رواية الـرياش نَهج مُغاير الفصل الثامن والثلاثون 38 - بقلم اسـاور حسين 🦢✨

_ حرت حيرتيني شلون تريدين اتصرف وياچ
اصير زين واحاول اقترب منچ تنفرين وتكرهيني بروحي
ابتعد وأعاملچ هيج معاملة اني ما أرضاها بس مجبور عليها
ترجعين ماتقبلين وتستلميني جرحتني وتعبتني شسووووي دُر شسوي
خليتيني انسان عاجزززززززز ؟

سدّت أذنها ماتريد تسمع مني لزمت ايدها وصحت
_ جاوبيني مو احجي وياچ شنو تريدين شنو براسچ ؟
_ طلگني .
_ هوه هذا الحل ، مو اگلچ نعال بررررررراسچ .
_ اي مو عاجز تتصرف طلگني لا دوخ روحك بعد بيَّ .
_ طلاك ماكو تبقين على ذمتي للموت عود من اموت روحي تزوجي غيري .
_ يعني اذا طلبت طلاك اريد زواج ؟
_ حتى .
_ اي كمل .
_ دُر كافي بووووية دخيل الله كافي .

ضربتني بوكس على گلبي وكتفي وگفت السيارة ونزلت عليهه
اول ما فتحت الباب ضربتني بخبال وبحقد تصيح
دُر : بعد هاي بووووية ممنوع تحجيهاااا كرهتهااااا .
لزمت ايدها امنعها تضربني صارت تضرب بروحها وتصرخ
سديت الباب ورجعت صعدت كل كلمة والثانية تضربني آقوى من قبل
_ يمشي ويصيح بووووووية يووووزع حنية علي الآكبر .

عفتها تفرغ عصبيتها وبين فترة والثانية من تقسي بالضرب
الزمها وترجع ، وصلنا الگراج المستشفى نزلت قبلي
نزلت وبيدي كلينكس امسح بالدم تزلغت ايدي تزلع بنت الكلب
مسيت وياها بدون ما احجي لان اذا احجي هسة اخليها تبچي دم
خليني ساكت ومتحمل تصرفاتها ولا اشوفها منهارة مو وقتها .

صعدنا فوك المكان ريــان شفت امها گاعدة تحجي هيَّ وريان
راحت يمهم بقيت بصف جــود لزم ايدي شافها ورفع وجهي
جــود : شني متعارك ؟
_ لا .
_ شبيك ارفع راسك اشوفك خلي عينك بعيني حاجيني .
_ ماكو شي .
_ تعاركت انت ودُر ؟
_ اممممم .
_ صايرة شرسة المثقفة .
_ اكل نعال .
_ ابوية گادر بس على .....؟

عدلت حاجبي وشعري من اجه ريــان يمي
_ انــور حالته مو زينة شسوي ؟
علي الآكبر: والله ما ادري شسوي تريدون اجهز مميات حليب .
ريــان : شبيك يا ستار ؟
علي الآكبر: مابيَّ شي كالورد امكم اني صاير امكم .
ريــان : يجبرني اكفخه .
جــود : مايحتاج اختك لازمته دگ غسل ولبس .
ريــان : دُر ؟
جــود : عندك غير دُر اخت ؟ اذا عندك بشاربك اني محجوزة .

لزمته من ايده لزم راسه سحب ريــان ايده ضربته بغمه
_ من كون غمه تغمك غم يا اغم شوكت تبطل علوم ابو لعلوم .
گعد على كرسي يدردم ويسب بينا يريد يروح وريان لازمه .

وفاء: شنو هل مهزلة جعوووويط عدنا .
علي الآكبر: دُر اذا تگول بعد جعويط اضربها .
ريــان : آني متوهم لو هذا صدك ابو يسار .
راحت وفاء تركض على ابو يسار واحنا صافنين
عبرها واجه قريب من عدنا مد ايده ولا واحد تجاهلنا
ابو يسار : اجيت انصحك ريــان سلم املاك ابوك تنازل عنهن
ورجع حُــرة ابوها يريدها وطلك دُر من علي الآكبر
وارجع انت وريان الـ أصلكم اهلكم بيت الرياش حتى يزول عقابكم .
علي الآكبر: اخلي جــود يجاوبك بزيج معدل ابن معدل لو تطلع بكرامتك ؟

ضحك ولزم ايدي الخايس ويتفحص بظهري
ابو يسار : انت هم جنت تتلقح مثل باقي الأطفال من شنو مصنوع ؟
علي الآكبر: دمشي اطلع لا أسويك مضحكة بالمستشفى .
دفعت ايده من ظهري وبطرف ايده اريد يبتعد وگع على كرسي
عدلت ملابسي ونفضت روحي بقرف منه حيوان ابن حيوان .

