السجينة الفصل الثامن عشر 18 - بقلم شروق السامرائي

#السجينة💔💔💔
الجزء الثامن عشر....الاخييييييير،،
حور:ظليت الوب من سمعت صوت شكد
جان حزين اني شسويت ظل يدك رقم غريب
كلت اكيد هوووو من غبائي زدت الطين
بلة وغلقت التليفون،،،ونسيته كملت عشة
ورتبت المطبخ اتذكرته مغلق فتحته
وجتني رسالة من نفس الرقم الغريب،،،
(اعتذر محبيت ازعجج خلص انسي اتمنالج الموفقة،ضرغام)نزلت دموعي،،شكووو
تبجين هاي الدتيه صار هاي راح يكمل
حياته ويزوج بعد شكوووو،،،اي يحبهة
طبعا ليش لا غير مرته راح تصير،،واكيد
راح،،،اوووووف ياحور طبج طوب انتي
الردتيهة،،لا مو هذا الي ردته والله كمت
جبت التليفون وسديت باب الغرفة وكعدت
ع الجرباية دكيت عليه ظل يدك وماكو
جواب دكيت مرة وثنين وتلاثة كلت هاي
اخر مرة ادك همزين جاوب بس ياريت
ممجاوب صوته مخنوك وتعبان،كلش قهرني
ضرغام:كعدت بالكاع وانتجيت ع السيارة
وظليت بس ادخن تليفوني يدك بس
مالي خلك اجاوب احد من شفته لح كلت
اخاف صاير شي،،حتى وانت كلبك ملجوم
وهم شايل هموم غيرك،،،شفته رقمهة
ردت روحي كبل الساني،،،
الووووووووو،،الوووووو،،بعصبية يعني
ليش مخابره اذا حتظلين ساكتة،،،تحجين لو
اسده،،،اجاني صوتهة الي سكن الالم
روحي ونهى كل وجع بيه،،سلب روحي
من جسدي وطار بيه لغير عالم،،،
حور:الوووو وينك ضرغام وياية،،،
ضرغام:لج شلون مو وياج لج اني روحي
ردت من سمعت صوتج،،لج ليش هيج انطاج
كلبج6اشهر تعرفيني عايش بنار وكلبج
ماحن علية،،لعد وين كلامج الي من كلتي
لاخر يوم بعمري انتظرك واذا مصرت
بدنيتي اطلبك من ربي بالاخرة،،،،
ياحورية كلبي بعدنة هنا وخليتي بية
خليتي بضرغام،،،،،
حور:كمت ابجي وصرت احجي وياه كأنما
عشت حب سنين وياه مو ايام،،وتجرئت احجي
كلشي بداخلي اله يمكن الحب النقي
والطاهر الي بكلوبنة طبع هالاثر بنفسيتنة
عاش كل واحد بينة يدعو للثاني بالراحة
والسعادة ع حساب راحته الشخصية،،،،
كتله،،،شلون اخلي بيك وانت النفس
اليصعد وينزل صدكني كل الصار غصب
عني من بعد معرفت بالمشاكل الي
صارت بعد مطلعت منكم حسستني
بذنب جبير،،،،
ضرغام:بالعكس انتي جنتي مجرد سبب
رب العالمين خلاج حتى يبين زيف الي
جنة عايشين بية ولا جان لسة ابوية الله
يرحمه مغشوش بصحابه واني بمرتي و....
