احاجيها حضري روحج بابا
كمت طبيت بغرفتي لملمت غراضي وبلالي اذا يحبني يجي خل اروح ارتاح ها اجه ها لا ها حيحاجيني واني ممسويه شي مااعتذر شيصير خلي يصير كلما مره يتهمني ويعتذر وارضى هالمره خاف عباله حروح اعتذر واعترف بغلط مصاير عبالك لاكفني مصادقته والله يااالله
يس- طبيت للعلويه تقربت منها رجفت وغمضت جريتها حضنتها شكد جنت مشتاكلها بس الله يدري شميت عطرها بست راسها ماكانت تبادلني بس مغمضه حجيت بهدوء
علويه اذا تردين تعاي وياي واذا متريدين ضلي عد اخوج بنتي ماابقيها هنا بعد يكفي الشافته خلي ترتاح خلي يبتعدون شوي يفكرون جاوبت بهدوء وعيونها على غراض علي ترتب بيها كالت

ضاله عد اوخوي ماكادره اهدو ووليدك ماتبي يهون عليك تهدو
اني كل اسبوع اجي وانتي فكري بحياتج تره عبد الله رجال مو صغير لتضيعينا
اضيع روحي ومااهد اوخوي مهونه ابو علي درب السلامه الله واياك
يعني هذا اخر حجي
ام بله اترخص رايحه لبيت اهلي
دتعاي مووهسه اروح فد ساعه
انه موكادره احسن روحي تعبانه هدني واليرحم اهلك
كالتها وبجت نزلت بوشيها وشالت علي تقربت شلت علي بسته ونطيتهيا اخذت فرح وطلعت مادري صح لو غلط قراري بس جان ودي تبتعد ترتاح خفت عليها بقيت بنص كلب بالسماوه ونص كلب ببغداد. وصلنا ونزلت فرح طبت للبيت اشرتلها عالغرفه مالتها بيها فرش البيت ماثث صغير مرتب احس ملامحها ارتاحت من طبينا بغداد بقت ترتب غراضها واني صافن  خاف تكبر السالفه واحير ماريد اخسر بريسم يمكن صورتي تشوهت كدامها كامت تشوفني ماحبها بس لازم تعرف هالشي غلط. زايد عن حده هذا شك ودمار اعصاب حتى متتصل بيه من يومها اخابرها مترد  تركتها ترتاح ---
وتحكم عقلها ويامن تصف اذا فصخو الخطوبه حتبقى يم اخوها  يعني خلي تفكر بحياتها وحدها

فرح- بيومها بابا اخذلي تلفون كالي اي شي  يصير خابري خالتج مو بعيده قريبه راسن تجيج تاخذج
الغريب بالموضوع جيت من السماوه لبغداد بالبوشي ومن كلي بابا نزعي مقبلت مردت انهي كلشي هذا وجهي بس اله ولرب العالمين من اوجه وجهي لله
واعدته وماريد اخلي الوعد بغيبته وبوجوده وتذكرت دعاءه اللي دعاء يوم العقد قشعر جسمي من جديد وانترسن حنيه اله

وبدت حياتي  جنت اكضيها بدراسه وشغل بيت صغير بسرعه يخلص خاله جتني هي والبنات للضهر يله راحت من اجه بابا غديت بابا وحضرتله هدومه كل موقف تدمع عيوني واتذكر  حنان الشفته بخاله بريسم.  شتاقيت لصوت علي الصبح من يكعد يترسني لعابه هسه صرت اتحسر عليه. شتاقيت لصوت العصافير والهوا الطيب  والهدوءهسه من الصبح صوت الهورنات والمولدات والشارع وهوسه الجهال
شتاقيت للسماوه ولاهلها بابا خلص شهربعد شهر يطلع نقله للسماوه
وكضت الايام يوم يومين سبوع  واني بابا يغذيني بصبر لازم يعرف قدرج لازم يفهم انتي مغلطلتي حرامات دراستج حرامات تقبلين على روحج الذله خاله متخابر ابد  حدما صار الخميس الصبح  بابا كال
رايح اشوف علاوي وارجع خاف يحتاجون شي شياتي
اوك بابا
تجين
وكفت ركعت كعدت صارت صعبه عليه احسها ثكيله كمت اخاف اروح لان اجيت وي بابا لبغداد ومكتله هزيت راسي لا بابا كال
لعد حيجوج البنات عمج عرفان كال ادزهم يمها
اوك طلع بابا وجوي البنات حجيتلهم لكيت روحي استفسر واسولف واناقش كالولي
الغلط منج وبيج هو من اول كلج تتحملين وكتيله اي جاوبتهم اني مادري ميصير احاجي كالو بعد لازم يعذرج واذا معذر معناها ميحب جذب صبري الثكل زين

زيدني كلامهم عزم والتهيت بدراستي اكثر  مبقه شي للامتحانات النهائيه
يس- وصلت البستان لكيت ابومحمد   يحصد بالبرتقال الزرعته بيدي والنارنج والنومي ابتسمت
ها حجي الله بالخير
هله براعي الكاع هله بويه رديت
ههه ها صلوات هاهي اي وكت حصادها
اي عمي ماشاء الله تطعيمك ثمر
ماشاء الله هي الكاع هم ولاده يابه اكولك السيدموجود
بلي بلي بالحوش
ديله اترخص
دكيت الباب طلع السيد باوعلي بعتب مديت ايدي مبتسم مدها وجرني حضنني وبوسني ابتسمت باوعت بوجهه كال
مامنها داعي اكلك تفضال فوت هاذ بيتك
رحمه الله والديك
طبيت واحجي وياه شفت علي بالحجله وحده شلته وابوس بي مبتسم
يروح ابوك حبيبي شتاقيتلك
السيد كعد وفتح ديلاب صغير بالصاله موجود طلع فلوس كال عمي دامك جيت هاذ حكك وانه ماناسي فضلك وطول عمري اضل مديونلك
هاي شنو سيد لخاطر الله
اخضهن يابا لتخجلني
اخذتهن وكعدت كال
شناوي هساع
خل يطلع نقلي وارجع باذن الله
لوين ترجع لكاعك
االا هسه الله كريم مندري
جنت اتهرب من عيونه واني ادور بعيوني بالبيت وعلي بيدي اشم بيه عطرها سالته
العلويه وين
اا فاتت للحمام تكرم
ها براحتها يابه هاي مصرفهم
وانهزشني هنايا موعيب هالحجي عمي ازعل مناك والله
لا يابه قابل دنجربك بس ميخالف. هليني براحتك
عمي انه مخليك ماخظ كل راحتك اشوفن لوين تصل واضلن وياك وياك
نصيت راسي عرفت قصده على فرح كال
فرحه وين منوعدها
بنات خالتها يمها  جريت نفس دتقره علمود الامتحان
هز راسه ونصه كال
بيها الخير ووشلون طلعت مني وهم تطلع  هنيك
منا لهنا متطلع وطلعت ببوشي مسوي بيها رعب حتى ببغداد كلتها بالشقه ودرت وجهي جر نفس براحه
كال
هذي ارادتها عمي ماجابر احد انه
سيداذا تريد نحجي بالموضوع اني حاضر باوعتله رفع تك حاجب واذا تريد وكت هم الك كل الوكت
انت شتكول عمي
اني اكول انطو مجال لروحكم  وفتره الخذوبه خلوها حتى كل واحد يشوف روحه يكدر يعيش وي الثاني لو الانفصال احسن

