تحميل رواية «الصعيدية المجنونة والدكتور الأمور» PDF

ليله واقفه يوم فرحها علي السرير ودخلت امها ومعاها الدكتور وبعدها قالت ليه

الام

ارجوك يا ولدي شوفلي البت دي الله يخليك آني جلبي هينط من مطرحه النهارده كان يوم فرحها وكانت كيف الفل لحد ما دخلت الأوضه مره واحده وجامت واجفه فوق السرير وتضحك لحالها وتتكلم بكلام ما ينفهمش وآني خابره بتي زين وعمرها ما كانت بالطريجه دي ابدا

مازن قرب من ليله وهو باصص لها باستغراب وقال

مازن

سيبينا لحالنا دلوك يا حاجه وآني باذن الله هفهم ايه اللي جرالها وما تشليش هم ولا تخافي من حاجه خالص

وفجأه ليله نطت من فوق السرير وبصتله من فوق لتحت وهي مبرقه عينيها وقالت

ليله

يا نهار ابيض يا خلق الله هو فيه حد حلو اكده في الدنيا كلها بقولك ايه يا دكتور ما تسيبك من العريس اللي جاي يتجوزني النهارده وتعالى خدني انت ده وشك منور كيف البدر وعيونك دي تخلي الواحدة تنسى اسمها كمان

الأم قربت منها بسرعه وشدتها من دراعها وقالت بغضب

الأم

اتحشمي يا بتي انتي بتجولي ايه عاد مالك النهارده انتي عمرك ما اتحدتي بالطريجه دي انتي شكلك اتلبسك عفريت ولا ايه

ليله بصتلها بضيق وقالت

ليله

جرى ايه يا حاجه في ايه هو احنا هقطع على بعضينا ولا ايه الدكتور ده مز حديت وعاجبني وآني عايزه اتجوزه ماله يعني ولا الحلاوه بقت حرام

مازن كان واقف رافع حاجب وبيبصلها باستغراب وبعدين قال

مازن

جولتلك اطلعي بره يا حاجه وآني هفهم الموضوع ده لحالي وما تشليش هم خالص

وفعلا الأم خرجت وهي بتكلم نفسها وقفلت الباب وراها

أول ما الباب اتقفل ليله قلبت على الناحيه التانيه

ليله

بقولك ايه صحصح كده معايا للكلام وآني مش مجنونه ولا حاجه انت هتطلع دلوك بره وتجول لهم اني مجنونه رسمي وما ينفعش اتجوز وخلصنا على أكده

مازن قرب وجعد على الكرسي اللي قدمها وقال

مازن

وانتي بقى عامله الفيلم الكبير ده كله ليه وبتعملي روحك مجنونه ليه

ليله اتعدلت في اقعدتها وقالت وهي مضايقه

ليله

هو انت شوفت شكل العريس من الأساس جبل ما تدخل وتحقق معايا ولا داخل تهبد وخلاص

مازن

لا والله ما شفتش حاجه ماله العريس يعني عاد

ليله فتحت عينيها بصدمه وقالت

ليله

ماله ايه بس يا خويا ده ودانه مطرطجه كيف الطباق وماشي بجلاليب شكلها واخده خناجه مع الكلاب من كتر ما هي متشججه ومعرفش كيف ابوي مصمم اني اتجوزه وآني ليله فخر الدين اللي نص شباب البلد كان نفسه يشوف مني بصة

مازن

طيب بدل الفيلم اللي انتي عاملاه ده خلي عندك شويه شجاعه وواجفي جدام أهلك وجولي لهم انك مش عايزه الجواز من الأساس بلاش جو العبط ده

ليله قربت منه وبصتله بمكر وقالت

ليله

بقولك ايه آني ما بحبش الرغي الكتير هتطلع دلوك وتجول اللي جولتلك عليه وتاخد بعضك وتمشي وآني هديك قرشين حلوين كمان

مازن

الله يسامحه ابوي وابوكي اللي عمرهم ما عرفونا على بعض من بدري انتي ما تعرفيش آني مين يا ليله

ليله

مين يعني تكون ان شاء الله وزير الصحه

مازن قرب منها وهو مبتسم وقال

مازن

آني مازن فخر الدين ابن عمك يا بنت عمي

وفجأه ليله شهقت وفتحت بوقها وبعدين وقعت من فوق السرير وهي بتقول

ليله

يا نهار اسود يا فضيحتي آني طول الحوار اللي فات كنت بعرض على ابن عمي الجواز يا مرك يا اللي هتغرقيني النهارده وبعدها سكتت شويه وقالت

ليله

شكلك كده بتشتغلني والكلام ده مش حقيقي اي اللي يثبت ليا كلامك

مازن طلع البطاقه من جيبه ومدها ناحيتها وهو بيبتسم وقال

مازن

لو مش مصدقاني خدي البطاقه اهي وابصي فيها زين وآني مش من النوع اللي يهزر في حاجه كيف دي

ليله خطفت البطاقه من إيده بسرعه وبقت تبص فيها مره وليه ومره عليه وبعدها ضحكت ضحكه صغيره وقالت

ليله

يا ساتر يا رب طلع حظي كيف الزفت لا عرفت اهرب من العريس اللي تحت ولا حتى لقيت واحد حلو اتغزل فيه طلع ابن عمي في الآخر بقولك ايه عاد اكيد يعني مش هتجول لحد على اللي حصل بيني وبينك ده علشان لو عرفوا اني كنت بعمل روحي مجنونه هيجوزوني طبق الدش اللي جاعد تحت ده وهيربطوني في الكرسي كمان

مازن ضحك وهو بيهز راسه وقال

مازن

ما تشليش هم وسيبي الموضوع ده عليا وآني هتصرف فيه بطريجتي

وبعدها نزل لتحت وكان عاصم قاعد على الكنبه ووشه كله توتر والأم قاعده جمبه وهي تاكل في صوابعها من الخوف وسيد العريس قادد عامل فيها شيخ العرب

أول ما شافه سيد جري عليه وقال

سيد

ها يا دكتور خير طمني البت مالها دلوك واجول للناس تحضر العربيه علشان اخد عروستي ولا ايه علشان نخلص الفرح دي الليله