حور:سكت مكمل بداخلي الله يساعد
كلبك اشاف،،،سامحني،،
ضرغام:اووووف لج هو اني كلبي ينطيني
ازعل منج لج والله احبج واعشكج انتي
روحي حور تعبت واني انتظرج بكل لحظة
تمنيتج وياية وانسى بحضنج وجعي وهمومي
انتي راحتي،،،وبيج سعادتي لاتحرميني
منج،،،،
حور:ظليت ابجي،،ليش هو منو يكدر
يبعد عنك،صدكني انت عشت بداخلي
وكبرت وكبر حبك غصب عني،،،،
ضرغام:حور تحبيني،،،،حجيتهة بتوسل
حور:بجيت وكتله احببببببببببببك ياروح حور
وكلبهة امووووت بيك ضرغامي،،،،
ضرغام:ضحكت ضحكة راحة من سنين ناسيهة
بتعحب ضرغامج،،،،،
حور:اي انت ضرغامي الي وحدي،،،،،
ظلينة للفجر نسولف سألني عن تفاصيل
حياتي الماضية وحجينة كلشي لبعض
وهو هم حجالي كلشي ع الي صار وياه،،،
وراها نمت ومحسيت ع روحي،،،،
ضرغام:ظليت ع كعدة وحدة منمت بس
حور نامت بدون متحس ع روحهة واني
ظليت اسمع صوت انفاسهة وكل شوية
تحوص ومرتين صاحت ضرغامي متت اتمنيت
اطير لعدهة واضمهة بحضني واعصرهة
عصر واضمهة بين ظلوعي حتى محد
يفكر ياخذهة مني،،صارت بالستة سديته
ودزيتلهة مسج وسبحت وطلعت لشغلي
وكلي راحة،،،،،
حور:كعدت واول مفتحت عيوني ظليت
اضحك بعدين اذكرت التليفون ادور عليه
صاير جواية هو والسماعة ملفوفة بشعري
ظليت اضحك ع روحي شلون نمت وشوكت
فتحت التليفون شفت مسج منه فتحته،،،،
(صباح الورد ع احلى عيون ياعطر انفاسي
انفاسج تمنيتج بحضني ع هاي نومتج اعشكج
يا رويحتي،،،ضرغامج)
يومة فدوة لكلبه ظليت ابوس بالتليفون
فاتت امي استغربت،،،
هناء:بضحك هاي شبيج تبوسين التليفون،،وبعدين
خاتونة ساعة12:40شوكت ناوية
تكومين،،،
حور:هياني كمت،،رحت عليهة وحضنتهة
هناء:ممكن اعرف ليش طايرة عصافيرج
اليوم،،،
حور:راح احجيلج بس لاتعصبين،،،حجيتلهة
كلشي وبالتفصيل لان هي اصلا من
زمان تعرف بكلشي حاجيتلهة عنه،،،
باستني وكالت الله يسعدج بس ما اوصيج
لاتتمادين زايد،،،
حور:اكيييد اوعدج،،،عافتني وطلعت
جريت التليفون دكيت عليه،،،،
ضرغام:جنت اشتغل بكل نشاط واضحك
بصورة مبالغة مازن وسجاد صافنين
عليه مستغربين من كد فرحتي محبيت
اشارك احد بيهة دك التليفون شفته رقهمة
ياهلا برويحتي،،،وعمري،،
حور:ضحكت مثل الطفلة وخليت ايدي ع حلكي
ضرغام:اووووووف اموت بيج وبهالضحكة
يابنيتي انتي،،،
حور:شلونك،،،،
ضرغام:معقولة تسألين عن حالي واني
وياج،،
حور:ظليت بس ابتسم ما اعرف شحجي
وياه يضيع كل الكلام،،،،
ضرغام:يعني شلون راح نظل ساكتين
حور:ما ادري شكول،،،
ضرغام:اتغديتي،،
حور:ضحكت،،هستوني كعدت،،
ضرغام:فدوة للنعوسة،،هسة شلون
شكلج بلة خليني اتخيلج،،،
حور:ضرغام شنو هالحجي،،،،
ضرغام:فدوة للخجلان،،شبيج تفكيرج
راح لبعيد،،يعني قابل شراح اكول،،،،
حور:راح اسده ترى،،،
ضرغام:لا يلة سكتت،،ماشي حبيبي روحي
اتركي مدري اتغدي،،،وبعدين اخابرج
حور:ضحكت من كل كلبي ومرتاحة ،،اوك
ماشي،،يلة مع السلامة،،،
ضرغام:مع السلامة ياروحي،،سديته
منهة،ونويت ارجع للبيت من وكت واحجي
وية امي وعمي،،،،
مازن:خيرك اشو اليوم مو ع بعضك البارحة
جنت شايط للستار واليوم الدنيا
مواسعتك،،،
سجاد:اي والله فرحنة وياك،،
ضرغام:حجيتلهم الي صار وياية،،،
مازن:ضرغام من كل عقلك بعد كل الي
صار تتصور امي راح ترضى،،مو قصدي
احبط معنوياتك بس....
