رواية الـرياش نَهج مُغاير الفصل الثاني والثلاثون 32 - بقلم اسـاور حسين 🦢✨

غير اسكت فتحت الباب وريان بعده ينزل مديت راسي
من المحجر وبصوت عالي حتى يسمعها صحت
_ انت ابن الكلب يا حقيررررر .
ريــان : اسكتي .
رفعت أكتافي بمعنى لا ورجعت احجي
_ نافخ روحه خليني ارزل بي عباله اني فقيرررررة .
ريــان : حُــرة .
_ ها شبيك .
_ مو احجي وياچ .
_ ما اسمع .
_ اجي براشدي اخليچ مو بس تسمعين تعرفين شنو يصير بالمستقبل .

رفعت روحي اتمرجح بالمحجر
_ ههههههههههههه مو راشدي هذا .
_ تضحك بنت الحيوان .
_ بس لا عبالك اخاف .
رنيم : لا عمي وينچ وين الخوف .
حجتها وصعدت بصف ريــان كرهتها هيَّ وياه
حُــرة : إنزل اشگچ واشگ زوجج ؟

الدرج صار بايتين طفر وصار بصفي اريد اندل دربي
ما اگدر انضربت بالحايط لزمت خشمي وگفت شالني
شيول من ملابسي وصاح بوجهي
_ تشگين منووووو ولچ .
_ ريــان هاي هـ .
_ احجي تشگين منووووو ؟
درت وجهي رنيم تتشمت مكتفه ايدها وتضحك
اشرت عليهه ورفعت راسي هيج خليت عيني بعيونه
_ هاي اشگهاااا والله .
_ انتِ وتالي وياااااااااچ .
انــور : رنيم شبيچ تضحكين شووووو طررررريق .

صار قريب من عدنا لزم انــور ايد ريــان الثانية وبحركة
سريعة خلاها على خصري ودفعه حيل عليَّ وصاح
_ احضنها وتهفت نارك لا تخليها بنفسك احضنها .
من الدفعة ردت اوگع اضطر ريــان يسحبني ويحضني ما مستوعب الصار
ريــان : انوررررر .

عافني وصار بعيد وراح على انــور باوعت على رنيم
من حقدها عيونها صبغت لونها احمررررر دم وراحت ضحكتها
انــور : احنا رجال نفتهم على بعض هو الرجال ليش يصير
عصبي على مرته يريدها ومن ياخذها يصير حباب .
ريــان : خليني محترمك لا ارفع ايدي عليك .
انــور : بوسها حلالك .

ركضت للغرفة قفلت الباب وخدودي احسها صارت نار
والحرارة حتى من اذني تطلع شفت دُر لازمة التلفون
رحت يمها شفتها تقرا برسائل علي الآكبر سديته واخذته
منها خليته على ميز بصفها وحضنتها
_ يريد يعوفني .
_ تدرين دُر اكو شي بداخلي يگول اذا تصير احسن الكم انتوا الاثنين .

_ لاااا شوفي يمكن اني ما احب علي الآكبر مثل ماهو يحبني
بس احب من اطلبه ما يرفض طلبي
احب من اشكي همي يساعدنا بدون ما يخجلني ويحجي بي
احب شعور الأمان بين ايده ، احب من يحميني منهم كلهم
اهتمامه ومعاملته وكلمة روحه لعلي الآكبر، بنيتي بوية
ما اريد ولا اكدر افكر راح تجي لحظة ويحرمني منهن .
_ هذا تعلق مو حب الحب شي مختلف دُر وعلي الآكبر ذكي
عرف انتِ ماتحبي بس متعلقة ومتعودة على وجودة .
_ يعني شلون الحب والله هذا هم حب .
_ الحب اعمى الانسان من يحب حتى من يشوف اخطاء محبوبة
يجذب نفسه ويصدك كلام الطرف الثاني انتِ تعوفين الدنيا
كلها وتروحين على علي الآكبر هذا ابسط مثال بعدين بمرور
الوقت راح تعرفين كلامي صح من گلبچ شلون يدگ بالحب .

