تحميل رواية «الرقاصة والمعلم» PDF

رواية الرقاصة والمعلم

الفصل السابع والعشرون27بقلم اميرة خالد

ثاني يوم صحيت تقى من النوم وبصيت جنبها لقيت الاولاد نايمين وماسكه التليفون وبصيت في الساعه ولقيتها 12:00 الظهر

وقالت ده البنت ما راحتش المدرسه و قامت دخلت الحمام وغسلت وشها و لبست الطرحه وخرجت من الاوضه

ولقت صابر قاعد على الكنبه وقربت منه وقالت له صباح الخير

رد عليها صباح النور يا بنتي

قالت له ما حدش رايح المدرسه ولا ايه

رد عليها ما فيش حد نزل

ردت تقى طب انت محتاج حاجه اعملها لك

قال لها شكرا يا بنتي انا بس عماله اتصل بيزيد ما بيردش عليا وبعد كده التليفون ادا مقفول

ردت تقى معلش يا حاج شويه وهتلاقي رجع

رد عليها يا رب يا بنتي والباب اتفتح ومنار اتدخلت هي ومصطفى وممدوح ومالك

وقالت صباح الخير يابا

رد عليها صباح النور يا بنتي هو انت ما رحتش يا مصطفى الشغل

رد عليه معلش يا حاج اصل نمت متاخر امبارح

رد عليه صابر ماشي يا ابني لما تروح الشغل طمني قول ليزيد جه ولا لا

رد مصطفى حاضر يا حاج يلا يا ممدوح خلينا نروح الشغل

قالت منار استنى احضر لكم الفطار

رد مصطفى ما لوش لزوم افطروا انتم احنا هنفطر في الشغل

ونزلت هند ومعاها حور وقالت منار علي فين يا هند

ردت عليها راح الشغل من بدري

قالت لها طيب يلا خش عشان تحضر الفطار للعيال

ردت هند حاضر ودخلت المطبخ شافت تقى بتحضر الفطار

وقربت هند منها وقالت لها انا عارفه ان ده اول مره نتكلم مع بعض

ردت تقى هو انتي تقربي لهم ايه

ردت هند انا مرات علي اخويا يزيد

ردت تقى اهلا وسهلا وكملت الاكل وطلعت على السفره كان صابر بيتكلم في التليفون مع مصطفى

وقال له ان يزيد ما جاش السنتر

رد صابر طيب يا ابني واقفل معاه

وقالت منار ايه يا بابا طمني

رد عليها ما فيش يا بنتي اخوك ما راحش برده السنتر

تقى كانت واقفه وسمع الكلام ومحتاره هيكون راح فين

اما هند ندهت على العيال عشان يفطروا وقعدوا كلهم يفطروا

و تقى افتكرت كلام يزيد ليها عن الشقه وانه بيحب يقعد فيها لما يكون مخنوق وانها غاليه عليه قوي

وقامت تقى دخلت الاوضه لبست العبايه وعليها الطرحه وخرجت

وقالت منار انتي رايحه فين يا تقى

ردت عليها مشوار وراجعه

قالت لها يزيد منعك من الخروج

ردت تقى ملكيش دعوه وخرجت وسابت منار واقفه محتاره تكون راحت فين

وراحت تقى على بيتها وطلعت فتحت الدولاب وطلعت المفتاح اللي كان مديه لها يزيد

وخرجت واخدت فلوس من الدولاب وركب التاكسي وقالت له على العنوان

اما علي ساب السنتر مع عبد الرحمن وراح على بيت خاله وخبط الباب

وفتحت له سناء وقالت له تعالى يا حبيبي لسه فاكر تسال عليا سكت علي وما ردش عليها

قالت له انت جاي تسمعني سكاتك ما تقول لي جاي ليه

رد عليه مش عارف اقول عليك ايه غير ان انا بكرهك انتي عملتي اللي ما فيش شيطان يعمله

ردت سناء انت بتقول لي الكلام ده يا ابن بطني

رد عليها ايوه اقول لك الكلام ده ما دام خربت الدنيا وخليتي ابويا تعبان ولا اختي اللي اتحرمت من الخلفه ولا اخويا اللي مراته تعذبت من وراكي ولا الثانيه اللي كانت ماشيه في ديلك عشان الطمع