وفاء : شكد ماعندك اسلوب ايععععع بنتي شلون قبلت بيك ؟
ريــان : صووووووت .

وفاء : لچ دُر لچ يا غبية شلون غسل عقلچ هل همجي .
دُر : عيب شنو هل كلام ترا بعده زوجي وما اقبل هيج تحجين .
علي الآكبر: الخاطر ريــان والخاطرهاااا ساكت منچ وحگ علي .

سحبني جــود من ايدي حتى ما اجفص ودُر دخلت غرفة ابوها
دقايق وطلع على غرفة حُــرة بقت يمها بالربع ساعة وطلعت
على صوت ريــان يحجي بالتلفون ويصيح
_ رنيمممممممم جاي اطيح حظچ وحظ اهلچ .

يريد يطلع لزمته من ايده عافنا وراح ، ركضت وراه صعدت بالسيارة
وامنت دُر عند جــود ، توني شغلت السيارة وما اشوف
غير دُر صعدت وبكل ثقة تحجي
_ وين رايحين اجي وياكم تعبت واني انتظر واقلق واخاف .
_ راح الرنيم .
_ تحرك فدوة لا يصير شي .
اضطريت امشي بوجودها وصلنا للبيت نزل وبيده مسدس
ركضت دُر بكل سرعتها وتنزع بالحذاء حتى لا توگع
بعدها بداية الباب الداخلي وشهگت بخوف دفعت الباب وصاحت
دُر : ريــان القران عليك لا تضربها فدوة لا تضرب .

التفتت تضرب على وجهه وصدرها وتكمز بخوف نزلت الدرج
الصغير وتسحب بيَّ من ايدي صعدتني وتدفع بيَّ
_ اوكفي دُر مايصير افوووت لچ عيب .
صار ريــان مقابيلي رافع السلاح بوجهه رنيم وحالته تبچي العدو
ريــان : ضيعت عمري انتظر ترجعين احلى ايام شبابي راحت
واني ادور عليچ تجازيني بخيانة لوووو ميته وبقيتي بنفس
البنية الي حبيتها وانتظرتهاااااااا ولا راجعه وغادرتني .
رنيم: اضرب والله اني اگلك اضرب تعبت لهنا وتخلص طاقتي
مليت كلكم رافعين سلاحكم برررررراسي وبررررراس امي
مايت من التهديد وكل يوم اموت الف موووووته من اضطر
احجي عليك واسلم اخبارك بيدهممم موتني القران عليك موووتني .

رفعت ايدي بوجهه اريد ينتبه بس يركز
علي الآكبر: ريــان هاي غايتهم تكشفهااا وتموتها وتروح اعدام
نزل السلاح من ايدك هذا شيطان غدار نزله وحلها بالتفاهم .
ريــان : وايام عمري وسنيني الراحت هيج رخيصة عندچ ؟
علي الآكبر: هنااااا شوفني بس شوفني لك ريــان انت تعرف اهلك
شگد صعبين افتهم منهااا شبيك فار دمك مو صار اشهر كاشفها وساكت .
ريــان : سممممممممممممعت صوتهااااااااااااا .

ركضت دُر لزمت ونيم خلتها ورا ظهرها حسيت قبق راسي انشل
رجف جسمي لا ارادياً بس شفت المسدس بوجهه صار باد حيلي
دُر : لا تضيع الباقي من حياتك فدوة ريــان الله يخليك .
ريــان : اخذهااااا من وجهي علي الآكبر .
علي الآكبر: نزل السلاح من وجهه نزل السلاح .
اقتربت منه ثبته اكثر وهددني بخطوة بعد يضرب .

علي الآكبر: لا تتهور دخيل ربك .
رنيم : حقك وحقي يهددوني بـ امي اني منك ومن اهلك خسرت احلى
حياة جنت بنية من عائلة صغيرة ام واب واخوان صغار ابوية
يتعب بالشغل ويرجع تالي اليل بيده اكلنا وشربنا وافرح بأبسط
كيكة يشتريها جنت اروح الدوامي والعباية على راسي اروح وارجع
راسي ما ارفعه بس رافعة راس ابوية بيَّ جنت مدللة رغم فقر حالنا
بس عايشة بوسط عائلة طيبة مسالمة محبة .

