رواية النوك الحمر الفصل الثالث والثلاثون 33 - بقلم مريم السعدي

 

عبد الله-

هذا انا
بقايا رجال وقفوا وقفه جبل. لمن لا سند له

بقايا اخي واولاد عمي وابي وجدي واعمامي

بعدهم تركت بلا عشيره   بلا  كبير غير نفسي  قاطعوني.  لاجل ناقص ذمه

فتركتهم في طغيانهم يعمهون

انه السيد عبد الله انه  سلطان كاعي   ونوكي    عرست  بعد مامات اوخوي.      ومادريت انها تدري بوخوها  واللي ساواه  حدما كضيته بيدي لزم يد وعرفت اهو اللي ورا مصيبه البر ومصيبه عرسان اوخيتي

بقت عدي سنين كاتمه الموضوع ومن عرفت خايرتني بينها وبين جتله اوخوها ومارضيت انه من اول مااهوى نفسها

تعبتني بحقدها وي اوخيتي وماتعرف داخلها شني   اضل متخوف هاي شتفكر وشني اللي ببالها

بالتالي طلع مضمومها وماخليتها تبات عدي عكب ماخبرتني.  وطلكتها تالي طلعت حبله ورديتها  جبر تالي سكطت روحها كمت انتقم من اوخوها بيها لنها تنطيه العذر.  وانه اجن بجنوني جبرتها على  حياتها وياي وان مارضت طكيتها

تالي حبلت مره لاخ وكالتها لي
ان ماهديتني لاهلي اقتل وليدج ببطني واخضت من خوالها وعد ان ماتنزله  ولاتاذي روحها حد ما يجي وليدي ردت ولد من صلبي او حتى اذا كانت بنت خير وبركه

هديتها لخوالها ومرت الايام وانه بتواصل وي واحد من خوالها تالي كالي

الولد مات يوم الولدته الولاده

هنا روحي طلعت رحتلهم هداد ومحد رد عليه بجلمه وامها واكفه مثل الشمر تباوعلي بصلافه جنها محملتني ذنب وليدها تناست وش اللي ساواه من الله لا رحم روحه وطلعت منهم ولا رديت ولا طرشت من يومها مصرف لحرمتي وابو عوف يكلي اهي على ذمتك لساتها لزوم تطلك

وانه عفتها معلكه لا الي نفس بيها ولا ابد بس ردت اذلها عبن اعرف متغصده الساوته   بابني انه شاك اهي اللي جتلته

وهذا انه من يوم جيه ابو طه والبستان ناسي تعبه كلش

صار اهو الكل بالكل ولا فد يوم كال شكد ربحها ابدا انه الاستلم لو ابو عوف وشكثر ما نطيته كال

رحمه الله والديك.
كصدته معتاز اخد للمكاين لبغداد ولكيته كد الفزعه  مرتاح وياه حيل وطاير بي حد ما طلب حرمه مننا.  وانه واعدته ان ماصارت اللي يبيها اخذلها غيرها ولا يضل بحيرته

وسالت اوخيتي عبن طلبها وتفاجات من ردت الخبر راستا كالت كله انه موافقه  حاجيتها وسالتها الوش رضيتي بساع كالت

عبن اوخوي عبد الحسين كال يسوه بغداد كلها هالزلمه المعدل وانه بعد مقتنع بي بس خفت لا اوخيتي ترفضه والحمد لله صار مننا وكمت اكولن للعالم هذا نسيبي مرتاح وماخاف لون احد كضب خيالها وصار مننا  بس صارت عراقيل جثيره

وانه كلما ارد اطرششها صارت سالفه وهاي اخر نوبه تخربطت امو بيوم اللي ردت احاجيه تالي الحمد لله عدت بخير

ابو عوف وام عوف توهكو لجتله ابن خالهم وراحو ببيت خالهم العود وانه ببحيدي ردت بس يرد ابو عوف واطرشها بيدي اسلمها له 

خايف من بنته لا تعاديها لن شكلها وكيحه ومتعبه وماتاخذ الجلمه  من صغرها اهي هيج انه اتضكر نوبه كضت مني مسبحتي وعضتني بس يسبحان الله

هلكد تنحب وتكسر الخاطر لون   مالها ذنب. ان امها ضلمت ابوها جن تيتمت وامها بالوجود ولو متيتمه جا ضبجلت ذكرى حلوه من ابوها لامها مو مايذكرها بخير فد نوب