مازن بصله وبعدها بص ل عمه وفاق

مازن

لا يا عمي الجواز مش هينفع يتم الليله خالص حالتها النفسيه تعبانه قوي ودي محتاجه راحه وكمان كتبتلها على علاج لازم تاخده بسرعه وآني اللي هجيبه بنفسي علشان الحاجات دي ما تتجابش من أي حته

عاصم وقف مره واحده وقرب منه وقال

عاصم

بجد يا ولدي آني مش عارف اشكرك كيف والله ربنا بعتك لينا النهارده في الوقت الصح الحمد لله انك كنت جاي تحضر الفرح وطلعت دكتور نفسي كمان

مازن

مش بس أكده يا عمي آني ناوي استقر إهنه في البلد كمان وهفتح عياده في بيت ابوي الجديم وهنشوف خلق الله ونعالجهم

الأم

يا ضنايا ربنا يفتحها في وشك يا ولدي بس والنبي محدش يعرف اللي حصل فوق ده آني مش عارفه هنجول للناس ايه على الفرح اللي اتأجل

وفجأه سيد خبط بإيده على الترابيزه وجام واجف وقال بعصبيه

سيد

فرح ايه اللي يتأجل هو لعب عيال ولا ايه آني هجوزها يعني هجوزها سيبوني اطلع لها وآني هعجلها بنفسي

ولسه طالع على السلم مازن شده من دراعه جامد وقال وهو باصص في عينيه

مازن

هو انت مش شايف رجاله جدامك ولا ايه بطل طريجة الكلام اللي انت بتتكلم بيها دي

وبعدين بص لعاصم وقال

مازن

هو ايه يا عمي طبق الدش اللي انتوا جايبينه ده يتجوز ليله كيف يعني

سيد

انت شكلك كده اتجنيت ومش عارف انت بتكلم مين

مازن

بقولك ايه يا شاطر خد جلابيتك وروح على داركم مفيش جواز الليله

سيد شد إيده من مازن وهو بيكز على سنانه وقال بغضب

سيد

ماشي يا دكتور لما نشوف آخرتها ايه اخركم معايا اسبوع كامل وبعدها هاجي اخد عروستي وساعتها اللي هيحصل هيحصل

وبعدها خرج من البيت وهو خابط الباب وراه جامد

وفي نفس اللحظه كانت ليله واقفه فوق عند السلم مستخبيه وسمعت كل حاجه وحطت إيديها على قلبها وقالت بصوت واطي

ليله

هتعملي ايه يا ليله في المصيبه ان انت فيها دي اكيد مش هتقدري تعملي فيها مجنونه طول عمرك

وثاني يوم الصبح كانت ليله واقفه فوق السرير ورابطه طرحه على دماغها بشكل غريب ومعلقه ملاية على كتفها وبتبص في السقف وهي عامله صوت غريب وكأنها بتكلم حد مش موجود

وفجأه الباب اتفتح ودخلت كوثر وهي باصه لها باستغراب وقالت

كوثر

يا نهار مطين على دماغك يا ليله انتي عامله في روحك اكده ليه هو انتي ناويه تطلعي جنانك عليا انا كمان ولا ايه عاد

ليله لفت وشها ناحيتها ببطء وبعدين فتحت عينيها جامد وقالت

ليله

كنت فاكراكي أمي يا اختي جولت يمكن الحاجه جايه تجيبلي الفطور وتدلعني شويه بس طلعتي انتي يا وش النكد اللي بيظهرلي في كل مصيبه

كوثر قربت منها وحطت إيديها في وسطها وقالت

كوثر

بلاش لعب عيال يا ليله وآني جايه اعرف انتي ناويه تعملي ايه سيد مش هيسكت لابوكي وكده كده هيتجوزك يعني هيتجوزك وآني من رأيي تتجوزيه وطلعي عينه وبعدها اطلبي الطلاق وخلصنا

ليله نزلت من فوق السرير ووقفت قدام المرايه وعدلت طرحها وقالت وهي عامله نفسها متغاظه

ليله

فشر يا حبيبتي بقى ليله فخر الدين تتجوز طبق دش لا والله ما هيحصل ابدا ومشاكل ابوي بقى هو يحلها بنفسه وآني ماليش صالح بيها هو حد قالو بالله عليك روح شارك اللي اسمه سيد ده وخسر فلوسك وفي الآخر يجي يدبسني آني

كوثر قعدت على السرير وقالت باستغراب

كوثر

طيب انتي ناويه تعملي ايه دلوك آني روحت امبارح وسبتك وما عرفش ايه اللي حصل بعدي

ليله بصتلها وبعدين قربت منها بسرعه وقالت

ليله

حصل مصايب سوده يا بت ما تعرفيهاش اقعدي وآني هحكيلك من أولها لآخرها

وبعدها قعدت جنبها وفضلت تحكيلها كل اللي حصل من أول ما دخل مازن الأوضه لحد ما طرد سيد من البيت

كوثر كانت فاتحه بوقها وهي سامعه وبعدها قالت

كوثر

يا ساتر يا رب يعني الدكتور الحلو ده يطلع ابن عمك في الآخر لا والله دي مصيبه تقصم الضهر بقولك ايه خلاص بقى يتجوزك ويستر عليكي من الفضيحه

ليله بصتلها بذهول وخبطتها على كتفها وقالت

ليله

هو انتي بتجولي اي كلام وخلاص ولا ايه فضيحه ايه اللي يلمها يا مجنونه هو آني عملت حاجه عيب يعني فكري معايا زين بس والنبي هنتصرف كيف وآني عايزاكي تروحي للدكتور ده ضروري

كوثر

وانا مالي يا اختي اروحله اعمل بيه ايه ان شاء الله اروح اكشف على ضرسي مثلا

ليله

لا يا روح اختك آني هجولك على كل حاجه بس ركزي زين

وفي الوقت ده كان مازن قاعد في العياده الجديده بتاعته بيرتب الورق بتاعه ويحط السماعه على الترابيزه

وفجأه الباب اتفتح براحه ودخلت كوثر وهي باصه له من فوق لتحت وساكته مازن رفع راسه وبصلها باستغراب وقال

مازن

في ايه يا بنت الناس مالك واجفه تبصيلي اكده ليه هو فيه حاجه على وشي ولا ايه

كوثر فضلت باصاله كام ثانيه وبعدها قالت وهي بتبتسم

كوثر

طلع كلامها صح والله ده انت طلعت مز حديت كيف ما جالت بالظبط

مازن

هي مين اللي جالت وايه الحديت الغريب اللي انتي جايه تجوليه ده

كوثر قربت وقعدت قدامه وقالت وهي سانده راسها على إيديها

كوثر

لا شكلنا هنحكي حكايات كتير النهارده يا دكتور مازن واصل الليله باعتاني في مهمه سريه خطيره قوي

