تحميل رواية «الرقاصة والمعلم» PDF

رواية الرقاصة والمعلم

الفصل التاسع والعشرون29بقلم اميرة خالد

الفصل 29

وصل يزيد السنتر وشافع عبد الرحمن وجري عليه

وقال له اعمل ايه دلوقتي يا صاحبي

رد عليه انا كويس الحمد لله

رد عبد الرحمن انا كنت قلقانه عليك قوي بس كويس انه تقى لحقتك

رد يزيد الحمد لله المهم الشغل ماشي ازاي

رد عليه عبد الرحمن كل حاجه ماشيه كويسه وكمان علي وابوك واقفين على الشغل

و مصطفى في المصنع مع وليد

رد يزيد تمام كلم وليد ويقول له هات العربيات اللي معاه ويجي لي على هنا

رد عبد الرحمن ليه في حاجه

رد يزيد بعدين يا عبد الرحمن هبقى اقول لك

وطلع يزيد المكتب وشاف الحاج صابر قاعد على مكتبه وقال السلام عليكم

رد الحاج صابر وعليكم السلام ورفع راسه وشاف يزيد وقام وقف وقرب منه وهو بيقول له عامل ايه يا ابني كده تقلقني عليك

رد عليه وهو بيبوس ايديه حقك عليا يابا بس صدقني انا كده ارتحت

رد عليه انا اسف يا ابني كل ده بسببي وبسبب العقربه اللي انا اتجوزتها

رد يزيد خلاص يابا كل حاجه انتهت واحنا ولاد النهارده

رد الحاج صابر طيب يا ابني تعالى بقى اقعد على مكتبك وانا هروح عند خالك صالح اقعد معاه شويه

رد يزيد يابا في حاجه لازم اقولها لك قبل ما تمشي

رد عليه في ايه يا ابني

قال له هيام مصممت على الطلاق وانا وافقت وهكتب لها البيت بتاع الوايلي وكمان هسيب لها فلوس في البنك

رد صابر ماشي يا ابني ربنا يرزقها باللي يحافظ عليها

رد يزيد يا رب يابا انا عايزك بس كل فتره والثانيه تبقى تسال عليها

رد عليه ماشي يا ابني وخرج الحاج صابر هو حزين على بنت اخوه

وقعد يزيد على مكتبه ودخل علي وهو بيقول له عامل ايه يا يزيد

رد عليه انا كويس يا علي انت اللي عامل ايه

رد عليه انا اسف وحقك عليا في اللي حصل كله واللي امي عملته قرب يزيد منه وحضنه

وقال له ما تتاسفش كل حاجه انتهت وانا مش زعلان المهم عندي انت واختك ومراتي وعيالي

رد علي يعني انت مش زعلان مني

رد عليه وعمري ما هزعل منك يا علي انت اخويا والصغير كمان ضحك علي

وقال له ماشي يا سيدي هسيبك انا عشان اطلع للمصنع بيلا اشوف عمله ايه في الموديلات الجديده

رد يزيد تمام وقاعده على المكتب براحه نفسيه وشاف تامر قاعد على الكاشير ونده عليه

وطلع تامر وقال له يزيد بصي يا تامر دي الوصولات اللي انت كنت ماضيها خدي احرقها ولا اقطعها زي ما انت عايز

استغرب تامر وقال له ليه ده كله

رد عليه انا واختك قررنا ان هنبدا صفحه جديده وانت ودينا هتيجي تقعدوا في الشقه اللي جنبينا ومش عايز اي اعتراض تامر

قال له مش هينفع رد عليه لا هينفع اختك مش هتقدر تعيش من غيركم ويا ريت تقدر حاجه زي كده

رد تامر طيب ينفع مش دلوقتي

رد يزيد هو انتم مش هتنقلوا على طول لسه قدامكم اسبوعين ثلاثه تكونوا رتبتوا كل حاجه وجاهزتوا نفسكم عشان تيجوا تقعدوا معانا

