تحميل رواية الشقي كان اسما علي مسمي بقلم حنين عادل pdf

رواية الشقي كان اسما علي مسمي

الفصل الاول 1

بقلم حنين عادل

بعد ما حطها عالسرير قعد يبوس فيها زي العاشق الولهان ويحسس علي جسمها وهيا بتعيط جامد بصلها وقالها في ايه يا نور

نور : كمل انت فاكر أن انت اول واحد يلمسني

نظر ماجد بصدمه وراح ضربها بالقلم بقوه

وش نور احمر وحست أن دماغها لفت من أثر الضربه

اتكلمت وهيا بتعيط: ايوه مش اول واحد يلمسني انا مش بحبك انا بحب عاصم ابن عمي وعملت معاه كل اللي بيعملوا المتجوزين وادهم اللي مرضاش يجوزنا

ماجد مصدوم من اللي بيسمعه المفروض دا يبقي اسعد يوم في حياته بقا كابوس نفسه يصحي منه

.....................

انا ماجد 27سنه وسيم رياضي عندي شركه كبيره بتاعتي استيراد وتصدير الحمد لله واد مقطع السمكه وديلها زي ما بيقولوا مقضيها ديسكوهات وسهر للصبح ومصاحب بنات كتير دا بسبب مؤهلاتي يعني غني وسيم وكدا بس ما بزعلش حد بصاحب الحلوه والوحشه باخد ثواب فيها اصل جبر الخواطر حلو صحابي مسميني الشقي ودا مش من فراغ دا بسبب المصائب السودا اللي كنت بعملها ما تفكروش عشان بتاع بنات وكدا وعايشها أن دي فلوس بابا ولا حاجه انا عشت ظروف صعبه جدا كانت تعمل مني إنسان وحش جدا انا يتيم اترميت قدام ملجأ وانا لسه حته لحمه حمرا فحياتي كانت يأس وقرف بمعني الكلمه وكانوا بيمارسوا علينا في الملجأ كل انواع القهر والظلم والتعذيب بس لما عديت 18سنه طلعت وكنت ناوي ابقا حاجه كبيره عاوز اعوض السنين اللي راحت من عمري في القهر والذل حاولت وحاولت وتعبت واشتغلت وسافرت هجره غير شرعيه لأوكرانيا وكافحت هناك واشتغلت وكنت بحوش فضلت اربع سنين كنت عملت فلوس كويسه جدا رجعت مصر وأسست شركتي شركه استيراد وتصدير وفضلت تكبر وتكبر وفي واحد صحبي عايز يشاركني بس انا مش بحب الشراكه صراحه بس عايز ادعمه في أول حياتي ااه انا مفيش حد دعمني بس عمري ما كنت معقد نفسيا ااه اللي حصل معايا لسه مقصر فيا وان ليه اتساب وانا لسه طفل صغير عندي شهور من ام او أب ماعندهمش رحمه وبفكر انا كان ذنبي ايه بس كملت حياتي فعلا الحياه مش بتقف علي حد واديني عايش في رفاهيه وكدا وبحاول اعوض اللي فاتني سواء رفاهيه أو كرامه أو اني احس اني اصلا انسان انا حاليا 27 سنه نفسي اعمل عيلتي بقا وقررت انا الاقي بنت الحلال اللي تصوني وأحبها وتحبني ونعيش مع بعض في سعاده وأخلف قطاقيط صغيرين يملوا عليا الدنيا واحس اني ليا أهل وأصحاب واخوات فيهم بس من امتي الحياه كانت بتمشي علي مزاج حد حصلي اللي ما كنتش متوقعه وكان فعلا أسوأ من ظروفي اللي عدت كلها..

الفصل الثاني من هنا

رواية الشقي كان اسما علي مسمي

الفصل الثاني 2

بقلم حنين عادل

روتيني اليوم عادي بصحي من االنوم اروح الشغل وادخل شركتي برنس وبسهر بالليل بدأت فعلا ادور علي بنت تملي حياتي عندي السكرتيره بحس اني عاجبها ولكن لأ انا عايز واحده اول ما اشوفها قلبي يدق وأحبها وتنسيني كل البنات اللي عرفتهم قبلها وكأني ما عرفتهمش وفي يوم اجي واحد صحبي في شركتي

طارق: اذيك يا ماجد

ماجد: الحمد لله واللهي انت اخبارك ايه ليك وحشه

طارق،: الحمد لله انت اكتر بقولك انا جاي اعزمك علي فرحي يوم الجمعة أن شاء الله تيجي بدري

ماجد: ربنا يتمملك بخير ويسعدك يا طارق انت تستاهل كل خير

طارق،: تسلملي يا غالي تيجي من بدري بقا

ماجد: من النجمه يا بني ولا اقولك هبات عندك قبلها ويوم الفرح هبات معاك في حضنك

طارق: هههههههه وماله ما تيجي اجوزك انتي وخلاص

ماجد: لا انا مش بفكر في الجواز دلوقتي

طارق: هههههههه هطير انا بقي عشان تجهيزات الفرح

ماجد: اوعي تقع رقبتك تتكسر

طارق: ههههه سئيل

بجد انا بحب طارق ومبسوط ليه ربنا يوفقك يا طارق انت تستاهل كل خير

وانا قاعد تليفوني بيرن رقم غريب

برد: الوو مين معايا

بنت: انا يا ماجد

ماجد: عايزه ايه يا ساره

ساره: عاوزاك

ماجد: اللي كان بينا كان علاقه عابره يا ساره

ساره: بس انا بحبك

ماجد: وانا مش بحبك دا كان مجرد اعجاب

ساره: هوا انت فاكرني ايه بتعلقني بيك وبعدين تسيبني وبعدين تقول دي علاقه عابره

ماجد: ما حدش قاللك تتعلقي بيا

ساره: افهم يا ماجد مش هتلاقي حد يحبك قدي

ماجد : افهمي بقا اني مش بحبك

ساره: هتحب في يوم يا ماجد وهتتعذب في الحب وقلبك هينكسر زي ما كسرت قلوب بنات كتير وافتكر كلامي ده كويس وقفلت السكه

انا كنت متضايق من كلامها هل انا ظلمتها وهل هي بتحبني للدرجادي

وبقول لنفسي هي كانت عارفه اني بتسلي وهيا كمان فمليش ذنب

بيجي يوم الجمعه بصحي عادي متأخر ماهو مفيش شغل وبعدين باخد شاور وبشرب النسكافيه معتمد علي نفسي كل الاعتماد بحكم اني عايش لوحدي وبقول امتي يا ماجد تيجي اللي تعملي النسكافيه حتي هههه وبنزل اجري شويه واروح الجيم العب شويه وبعدين جهزت نفسي عشان اروح لطارق الفرح هوا المفروض كان قايلي تعالي بدري بس بصراحه انا مبحبش جو الأفراح والمناسبات ده وانا معرفش غير طارق هاروح من بدري ليه لبست بدله سوداء انيقه وظبت شعري وحطيت برفان وبعدين بصيت لنفسي في المرايه وقولت: بطل يالا ايه ده انا أمي كانت اجنبيه ولا ايه بحكم اني ابيض وشعري بني وعنيا زرقه