مازن

يا ساتر يا رب شكلي من يوم ما دخلت البلد دي وآني داخل على بلاوي سوده مش آخرها انتي مين يا ست انتي وعايزه اي مني بالظبط

كوثر

انا كوثر بنت خاله ليله وهي بعتاني عشان خاطر اقول لك على حاجه

مازن بص لها وهو رافع حاجبه وبعدين سند ضهره على الكرسي وقال

مازن

اه يعني مجنونه زيها برضك خير عاد البت دي عايزه ايه مني دلوك هو انا من يوم ما رجعت البلد كلها قررت تتسلى عليا ولا ايه

كوثر

لا لا والله يا دكتور ما تفهمنيش غلط آني خابره كل حاجه وخابره زين قوي ان ليله عاقله ومش مجنونه ولا حاجه دي كانت بتعمل روحها اكده علشان تهرب من سيد واصل الراجل ده يخوف لوحده

مازن

كملي وآني سامعك اهو وشوفي آخرتها ايه معاكم

كوثر

ليله عايزاك تيجي دلوقتي وتجول لأبوها انها لازم تنزل القاهره شويه تغير جو علشان خاطر نفسها تعبانه ومخنوقه جامد ويمكن لما تبعد عن البلد كام يوم حالتها تتحسن

مازن

وانتي اتجننتي في مخك يا بت انتي ولا ايه هو آني دكتور ولا مهرب خلق الله من بيوتهم روحي لها وجولي لها لو ما عقلتش هروح لعمي واجوله على الليله كلها من أولها لآخرها

كوثر

لا بالله عليك اوعى تعمل أكده انت ما تعرفش سيد لو عرف انها كانت بتضحك عليهم هيعمل فيها ايه ده هيحكم عليها بالإعدام وهيفضل وراها لحد ما يتجوزها غصب عنها

مازن سكت شويه وبعدين اقعد على الكرسي وهو بيبص لها باستغراب وقال

مازن

هو ايه بالظبط الموضوع ده وآني مش فاهم حاجه خالص حاسس اني داخل مسلسل طويل وآخره مش هيعجبني

كوثر أخدت نفس طويل وجعدت قدامه وبعدها قالت

كوثر

طيب خلاص آني هجولك على كل حاجه من أولها بس ما تجاطعنيش لحد ما أخلص

فلاش باك

كوثر كانت جاعده مع ليله تحت شجرة الجميز اللي ورا الدار وليله كانت ماسكه ورقه وتكتب فيها حاجات وهي متغاظه

كوثر

بتعملي ايه يا مخبوله من الصبح جاعده تشخبطي في الورق دي

ليله بصتلها وقالت

ليله

آني بكتب مواصفات جوز المستقبل يا اختي علشان لو أبوي فكر يجوزني تاني أبقى جاهزه

كوثر خدت الورقه من إيدها وقرأت الكلام

كوثر

لازم يكون طويل وحلو وعيونه عسلي ولازم يبقى دكتور ولا مهندس ولازم ما يكونش ودانه مطرطجه كيف طبق الدش يا نهار اسود يا ليله انتي داخله على جواز ولا رايحه تشتري عريس من السوق

ليله شالت الورقه من إيدها

ليله

آني ليله فخر الدين يا بت ومش أي حد يخش يمد إيده وياخدني أكده لازم اللي يتجوزني يبقى حاجه كده تخلي الناس تجول يا محاسن الصدف

كوثر كانت لسه هترد عليها لكن فجأه سمعوا صوت عربيه كبيره داخله الدار ووقتها ليله قامت من مكانها وقالت وهي مبرقه عينيها

ليله

يا ساتر يا رب ابويا رجع الدار انا لازم امشي دلوقتي يلا سلام ابقى اشوفك بالليل

ولما ليله دخلت الدار لقت أبوها عاصم واقف في نص الصاله وشه مقلوب ومكشر بطريقة عمرها ما شافتها عليه وكان ماسك راسه بإيده وكأنه شايل هم الدنيا كلها

ليله

مالك يا أبويا في ايه عاد آني اول مره اشوفك بالطريجه دي من يوم ما وعيت على الدنيا وانت عمرك ما كنت تكشر في وشي اكده خير حصل ايه

عاصم رفع عينه ناحيتها وبص لها بحزن وقال

عاصم

ما جداميش غيرك يا بتي علشان راس أبوكي ما تنزلش في الأرض وما نبجاش مضغة في بوق الخلق كلهم انتي هتتجوزي سيد الأسبوع الجاي

ليله

سيد مين يا أبويا هو سيد طبق الدش اللي ودانه بتتحرك جبل ما يتحرك هو بنفسه لا والله ما هتجوزه ايه الحديت الفارغ اللي انت بتجوله ده

عاصم

ابوكي هيتخرب بيته يا بتي لو الحديت ده ما حصلش آني شاركت سيد في مشروع كبير وحطيت فيه كل اللي ورايا واللي جدامي وخسرنا كل حاجه وما سابليش حتى جروش أجيب بيها كيس سكر وهو جالي وجالي ان هو مستعد يعوضني عن كل اللي راح بس بشرط واحد بس

ليله

وايه هو الشرط اللي يخليك تبصلي بالنظره دي

عاصم

الشرط انه يتجوزك يا ليله

ليله رجعت خطوتين لورا وكأن حد ضربها على راسها وقالت

ليله

يعني ايه يا أبويا يعني تضحي ببنتك علشان خاطر شوية فلوس هو آني رخيصه للدرجادي لا والله نعيشها بدقه وملح ولا اني اتجوز واحد كيف ده

