رواية الـرياش نَهج مُغاير الفصل الرابع عشر 14 - بقلم اسـاور حسين 🦢✨

_______________________ الــريـاش
﷽

𓆩 اســاور حــسين 𓆪
بقلمي رواية : الــرياش

ابشرك سلموني بحلگ لذياب
نسو انه بيوم جنت خلهم ماضلي
اهل حته ارجعلهم
انه احباب گلبي رحلو كلهم

لطفا لا تنسون التصويت والتفاعل بين الفقرات

⊰ دُر⊱

طلعت اركض ضربت بكل قوتي على الباب رجلي ثگلت
ودموعي على خدي تتسابق دخل بسرعة لزمني
صرخت : علي الآكبر اسلاح شوف شوف
رفع التلفون هو شاف الفديو والرمي اشتغل على بيت من جديد .
علي الاكبر : اخواني برررررا اخوووووواني .

فتح الباب على وسعه استند على حايط من شاف اخوانه
كلهم بالأرض والعالم كلها ملمومين وبيهم يتراكضون
علي الآكبر: ولكمممممممم لااااااااا اخوووووووووتي
ولكمممممم اخووووتي حسن سراج الدين لك جوووووووود .

لطمت على وجهي واني املش بشعري
بس صدت عيوني وشفت سيف الدين نام وغرگان بدمه
رفع حسن روحه راسه يصب دم صاح
_ علي الآكبر جود وسيف الدين اركض بيهم اشتري أخوتك ولك .

جود نص جسمة بالشارع والنص الثاني على رصيف
والدم ما نعرف منين يوگع ركض علي الآكبر رفعه
وحضنه بكل قوته : جود يا حزام ظهري انكسر ظهري
ولك گوم شد حياك بحيلي خووووووووية افتح عينك وساعدني .

طلع عمي من جوة يدگ على راسه ولده خمستهم
بالشارع ودمهم بطولهم عمتي وشهد بالشارع طلعن
يصيحن ويملخن بروحهن فتحوا المنطقة سياراتهم
وشالوهم كلهم المصيبة حتى شباب من منطقتهم
مصابين شر اهلي عم على ناس كلها .

حركوا السيارات من الخوف والرعب حالي ماينوصف
وين اروح وانطي وجهي منهم يا فشلتي بينهم
يمه صخام بوجهي يمه ركضت فوك جسميّ سعفه
وكلبي يريد يطلع من مكانه قفلت غرفتي ومثل المخبلة
الطم واملش بروحي بسببي اني ورطتهم دخيلك ربي
بقيت بغرفتي تشنجات من البجي والخوف الصار بكل جسمي
مردت اصابعي مرد وبس اسمع صراخهم والبچي
شهد انتهت شهد من الطم وتصيح بعلو صوتها
_ لا ربي دخيلك ربي اخواني كلهم يروحون
مني اموت روحي وياهم والله ياااااا يممممههههه اخواني يمه .

دگيت ولطمت واليوم بطولة خلص وماكو خبر عنهم
كعدت مقابيل الباب على ارض الوب وتلفوني بيدي
شلون بعد اخلي عيوني بعين علي الآكبر وهو انفجع
هل فجعه على اخوانه شنو ردت فعله
الله يساعد كلبك يا علي الله يساعدك .

ليل كله واني اسمع الصراخ وللصبح كل شوية
والصريخ يجلجل البيت بكبره وايدي على كلبي
لا تطلع مكالمة تنطيهم علم بموت واحد منهم
نزلت بعد ما تحملت وشيصير خلي يصير حقهم
لو شنو يحجون حقهم ، دخلت على غرفة عمتي رايحة
وياهم بس شهد اريام حاضنتها وجهه مصبوغ احمر دم
ومن لطمها صايرة كدمات زرگ : ولكم صاحبي جود صاحبي
بخطر يگلولي صاحبچ بخطررررر لو اني بمكااااانك جوووود .

اريام : سودة علية ولچ شهد راح تموتين ادعيلهم فدوة ادعيلهم .

ميثاق : شوفوا انوب بعدها موجودة الصلفة ولدنا بحلگ الموت
من وراها هي واهلهااااااا ولكمممممم سراج راح يعوف جهالي .

باوعت شهد بعيوني وهزت راسها تحود بروحها
_ اهلچ هجموا بيوتنا دُر اهلچ دمرونا .

اريام : كافي  بنات مايفيد الحجي بعد علي الآكبر
ورط نفسه وورّط أخوانه وياه لازم يعيد تفكيره بعد الصار .

