رواية الرقاصة والمعلم الفصل الثاني والعشرون 22 - بقلم اميرة خالد

رواية الرقاصة والمعلم

الفصل الثاني والعشرون22بقلم اميرة خالد

الفصل 22

عدى شهر وتقى رجعت وقفت على رجليها تاني ورفضت اي كلام يخص اليزيد وقالت لعم سعيد انها هتطلق ومحتاجاه يقف جنبها وهو وافق

اما يزيد رفض الطلاق وقال لعم سعيد انه مستحيل يطلقها وخلي حد يراقبها ويفضل وراها زي ضلها

اما هيام كانت بتتعامل مع يزيد بهدوء والصدر الحنين ليه بعد اللي حصل من نيفين وبتعامل العيال بطريقه وحشه من وراهم وضربت مرتين صفا عشان سمعت مكالمتها مع شيماء وكانوا بيتكلموا عن الفيديو اللي بعته ليزيد

اما منار فدخلت في الشهر الثالث في الحمل وحاولت كتير تتكلم مع تقى وتصلح العلاقه بينها وبين اخوها عشان حبه تقى وشايفه فيها انها العوض لاخوها

اما نيفين فكانت قاعده في بيت امها وبتخطط انها ترجع ليزيد بمساعده خالتها سناء اللي رافضه الموضوع

اما علي في حاله اتبدل وبقى مع اخواته ايد واحده وبيحبهم بس حاسس بتانيب الضمير من ناحيه يزيد وعلاقته بينفين وبقى مع مراته وبنته في حياه مستقره

اما الحاج صابر كان مبسوط مين اللي حصل وان ولاده كلهم ايد واحده ودايما في فرح وانبساط

اما سمر ففضلت على الحال انها بتكلم الشباب على النت وفي نفس الوقت قريبه من منار وهند وهيام وبعدت عن سناء

اما ممدوح عينيه كانت على دينا على طول لما بتروحي المحل وكلامها مع تامر في التليفون واخذ رقمها من تليفون تامر من غير ما يعرف ومش عارف يكلمها ازاي او يوصل لها ازاي وكمان بقى صديق تامر وبيتكلموا على طول ويخرجوا مع بعض في الاجازه

في شقه تقى صحيت من النوم دخلت الحمام غسلت وشها

وخرجت تحضر الفطار لاخواتها عشان النهارده اول يوم في الجامعه وعلقت على اللبن

وخرجت خبطت على باب اوضه تامر وقالت له قوم عشان الجامعه

رد تامر حاضر يا حبيبتي وقام دخل الحمام

وراحت ناحيه اوضه دينا ولقيتها بتلبس هدومها وقالت لها اول مره يعني ما تتعبنيش في الصحيان

ابتسمت دينا وقالت لها اولا صباح الخير ثانيا النهارده اول يوم في الجامعه وانا مبسوطه جدا

ردت تقى ربنا يفرحك على طول طب يلا يا ستي عشان انا حضرت الفطار وخرجت تقى تكمل الفطار

اما دينا لفت الطرحه وحطت ملمع شفايف وجهزه الشنطه بتاعتها بالحاجه اللي هتاخذها



وخرجت قعدت على الترابيزه وجه تامر اللي قاعد جنبهم ويفطروا

وقالت تقى وهي بتطلع الفلوس اتفضل يا استاذ تامر ده مصروفك وده مصروفك يا دينا

رد تامر انا معايا فلوس مش محتاج الفلوس ديت يا تقى

ردت عليه طب يا حبيبي خليهم معاك ربما تحتاجهم في حاجه

رد عليها انا معايا وبزياده ما تنسيش ان امبارح كان السبت ولسه قابض الفلوس بتاعتي امبارح

ردت تقى انا عارفه يا حبيبي بس انت النهارده اول يوم في الجامعه وكمان محتاج تشتري طقمين ثلاثه يعني الفلوس مش هتكفي معاك غير الادوات اللي هتحتاجها في الكليه

رد تامر والله معايا انا شايل 2000 جنيه على جنب من فلوس الشغل

ردت دينا بقول لك ايه هاتيهم انا اولى بيهم

ضحكه تقى وقالت لها ان شاء الله يا اختي ويلا عشان تنزلوا مع بعض خلي بالك من اختك يا تامر

قال لها دي في عيني وخرجوا ركب توك توك عشان يطلعوا على الشارع العمومي

اما البيت يزيد صحي من النوم على صوت صفا بنته وهي بتقول له يلا يا بابا اصحى انا عايزه اروح المدرسه