ردت سناء بغباوه انا ما عملتش حاجه غلط انا كنت باخد حقي من صابر واللي عمله فيا

رد عليه عمل فيك ايه غير انه افتكر انك هتكوني ام لعياله بعد ما مراته ماتت بس اللي حصل العكس بقيتي عامله عياله وحش حتى منار كنت بتاذيها ويزيد هو اللي كبر شغل ابويا وكنت طمعانه في فلوسه وكنت عايزه تحرمي من كل حاجه

ردت سناء انا ما عملتش حاجه غلط انا كنت باخد حقي ولو مش عاجبك امشي وما تجيش هنا تاني

رد علي ما ده اللي هيحصل انا مش عايزه اعرفك تاني ويا ريت تبعدي عن مراتي وما لكيش دعوه بيها واياك تكلميها فاهمه ولا لا وسابها وخرج

وسناء قعدت على الكرسي والدموع على خدها من كلام ابنها

اما تقى وصلت تحت العماره وطلعت الشقه وفتحت الباب ودخلت شافت القزايز مرميه في الصاله والطفايه مليانه سجاير

و يزيد نايم في الارض و هدومه متبهدله وقربت منه وهي بتقول له يزيد فوق

يزيد فتح عينيه وهو بيقول وحشتني قوي ياما

ردت تقى قوم يزيد معايا وحاولي تقومه وهو قام معاها واخذته ناحيه الحمام ودخلته تحت الدش وفتحت الميه

وجت تخرج يزيد مسكها من ايديها وقفوا هم الاثنين تحت الميه ويزيد بيتكلم شفت ياما اللي حصل لي من بعدك

وتقى سمعاه مش عارفه تعمل ايه وهو فضل يتكلم كلام كثير وخرجت تقى تجيب له فوطه

ورجعت لقيته نايم في البانيو والميه نازله عليه وقربت منه

وقالت له قومي يزيد فتح عينيه وقال لي انا مش قادر يا تقى

قالت له معلش اتسند عليا وقام يزيد وهو حاطط ايديه على كتفها وتقى مسكته وراحت بيه ناحيه اوضه النوم وبدات تقلع هدومه وطلعت له ترنج يلبسوا

وراحت منيمه على السرير وقلعت هدومها هي كمان ولبست جلابيه وقربت منه وحطت ايديها على راسه ولقيته سخن

وقامت دخلت الحمام جابت فوطه صغيره وطلعت ناحيه التلاجه وطلعت مكعبات ثلج وحطيتها في طبق في ميه ساقعه

وراحت ناحيه الاوضه بدات تعمل له كمادات وهو نايم بيكلم امه بصوت عالي

وتقى كانت سامعه كل كلمه هو بيقولها وصعب عليها ولقيت السخونيه مش عايزه تنزل خرجت بره جابت التليفون بتاعه

ودخلت فتحته بالبصمه بتاعته واتصلت على عبد الرحمن اللي اول ما رد ايوه يزيد انت فين

ردت تقى ايوه يا عبد الرحمن انا تقى يزيد تعبان وعنده حراره ومش عايزه تنزل

رد عبد الرحمن طب انتم فين

قالت له هبعت لك العنوان على الوتس بس الدكتور معاك ضروري

رد عبد الرحمن حاضر خمس دقائق واكون عندك قفلت معاه وفتحت تقى الوتس وبعتت اللوكيشن لعبد الرحمن

وقعدت جنبه تكمل الكمادات الميه الساقعه

اما عند منار كانت قاعده الصفا قربت منها

وقالت لها عمتو هي ماما هتيجي امتى

ردت منار بتوهان ماما مين يا صفا

ردت عليها بطفوله ماما تقى

ردت منار جايه كمان شويه يا حبيبتي يلا روحي العبي مع اخواتك

ردت صفا حاضر يا عمتو بس اول ما تيجي ماما اندهي عليا

ردت منار حاضر يا حبيبتي وقربت هند

وقالت لها ملكه منار سرحانه ليه

ردت عليها في الدنيا المتلخبطه ديت مش عارفه المها منين ولا منين

ردت هند سيبيها على الله يا منار وكل حاجه هتتحل

ردت عليها يا رب يا هند

اما في شقه يزيد وصل عبد الرحمن مع الدكتور وتقى كانت واقفه معاهم والدكتور بيكشف على يزيد