كال
انه ماجبت سيره انفصال همس احد كالك يبي ينفصل كولها عادي ان جابو سيره ضاك الوكت تختلف
والله سيد مفتحت موضوع وياها عايفها ترتاح وتقارن عيشتها هناك بهنا  حتى باجر متكولي ليش موكفت ويايه

كال
خير ما عملت عمي  انه اصيحن ام عوف لاجل العشالا ياعشه داروح فرح وحدها وي البنات  بس صيح لام علي داسلم عليها كال
عمي موكنالك ببالجمام
بقيت اباوع بوجهه  هو ابتسم ودار وجهه كال
انه مادخلني اهي براحتها عايفها  تفكرر وتقرر واضل الها سند مثل مانك سند لبنيتك عمي

يعني شنو قصدك نترت صيحها خل احاجيها اريد اشوف شناويه
ماناويه شي والله بس شوي. تعبانه لن شافت روحها  كل مشكله اهي اول الخاسرين  رغم مامقصره ولا عليها كاصر شتكول
لاحشاها من التقصير
اذن خلها ترتاح هاي كل الموضوع

بلعت ريك هزيت راسي ماشي ذبيت علي بالحجله وبسته ومدااشبع اباوع بوجهه جلب بيه رجعت شلته ابرس بيه واحضن وعيني عالممر رجعته بالحجله ونطيت فلوس بيد السيد وطلعت روحي مربطه. وتعبان ردت بس اشوفها. رجعت لبغداد واجه عرفان عالبنات سالتني فرح وتلف وتدور تريد تسال عليه   واني منطيتها منشده
فرح- مرت الايام تعب بتعب بابا يخابر خاله متجاوب كام يخابر السيد اخر شي نتر بي كله اريد احاجيها شنو السيد صوته وصل لعدي
صاح
عمي ماتبي شون اجبرها. فهمني خلها ترتاح
بابا طبك التلفون بوجهه
مر شهر والامور كلما جاها تصعب. متنحل اشتياقي اله مرضني بس انام واقره اكلي قليل كلش ضعفت حيل ووجهي اصفر وبابا هم نفسيه مضلت اله  تالي مره بليل بعد مرور شهرين كتلني الشوق اخذت تلفون بابا هوونايم  واخذت رقمه خابرت كل دكه يدها وكلبي يدك ميت مره وياها رد وره اربع دكات
نعمم
غمضت عيني شي بيه واكتفى رجع كال
الو نعم
مكدرت احجي بس ردت اسمع صوته جر نفس وسمعت طكت الجداحه غمضت قوي جر النفس كال
الو
ياهو هاذ

مرديت سده ذبت التلفون ونمت بالكع اعصابي رخت ومتت عرك وتالي من بعد شهرين بجيت بقهر واتذمر حنانه وهمساته وشعره وحضنه بابا تعب واني تعبت واخيرا طلع نقل بابا جان طاير اجه عمو قاسم واخذنا لكانا بيت بالسماوه وطلعت مره لخ بالبوشي هالفتره كلها باب البيت مطلعت  وبيني وبين نفسي ماريد اتركه لو اموت وكلت هالشي لبابا كال ميخالف بس خل هو يجيج لان مغلطتي انتي

رحنا للسماوه بيت جبير ميتين متر وراح بابا للبستان ورجع كعد وي السيد كاله اخذها لبريسم والسيد كاله متقبل تجي  تالي بابا اخذ غراض البيت  مالتنا لان هو الجهزه وكله كيفها براحتها بيتي مفتوح الها واني هنا بالسماوه وعلمودها انتقلت  بعد براحتها

جهز البيت وضل يرتب ويعدل  بي حان البيت قريب على بيت عمو اهل عمو قاسم ووضيفه بابا كلش قريبه  هم مجنت اخاف بي مثل ببغداد ومبقه لامتحاني غير ١٥ يوم كثفت دراستي رغم الامراض الطلعتلي
مره ثعلبه وشعري وكع  خصل خصل عالجته الحمد لله
ومره بلاعيمي شهر مطابت وابر وادويه ومااقبل اروح طبيب وبابا هم ضغط يصعد عده وبس يلوب بالليل ولازم التلفون.

يعني مكدرت اعيش بدونه بس الضاهر هو عده عادي فجاه بابا ديتغده ودك التلفون باوعه ملامحه تغيرت وكف راسن طب الغرفه

رحت تصنطت عليه كال
يس-الو علويه

شونك ابوعلي
سكتت جريت نفس كلبي يدك سريع صوتها دوه لعلتي
الو
نعم علويه شونج
زينه الحمد لله اانه اتصلت بس ردت اكلك رايده اروحن للدكتوره وجاي اخظ الاذن
شبيج سلامتج احمم بيج شي
لاه بس شوي تعبانه وو
سكتت
بريسم احجي اجيج اني هنا يمج ربع ساعه تلكيني عدج
ياسين انه حبله
وكفت من كالتها ابتسمت تنهدت الحمد لله
تردين اجيج
كيفك عبد الله هد البيت ومشه ماراضي علي

ليش
لني تاركتك يكلي ردي له
وانتي
بجت بقهر
علويه وانتي

انه مادريت روحي بهالرخص عدك. رجعت تبجي
علويه شتحجين انتي حقج متدرين
اي طلعت غشيمه ووهمانه حسبالي عشكتني من صدك نفس ماكلت لاانه ولاعلي هامينك
لا يابه هذا شون حجي دروحي هسه راح اجيج
والله وحق الله لو ماحجايه اوخوي الماودي اكسرها  انه ماردلك للتالي
ها هيج يعني ميخالف جايج اني هسه شوي اهدي

سديته منها ركض بدلت وطلعت فرح وكفت متفاجاه ابتسمت
لج بابا خالتج حامل
كذاب الله كليك
اي والله رتبي رتبي الغرفه وحضري فراش علوي  ولتسوين عشا اجيب كباب
اوك بابا تحمست كلش ورتبت وحضرت لليل اجه بابا ووياه خاله يمه من شفتها ركضت احضن بيها. ابوس بس وجهه ثكيل حتى عليه اخذت علاوي كبران حياتي وعفتهم وحدهم طلعته للمرجوحه نام بقيت واتخيل عبد الله يجي على اخته ويحس بيه مثل قبل اباوعله روحي كلها رجفت
يس- علويه خل نتفاهم شو. باعيلي شهرين ماشوفج والقران باعي وجي صفيت جلد وعضم