ضرغام:بحدة كافي لهنا وبس ضيعت
عمري واني اركض للكل وحاسب حساب
لمشاعر الكل واني،،واني مازن محد
فكر بهذا شديصير بيه واشر ع كلبي،،،
سجاد:والله ياخوية حجيك صحيح بس تعرف
امي وعنادها،،،،
ضرغام:شكد جنت فرحان بس حجي مازن
وسجاد خوفني،بس كلت لا هالمرة
كافي بعد محد يكدر يوكف بوجهي،،،
خلصت شغل ورجعت قبل الولد قبل
كلشي رحت لامي ونويت افتح وياها الموضوع،،،
زهرة:شنوووو،،انت من كل عقلك والعالم
شكللهم ،،،
ضرغام:ياعالم الحمدلله لافتحنة موضوع
ولا وصللنالهم خبر،،،
زهرة:لك يمة اني دزيت خبر لامهة،،
ضرغام:هاي بعد مشكلتج كتلج خليهة
هسة لتوصلليلهم خبر،،،
زهرة:زين ليش غير افهم ليش غيرت رأيك،،،
ضرغام:لكيت الي حان يحلم بيهة كلبي
من سنين،،،
زهرة:ومن هاي المسعدة،،،
ضرغام:حور البنية الي اجت...
زهرة:قاطعته،لك انت كل عقلك مصدكنة
سدينة حلوك العالم وانست الشغلة،،،،
ضرغام:يمة اولا البنية مابيهة شي
ثانيا محد يعرفهة ولا شايفهة الا اذا
طلعت الحجاية من واحد منة،،،،
زهرة:لك شلون مابيهة شي والعب بيهة
لعب كبلك،،،،
ضرغام:بصوت يرعد لهنا وكافي حسي بية
عاد مو يكولون الام تحس بضناها حسي بيه
وبعذابي عشت كل هالسنين من ايدكم
هاي لايدكم هاي،،،
زهرة:من الاخر اخصمهة الك ع موتي تاخذهة،،،
مازن:طبينة اني وسجاد وسمعنة هوسة
ضرغام،،شوف مو كتلك هسة تسويلة هوسة
طلع ضرغام مورث،،،
سجاد:خوية هدي اعصابك يمعود ليصير
بيك شي،،،مازن اني رايح وياه ليصير
بيه شي،،،
مازن:ماشي،،دخلت للبيت سلمت وكعدت
يمة انتي ليش مصصمة تشلعين كلبه
البنية كلنة ندري بيهة خوش بنية والدليل
طلعت ع عمى ابوية الله يرحمه،،ليش
توكفين بطريقه،،جم مرة اخذ برأيج
ويروح ويتفشل بسبب الاثر الي عنده
زهرة:مو كتله روح لدكتور....
مازن:بربج يوم حجي وين وانتي وين
خل اكوم انطمر احسن،،،،طبيت للغرفة
لكيت حوراء كاعدة،،،
حوراء:الله يساعدك حبيبي،،،
مازن:هلاااا،،
حوراء:اصبلك غدة،،، بين متسبح،،،
مازن:ما اريد قزرقط خل اششوف ذاك وين
راح وهو مورث،،،
حوراء:كعدت محجيت شي لان كلش عصبي،،،
سجاد:ع كيفك خوية،،ع غفلة وكف السيارة
ضرغام:تعال سوق ما اكدر بعد،،،
سجاد:نزلت شبيك خما متأذي،،محسيت غير
وكع من طوله،،،نيمته بالكشن الورة
وطلعت للمستشفى دكيت ع مازن،،،
مازن:جنت توني اغفى دك التليفون سجاد
كمت بجفلة،،لك وين صرت ليش ،،،
سجاد:مو وكتك تعال للمستشفى...
