رواية الرقاصة والمعلم
الفصل الواحد والعشرون21بقلم اميرة خالد
قال يزيد اسمها تقى
ردت منار طب عنوانها ايه وانا هروح لها
رد يزيد عارفه الكوافيره اللي انتي بتروحي لها
ردت منار ايوه البنت اللي ماجره عند خالك
رد يزيد تبقى هي اتصدمت منار
وقالت له انت بتتكلم جد
رد يزيد ايوه المهم هتساعديني ولا لا
ردت منار هساعدك ما هي دي اللي كنت نفسي اجوزها لك اول ما شفتها عجبتني
رد يزيد طيب يا ستي شوفي بقى هتعملي ايه معاها وقولي لي
ردت منار طب ثواني ومسكت التليفون واتصلت على وفاء وردت عليها عامله ايه يا حبيبتي كويسه
ردت منار الحمد لله بقت احسن بقول لك ايه انا عايزه اجي لك عشان ننزل لتقى تعمل لي ميك اب كده بدل اللي راح عليا
ضحكه وفاء قالت لها استني هتصل عليها واقول لك
ردت منار طب بسرعه ما تتاخريش وقفلت معاها
ووفاء اتصلت على تقى وما ردتش واتصلت كذا مره وما ردتش برضو وقلقت وافتكرت ان معاها رقم دينا واتصلت عليها
ردت دينا ايوه من معايا
قالت لها انا وفاء يا دينا عامله ايه
قالت لها انا كويسه يا وفاء انتي اللي عامله ايه
قالت لي انا تمام يا حبيبتي عماله اتصل باختك ما بتردش علي
ردت دينا معلش يا وفاء اصل تقى تعبانه من امبارح ونايمه
ردت وفاء تعبانه من ايه قلقتني عليها
ردت دينا والله ما عارفه هي امبارح قالت هتروح تزور صاحبتها عشان مامتها تعبانه وفي المستشفى رجعت فضلت تعيط وافتكرت بابا وماما الله يرحمهم ومن ساعتها نايمه في السرير
ردت وفاء طب يا حبيبتي انا هنزل لكم اطمن عليها
ردت دينا تنوري وقفلت معاها.
وفاء اتصلت على منار
وقالت لها ان تقى قافله المحل عشان تعبانه وهي هتنزل تزورها دلوقتي
ردت منار طب يا حبيبتي استنى انا هاجي معاكي اطمن عليها
ردت وفاء طيب هتصل انا على عبد الرحمن وهستاذنه عقبال ما انتي تيجي
ردت منار طيب وقفلت معاها وقالت ليزيد انا هطلع البس العبايه عشان اروح ازورها
رد يزيد ابقي طمنيني
قالت له حاضر وخرجت من الاوضه ويزيد كان قاعد متضايق ومسكت التليفون ورن على تقى محاوله منه انها ترد عليه بس ما لقاش الرد
وطلعت منار شقتها ولبست فستان وخرجت مسكت الموبايل واتصلت على مصطفى

وقالت له انها راحت مشوار مع وفاء
رد مصطفى طب خلي بالك من نفسك ردت منار حاضر يا حبيبي وقفلت معاه وخرجت من الشقه ونزلت تحت
وقالت انا رايحه مشوار وراجعه خلي بالك يا سمر انتي وهند من العيال
ردت عليها حاضر من عيني الاثنين وخرجت منار ركب التوك توك
اما سمر دخلت الاوضه فتحت تليفونها على الخط اللي بتستخدمه بتكلم الشباب عليه وفتحت شات مع شاب وفضلت تتكلم معاه
اما هند كانت قاعده مع الولاد بره قلقانه وكل شويه تبص على التليفون عايزه اتكلم سناء وتفهم عملت ايه مع نيفين
وهيام كانت قاعده سرحانه في اللي حصل والعيال بتلعب وتليفون هند رن وكانت سناء
وقامت ردت وقالت ايه عمتي عملت ايه
ردت سناء ما تخافيش يا هند انا هحل كل حاجه المهم خلي بالك من علي وما تخليهوش يكلم نيفين خالص
ردت عليها حاضر يا عمتي وقفلت معاها وهي قلبها بيطمن
اما وفاء وخلصت لبس واتصلت على عبد الرحمن

وقالت له ان رايحه عند تقى هي ومنار
رد عبد الرحمن يعني ليلتنا النهارده عسل باذن الله ضحكه وفاء