خليتها على رجلي امسح براسها ودموعها ماسكتت
تنهار تحجي تهذي وترجع تنام وجع مايروح منها
بقيت سهرانة وياها الثاني يوم وعلى اساس اسمه عيد عدنا
اكو هوسة اسمع جوة واصوات جهال تعجبت غسلت وجهي
ومديت راسي من الدرج اكو جعويط يااا هاي منين
طلع انــور على صوت وجهه يخوف من العصبية
_ شنووووووووو هذا الصوووووووت هاي انتِ .
حُــرة : گلت عندي جهال بس مو لهل درجة هاي جوة .
_ روضة فاتحين روضة ؟

نزل واني نزلت وراه اريد اشوف شنو الوضع
اول ماخلص الدرج انضرب طفل برجله شال
الطفل من ملابسه وركنه على صفحة وكمل طريقة
على صوت الهوسة والضحك بنص الصالة
بقيت امشي وراه بقيت بس من الضايعة اشوف
ام رنيم وياها بنات اثنين بعمر دُر تقريباً وبعمري بعدهن صغار
ونسوان كبار اربعة ، التفتت على صوت تحمحم
ريــان : طريق .
انــور : منو هذولي .
ريــان : اهل رنيم .
انــور : نعم ؟

دخل ريــان يرحب بيهم ويضحك وياهم
گعد على راس ميز الطعام وكلهن منتظرات
الميز مليان ملي اكل كُل ما حبت النفس وطابت
ام رنيم : عيدك مبارك يمه انــور .
هز راسه واستدار يريد يطلع سمع صوت وحده منهن تحجي ويايه
_ منو هل حلوة ؟
حُــرة : ماتعرفيني ؟
_ لا والله اخت ريان دُر انتِ مو ؟
انــور : انتِ شنو تصيرين من رنيم .
_ بنت خالتها .
انــور : هاي الحلوة ضرتها البنت خالتچ .

بقت وحدة تخزر بالثانية وريان بارد بارد عبالك ثلج
لا يسمع ولا يشوف ياكل بكُل برود ويشرب الجاي
انــور راح يريد يصعد واني هم ركضت نص الدرج
وسحلني من ايدي ورجع نزلني وهوه يحجي
_ ما يستحون بنص بيتنا ياكلون ويشربون ويضحكون
ما اعوفهن مرتاحات لا والله امشي تعالي أغثهم بيج .
_ لااا ايععععع .
_ ولا صوت تعالي .

رجع دخل عليهم سحب كرسي وضحك
_ تعالي هنا حرورتي هنا .
گعدت وهوه بصفي سحب كرسي رفع ريــان راسه شافنا
ورجع ياكل بنفس الهدوء بدون حرف يذكر
انــور : تريدين گيمر يا گيمر ؟
حُــرة: وياك عسل يعسل .
انــور : والجاي اكثر سُكر يا سُكر ؟
حُــرة : وصمون حار يحلو .

دفر رجلي وهو ينطيني يهمس
_ بنت الكلب حلو شنو .
_ شبيك على نفس الوزن انت وينك وين الحلو .

اكلت وهوه ياكل وعيونه تخوزر بـ ريــان حسيت حاقد عليه
انــور : اليوم تريدين نطلع نفرفر .
حُــرة : سفرني .
حجيتها بدلع واني اشرب الجاي وجوهن انتقمت
وريان يمسح براسه مايرضى الحقير عود مايهتم .

قرب روحه ويدوس على رجلي ردت اصرخ
انــور : وجع وين تسافرين انتِ وهل بجم .

حُــرة : هاي لو شهودة ، الوو شهودة تسمعيني تريدين تموتيني .
انــور : ولچ تتسمعين عليَّ ؟
حُــرة : بالصدفة وصلاة امي وابوية .