بقت منصيه ودموعها على خدها
ليش تبجين لان رحعتي يعني

زادت ببجيتها حضنتها مبتسم علويه فدوه رحتلج تزعلين مني اني يس
مجاوبت وبقت منصيه دك تلفونها مسحت وجهها ابتعدت ردت
الو هاخويه اي خذاني ارتاح
ماراضيه لا ماراضيه عنك كلشي ماريد بس ردت السيدحسين كون عدل
كالتها وبجت اسمعه يصيح الحين  اجيلج  لا تعورين كلبي جريت التلفون
هاسيد الله يساعدك
هله يابا هله تاج راسي
لتخاف ماكو شي
راضيها عمي راضيها تره متكاون وياها يعلم الله لخاطرك 

رحمه الله والديك متقصر سيد اخذ راحتك
سديته منه باوعتلها
هيج تصغريني كدامه
مجاوبت همست وتشهك
محشوم
دباعيلي حبيبي
رفعت راسها يابه شكد عتب بعينها يبوو لدرجه خفت
اني اعتذر
هزت راسها بالرفض
علويه عذريني
للقيامه ماسامحك
علويه على بختج
انه راده لاجل ويلادك وبس نفس ماانه رخيصه عدك وسكتت
كمليها كمليها وانت رخيص عدي
حشاك موانه التطلع مني العايبه انه علويه بريسم  شيخه بيت سيد حسين موانه الينتكص من كدري
كدرج عالي علويه صدك جذب والله كم مره جيت وانتي مترضين كتلج اجي للسماوه علمود شغلي
انه ادري الزلم كول وفعل صح ولا لاه
بلعت ريك هرجزيت راسي صح
اجل ماكتلي اضلن بالبستان واتوضف عليش مانفذت وعداك

كالتها بحزم رافعه حواجبها ثنينها همست
تعرفين بالحاله بريسم وبنتي
اوخوي ماطك باب وفات لحوشك واداس حرمتك

هزيت راسي بهدوء صح كلامج
وتاي تعبي طلعت كاغد مااسوه
لاعلويه موهيج
الا هيج وهيج نترت وبجت انه الجنت اضنك مثلي تموت من البعد تاليها هيج كلبك يكصى علي
بقيت اباوعلها وكفت كالت
اترخص انه فايته ارتب غريضاتي علي وينو
يم فرح بره
باوعت من الشباك ونصت طبت للغرفه  احس روحي خسرتها ومستحيل راح تنسى الصار  شسوي بعد توسلت بالسيد ترجع بس جرحتها ادري  حتى وي فرح وجهه ثكيل

فرح- رجعت خاله وضلت وي بابا على كد الحجايه اسمعه بالليل يتغزل بيها الصبح همساته بحب الها  بس هي ساكته مترد. تسري الريوك والشغل والغدا ساكته حتى الي مرجعتلي مثل قبل وابد  مسمعتني حجايه  امتحنت اربع امتحانات جنت اروح ببوشي واستغربت خاله من شافتني بيواخيرا حجت  من وحدها
لساتج ما نزعتي
باوعتلها ابتسم ابد صار جزء ميتجزا مني تقربت منها بستها من راسها باوعت بعينها
يمه وافتخر من اكولج يمه لان جنتي تكوليها بحنان صادق يبمه لتحرميني حبج ادعيلي

دمعت عينها خاله وهزت راسها حضنتني  همست
ربي ييسرلج امرج  وباجر اخر امتحان    بليل سمعت بابا يتوسل بخاله ويحلف بحبها وهي ساكته دمعت عيني سمعته صار عصبي نتر
انتي المردتي تجين استنكفتي  عيشتي

خاله جاوبت
لا بالله ماساويتها نوبه
بعدها صارت صنطه وصوت بجيها بهدوء وبابارجع يتوسل وهداو عرفت تصالحو بابا ميستاهل الاكل خير غمضت
وانت ممال كلبك محن مثلي. لو هم قسه تعلمت اقسى مثلك تعلمت اكلب ادورلك حجه حتى اقسى عليك لزمت تلفوني وتمددت هم بيه الشوك كلش دكيت راسن رد
نعم
غمضت بقه ساكت وصوت نفسه واضح يجره بحسره

كال وره شوي
ماطاب كلبج
بجيت بقهر بقه ساكت شوي وسده رجعت عليه كلها شتاقيتله بيومها حد الموت والصبح بابا فاتحني كال
بابا مثل مدخلنا بالمعروف نطلع بالمعروف

باوعت لخاله منصيه عالميز  توكل علي 
ليش بابا اختنك صوتي ليش خابرك
كال
داز خبر  يكول خلها تقرر دراستها تتركها  وتتحمل عيشتي وغيرتي لو كلمن يروح لطريقه
وكفت فكيت عيني كلها
هذا هو هيج كال باوعت لخاله رفعت راسها. جعت نصته جاوبت بنتره
كله هاهي كلمن يروح لطريقه ماترك دراستي

عفتهم وطبيت للغرفه لبست ورحت الامتحاني  جاوبت شون مجان ورجعت ابجي بالهط والبوشي على وجهي طبيت للبيت ذبيت البوشي ونزعت. طبيت سبحت متت بجي  مدااكدر انتزعه من كلبي شهرين شهرين شنو مثل الدم يمشي بيه واصبر  روحي  هسه ميكدر هسه يجي ميكدر ببعدي تالي طلعت غلطانه

طلعت لبست دشداشتي قصيره ولافه الخاولي باوعت الملزمه كعدت عالفراش اكلب بالملزمه اباوع حلي وامسح بدموعي واعصابي ترجف فجاه سمعت صوت خاله تصيح
سيد على بختك لمن يحي اوبوها تفاصلو لاتخزيني جدام منو
عكدت حاحبي شنو تحاجي بالتلفون  كال
بنتره
فايت لمريتي موغريبه وانفتحت باب غرفتي شفت طوله لبسه الاسود محزمه وسلاحه وسبحته  ونضرته ونفسه اليرتفع وياه صدره عيونه الغاضبه رد الباب وسدها بوجهه خاله المخليه ايدها على وجهه تباوعلنا 
كال بصوت يشحط
شاللي وصلي من اوبوج بلسانج اكدر اعرف
جانت نضرته تهديديه وغاضبه واني شسويت مكدرت  اسيطر على اشتياقي بععدركضت من جربايتي صعدت عليها وركضت عليه لفيت ايدي على ركبته حضنته واسمع نفسه يتكسر بجيت بقهر واشهنك وحاضنته قوي خنكته شالني  بدون ميحضنيهمس
ييزي خلني اشوفنج
ابتعدت واشهك بقهر مسح وجهي عاكد حاجبه  همس
لو انه لو علامج ان ماتتحملين عيشتي الصعبه خلني بحالي
بجيت ونصيت واشهك والله موقصدي والنبي والنبي موقصدي احاجي بس بس ردته يبتعد
غمض قوي ودار وجهه كال
صادكه صادكه هسس لاتبجين ردي علي لو انه لو علامج

بس انت اذيتني وضلمتني شكيت  بيه
وانتي بعد كسرتي لكلبي جلمه خزرني بكل  قوته حضنته قوي انهزم منه اله
استغفر الله واتوب اليه. سامحيني على الجفا بس كان ودي اعاقبج واعاقب روحي بعد