ضربت على وجهه وتملخ بنفسها نزلت راسي ودرت وجهي منها
بس استمع كلامها والصار وياها بالتفصيل
رنيم : ودخلت انت حياتي ومن اول يوم خفت منك لان جنت
بكلشي مغاير ، عائلتك تختلف عن عائلتي ، نمط حياتكم غير حياتنا
انت من أسرة رغم يسر حالتهم بس مفتقر الـ كُلشي امتلكته اني من اهلي
اجيت مكسور مهدوم تعبان محتاج الكلمة الطيبة واني ما قصرت وياك
جنت بطريق السوء تمشي شرب ونسوان ووووووو
واني رجعتك بيدي رجعت تصلي وتصوم وتقرا كتاب الله وحبيتك .

صارت مقابيله واني رحت على دُر خليتها ورايَّ
لان الظاهر ريــان ما ناوي ينزل السلاح شگد ما يسمع
رنيم : أعلنت حبنا مقابيل اهلك ومن ذاك اليوم سلبتني انت واهلك
كلشي حلو بحياتي ، انخطفت وتعذبت وسلبوني اعز ما املك شرفي
واني بنية طاهرة محافظة مسلمة اني بعمري ما انكشفت على شخص
يجون اهلك يسلبووووني شرفي ويرجعوني لأبوية متلوثة بـ قذاراتهم
وكل هذا ما يوصل ذرة من اول وجع وأعظمها خسارة عشتها بسببك
وبسبب اهلك والي من يومها كرهتك انت واهلك ابوية مات ابوية بسببك
وبسبب اهلك خسرت ابوية انجلط بيدي من شاف حالي .

علي الآكبر: ريــان اخر مرة احذرك بيها نزل هل شيطان من ايدك
يا اخي ما تسمعععععع اسمعععع شصاير بيهااااا لك لا تصير حيوان .
رنيم : اذا هوه رجال وطالع من ظهر رجال يسويها ويموتني
لان من انتقامي ما افك منهمممممم وراح استمر وانتقم واموتهم
خلي يسويهاااا وقبل لا انهي يكمل وينهيني مثل اهله .

سدت دُر سفايفها وتصرخ عليها
دُر : رنيم ولااا حرف لا يسويهاااا كافي حبابة اسكتي .
رنيم : تريد اكمل لو اكتفيت احسك تريد تكمل معاناتي وشنو الصار
وصلني لهناااااا ، بعدني بكسرة ابوية ودخلوا علينا الفجر اربعة
ملخوني اني وامي لان امي خابرتك حتى ما حصلتك جنت ماكو
وسمعت بالسجن ، اخذوني من بين ايدها ومقابيل اخواني
سحل بلا رحمة زوجوني لواحد لا فهم لا علم يعامل المرأة معاملة
الحيوانات ضرب وسب وشتم وجوع وفوك كل هذا لازم اصير جارية
واقدم روحي اله مثل الحيوووانة وابوس ايده ورجله صبح وليل
والله شنوووووو أطيعه .

راحت على سلاح لزمته خلته على گلبها خلت عيونها بعيون ريــان
وهوه منهار تماماً منتهي وكمّلت علية من صدمته
رنيم : من تزوجت حُــرة بفترة طلعوا شيوخ من اهل
مصطفى يريدون حُــرة فصلية بس اهل مصطفى ما قابلين بس شيوخهم
شارطين على ابوها وهنا قبل لا تسافر من
جنتوا تحت الضغط أنت واخوانك امك اجت تسمع امك الي انت تحبها
اجت هيَّ وياسين وابو يسار اشتروني من هذا الهمج .

همست دُر قريب من اذني
_ الله يخليك سوي شي كلبي راح يوگف .
_ مشاكلكم شوكت تخلص من انعل اهلچ هسة احد يلومني .

رنيم : ومن شاف الفلوس باعني واخذوني اطلگت منه ورجعوني
كل ظني ارجع اشوف امي لان راح اموت واشوفها حتى لو دقيقة
بس خابت آمالي شمروني بغرفة تعذيب وتعنيف يجندوني
حتى ارجع واول شرط يكون تنفصل عن بنت عمك لان ياسين
متوقع من تشوفني راح تعوف حرة لان أنت ماتحبها
بهل وقت جنت مسافر وتقصدوا تسافر حتى تكون فترة مناسبة
يخلوني ارضخ ألهم واستسلم .