وقالت له لا يا حبيبي اصل تقى تعبانه واحنا هنطمن عليها
رد عبد الرحمن مش مشكله تقى خلينا فيك انتي يا عسل ضحكه وفاء
قالت له طيب يلا اقفل عشان منار بتتصل عليا
قال لها طيب خلي بالك من نفسك ضحكه وفاء
وقالت له حاضر يا حبيبي ده هي في العماره اللي جنبنا
رد عليها ما انا بخاف عليك يا قمر من ساعه نيو لوك اللي انتي عاملاه ضحكه وفاء
وقالت له طيب يا حبيبي وقفلت معاه
ردت على منار وقالت لها 10 دقائق وهنزل لك
ردت منار طب يا اختي بسرعه وبعد وقت طلعت وفاء ومنار الشقه عند تقى وخبطوا الباب
وفتحت دينا ازيك يا وفاء اتفضلوا ودخلوا وقعدوا ودينا قامت تعمل لهم شاي
ردت منار تقى فين
ردت دينا نايمه جوه
قالت لها طب احنا هنخش لها
قالت لها طيب ودخلت وفاء ومنار الاوضه وفتحوا النور
وقالت وفاء يا تقى فتحت عينيها وبصت لهم
وقالت وفاء عامله ايه يا حبيبتي بقيتي كويسه دلوقتي
ردت تقى الحمد لله تعب بس بسيط وهعدي منه ان شاء الله
ردت منار اكيد طبعا سكت التقى وما ردتش عليها
وقالت وفاء انا عايزاكي كده ترجعي زي الاول ابتسم تقى
وقالت لها ان شاء الله
وقالت منار قومي يا وفاء كده اعملي لها كوبايه عصير من ايدك الحلوه
ردت وفاء من عيني الاثنين وخرجت وفاء
واتكلمت منار انا عارفه ان انتي زعلانه من اللي حصل استغربت تقى
وقالت لها انتي بتقولي ايه انا مش فاهمه حاجه
ردت منار بصي يا تقى يزيد حكى لي كل اللي حصل وانا مقدره موقفك بس لازم الاول تسمعيني وبعد كده هتشوفي تعملي ايه
ردت تقى وانتي عايزاني اعمل ايه لواحد حيوان اذاني بطريقه بشعه
ردت منار اسمعيني بس وحكيت منار كل حاجه حصلت مع يزيد باستثناء ان هو حكى انها رقاصه وتقى كانت بتسمعها وهي مستغربه الكلام ده
ردت منار انا مش عايزه اسمع منك حاجه دلوقتي انا كل اللي عايزه اقوله لك ادي فرصه ليزيد انتي ما تعرفيش اللي عدى بيه في حياته قد ايه كان صعب ابتسمت بسخريه
وقالت لها اكيد طبعا كان صعب من كتر ما بيغير النسوان ولا الشقه اللي كل شويه يجيب واحده باسم انه متجوزه وهو بيقضي نزواته
ردت منار مش هعاتبك على الكلام ده عشان عارفه انك تعبانه ولسه مجروحه من اللي حصل بس اللي اقدر اقوله لك انك لازم تفكري
لو انتي كنت مكان وهتعملي ايه وقالوا رساله بتقول له ان مراته بتخونه وانه اريال
ردت تقى بسخريه طب ايه رايك ابعت رساله لجوزك واقول له ان انتي بتخونيه هيبقى موقفه ايه
ردت منار ما اعرفش هيبقى موقفه ايه بس كل اللي اقدر اقوله لك انه لكل الرجاله زي بعض وفي وقتها بيبقى الغضب عاميهم ولا بيسمعوا ولا بيشوفوا وبيتعاملوا اكنك غريبه عنهم وما يعرفوش اخلاقك ايه
ردت تقى يا ريت السيره دي ما تتفتحش تاني وتقولي لاخوك انه يطلقني احسن ما ارفع عليه قضيه
ودخلت وفاء وهي بتقول احلى كوبايه عصير لتقى هانم ابتسمت واخذت منها كوبايه العصير
ودخلت دينا بصينيه الشاي وهي بتقول لهم اتفضلوا اشربوا الشاي وقفت منار
وقالت مره ثانيه عشان انا تاخرت على العيال في البيت يلا يا وفاء
ردت وفاء تمام هبقى انزل لك ثانيه واطمن عليك
ردت تقى تنوري يا حبيبتي وخرجت وفاء ومنار من البيت ومسك التوقف التليفون
ولقيت رقم عم سعيد واتصلت عليه