ركبت عربيتي البي ام دبليو ورحت الفرح

دخلت وسلمت علي طارق

طارق: ما بدري يا باشا

ماجد: ماتسيحش بقا خلينا قدام الناس محترمين بقا

طارق: ماشي هههه

ماجد: نعيد من الأول مبروك يا تيتو

مبروك يا عروسه

طارق: الله يبارك فيك يا ماجد عقبالك

العروسه: الله يبارك فيك عقبالك

ماجد: انتم السابقون ونحن اللاحقون

بعدين رحت قعدت علي الترابيزه اه في بنات كتير في الفرح بس ما حدش خطف قلبي منهم ولا حسيتوا مختلف ااه بنات حلوين بس مش عاجبني

فجأه تدخل الفرح بنت زي المسلسلات الهندي اول ما شفتها شدتني عيون عسلي وشعر اسود طويل بيطير ويزغزها في وشها حاطه ميكب هادي وسايبه شعرها و لابسه فستان سهره طويل مبين كتفها وطويله سحرتني بجمالها وعدت ولا كأنها شايفاني وانا كل البنات هتمووت عليا

اوبا شكلك هتقع يا ماجد ولا حد هيسمي عليك

بس مين اللي مأنكجاه ده جوزها ولا خطيبها لا أن شاء الله لا دا ولا دا دا انا عارفه دا ادهم صاحبي من زمان من ايام ما سافرت وبعدها ما شفتوش

قمت من علي الترابيزه ورحت سلمت عليه

ماجد: ازيك يا ادهم عاش من شافك

ادهم: ايه يا بني الغيبه الطويله دي

ماجد: هبقي احكيلك بعدين كل حاجه مش هتعرفني

ادهم: نور اختي

ماجد: اتشرفت يا نور

نور: الشرف ليا يا استاذ امجد وسلمت عليها اول لما لمست أيدها حسيت بشعور حلو مش عارف اوصفه قعدت تراقبها من بعيد قد ايه هيا لطيفه ومحترمه وهادئه واقفه قدامي شعرها بيطير وقلبي بيطير معاه والقصه نازله علي وشها كان نفسي اقوم احوشها ايه ده هوا فيه حب من النظره الأولي فعلا ولا ايه .

الفصل الثالث من هنا

رواية الشقي كان اسما علي مسمي

الفصل الثالث 3

بقلم حنين عادل

لقيتني واقف طول الفرح بتفرج علي نور وعلي جمالها ورقتها والبنات كلهم بيتنططوا ويرقصوا وهيا واقفه هاديه كدا شدتني جدا ليها ادهم صاحبي كان عاوز يشاركني بس انا مش بحب الشراكه بس هوافق بقا عشان يبقي موجود وليا فرصه أكلمه أو اشوف نور المهم روحت من الفرح بجد مبسوط اني قابلتها عارف اما تشوف حد تحس انك مطمنله ومرتاح ليه ومعجب من اول نظره نمت تاني يوم علطول كلمت ادهم وقلتله أنا موافق تبقي شريكي وادهم انبسط جدا وجه تاني يوم وكتبنا عقد الشراكة وبعدين بقا شريكي بقيت بحاول ألمح له ان انا بحب نور بس ما كنتش عارف علاقتي بيه بقت أحسن من الأول وفي يوم طلعنا نتغدي برا الشركه فصارحته بمشاعري واني عاوز اتجوز نور فقالي

ادهم: انا عايز لنور حد يخلي باله منها ويسعدها وانت بحكم علاقاتك السابقه والموجودة حاليا مش هتنفع ليها نور اختي الوحيده وبحبها وعايز الأصلح ليها

مايأستش وقولتله انا واللهي اتغيرت وبجد بقيت انسان جديد وبحب نور جدا وهاحميها وهاسعدها

رد ادهم: ربنا يسهل هكلمها واعرف رأيها ايه

ماجد: ماشي يارب توافق

فضلت منتظر جوابها علي احر من الجمر امتي يا نور تبقي نور حياتي

في بيت ادهم........

ادهم: نور

نور: نعم يا أبيه

ادهم: نور متقدملك عريس وانا شايف أنه كويس ماجد اللي شوفتيه بالفرح وبيحبك ايه رأيك

نور: ووشها محمر من الخجل اللي تشوفه يا ابيه

اعتبر ادهم أن دي موافقه من نور

تاني يوم ماجد بيكلم ادهم

ماجد : ها رأيها ايه بقلق

ادهم: للأسف يا بني ...

ماجد: ايه ..

ادهم: وافقت

ماجد بفرحه: حرام عليك يا بني وقعت قلبي

المهم الخطوبه امتي

ادهم: مستعجل كدا ليه دا انت واقع اوي بقي

ماجد: لشوشتي يا بني جوزني وخد فيا ثواب

ادهم: هههههه

ماجد: ما قلتش برده الخطوبه امتي

ادهم: زهقتني يا بني الأسبوع الجاي كدا كويس

ماجد: هوا بعيد بس كويس

ادهم: ماشي ياعم ربنا يقرب البعيد ويسعدك ويسعدها ويوفقكم في حياتكم

ماجد : يارب

ادهم راح مكتبه ففي حد في المكتب من دا دا عاصم

(عاصم ابن عم ادهم صعيدي زير نساء ليه علاقات كتير مش بتنتهي وتاجر ممنوعات عنده30 سنه )

ادهم: خير يا عاصم

عاصم: مش تقول اذيك الأول اخبارك ايه

ادهم: اذيك يا سيدي اخبارك ايه بس خير برده

عاصم: انتي عارف انا عاوز ايه

ادهم: انسي اني اجوزك اختي

عاصم: انا ابن عمها وأولي بيها

ادهم: انت كبير عنها8 سنين وكمان بتاع ستات وعلاقات زباله وفوق ده كله تاجر مخدرات

عاصم: الراجل ما يعبوش الا جيبه

ادهم: وخلي اختي تعيش في الحرام

عاصم: ماشي يا ادهم براحتك

ومشي عاصم متعصب جدا ناوي له نيه سودا

وعدي الاسبوع بنفس اللي بيحصل كل يوم ادهم وماجد بيروحوا الشغل ونور زي ما هيا قاعده في البيت لأنها خلصت دراستها وادهم بحكم أنه صعيدي مش هيرضي يشغل أخته

وفي يوم الخطوبه الصبح عماله بتعيط اوي وبتكلم حد في التليفون: الحقني يا حبيبي انا هاتخطب كله جه بسرعه واخويا عجبه ماجد وهيجوزنا بسرعه وانا بحبك انتي ومستحيل اتجوز غيرك

ويرد اللي بيكلمها: اصبري يا حبيبتي وخلي كل حاجه ماشيه زي ما هيا وانا هقولك تعملي ايه بس ما تخافيش وبطلي عياط واهدي

نور: خلاص هديت وبطلت عياط انا بحبك

: وانا كمان بحبك..

