رواية الـرياش نَهج مُغاير الفصل الخمسون 50 - بقلم اسـاور حسين 🦢✨

_____________________ الــريـاش
﷽

𓆩 اســاور حــسين 𓆪
بقلمي رواية : الــرياش

كان يوصفها قائلاً:
تلك الرقيقة ياسادة .....بنية كلبي .

لطفا لا تنسون التصويت والتفاعل بين الفقرات

⊰ شهد ⊱

انــور : لا يا ابن الزنا شلون تلزمها .
_ اعتذر استاذ بس اني عبد مجبور .
_ انعل ابوك لابو كل واحد جبرك حيوان ابن الحيوآن تعال .
افتر والمسدس بيده العالم صارت تنتبه علينا من الخجل والخوف
ارجف بمكاني استحي ارفع راسي ، لزمه من السترة ضربة بوكس
صحت بصوت واثنين شياب عبروا الشارع يصيحون
_ شكووو خوية شصاير تحتاجون مساعدة .
عدل انــور سترته ينكت بيها ويجاوبهم وهو يرجع
_ لا صديقي اشكرك ماكو شي سوء فهم .

تقرب مني رجعني بالسيارة ورجع يضرب بيد الولد
والثاني ما ادري شنو يحجي وياه ، اخذ سلاح انــور وانور
طبطب على ظهره وراحوا صعدوا بالسيارة
رجع صعد وفر السيارة يريد يرجعني للبيت
_ وين رايحين .
_ اسف على صار .
_ خايفة عليك .
_ متعود عليهم .
_ واذا جبروك ترجع وياهم .
_ زعطوط گدامچ .
_ لا مدگدگ .

سكت بس مبين الموضوع شغل تفكيرة
_ وين رايحين فهمني .
_ ارجعچ للبيت باجر نكمل .
_ وانت وين تروح .
_ الهم مو اخذوا لسلاحي .
_ ليش ياخذ السلاح .
_ ضمان حتى انجبر اروح .

اكو وشم على طرف اصابعه تلمسته اخذ ايدي حضنها بيده
ورفعها باسها وسحبها على صدره
_ دگات گلبي تهدي وانتِ يمي ذكريات الماضي تختفي .
_ تتذكر من گلت الوشوم بيهن قصص ؟
_ طبعاً .
_ اريد اعرفهن .
_ من نتزوج ونعيش اني وياج بيتنا وحدنا .

وصلنا قريب منطقتنا ابتسمت وحجيت واني اشر على فرعنا
_ عبالك تروح وحدك لهذا الحقير ؟
_ لعد اخذ فوج طوارئ .
_ اروح وياك .
_ هم صح من تصيرين عصبية .
_ اي .
_ عشر زلم من الفوج ما يگدرون عليچ .
_ مجبور ؟
_ راضي مقتنع اني هيچ احتاج حتى اسلك انا ما انجرع  .

وكل السيارة يقنع بيَّ ارجع قفلت اروح وياه ماقبل
نزلني مقابيل البيت جــود يفتح بالمطعم وعلي الآكبر
گاعد يشرب جگارة والتلفون بيده ، من شافنا نهض
وتقدم اتجاهنا يأشر بيده بعلامة شكو
انــور : ماكو شي .
استند على باب من جهتي واني بعدني گاعدة
شهد : اكو شي .
علي الآكبر: احجي شهد .
بديت احجي الصار بالتفصيل ضحك علي الآكبر وجاوبني
_ اي ما رحتوا شنو تنتظرون ؟
انــور : ما اخذها .
_ عمك يريد يشوف خطبتك مابيها شي توكلوا .
شهد : مو حجيت ما يقتنع .
ضرب على سيارة وصاح بـ انــور
_ اخذها وتوكل شوف عمك شبي خطية .
انــور : انت بعقلك هذا عمران .
علي الآكبر: اخذها مني وروح انــور روح .

حرك انــور السيارة ورحنا الطريق كله ما راضي
بس واثق بكلام علي الآكبر، وكف انــور سيارته مقابيل
بيت من فخامته شهگت واني انزل همست
_ وين رحتي يا عمه وعفتي هل جمال .
لزم ايدي ودخلنا البيت بي بابين باب كلير وباب صغير
دخلنا من الباب الصغير صاير بنص حديقة من ندخل
مسوي معبر على شكل جسر دخلنا وشاب فتح الباب
سلم على انــور واني اقتربت منه سألت
_ منو هذا .
_ ابن عمران .
_ انت احجي عرفني عليهم مو كل شوية تخليني اسأل .
_ شهد اسكتي اني وين وانتِ وين .
_ ابن عمك هم حلو  .
_ وين صفوان يشوف بنته الجوهرة .

اسمع صوت باب عالي انفتح وصوت نفس ابن عمه صاح
_ انــور تعال هنا .