ضرغام وكع من طوله،،
مازن:لابربك جاي يلة،،شمرت التليفون
همزين جنت لابس برمودة جريت تشريت
طلعت من الغرفة لج حوراء،،،بصياح وينج،،
حوراء:جنت كاعدة بالهول يم عمتي والجهال
نتفرج تلفزيون طلع مازن يصيح بعصبية
خير عيني شبيك،،
مازن:سويج السيارة وين،،
زهرة:شكووووو،،
مازن:ولج يلة،،انداريت لامي ابنج اتخربط
وسجاد موديه للمستشفى،،الله يستر هو
منا مضروب جلطة قبل اخذت السويج
وركضت امي تصيح بي بالي مو يمهة
طلعت للمستشفى،،وصلت نطيت اسمه
للاستعلامات رحت لكيت سجاد كاعد
شكله يطمن يعني الحمدلله ضرغام مابيه
شي،،هااااا سجاد بشر،،
سجاد:لا الحمدلله لحكوله ضغطه صاعد فول
وبأخر لحظة نزف من خشمه وانجر شريان
بعينه خفف من اثر صعوده،،،
مازن:فركت وجهي استغفرالله،،بلة
هذا شلون بيه،،
سجاد:تريد الصدك مازن،ترى حقه كضاها
يركضلنة واحنة ابد مجنة حاسين بلي
يصير وياه شوفه شلون بس فتح كلبه
شلون انفجر،،،
مازن:الله كريم خل بس يطلع صدك هو وينه
هسة،،،
سجاد:نايم علكوله مغذي وضربوه ابرة
حتى ينام،،،
مازن:الحمدلله خل اخابر امي ظل بالهة،
دكيت ع امي وطمنتهة،،،،
زهرة:كمت ابجي خلص والله بس يكوم
سلامات والي يريده اسويه والله اروح
واخطبهة اله وازفه بيدي كمت صليت
ركعتين لوجه الله يكومه بالسلامة،،،
ضرغام:مر ع هذي الحادثة اسبوع احجي
وية حور بس مجبتلهة طاري الي صار
وراها رحنة لعمي وحجيت وياه معارض
بشي كال بس هم لازم نسأل اخاف كلشي
صاير خلال هالفترة والنوب شلت هم
شلون اذا عارض ابوهة شلون راح افهمة
لازم ميعرف اكو تواصل بينة،،،
بنفس اليوم خابرت خالتي الدكتورة براء
وحجيتلهة القصة كلهة اتعجبت وكيفت بنفس
الوقت وكالت خليهة علية فهمتني ان
الموضوع يبدي منهة ان هي ظلت تتواصل
وية حور وصاروا مثل الصديقات وهي
دبرت هالزواجة ومن هالحجي مع العلم
الحجة مو كلش مقنعة،،المهم ورة اسبوعين
رتبنة امورنة واخذت امي وحوراء وجدتي
وخالتي ورحنالهم وتعرفون الحجي بهيج
مناسبات اني ذبيتهم ورجعت لبيت جدي
وكاعد ع نار امي خلت رقم تليفونهة
حتى يبلغوهة بالرد وامهة الي هي مرت ابوهة
كالت اخذ شور ابوهة واردلكم خبر،،،
رحت جبتهم ويحجولي التفاصيل واني احوص
اريد اعرف شافوهة لو لا،،،،
براء:اي ضرغوم مراح تسأل ع حبيبة الكلب
جدتي:ولج خجلتي،،يمة الله يتممهة ع خير
بس ماشاءالله صايرة فلعة كمر تخبل
براء:اي والله يوم تنكرط والله لتخبلك
يا ابو الضراغم،،،
ضرغام:بلا وعي حجيت شلونه شكله وشلابسة
بعدين صحيت ع روحي وحكيت شعري
براء:تدلل ضلعي،،،
جدتي:لج شلون توصفيهة بعده معاقد عليهة
براء:اوووي يوم طلعت تليفوني اكلك
تعرف هذا الرقم،،،
ضرغام:داسوق هسة وكتج،،،
براء:غمزتله دوكف السيارة وشوفه،،،
ضرغام:شبيج بابا شو جيبي،،ياريتني
مشفته صورة بنية،،رفعت راسي بفرح
هي هزت راسهة اي هي،،،
تخبلت صايرة تجنن لابسة فستان سمائي مشجر
وردة ناعم وشعرهة مسويته ظفيرة صفح
كبرانة وصايرة مرة بنيتي زومت الصورة
الضحكة الي اسرتني وخدود التفاح اووووف
العيون هنة هنة،،،صحيت ع صوت جدتي
ادري هيج الرقم عجبك،،،هااااا
جدتي:يامعزاية يا براء يعني مجزتي
الا شوفتي الصورة،،،
براء:والله خطية ع الاقل ياخذ تصبيرة،،،
......... ......... ......... .............