علي فكره التفاعل بقي وحش اوي بس كملت عشان اللي بيقولوا كملي بس ياريت تفاعل عشان انزل كل يوم. ..

الفصل الرابع من هنا

رواية الشقي كان اسما علي مسمي

الفصل الرابع 4

بقلم حنين عادل

دا يوم الخطوبه وكانت في بيت ادهم ماجد وصل في ابهي

طلاته ببدله سودا شيك وبرفن ريحته قويه ودخل وكانت

خطوبه عائليه ومعازيم قليله ودخل ورحب به الجميع وقعد

وادهم قعد جمب ماجد وقاله : الف مبروك وكلمه شويه

وبعدها اجت نور وقعدت جمبه

ماجد وهو يهمس لنور: النهارده اجمل يوم في حياتي

نور بتمثل الابتسامه

ماجد بيبص لنور بحب اد ايه هيا جميله وفستانها رقيق وشعرها وجماله واد ايه هو محظوظ بيها

لبس ماجد لنور خاتم الخطوبه والعكس ونور بتمثل

الابتسامه وأنها مبسوطه وماجد طاير من الفرحه أنه بيقرب من حلمه وحبه

الساعه بقت 10 بالليل ونور مش بتتكلم حاطه وشها في الأرض وماجد بيبصلها والإبتسامة علي وشه وادهم زهق

ادهم بيلمح لماجد أن الوقت أتأخر بس ما فيش فايده

ادهم:منور يا ماجد

ماجد,: دا نورك

ادهم بزهق: لأ ازاي دا نورك انت

ماجد: لأ دا نور نور حبيبتي

ادهم: اتلم يلا

ماجد: بقت خطيبتي

ادهم : لما تبقي مراتك يلا ابقي قول حبيبتي

نور قاعده عادي بتمثل الخجل والإبتسامة ودي بيشد ماجد بزيادة ليها

ادهم اخر ما زهق: نورت يا ماجد مستعجل ليه

ماجد: ااه بطرد وش

ادهم: الساعه1 باليل

ماجد :ايه الوقت عدي بسرعه اوي انا اسف يا ادهم انا همشي

ادهم: بالسلامه يا ماجد

مشي ماجد وبيفكر ازاي قعدت الوقت ده كله من غير ما احس وبيفتكر عيون نور وابتسامتها ونظراتها وجمالها ويبتسم ويقول امتي هيجمعنا بيت واحد بقا

مرت الأيام ونور زي ماهيا بتكلم واحد في التليفون وبقولها تعمل ايه مع ماجد وماجد بينبسط لما يتكلم معاها مكالمه قصيره في التليفون بيكون هوا اللي متكلمها وكان بيفسر قله كلامها واهتمامها أنه خجل نظرا لأنها أصلها صعيديه والتقاليد غير التقاليد

ماجد بيحدد مع ادهم ميعاد الفرح

ماجد: الاسبوع الجاي

ادهم: انت علطول مستعجل كدا

ماجد: جوزني وخد ثواب فيا بقا

ادهم : بس لحقت تتعرف عليها

ماجد : 3 شهور كويسين جدا

ادهم: انا عارف انك مش هتحل عن دماغي

ماجد: يلا بقا يا ادهم باشا

ادهم: ماشي يا ماجد باشا

ماجد: لولولو لو لو لي

ادهم: دا انت واقع اوي يا مجنون هههههه

ماجد: هههههههه

رجع ادهم البيت بالليل ونده لنور يا نور يا نور

نور: ايوه يا ابيه

ادهم: انا حددت الفرح انا وماجد الأسبوع الجاي يوم الجمعة

نور: بالسرعه دي

ادهم: ماجد مستعجل أوي وبعدين خير البر عاجله

نور: اللي تشوفوه يا ابيه

ادهم: انتي مبسوطه يا نور

فحطت نور وشها للأرض واحمر وجهها ومثلت البسمه ففكر أنها مبسوطه فحضنها وقالها: ماجد هيحبك وهيحميكي وهيسعدك ربنا يسعدكم .

نور: عقبالك يا ابيه

ادهم: انا كنت عايز اطمن عليكي الاول وبعدين اشوف نفسي

نور: ربنا يخليك ليا يا ابيه

دخلت نور اوضتها بتعيط جامد جدا

ومسكت تليفونها ورنت

نور: عاصم الحقني ادهم وماجد حددوا الفرح الاسبوع الجاي اعمل ايه

عاصم: مش فاهم ادهم اخوكي ده دا انا ابن عمك وانتي لحمي ودمي وبنحب بعض يختارلك ماجد ويكسر قلبنا

نور: قولتلك اقنعه يا عاصم

عاصم: طلبتك منه بدل المرة الف ومش راضي وبيحكم عليا

بسبب علاقتي السابقه ومش مقتنع اني اتغيرت عشانك

نور : طب اعمل ايه مش عايزه اتجوز غيرك

عاصم يبتسم بخبث: وانا بحبك وبموت فيكي

نور: يعني ايه الحل

عاصم: انا عندي فكره ان عملتيها هنجوز ونبقي مع بعض علطول وماجد هيطلع من حياتنا خالص

عاصم:........................................................................................................................................................

نور: متأكد من ده دا فيه مخاطرة كبيرة

عاصم: لو عايزه نتجوز يبقي لازم تعملي كدا

نور: ربنا يستر

قفلت نور وقفل عاصم

عاصم يضحك بخبث مش انت مش راضي تجوزهاني وانا بتاع ستات وتاجر مخدرات انا هاعرف اكسر عينك وامرمط بكرامتك الأرض يا ادهم انا هاوريك

الفصل الخامس من هنا

رواية الشقي كان اسما علي مسمي

الفصل الخامس 5

بقلم حنين عادل

عاصم يضحك بخبث:انا هوريك يا ادهم طالعلي بأختك السما ورفضتني انااا شوف يا ادهم ايه اللي هيحصلك بسبب اختك 🤣🤣ههههه

مرت الأيام وماجد مبسوط وراضي بالمكالمات القليله اللي بيكون هوا المتصل وبيبرر ده أن خجل من نور ..

