رواية النوك الحمر الفصل الثالث والستون 63 - بقلم مريم السعدي

فرح- بدينا تجهيز وخاله كل يوم اايحه السوك وي ام عوف تشيل وتحط سوو تصليحات بالبيت وعمو قاسم على طول يجينا وبابا يروحله هم وبليله من الليالي سمعت بابا يحجي وي خاله
يس-قاسم لكالي واسطه بلكن يرجعلني لوضيفتي
بريسم- لوين ترد ياسين لوين لبغداد
لعد اضل طول عمري هنا علويه تره اني موسهله عليه والله مكاني ووضيفتي وراتبي ودراستي
وانه ابو علي وانه مافكرت فيني
اكيد ويايه مابيها كاف لام
انه نخله ان كطعتني مني اموتن
اني ازرعج واسكيج بعيوني وهسه بعدنا من لذاك الوكت الله كريم
سكتت خاله بقيت صافنه يعني شنو بابا يريد يرجع معقوله ويعوفني بقيت اتخيل حياتي وحدي وياه غمضت عيني خليها على الله برغم حبي اله بس جان اكو تخوف بسيط بداخلي من اصفن بي موبيدي يسيطر عليه لان رغم حنيته ونضراته بس احسه. جبروت واني احب العب واكمز واتونس احس روحي مشبعت طفوله.
يومين مرت والسيد مبين كاضيها بالبر. والشغل ثاني يوم بليل كابلت خاله وكعدت
خاله
ها يمه
اا بابا وين راح
بالبستان. جايب شتلات نومي كالتها وتلكط بالخضره وعلي بحضنها
ها زين شسمه لعد السيد وين شو ماكو
التفتت تبتسم كالت
البارح اتصل فيني بكت جنتي نايمه كال ودي اكلمها وكتلو نامت من وكت
لااا خاله كمزت ردت ابجي الا شوي ضحكت خاله عليه كالت
ذاك وينو الجوال اتصلي فينو
لا ماريد
كيفج انه ما لحن عليج عبن الثكل زين
اوك خاله جريت نفس كمت غسلت و بدلت ومشطت شعري صافنه على روحي بالمرايه والعب بطرف ضفيرتي كلادتي مال بابا لبستها النوبه حتى حسون ماهو ماخذه وياه اني بيش التهي هسه هفف
طلعت عالكتاكيت داانطيهم اكل وطبيت خاله شفتها دتسوي جسمها
خاله عادي اني هم اسوي عدج
يمه سوي ياهو الكالج لا
جيت يمها وسويت ايدي ورجلي جانت تحويله جبيره بالنسبه الي رغم انه مو عمري صغير بس ابد ممسويه قبل احس روحي فايتني هواي
مراهقه
وطفوله
لعب
ودراسه

وحنان من امي احس نفسي غير عن كل البعمري

سبحت وبدلت لبست ثوب يوصل جوه الركبه ولبست خلخالي مدري ليش تكابت من هاجت عليه المواجع مدري ياجزء من حياتي احس روحي معايشته
نوبات احس روحي يتيمه. الام
خصوصا هالفتره احتاجها هواي رغم خاله بريسم معايفتني الشاهد الله
بس لكون انه اخوها اخجل اسالها شغلات تخصه جانت هواي امور تدور بداخلي وماعرفلها اجوبه احتاجيت ننه هواي حتى خاله رفاه شكد حاولت افتح موضوع وياها مكدرت خجلت نامت خاله وبابا هم بقيت افتر بالبيت مادري شسوي بابا قفل الباب الجبيره بالزنجيل كالعاده رغم باب البستان الجبير مقفول بس هو ماخذها عاده باوعلي كال
روحي نامي حبيبتي
مجاييني نوم بابا
حتكعدين تتفرجين
امم
زين تردين شي شو ضايجه عبالك
بقيت اباوع بوجهه كال
شبيج حبيبتي كعد كدامي باوعت بوجهه
بابا؟
ها بابا شبيج
بابا تتوقع ماما هم تشتاقلي
بقه يباوع بوجهي جر نفس بتعب ونصه راسه
سنو التردي بابا حبيبتي خالتج موجوده
هزيت راسي
كال
اكيد تشتاقلج بس متستاهل هيج ملاك يضوج عليها مو صح
اي بابا
يله حبيبتي لتضلين تفكرين نامي
اوك
طب بابا وسكعت الباب انسدت وشبيه بجي طلعته من كلبي جانت تطلع الدموع مادري مشتاقتله مادري احس روحي خايفه مادري محتاجه ام سمعت صفكه الشاهين كمت امسح بوجهي واباوع من الزروف شفته واكف ووجهه مقابيل الخوص مو ناطي ضهره لا كبالي
من سمع صوت خطواتي همس
فرحه
نعم سيد
يبعد روحي وينج بويه يومين السما ضلمه بلايا كمره
انت ماكو
بايت بالبر يروحي شفيج متكدره؟
لا عادي
مزهبلج شغيله تجين عدي
وين عكدت حاحبي كبل كلبي دك سريع كال
هنايا يمي
بابا مزنجل الباب
واني يوكف بوجهي باب. اصعدي عالطوفه كالها بلهفه
يا طوفه كمت ادور بالكع بلهفه مثل لهفته كال
هذا الجوارالخوص
صعدت طلع راسي من فوك خوصهم باوعتله يضحك سنونه مبينه والكامره لابسها مثل الجنطه همس
ينور وجهج والكمر جنهم عمام