رنيم : بس انت صدمتهم من فريت الأوراق عليهم ودخلوا سجن
ما متوقعين وهنا زاد الضغط عليَّ وجان لازم اوافق لان تعبت
هلكت من التعذيب هلكت والتهديدات غسلت عقلي خفت اخسر امي
ماعندي غيرها والله من يخابروها فديو حتى تسكت من يرجعوني
وتخاف واشوف حالتها شيصير بيها تتخبل امي تتخبل حتى شيلتها
نزعتها تتوسل بيهم يعوفوني وهيَّ تقنعني جنت اموت الف موته
وبالدقيقة احقد عليك حقد ما صايررررررررر اعترف كارهتك
وكارهه آهلك وهذا حقي .

سحب اقسام وگعت دمعته بضعف وهوه مثبت عيونه بعيونها
رنيم : والمصيبة تعرف شنوووووووو من رفضت تنفصل عن
الست حرة انت طلعت ودخلوا موتوني تعرف شنووو موتوني
يريدون يقتربون مني كرهت روحي وحجابي خلوني اموووووت
علمووودك انت وحرة لك لا انت ولا حرة تهموووني
طزززززز بيكم كلكم لك انت دمرتني واني ادمرك والقران ادمرك .

ضربته على صدره ظل ثابت وكملت وهيَّ منهارة
رنيم : جبروني اخليك ترجع واوافق ورجعت وتزوجتك
وهنت روحي بيوم خليتك تصير زوجي بس تدري
جنت ادري بيك كاشفني وجنت أتقصد اتصرف تصرفات
اخليك تشك بيَّ حتى تاخذ حذرك في سبيل من اخابرهم ابلغهم
بوجودك بالبيت حتى يكفون ايدهم ولسانهم مني .

گعدت على ارض جوة رجله باستها وصاحت
_ مووووتني حتى يعرفون متت يخلون امي تعيش وتربي اخواني
يريدون حُــرة وانت ماتعوفهاااا تعبتوني والقران تعبتوني
اخابر ابوها احلف اله انت تحبها ما تعوف حُــرة على موتك
دمرني مايقتنع لك ما يقتنعععععععععع شسوي انا بهل حال
اضطريت بس اشوفكم ماكو اخابره ويجي ياخذها
وفشل لان فاشل ما گدر على شباب بعمر أولاده كلكم الصراحة فاشلين
عصابات انتوا مافيا انت واهلك بدون رحمة والي اقل منكم ما ترحموا .

لزمت بطنها متأذية تعصر بروحها وجهه صار دم من
الوجع مبين ، رفعها من ايدها لزمت المسدس اكثر وخلته على بطنها
_ موتني بس قبلها لازم تعرف اني حامل منك ودخلت بشهري الثاني .

لطمت دُر على وجهه وصرخت بعلو صوتها حتى ينزل السلاح
وبعده رافض ، صرت اتقدم احجي اني ورنيم استدارت تجاوبني
واني احجي هجمت على سلاح فريت ايده وسحبته ، رجع حاول
ياخذه درت روحي وفككته سحبت الشاجور ورجعته بيده
_ اخذه هسة اخذه وتهور براحتك .

لزمت ايد دُر وطلعتها وهيَّ تعاند تجر بيدها مني
تريد ترجع وتخاف تعوفهم وحدهم رجعتها بالسيارة
وصحت بيها حتى تسمعني وروحها صارت بريان
دُر : ليش اخذتني اخاف يضيع روحه .
_ خليهم يحلون مشاكلهم عيب ندخل بيناتهم وجودنا غلط بغلط .
_ بالعكس نمنعهم هذا عصبي ومن يصير عصبي يتبخر بروده .
_ عنده عقل ويفكر وريان صاخبي واعرفه دام رنيم حامل
من سابع المستحيلات يأذي شعرة من راسها .
_ والتالي شنو يطلك لو شراح يسوي غير نفتهم ؟
_ هسة يگعد وياها ويقررون حيري بروحچ .
_ انت حير بيها .
_ بمنو ؟
_ بروحي .