مشيت اني وياه دخلنا على صالة واشوف رجال جبير گاعد
يشبه يوسف ينطي شبه عرفته عمران من شافني ابتسم
_ تنطي روعة لجمال عمتها .
شهد : هو انت بقيت جمال بعمتي حسبي الله ونعم الوكيل عليك .
عمران : ونفس طول لسانها .
شهد : شلون بعدك عايش وظلمتها وخليتها تموت بحسرة ينتها .
عمران : بنت صفوان سلمي بالبداية .
شهد : اعوذ بالله منك وين اكو انسان يسلم على شيطان .

ضحك بعالي صوته وهو يجاوبني
_ هسة اذا اتصرف وياچ يزعل انور .
انــور : زلمة ابن امه وابو يوصل يمها .
اشر على تخم وهو يحجي يشغل بجگارته
_ اتفضل انت وخطيبتك عندي كلام مهم وياكم جداً مهم .
انــور : اسمع اختصر واحجي عدنا تحضيرات .
عمران : احنا بيت الرياش معروف علينا غريبة ماتدخل علينا .
انــور : طز بيكم والمعروف عليكم .

ضحك وكمل بس بعيونه شرارة الشر واضحة
عمران : والمعروف علينا اذا واحد دخل الغريبة ندخل وننهيها .
انــور : هههههههههههه اذا انت زلمة انهيها .
عمران : اخوك عاندنا وسواها بس خسر هواي واولهم خسرها
خسر حبها وصارت عدوته اليوم ، انت شنو تحب تصير عدوتك لو ...
انــور : تضحك صاير تشمر نكت ظريف حضرتك ظريف .
شهد : أسمحلي اگلك انت خرفت والمگبرة تحتاجك .

ابتسم وصحك هيج ضحك مثقفين ضحكت واحد مليان فلوس
عمران : بس تدري متوالم وياها نفس الوكاحة وطريقة الكلام
وطول السان ، ماتخاف مثلك طلعت هههههههه .
انــور : كملت اريد اروح .
عمران : تخرب هل مهزلة بيدك انت وياها لو ادخل نفسي ؟
انــور : زواجنا يتم رضيت لو ما رضيت انت وقندر** صرت
تهديدكم وكلامكم ما يهزوني بعد جنت وحدي اسمع منكم وانفذ
بس اليوووووووم اني موووو وحدي اذا خدشت طرف اصبعي
اسود بظهري ياكلون لحمك ويشمرون عظمك للچلاب .

هز راسه وتقدم يمنا يمشي بطيء بطيء
شهد : خلصني امشي بسرعة واحجي شريع جو المسلسلات بطل منه .
عمران : يوم عرسك يتحول فاتحة يا انــور اذا ما اتصرفت .
انــور : فاتحتك ؟
عمران : فاتحتك وهل شهد تترمل بيوم عرسها وشم ينطبع بتاريخها .

تقدم انــور اخذ المسدس رجعه بخاصرته وصاح بي
_ كملت اروح ؟
_ وصل هل خبر لابوها صفوان هل يومين
عندي زيارة لنص بيتهم .
شهد : ابوية مايريد يشوفك لا تجي .
اخذني انــور من ايدي وطلعنا وهو يهز براسه ويردد
_ راح يسوي شي براسه شي راح ينفذ هذا ينفذ العار .

صعدني بالسيارة شغل جگارة وحتى يطمني يبتسم كل
ما صدت عيوني بعيونه ، اخذ ايدي لزمها يترجاني
_ بداعت كل غالي على گلبچ لو شنو يصير لا تعوفيني .
_ ليش هيج تحجي انــور ؟
_ خايف ، اني غطت هواي بالماضي هووووووواي .
_ المهم الحاضر المهم هسة انت تحسنت .
_ اخاف يحاربوني بالماضي وتكرهيني .
_ ليش اكو شي ما اعرفه ؟
_ ما ادري .
_ ادري جنت تشرب ، وتتعاطى ، وتدخل ديسكو ، وبعد .
_ اطلع بنات .
_ وين اطلع البنات ؟
_ المنتزه .

وصلنا على محلات غرف شفت اشكال بس ما اشتري
_ شبيچ حايرة .
_ ما ادري بس احتاج امي .
_ نروح الها
_ شنسوي رايحين ؟
_ اعتذر منها .
_ امي عصبي
_ ابوس راسها الخاطرچ حتى لو ما غطان بحقها .

گعدت على كرسي بنص محل اتصفن على اغراض
_ لو امي موجودة ما احتار .
اخذني من ايدي ورجعنا للسيارة يمشي ويسألني
_ تعرفين عنوانها بالمضبوط .
_ واذا جرحتك بالكلام .
_ اسيطر على اعصابي لا تخافين .
_ اعصابك منتهين منها اجباري تلزمها .
_ حلو .