انــور : ادوس على راسچ هسة واخليهم يضحكون عليچ .
حُــرة : ترا اصعد .
انــور : ريــان اليوم اطلع مرتك تغير جو عادي .
ريان نهض من مكانه بدون مايجاوب وبيده كلينكس يمسح
بشفايفه وهو يمشي بسرعته سحبني من ايدي ودفعني بالاستقبال
قفل الباب رفعت ايدي وجسمي من الخوف ينفض
_ اني شكووو هذا اخوك والله انــور يعلمني .
_ على شنو تتعلمين تتموعين مقابيلي ؟
_ لالا مو هيج .
_ اسمع .
_ توبة بعد ما اعيدها .
_ شنو الفايدة فات الوكت .
_ شنو ؟

ثبتت عيوني بعيونه نظراته ذبلانة شغل جگارة
وسحبني من ايدي گعدني على كرسي وذب الدخان بوجهي
رجع شعري وراه اذني فزيت من حركته ورجعت نفسي على تخم
_ رياااااان ايدك .
_ حُــرة عيونچ بعيوني اشوف بالله .
_ ما ارفعها اريد طريق اريد اطلع .
_ تعرفين بنفسج غلطانة خجلانة حتى ترفعين عيونچ بعيوني .

رفعتها بس حجه هيج باوعت بـ استهزاء
_ اني ما اغلط خليها محفورة براسك .
_ يعني من تدلعين وتجرين بالكلام وتسوين إغراءات مو غلط .
دفعته من صدره وعبرت وكفت اريد اطلع بعدني بالباب
وسحبني دفعني قريب من الباب وسد الطريق بيده منا ومنا
توترت من المسافة القليلة الباقية بيناتنا خليت ايدي على صدره
حتى امنعه يقترب اكثر رفع حاجبة يباوع على ايدي وياشر براسه
_ شيليها مني رفعي ايدج حراير .
_ لااااا تگول حراير .
_ صوتچ .
_ عوفني اريد اطلع .
_ بمزاجي بعد تطلعين تبقين بكيفي .
_ مووو بكيفك بكيفك شنووو بمزاجك نعال على كيفك ومزاجك .

ضرب راسه بخفه براسي وابتعد
_ تجبرني اطلع عن القوانين .
_ قوانين ابوك .
_ حراير .
_ لا تگول حراير شبيك .
_ ليش .
_ مو حلو .
_ امممممممم .

رجلي بعد من الخجل ما احس بيهن ادفع بي ويرجع يقترب
_ هسة رنيم تزعل منك لأن دخلنا هنا عيب منهم شبيك
هسة يفهمون الموضوع من غير باب .
_ نفس باب الإغراءات مالتچ .
_ إغراءات يعني مقتنع بهل كلمة الجبيرة عليَّ ؟
_ فسري تصرفاتچ ؟
_ والله اضحك اني وانور والقران مو نيتي إغراء وهل سخافة .
_ سخافة ؟
_ ريــان لا تحجي هيج ويايَّ شبيك .

طگ رگبته واني رجعت احجي
_ شوف شلون رنيم طلع صوتها مرتك تنقهر خطية .
_ انتِ هم مرتي عادي .
هو حجه هيچ واني تخبلت ضربته براشدي على وجهه
بحيث هو من الصدمة حتى رد فعل ماينطي وبلا وعي
ومن القهر اضرب بي بكل قوتي ملخته تملخ قبضت ايدي
وعلى صدره ظهره وجهه ايده تخبلت ودموعي تجري .

_ والله اذا تعيدهااااا ريــان اعووووف البيت واطلع وروح مصطفى .
لزمني بيده مرد ايدي مرد ودفعني على تخم قبض وجهي صار
بين ايده ويصيح بجدية ونظراته تخوف كلبي صار يدگ براسي
_ عيوووونج بعيوني بنت الحيوووان .
_ راح اصررررخ كــــافي .
_ تريدين احترام الاتفاق بيناتنا تحترمين نفسچ
يمي ما تتمووووعين اني بشررر موووو جماااااد
تبطلي جرر بالكلمة وهاااي الحركات تبطليها
تكمززززز لا تگمزززززين وتحتررررمين من اني موجود
وحتى لووو ما موجود من تاكلين نعال وتحجين انتِ وهل حيوان
انــور حسابي وياااه بس اطلععععع ما خلص بحترام تحجي
صوتج هذا صوتج ناصي والضحكة المشبوووووووووة بطليها .

جريت روحي وهو مستمر يجي يمي واذا اروح بعيد يجرني
_ گول موووتي بعد تحكم بعدد التنفس باليوم .