وجه يوم الفرح ماجد مبسوط جدا الفرح في قاعه كبير

لبس بدله العريس واتجهز وهوا شكله زي توم كروز بحكم أنه

وسيم جدا بعيون زرق وشعر بني وراح يجيب نور من

الكوافير دخل الكوافير اتفاجأ من جمالها ورقتها كانت زي

الأميرات اللي في ديزني ابتسم وراح مأنكچها وقالها: احلي عروسه في الدنيا انتي عارفه أن دا اجمل يوم في حياتي🥰

ابتسمت نور بخجل

ركبوا العربيه وراحوا القاعه ادهم كان في انتظارهم حضن نور وقالها : احلي عروسه في الدنيا ربنا يسعدك ويوفقك

بكت نور وحضنته بقوه

ادهم: المكياج هيبوظ الوقت اهو

نور وماجد:⁦☺️⁩⁦☺️⁩هههههه

ادهم: انت يلا يا ماجد عارف ان زعلتها هاعمل فيك ايه

ماجد: نور في قلبي يا ادهم ربنا يقدرني واخليها اسعد واحده

في الدنيا دي روح الروح

نور ترسم الابتسامه😊

ادهم: ربنا يسعدكم ويوفقكم

رقصوا سلو وهما بيرقصوا حضنها وشالها ودار بيها كان في قمه السعاده والحب وهمس في ودنها وقالها: دا اسعد يوم في حياتي انت النور اللي هينور حياتي انت الحاضر والمستقبل السعيد ..

نور تبتسم بخجل ولا ترد

ماجد: اكتر حاجه عجباني فيكي ابتسامتك دي سحرتني بجمالها وبتخلي قلبي يرفرف لفوق كدا

نور لنفسها: اي بنت غيري كانت تتمناك يا ماجد بس انا قلبي مش ملكي

اتزفوا احلي زفه وطلعوا الشقه وادهم سلم عليهم

وهمس لماجد في ودنه: شد حيلك يا عريس

ماجد همس لأدهم في ودنه: ما تخافش هشرفك

ادهم: براحه عليها يلا

ماجد: في عيني وبعدين ما لكش دعوه مراتي يا عم

ادهم: بقت كدا يعني ماشي يا ماجد

ماجد: حبيبي يا باشا انت باشا قلبي

ادهم: ههههههه‍ه

سلم ادهم علي نور وقال: ربنا يسعدك

نور ارتمت بحضنه ومش عايزه تبعد عنه

قالها : ما تخافيش يا حبيبتي

وسابها ومشي

ماجد قفل باب الشقه ونور قلبها بيدق جامد جدا وقرب منها ومشت من قدامه

قرب منها ومشت برده ابتسم ماجد

ومسكها من ظهرها وحضنها وقالها انهارده اجمل يوم في حياتي انا ربنا بيحبني عشان بعتك ليا وشالها دخلها اوضت النوم وحطها عالسرير

نور خايفه جدا بس حاسه ان هوا حنين اوي وبيحبها بس هيا قلبها مش ملكها هيا بتحب عاصم

مع أن ماجد حنيه الدنيا فيه

بعد ما حطها عالسرير قعد يبوس فيها زي العاشق الولهان ويحسس علي جسمها وهيا بتعيط جامد بصلها وقالها في ايه يا نور؟!!!

نور : كمل انت فاكر أن انت اول واحد يلمسني

نظر ماجد بصدمه وراح ضربها بالقلم بقوه

وش نور احمر وحست أن دماغها لفت من أثر الضربه

اتكلمت وهيا بتعيط: ايوه مش اول واحد يلمسني انا مش بحبك انا بحب عاصم ابن عمي وعملت معاه كل اللي بيعملوا المتجوزين وادهم اللي مرضاش يجوزنا

ماجد مصدوم من اللي بيسمعه المفروض دا يبقي اسعد يوم في حياته بقا كابوس نفسه يصحي منه

ماجد بدون وعي ضربها جدا جدا ما سابش حته سليمه ولم الايباد واللابتوب والتليفون واخدهم من الأوضه وطلع بره

نور اترمت عالسرير تعيط من الالم ومن اللي بيحصلها

ماجد قعد في البلكونه يدخن سيجارة واحدة في واحده

اسعد يوم في حياته اتحول لكابوس مش مصدق اللي سمعه بقي نور تبقي كدا اد ايه اللي حصل معاه صعب جداً

فضل كدا طول الليل لحد الصبح راح نائم عالكنبه ونور عيطت لحد ما نامت وصحت بدري يدوب قادره تدوس علي رجلها اتسحبت وخدت تليفونها ودخلت الاوضه ورنت علي عاصم

نور: ايوه يا حبيبي

عاصم: وحشتيني يا حبيبتي عملتي ايه

نور: عملت اللي قولتلي عليه قولت له انك مش اول واحد تلمسني وضربني وخد الموبايل وكل وسايل الاتصال وسابني ونام عالكنبه

عاصم: معلش يا حبيبتي استحملي عشان نكون مع بعض طلقك

نور: لأ لسه

عاصم: اطلبي منه الطلاق عشان نتجوز بقا

نور: حاضر يا حبيبي باي بقا اصل الحيوان ده يصحي

عاصم: خلي بالك علي نفسك يا حبيبتي بااي

وقفلوا السكه

عاصم بيضحك ضحكه بخبث: هههههههه لما اختك ترجعلك مطلقه يا أدهم بعد يوم من الفرح والسبب ايه السبب أنها غلطتت مع حد يبقي شكلك ايه يا خسارتك في الموت يانور ههههههههه

اتسحبت نور وحطت التليفون جمب ماجد بعد ما مسحت رقم عاصم من عليه

الفصل السادس من هنا

رواية الشقي كان اسما علي مسمي

الفصل السادس 6

بقلم حنين عادل

اتسحبت نور ورجعت التليفون مكانه وراحت عملت نفسها نايمه.