رد تامر تمام محتاج حاجه ثانيه

رد يزيد شكرا يا تامر وخرج تامر ويزيد قاعد مبسوط

وبعد دقائق وصل وليد وطلع المكتب

وقال له ازيك يا ابو الصحاب مالك بعثت لي ليه مع عبد الرحمن

رد عليه بصي يا وليد انا عايزك تروح البيت عندي وفي شقه هتفضي العفش بتاعها وهتوديه البيت في الوايلي وده العنوان بتاعه

رد وليد وشقه مين هي اللي هتتفضى

رد عليه شقه بنت عمي خلي بالك يا وليد من كل حاجه وعايزك ما تمشيش من هناك غير لما تنصب العفش وتشغل الميه والكهرباء فيها

رد وليد من عيني الاثنين محتاج حاجه ثانيه

رد عليه تسلم يا صاحبي وخرج وليد ويزيد مسك التلفون واتصل على منار

وقال لها تخلي هيام تنزل عشان الرجاله هتيجي تفك العفش عشان توديه البيت الجديد

ردت منار حاضر وقفلت معي ويزيد كمل شغله

اما في الجامعه كانت سمر قاعده مع دينا واصحابها اللي تعرفت عليهم واتبسطت من القعده معاهم

وقالت سمر وهي بتبص في الساعه الساعه بقت 2 انا تاخرت قوي يلا نروح

ردت دينا معك حق وانا كمان تعبانه من الصبح ما قعدتش

ردت عليها طب ما تيلا بينا ويلا يا بنات

ردت خديجه بقول لكم ايه طريق غير طريقكم يلا ريناد عشان نركب المترو

ردت دينا طيب يا اختي مع السلامه وخرجوا دينا وسمر عشان يركبوا

ولقوا ممدوح واقف بالعربيه مستنيهم وقال يلا يا بنات اركبوا عشان اوصلكم

ردت دينا انا اسفه مش هينفع اركب معاك

ردت سمر وانا كمان

قال ممدوح ايه يا بنات انتم خايفين مني ولا ايه وانتي يا ست سمر من امتى الكلام ده

ضحكت سمر وقالت له من دلوقتي يا حبيبي محتاج حاجه يلا طرقنا

رد ممدوح ماشي يا ستي طب تعالوا اوصلكم واركبوا ورا واعتبروني اوبر

ردت سمر موافقه بس هتاخد الاجره اتغاظ ممدوح

ودينا كتم ضحكتها وقال لها موافق يا ستي يلا اركبي وركبي ورا وممدوح عينيه كانت على دينا

وسمر لحظه وابتسمت وقالت بلقم بقول لك ايه يا ممدوح اعدل المرايه كده عشان عايزه اعدل الطرحه بتاعتي

رد عليها من تحت ضرسه وقته يعني

قالت له ايوه اصل الطرحه اتفكت

قال لها طيب يا اختي وعدل المرايه ممدوح كان بيشتم في سره سمر

وسمر كانت كتم ضحكتها هي ودينا

اما في بيت يزيد هيام نزلت بعد منار بعتت لها هند وتقى كانت قاعده وصفا والعيال رجعوا من المدرسه واول ما صفا شافتها جريت عليها وحضنتها

وقالت لها وحشتني قوي يا ماما

ردت تقى بابتسامه وانتي كمان يا قلب ماما وحشتيني قوي قالت لها بعد كده ما تسيبنيش

ردت عليها مش هسيبك ابدا وهيام كانت شايفه ده كله وابتسمت ومنار هي وهند دخلوا المطبخ

وقالت هيام يا سبحان الله انتي عارفه انا عشت مع يزيد كم سنه عشر سنين وعمري ما عرفت احب عياله مع اني بحبه هو اكثر حاجه في الدنيا كلها

ردت تقى بس العيال ملهاش ذنب ممكن لو كنت حبيتيهم واعتبرتيهم اعوض ربنا ليكي ما كانش كل ده حصل