سارة:كعدت من النوم امي بوجهي تمسح
بوجهي ودموعهة بعينهة،،كمت بست
ايدهة ليش تبجين حبيبتي ترى ابطل
والله،،،
امي:الحمدلله ربي نطاني عمر واشوف
فرحة عيونج وكلبج فرح،،،
سارة:خطية امي من ازوج ياسر عرفت
بية وجانت كل هاي السنين شايلة همي
تتصور تعقدت بسبب ياسر،،،اممم ماما
امي:اي حبيبتي عزمت الكل وخالاتج كالوا
يجون بس ما اريدج تذكرين الماضي بأي شي
سارة:خلص ماما تجربة وراحت لحالهة
امي:الحمدلله يلة لهيتيني يلة حتى تلحكين
الصالون،،
سارة:كعدت رسل بوستني وتهلهل وتتركص
وابوية حبيبي اخذ اجازة علمودي
رحت بست ايده حضني وباسني من راسي
جتي زهراء تهلهل وتركص صدك حمدت
رب العالمين ع النعمة الي اني بيه،،
تريكت ع السريع واخذت الفستان والغراض
الي احتاجهة بالصالون وجتي زهراء
وياية وجهالهة بقوا يم اهلي،،،،كملنة
ولبست الفستان والحذاء باوعت ع روحي
طالعة حلوة وكلش عجبني شكلي ظلينة
اني وزهراء ناخذ صور علما يجي رجلهة
خطية مقبل ابوية يرجعنة،،،،،
لبست فستان لونه تركوازي وبيه شذر
يصير طويل وع الجسم ومن ورة
بيه ذيل طويل مثل قصة السمجة،،،
وبدون اردان الصدر ع شكل قلب وكله
شذر من الصدر ومكياج هادئ وشعري
سويته تسريحة بسيطة ونازلة كم خصلة
اجة رجل زهراء لبست صاية وشال
ذب ذبيته ظل رجل زهراء يصجم بيه
واني اضحك وصلنة امي وابوية تلكوني من
الباب بوستهم وسل فدوة طالعة تخبل
شفت البيت هوسة خالاتي كلهم موجودات
حتى سما مرت ياسر والحلو من شفته
ابد محسيت بشي،،صحت ع امي
ماما عفية جوعانة خل اكل شي قبل ليجون
امي:اي عيني عاي للمطبخ،،،
سارة:طبيت للمطبخ وصار ياسر بوجهي
سلمت علية بكل برود وكعدت ع الميز امي
جابتلي لفة جبن وجاي،،،
ياسر:مبروك ان شاءالله تتهنين
سارة:شكرا،،،
ياسر:تحبيه،،،
سارة:نعم
ياسر:اسألج تحبيه،،،
سارة:اولا مخصك بس يلة راح اجاوبك حتى
ترتاح طبعا احبه لعد شلون قبلت بيه
ياسر:يعني مو لان....