ماجد صحي من النوم وقعد يفتكر كل اللي حصل معاه اد ايه أن صعب كان أسوأ يوم مر في حياته قام متصعب ودخل علي نور ونور عامله نفسها نايمه

ماجد: انتي يا ست هانم

نور بتستمر في التمثيل

ماجد: لو ما قمتيش حالا انا هاعمل اللي المفروض كان يتعمل امبارح

فهمت نور وخافت وقامت وبجراءه مصطنعه

نور: نعم عايز ايه

ماجد: وليكي عين تتكلمي

نور: بطل تجريح لو سمحت

ماجد: نااام معاكي

نور: ايوه

طاااخ راح ضربها بالقلم جامد

بصتله وقالتله: ايوه وبحبه طلقني وارحمني بقا

ماجد: واحده رخيصه زيك ما ينفعش تبقي علي زمتي بس اللي مكتفني صاحبي اللي أخته هتدفنه بالحياة بس وخبط أيده بالحيطه ونزلت دم وسابها ومشي قعد في البلكونه

نور فضلت طول اليوم في الأوضه وماجد طول اليوم بيشرب سجاير ولا نور أكلت ولا ماجد

طلعت نور تروح الحمام لقت ماجد نايم استغلت الفرصة واخدت التليفون ودخلت الاوضه وكلمت عاصم

نور: حبيبي يا عاصم

عاصم: ايوه يا نور عينى

نور: ماجد مش راضي يطلقني انا هاهرب واجيلك يا حبيبي

عاصم: هههههههه تي ايه يا بت

نور: بتتكلم ليه كدا يا عاصم وبتضحك علي ايه

عاصم: أد ايه انك بنت ساذجه

نور: ساذجة عشان حبيتك واديتك كل حاجه

عاصم: افهمي بقا يا غبيه انا كنت بكسر ضهر اخوكي بيكي بس عاوزه يتذل وكرامته تتبعتر في الأرض وبس ههههه

نور: انت بتقول ايه

عاصم: ههههه دي الحقيقه يا نور عيني

نور ببكاء: منك لله يا عاصم ربنا ينتقم منك

عاصم: هههههه ما تيجي تقابليني بره اهو نتسلي

نور: يا سافل يا زباله

عاصم: امسكي لسانك يا بت ان كنت أنا سافل وزباله انتي تبقي ايه دا انتي تستحقي القتل

قفلت نور السكه ورزعت التليفون في الأرض وقعدت تبكي بشده وبعد كدا راحت حطت التليفون مكانه ورجعت اوضتها تفتكر اللي حصل من عاصم

وتفتكر اد ايه ماجد كان حنين وراجل

ماجد صحي ما أكلش حاجه وعمال يشرب في السجائر والشاي والقهوة وبس

نور نفسها يكلمها اي كلمه عشان تعتزرله بس ازاي ونظره الاحترام والحب اللي كان بيبصهالها بقت استحقار وارف

وناموا وصحت الصبح مالقتوش في الشقه وفضلت مستنياه مجاش الا الساعه 1بالليل وجاي تعبان..

نور: اتأخرت كدا ليه

ماجد مش بيرد

ونام علي الكنبه

نور دخلت الأوضه وقعدت تعيط وتقول: يا ريتني معرفتك يا عاصم ويارتني حافظت علي نفسي وماضحكش عليا عالأقل كنت هابقي كويسه في نظر نفسي يارب سامحني يارب

ونااااامت

ولما صحت قامت أخدت شاور وجهزت الفطار وراحت تنده لماجد وتحاول تكلمه وبتصحي فيه

نور: ماجد ماجد اصحي ماجد

ماجد مش بيصحي

نور: ماجد ماجد وتبكي بشده..

الفصل السابع من هنا

رواية الشقي كان اسما علي مسمي

الفصل السابع 7

بقلم حنين عادل

نور بتصحي ماجد مش بيصحي نور قلقت

نور: ماجد ماجد اصحي ببكاء

نور حطت ايديها علي وشه سخن جدا وعرقان

راحت جابت البرفن تصحيه ورشت علي وشه مايه مفيش فايده

نور وهيا منهاره اتصلت بأدهم

نور: الحقني ياأبيه أدهم ماجد تعبان ومغمي عليه ومش بيفتح ولا بيرد عليا

ادهم: ايه طيب انا مسافه السكه استر يارب

نور حضنت ماجد وقعدت تعيط وتقول: كل ده بسببي سامحني انا عارفه اني جرحتك

أدهم بيخبط عالباب

نور راحت فتحتله ومنهاره وحضنته

ادهم: هيبقي كويس ما تخافيش

وحاول يفوقه بس مفيش فايده

ادهم شال ماجد ونزل حطه في العربيه وراحوا لأقرب مستشفي

نور منيمه ماجد علي رجلها وبتعيط وبتدعيله بالشفاء

وصلوا المستشفى

ادهم: دكتور دكتور بسرعه

وحطوا ماجد علي السرير ودخل الدكتور يفحصه

ادهم ونور برا الغرفه واقفين قلقانين علي ماجد ونور بتعيط

ادهم: في ايه يا نور

نور بتوتر: قصدك اي يا ابيه

أدهم: انتوا كويسين مع بعض

نور : ايوه يا ابيه

ادهم: بس........

ويخرج الدكتور من الأوضه

ويروح ادهم ونور يسألوه بسرعه عن حاله ماجد

الدكتور: هوا كان مغمي عليه وضغطه واطي جدا وعنده ضعف حاد كأنه بقاله كام يوم مش بياكل

انا علقتله محاليل وان شاء الله هيبقي كويس

ادهم : وهوا فاق يا دكتور

الدكتور: ااه الحمد لله كان ممكن يموت فيها

دخل ادهم ونور يطمنوا علي ماجد

نور: حمد الله على السلامه

ادهم: حمد الله علي سلامتك يا ماجد

ماجد: الله يسلمكوا

نور برقه: حاسس انك احسن

ماجد: الحمد لله

ادهم بيلاحظ نظراتهم لبعض كأن في حاجه

ادهم: في ايه يا ماجد انت عمرك ما حصل معاك حاجه زي دي

ماجد وهو بيبص لنور نظرات لوم وعتاب: مفيش حاجه يا عم انا كويس اهو بس انت عارف الضغط محدش بيعرف يتحكم فيه

ادهم: الزعل بيتحكم فيه نور زعلتك في حاجه قولي

ماجد: لا احنا كويسين

ادهم: ماشي طالما مش عايزين تتكلموا

الدكتور اجي بعد ما ماجد خلص المحاليل وفحصه

ادهم: هو عامل ايه يا دكتور

الدكتور: بقي كويس بس عايز رعاية سيبوه يوم او اتنين عشان نتابعه

ماجد: لا انا همشي مش بحب جو المستشفى انا عايز اروح بيتي

ادهم: خليك يوم عشان نطمن

ماجد : لا انا عايز امشي

الدكتور: بس تاخد العلاج في ميعاده وتاكل كويس عشان ميتكررش الموضوع تاني

ردت نور: حاضر يا دكتور

استغرب ماجد من الرد

سند ادهم ونور ماجد وركبوا العربيه ومشوا ووصلوا البيت ودخلوه عالسرير

ادهم: سلامتك يا بطل شد حيلك

ماجد: الله يسلمك يا ادهم

ادهم: انا هامشي عشان الوقت أتأخر واحنا من الصبح في المستشفي وهابقي اجي اطمن عليك

ماجد: ماشي يا ادهم خلي بالك من نفسك

مشي ادهم ونور طلعت وراه توصله للباب

ادهم: نور في ايه ادهم عمره ما حصلوا كده وهوا عاقل ايه اللي حصل وصله للدرجادي

نور: مفيش حاجه يا ابيه

ادهم: انتي صحيح اختي بس هوا صاحبي ولو عرفت انك سبب اللي حصل معاه ده انا مش هعديهالك