ابتسم يزيد وقال لها صحيت يا قلب بابا وبسها من خدها

وقال لها روح الهيام خليها تلبسك

ردت صفا بخوف لا يا بابا خلي عمته هي اللي تلبسني احسن

رد يزيد ليه يا حبيبتي في حاجه

قالت لي لا ما فيش واخذت هدومها ونزلت جري على شقه منار

ويزيد استغرب وقام دخل الحمام اخذ دش وخرج لبس هدومه ونزل على تحت ولقى علي ومراته قاعدين وهند بتسرح شعر حور وبتعمل لها قطتين

اما صفا كانت مستنيه منار تخلص لبس مالك عشان تعمل لها شعرها هي كمان

وهيام كانت في المطبخ بتعمل الفطار

ومنار نزلت بعد ما خلصت لبس مالك ومعاها مصطفى وممدوح وجريت صفا

وقالت لها يلا يا عمتو اعملي لي شعري زي حور

ردت هند طب تعالي يا حبيبتي وانا هعمله لك

ردت صفا لا انا عايزه عمته هي اللي تعمل لي شعري

ردت حور خلي ماما احسن عشان تعمليها لك حلو زيي وافقت صفا وراحت وقفت قدام هند اللي عملت لها شعرها

وخرجت هيام وهي بتقول الفطار جاهز والكل قعد بيفطر

وخرجت سمر وهي لابسه ومع شنطتها وبتقول صباح الخير



رد عليها صباح النور يا حبيبتي

ردت منار رايحه فين

ردت عليها وانتي نسيتي ولا ايه النهارده اول يوم ليا في الجامعه

رد يزيد طب كويس وبص الممدوح وقال له خدها معاك الجامعه

فرحه سمر وشكلتها فرصه حلوه انها تقرب منه وهي معاه في نفس الجامعه

رد ممدوح حاضر طب يلا بينا عشان انا متفق مع تامر ان احنا هنروح مع بعض الجامعه

رد يزيد وهتركبه مواصلات

رد ممدوح لا البركه في درش اداني المفتاح بتاع العربيه بتاعته

رد مصطفى عشان بس النهارده اول يوم وبعد كده هجيب لك عربيه

رد ممدوح ان شاء الله و بص لسمر وقال لها يلا بينا وخرج وهي خرجت وراه وجت تركب جنبه

قال لها لا اركبي ورا عشان تامر هيركب جنبي وانتي اقعدي جنب اخته وراه

اتضايقت سمر وقالت له طيب وركبت وهو ماسك التليفون

واتصل على تامر وقال له انت فين يا ابني

رد عليه انا على المحطه بره مستنيك

قال له طيب انا جاي لك ومشي بالعربيه وطلع على المحطه

ولقى تامر ودينا وانسحر بجمالها ورقتها وتامر اتضايق من وجود سمر

وقال ممدوح يلا يا جماعه اركبوا فتح تامر الباب اللي ورا عشان دينا تركب وهو راكب قدام

وسمر كانت ماسكه التليفون ودينا قالت ازيك يا قمر انتي ناسياني ولا ايه

ردت سمر لا فاكراكي انتي دينا اخت تقى صح ولا لا

قالت لها ايوه انتي عامله ايه

قالت لي انا كويسه

قالت لها انتي داخله كليه ايه

ردت سمر تجاره وانتي

ردت عليها طب ان شاء الله

ردت سمر كويس وسكتك وتامر كان متضايق من كلامها وتكبرها على اخته

وممدوح كان عينه على المرايه وبيبص على دينا

وتامر اتكلم مع ممدوح وقال له انا بعد الجامعه هنروح المشوار اللي انا قلت لك عليه

رد ممدوح كمان وانا معاك قال له كويس جدا

وبص دينا وقال لها هتروحي لوحدك هتعرفي ولا تيجي معايا

ردت دينا لا هروح لوحدي هبقى اشوف بنت من البنات واروح معاهم

رد تامر طيب يا حبيبتي

وفي البيت قام علي ومصطفى يوصله الاولاد على المدرسه

ومنار قالت احنا هنعمل اكل ايه

رد يزيد اي حاجه ما تتعبيش نفسك عشان الحمل

ردت منار النهارده اول يوم مدارس والعيال هتيجي تعبانه وجعانه في نفس الوقت فلازم نعمل لهم الاكل اللي هم عايزينه

ردت هند معك حق ايه رايك نعمل لهم فراخ متحمره وجنبيها صينيه بطاطس ولسان عصفور ورز

ردت هيام انا رايي كده برده

وقال يزيد انتوا حرين اعملوا اللي انتم عايزينه انا هدخل اريح شويه ودخل قعد في الاوضه

واتصل على عبد الرحمن ولقاه بيزعق وقال له في ايه يا ابني بتزعق ليه

رد عليه اسكت يا عم ما تقولش النهارده اول يوم المدارس خالص انت تقول النهارده اول يوم العيد