سارة:قاطعته،،بعدك نفس غرورك عبالك
الدنيا ادور حوليك لا بابا اصحى سارة
مو لعبة بيدك ولا عايشة لاجلك وصار
ووفيت بوعدي وياك تذكر من كتلك
يجي يوم وتشوف ايدي بأيد رجال من صدك
يستاهلني واليوم ان شاءالله تشوفه،،عفته
وكمت صارت بوجهي امي الف علامة
خوف بوجهة،،ضحكت لاتخافين ياغاليتي
مو سارة الي تنزل راسهة للميسوة،،،
صحت لج رسل جيبلي علج اغير طعم وريحة
حلكي كلهة ريحة جاي،،هستوني
كعدت دخلت زهراء كالت اجوي
كلبي كام يدك دخلوا اهلة الرياجيل بالاستقبال
وكراسي رتبناها بالحديقة والنسوان بالهول
جتي امه بوست امي وصلت ع النبي
ام زيد:اللهم صلي ع النبي هاي سارة
فدوة لهالجمال دكول زيودي وكعته مو خالية
سارة:ضحكت وكمت سلمت عليهم خواته
المزوجات ونسوان اخوته وامه وعماته
4وخالاته3وبنات شابات وكلهم ظلوا يحمدون
بجمالي وامي تعرفوا ع رسل وزهراء
خالته كلش انعجبت برسل وكدام الكل
ام سارة هاي حجزيهة النة رسل رادت
تموع وامي ظلت تضحك النوب عمته تسأل
ع زهراء امي كالت متزوجة وذولة جهالهة
عمته ظلت تضحك وتكول حرامات وينه
رجلهة ينطينياها مبين مرحات وماعدهن
نفاق يعني حايرات بالونسة ومونسات
نفسهن عكس خالاتي بس كاعدات
والخشم عالي عاد عمته الجبيرة كالت لامي
عيني تنحطين ع الحرح يطيب مو مثل ذني
هي كل ظنهة ذني عماتي امي
من فشلتهة سكتت،،عقدنة وكالوا راح
يجي الولد دخل واني رجلي صارت
خيوط وكفت سلمت علية جان لابس قاط بيجي
وقميص سمائي وفاتح الدكم الي
ابداية صدره ولابس ساعة فضية والعطر
سبقه ومحدد لحيته وشعره خفيف
اجة سلم وباسني من راسي،،،،
زيد:دخلت حبيبة كلبي طالعة تخبل بسته
براسهة وهمست،،رحميني ترى اني
جنت اشوفج بحجاب وملابس مستورة
ومشتعلة عشيرتي ترى العافية درجات
مو كبل مطلعة الاول والتالي،،،
سارة:معت من حجة هيج اباوع ع هدومي
حسسني عبالك واكفة بدون ملابس،،،
عمته صاحت،،ولك زيد اكعد راحة
شحجيت البنية اشتغلت كلوب احمر،،،
زيد:محجيت شي داكولهة خفي علية
شوية،،،
النوب خالته كالت والله يمة حقك يعني
كل هذا الكيمر وانت صايم الكل ضحك واني
اريد بس انهزم متت بخجلي،،،
كعدنة ولبسني الذهب وباركولنة وراها
شغلوا الديجي واشتغل الركص بس بالبداية
ركصنة اني وياه وهو استغل الفرصة
وكضاها بس يحضن واني معت ورة شوية
جتي حور بس خطية سمرة مصارت
جيتهة،اخذنة صور سوية بس طبعا اوامر
من جهة عليا ذبيت الحجاب ذب حتى يتغطى
شعري وصدري ودزيناها لسمرة ورة
شوية خابرت تبجي وتباركلي رحنة للمطبخ
اني وحور وسولفنة وياها لحكنة زيد
وهم سلم عليهة وباركتله،،،،،
حور:بيوم الي رجعت من مهر سارة
امي فاتحة الموضوع وية ابوية بالبداية
رفض وصار عصبي من عرف منو همة
بس امي ظل تقنع بيه وكلتله محد يعرف
هي منو اصلا حتى اهليته بس اهله وعمة
بس بالكوة اقتنع وحجة وياية وظلينة
لليل وابوية ممقتنع بسالفة الدكتورة
بس امي متحملت وفتحت دفاتر قديمة
هناء:كافي سعد خل البنية ترتاح لو
نسيت شلعان الكلب والمر الي ضاكته