نور بخوف: ماعملتش حاجه يا ابيه

ادهم: طيب هحاول اصدقك خلي بالك منه سلام

ومشي ادهم ونور متوتره وقلقانه علي ماجد

نور دخلت تشوف ماجد ولقته نائم نامت جنبه وقعدت تبصله وتعيط ومشت أيدها علي وشه وعلي شعره ماجد ضعف واخدها في حضنه وقعد يحضن فيها ويبوسها .

وقامت علاقه ما بينهم وقضوا الليله كزوج وزوجه

صحي ماجد تاني يوم قبل نور وافتكر اللي حصل قام خاد شاور وجهز نفسه ومشي وساب لها ورقه ومشي.

نور صحيت من النوم وافتكرت اللي حصل و ابتسمت وحست أنها حبته بس مالقتوش جنبها قعدت تدور عليه ما لقتوش ولقت الورقه وجنبها فلوس واتصدمت من اللي كاتبه ليها.....

الفصل الثامن من هنا

رواية الشقي كان اسما علي مسمي

الفصل الثامن 8

بقلم حنين عادل

نور صحيت من النوم وافتكرت اللي حصل وابتسمت بس مالقتوش جنبها قعدت تدور عليه ما لقتوش لقت ورقه وجنبها فلوس واتصدمت من اللي كاتبه

نزل الكلام علي قلب نور كالعاصفه

نور وبتبكي: يعني انا في نظرك فتاه ليل تقضي معاها ليله وتسيبلها الفلوس وتمشي بس انا زعلانه ليه ما انا اللي عملت في نفسي كدا انا اللي استاهل ...

بعد ما هديت شويه من العياط قامت وخدت شاور ولقت الدولاب موارب ففتحته لقت أن مفيش هدوم لماجد في الدولاب خالص..

نور: مشيت وسبتني يا ماجد وانا في عز احتياجي ليك يا تري روحت فين ..

عدي يوم والثاني والثالث والرابع

وماجد ما رجعش

نور مش بتاكل ومش بتطلع من البيت وبقت حالتها الصحية والنفسية مش كويسه

كلمت نور ادهم تسأله عن ماجد

نور: اذيك يا ابيه عامل ايه

ادهم: الحمد لله انتي عامله ايه

نور: الحمد لله ماجد فين يا ابيه

ادهم: في ايه يانور مش عارفه جوزك فين

نور بتوتر: اصل احنا حصل بينا مشكله بسيطه و مشي وهوا زعلان بس ماكنتش تستدعي انه يسيب البيت

ادهم: ماشي هحاول اصدقك ماجد يا نور مسافر

نور: ايه

ادهم: ااه مسافر يتمم صفقه في الشغل

نور: مسافر فين وهيجي امتي

ادهم: مسافر لبنان وهيجي لما يتمم الصفقه

نور بحزن: ماشي يا ابيه

ادهم: نور بما انك قاعده لوحدك تعالي اقعدي معايا لحد ما ماجد يجي ما تقعديش لوحدك

نور: لا انا هستناه يا ابيه في بيتي

ادهم: يا نور تعالي انتي مش عارفه هوا هيجي امتي

نور: معلش يا ابيه انا هارتاح كدا

ادهم: ماشي يا نور اللي يريحك

وخلصت المكالمه

نور حزينه وليلها زي نهارها

بتستني ماجد في كل دقيقه ومش بتهتم بنفسها وبصحتها لحد اما خست النص اد ايه حبت ماجد وماجد سابها الشوق يعذبها وبتبص لصورته علطول وتقول وحشتني اوي يا ماجد

ومر علي غياب ماجد 3 شهور

وفجأة الباب يخبط وهيا ماسكه صوره ماجد

نور بلهفه: ماجد ماجد

وراحت تجري علي الباب تفتح

وتتصدم من اللي شافته مين ده عاصم

نور: عايز ايه يا عاصم سبني في حالي بقا

عاصم: عايزك احنا جربنا سرير ادهم بس لسه ما جربناش سرير ماجد

طاااااااخ نور تضربه بشده علي وشه

عاصم يشدها لحضنه : ليه كدا بس انا موحشتكيش ولا ايه

نور وبتحاول تزق فيه: سبني في حالي بقا انا دلوقتي

متجوزه وبحب جوزي

عاصم: هههههههه وفين جوزك دا

نور: امشي يا عاصم مش عايزه أشوف وشك تاني

عاصم: تمام هامشي بس بعد ما تشوفي الظرف دا

نور: مش عايزه اشوف الظرف وترميه

عاصم : شوفيه دا في احلي ذكرياتنا وخلي بالك هنتقابل

بكره في شقتي وتلبسيلي القميص الأحمر اللي بحبه ماشي والا االظرف دا هيروح لأدهم يتفرج عليه

نور: دا بعدك وتقفل الباب في وشه بعصبيه

نور ماسكه الظرف وافتكرت أنه بيقول في احلي ذكرياتنا وأنه هايبعته لأدهم يا تري الظرف فيه اي

فتحت نور الظرف وبصت لقت صور

نور ببكاء: ربنا ينتقم منك يا عاصم ربنا ينتقم منك مش عايزني ابقي انسانه كويسه ومش عايز تسبني في حالي

مصورني كمان عشان تبتزني وتمشيني علطول في الغلط ربنا ينتقم منك...

نور تفكر مع نفسها : طب هاعمل ايه لو رحت هاخون ماجد اللي سترني وما فضحنيش وان ماروحتش هيبعت الصور لأبيه ادهم ...

هاعمل ايه ياربي دلوقتي وتبكي وتنام من كتر البكاء

صحيت من النوم الصبح والهم مالي قلبها والحزن هاتعمل ايه يا تري وتقول: انت فين يا ماجد

وتقرر انها مش هتروح واللي يحصل يحصل وسابتها علي ربنا..