ههههه ضحكت من كلبي كال
شلابسه
دشداشتي بس كصيره
ها زين درفعي يدينج كالها يضحك وصعد عالحجر مال حديقتهم وشالني بخفه ايده من خصري ورفعني من فوك الخوص
عزه ماما عزه حوكع دتسوي سيد لا

شششش فضحتينا ولج.
نعالي وكع تك هناك
ياب. دهددي اهو مداس راح تبجين علي
نزلني بهدوء وكمز بصفي يضحك كال
ويباوع لطولي وي الثوب واني اجر بالثوب واتلفت عالخوص همس
مامش بشر بالبستان بس انه وانتي وعين الله

شنو عكدت حاجبي
امنت البستان لخاطر عيونج ىضحكه سنج
ابتسمت بفرح همس ولزم ايدي من ساعدي كال
تجين وياي فرحه
امممم هزيت راسي بفرح

كال امشينا عجل
بله بوشي
بلا بوشي وحجاب بعد امشينا
يحجي بلهفه خلاني اتحمس طلعت حافيه يجر بيدي ويمشي سريع يضحك والكامره وياه تهتز وصوت خلالي دوه بالبستان

كال
رنتو عورت كلبي

منوه
خلخالج
وباوع لرجلي ابتسم ويمشي سريع
وين حنروح
اراويج الحين

اوك ههه
ايه اوك ههه امشي سويع واتلفت فارغ البستان وضوايات خفيفه تضوي امشي براحتي بس مثل المضيعه شي
وصلنا للساكيه الخارجيه المضيف وكف ياخذ نفس تعب من الركض كال
طالعي

رفعت راسي شفت مرجوحه ام تك يم الساكيه مربوطه منا ومنا بالنخله عاليه كلش ومخلي كوشه بنصها والبطات تعلب يمها
شهكت الله ركضت هد ايدي صعدتها وكعدت عدل اجه من ورايه هزني فد شعور يخبل كال
حلي حلي خله يتناثر ويعذبني
شنوه
شعرج الذهب حلي بويه
يحجي ويفرني جان فرحان اكثر مني ومتلهف بحدي فليت الكضيبه وهزيت راسي بقوه تناثر وهو ورايه يردد
ايي اهيج اي خله يتطاير كال
لزمي كوي النوب
لزمت وفرني بقوته صيحت واضحك من كلبي وهو يضحك ويايه التفتت عليه

عبد الله
عيونه ونبض كلبه

احبك اني

سكت وارتفع صدره باخذ نفسه نزلت اباوع الساكيه مليانه كمت افتر ودشداشتي كلوش تفتر ويايه وشعري ينشر وهو يباوع لرجلي وشعري يضحك كعد بالكع ياخذ صور رجعت كعدت عالمرجوحه هم طكلي صوره ونزلت ركض للساكيه اكمز بالمي ويطكلي بالصور مبتسم طلعت من المي

تعال ويايه عوف الكامره
وين اجي
بالمي حباب حباب
ها هههه ذب الكامره وشال كلبيته طلعت بجامته ربطها بحزامه ونزل ويايه كمت اكمز فرح نسيت كل الاذاني والفحرتزبي الضهر نسيت حتى نفسي ومنو اني وبتمن مااعرف غير اللي كبالي واكف يضحك لضحكي بقينا ساعه اكثر نلعب بالبستان حدما تعبت. وهو متعب ميت صوره طكينا سوه ايدي بيده متركته اركض ويلحكني فجاه سمعت صوت عوي الجلاب
رجعت من ركضي عليه واباوع ورايه خاف لحكني الجلب ارتطمت بصدره همس،شفيج بويه هاي انه وياج
صوت جلاب
مامش هنايا جاي اكلج مامن يحجي بهدوء وعيونه منصيه بعيوني