مشيت للكراج اسمع بميثاق تجاوبها
_ اكل ضربة على راسه بعد الصار بس يرجع
يرجعها لأهلها اخوانه عزاز على گلبه .

خليت ايدي على كلبي شلون اذا صدك
حذرته اني والله حذرته مني ومن اهلي
اذا اشوف بعيون علي الآكبر لوم وعتب
شسوي بروحي اخسرر روحي بعد انتهي
ضاق صدري من شفت الدم والبيت مزرف تزرف
رجعت دخلت من سمعت عمامهم بالباب اريد اصعد
وريمان صاحت بعلو صوتها
_ مكانج تعالي جهزين الجاي العالم بالاستقبال تريده .

دخلت للمطبخ ما اعرف اسوي جاي من شافتني
دفعتني بكل قوتها على حايط : مابيج خير الغبرة تعرفين
بس تتعاركين بنت العصابات .

صبرت نفسي على ابو حقها وما تنلام ابو بيتها بعيونها
شافته يصب دم ، اسمع بصوت الزلم واني اجهز بالاستكانات
_ والله بيت ابو حسن بمصيبة عظيمة لا صايرة ولا دايرة
ولده الخمسة بخطر وهذا علي الآكبر انتهى حالته تبچي
العدو يركض من غرفة الطوارئ للإنعاش للعمليات
ابو وگع امه متخربطه هاي كارثة والله كارثة .

_ منو يمهم .
_ ولد عمهم هسة موجودين .
_ اي خطية يساعدونهم .
_ علي الآكبر بصدمة يسولفون هو شاف اخوانه
وهو شايلهم للمستشفى الله يساعده .

واني اشتغل احارب ادموعي ما اريدهن ينزلن واحد يشوفهن
قوية علي الآكبر علمني اصير قوية مثله هو مو قوي انه مثله
بقيت على جاي على مساعدة بالمطبخ لليل فرغت بس عمهم
جبير بالعمر باقي ولد عمهم اثنين بالكراج ما يعوفون البيت فارغ
صعدت فوك من التعب طلعت قهر اليوم كله بجيت الحد ما نمت
كعدت الصبح على صوت صراخ عمتي هز البيت هز
وگعت من السرير بس اريد رجلي تشيلني وصلت للدرج
نزلت اركض كعدت على بايات الدرج من شفتها بالگاع
وشهد حاضنتها وهي منتهية ايدها كلها ابر مغذي
البنات يشربنها بالماي ملابسها كلها دم تلطم على راسها
وصديقاتها واقاربهم النسوان يلزمن بيها
_ هذا دم ولدي ضيمي ماصاير ولا مار على احد
منين اجتني يااااااا ولچن منين اجتني هل مصيبة .

يصبرن بيها بس هي فاقدة تحجي ويه روحها
فوتتها شهد بالتواسيل سبحتها وطلعتها واني بمكاني اناشغ
وايدي على شفايفي الله لا يوفقني شسويت بيهم اني واهلي
شفتهم عائلة بسيطة كافين خيرهم وشرهم ليش دخلت عليهم ليش
بتول من شافتني صاحت بيه انزل بقيت افتر بالمطبخ ما اطلع منه
اشكال الحجي سمّعت والاهانه واني اكتم بيهن بكلبي يذبحن عفتهن
راسي ما اكدر ارفعه من فشلتي من اهلي ومصايبهم .

وعمامهم جاي داخل جاي طالع انجبرت اتعلم اسوي الجاي
لان ما اكدر اصيح عليهن كل شوية ، اجت ميثاق شمرت
شال على وجهي وصاحت : البسي مو فاتحة شعرج وتفترين علينة
صايرة سينما للشباب هاي بيت اهلج العصابات هنا ما تصرف .

اخذته منه ولفيت شعري بي وكملت شغلي والبيت كل نص ساعة
لازم اكنس بي ويرجع يتوصخ ويمكن الخلل مني ما اكنس زين
لحظات تجيني انفجر واضعف اذب المكنسة من ايدي واكعد ابجي
لو يجي بالي اعوف كلشي واخلصهم مني واروح اطلع منهم
بس من اتذكر علي الآكبر اصبر روحي اريده آشوفه أطمئن عليه
الثالث يوم وبعدهم على نفس الحال بس سمعت ماكو احد بيهم ميت
صعدت صليت صلاة شكر واني اشهك هلكت خليت راسي بصف
التربة ونمت بلا اكل وشرب دوخة ملازمتني ما عافتني حتى من نمت
باليوم الرابع نزلت من وكت اتصخر الهم بدون كلام بس اشتغل
واريام تفتر بالبيت هي وميثاق بعيونهن شماتة .