ردت هيام صعب اعيش واحب عياله بعد اللي عرفته وانه مراته وخالتها هم السبب اني مخلفش

ردت تقى وانتي عايزه تطلقي ليه من يزيد مع انك بتحبيه

ابتسمت بسخريه وقالت لها بس هو ما حبنيش هو حبك انتي بس حتى نيفين عمره ما احبها

ردت تقى انا بستغربك ازاي بتحبي يزيد الحب ده كله ما عرفتيش تحب عياله

ردت عليه ما يمكن انا كمان ما حبيتهوش عشان كده ما عرفتش احب عياله وانا بتمنى انك ما تغلطيش غلطتي ولا غلطه نيفين وتعيشي مع يزيد مبسوطه

ردت تقى وانا كمان بتمنى لك الخير كله وبدعي لك انك تقابلي ابن الحلال اللي يصونك ويحافظ عليك

ردت هيام ان شاء الله

وفي المحل الحاج صالح وصل صابر وقال السلام عليكم

رد عليه وعليكم السلام نورتي يا حاج صابر

رد عليه بنورك انت عامل ايه

قال له انا كويس مالك يا حاج صابر متضايق ليه

رد عليه اقعد وانا هحكي لك بس هات لي فنجان قهوه الاول

رد عليه من عيني الاثنين ونده على حوده يجيب له القهوه

وقال الحاج صابر انا مخنوق قوي

رد صالح ليه في ايه اللي حصل حكى صابر كل حاجه حصلت من اول كلام هيام لغايه ما عرف ان نيفين وسناء كانوا السبب في تاخر خلفت منار وكمان خلوا هيام ما تخلفش بسبب الحبوب منع الحمل

واتصدم صالح وقال لا حول ولا قوه الا بالله انت كنت متجوز شيطانه

رد صابر اول مره اندم في حياتي عشان اتجوزت ست زي ديت بس هعمل ايه لاجل عيون سمر وعلي انا ساكت

رد صالح يعني هتعمل ايه ما تقولش غير حسبي الله ونعم الوكيل في اللي هي عملته ويا ريت ما تدخلهاش البيت تاني بعد اللي حصل

رد صابر ما ده اللي انا هعمله وعيالها عايزين يشوفوها يبقوا يروحوا لها هناك بس هي مش هتيجي البيت ثاني

رد صالح هو ده القرار السليم وشرب القهوه

وبعد وقت خرج صابر عشان يروح وهو حزين انه اتجوز ست بالشكل ده

وصل يزيد الرجاله على البيت وهيام كانت قاعده مستنياهم مع الحريم

وقال الحاج صابر تعالي هيام يا بنتي عايزه اقول لك كلمتين قدام اخواتك كلهم

ردت هيام ايوه يا عمي اتفضل

قال لها بصي يا بنتي انتي دلوقتي مش بنت اخويا لا انتي بنتي وانا اسف على اللي حصل معاكي بسبب العقربه اللي منها لله اللي انا اتجوزتها بس كل اللي انا عايزه اقوله لك خلي بالك من نفسك وانا هبقى هتصل بيكي على طول وهبقى معاكي في كل حاجه

ردت هيام شكرا يا عمي على وقفتك جنبي وانا مش محتاجه غير انك تسال عليا على طول

رد صابر يا بنتي انتي من ريحه الغالي وقت ما تحتاجي اي حاجه كلنا موجودين

ردت منار يلا يا بابا ويلا يا هيام تعالوا نتغدى وبعد كده نبقى نتكلم

ردت هيام بعد اذنك يا عمي انا عايزه الماذون يطلقني النهارده

رد صابر حاضر يا بنتي

رد يزيد وليد لسه متصل بيا وكل حاجه اتنصبت في الشقه وده المفتاح بتاعك وانا هوصلك بنفسي على هناك بعد ما نخلص كل حاجه