ماسامحك كلها واني لافه ايدي عليه قوي وميشوف وجهي ميته بجي

لاه قصب عنج تسامحين لاني عفيت عنج
ماه ماسامحك
لاكوليها كولي سماح
ماه اشهك واحجي
ككولي سماح ان طلعت مني قسما بالله مااردن لو تجنزت جنازتي بالباب ماردن

ماريد اعوف المدرسه
اجل تخسريني انه
بقيت ساكته حاضنته جر ايدي منه بعصبيه ديروح  وصل للباب لحكته لزمت دشداشته من وره وابجي
سماح
سماح
سماح
وكعدت بالكع بجيت بقهر كد اشتياقي لحنانه وصدق نضرته التفت كومني لزم وجهي بيده ومسح دموعي واني مدااكدر اوكف بحي نزل الخاولي باوع لشعري وتلمسه باس راسي وحضنني

مسامحه هاذ اهو ييزي  

باوعتله نترت وضربت صدره
انطاك كلببك تعوفني

بقه يباوع بعيني بتعب همس وانطلج كلبج تنطين نضره لغيري

بجيت والله موقصدي نسيت ماريد اشوف غيرك بعد
قسما بمحمد  ان قبلتي تكملين حياتج معاي لاتشوفين الشارع ولا الشارع يشوفج حد البستان حدج

هزيت راسي بقوه ميخالف
رجع حضنني همس
لون ماتبرد ناري ومادري يمتى

اريدك بس الك كلشي ماريد

تعبان فرحه الوب عليج بره الخوص واكلب بصورج وانتي كاصيه كل يوم اكولن تتصل تكلي تعال اعوف ملشي لخاطرك وانتي كاصيه

انت هم
انتي الغلللطتي بويييه
اي اي بعد ماسويها  بس لتشك
لون عدي شك صفر بالاميه ماتشوفيني جدام منج انه اثق فيج بس حضي كلب ابن كلب
لاه عفيه لتكول هيج
ييزي بويه  هاذ هو تعي اشمج جرني لحضنه ومد ايده مكلوب قفل الباب
بلعت ريك كتله ليش
همس واشهك الشهكه جلبت همس
ويهز راسه بتحسب
طفي ناري فرحه عطشانج وتقرب بقوه باسني بعمق وينطيني مجال اتنفس ويعيدها حد ما حسيت روحي بفراشي والباب يندك كام ركض عدل روحه  ويباوعلي حتى هو مستغرب باوعت لنفسي دشداشتي مرفوعه رجلي كلها طالعه  هو عدل شعره ويباوعلي وينصي صاح
جاك
بابا كال
شنو السالفه  سيد قفل بيبان صارت
فتح الباب واني اعدل بروحي وكفت وراه بابا نتر
ادري شنوانضرني اقلهانتفاهم
عمي مريتي مالك عدي شي
هاه
باوعلي بابا   بتفحص جر نفس والتفت باوع لخاله بغضب خاله نصت واني السطره بعدها بيه. كال
بابا موافقه
هزيت راسي اي
يعني متاكده يحجي ويباوع للسيد
هزيت راسي  ماريد كلشي 
جر نفس بابا كال كيفج بابا علويه صبي الغده باوعلنا بعتب ضايج همس
اهذو راحتكم اكيد عدكم حجي لازم تحجو بابا هاي حياتكم  لازم تحلون اموركم بالهدوء بينكم متدخلون احد انتي من رضيتي بي معناه تقبلين بعيوبه ومحاسنه حتى تعيشين وياه طول عمرج
اي هزيت راسي كال
يله الله يهنيكم دار وجهه وراح السيد سد الباب باوعلي وتنفس مبتسم
همس
شصار بيننا فرحه فصلت من هالدنيا هاي بيج

عضيت شفتي رجع تقرب غمضت
حضنني همس
مو ملمس جن زبد تمشي ايدي عليه  منين مامشي تكليلي ماه وانه اصيحن يماهةةةة
نصيت راسي بخجل
نتر من بين سنونه
من كشره راسج لحد اضفر رجلج مسودن بيج
باوعتله تعوفني بعد
انه شهرين  شهرين عايف روحي

برطمت همس
ييزي بحي ييزي شكثر عدج دموع امشي خلنا نتغده برانا فره
ليش
شنهو الليش يولو باجر خوالي يجم يول باجر كعده الحنه
فكيت عيني كلها
اجل ماتدرين ههه حنتج باجر يافرحه ودخلتج عكب دخلللتج عكب ركزي وياي
ضربته على كتفه جر ايدي باسها بسرعه ولهفه وطلع حلقتي من جيبه ولبسها الي
وحك اللي طبكهن سبع طبكات بسبع ليالي ان طلعت من اصبعج النوب اذبحج
خله الحلقه بين شفافه واخذ اصبعي فوتها بي وباس ايدي همس
اعشكج باس راسي وطلعنا

تغدينا سولفنا ضحكنا وخاله ردت العافيه لوجهه بس بعدني من اصفن بعينه الكه بيهن عتب حتى لو غلفها بضحكته

وبده بابا بالتواصي والعتب والسيد مخلي ايده على صدره  معتذر من باباويباوعلي  بعتب. لليل بقه عدنا جاي ووسوالف اتفقيات لباجر كومه عازم وهالفتره عمامه الاثنين البقيه صالحوه اجوي يستسمحون منه  وتقبل منهم  جنت بس اريد ارجع لبستاني مداصدك روحي شوكت ارجع عجيبه شون تعلقت روحي. بعيشتهم صار بين النوك والدجاج  والبر والبيت الجبير
كل ركن اله كومه ذكريات بيومها بليل اخذني هناك وي بابا وخاله ورجعنا تركنا البيت الماجري  بابا ان قابل بس خاله توسلت بي وبحجايتين يخاف لا يكون بموضع شك انه ميحبها قبل كال
لخاطر علويتي
خاله فرحت ورجعنا لبيتنا والسيدكال وره العرس نلتم كلنا فد بيت وبابا رفض واني كعدت وياه وحدنا توسلت بي
بابا اني اريدكم ويايه
بصفج احنا بابا
لخاطري السيد اغلب الاحيان يطلع الفجر اضل وحدي اخاف وبعد اصرار قبل   بيومها بليل السيد من وصلنا بستانهم باوع لوجهي  كال شيلي البوشي مامش بشر موجود فد اوبوج شلته بس طبينا شاف راحتي وابتسامتي ابتسم واخذني هناك كعد ويايه يحجي ويناقش

شوفي يبت الناس انه هاي انه وانتي رضيتي. جاي اكلج هاي حياتي ان صارت مشكله ببيننا تضل داخل حيطان هالكبه وقسما بالله ان عرفت طالعه بره حت لو لبريسم لا سويها قيامه عليج شتيقه هالشهرين الطافت لااسويهن تسع سنين
اوك