واحدنا يتباها بحليب الرباه   ويرتاح لذكراه بخير مو يخاف لايجي طرواه وينسب

اشوفنها ارتاحت عال عيشه وام عوف تكول زينه بس وكيحه عيونها كلسا واتضكر بيوم الكضبتها واتذكر ترافتها وهلكد اذايتها وهلكد خافت من الواوي والوم بروحي

جا شون ااذايها فوك اذيتها جانت تتوسل بيه وعيونها جنها عين بزون تلمع نعيمونه حليوه الله يستر عليها وخدها مليان وجهه مدور جنه تفاحه وبيها تك غمازه سبحان الصور علومها. ودوم من اشوفها بهالمرتين ثلاث اشوف الحمار مكتسي خدودها الصاعدات على عيونها

ومن تحجي تتنعوص حجي بغادي حد مافد يوم كضبتها بحديقتهم بيوم مطره كويه وكعت خوص السياج جانت تفتر بالحديقه وتكطع الورد الاحمر واشوفنها مفرعه رافعه ايديها تكطع الورد ماكدرت ادير عيوني رغم عصبيت كونها طالعه

هالشكل وانه صافن من ضهرها مكانه سده الدكمه مفتوح وانه ببعد عنها ويلمع مرمره ضهرها وشعرها نازل لهالطول والتفتت عاكده الحاجب بضوه الشمس اللي بين ملامحها ازيد كعدت مكنبص ماودي تلمحني
فاتت مسرعه لحوشهم جن مالمحت الخو ص واكع

مدري شجره لعكلي ردت عليت الخوص من جديد وابوها عاونني واباوع على فروخ البط بحديقتهم كبرانات انه طرشته الهم بيد بريسم عبن ضلت ببحدها واسمع شهكتها وصلت لحديقه حوشنا مانطاني كلبي وطرشتم

ولليوم ماشفتها النوب ولاريدن شوفتها كل الردتها كونها مرتاحه وتريح ابوها وتسمع جلمته. انه البيه كافيني و . زياده حضي واعرفه بالنسوان
لااني الضلت عدي قبل لاافطن راحت وي ابوي

واجلااخت اللي ارتاحت بحياتها عكب اوخوي

ولامره العدلت وحكمت  بعدل  وراضيه بضلم اوخوها

اكتفيت فد نوب وهاي طفله ماترهم لكاعي والبر هاي مو مني مو ثوب عيشتنا جنت من المحها اعصب حيل مدري شبيه وللحين من اسمع صوتها بالحديقه اعصب اكولن شني ماتكول وحيد  يسمع صوتي  مايصير

يس- حسيت الفجر على الوذان الجامع قريب عالبستان فكيت عيني شفت امي على حضنتها النا بس ايدها نازله ابتسمت بستها من اباوع وجهه فاتحه حلكها وفاتحه عينها والدم نازل ابتعدت ركض

كنفدت بزاويه من الزوايه ورايه جتفت ايدي  واردد لالا عايشه لالا مستحيل تتركني.  كلبي وكف وعقلي وياه

يمه صير رجال لتخزيني

حجيها بحيددك براسي حتى بجي مبجيت رجعت ليوره بعد اريد ابتعد مدري شصار بي ورايه طبله اندفعت ووكعت فزت فرح باوعتلي ركزت زين همست

بابا شبيك هناك كاعد

دااسمع ومداركز بس اتذمر من تسجلت وهي ويايه ابحي لازم ايدها اكولها لتعوفيني ومن تخرجت وجتي لحفله تخرجي وطشت جكليت بعرسي شسوت شحد فرحت ومن جتي فرح عيوني تشخصت عليها حدمااا

سمعت عيطه فرح

بيبييي كومي كعدي بيبي

وتصيح وتبحي واني مجتف وكاعد عضامي تصتك واحجي وي روحي معقوله اني رجل معقوله مدااكدر الزم روحي اباوع لفرح تهز بامي بقوه واخاف تتاذه اريد امولها عوفيها مدااكدر اسيطر بردان مصطكه عضامي
يوم حتعوفيني يوم صدك صارت وبقيت وحدي من يوم الاحيت ماعرف غيرج وغير خالتي وعمي اللي بالخرج اللي حجيت وياه مرتين بس بالتلفون وبعد مسمعت منه خبر يوم صدك بقيت  وحدي اندكت الباب بقوه هنا كمت ماشوف ضلمت الدنيا اسمع احد يصبح