وقال الدكتور الحمد لله انه عدى مرحله الخطر

رد عبد الرحمن هو ماله يا دكتور

رد عليه هو شرب الخمره وضغطه عالي كان هيعمل له جلطه في المخ لولا الميه اللي نزلت على دماغه كان زمانه في العنايه المركزه دلوقتي

ردت تقى طب الحمد لله يا دكتور طب هو هيفوق امتى

رد عليها مش قبل بكره وهيكون كويس بعد الابره اللي هياخدها وكمان في ابره هياخدها بالليل

ردت تقى انا هديها له يا دكتور لو في محاليل اكتبها له وانا هعلقها له يا دكتور

رد عليها باعجاب شكلك فاهمه في الطب شويه

ردت تقى ايوه يا دكتور كنت شغاله ممرضه كم سنه

رد عليها كويس جدا عشان في ابره هياخدها تحت الجلد كمان

ردت عليه تمام يا دكتور وخرج عبد الرحمن مع الدكتور او مع الروشته ونزل عشان يجيب العلاج

وطلع تاني وتقى فتحت له وقال عبد الرحمن دي شنطه العلاج وانا هقعد بره لو احتجتي حاجه اندهى علي

ردت تقى لا اتفضل انت وانا لو في حاجه هتصل عليك بس يا ريت ما تقولش لحد على مكاننا دلوقتي لغايه ما هو يفوق ويبقى كويس

رد عبد الرحمن شكرا يا تقى على وقفتك جنب يزيد في الوقت ده

ردت عليه ما فيش شكر ولا حاجه هو في الاخر جوزي وانا هقف جنبه مهما كان كويس ولا وحش

رد عبد الرحمن طيب يا تقى محتاجه حاجه ثانيه اجيبها لك

ردت عليه لا كل حاجه موجوده في الشقه شكرا

قال لها طيب هبقى اتصل عليك اطمن منك عليا يزيد

ردت عليه طيب وخرج عبد الرحمن وهي قفلت الباب ودخلت الاوضه علقت المحاليل ليزيد

ودخلت المطبخ طلعت فرخه تغسلها عشان تسلقها تعمل له شوربه خضار

اما في السنتر رجع عبد الرحمن وشاف علي قاعد

قال له مالك يا علي قاعد كده ليه

رد عليه ما فيش يا عبد الرحمن تعبان شويه ما تعرفش يزيد عنه حاجه

رد عبد الرحمن لا ما اعرفش عنه حاجه

رد عليه طيب انا هسيب لك الشغل واروح عشان انا تعبان

رد عبد الرحمن طيب خلي بالك من نفسك يا علي وقف علي وكان هيمشي رجع تاني

وقال لعبد الرحمن هو انا وحش

رد عبد الرحمن ايه السؤال الغريب ده

رد عليه مش عارف بس هو جه في بالي اني اساله

رد عبد الرحمن على العموم يا سيدي انت مش وحش ولا حاجه انت كويس بس دائما بتعمل المشاكل ليزيد ومش مقدر اللي هو بيعمله علشانك

رد علي انا طول عمري كنت بتمنى اني يزيد يعاملني زي ما بيعاملك او حتى ياخذني معاه في كل حته ونبقى اخوات بجد

رد عبد الرحمن اللي انت بتقوله ده يزيد طول الوقت بيعتبرك اخوه الصغير وبيبقى خايف عليك عشان كده دايما بيبعدك عن السكه بتاعتي انت ما تعرفش يزيد كان زمان ايه ودلوقتي بقى ايه

رد علي انت ممكن تكون شايفني بغير من يزيد او اناني وساعات بعمل له مشاكل في الشغل بس صدقني انا بحبه جدا وكان نفسي تبقى علاقتنا كويسه

رد عبد الرحمن لسه في العمر بقيه واتكلم مع يزيد وعرفوا كل اللي جواك وصدقني مفيش اطيب من يزيد