هاي شغيله شغيله اللوخ انه فوك مساوي هول وكبه تلبسين تتدلعين هاي عين وهاي عين بس جدام  من اوبوج لااكلبها الدنيا ترا لا تكولين اوبوي مااوبوي انه زلمه معقد
لا بس الك
ابتسم وجر نفس كال
شغيله اخيره  البستان بالنهار ابو عوفي ابو محمد وعدنا اربع فلح همات يجم  من قير الويلاد بالمعمل ماابي ترحين وتردين بيت ام عوفي  لو للمراح للو للساجيه بالنهار مو. ليه. عدج خميس وجمع البستان لج وانه وياج وانه مووياج ساوي التبي في
اوك
سبعه فرحه   وجاي اكلج  صوني عينج لخاطري.
ابد بعد ابد
باذن الله بويه انه ماباتن بالبر فد نوب شرط موسم  البيع اضل
اجي وياك
احتمال اخضج وي حسون ماعرف بعد شون تصير
اوك
مارايده انتي شي شروطج شني ست العرايس
ترجع تباوعلي مثل قبل
جر نفس وهز راسه خلني ابرد وثنتين عيوني لج
ابتسمت اوك اني اطفي نارك
كيف بالله
كالها وعيونه على شفتي باوعت للباب مال غرفتنا وكمت قفلتها التفتت عليه عكد حاجبه همس
اوبوج عيب منو تاركو وحيدو
مو حده خاله يمه فليت شعري هو كاعد عالقنفه مال غرفه واني واكفه باوع لطولي واني اقترب منه فليت شعري من الكصيبه وافتريت ابتسم وتنهد  وارتجى كعدت بصفه همس
انه وياج ارجع كبر حسون
واني وياك احس روحي اميره لزمت وجهه بسته من راسه ابتسم وغمض ذابت ملامحت بسته من خده ونزلت عالشك اللي بركبته
هاي شنو
همس متكاون وي ابن عمي
كالها مغمض رجعت بسته مره لخ من الاثر
شوكت
لمن جان عمري ثمن سنوات
ليش شكد وكيح
لنو كال على امي سمينه
ههههه وهي صدك سمينه
كانت زينه بس اهو كالها جدام الخلك
يبو على غيرتك الحلوه
تحبينها
امم
انه تحرك فيتي وتحرك اللي يخلفني
بس اني ماخلفك
الله يسمع منج لان ماودي اخسر هالراحه النوب
تقربت بسته من شفته بهدوء جرني بلهفه كانه ينتضر جنت متحذره مو نفس بييتنا  طيته حريه مقيده بده يتجاوز ويفقد سيطرته همست
كافي ماه
لاتصيحين ماه تخبليني ازيد
كافي بس ماريد سيد

موكادر ابتعد عنج
عبدالله حباب بس خل ننزل
جر نفس ابتعد ونزع غترته فرك وجهه كال
كومي فجي الباب وروحي شوي ونازل كولي لخالتج تزهب العشه
اوك
نزلت وتركته شوي ونزل صاح
سيد حسين
جاوب حسون
بلي بويه
تعال يابا تعال حدر صوبي
اجاه يركض مدري علويش دزه وراح طاير باوعلي يبتسم
كال
هله هله بوليدي
تدلل وخاله هم هنا
امم انه اريدن انتي والنعم من العلويه بس اريدج واياه اهو يحبج من يوم فات لهني امن فيج مثل اوبوه
اوك
وانت ماتبين شي ماتامرين على شي
تقربت منه لزمت حبل دشداشته باوع لايدي ورفع راسه يباوع بعيني هي هالي النضره الردتها  حجيتها بداخلي كال
مو كدج حركاتج الحين موجر نار

اطلب منك طلب
تم من دون ماتكلين
غير تعرفه اول

اعرفه وان ماعرفه تم
اريد تذب الاسود بعرسي مو تكولي راح اسويلج عرس يتسولف الصوبين  لانني الختارها كلبك
بقه صافن نصه راسه  هز راسه بالرفض همس صعبه
كيفك سيد بس الحزن يبقى بالكلب شوف بابا على طول يرثي ننه بس بداخله موكدام العالم اني اكره المضاهر واريد بيننا بس احنا نعرف البداخلنا
بقه صافن بوجهي
شبيك
تحيريني
ليش
مامحتاج احجي  تدرين الاحبو كيف نسيتي وتحجيتي
ببديهيه جاوبت عليه نصيت راسي ببديهيه كلت لا ماريد هسه يجي ابو عوف

هز راسه  موافق
مسامحه 
ابتسمت نصيت بست ايده
جرها جلبت بيها بستها
عليش بويه
انت موسيد ابتسم جر ايدي باسها بعمق همس وانتي سيده عمري يصقيرونه الولايه
اللله هههه احلى لقب همس
خطارج اجم بويه تزهبي
منو
اجه
خالتج وكرابه اوبوج لاجل حنتج ست العرايس راح اغيب عنج يومين فد ونتلاكى بدخلتي عليج عدي لج شقيله رايد اشوفها لج
شنيه شنيه
اصبري من صغرج ملكوفه
انت شكدريك من صغري جوز من كبرت صرت هيج تخوصرت همس وقرب وجهه كال
انه اعرف عنج كثير انتي ماتعرفينه
اهووو هم حيعيدها شتعرف كال
خل صبرج طويل ينبعه بوسط روحي تفجرت تالي العمر يدلال اللي بكته اجه
ابقى احجي مامل
حنا مو فد لسان حنا كوول وفعلللل زلم البراري خوان السباع ذيابه بكت الغضب وشمس حنيه بكت الرضى اكسبيني وطيعيني وشوفي ويش يطلع مني
شفت الدلال بعينه سيد شفت الحب والحنان
لاه لساتج ماشايفه شي  ان عشكت  امشيج عالورد وان حقدت اجعل ليلج  وصباحج جمر
ابتسمت
ثنينهن منك عسل
نشوف وجر نفس بطيت على خطاري تزهبي وروحي وي خالتج
اوك
راح  ونزلت ركض خاله مستعجله تروح وتجي
خاله فدوه انتي حامل
هديني يممه انه كلي عافيه هديني اليوم يومي اليوم سيد الساده فرحان يبعد اخلي وباكيهم. يمه يكو حاضره وتشوفين  وجههه 