وفي الوقت ده خرجت أمها من المطبخ

الأم

في ايه يا خلق الله الصوت عالي اكده ليه خير حصل ايه

عاصم

تعالي يا وليه تعالي اسمعي بتي اللي مش عاجبها الحديت

الأم

في ايه يا بتي مالك واجفه تبصي لأبوك اكده

ليله بصتلها والدموع متجمعه في عينيها وقالت

ليله

تعالي يا أما شوفي أبويا عايز يحكم عليا بالإعدام بيده عايز يجوزني سيد طبق الدش

الأم

يا ساتر يا رب يا راجل هي البت ناقصه مصايب

عاصم قام مره واحده وقال بعصبيه

عاصم

ما كانش بإيدي والله ما كانش بإيدي غصب عني يا بتي وآني لو جدامي حل تاني كنت عملته

وفعلا جرى الوقت بسرعه وجا يوم الفرح وكانت ليله واقفه جدام المرايه بالفستان الأبيض لكن ملامحها كانت كلها غضب وقهر

وفجأه لفت ناحيت الستات اللي جوا الأوضه وشخطت فيهم وقالت

ليله

امشوا اطلعوا بره كلكم مش عايزه حد يفضل جدامي هو آني بعمل ايه هنا اصلا وآني مين وايه اللي جابني للمكان العجيب ده

الستات بصوا لبعض بخوف وطلعوا بسرعه وفي اللحظه دي دخلت أمها وقالت بقلق

الأم

مالك يا بتي صوتك عالي اكده ليه

وفجأه ليله وسعت عينيها وبصت للسقف وقالت وهي تشير بإيدها

ليله

شششش اسكتي ما تسمعيش صوت البط اللي بيطير حوالينا

الأم

بط ايه يا بنتي احنا جوا أوضه

ليله قامت نطت فوق السرير بسرعه وقالت

ليله

ابعدوا عني يا خلق الله العفاريت الخضرا جايه تاخدني

الأم

الحقونا يا ناس الحقونا احنا في مصيبه سوده بتي عقلها فوت واتجننت

وفي نفس الوقت كان مازن لسه داخل من باب الدار وواقف مع عمه عاصم بيسلم عليه

الأم جريت ناحيتهم وهي وقالت

الأم

الحق يا عاصم الحق يا ولدي احنا في مصيبه سوداء بنتك عقلها فوت واتجننت

عاصم

اهدي بس يا وليه علشان الناس ما تاخدش بالها يلا طلعيني ليها وآني هشوف الحوار ده

مازن

اهدى بس يا عمي وانا هطلع اشوف في ايه علشان خاطر ما حدش ياخد باله

وبعدها طلع ليها

باك

مازن بص لكوثر شوية وهو ساكت وبعدين خد نفس طويل وقال وهو بيهز راسه

مازن

طب روحي انتي دلوك وطمني ليله وجولي لها ان آني جاي الدار بنفسي علشان أحاول ألاجي حل للمصيبه اللي انتوا حاطيني فيها دي بس والله لو طلعت البت دي بتلعب في دماغي تاني آني هربطها في سرير المستشفى بنفسي

كوثر قامت من على الكرسي بسرعه وقالت وهي فرحانه

كوثر

والنبي يا دكتور ربنا يكرمك ويجبر بخاطرك آني كنت خابره ان جلبك أبيض

مازن

يلا يلا غوري من جدامي جبل ما أغير كلامي انتم شكلكم كلكم عيله مجانين ولا ايه

كوثر ضحكت وخرجت تجري من العياده وهي بتقول

كوثر

يا نهار أبيض شكله بدأ يقع هو كمان

مازن سمعها وبص للباب وقال

مازن

ويقع ايه يا مجنونه انتي كمان يا ساتر يا رب

وفي بيت عاصم كان سيد واقف قدامه

وماسك ليله من دراعها جامد وهي بتحاول تبعد إيده عنها وعاصم واقف جدامه متوتر

عاصم

يا ابني ما ينفعش اللي انت بتعمله ده سيب البت انت شايف حالتها النفسيه عامله كيف دلوقتي

سيد شدها أكتر وقال بغضب

سيد

انت مش عارف تعجلها وآني هعجلها في داري وآني

اخدها دلوقتي على داري ويحصل ايه اللي يحصل يا اما تسد كل فلوسي دلوقتي

عاصم

يا ولدي بالله عليك ما تعملش اكده الناس كلها هتضحك علينا

ليله بعصبيه شدت إيدها منه بالعافيه وبعدت وقالت وهي بتزعق

ليله

بعد يدك عني ما تلمسنيش انا لا يمكن اكون مرتك ابدا انت فاهم ولا لا

سيد

لاه يا بت يعني انتي عاقله اهو وبتعملي فيها مجنونه مش أكده

ليله

امشي اطلع بره دارنا مش عايزه أشوف وشك هنه خالص انت سامع ولا لا

وفي اللحظه دي دخل مازن من الباب وقال بصوت قوي

مازن

هو فيه ايه بالظبط اللي بيحصل هنه وانت ايه اللي جابك يا سيد

سيد

جيت أخد مرتي دلوك يعني هاخدها والله هي من حقي انها تكون في داري النهارده

مازن

مرته كيف يعني يا عمي هو كان كتب الكتاب

عاصم نزل عينه في الأرض وقال بحرج

عاصم

ايوه يا ابني كتبنا الكتاب

وفجأه ليله بصت لأبوها بذهول وكأن الأرض اتشالت من تحتها

ليله

ايه… ايه اللي انت جلتو ده يا أبويا كتبت الكتاب ازاي من غير موافجتي آني مش عايزه الجوازه دي ويحصل اللي يحصل

سيد قرب منها وقال وهو بيبتسم بتشفي

سيد

غصب عنك يا حلوه انتي مرتي على سنة الله ورسوله وهتيجي وياي الدار دلوك يعني هتيجي سامعه ولا لا

مازن

الجوازه اللي بالغصب دي مش هتروح معاك بيها مطرح واعمل اللي انت عايز تعمله

سيد جز على سنانه وبص لعاصم بغضب شديد وقال

سيد

ماشي يا عاصم لما تتشرف في السجن بقى ما تجعدش تعيط وتزعل

وبعدها خد جلابيته بعصبيه وخرج من الدار وهو خابط الباب وراه جامد

ليله

كتبت الكتاب كيف يا ابوي من غير ما تقولي حرام عليك والله اللي بتعمله

عاصم

اعمل ايه بس يا ليله والله اللي حصل كان غصب عني يا بتي حجك عليا وآني ما كنتش شايف جدامي غير السجن ولو اني مكنتش خدت الفلوس من سيد وسددتها كان زماني مرمي في السجن وكمان خوفت البيت كله يضيع منينا واني عارف اني خدت القرار الغلط بس مكنش فيه حل تاني