رد علي معاك حق يلا سلام وخرج علي راكب العربيه ومشي

اما في الجامعه فكانت دينا قاعده في الكافتيريا مع صحابها وتليفونها رن باسم تامر

وقالت لهم انها ماشيه وخرجت من الكليه شافت تامر واقف مع ممدوح بيتكلموا

وقربت منهم وهي مكسوفه وقالت يلا يا تامر

رد عليها يلا يا حبيبتي ومسك ايديها

وقالت دينا مش هنستنى سمر

رد ممدوح مش لازم يلا نمشي احنا

رد تامر لا طبعا اتصل عليها بدل ما تروح لوحدها وحد يضايقها تروح معانا

رد ممدوح طيب مسك التليفون واتصل على سمر اللي ردت عليه وقالت له ايه اللي فكرك بيه يا ممدوح

رد عليها انا واقف قدام الجامعه انا وتامر ودينا هتروحي معانا ولا لا

ردت سمر طيب خمس دقائق واكون عندكم وقفلت معايا وبعد دقائق وصلت سمر وسلمت عليهم

وقال تامر بعد ما شاف لبسها واتضايق يلا خلونا نركب تاكسي بدل الوقفه ديت

رد ممدوح يلا بينا وامشي تامر جنب ممدوح وهو عينيه على سمر ودينا كانت بتتكلم مع سمر وتامر وقف تاكسي وركبه في

اما في شقه يزيد خلصت تقى شوربه الخضار وغرف الطبق وحطيته على صينيه ومعاه صدر فرخه وخرجت من المطبخ

وراحت ناحيه اوضه يزيد ولقت المحاليل قربت تخلص وقربت منه وهي بتحط ايديها على راسه ولقت الحراره نزلت شويه

وقالت بصوت هادي يزيد قوم فوق معايا كده

رد عليها ايوه يا تقى عايزه ايه

قالت له اتعدل عشان تشرب الشوربه

رد عليها ما ليش نفس

ردت تقى ما ينفعش لازم تشرب الشوربه عشان العلاج اللي هتاخده والمحاليل مش هتبقى كافيه كده هتخش المستشفى

رد عليها صدقيني ما ليش نفس سيبيني انام احسن

ردت تقى اسمع يزيد اللي هقوله لك ولازم تعرف انك راجل وكبيره عيلتك وما ينفعش تبقى مهزوز بالطريقه ديت لازم تكون صلب عشان الكل بيعتمد عليك وابوك قلقان عليك واخواتك قلقانين عليك قوم وطمنهم

رد يزيد انا ما بقتش قادر اقف قدام حد بعد اللي حصل

ردت تقى بقول لك ايه العيال ديت عيالك وانا متاكده من كده

رد يزيد بسخريه واللي خلاكي متاكده قوي كده اذا كنت انا مش متاكد

ردت تقى اختك يا سيدي هي اللي قالت لي اني صفا شبه والدتك وكمان مؤمن شبهك انت وعلي وفي رجله الوحمه اللي عندك

رد يزيد برده مش هتاكد غير لما اشوف التحاليل

ردت تقى براحتك يا يزيد بس انت غاوي وجع قلب قوم يلا اشرب الشوربه قبل ما تبرد وبعد كده نكمل كلامنا وبدات تقطع الفراخ وتحطها في الشوربه وتاكلوا في بقه وهو استطعم الفراخ اكن والدته هي اللي عملتها

وقال لها في وسط الاكل اتعلمت تعملي الاكل ده ازاي ابتسمت تقى

وقالت له تصدقني لو قلت لك ما كنتش بعرف اعمل حاجه لولا الظروف اللي اتحطيت فيها وان ابويا وامي سابونا بدري وبقيت اعمل الاكل مره حلو ومره وحش وكنت باخد الطريقه من جيرانا عشان خاطر اخواتي اكلهم

رد يزيد تصدقي كان نفسي اسالك السؤال ده من بدري انتي كنت بترقصي ليه وايه اللي وداكي للطريق ده

سكت تقى وتناهدت تنهيده طويله وقالت له ليه خلتني افتكر حاجه نفسي انساها من زمان

رد يزيد انا اسف كنت حابب اعرف

ردت عليه عادي يا سيدي اهو بندردش بص يا عم اللي خلاني اشتغلت رقاصه اني اشتغلت حاجات كثيره ومن ضمنها التمريض بس كل مره كان بيطلع لي عفريت في الشغلانه يا اما عايزني ابقى مرافقاه يا اما يقرفني في الشغل وساعتها اتخنقت