بستها من راسها همست
ول فرحه تعاي احنيج
اي خاله خل ابدل
بسع
تحنيت وتسكرت بريحتها وحضرت ثوب العرس وكوته خاله وكوت بدلاتي السبعه لليل السيد بيد حسون دز عليه زركه مال ذهب فتحتها تخم مرتب تلمسته وباوعت لخاله شفتها تبتسم
خاله هو موجايبلي
حسون كال
ابوي يكول الحين فك الدين
عكدت حاجبي. يادين خاله كالت
التسعه الضلمج فيها  دمعت عيني ونصيت   لبسته وي كلابيتي الخليجي وخاله نزلت شعري بالسشوار وتكحلت وجرتها الكحله تهيات للحفيفه. لان اول مره عدهم لازم لمه تصير وصارت الهوسه بيت جده  كلهم ونسوان خواله وجتي الحفافه رغم ما قليل بوجهي شعر بس طلعت غير وحده تحف ويهلهلون ويطشون جكليت. جنت فرحانه بي كلش  بيبيته جانت ترددازاهيج بانه اني صرت جنه الزهره. لليل تحضر العشا. وبابا كلسا مخابر خاله يوصيها ترتاح لان حامل وهي تكوله اي بس متكعد حتى ركص ركصت تعافت بيومها حيل
ثاني  يوم الحنه من الصبح كمت اسمع مهاويل بدويه عاليه بالبستان ودبجات زلم وضحك ودك تلفون خاله شهكت تبجي بفرح  كالت  وينو فد اشوفو بروح اخوك طرشو لي بس اشوفو
طلعت خاله للطرمه تركض رحت وراها بابا جان بالحديقه على طبخ النسوان مشرف شافها صاح
علويه يمعوده لتركضين يابه اذا مااجه سباق اني معتب اباوع عيون بابا تخربطت باوعت لمكان نضرته شفته يباوع لخاله وخاله دتحضن برحال يطلع بعمر بابا وتبجي وتبوس بي وهو حاضنها مهدها ويضحك ساعه وساعه يبحي تغيرت ملامح بابا وذب الجفجير من ايده وبلع ريك منصي تقدم بهدوء تقدمت والبوشي لبسته خفت حيل ومعرفت منو الشخص الدتسلم علي  وممنتبهه لبابا لخاطره سمعت بابا تنحنح
همس
علويه جرها بهدوء خاله تمسح بوجهه وباوعت لبابا
منو معرفتينا الرحال كال

هذا زلمتج بريسم
خاله ردت
اي هاذ اهو
تقرب بوس بابا عرف نفسه لان خاله فحطت من البحي كال
انه خالها الصغير ساكن البصره والحين رديت لاجل زواج السيد صار سنين ماشايفها مريتك هاي اكثر من اوخيتي بزماناتي تسكطت واهي عالتني لان امي مره جبيره وماعدي خوات فد امها المرحومه متعلق فيهاحيل وفاركتنا السنين الا انه من راح اوخوها ماهديتها حد ما طلعت تعييني وتفاركنا
بقه بابا صافن همس
ماحاجيتلي عنه
كالت ماحاجيه لك عن حد من هلي   وماسالتني فد نوبه فد فرحه تدري
بابا وجهه تغير انغث جرتني خاله كالت
خالي هاي مرت السيد
كال بويه شيلي حرامج خاف جكمه سوده مصخمه
لاخال باوع لابوها تعرف وجهه فرحه يمه سلمي على خالي هاذ الحجيتلج عنه

حمد الله عالسلامه حجي  السيد كال راح توصلون وجهزنالكم البيت الثاني ترتاحون بي
رحمه الله والديكم ياله اترخص
يس- راحت فرح وعيون بريسم موكفت دمع وتباوع عالباب روحي انلبجت
روحي يمه وي الرياجيل خاف يحتاجج
باوعتلي عكدت حاجبها همست شني لاه حرمتو عدو شتقصد
والله الاحضان وتبوس بالايادي والراس  واللهفه شدعوه شصار 
شتسوي حنا جهل مو تكول عادي لون شفت غريب حاجاني هذا كريب خالي ووي روحي
لزمتها من ايدها قوي رفعت تك حاجب بغضب
بريسم لتستفزيني بالقران ابتلي بيج واخذج وارجع لهناك وحدج اخليج غصب تره
يا يس شجاك مو ماتغار علي انت وتعتبرو جهل شني السالفه
فركت وحهي بغضب شوفي اكولج اذا شغتج بعد تبوسين وتحضنين باحد اكلبلج الدنيا
ابتسمت بنصر همست مقربه وجهه
مايحس بالنار. الا المنجوي فيها وابتعدت صرت اعصاب منا زواج فرح الخايف منه وعصبيه السيد ومستقبل بنتي ومنا مرتي اللي مدترضى تنسى حجايه كلتها بوكت غضب واعتذرت عنها كومه

فرح- الحنه خلصت ركصنا تونسنا واللمه حلوه والضحكه والاهل وتباهي خاله بيه وبعلي وحسين وببطنها كدام  نسوان وبنات عمامها وخوالها  بدلتي المعلكه المنفوشه اللي وصوها من السعوديه جانت شي اقرب للخيال والسيد مشفته بس من تصير طلق يكولون زين  حلق راسه ومن تصير اهازيج صوت عالي يكولون حنو بيوم الحنه الليل كله يدك طبل واحنا على صوت طبولهم ندبج علاوي حبيبي لابس دشداشه زبده وعكال ردت اكله اكل حسون الكلسا جايبلي جكليته
ول فرحه عبن انتي العروس جايبلج كوام نوكه
ضحكت عليه واخذتهاه.  طكولي بكامرته كومه صور ولبست بدلتي وام الصالون للبيت جتي جنت احس روحي اميره بقصري  المزايق مسكتت وطب بابا بوسني وخاله رفاه ومرترعمو قاسم وكرايب خاله للحضه خاله رفاه شاورتني همست
امج تباركلج ودزت هديه باوعت بعيوني اني بلحضه ردت السيد وكفت الدنيا كلها بعيني
سالتج عليه تدري اليوم عرسي
كالت
اي تدري بس متكدر تطب العراق جان جتج
كوليلها وصلت هديتها ورحعيها الها كوليلها العوض من الله يامحلاه مامحتاحه الهازبعددعاءئلتي كامله تفهمت خاله مبتسمه بقيت مغثوثه   غابت ضحكتي جابو مصوره للبيت للصاله وطب السيد بزفافه من خواله واهله  واتفاجا نازع الاسود كلشي بيه فرح وي بياض الغتره والدشداشه ردت وجهه عيونه اريد ارتاح بالامان بس مباوعلي ابد خجلان من النسوان الجانت تدبج شغلو النافوره وطلعو الكل طكينا صور همس ويباوع للمصوره الدتاخذ صوره
همس
شفيها عروستي ياهو الكدراا ها بلعت ريك باوعتلهز
لاتصديلي مابيه وكفه خلها لليل يحجي وميباوعلي
ابتسمت  كملت المصوره  وطلعت همس ويباوع لخاله بريسم الميته فرح كال
نصعد لزم ايدي ايدي ترجف عمد حاجبه باوعلي مستغرب برطمت

بويه شفيج خايفه منني
جج
عجل ياهو القثاج
خل نصعد اختنكت
و نصعد  ياله اشر لخاله بريسم. ونزع عباته خلاها على كتفي  ونطونا مجال رغم ما الدرج سياره تصعد بي من عرضه والثريه نازله من فوك بس شالني برهاوه ايده امنت من سمعت دكات كلبه  غمضت الهوسه والهلاهل صعدنا لحكونا حبوبته مقبلت نزلتهم كلهم تفاجات بالغرفه الحانت مقفوله يوم الحنه من الصبح تفاحات من شفتها كلها ورد طبيعي بالكع مطشر بترتيب يخبل واكو صور قديمها مرتبه عالفرشه البيضه انقفلت الباب ونزلت الهوسه والتفت مرتجي بالباب واني اتفرج جر نفس وتقرب مني