ويرن التليفون بمكالمه من شخص غريب

ترد نور: الو

.....: استاذه نور

نور: ايوه انا مين حضرتك

....: انا كريم في واحد عامل حادثه وبين الحياه والموت وبينده علي اسمك وانا اخدت رقمك من علي تليفونه وكلمتك

نور بتوتر و بكاء: مااااااجد

كريم: مش عارف اسمه ايه بس احنا هنوديه مستشفى سيتي تعالي هناك

نور ببكاءوتوتر: معقول يكون ماااجد يارب استر يارب متعاقبنيش عقاب انا مش قده يارب سلم يارب سلم..

الفصل التاسع من هنا

رواية الشقي كان اسما علي مسمي

الفصل التاسع 9

بقلم حنين عادل

نور بعد مكالمه كريم متوتره وقلقانه أنه ممكن يكون ماجد جرت لبست وراحت علي مستشفى سيتي ودخلت كلمت اللي في الأستقبال(الريسبشن):لو سمحتوا في واحد عامل حادثه لسه جاي حالا ..

مسؤول الاستقبال: في كتير اجي قصدك مين

نور: في حد اتصل عليا وقال إن اللي عمل الحادثه طلبني بالاسم.

مسؤول الاستقبال: طب ما ترني عليه بدل ما تلفي كتير

نور: ااه صح

نور مسكت تليفونها ورنت علي كريم

كريم: الوو

نور: معلش يا استاذ كريم انا نور اللي كلمتها من شويه انا في المستشفي ومش عارفه اروح فين

كريم: تمام فين فالمستشفي

نور: في الريسبشن

كريم: انا جايلك حالا

نور مستنيه كريم والخوف هيموتها كريم اجي وسألها: استاذه نور

نور: ايوه انا

ومشت مع كريم زي ما يكون مش عايزه تروح خايفه يكون ماجد حبيبها وتقول لنفسها: يارب ما تعاقبنيش عقاب انا مش قده ماجد حبيبي وجوزي ومقدرش اعيش من غيره

قاطع تفكيرها كريم وهوا بيتكلم: هنا في الاوضه ادخليله

نور واقفه متردده خايفه تدخل يكون ماجد

كريم : أن شاء الله يكون كويس ما تقلقيش

نور استجمعت شجاعتها ودخلت واتصدمت وفرحت في نفس الوقت

نور : الحمد لله مش ماجد اللهم لك الحمد شوفت يا عاصم اللي جرالك وحالتك عامله ازاي شايف انتقام العزيز الجبار

دخل الدكتور : انتي قريبته

اترددت نور: ااه حالته الصحية عامله ايه

الدكتور: الحادثه اتسببت في ضرر بالغ للدماغ وكسور في كل جسمه وكسر في العمود الفقري يعني مش هيقدر يمشي تاني ربنا يقويه علي حالته دي..

نور بصدمه: يعني مش هايقف تاني

الدكتور: استحاله طبعا وخرج

فاق عاصم في نفس اللحظه ولقي نور واقفه قدامه

اتكلم بصوت مبحوح مرهق: نور سامحيني يانور

نور : اسامحك علي ايه علي ضياع مستقبلي وشرفي وجوزي ودمار حياتي كلها علي ايه ولا ايه شوفت ربنا عمل ايه يا عاصم شوفت انا استحاله اسمحك ..

وخرجت تبكي من عنده وذهبت لمنزلها ومسكت صوره ماجد وقعدت تكلمه: شوفت يا ماجد عاصم كان عايزنا نقع في الغلط تاني وانا كنت هموت من التفكير والخوف بس الحمد لله ربنا عصمني منه وانتقم لي اشد انتقام..

وفكرت مع نفسها: وهل ربنا سامحني علي اللي عملته اكيد سامحني ما لو ماسمحنيش ما كنش بعتلي حد زي ماجد

يارب سامحني انا عارفه اني غلطت غلطه كبيره لكنك قولت

"إن الله يغفر الذنوب جميعا إلا أن يشرك به"

يارب ماجد يرجع بقا يارب

وعدي اليوم وككل يوم نور بالبيت مكتئبه وحزينه منتظره ماجد يملي حياتها بالسعاده والحنان وحبه اللي اتحرمت منه

طق طق الباب بيخبط

نور راحت تفتح الباب

نور: ابيه ادهم وحشتني

ادهم: وانتي كمان يا حبيبتي

ولكن مع ادهم في بنت

نور: اتفضلوا وقعدوا

نور: مين دي يا ابيه

ادهم: دي ساره بحبها وهيا بتحبني وجيت اعرفك عليها

اجي تليفون لأدهم فرد وقام مشي بعيد عنهم شويه

وساره لسه هاتتكلم

نور: انتي فاكره انك هتاخديه مني دا اخويا وبيحبني اكتر من اي حد

ساره: ومين قالك اني هاخده منك انتي اختي وانا ماعنديش اخوات ونفسي تكوني اختي

نور وحست أنها مكنش ينفع تقول كده

نور: انا اسفه يا ساره عالدخله دي بس ما توقعتش أن حد ياخد مني ادهم

ساره: يا ستي براحتك شاكليني مرمطتيني شدي في شعري انا نفسي اعيش الاحساس ده واللهي احساس أن عندي اخت وكده

نور: هههههههه وحست أن ساره طيبه وهيبقوا أصحاب

ساره بتلقائيه قامت حضنت نور واجي ادهم في نفس الوقت

وقال: ايه لحقتوا تحضنوا انا قلت هاجي الاقي شكله بحكم أن نور عاقله وكامله وكده..

نور: يعني كدا يا ابيه ماشي انا زعلانه

ادهم: ما يهونش عليا زعلك يا جميل

نور ابتسمت وساره ابتسمت

ادهم: احنا هنعمل الخطوبه يوم الجمعه ان شاء الله

ساره: بدري كدا يا ادهم احنا لحقنا

ادهم: حلاوتها في حموتها وخير البر عاجله وخلينا نفرح بقا دا لولا أن ماجد مش هنا كنت عملت الفرح

نور: ربنا يسعدكم يارب

ومشي ادهم وساره وفضلت نور في وحدتها تستني ماجد

واجي يوم الخطوبه خطوبه ادهم وساره وكان عدي علي غياب ماجد٦شهور ومارنش ولا كلم نور ونور حست بفقدان الأمل وان ماجد نساها بس برده عايشه علي امل رجوعه

راحت نور وساره الكوافير..

لبست نور فستان سهره قصير اخضر وكعب عالي وسابت شعرها وحطت ميكب هادي بسيط وساره لبست فستان قصير وعملت فورما في شعرها وكعب عالي

نور: ابيه ادهم هيطلع عنينا

ساره: ربنا يستر

ادهم اجي واتصدم: ايه الفساتين دي انتوا هتستعبطوا

نور ساكته..