ردت هيام شكرا يا يزيد

وقالت منار ما تيلا يا جماعه خلونا نتغدى والكل قاعد على السفره ياكل

وهيام كانت بتبص على كل واحد وبتدعي في سرها ان العيله تفضل مع بعض على طول

وبعد وقت راح الحاج صابر ومصطفى وعلي ويزيد مع هيام عند الماذون وعملوا اجراءات الطلاق وخلصوا وراحوا وصلوها على البيت بتاعها لقوا وليد واقف مستنيهم

وقال يزيد واقف ليه يا وليد

رد عليه ما فيش يا عم كنت مستني الراجل يركب البوتاجاز او خلصه

رد يزيد تمام وبص لهيام وقال لها يلا اطلعي شقتك ولو احتجت اي حاجه اتصلي علينا

وليد كان عينيه على هيام باستغراب وكان اول مره يشوفها وشاف قد ايه جمالها هادي

ردت عليه طيب يا يزيد وسلمت على الكل وطلعت على شقتها وعلي ومصطفى طلعوا الشنط بتاعتها ونزلوا

وقال يزيد يلا بينا

وقال صابر هي الثلاجه بتاعتها فيها الحاجه اللي هتحتاجها عشان تاكل

رد يزيد انا اتفقت مع وليد يجيب كل حاجه في الشقه حتى الاكل والشرب ما تقلقش انت يا حاج

رد عليه صابر ربنا يا ابني يسترها معانا وركبه العربيه ووليد مشي بالعربيه بتاعته

وهيام كانت قاعده في الشقه وعينيها مدمعه وابتسمت وقالت بدايه جديده وحياه جديده بعيده عن الهم والغم اللي كنت عايشه فيه

اما في بيت اخوات تقى كان قاعد تامر وبيقول لدينا اللي حصل كله النهارده ودينا استغربت

وقالت اللي خلاه يعمل كده دلوقتي

رد عليها هو انتي غبيه ما انا قلت لك انه عايز يبدا حياه جديده مع اختك من غير مشاكل وشكلها كده اختك وافقت عشان كده هو اقترح عليا ان احنا نروح نعيش معاهم

ردت دينا وده ينفع

قال لها مش عارف انا هبقى افكر في الموضوع وكمان تقى ممكن تيجي بكره نتكلم معاه في الموضوع ده ونفهم احنا هنعمل ايه

ردت دينا بص يا تامر تقى تعبت كثير في حياتها وما ينفعش بعد ما قررت تدي لحياتها فرصه مع جوزها نيجي احنا ونبوظها لها لو هي اصرت ان احنا نروح نقعد معاها وافق يا تامر عشان خاطر اختك واحنا مش هيبقى لينا طلبات

وكمان تقى مظبطه الدنيا كلها وعامله لنا فلوس في البوسطه وانت كمان بتشتغل يعني كل حاجه سهله مش هنطلب حاجه من يزيد

رد عليها حاضر يا دينا هعمل اللي ربنا يقدرني عليه

قالت له طيب انا هقوم اذاكر بقى وابتسمت

فقال تامر بتضحكي على ايه

ردت عليه اصل ما فيش افتكرت سمر واللي عملته النهارده

رد عليها باستغراب هو انتم بقيتوا اصحاب ولا ايه

قالت له يا عم لقيتها امبارح بعتها لي اد على فيسبوك وانا قبلته واتكلمنا مع بعض ولقيتها رايحه الكليه لوحدها الصبح وعرفت اني ما لهاش صحاب وكلمتها ولقيتها طيبه بس المشكله انها كانت شايفه نفسها شويه بس عادي يعني

رد تامر ماشي يا ستي اهو انتي لقيتي صاحبه اهو

ردت عليه طب ما انت مصاحب ممدوح وانا اتكلمت

رد تامر شكلها العيله ديت هنخش فيها واحنا مطمنين

ابتسمت دينا وقالت له قصدك ايه

قال لها ما قصديش حاجه يلا قومي ذاكري

ودخل هو الاوضه وفتح التلفون بتاعه ودخل على صفحه اخته وشاف الاصدقاء وفتح صفحه سمر وشاف الصور بتاعتها