_ اقصد تصرفك .
_ شسوي بعد گلت راسها ابوسه واعتذر شسووووي بعد شسوووي .

هزيت ايدي وجاوبته بنفس علو نبرة صوته
_ عيدها بعد عيدها اضربني اذا ترتاح .
_ اسف فورتي اعصابي .
_ مستقبلاً شلون اذا احجي وياك هم تگول فورتي اعصابي .
_ احتاج ارست اعصابي مو ؟
_ اقضي عليها لا اقضي عليك .

وصلنا مقابيل بيت اخوها نزلت دكيت الباب وانور ورايَّ ينتظر
فتح ابنهم الباب دخلت وانور ظل برا من المطبخ شفت حذاء ابوية
عرفته هنا دخلت عريهم بس امي ماكو سلمت على خالو وهمست
_ انــور برا ينتظر يدخل .
_ خالو امج انتِ ماتريد تشوفچ شلون تخلي يجي عيب .
_ يريد يحجي وياها ، هو طلب واستحيت ارفض .

طلعوا واني رحت وياهم سلم عليهم ودخلوا جوة
انوب حتى بنات خالي وخالاتي رافعات خشمهن وزعلانات
على زعل امي السلام حتى السلام ما يردن  ، نريد نگعد
وفاتت امي تبچي من كل خاطرها تتسابق دموعها
_ ضاع تعبي بيچ على زعل امچ تقبلين تنخطبين على زعل امچ
بعتي تعبي بيچ ورباتي وخوفي على هذا ولچ افتحي عينچ
ولچ يمه شوفي لا مثلنا ولا من ثوبنا شوفي اخوانچ وشوفي .
انــور : تحسسيني طالع مصلخ بالشارع يا عيني اگعدي نحجي
ونتفاهم اتعرف عليچ وتتعرفين عليَّ يمكن انتِ اخذتي نظرة
مو حلوة عليَّ صححيها بنتچ نفسچ جانت بعدين عرفتني اني شنو .
_ ماعندي كلام وياك واخذها روحي انتِ سوي عرس وتزوجي
بس بعمري كله تعرفين شنو بعمري كله ما اسامحچ
ولا بارك الله بيچ وبزواجج .

راح ابوية عليها ادري بي شگد يحبها ومايهون عليَّ يشوف دموعها
يريد يلزمها يمسح دموعها ما تقبل تنتر بي وصاحت
_ قبل لا تقبل حجيتها وارجع احجيها مثل ما هي بنتك
بنتي واذا انت توافق تحترم رأيي ماتوافق ومثلك اني
انت ما احترمت كلمتي انا بعد لا احترم كلمتك ولا ارجع يمك
خلي هذا الشيطان العصابچي ابن الرياش يقيدك ويفيد بنتك .
رفع انــور ايده مختنك من كلامها لزمت ايده ونزلتها قبل لا تشوفه
تريد تجي يمي ورجعني انــور وراه ضهره يتوسلها
انــور : لا تكسرين خاطرها بنتچ تريدچ وياها ماعدها غيرچ .

عافتنا وراحت جوة استأذن ابوية من خالي وفات جوة
التفت انــور شافني ارجف همس بصوت خافت
_ لا تخافين هسة بوسة بوستين من صفوان تستقر .
_ عيب شنو هل حجي استحي شوية .
_ يعني صفوان ما يبوس جابكم على لمس .
_ حقها امي تدري بيك فاسد مدگدگ .
_ حالف من نتزوج كل ما يطول لسانچ
_ اي اي اي اطلع على حقيقتك .
_ لا اسكت هسة اخليها سبرايز .
_ هو اني راح اخليك عايش بسبرايز.

اندمج انــور يسولف هو وخالي طلع اجتماعي بسرعة
يتأقل ومن يحجي اريد بعد يحجي طريقة كلامة ماتخلي
المقابل يمل بالعكس يحب يستمع اكثر
طلع ابوية يأشر بيده ويحجي بـ اعصاب
_ امشي بوية شهد انــور الكلام وياها صار صعب .
انــور : عمي عادي احجي وياها وحدنا ؟
_ تجرحك بالكلام عمي امشي .

طلعت ودموعي تجري ابوية حضني ويضحك بوجهي
ضحكته مصطنعة ادري بي بدون امي يضيع متعود عليها
من اول مايكعد يصيح عليها يتعاركون ويضحكون سوية
وعلى صوتهم نكعد والظهر اثنينهم كاعدين نلتم عليهم
ولليل يخلصوها ضحك واخواني يمهم والاكل والدلال
منها متعود عليها مو شلون ماكان احسن اني خربتها
وبنيت سعادتي على تعاستهم .