وتعبت واوقات كثير كان بيبقى في تحرش وفي مره وانا بشتغل في الكوافير اتعرفت على بنت ولقيتها كل يوم والتاني بتيجي تعمل شعرها والميك اب بتاعها وساعتها عرفت ظروفي

وقالت لي اني شبهها وانها بتشتغل رقاصه وبتلم فلوس اكتر بس متجوزه رجل اعمال في السر وسابت الشغلانه وبقت عايشه هانم مع جوزها ده

وقالت لي لو محتاجه مساعده ده الرقم بتاعي اتصلي عليا وما لكيش دعوه

بص لها يزيد قوي واستغرب وقال لها ازاي واحده تكون متجوزه رجل اعمال وتقول لك انها كانت رقاصه

ردت عليه اصل انت ما تعرفش ان انا صعبت عليها لما شافت المدير بيزعق لي وبيحاول يتحرش بيا كذا مره

اتعصب يزيد وقال لها معلش فكرتك في ايام مهببه

ردت عليه ما فيش مشكله انا عمري ما نسيتها ودايما بفكر نفسي بيها

قال لها طب وبعدين عملت ايه

قالت له وفي يوم كنت شغاله وصاحب المحل قال لي اني استنى عشان اقفل معاه عشان البنت اللي معايا استاذنت وانا وافقت وبعد الشغل

واحنا بنقفل المحل شدني ودخلني اوضه في المحل واحاول يتعدى عليا بس ستر ربنا ان كان جنبيه استشوار كان بايظ ومسكته وضربته على دماغه بيها وبرجلي ضربته تحت الحزام

وخرجت اجري وانا خايفه وروحتها على البيت ما اعرفش ازاي واول ما دخلت كانت اخواتي نايمين ودخلت على السرير وفضلت اعيط وقعدت في البيت اسبوع من غير شغل وكانوا اسوا اسبوع مروا في حياتي

كل حاجه اتلخبطت فيها وفجاه دينا تعبت ودخلناها المستشفى وكان لازم تعمل عمليه الزايده وانا ساعتها ما كانش معايا جنيه يجيبوا العلاج ولا حتى يمشي حاجه في المستشفى

وساعتها افتكرت رقم الست ديت واتصلت عليها وهي قالت لي انها تديني رقم واحد اسمه شريف صاحب كباريه وفعلا رحت له وطلب مني بعد ما شافني انك اشتغل وفعلا كتبت العقد لمده سنه

واخذت منه الفلوس ومشيت وعملت دينا العمليه ونزلت الشغل وساعتها تعرفت على هاني وكان جدع معايا في الاول

ولما شريف طلب مني اقعد مع الزباين كنت برفض وساعتها هاني قال له ان هو اتجوزني وانه رافض ان اقعد مع الزباين

وانا وافقت اني اعمل تمثيليه ان احنا متجوزين وبقى هاني يجيب لي شغل وياخد هو التلت على حسب كلامه وبعد كده عرفت انه بياخد نص الفلوس

وبقيت اعمل حسابي واشيل الفلوس اللي تامن حياه اخواتي وكنت حاطه في دماغي هدف اني هشتغل كم سنه وبعد كده اسيبها واتابعهم زي ما كنت شايف كنت بغير شكلي عشان كده صاحبك ما عرفنيش

ضحك يزيد وقال لها فعلا شكلك بقى بتغير قوي غير بتاع ليالي المزه

ضحكت تقى وقالت له تصدق انك رايق

رد عليها انا عايزاني ابقى عامل ازاي

ردت عليه طب يا سيدي انت سمعت حكايتي ممكن بقى تاخذ العلاج وتنام شويه

رد يزيد طيب وادته تقى العلاج وجت تقوم

رد يزيد ينفع تنامي في حضني

ردت عليه لا يزيد

قال لها عشان خاطري صدقيني مش هعمل لك حاجه

ردت عليه طيب هدخل الصينيه المطبخ وهاجي لك وفعلا دخلت الصينيه المطبخ ورجعت له وهو وسع شويه