بقيت على صدره رافعه راسي اباوع بعيونه بس الكمريه تضويلنا تنهد وعيونه نعست كال

خلنا نروح الحوش
مااااه كلتها بدلع
ماتعبتي لعب
لا لا لا
ياله اخضي راحتج اليوم كلو لج
بس اليوم
لوين ما يرد ابو عوف
الللله كمت اكمز وشعري ويايه يتاملني يضحك تقرب بسرعه شالني من خصري رفعني ليفوك كلش
عبد نززلني مااه اخاف
ول تخافين وانتي بيديني ول شني مامنه فيني
اخاف توكعني
لاه ماطيحج امنني نزلني بهدوء لفيت ايدي على ركبته

همس بذني
هيج انه مااكدر
ابتعدت كتله ماروح للبيت قربت حلكي من وجهه بدلع اضحك
قرب وجهه يبتسم. كال
اشردي ان لكفتج وطحتي بايديني مافك عنج وان مالحكت فيج الج مني عطوه زينه

هههه اوك محد يلحك بيه ركضت كل قوتي وهو ورايه ثواني ولزمني كمت اصيح
ولجج اشش فضحتنا اشش بسج

سكتت خربانه ضحك وكلبي يدك سريع شالني بين ايده مثل الطفل لفيت ايدي على ركبته التفت يباوعلي ويمشي سريع لطريق البيت
شفي كلبج يدك سريع
ههههه خفت من لكفتني
تخافين مني فرحه

لا مادري
وصلنا المراح باوعتلها
نزلني نزلني
لوين بويه ماتشبعين لعب
خل نحلبها
وشعرج ياخذ ريحه مراح
ميهم اغسل من ارجع
اااخ فرحه اخخ تحت امرج طلع مفتاحه وطب للمراح وطبيت وراه المشكله حافيه بس ماكو وصاخه بالممرات بس داخل المربعات مالتهم بديت احلب وهو شايله لشعري سواه كصيبه راخيه مطولت بيهم جنت حيل فرحانه كملت وكمت غسل ايدي ورش عليه مي عطت
لج حسج ماهيسو خرب صاحب ان طلعتج النوب

ههههه بللني وهو هم تنكع همزين الكامره بغلافها. نشفنا ايدنا وطكينا كم صوره اني وياه والنوك وطلعنا ركضت كدامه للبيت وهو ورايه عافني اركض ملزمتي وصلنا اني انهد وهو يضحك انكط مي وهو هم رجليه مبربره من المي والطين لعبت نفسي اباوع لروحي
اييبع
ههههه امشي تسبحي

بله تخيل بابا كاعد
محد الو شي عدي فرحه مريتي وجاي عبالي اونسها
شون تونست والله عبد اليوم بجيت الضهرر شكدد
غابت ملامحه باوعلي بقلق جر غترته وسد باب الحوش كعد على دجه الطرمه واشرلي بصفه اكعد

كعدت بقه يباوع بوجهي كال
المن الدموع بويه

ضجت مادري حسيت روحي مادري عبالك يتيمه
تغيرت ملامحه كال
انه السبب انه هديتج يومين
لا والله مو على شي
لا بويه عذريني
جر راسي باسني من راسي كال
مايهم اعوضج انه بس ابو عوف هداني وضليت بحيدي فكلت اخلص شغل البر لون ماعدي شي النوب افرغلج
ابتسمت
احلى مفاجاه صارتلي بكل حياتي تدري لو لا
ابتسم بفرح لفه ايده عليه همس
كلج ماي روحي بدلي
حاره
ها ههه زين بدلي وتعاي نسولف الباجر ما اروحن للضحى
وكفت راسن اي ابدل واجيك اسوي زلاطه
ياله
ميل رراسه يضحك رحت ركض شالني عبرني همس
لاتبطين اتانيج
اوك
طبيت ركض سبحت وبدلت لبست تراكسود بي دكم سرحت شعري وغسلته زين من الريحه شسورت كدلتي وخليت كحله سمعت حجي خاله تحاجي علي بهدوء ورحت ركض همست
عبد الله
يعمره وحلاته بشفافج حروف اسمو
شيلني يله يله
ههههاي تعاي
صعد وشالني ونزلني يباوع لطولي تغيرت ملامحه باوع بوجهي كال
يلعن بليس شكثر زار خاطري ب هالايام