رد يزيد ليه بتقول كده

قال لي يا عم النسوان متمكيجه وحتى الاحمر والاخضر وعامله شعرها ولفت طرح ولابسه العبايات الضيقه وقال ايه جايين يوصلوا العيال المدرسه بذمتك ده توصيل للمدرسه نفسي افهم جابوا وقت منين يعملوا ده كله ده احنا صاحيين من الساعه 6:00 وتشوف منظر وفاء تتخض

ضحك يزيد فين المشكله دول ستات رايقه انت عايز ايه يعني

قال له ما فيش يا عم جيت ادخل العيال لقيته واحده بتقول لي ابعدي يا عم كده عني انت بتقرب مني كده ليه

وقسما بالله ما قربت منها ولا اصلا طايق اشوف صنف الحريم وفاء كرهتني فيه كله

ضحك يزيد وقال له يا ابني اهدى بس بالراحه هيجرى لك حاجه

رد عبد الرحمن بقول لك ايه هو انت بتتصل عشان تضحك وبس

رد يزيد ابدا انا مخنوق شويه قلت اتكلم معاك

رد عبد الرحمن طب انت عملت ايه في موضوع مراتك واديتها الدكتور ولا لا

رد يزيد تصدق نسيت الموضوع ده خالص كويس ان انت فكرتني انا هاخدها النهارده وهروح عند الدكتور ده

رد عبد الرحمن طيب يا سيدي ما تيجي نقعد شويه مع بعض كده ونشرب قهوه مع خالك في المحل

رد يزيد يا عم لسه بدري الساعه 8:00 وابوك لسه ما فتحش المحل

رد عبد الرحمن يا عم مش بتكلم دلوقتي بتكلم بعد الظهر كان هيرفض بقى كده افتكر انه هيشوف تبقى

وقال له ماشي هقابلك هناك

قال له طيب السلام مؤقت وقفل معايا

وخرج يزيد من الاوضه ونده على هيام وقال لها اعملي حسابك هنروح مشوار النهارده

ردت هيام مشوار ايه يزيد قال لها تعالي وانا هقول لك

ومسك ايديها ودخل الاوضه وقال لها بصي انا عرفت ان في دكتور كويس بيعمل حقن مجهري احنا هنروح له ونتطمن وان شاء الله اللي في الخير يقدمه ربنا

فرحه هيام وقالت له بتتكلم جد

رد يزيد طبعا انتي بنت عمي ومراتي ونفسي في حته عيل منك

ردت هيام خلاص انا هجهز كل حاجه وهجيب الورق بتاعي وناخده معانا

رد يزيد تمام وانا هحجز واعرف هنروح الساعه كام

ردت هيام ماشي وخرجت وهي فرحانه وطلعت شقتها عشان تجهز الحاجه ومسكه التليفون واتصلت على شيماء وحكت لها كل اللي حصل واللي هيزيد قالوا

ردت شيماء طب بقول لك ايه مش هتقولي لي مين اللي كان مع نيفين في الفيديو

ردت هيام خلاص الموضوع انتهى و نيفين اتطلقت هنعوز ايه تاني

ردت شيماء يا هبله كنا هنبعث له الفيديو وناخد فلوس منه هو كمان

ردت هيام بقول لك ايه انا لغايه دلوقتي خايفه للبنت تقول لي يزيد على الكلام اللي سمعته فيا ريت تهدي شويه كده والموضوع انتهى

وشكل يزيد عايز يعيش معايا ومع الاولاد فيا ريت ما نفتحش الموضوع ده تاني

ردت شيماء انا غلطانه اني خايفه على مصلحتك

ردت هيام مصلحه ايه انتي كده ممكن تخربي بيتي

ردت شيماء انا يا هيام يخرب بيتك بعد كل اللي عملته معاكي واقفه اني جنبك

ردت هيام بقول لك ايه يا شيماء ريحي نفسك والكلام ده ما يتفتحش تاني وخليني اشوف دنيتي معاه واجيب حته عيل اللي نفسي فيه

ردت شيماء براحتك وقفلت السكه

اما عند الشباب فوصلوا الجامعه ونزلت دينا هي وتامر يوصلها الكليه بتاعتها ويروح كليته واتفق مع ممدوح انه هيتقابله بعد ما يخلصوا المحاضرات

وممدوح خد سمر وراح ناحيه الكليه بتاعته وقال لها روحي شوفي الجدول بتاعك وانا هروح اشوف صحابي

ردت سمر طب ما تجيب لي الجدول عشان مش عارفه اخش في الزحمه

رد ممدوح حاضر واقرب من الشباب وقال له انت سنه اولى

رد عليها قال له ايوه قال له معاك الجدول قال له اه

قال له ممكن اصوره وافق الشاب واطلع التليفون واصور الجدول وراح ناحيه سمر

وقال لها الجدول اهو ابقى افتحي الوتس انا هبعته لك هبعت لها الجدول

وقال لها محتاجه حاجه ردت عليه لا شكرا ومشي ممدوح وراح لاصحابه اما سمر قربت من الكافتيريا وطلبت عصير