وقال لها تعالي نامي وفردت جسمها على السرير جنبه وهو شدها لحضنه ودفن راسه في رقبتها

وقال لها ما تخافيش وراح في نوم عميق وهي كانت محرجه من اللي حصل ولقت نفسها نامت بسرعه

هو في شقه هيام كانت قاعده متضايقه من اللي حصل مع يزيد وصعبانه عليها انه فاهم الكلام غلط

والباب خبط وكانت منار وقامت هيام فتحت لها

وقالت منار ايه يا بنتي كل ده عشان تفتحي

ردت هيام وهي بتمسح عينيها معلش يا منار اصل كنت قاعده في الاوضه اللي جوه

ردت منار وهي بتخش انا عارفه ان انتي متضايقه من اللي حصل

ردت هيام صدقيني يا منار ما كانش قصدي اللي هو فاهمه ده لو كان صبر وسمع بقيه الكلام كان فاهم انا قصدي ايه

ردت منار انا عارفه يا حبيبتي وكفايه ان انتي استحملتي كل السنين دي

ردت هيام على فكره يا منار انا عرفت الكلام ده من قريب وكنت هموت بعد ما عرفته ان هم اللي حرموني ان اكون ام

ردت منار معلش يا حبيبتي وحسبي الله ونعم الوكيل فيهم هنعمل ايه قدرنا كده نعيش مع حيه والعقربه بتاعتها

ردت هيام يعني انتي مش زعلانه مني عشان كنت عارفه ده كله وما قلتش

ردت عليها مستحيل ازعل منك انتي اختي يا بت ولا نسيتي حضنتها هيام وعياطت بصوت عالي

ومنار كانت بتمسح على ظهرها وتقول لها ايه دي يا حبيبتي والله كل حاجه هتتحل

ردت هيام كان نفسي شيماء تقف جنبي زي ما انتي واقفه معايا مش ضد كده

ردت منار يا بنت شيماء غلبانه وخايفه عليك من اللي حصل في حياتها وشايفه انك عايشه مرتاحه

ردت هيام صدقيني انا مش عايشه مرتاحه وبالذات بعد ما شفت حب يزيد لمراته الجديده

ردت منار يعني انتي لسه مصممه يا حبيبتي على القرار بتاعك

ردت هيام ايوه انا مستنيه بس يزيد يرجع ونكمل الاجراءات بتاعه الطلاق

ردت منار طب يا حبيبتي بيت عمك دايما مفتوح لك ولو احتجت اي حاجه انا هكون جنبك وفي ظهرك بس عايزك تفكري كويس في الموضوع ده تاني

ردت هيام خلاص يا منار انا خدت قراري ومستحيل ارجع فيه

ردت عليها طيب يا ستي يلا انزلي عشان تتغدي معانا

ردت هيام هو انتي لسه ما عرفتيش يزيد فين

ردت عليها والله يا اختي ما عارفه قلبي هيتقطع عليه بس هعمل ايه ربنا يهدي له حاله ويجازي اللي كان السبب

ردت هيام يا رب وقاموا وعشان ينزلوا

وبعد وقت الكل كان متجمع على السفره وقالت صفا ايه يا ماما تقى ما جتش ليه

سكتت منار وقال الحاج صابر صحيح يا بنتي تقى فين

ردت منار ما فيش يا بابا بعد الفطار لقيتها لابسه وقالت لي انها رايحه مشوار ومن ساعتها ما جتش وخايفه ان يزيد يجي وما يلاقيهاش هنا وساعتها تحصل مشكله

رد صابر تلاقيها عند اخواتها

ردت سمر بيتهيا لي لا ان اخواتها كانوا معانا واحنا مروحين وما جابوش سيره ان تقى في البيت

رد ممدوح فعلا

ردت منار ربنا يستر ويزيد ما يعملش مشكله لما يعرف انها خرجت

رد مصطفى يا ستي هتلاقيها قاعده عند اخواتها يومين ولا حاجه

رد الحاج صابر ابقى كلم تامر يا ممدوح واعرف منه اذا كانت تقى عندهم ولا لا

رد عليه حاضر يا عمي

وعلي كان ساكت وهند بتحط له الاكل قصاده وهو ابتسم ومسك ايديها تحت نظراتها هيام

وبعد وقت كله طلع على شقته