وابتسم وقال بس لو تهتم بلبسك شويه وحجابك هتبقي زي القمر وقفل التليفون وقام يذاكر

اما في بيت يزيد وصلوا الرجاله وقالت منار وصلتوها

رد مصطفى ايوه وصلناها واطمنا عليها كمان

ردت منار كان لازمته ايه ان هي تمشي ما كان قعدت معانا احسن

رد يزيد ما كانش ينفع يا منار انها تقعد معانا ده الحل الكويس ليها

ردت منار انا زعلت من اللي شيماء عملته معاها وهي حكت لي كل اللي حصل

رد يزيد بقول لك ايه يا منار انتي كل يومين والثاني اتصلي بيها واتكلمي معاها وشوفيها لو عايزه حاجه ابقي قولي لي واحنا هنجيبها لها على طول

ردت منار طيب يا حبيبي

رد يزيد المهم الشقتين اللي فوق دول احنا عايزين نجيب النقاش عشان يبيضهم وكمان انا هطلع الشقه الجديده ومعايا تقى والعيال

ردت منار طب والشقتين هتبيضهم ليه

قال له عشان شقه فيهم اخوات تقى هيقعدوا فيها فرح ممدوح وابتسم وسمر بصت عليه

وقالت ممكن دينا تقعد معايا تحت

رد يزيد احنا هنشوف بس هم هيعملوا ايه ولو كده دينا تبقى تقعد معاكي

وممدوح يطلع يقعد مع تامر في شقته عقبال ما الشقق تجهز

رد ممدوح يا ريت

وقالت تقى ما انا عرضت عليهم قبل كده وهم رفضوا

رد يزيد الموضوع اختلف انا اتكلمت مع تامر النهارده وهو وافق ولو كده خليهم يجوا بعد بكره يلموا حاجتهم

ردت تقى خلاص انا هروح لهم بكره عشان اجيب الهدوم بتاعتي كمان

رد يزيد ما تجيبيش حاجه وتعالي خدي كل اللي انتي عايزاه من السنتر

ردت تقى انا حتى لسه جديده وانا عايزاها

رد يزيد براحتك اللي انتي شايفاه صح يلا يا جماعه كلنا نطلع ننام عشان احنا تعبنا قوي النهارده

ردت تقى استنى خد العلاج بتاعك قبل ما تنام

قال لها ابقى هاتيه لي على الاوضه والكل طلع وقالت لصفا مؤمن خش على الاوضه وانا جايه وراكم قالوا لها طيب يا ماما

وراحت تقى المطبخ جابت كوبايه ميه واخذت شنطه العلاج وراحت اوضه يزيد

وخبطت الباب رد يزيد خشي دخلت واتفاجئت بيزيد لابس البنطلون بس عاري الصدر

قالت له اتفضل العلاج والميه

قال لها طيب واخذ الدواء

قالت له عايز حاجه مني يلا تصبح على خير

رد عليها انتي رايحه فين

قالت له اروح انام في الاوضه الثانيه مع العيال

قال لها انتي مكانك جنبي مش جنب العيال

ردت عليه معلش يا يزيد مش هينفع انام هنا

رد عليها براحتك وانا هستنى لغايه ما تسامحيني

ردت عليه تصبح على خير يا يزيد

وخرجت وراحت اوضتها الثانيه ولقت صفا ومؤمن قاعدين على السرير وقعدت جنبهم وبدات تنيمهم وبعد وقت راحوا في نوم عميق

اما يزيد ما كانش عارف ينام بعيد عن حضنها وخرج من الاوضه وراح اوضه تقى ولقاهم نايمين وصفا مؤمن ماسكين في جلابيه تقى نام جنبها وحضنهم وبعد دقائق راح في نوم عميق