للعصر صاح واحد من عمامهم شيخ على عمتي
شافتني بس عبرتني وكأني ما موجودة وراحت
تحجي وياه بقيت اغسل بالمواعين واستمع للكلام
_ ام حسن انتِ إنسانة مؤمنة وهذا امتحان حقهم يرجع
ما نسكت والله بس هسة نريد ام حسن مثل ما نعرفها
قوية حتى ولدها يقون وياها احنا دوم نعرف ام حسن
ما تنكسر وراسها دوم عالي .
_ راسي عالي بولدي وهسة ولدي حال الضيم حالهم .
_ ياخذون حگهم خوية تفرج والله تفرج
هسة اريد منچ تشدين حيلچ ابو حسن راجع يرتاح لا تستقبلونهم
بالدك والطم الرجال كبر عشر سنين ، وهذا ابنج منتهي لا يحجي
لا يسولف بس يركض على اخوانه من غرفة للغرفة الثانية
محمل روحه الذنب بالصار وياهم .

هزت راسها وفاتت اسمعها توصي بالبنات
ومن بين كلامهن سمعت اسمي
_ اذا محمل روحه الذنب معناها يعرف من ساس الذنب
واستوعب دخل وحدة بحياتنا لا من ثوبنا ولا تناسبنا .

_ بلا مشاكل هو من يرجع يتصرف وياها ويشوف حل .

عفت كلشي من ايدي وصعدت شافني وعرفني سمعتهن
بس مهتمات عبالك ضامنات علي الآكبر بس يرجع يعوفني
صعدت للغرفة شفت تلفوني خمس مكالمات مو ريان
رجعت اتصلت بس سد الخط ورجع خابرني .
_ الو دُر تسمعيني
جاوبته بصوت باهت تعبان الدنيا هلكته هلك
_ اي اسمعك شلونك .
_ انتِ شلونچ سمعت بالصار وياكم عرفتهم هذولي
شياطين مايتحركون اثنين بيناتهم حب يعيشون مرتاحين .
_ شنو الحل فهمني ضعت خايفة من كلشي عائلة كلها
تبهذلت والسبب اهلي وعلى اي دقيقة يسمعون خبر يفجعهم .
_ سمعتي منهم حجي ؟
_ حقهم .
_ خلي ابالج هذولي الشياطين راح يستمرون بمصايبهم
الى ان يكرهچ علي الآكبر واهله ويطردوچ .

سمعت كلامة وشهگت سديت شفايفي وبجيت محروگ كلبي
تخيلت بيوم من ألأيام اخسر اهتمام علي الآكبر
وافقد اهتمامه بيه والامان الي احس بي بمجرد ما اشوفه
_ شسوي فهمني شلون اخلص منهم الله يخليك ريان
اني ما اريد علي الآكبر يكرهني ؟

_ بس راح يفقد ويتأذى هواي اذا تستمرون سوية
احتمال انتِ تتعبين ويمكن هو يمل ويقرر ينهي كلشي .
_ لااا ما اريد يخسر ابد ما احب يفقد شخص عزيز علية
ريان مايستاهلون كلهم عائلة بيهم كلشي نفتقده حب
حنان واهتمام ألفه ومودة كلشي تتخيله حلو بيهم .

جر حسرة ونفس من الجگارة وهو يجاوبني
_ الله لا يوفقهم يكرهون مشاعر الحب
لا نحصلها منهم ولا يقبلون نعيشها بعيد منهم .

_ خايفة عليهم ارتعب من اتخيل يخسرون ويتفككون واني السبب.
_ اكو حل بس المشكلة زوجج ما اعرف شنو ردت فعله ؟
_ شنو احجيلي ساعدني الله يخليك .
_ تجين يمي ويبلغهم انتِ شردتي خليهم يدوخون
ويحيرون يدورون عليچ شوية ينشغلون من اهل علي الآكبر .
_ وين تاخذني ما ارجع للبيت انور يموتني هو ويسار .
_ عندي بالشقة شقتي ماكو احد يعرف عنوانها .
_ وعلي الآكبر .
_ عليچ والباقي علية .
_ اخاف اطلع بدون علمه ويكرهني .
_ لا ممنوع تطلعين بدون علمه تفاهموا من يرجع .
_ احاول .
_ اني رايح اذا تحتاجين شي خابريني .
سد الخط قبل لا يسمع الجواب بقيت صافنة لدقايق ضايعة .

سمعت صوت شمس وشوق جوة تصيح
_ يابه وين اخواني البيت فارغ بدونهم ماكو احد يستقبلني .