اما دينا فرحه الكليه وتامر راح قبلها الجدول بتاعها وواقف معاها لغايه ما دخلت المدرج بتاعها

وقال لها لو احتجتي حاجه اتصلي عليا يا حبيبتي

ردت عليه حاضر وخرج تامر راح يشوف جدوله وعليه ايه

وبعد وقت في شقه تقى كانت بتروق الشقه وبتعمل الغداء وبتجهز نفسها تنزل المحل ونزلت عشان تفتح قبلت الحاج صالح و صبحت عليه

وقالت له ازيك يا حاج اتفضل ده ايجار الشهر بتاع المحل وبتاع شقه

رد الحاج صالح يا بنتي ما هو لسه بدري

ردت عليك بدري ايه يا حاج ده النهارده يوم 5 في شهر

قال لها طيب يا بنتي لو احتجتي حاجه انا جنبك

قالت له طيب وخرجت تفتح المحل بتاعها ودخلت عليها اول زبونه وبدات تشتغل

اما عبد الرحمن كان قاعد مع وفاء اللي قلبه وشها

وقال لها مالك بس يا ست البنات قلبه وشك ليه

ردت عليه يعني مش عارف

رد عليها واعرف منين قالت له طيب براحتك

رد عبد الرحمن وهو بيطلع فلوس من جيبه طب ايه رايك تنزلي تروقي نفسك عند تقى وتخليها تعمل لك اللي انتي عايزاه كله

ابتسمت وفاء واخذت مني الفلوس وقالت لي ماشي

قال لي هنزل عند ابويا اقعد شويه

قالت له طيب وقامت هي تكمل لوراها

وعبد الرحمن نزل ومسك التليفون واتصل على يزيد ايه يا ابني هو انت نمت ولا ايه

رد عليه اه ريحت شويه ايه يا عم متصل ليه

قال لي يلا يا عم ابويا فتحها تعالى نقعد معاه شويه

قال له طيب انا جاي لك واقفل معايا واخذت تليفونه مفاتيحه وخرج

وقال هيام انا هروح مشوار واعملي حسابك ان ميعاد الدكتور الساعه 4:00

ردت هيام حاضر وخرج يزيد ركب العربيه

وراح على محل خاله وبعد دقائق وصل ودخل عبد الرحمن قاعد بيتكلم مع الحاج صالح وبص على المحل لقاها مش باينه

ودخل قعد وقال له ازيك يا خال عامل ايه

رد عليه انا كويس يا ابني انت اللي فينك محدش شايفك الفتره اللي فاتت دي خالص

رد يزيد معلش يا حاج ما انت عارف المشاكل اللي انا فيها والحمد لله يا دوبك روقت شويه

قال له طيب يا ابني

رد عبد الرحمن ايه يا حاج مش هتشربنا من القهوه بتاعتك

رد الحاج صالح من عيني الاثنين يا ابني واقام عشان يعمل لهم القهوه

دخل الاسطى عاطف وهو بيقول السلام عليكم ردوا عليه السلام وعليكم السلام ورحمه الله وبركاته

وقال عاطف ازيك يا حاج عامل ايه محتاج اتكلم معاك في موضوع

رد الحاج صالح تعالى يا ابني وراح واقف على جنب

وقال عاطف انت عارف يا حاج صالح ان انا صنايع وكسيب والحمد لله عندي شقه كمان في بيت ابويا ومستني بس اتجوز واختار بنت الحلال

رد الحاج صالح اكيد يا ابني واي بنت تتمنى شخصيه زيك

رد عاطف بس انا يا حاج عيني على واحده وكنت حابب انك تتكلم معاها وتشوف رايها ايه ولو هي موافقه هاجي اتقدم لها وهجيب لها كل اللي هي عايزاه

رد الحاج صالح مين هي يا ابني

قال له تقى

رد الحاج صالح طب يا ابني الحاجه عارفه انها شغاله كوافيره

رد عاطف ايوه يا حاج والحاجه هي اللي فتحت معايا الموضوع بعد ما تعاملت مع تقى واتكلمت معاها في المحل وجت قالت لي عليها وانت عارف ان الحاجه ما بيعجبهاش العجب وسبحان الله اعجبت بتقى وهي اللي قالت لي عليها

رد الحج صالح طيب يا ابني انا هتكلم معاها واشوف رايها ايه وهقول لك

قال له وانا مستني تليفونك يا حاج وخرج ورجع الحاج صالح يقعد مع ابنه وابن اخته

وقال عبد الرحمن في اي حد

رد الحاج صالح ما فيش يا ابني ده هو كان عايز اتوسط له في موضوع

رد عليه موضوع اي حد