_ هل لسان الطويل سيطري عليه ترا اعرررف شلون اقلعه .
اشرت على شباك اذكره بروحه من جر لسانه ودفعته
مني ركضت على باب وطلعت بسرعة رنيم صارت بوجهي
واني اعدل بروحي تخبلت وانور باب المطبخ ياكل تفاح ويضحك
صعدت ركض فوك اريد اطم روحي بعد حتى ما انزل من الموقف
الخايس هذا ريــان مايستحي لاااا والله ما يستحي ومتقصد .

دخلت للغرفة شفت دُر تحجي بالتلفون من دخلت اشرت اشششش
هزيت راسي واجيت يمها سمعت صوت شهد تحجي سريع
_ وراح جــود من عرف مكانه خابر على سراج وحسن ما ادري
ليش ابوية حس بالموضوع لزم الباب وجود قلق وصل مرحلة
أتأت بالكلام ، بعدين رجع على الآكبر ابوية من السيارة ودخله
على بيتكم امي رادت تحجي وياه ولا قبل بس بات عنده بالبيت
وسمعنا بنص اليل صوت صياح وابوية مرتين طلع عصبي نار
يغلط عليهم واحد واحد ويرجع يفوت يگول راح اموته
بعدين دخل للبيت وماطلع واني نمت من گعدت امي گالت ابوج
هو وعلي الاكبر من الفجر طلعوا ماتعرف وين بس ابوية
گال رايحين بطريق سفر مطولين مانرجع هل ايام .

جرت نفس وتاكل بـ أظافرها
_ يعني سافر .
_ اي والله ما ادري وين من اعرف اجي احجي .
عمتها سحبت التلفون وحجت وياها دُر تريد تحجي
على صار بينها وبين علي الاكبر وتتردد وتسكت
عمتها عرفتها مرتبكة قبل لا تسد الخط بلغتها
_ اني وشهد جايين عليكم يمه دُر اريد افتهم شكو .
_ هلا بيكم .

شهد ...

اخذت فستان العيد بدلت ولفيت الشال بس شنو مترددة
الكلمة على طرف الساني ما اريد اروح بي اخاف
لا امي تشك ليش ما اريد اروح وتلعب نعالها على راسي
سايرتها وطلعنا حسن ينتظرنا صعدنا هوه متكتم على موضوع
تسأل بي مايقبل ينطق بحرف مبين خايف عليهه
وصلنا للبيت ماقبل ينزل
_ ساعة وارجع اخذكم .
شهد : اي فدوة لا تتأخر.
ضربت امي بابهم خليت ايدي على گلبي
ومثل ما متوقعة طلع المدگدگ من شافنا عيونه نطت
انــور : احممم اهلاً وسهلاً تفضلوا .
ام حسن : عيدك مبارك .
انــور : ينعاد عليّنا وعليكم بالخير .

فاتت امي وهوه هيمان عيونه شوية وطلع قلوب
درت وجهي واشرت بـ اصابعي افگسها لعيونك
قدم وجهه بمعنى تعالي دزيت غمه سريعة بالهوا
وفتت بس دُر شافتني فريت شفايفي وهيَّ ابتسمت عايدت امي
وحضنتني فتت للإستقبال عدهم خطار امي سكتت ماكدرت تحجي
شهد : حُــرة ماكو .
دُر : جفصت ماتقبل تنزل ، امشي نروح نشوفها .

امي اندمجت تحجي هي والخطار ام رنين وخواتها
اخذتني دُر صعدنا فوك غرفتين موجودات وحدة
مفتوحة بيها ملابس رجالية على سرير والثاني
فتحتها دُر دخلنا على حُــرة تدرس عايدتها
وگعدت يمها ركضت على مجرات طلعت حلويات
وبسطتها يمي ، دُر خلصتها تصفن تحجي كلمة
وترجع تصفن وجهه ذبلان والمرض واضح عليهه
من اسألها شبيچ تسكت حاولت وياها رافضة
وحرة وياها تسكتني منها ، بعدنا نحجي وصوت
رسالة فتحتها عرفته والله كاتب
"وينج ماكو وياهن "
كتبت
" لازم على بالك تنضرب "