ليله

وانت لما خوفت تجوم تبعني للحيوان ديه حرام عليك يا بوي عملت فيا أكده ليه طيب وآني هعمل ايه دلوقتي بعد اللي حصل ده هو آني كنت حمل تقيل عليك للدرجادي علشان ترميني لواحد كيف سيد

مازن

ليه يا عمي تضيع بنتك بالشكل ده وآني مستغرب منك كيف راجل كبير وعارف الأصول يرضى بحاجة كيف دي وبعدين حتى لو كتب الكتاب حصل بالطريجة دي فالموضوع ليه كلام قانوني وشرعي والجوازة دي مش نافعه يعني باطله وهو مش هيعرف ياخدها كيف ما هو فاكر

ليله بصت لمازن

بالله عليك يا دكتور اتصرف وآني لا يمكن هتجوز الشخص العفش ده ولو آخر يوم في عمري

مازن

اطمني يا ليله كيف ما جولت جوزاك أصلا باطل ومش نافع وهو مهما يعمل مش هيقدر يتجوزك بالغصب وآني مش هسيبك لوحدك في المصيبة دي وكل حاجه هتمشي صح

ليله

اني جلجانه جوي الراجل اللي اسمه سيد ديه مش سهل واصل اي نعم هو عفش وشكله ملغبط بس ديه مجرم واني أبوي ضيعني يا دكتور عشان خاطر الفلوس خلاص

الأم حضنتها

يا بتي والله أبوكي كان غصب عنه كان يعني انتي يرضيكي ان هو يدخل السجن هو كان شايف ان الدنيا سوده جدامه وما عرفش يعمل ايه غير الحل ديه

ليله بعدت عنها وهي بتمسح دموعها

ليله

واني ذنبي ايه ادفع تمن حاجه معملتهاش وبعدين هو كل لما راجل يغلط تبقى بته هي اللي تدفع التمن اصل اني شوفت الحكايه دي جبل اكده مع واحده صاحبتي بس عشيتها بجت جحيم

عاصم قرب منها وقال

حقك عليا يا بتي ومتجلجيش آني مش هسيبك للندل ديه واصل وهقف في وشه مهما حصل ولو الدنيا كلها قامت عليا مش هخليه يجرب ناحيتك واصل

وفي نفس الوقت كان سيد داخل القسم وهو بيقول

سيد

الحجوني يا حكومه الحجوني خدوا مني مرتي ومش عايزين يدوهالي وآني مش هسكت على اللي بيحصل ده حد ينجدني يا ناااس

الظابط باستغراب

هو فيه ايه يا جدع انت انت اتجنيت أياك وبعدين هما مين اللي خدوا منك مرتك دي ليه هي شنطه ولا ايه عاد عشان حد ياخدها منيك احكي بالراحة الأول في ايه

سيد

أهلها يا بيه أهلها مش عايزين يدوني مرتي وآني عايز أخدها من عنديهم دلوك ياريت جنابك تبعت حد من عنديكم ييجي معايا يجيب لي مرتي يا بيه اخدها واروح دارنا

الظابط

وانت بجا معاك اللي يثبت إنها مرتك ولا جاي تهرج اهنه معانا

سيد طلع القسيمة بسرعة وقال

سيد

واني ههرج ليه بس هو في حد يهرج مع الحكومه برضك اهي القسيمة اهيه يا بيه وكل حاجه رسمي ومختومه هاا صدقت جنابك

الظابط أخد القسيمة وبصلها شوية وقال

الظابط

طيب تعال معايا اشوف ايه الحكايه ديه بنفسي يلا

وبعد شويه وصلت عربية الشرطه قدام بيت عاصم ونزل الظابط ومعاه سيد والناس بدأت تتجمع قدام البيت وامها أول لما شافت العربيه قالت

الام

يا ساتر يا رب هو في ايه هو إحنا ناقصين مصايب كمان الحج يا عاصم الحج في عربيه حكومه واجفه جدام درانا

عاصم خرج يستقبلهم هو مازن وعاصم قال

عاصم

خير يا حضرة الظابط في ايه

الظابط

بلغنا إن فيه خلاف بين زوج ومراته وجينا نشوف الموضوع ده ايه الزوج اسمه سيد عويضه وبيجول انكم واخدين منه مرته ومش عايزين تدوهالو

سيد شاور على ليله اللي كانت واقفه ورا ابوها

سيد

اهي يا بيه هي دي ليله مرتي يا بيه وأهلها اللي مانعينها انها تيجي معايا

ليله استخبت في ابوها وقالت

ليله

لا يا حضرة الظابط آني اصلا مش موافجه على الجوازة دي من الأول وآني اتجوزت غصب عني والراجل ديه كتب كتابه عليا من غير اني ما أدرى ولا اعلم

مازن

يا فندم البنت من البداية كانت رافضة الجواز وكل أهل البيت يشهدوا على اكده والجواز من غير إرادتها يبجا باطل ولازم الموضوع يتحقق فيه

الظابط بص لمازن

وانت تطلع مين بجا عشان تتكلم بالنيابة عنيهم اكده

مازن

آني الدكتور مازن ابن عمها وكنت موجود من أول اللي حصل وشوفت حالتها بنفسي وعارف إنها كانت رافضة الجواز بالكامل

سيد زعق

كله بيكدب عشان يضيعوا حقي وياخدوا مني مرتي يا بيه اني عايز اخد مرتي واروح علي بيتي من غير شوشرة وخلافه يا بيه

الظابط

اتكلم بالراحة يا راجل انت انت بتزعج ليه وبعدين محدش اهنه هديرفع صوته وآني بس اللي اتكلم

وبعدين الظابط بص لليله

أسمعي يا عروسه انتي دلوك لازم تروحي مع جوزك الدار عنديه وبعدها لو عايزة تطعني في عجد الجواز يبجا النيابة هي اللي هتحدد كل حاجه

ليله بتعيط ومنهارة

اني معايزاش اروح وياه يا بيه عشان والله اني ما حد سألني ولا خد موافجتي في الجوزة ديه واصل ارجوك آني مش عايزة أروح معاه

عاصم

يا فندم اني ابوها اللي جوزتها واني اللي مستعد ادفع تمن اللي عملته وياها ديه واروح اعترف اني جوزت بتي بالغصب