رد عليها ايه يا بنتي اتصلت بك كذا مره
ردت تقى معلش يا عم سعيد اصل تعبانه شويه
قال لها طيب يا حبيبتي تعالي لي المحل عايزه اتكلم معك شويه
ردت تقى مش النهارده يا عم سعيد خليها يوم ثاني
قال لها ماشي يا تقى هستناكي بس لازم تيجي لي ضروري
قالت له خلاص هاجي لك بكره
قال لها طيب واقفل معاها وقامت تقى من على السرير وخرجت شافت دينا قاعده على التليفون
وقالت لها بتعملي ايه يا دينا
قالت لها ما فيش يا حبيبتي كنت بشوف صحابي هيعملوا ايه
ردت تقى طب يا حبيبتي عملت الغداء ولا لسه
قالت لها لا لسه فاضل الاكل اللي جايبه تامر نعمل جنبيه طبق رز وخلاص
ردت تقى تمام ودخلت هي الحمام تاخد شاور وقفت تحت الدش والدموع على خدها
وتغسل جسمها جامد بالليفه كل ما تفتكر اللي حصل معاها وقررت انها تبعد عنه وعن اهله وتعيش لاخواتها وخرجت من الحمام
وهي لابسه بيجامه وقالت دينا تعالي يا تقى اسرح لك شعرك زي الزمان
ضحكه تقى وقالت لها اه عشان عايزه تقطعيه زي ما كنت بتعملي وانتي صغيره
ردت دينا طب اعمل ايه شعرك كان حلو قوي وانا شعري كان وحش
ضحكه تقى وقالت لها ما تقوليش كده ده انتي زي القمر
ابتسمت دينا وقالت لها طب تعالي بقى يا قمر انتي اسرح لك شعرك واخذتها وقعدتها على الكنبه
ومسكت المشط وبدات تسرح لها شعرها وهي مبسوطه ان تقى فاقت لنفسها
وفي بيت يزيد وصل الحاج صابر وقال هي منار فين
ردت هيام راحت مشوار وجايه مع وفاء
رد صابر طيب اعملي لي قهوه يا هيام حاضر يا عمي
جريه صفا وهي بتقول يا جدو رد صابر وحشتني يا قرده عامله ايه
ردت عليه انا كويسه يا جدو ولسه كنت قاعده مع بابا جوه وبنلعب انا ومؤمن ومالك وحور
رد صابر هو يزيد جوه
ردت هيام ايوه يا عمي جوه
قال لها طيب ودخل اوضه يزيد ولقاه نايم على السرير وقال له مالك يزيد
رد عليه انا كويس يابا ما فيش حاجه تعالى اقعد
رد صابر انا عايزه افهم ايه اللي حصل واللي خلاك تطلق مراتك
رد يزيد مش دلوقتي يابا سيبنا ارتاح شويه وبعد كده هقول لك كل اللي انت عايزه
رد صابر متاكد يا ابني
قال له ايوه يابا متاكد جدا خرج صابر
وصلت منار البيت وقال صابر كنت فين يا منار
قالت له معلش يا بابا كنت في مشوار مع وفاء
رد عليها طيب يا بنتي
قالت هو يزيد نايم ولا ايه
قال لها لا صاحي
قالت له طيب ودخلت له الاوضه وقام يزيد بسرعه وهو بيقول لها عملت ايه يا منار اتكلمت معاها
ردت عليها دي دماغها ناشفه قوي يزيد عرفتها ازاي ديت
ضحك وقال لها ما انا عارف هي الوحيده اللي اتجوزتها رسمي من ضمن النسوان اللي اتجوزتهم عرفي وفي السر
ردت منار بس انت غلطت جامد اللي انت عملته وهي كانت معاها الحق في كل كلمه قالتها بس انا
قلت لها فكري الاول قبل اي قرار تاخديه وهي قالت لي كلام جامد وكنتش عارفه اقول لها ايه ولا رد ايه
رد يزيد طب يا منار شكرا يا اختي وانا هعرف اعمل ايه معاها
قالت له طيب بس بالراحه البت ضعيفه دلوقتي وعامله زي طير الجريح وممكن تتهور
وخلي بالك هي هددتني لو انت ما طلقتهاش هترفع عليك قضيه في المحكمه
رد يزيد خلاص ما دام اللين مش نافع معاها يبقى الشده هي اللي هتنفع
ردت منار يعني انت هتعمل ايه
قال لها بعدين وقام يزيد وخرج راكب العربيه وراحه على السنتر