صعدني وهو وانور بالشارع يسولفون ويأشرون على بيت
ورجع انــور للبيت يحجي هو وخالي راح ابوية وياهم يحجون
وطلعت خالتي تحجي وياهم وانور ما ادري شبي يأشر ويشرح
اخر شي صعد بالسيارة يتنفس سريع شغل جگارة همست
_ بيك شي ؟
هز راسه بـلا وسكت مني ، الطريق كله على نفس السكوت
بس بدون ما يدري بروحه يضرب ستيرن لو يتأفف
_ زعلت من كلامهم ادري بيهم يحجون كلام مو حلو بحقك .
_ عادي مايهمني متعود ، بس اني الخاطرچ اريد تكمل فرحتچ .

وصلني مقابيل بيتنا بس نزلت ما راح دخل على علي الآكبر
يحجي هو وياه دخلت بدلت وكملت وطلعت وبعده بالمطعم
وكفت اشرب ماي من البراد بالمطبخ واشوف انــور دخل
هو وعلي الآكبر البيتهم مو بيتنا ، استحيت اروح وخجلت
أراسله واسأل ، ساعة وطلعوا اثنينهم ودُر وياهم سدت الباب
وراهم ورجعت تركض للبيت والاوراق بيدها عدها امتحانات .

للساعة بـ 8 بليل فتحت تلفوني شفت انــور ناشر ستوري
فتحته لابس ملابس رياضية يتمرن وكاتب
" ورانا عرس وانا العريس لازم نبرزهن "

دُر ..

لملمت اورآق الأمتحان ورحت على مطبخ والتلفون بيدي
_ الو عيني .
علي الآكبر: مرتي .
_ لوتي .
_ ههههههههه .
_ عايفني وحدي ومن تصيرين يمي
اعميهن لو يرمشن تعال اني افقسهن .
_ ههههههههههههه ، بس نتفاهم .
_ انتوا الزلم تتعاطون جذب .
_ ساعة والله وارجع .
_ عزززززا .
_ اجيت .

اسمع صوت حركته وصوتهم يحجون وهذا ابو لعلوم صوته مبين
_ ها وين رايح علاوي ؟
_ صار عندي شغل باجر نعيدها عذروني .
دُر : گول الهم مرتي ماتقبل اسهر .
_ هههههههههههه .
هو يمشي وكلهم يصيحون وراه
_ هااااااا علي الآكبر هاااا حكم القوووووووي .
علي الآكبر: تررررررا ارجع عليكم .
جــود : ربحنا دام بيهاااا ترررررا .

سديت الخط من عنده ودخلت اسبح اخذت حمام سريع
وطلعت لبست فستان قصير وردي ورفعت شعري خليت ميكب خفيف
ورشيت عطري المفضل عند علي الآكبر يحبه لان اول مرة شافني
بيها طبع العطر براسه ، دخلت للمطبخ قطعت فواكة وطلعت مقبلات
وجهزت الفحم وعمرت نرگيلة صرت خبرة بيها ، واختاريت فلم السهرة
رجعت للمطبخ اخذ العصير ودخل علي الآكبر شكد احب ضحكته
بكل مرة يدخل البيت ويشوفني مجهزة نفسي اخذ العصير من ايدي
رجعه على ميز الطعام ورفعني على كاونتر صحت بخوف
_ اخاف علي الآكبر كم مرة اعيدها .
_ يمچ اني .
_ اوكي .
حجيتها وملت راسي بدلع عضيت شفايفي من همس
_ فد جوعان .
_ اكل بالعافية .
حجيتها وقدمت نفسي ، حضن وجهي بيده واخذ شفايفي يتفنن
بيهن بكل حُب يقسى ويرجّع يصحى ويتوقف لثواني ويرجع يبوسهم .

رفعني من خصري نزلني وهو مستمر يبوسني بوسة بعدها الثانية
وكفني على رجله ويشي ويتمايل بيَّ بالهوا يغنيلي ويحرك انفه
على انفسي ويفصل اغنيته من يبوس رگبتي وبيده يرفع شعري
ويطبع بوساته جوة اذني بكل احترافية
علي الآكبر: تعبانة .
_ نفسيتي تعبت من ضغط امتحاني بس هسة كلشي اختلف غنيلي بعد .
_ تأمرين امر لچ انا خادم .

بعدني على رجله وهو يهمس بـ أغنيتنا ويتحكم بحركتي من يميل
يخليني اضحك بعلو صوتي من الفرح ما ادري من حركته
نزلني على تخم وهو يهمس
_ اخذ حمام وارجع روحي .
أومأت براسي بقبول اخذت تلفوني اتصفح بي خابرني جــود
_ رجع مو ؟
_ اي يمي علي الآكبر .
_ مو گاعدين نلعب اني وياه وجماعتنا .
_ واني شنو هنا حلوة هاي ترا زوجي .