ابوية زعل وظل لثاني يوم ميحجي وكلش
مقهور رحتله،،،،،
هاي هي يابة الي تشوفه اني راضية
بيه اهم شي متتكدر وتضوج اهم شي
رضاتك علية،،،كام علية حضني وباسني
وصاح امي وكلهة بلغي الجماعة بالموافقة
اني ظليت مثل الصنم واكفة ممستوعبة
الي صار يعني معقولة راح انجمع بيه،،،،
وجتي امي تهلهل والعصر دكت ع امه
وبلغتهة بالموافقة،،،،
ضرغام:جنت كاعد عصرية من النوم ضايج
مخنوك اكيد ابوهة رافض وهاي صار اسبوع
وكلشي ماكو اي خبر وحتى حور منعت
عني اتواصل وياها متريد ابوهة يزعل
منهة اذا عرف،،،دك تليفون امي شفت
ابتسمت وكامت تهلهل ان شاءالله ابلغكم
بمشية الزلم،،،
ضرغام:كلبي كام يدك معقولة الي ابالي
تحقق ع هلاهل امي دخلوا الولد وحوراء
سجاد:خير فرحينة حجية،،،
زهرة:يمة اخوكم راح يعرس وافرح بيه،،
ضرغام:جوي يباركولي بس اني ممستوعب
يمة يعني شنو كلولج موافقين،،،
زهرة:بجيت من شفت فرحة ابني بعيونه
شلون غرغرت اي يمة افرح يا نور عيوني
انت،،،
ضرغام:من الفرحة متحملت ركضت دكيت
عليهة،،جاوبتني بغرحة ممزوجة بدموع
حور:ياهلا بنور عيوني،،،
ضرغام:ياحوريتي الي سمعته صدك،،،
حور:اي حبيبي واخيرا راح ننجمع بالحلال
ضرغام:ولج ممصدك يا روحي انتي،،،
ظلينة نسولف ونخطط شراح نسوي
ورحنة لبيت عمي كمال وبلغناه،،،
كمال:بالمبارك وليدي وكام يبجي الله يرحمه
لو موجود جان فرحلك بوية وكلنة بجينة
صدك هو جان يحبهة،،عمي كال لتشيل
هم اني رتبتهة وية العمام والشيخ
كال للاحسن لاتجيبون طاري الموضوع
القديم حتى لايصير حجي واتفقنة نهاية الاسبوع
تصير مشية هي قراية فاتحة هي عقد
بسبب بعد الطريق نخصمهة،،،وصار الموعد
حور:صار يوم عقدي من الصبح جتني سارة
واهل ماما هناء رحت للصالون اني وسارة
وياية طبعا زيد ودانة خطية لان ماعندي
احد وابوية بقى علمود يتلكاهم،،طبعا ابوية
وحيد ماعنده اخوة بس خوات وموهنا عايشات
برة ولد عمامه ماعنده علاقة بيهم فجان
وحده بس اخوان ماما هناء وكفوا وياه
وزيد الله يخليه كال لاتشيلين هم اني اخوج
لبست فستان ذهبي طويل بدون اردان صدره
قلب ع الجسم ع شكل طاووس وبيه جاكة للركبة
وابوية هداني طقم ذهب نقشة طاووس
ومكياج سموكي وشعري ع طوله عفته بس
تاج طاووس ولفيت بيه كم خصلة والاطراف
لفيتهم بالفير ضرغام
راد يشوف طوله طبعا اني كاصته طوله
حاليا جوة ظهري،،اجتي سارة ولج حور اجوي
كلبي كام يدك الف جتي امي يمي
هانت حبيبتي الله نطاج ع كد صبرج
دخلوا النسوان اولهم سمرة تهلهل بوستني
وبوست سارة حانت طالعة تخبل لابسة
فستان اسود وبيه ذهبي قصير وشعرهة فالتهة
ومكياج معرفتهة،،جتي امه بوستهة
وسلمت ع اهله والدكتورة براء حضنتني
وحوراء حضنتهة ودمعت ،عقدنةبفرح وصار وقت
يلبسني الذهب وكالوا لبسوا حجابكم راح يجي
الولد جوي يمي امي والبنات واني
سرعة كلبي تقرة الف دخل وتخبلت عليه
يمة فدوة لطوله يخبل لابس قاط اسود وقميص
ماروني عطره يجنن احسه ملة ريتي
هو وكشخته وهيبته يمة محدد لحيته وشواربه
وشعره هو هو نفس تسريحته،،،