شنوشون يعني
امشينا بويه جوعان وماودي دهن
حسون نايم
اي عد ام عوف هلك اليوم بالبر
حبيبي خطيه
وكف كال
شنييي
التفتت شفته ورايه عاكد حاجبه تاملت ملامحه الوضحت بالضوه شعره المبلل وساحبه فانيلته النص ردن البيضه وسرواله الاسود واكف زعلان
شبيك
المن حبيبي
حسوني ابتسمت
كال
ممنوع
اوك متتكرر
طب للمطبخ قبلي واني هم داطب ورايه صعدت الدجات وركضت للثلاجه طلعت الفاكهه اثرم واباوعله بقه ضايج ويباوعلي كاعد عالميز الدااثرم علي
تقربت منه
عبد
رفع تك حاجب
نصيت بسته من خده بهدوء غمض همست
بس انت حبيبي

ابتعدت عنه دار وجهه عني يبتسم رجع باوعلي كال
جبتلج جوال
فكيت عيني كلها ابتسم ودار وجهه بزعل
عبد الله موكتلك اسفه وينه وينه كمت اكمز كام عالبوفيه واني وراه رفع جسمه جر علبه حضنته من ضهره لزم ايدي صعدها على كلبه يدك سريع التفت
عليه همس
تالي عمري اكع هالوكعه بوحده نص اخمس لا ومن الولايه شساويتي فيني شنو الفيج ماموجود بكل بنات حوا
انت البيه انت حبيتك صدك
بلع ريك بعد ايدي والتفت عليه وايدي لازمها خله التلفون بيدي كال
بكت ما يطوف ببالج خيالي دكي ولا طرشي مسج

اوك
مهد ايدي بقيت اباوع بعينه كال
حلقتج مالبستها لج
خاله كالت توصاه ديسويها
امم واليوم
اكمَلت
صدك
امم يباوعلي بعشك ابتسامته رايحه جريت ايدي رجعت عالميز اثرم جر نفس واجه تقرب كعد يباوع لركبتي
شبيك تباوع هيج
وينه سلسالج
لابسته
ماكوش ماباين
وكف جر جان فايت بعبي سحبه من يم ركبتي همس
نيالو والله
عبببد

عيونو
شنو هيج تحجي
كطع لساني
رجع كعد كملت الثرم خبطت الزلاطه وجبت خواشيك اني وياه كعدت عالميز مو عالكرسي وتربعت دااكل وهو هم ياكلو يبتسم حجالي عن مغامراته من جان صغير خربت ضحك من اضحك يبقى يتامل ملامحي بده يمجد للاذان وكف راسن كال
ولزفرحه امشينا اطرشج لاهلج عيب من ابوج تخوصرت واني واكفه
انت موكلت محد الو شي هااه

ابتسم جاب الحلقه لبسها الي انصدمت مكتوب عليها ع. وسوار وياها
الله شون حلوه
بيدج تحلى نيالو مرافقكج ليل نهار كون انه ببكانو
كال
ياله بويه يله
رفعت راسي اباوعله تغيرت ملامحه فجاه
عكدت حاجبي شنو شبيك
شفافج شحلوها
بعد مااجي هنا
بويه شحجينا سكتنا هاذ اهو كالها ويباوع لشفتي كال
معسله خرب روحك صاحب معسله
كالها ودار وجهه متحسف طلعت كدامه شالني وضغط هالمره على خصري
ااي هاي ليش تاذيني
لحتى يعلم وماتنسين هالليله
مانساها عبد يعني بعد منسويها
لاه ليش كل فتره نسويلنا شرده هههه ياله روحي وزقفلي الباب براج
اوك باي
الله وياج تحلمي فيني
اوك انت هم
مايرادلي توصاه
طبيت دااقفل الباب لكيت بابا ورايه وافز فززه لزمت كلبي غمضت عيني
فززتني
وين جنتي لج
يم السيد كمت اتنفس سريع كال
شون رحتي
عبرت
لا بت ال-- لج بابا شوداج تعاي داشوففج
رجعت وكفت كدامه اضحك وحجيتله من افترينا بالبستان بفرح وضحك ابتسم كال دروحي صلي ونامي
اوك
بعد لتسويها
وكفت التفتت عليه ليش بابا
احسن
هزيت راسي اوك باي طبيت صليت ونمت شمرت روحي بالفراش فتحت الفون دزيتله رساله
نمت
توني اتمدد راسن رد من اباوع مكتوب سيد عبد عالخط مالته وبس اسمه موجود كتب
ماشبعت منج
ولااني لكفني بابا
عليج هو علي
اي والله ههه بس حجيتله سكت

شون حطالع فوجهو الباجر
عادي انت مو تكول محد الو شي عدي
يحجايه ردي لمجانج بويه عيب منو لون ماماخذ رايو
لالا بابا حباب
ديله روحي ارتاحي
احبك عبد الله
مجاوب مكتب شي ذبيت الجهاز ونمت كلسا واحس روحي داافتر بالمرجوحه واضحك

يتبع
مريم السعدي