الظابط

اني مليش صالح بكل اللي انتو بتجولوه ديه والموضوع مش هيتحل بالخناق ولا بالزعيق والورق اللي مع سيد موجود والادعاء اللي بتقولوه محتاج تحقيق والنيابة هي اللي تقرر صحة الجواز وكل الظروف اللي حصلت فيه

مازن

يعني يا فندم مش ينفع تسيبوها مع أهلها لحد لما التحقيق يخلص لأنها خايفه جدا وبعدين دي مريضه كمان

الظابط

لاه لازم تروح وياه علي بيته واطمن يا دكتور آني هرفع كل اللي سمعته في المحضر والنيابة هي صاحبة القرار النهائي وهي اللي هتقول كلمتها

ليله بتعيط ومازن قالها

مازن

خلاص يا ليله روحي ويااه واحنا هنتصرف ومتقلقيش طول ما اني جنبك اهنه مش هسيبك تعمل حاجه بالغصب واصل

عاصم بحزن

واني كمان يا بتي مش هسيبك يا ليله واصل روحي معاه عشان احنا نعرف نتصرف بعد أكده

ونزلت ليله من الفيلا وسيد مسكها من ايديها وقال

سيد

اخيرا يا جلبي هتبجي معايا في داري ده اني هعيشك في نعيم يلا بينا يا جلبي

ومشيت معاه وهي بتعيط ومازن قال لعاصم

مازن

انت لازم تتصرف يا عمي لحسن بعدين بتك تعمل في روحها حاجه لقدر الله

عاصم

واني في يدي ايه بس عشان أعمله يا مازن يا ولدي انت عارف ان المبلغ اللي سيد دفعه لديون كد ايه ده كبير جوي يا ولدي

مازن

مش مهم الفلوس يا عمي اني مستعد ادفع كل الفلوس اللي عليك للبغل ديه ويطلج ليله وترجع اهنه في دراها من تاني

الام

والله انت كتر خيرك يا ولدي ربنا يبارك فيك انت راجل بجد ربنا يحفظك يارب

مازن

متجوليش اكده يا مرت عمي اومال مين يعني اللي هيقف في ضهر عمي لو اني معملتش أكده

وبعدها في بيت سيد دخل ليله اوضتها

سيد

ادخلي يا عروسه برجلك اليمين ادخلي يا جلبي والله انتي ما تعرفي اني فرحان كد ايه عشان بجا مجفول علينا باب واحد ياا بووووي علي السعادة اللي اني فيها فينك ياماااا تاجي تشوفي الامله الجمر اللي ولدك فيها

ليله طلعت سكينه من هدومها وقالت له

ليله

لو جربت مني اني ياما هجتلك ياما هجتل حالي بعد عني واياك تجرب

سيد

واه واه واه ايه اللي انتي بتعمليه ديه بس يا ليله بعدي السلاح ديه لحسن يطول بعدين يا جلبي

ليله بعصبيه

بعد واياك تجرب انت سامع ولا لاه

وبرقت بعنيها وبصت ورا سيد وقالت

ليله

ايوه هو ديه هو بس متجلجش اني هعرف اتصرف وياه زين لا لا متأذيهوش هو هيبجا عاجل دلوك

سيد بيتلفت حواليه وهو بيقول بخوف

سيد

هو هو هو فيه ايه يا ليله انتي بتتحدتي ويا مين هو في حد ويانا في الاوضه اهنه

ليله

أومال إيه يا سيد هما واجفين حواليك اهم بس ما حدش يجدر لا يشوفهم ولا يسمعهم غيري اني وبس

سيد

بجولك إيه يا خلوه الشويتين دول تعمليهم اهناك في دار أبوكي انما اني اهنه محبش شغل الاونطه ديه عاد ولا ياكلش معايا اللي بتعمليه ديه

ليله

والله طيب لو انت مش خايف من العفاريت خاف بجا من السكينه اللي في يدي ديه احسن اني مجنونه ومعايا شهادة من الدكتور بتثبت اكده ولو انت مستغني عن روحك اني معنديش مانع اخلص عليك ومش هاخد ساعه واحده في السجن جولت ايه بجااااا

سيد بزهق

بجا أكده ماشي يا بت عاصم اني وانتي والزمن طويل اصلك هتروحي علي وين عاد انتي جاعده اهنه والباب ديه انتي مش خارجه منيه واصل

وبعدها سابها وخرج وقفل عليها بالمفتاح ولاقي نسوانه الاتنين واقفين وهما بيضحكوا وقالو

سميحه

جرا ايه يا سبع هي البت العروسه الجديدة ديه ادتك علي جفاك من اول ليله وخرجتك جفاك يجمر عيش هيهيهيهي

ردت مراته التانيه هانم

هانم

يووه كاتك ايه يا سميحه هههههه ده عامل ولا كانه طالع من الفرن طازة دلوك اهو

سيد بيزعق

جرا ايه يا مرة منك ليها انتو هتتسلوا عليا اياك اني بس سبتها لحد لما تهدي اكده وتتعود علي الجواز اصلها عيله لسه ومش عارفه يعني ايه جواز

سميحه

بجا هي مش عارفه يعني ايه جواز هيهيهي والنبي يا سيد تبجي تجول الكلام ديه لحد تلني مش احنا اللي عايشين وياك

سيد بص لها بغيظ وستبهم وخرج من البيت خالص وهانم قالت

هانم

احنا هنعمل ايه دلوك يا سميحه في البت اللي جوه ديه ما احنا لازم نخلص منيها

سميحه

اني ان كان عليا عايزة اسمها واخلص منيها واصل بس احنا هنصبر عليها اكده لحد لما نخليها تطج منينا وتطلب الطلاق منيه

هانم

عندك حج يا سميحه اصبري بس عليا وأني اخطط لها علي مهلي

وكانو بيتكلموا وليله كانت ورا باب الاوضه وبتسمعهم وقالت لنفسها

ليله

بجا هي الحكايه اكده ماشي يا ريا وسكينه منك ليها اما خليتكم تركعوا تحت رجلي مبجاش أني