ابووفرحه وياي وياي لاتروحح ابووو فرحه بس ركزز وياي جااي تشوفننني

بريسم عينيني الرجال جاي يروح جسمه ثللج مصلبه شرايينه

عبد الله- وشفتها للمره الثانيه ذبت بريسم الحجاب عليها وهي ملخت روحها على حبوبتها شعرها وجسمها شكرخت وجهها وتردد
انتي امي ماعرف غيرج ام لا تهديني كطعت كلبي وبريسم تكضب بيها وهي تدفع بس ردت رجال البيت يتحرك يوعى عليه عرفت العده نوبه سكر  لن صارت بوخوي وانه معهد طبي واعرف وشلتها بحيلي وطلعته وعاونتي النوب محيسن عبن سمع صياح بنتو   واجاه يركض وي ام محمد اللي وي بريسم تكفلت ببنته وانه خضيته للمشفى بساعتها نطو انسولين كوه طلع منها شعرايه بينه وبين الموت لون انه ماعرف لن ابو السكر لو ثلج جسمو واختضت احتمال حبير يكف كلبه وكلاته ويروح النوب بيها الحمد لله وبس صحه وكف والحكيم ماخلاه يطلع كاونه وشال الكانونه وطلع يركض وانه براه خضيته للبيت جانو مغسلينه ومكفنينها للمره وملحديها كرابه ابو محمد  متكفل انطاه العافيه اهو بس لمحها بتابوت لو تخبل ماكدرت اهده ببحيده انه من صفح وبريسم من صفح وي بنتو اللي كطعت حالها  رغم لبسوها الحجاب بس صوتها عور كلبي

وابو فرحه انتهى

يس- يمه متوقعت يوم تنامين بهاللحد صدك عفتيني. صدك بقيت بلاج المن احجي بعد فهميني

جان يهمس ولشته ترجف   منصي على جسدها   ويشاور بيها بجانا كلنا واهو مابجى وشالوها وخضوها ويشيع بحيله ومابجى. يمشي ويردد
هاي هيه يعني اخر مره هاي اشوفج بيها يعني انطاج كلبج عفتيني ورحتي يم حبيبج. بيومها وصلنا النجف ونزلها بيدينو وانه عاونته اسمع يحجي وي الرباه.

عمي علي هاي وردتك زرعتها بصفك هاي عافتني واجتك وراح اكمل عمري وحدي عمي دير بالك عليها   هاي امانه الله ورسوله هاي الوصيتني بيها ادفنها عدك

ردته بس يطلع من جوه السرداب ماطلع رديت دخلت لن اشوفها حاضنها ويشتم بيها ويردد
هاي ريحه الحنه بيج حاجتصبر تراب بعد مااشتمها يمه صدك عفتيني لو من ارجع الكاج بمكانج كاعده يمه مو درتي تشوفين جهالي من العلويه ننه حبيبتي واختي وروحي وامي وابويه وكلشي بيه ودوه جروحي   ماقصرتي كفيتي ووفيتي.  صرتيلي اكثر من ام

والله يكتبها الج من اليوم. اني ميت يوم ميت وعايش بالدنيا انتضريني ننه انتضريني

جريته بقوه وحاجيته بغضبب
عميييي اثبببت ثبت كليبك وراك طيره راح تموت عليها من تشوفك اهيج.  تتاذه عمي اثبتتتت وثبت كلبك

اني مو بقوتك سيد اني ضعيف دفعته وكمت اشيل واذب بالتراب واحس امي سانده ضهري ورايه والله حسيت هالاحساس لان مابيه اوكف بس احس احد لازم ضهري مثل قبل ج

كملت وطلعت وداني للامير مره لخ اريد ابجي ارتاح مااكدر راسي حيطك وهو يردد دعاء الجوشن الكبير وهداه لروحها ورجعنا للسماوه الطريق محسيت بي اخذتها ويايه ورحعت فارغ -------

يتبع لما بعد العيد

اني مسافره بليل عذروني

ودامت ايامكم اعياد

الناقله ساره علي

الكاتبه مريم السعدي