رفعت حاجبي وابتسمت بلا سيطرة على روحي
_ شنو ؟
_ ماكو شي .
_ انتِ تخبلتي معقولة .
_ اهوووووو .
_ هاي على منووووو اهوووو ؟
_ عادي لا تهتم ولا تكبر الموضوع اسفة .
_ انا اهتم وكل مواضيعچ اكبرها لا تعتذرين انا اعتذر .

دُر : انت ليش تغيرت .
_ تعبت .
_ مني ؟
_ عليچ تعبت لان انتِ تعبانة مني .
_ اني ماتعبت منك .
_ تخافين مني ؟
_ ما اخاف بس ما اثق وبنفس الوقت اعرف انت تحبني .
_ تدرين يعني .
_ اي أدري تفديني بروحك .
_ لان انتِ روحي .

صفنت دقايق ورجعت تسألني احسها طفلة
_ هم تحس مرات بعد مانگدر نرجع سوية رجعتنا صارت صعبة .
_ لو اشوف منچ مبادرة حتى لو صغيرة تريديني اعاند الكون
واحارب حتى تصيرين يمي واضمچ بروحي بكلبي تعيشين .
_ ليش ؟
_ تستاهلين .
_ وبعد .
_ إنّا احبچ .
_ شگد ؟
_ لدرجة متحمل هل تعب وهل ناس الظالمة كلهم حتى اشوفچ .

شغلت جگارة وحاولت افهمها لان حسيت بيها تريد تسمع تفتهم
علي الآكبر: الخاطرچ كلشي اسوي .
دُر : اني ادري انت متحمل مشاكل اهلي وتهديداتهم الخاطري .
_ لو ما انتِ بعيوني نارهم تاكل حطبهم .
_ انت تگدر تبتعد وتعيش حياتك تتزوج وتشتغل
عفت شغلك وحياتك بسببنا ارجع لأهلك خطية وشوف حياتك .
_ خربتيها .
_ هذا الصحيح والله ليش مخلي نفسك بنص الموت واخوانك
على اي دقيقة يروحون بيها بالرجلين روح ارجعوا مثل قبل
شغلكم وحياتكم واهلكم وخليهم يتصافون بعيد منكم
ما مجبور تتعب وتخلي حياتكم بخطر .
_ عاجبني الوضع .

ذبيت الجگارة وافتريت بالفرع
_ تريدين تروحين الحرة مو ؟
_ منو فلك ؟
_ بنت عم ابوية .
_ تريد تتزوجها .
_ ليش تسألين ؟
_ شفتك مهتم بيها وتضحك مثل ماجنت تضحك ويايَّ .
_ فلك امانة .
_ هههههههه .
_ تضحكين .
_ شوكت نوصل صرت ما اطيق اطول بمكان وياك .

شخطت السيارة استداريت لزمتها راسها بـ اثنين اديناتي
_ هذا شخطططططططط بعدددددد شخططططططط .
_ عووووووفني لاااا تلزمني شگد مكرررررره .
_ لا تصيرين غبية دُر بطلي غباء بطلي .
_ راح اتصرف مثل تصرفاتك بس انتظر .
_ يا تصرفات لج بوية انتِ عاقلة ؟
_ صحت الفلك بوووووووووية .

تعال ولا تخليها تشوف ضحكتك اتذكرت موقف مو حلو حتى ما اضحك
_ شنو؟
_ من حجت وياك انت جاوبتها بوية فلك .
  _ شكو بيها مايصير؟
_ يعني عادي عندك اگول حبيبي لشخص غيرك .
_ أموته ، اجرم بي .
_ لا والله صدك .
_ لچ بوية فرق بين حبيبي ، وبوية .
_ واني عندي كلمة بوية تساوي كل انوع الكلمات 
من جاوبتها بوية دُر اني سمعتها حبيبتي وگلبي وعمري وحياتي .
_ شگد خاين .
_ تتمسخر حضرتك .
_ أتمسخر هههههههه وين جــود يسمعچ .

هزت ايدها ودارت وجهه
_ يغير الموضوع الخاين .
_ انا خاين .
_ وحگ حب علي الفاطمة من يوم شفت دُر وسمعت رنت
كعب حذائها ما حبيت ولا عجبتني ولا رغبت غيرها .
لمعت عيونها سحبت راسها وطبعت بوسة طويلة جريت بيها اناسي
واخذت جرعة قوة تقويني اتحمل الي صاير والي راح يصير .