وفي بيت عاصم كان قاعد مع مازن وامها قالت

الأم

يا تري عمل في بتي ايه هو وحريمه اني جلبي مش مرتاح واصل

مازن باستغراب

حريمه هو سيد متجوز غير ليله يا مرت عمي

الأم

ايوه يا ولدي متجوز تانين

مازن

واااه كيف يعني يعني يبجا متجوز تانين أنت ايه اللي عملته في بتك ديه يا عمي

عاصم

الله يخليك يا مازن يا ولدي اني مش نتجص كلام من ديه كاتير اني فيا اللي مكفيني

مازن

ماشي يا عمي المهم دلوك اني هعدي عليك بكرة ونروح نعمل محضر ان بتك متجوزة جوازة باطله

الأم

بس أكده مش عمك هو اللي هيتأذي يا عاصم ولا ايه يا ولدي

مازن

هما هيحججوا معاه ويعرفوا هو عمل في بته اكده ليه ومش بعيد يتسجن

عاصم

واني خلاص مستعد لاي حاجه

مازن

وكان وينه الكلام ديه من الاول يا عمي وانت إيه اللي خلاك تجوزها بالطريجه ديه اكده

عاصم

اعمل ايه بس يا ولدي اني مكنتش شايف جدامي غير الديون اللي كانت في رجبتي وبس ومكنش في اي حل غير أني اجوزها لسوخام البرك ديه

مازن

خلاص يا عمي اللي حصل حصل واني مستعد ادفع اي فلوس يطلبها الزفت ديه عشان يطلج ليله وترجع تاني معزوة مكرمه

وبعدها تاني يوم في الاوضه اللي فيها ليله كامت قاعدة تفكر تعمل ايه عشان تخوف سيد منها وقعدت قدام المرايا وحطت مكياج اسود ودخل سيد وقال

سيد بخوف

سلام قولا من رب رحيم هو في ايه انتي مين

ليله

واااه جرا ايه يا سيد اني ليله هو انت متغرفنيش ولا ايه عاد اني عروستك هو انت شوفت عفريت ولا إيه اخس عليك

سيد

أومال ايه اللي حطاه في وشك ديه انتي عامله اكده ليه

ليله

ومالو وشي بجا ايه مش عجباك يا سيد اني زعلانه منيك بجا مع أني عجبته جوي

سيد

تجصدي مين بجا يا ليله

ليله

الجن اللي جاعد معانا دلوك يا سيد البي لو انت فكرت بس تجرب مني متعرفش هو ممكن يعمل فيك ايه عشان أكده بجولك طلجني وسبني امشي واروح لحالي

سيد

انتي هتخرفي تاني يا بت عاصم هو انتي فاكراني عبيط عشان اصدج الكلام الفارغ ديه

ليله

طيب انت مش عبيط بس اني هاجولك علي الحجيجة اللي أبوي خباها عليك وهي ان اني مخاويه ولو مش مصدجني هات لي عشر شيوخ وخليهم يجولوا غير أكده

سيد

والله لو فيكي ايه يا ليله انتي برضك مرتي واني مش هسيبك غير لما اخد منيكي اللي اني عايزة يا بت عاصم

ليله

ابجي وريني هتعمل ايه وانت ساعتها هتبجا الجاني علي روحك

وبعدها سابها وخرج من عندها وقال لسميحه وهانم

سيد

اني عايزكم تعلموها الادب تخلوها تعرف يعني واحده تعمل اكده فيا

هانم

وهي عملت فيك ايه بجا يا سبع البورمبه

سيد

ملكيش صالح باللي عملته يا هانم اني اللي اجول عليه يتنفذ بالحرف الواحد وبس انتو سامعين ولا لاه

وفي القسم راح مازن وعمه عاصم والظابط قالهم

الظابط

خير يا دكتور في حاجة ولا إيه عاد

مازن

احنا جاين عشان نعمل المحضر اللي حضرتك قولت لنا نعمله عشان نثبت ان جوازت ليله من سيد باطله

الظابط

ااه ايوه صح اني اسف نسيت بس ماشي اني هعملكم محضر وانتو بجا تشوفو هتعملوا ايه وياه

مازن

اعملنا بس حضرتك المحضر واحنا هنتصرف

وبعد ما خلصوا رجعوا البيت وامها قالت لهم

الأم

خير يا عاصم عملتوا ايه في القسم بتي هترجع ولا ايه عاد

عاصم

عملنا اللازم يا نجيه والنيابه هي اللي هتحكم دلوك وربنا كبير وان شاء الله يردلنا بتنا بالسلامه وآني مستعد اتحمل اي حاجه قصاد انها ترجع وتبجا وسطينا من تاني

الأم

يارب يا كريم يارب رجعهالي سالمه جلبي واجعني عليها جوي وخايفه ليكون سيد خدها بالغصب البت صغيرة علي كل المرار ديه

مازن

اطمني يا مرت عمي ان شاء الله ليله هترجع تاني من عند اللي اسمه سيد ده وآني مش هسيبها هناك واصل وهفضل ورا الموضوع لحد لما اخليه يطلجها

وفي نفس الوقت في بيت سيد

كانت ليله جاعدة في الاوضه وجدامها المرايه وكانت مزوده الكحل حوالين عينيها ومخلي وشها شاحب ومرعب وبتتكلم بصوت واطي

وفجأه الباب اتفتح ودخلت سميحه وهانم

سميحه بصتلها واتخضت وقالت

سميحه

يا ساتر يا رب ايه ده يا بت عاصم انتي شكلك عامل اكده ليه ياماااا انتي شايفه اللي اني شيفاه ديه يا هانم

هانم بخوف

ايوه يا سميحه شايفه هي عامله اكده ليه

وقربت منها وقالت

هانم

هو انتي تعبانه ولا فيكي ايه وشك اصفر وعينيكي مرعبين اكده ليه

ليله رفعت راسها براحه وبصتلهم من غير ما ترمش

ليله

لاه اني مش تعبانه اني فيا جوه تهد الدار ديه باللي فيها عارفين ليه عشان اني مش لحالي

سميحه وهانم بصوا لبعض باستغراب وسميحه بلعت ريقها بخوف

سميحه

يعني ايه مش لحالك احنا مش شايفين غيرك اهنن في الاوضه

ليله ابتسمت ابتسامه غريبه وقالت

ليله

هما جاعدين معايا دلوك ومحدش يشوفهم غيري واللي هيجرب يجرب مني هيتأذي احسن لكم تبعدوا وتروحوا من مكان ماجيتوا