كال
طالعيني لشو
رفعت راسي شال البركع وباسني من راسي همس
شفيهن عيونج طفت
بلعت ريك وهو يتامل ملامحي من عيوني لشفافي لشعري لبدايه ركبتي لنهايتها البارزه من البدله تنفسه تخربط تقرب للكنتور وطلع كامرته طك صوره الي بدون بركع وكفت مثل الاميرات بعدها صاح خاله صعدت طكتنا صور تخبل بكامرته كملت وتقربت بوسته من ايده وراسه وبجت كالت
هاي التمناها كليبك سيد بكبتك منورتها هاي البست الايادي منشانها باريها وداريها ومي عيونك ازكيها وتقربت مني بوستني
كالت
يعلم الله معزتج من معزه علي بس هذا حزام ضهري هله هله في
هزيت راسي بست راسها ونزلت التفت عليه مبتسم كال
والحين ضلينا بحيدنا شني اللي واجع عيونج
ماما كلتها وبجيت
غمض عينه ودار وجهه همس
بعد روحي فال مابزين دموعج بهالليله شفيها اميمتج كليلي كيفج اعوضج عنها
عوضتني ماريد غيرك
اجل شفيج ياعمري
دزت خبر وهديه تباركلي ورديتها
ابتسم وهز راسه
ضبببعه وسبعه من يوم يومج وشكلتي لها
كتلها مااحتاجج عائلتي كملت والله عوضني
صفك بهدوء الي مبتسم همس
انه افتخر فيج سبعه من صغرج
هزيت راسي موافقه
وانتي مرتاحه الحين
كلش
الحمد لله طالعي عالفرشه شوفي شنو. اكو فيها
التفتت شفت صور كومه عكدت حاحبي. شنو هاي منو تقربت اخذت وحده شال سبحه صفره طلعها من جيبه وتقرب
هاي ماتذكرج بشي عكدت حاجبي عين عالصوره وعين على ايده
كال
منو اللي بالصوره هاي ام كصايب منو
تفاجات تذكرت نفسي وصوري من جنت صغيره هاي انيييي
وهاي منو الوليد عززه انت سيد انت موو
هههههاي بلي انه
باسني من خدي عايني شون كاضبه سبحتي تردينها
والله العضيم من اول مره شفتها كتلها لخاله مدري وين شايفتها
جنت اشيلج بيديني واطكلج صور واتمره فيج اكولن هاي شون حتصير. لمن تكبر عالحسن الشايلتو بصغرج  ومنوشفتج اول نوبه وانه اطرد فيج وكتيلي بابا وععرفتج بنتو لياسين تبسمت وعرفت لمن كبرتي شلون كايل شكلج صرتي كمر يضوي بالبستان اخافن من كل عين تلوحج وتضل ماتكدر بله ماتشوفج النوب خفت على سكعتج وعلى اوبوج وانتي وكحه وماتسمعين الجلمه بس كلبج ابيض نفس طيبه امي
هاي كصايبج جانت من تنفل تضلين تبجين وتصارخين لبسوج دشداشه عرب وانتي جايه بنفنوف زهري وشورت كلسا ومدنجه وطالعه فخاذج وانه اكزكز اكرص فيج ماهكيت ربي يعطيج لي بعد هالعمر بويه شفتج اول نوبه قسم بالله اول حرمه اصدلها وموكادر اشيلن عيوني عنها. والنوبه الثانيه لمن طلعتي بحديقه حوشكم وتكطعين جلنار الرمان يول كلبي نضره لفتحه زرار الثوب اللابستو بينت بياض ونعومه جسمج همت همت فيج وبشعرج والنرب الشمس عكست بعينج والرمش اشكر اخخخخخ ليالي موكادر اشيلج من عيني واستغفر ربي واتعوذ من الشيطان ولا قدم رجلج وخلخالج شعمل فيني
جان يحجي ويباوع ملامحي بتوق بلهفه همس
هاي هديتي الليله سبحتي هديه اوبوي لمن ولدت عدنا السبحه مفخره ولمه اهل وان تبحثرت فال مابزين لميني ولميها انه قبلج مطشر ولمن دخلتي البستان خضر بممشاج وصار عدي ولف وعزوه وخير لاتكسريني فيج فرح

ابتسمت حضنته اول مره تكول فرح
فرحه عمري انتي اول عشك صقيرونه وفرت  شيباتي الينعدن  فر
هه بقيت اباوعله همس
تحبيني
اموت عليك
طاري الموت لاتجيلينو
اوك
تحبيني
اعشكك من ساسك لراسك مااشبع تامل ونضر الك
يابوي ينضرتج شجانت تساوي فيني ومن اعصب والكاج معصبه استانس حيل تدرين اكولن راح تغرد وتضحكني
هههه
بس طيبتج مالها حد كلبج ابيض نفس امي يفرحه العمر لو واياج لو مايسوه
تقرب مني شال التج والماشات بهدوء نزل شعري بلفافات مرتبه همس
كمر ويضوي الديره ملها الليله بكبتي يضويلي
بده بقبلات متناثره على ركبتي هدا روحي وبعدها اخذني لعالمه وبغرفه ضواهازخفيف. لابعاد الخجل مني ماجنت اسمع بس تحمليني وتوسله
لاتكرهيني
حضنته بقوتي همس،مايخالف مايخالف
جانت لحضات عطف وقسوه مخبوطه وخلصت بعشقه وهيامه بيه لمني بحضنه كل قوته يحلف بسنين عمره ماراح يعشك غيري

ايام العرس خلصت بعدها سبوع جان حاجز للعمره للسعوديه وعدها بدربه تجاره يكضيها ونركع جانت احلى ايام حياتي وهو يجدد عهده كبال بيت الله.
حياتي وياه صارت ملكه ومحد يشوفها غيره سفر طبه وطلعهه مناكره وعراك وركض وضحك رجع طفل بكد حسين وحتى حسين هم يلعب ويانا نخلي بابا وخاله يصفكون ايد بايد يضحكون علينا  
نكرتنا ومداهرته ويايه اليعشقها سبحنا بايام الصيف بليل وره البيت لمن  الكل ينام  ايام ولحضات لليوم اعيشها
لحضات حملي ووحامي متركني ابد
واني اليوم ام
ل حسين
ومنتضر
مهدي

وخاله صار عدها
علي وحسين وعبد الاله
واتمنى البنيه
حسين اخويه اكثر من ماهو ابني
تاقلمت بعيشتهم بس بعدني بدلال بعدادي
يعني اكعد ب١٠ الماه هو مسوي الريوك
كام ياكل خبز العشا الصبح بوكت جان لازم كلشي بوكته بس لاجل عين الف عين تكرم
اروح احلب النوك وياه وارجع انام ساعدني بتربيه الولد احب النوم هواي ومجان يعوفني اتعب