ضرغام:دخلت وجتي عيني بس ع وحدة
ملكت كلبي وكل سبر بيه سلبت روحي
بجمالهة تقدمت منهة ومشلت عيني عنهة
حفظت كل سم بيه،،تقربت منه وهي جانت
واكفة لزمت ايدهة ترجف بست ايدهة وشميتهة
اووووووف ياعطرج يا انفاسي،،بست
راسهة ولبستهة الذهب واني ممصدك
الي داعيشه وظلت طول الكعدة ايدي
بأيدهة اخاف اتركهة ويطلع حلم اخذنة صور
خلصت الحفلة وترخصت من ابوهة اكعد
وياها و وافق الرجال،،راحوا اهلي
اني هم وصلتهم لبيت جدي ورجعتلهة
حور:ابوية كلي خطيبج راح يجي يكعد
وياج شوية،،،
هناء:يلة ماما روحي بدلي قبل ليجي
حور:ماشي،،رحت للغرفة جان داك علية
دكيت علية،،،
ضرغام:فتحت خط،،
ترفه #هواي
جنها #الناي
عدها #لسان
يحجي #السالفة التنحب
حتة #الهيل منها يغار
من يشمه يتعجب
حور:هاي الي،،،
ضرغام:ياروحي ممصدك،باعي ابوج كلج،،
حور:اي كال،،،
ضرغام:ياروحي طلب،،،
حور:انت تأمر،،،
ضرغام:هاااا بدينة نتحارش،يلة عادي اول
وتالي جاي،،يمة فدوة لهالضحكة حبي
يلة جاي،،،
حور:سديته،،وركض طبيت للحمام سبحت
ونشفت شعري لبست فستان ماروني
ربع اردان قصير للركبة وشعري شلته نصه
ونص تركته مفتوح ومكياج بسيط ورشي
عطر سمعت ابوية صاح كلبي كام يرجف
اكيد وصل نزلت دخلت للاستقبال وجنت
شايلة صينية هو اتقدم اخذهة مني ابوية
ترخص وطلع،،،
ضرغام:بس طلع ابوهة جريتهة لحضني
واشم بيهة،،نزلت دموعي لج عمرهة
دمعتي منزلت غير بس الج وع ابوية الله يرحمه
حور:حضنت وجه بيدي،،مسحت دموعه
ودموعي سوة تنزل الله يحفظك الي
وميحرمني منك،،ظلينة نسولف ونضحك
واكيد ضرغامي مكعد راحة عشت براحة
وسعادة وياه وقررنة العرس الشهر
الجاي وصادف عرسي وعرس سارة سوة
وبالنسبة لدراستي ضرغامي نقلني للبصرة
وكملت وسمرة ع واهسي هم انقلت وبقت
بس سارة ظلت تبجي بس ابد منسينة بعض
واكثر من مرة زيد جابهة للبصرة يوم يومين
واني هم جنت من اروح لبغداد التقي بيهة
ورة زواجي بأقل السنة تزوجوا سمرة
وسجاد وسووا عرس يخبل واخيرا سارة
حضرت عرس سمرة وصرنة جناين اني
وسمرة ابيت واحد وعشنة كلنة بسعادة
وراحة بعد كل المر الي ضكناه ورة6اشهر
حبلت وصارت عندي بنوتة سميته حياة
ورة سنة اجاني ولد سميناه مالك ع اسم عمي
سمرة خطية ورة سنة يلة صار عدهة وجابت
ولد انمار سارة صلوات ورةشهرين حبلت
وجابت توم جاد واياد،،خبلوا زيد مستحوذين
ع سارة،،،،
وهاي قصتنة انتهت بسعادة بعد معاناة
عاشوهة ابطال القصة،،،الصبر مفتاح الفرج
ماضاقت الا فرجت،،،
وما بعد العسر الا اليسر،،،،
عندما تتعرض لنكبة بحياتك مو تكعد تبجي
وتعتزل الحياة وتقنطن من رحمة الرحمن الرحيم
الله سبحانه رحمته وسعت كل شيء فلا تيأس
من رحمته،،اسعى بكل مجهود فأن الله سبحانه
لاينسى حق مظلوم الله سبحانه غير غافل
عن اعمال البشر وكل عمل تعمله ان كان شر
او خير فتأكيد ان غفلت عنك عيون العالم ان هناك
عيون لن تغفل عنك،،،،
ان شاءالله تكون عجبتكم القصة،وان شاءالله
تكون وصلتكم العبر منهة،،،،
تحياتي لكم من طيب قلب💞💕💞💕💞💕