هانم رجعت لورا بخوف

ااا ان ان انتي بتجولي ايه احنا مش فاهمين حاجه من كلامك ديه يعني إيه بجا

ليله قامت بالراحه وهي بتبص في ركن الاوضه

ليله

يعني اني مخاويه معايا اهنه عفاريت ولو انتو مش مصدجيني اني هوريكم بعينيكم

سميحه بلعت ريقها

هت هت هتورينا ايه يا بت انتي انتي مجنونه ولا إيه عاد هو في ايه بالظبط

ليله فضلت باصه للركن وكأن حد واجف جدامها وبعدها هزت راسها وقالت

ليله

هما واجفين هناك مستنينكم بس تجربوا مني

سميحه وهانم بيتلفتو حواليهم بخوف وليله قالت

ليله

لاه لاه متجلجوش هما مش هيعملوا لكم حاجه طول ما انتو بعيد عني لكن لو واحده حبت بس تجرب مني اني مش هعرف امنعهم عنيكم

هانم حسيت ان جسمها اقشعر وقالت بصوت مهزوز

هانم

س س س سميحه اني مش مرتاحه للمكان ديه ولا للبت ديه اني جسمي كلاته بيرتعش وحاسه اكده ان البت ديه فعلا في حد وياها غيرها اللهم احفظنا يلا بينا يا خايتي نخرج من اهنه

سميحه حاولت تتمالك نفسها وقالت

سميحه

بجولك إيه يا هانم انتي هتصدجي الحديت الماسخ ديه مش يمكن البت ديه بتمثل علينا اهدي أكده

ليله ضحكت ضحكه خفيفه وهي بتبص ناحيتهم

ليله

هو انتو فاكرين ان اللعب معايا ساهل اسألوا سيد وشوفوا هو خرج من عندي كيف ولا انتو مش عارفين اللي حصله لما حب يجرب مني

هانم بصت لسميحه بخوف وقالت

هانم

ايوه صح يا سميحه هو فعلا طلع من عندها وشه كان متغير والخوف مالي عنيه

سميحه قالت وهي بتبعد اكتر

سميحه

طيب احنا لا عايزين نأذيكي ولا تأذينا بس انتي هتعملي إيه

ليله رفعت صباعها قدام بوقها وقالت

ليله

اسكتي متتكلميش دلوك هما بيتكلموا معايا أهم

وسكتت كام ثانيه وهي بتحرك عينيها يمين وشمال وبعدين قالت

ليله

لاه محدش هيجرب مني متخافوووش متخافوووش

هانم مسكت دراع سميحه وقالت

هانم

يلا بينا نمشي من اهنه يا سميحه لحسن اني جلبي مش مطمن للبت ديه واصل يلا بسرعه

سميحه

ايوه والله واني كمان يلا خلينا نطلع ونخلي سيد هو اللي يتصرف وياها اعوزو بالله من الشيطان الرجيم

وخرجوا بسرعه من الاوضه وهما بيجروا وكل شويه يبصوا وراهم بخوف ولما الباب اتقفل ليله ابتسمت وقالت لنفسها

ليله

اكده أول خطوه نجحت ودلوك خليهم كلهم يخافوا مني قبل ما يفكروا يجربوا مني ولا حد فيهم يعملي حاجه اني هوريكم

وعند سيد راح له محضر وقاله

المحضر

انت سيد عويضه

سيد

ايوه اني هو في يا حضرة

المحضر

اني محضر من النيابة عشان انت مرفوع عليك جضيه من عاصم فخر الدين في تهمة جوزا بالباطل ياريت تمضي اهنه وتاجي النيابة النعاغ ومتتاخرش خود امضي

وبعدها مشي الراجل وسيد قال

سيد

بجا اكده يا عاصم اني هوريك

وفي بيت سيد راحت كوثر ومعاها ام ليله عشان تزورها وهانم قالت لها

هانم

هو انتي بجا ام البت اللي معفرته فوج دي اني عارفه سيد وجع عليها منين ياريتك تاخدي بتك وياكي خلبها تاخد عفاريتها من اهنه

ساعتها كوثر وام ليله بصوا لبعض وهما مش فاهمين حاجه وكوثر قالت

كوثر

جرا ايه يا وليه أنتي وايه الكلام اللي انتي بتجوليه علي ليله ديه ولا انتو بجا عشان متغاظين منيها اكمنها احلي منيكم

هانم

هيهيهي هي مين ديه اللي احلي علي العموم روحوا لها فوج هتلاجوها جاعده مع العفاريت

وسابتهم ومشيت وكوثر قالت

كوثر

هو الوليه ديه بتجول ايه يا خالتي وعفاريت ايه اني مش فاهمه حاجه واصل

نجيه

ولا اني يا بت يا كوثر تعالي نطلع لليله ونشوف ايه الحكايه دي

وطلعوا فوق عندها وامها لما شافتها اتخضت وقالت

نجيه

وااه يا مرررى اعوزو بالله من الشيطان الرجيم انتي مين وبتي وينها انطجي عملتي في بتي اايه

ليله

اهدي ياما اني ليله بتك اهدي اكده

كوثر

هههههههه ااه يا بت العفاريت اني دلوك فهمت البومه اللي تحت ديه كانت تجصد إيه

نجيه

وايه اللي انتي عملاه في روحك ديه يا ليله

ليله

اعمل ايه مكانش جدامي حل تاني غير ديه عشان الزفت ديه يبعد عني

نجيه

ياعيني عليكي يابتي

ليله

لاه اوعي تخافي عليا ياما اني هعرف اتصرف زين جوي المهم طمنيني أبوي عامل إيه والدكتور مازن كيفه

نجيه

بخير يابتي ابوكي راح بلغ عن حاله ان هو تللي جوزك الجوازة الطين ديه وبيجولك اطمني هو هيخلي سيد يطلجك

ليله

برغم ان ابوي صعبان عليا جوي بس مفيش حل تاني واصل

كوثر

خليكي كيف ما انتي بعفاريتك بس حلوه الفكرة جوى وحودي التلفون ديه خليه معاكي بس تخليه صامت عشان البغل سيد ميشفهوش

وقالت لها ودنها

الدكتور مازن عايز يكلمك ويطمن عليكي بيجولك رقمه هتلاجيه علي التلفون ابجي اتصلي بيه

نجيه

انتي بتوشوشيها بايه يا بت يا كوثر يلا خلينا نمشي

وبعدها سلموا الي ليله ومشيو من عندها