بابا توضف ويركع يشتغل بالبستان حد مينام البستان مامو متر بي مابي زرع وثمار كل خميس نتغده بالساكيه البرانيه ونضوري يحب المرجوحه البره  المعلكه عالنخل مثلي
بيوم جننا نتغده الضهر واجه اتصال لبابا خلاه يعوف  الاكل وكام
جان وارده بالاسم الرباعي مطلوب للبنك العراقي للتحويل  حالا
بابا خاف وباوعلي اعرف بعيونه بكرلي خاف امج نصيت جاوبته
عسى ما دتموت مامولك انقذها لبس وراح السيد وياه ورجعو ثاني يوم بس ساكتين وره ويين يله حجه بابا
يحجي ويبجي منصي خجلان من دموعه همس
عمي اللي بالنرويج تاركلي ورث عمارتين. ولان ميصير عده اطفال مسجلها بايمي بهويه ابويه تفاجانا كلنا كال
بحياتي لاحسيت باب ولاحسيت عدي ضهر اليوم يله بينت بعدما شاب راسي وشبعت مذله تقربت خاله وبابا منه وعلي من شافه يبجي تخبل كله
حجي باهو البجاك اذبحه
علي جان خليط بدوي بغدادي حجيه نص ونص ينكرط من يحجي حضنه بابا يردد
انت سندي من تكبر وي اخوتك والحمد لله اكرم وانعم اعوفلكم شي
السيد كاله
شراح تساوي فيهم
راسن جاوب
ارجع بيت ننه وبجه بقهر غمض عينه ويردد ارجعه واخلي لولدي مثل مضيعته ارجعه
البيت جان مشتري ناس بابا فعلا استلم ميراثه وراح للعالم توسل بيهم نطه فلوس اكثر من سعره والعالم ردوله خبر ووافقو ورجع البيت  فله بابا للكع وشوي شوي ضل يبني بي كل ركن من اركانه يحجي قصص عشناها سوه ننه اللي متركتنا حتى وره وفاتها فضل دعاءئها بابا فرجت عليه بقيه الفلوس بابا اشتره بستان عزام بصف بستان السيد. وزرعه اشكال وصار يعتني بي وي بستان السيد  جان البستان سجله باسم خاله كاللها مهرج ولو انج كنوز الدنيا متكغيج استلم بابا جثمان عمه ودفنه يم ابوه وننه انجمعو بعد فراك الدنيا بحضن الاخره بابا صار يروح ويرجع بغداد السماوه وي عمو قاسم وعلمود البيت سكن بي صديقه حارس الدائره اللي ببغداد بدون حتى اجار
وتفاجىء بتلفون صديقه الحرس يكوله تعرف واحد اسمه حسينن علي ال----
بابا انصدم كاله طبعا اعرفه منين تعرفه كله دك الباب عليه كال ضاكت علي الوسيعه  وملكيت غير باب ياسين
بابا عاف كلشي ورحع لبغداد حسين ابن حجي علي الله يرحمه فقد اولاده بانفجارت بغداد وتمرض وكلها تركته ودك باب ابويه اللي ابوه رباه يكوله بلكن الملح والتربيه تغزر اريد اوكف من جديد اخذه بابا للسماوه وسكنه بيت ابو محمد اللي طلعو البنات تزوجو والومحمد توفه ومحسن مااعرف وين واخاف اسال اصلا ومالي دهل
زوجه من نسوان السماوه وبلشت حياته بين الزرع بس مجان يوصل بستاننا الخميس والجمعه
ذيج الفتره جنت احس بابا ملك اخذ دين ونطه دين ومن يخجل حسين يكوله لو ماابوك اني ماصير
قصتنا لهنا وللاسف  انتهت

عبرتها اتمنى وصلت
اني ام منتضر بعدني لليوم محد شايف وجهي غير اهلي وحبيبي
مرتاحه حيل واتمنى البنيه
عبد الله بعصبيته المفرطه فقط من سالفه الغيره الباقي كلها
سماااااااح
بعده ياكل مربى وزبد بليل بعد ه يصور وحسين تعلم منه الصنعه وبعدني اكل باضافري من اصفن
بعدني لحد الان كلما وكفت عالطباخ يتداهرويكول
اه صقيرونه الولايه جاي تطبخ وركبت واني صرت ام بيت واكوله شوكت تنسى يحضنني من وره ويشمني يردد
لمن عرفتج جن وكف عمري وماكبرت بعدها
بعدني لحد الان لمن اخبز يجي ياهذ كرصه حاره ويلفها بخصره وخصوصا اذا خبز عروك ميفوتها
لحد قبل سبوع شوينا مثل كل اسبوع دجاج لو سمج بالتنور وشرط من ايد بابا لو السيد لو سوه ويخبصون الامه وبعدني لازم الخميس بليل اطلع يم الساكيه وياه

حياتنا بسيطه بس هنا حسيت بكوني انسانه كامله
حبيبي هو يدرس حسين ونضوري واعي مثقف وفاهم ميحتاج اروح دمتور منيمه يوصف الدوه الي من اتمرض لانه خريج معهد صيدله
وبعد يحب ريحه الحنه هو وبابا وباي مشكله تصير يصالحني راسن الا مشكله الغيره والستروالحمد لله متكررت  من يوم سالفه محسن
مشاكلنا بيننا حتى خاله وبابا لو نحترك فوك ميتدخلون واحنا هم هج
ولحد الان يتمنى البنوته ويتوسل
اريدن فضه منج
على اسم امه
ادعولي بالبنوته
ست مريم يااروع بشر  ياروح الامل يااكثر انسانه بسيطه تعرفت عليها والفضل لله ولبابا من يومها عشكت القصص وصار همي بوكت فراغي القصه
السيد من يشوفني مطببه راسي بالفون صاح
هاااا هم قصه انه خايف لاتدخلين  راسجوماتطلعين بعد

للعلم هو ماعده علم بنشرها بس بابا لمحله وكاله تكون اروع روايه بيها صبر وامل وثبات
ست مريم يااروع كاتبه

٣ شهور مرت دخلتي حوشي بكلمات راءئعه خليتيني احب حياتي ازيد من  حبي الها.
خليتيني اعشك النوك الحمر والبر والساكيه
جنت وجده منكم وعشت قصه حبي مرتين مره بعيوني ومره بكتابات مريم جنت اسال السيد. بكل موقف ينعاد بالقصه يجاوبني بنفس احساسج ست مريم
اسطوره حيه كدرتي تسبطرين على مشاعرنا وتوصليها بنفس احساسنا الجننا نحسه
يمكن البعض من يقره قصتي يكول شون عايشه هناك
وشون تحملت
اني هنا حسيت بالاحتواء والاكتفاء صار عدي اهل وصرت الهم اهل شكرا ست مريم جزيل الشكر الج بصراحه اكولها نوبات اكول شون طيتج هيج معلومات ميصير تنحجي بس ارجع واكول لاخلي العالم تعرف الزين دين مردود الك ولو بعد حين
بابا خسر كلشي لخاطر ننه ميخسرها نزل تحت الصفر وهسه الله نصره ورفعه وهذا ليش لانه كل اكله حلال خلايا جسمه مبنيه من الحلال مداخل شر الحرام فيها ----
شكرا لكل من تابعني  انا مريم السعدي
انتضروني بقصه جديده
في
وعسى ان تسكن  نار الانتقام