ساره: يا حبيبي السواريه بيبقي كدا عديها متبوظش فرحتنا

ادهم: ماشي النهارده بس بعد كده ما فيش الكلام ده

بس مزز مزز يعني

ضحكت نور وساره وركبوا السياره وراحوا القاعه اللي فيها اتعملت الخطوبه

دخل ادهم وساره في ايد ونور في ايد

وقعدوا عالكوشه وساره اتصورت معاهم وراحت قعدت عالترابيزه

رقص ومزيكا أجواء مبهجه لأي حد الا نور نور قعدت تتفرج وبس ..

نور بتلتفت ايه ده ماجد

فرحت نور جدا

نور لقت بنت معاه متفجره الانوثه والجمال زي الكتاب ما قال موديل بس مين دي

اجي ماجد وفي أيده البنت ونور ساكته

ماجد: دي نور مراتي يا شهد

نور دي شهد مراتي

اتصدمت نور من الموقف وكانت هتعيط الا أنها حاولت تمسك نفسها ..

في نفس الوقت شاب وسيم اجي : انسه نور ممكن ترقصي معايا

وقبل ما تتكلم :

ماجد: انسه لا دي مراتي ومش بترقص مع حد

ومشي الشاب بعد ما أحرجه ماجد

ماجد بيكلم نور: ايه مفهماهم انك انسه

نور: دي عادي شايف أن مافيش حد واقف معايا

وسابت ماجد وراحت ترقص مع الشاب اللي طلب منها الرقص عشان تضايقه بس لسه مصدومه ماجد اتجوز عليا معقول .....

الفصل العاشر من هنا

رواية الشقي كان اسما علي مسمي

الفصل العاشر 10

بقلم حنين عادل

نور راحت ترقص مع الشاب اللي طلب يرقص معاها سلو وماجد واقف مع شهد بيغلي والشاب ماصدق حست نور أنه بيحسس علي جسمها بطريقة وحشه بس هيا عايزه تحرق دم ماجد زي ما حرق قلبها ..

الشاب بيضايق نور ونور مش عارفه تعمل ايه ..

في نفس الوقت ماجد اجي وشاف الموقف وشد نور منه

وهمس في ودن الشاب : اللي عملته ده مش هيعدي بس بعد ما الخطوبه تخلص شوف هيجرالك ايه..

نظر الشاب لماجد نظره تحدي وعدم اهتمام وراح يشوف واحده تانيه برضي بيها شهواته المريضة

ماجد حاضن نور بشده ونور بتحاول تبعده عنها

ماجد: ايه حضن الشاب ده احلي مني ولا ايه

نور بصت ليه بحزن وكسره وسكتت وفي نفسها: وهاقولك ايه يا ماجد يعني انا في نظرك كدا هابرر وهاقول ايه

ماجد بيرقص مع نور ونور مقهوره بسبب أنه اتجوز عليها

ماجد بيبص في عين نور ونور متيمه في عنيه وبتقول في نفسها: ليه كدا يا ماجد انا بحبك ليه تكسرني وليه تقهرني كدا

نور اتفاجأت بحد بيشد ماجد

شهد: اي يا حبيبي هيا مرتك وانا بكون كمان مرتك دخيلك ارقص معي شوي

ماجد: يخربيت اللبناني وجماله حاضر يا قلب ماجد دخيل هالعيون انتي بتأمري أمر

نور وبعد ما ماجد راح يرقص مع شهد وسابها واقفه لواحدها

بصت لماجد وماجد بيبص عليها ونزلت دمعه من عنيها.

ومشت راحت قعدت علي الترابيزه تبص عليهم وتتندم علي اللي عملته وتقول في نفسها: انت عاقبتني عقاب صعب ان اي ست تستحمله دي قهره ووجع قلب انا خلاص هطلب الطلاق مش هاقدر اعيش كدا بس اعرف ان انا حبيتك حب مش يتوصف..

خلصت رقصه السلو وانتهت الخطوبه ومشوا الناس

وادهم كان واقف مع ماجد وشهد ونور مش عارف ايه اللي بيحصل بس ملاحظ أن نور مش طبيعيه وماجد مفهمه أنه شهد صديقه ولا اكثر جت معه من السفر...

ادهم هيمشي

ماجد سلم عليه: ربنا يوفقك ويسعدك يارب

ادهم: تسلم يا ماجد

نور : انا هاجي معاك يا ابيه ادهم

ادهم باستغراب: ايه

ماجد بمكر وهوا مبتسم: جري ايه يا نور جوزك بعيد عنك بقاله ست شهور وتسبيه وتمشي

شهد: ايه معه حق يا نور اكيد انتي اشتقتيله وهوا كتير اشتاق لك

بصت نور لشهد بغضب شديد ومسكت شهد من شعرها وفضلت تضرب فيها وكأنها ما صدقت ونيمتها عالارض ونزلت ضرب في كل حته في جسمها وتقطيع في شعرها وعض ..

ادهم: نور نور انتي سرحتي في ايه

نور: ولا حاجه

تخيلت نور انها ضربتها وطلعت شويه من الطاقه اللي جواها

ادهم: مينفعش تسيبي جوزك وتمشي دا بقاله غائب ست شهور ومستنياه فالبيت ومطلعتيش ولما يجي تمشي

بص ماجد لنور وهوا مبتسم

نور: ماشي يا ابيه اللي تشوفه

ومشي ادهم وهوا سعيد وحاسس أن حياتهم هتبدأ تظبط

بعد اللي شافوه هوا ونور في حياتهم بعد ما مات والدهم ووالدتهم وادهم هوا اللي ربي نور لوحده وعدي عليهم مشاكل كتير بس قدر يتعداها وهوا اطمن علي نور مع ماجد

ماجد :يلا يا بنات

نور بتبص بغضب وما ردتش

شهد:انتي بتأمر أمر يا بيبي

نور تشعر بالغيظ وماجد بيتعمد غيظها

ماجد لشهد: قلب ماجد ..

وقبل ما يركب العربيه لمح الشاب اللي كان بيضايق نور لسه هيركب عربيته ويمشي.

جري ماجد عليه بدون وعي وضربه والشاب ما كنش ملاحق يدافع عن نفسه

نور جرت وشهد

نور : خلاص يا ماجد كفايه كفايه

ماجد بيضرب في الشاب وهدومه اتغرقت بالدم والشاب خلاص هيموت

..

نور: خلاص يا ماجد هيموت في ايديك

ماجد مش عاطي ليها اي اهتمام

نور شدت ماجد من علي الشاب اللي أغمي عليه من الضرب وحضنته لحد ما هدي

وشهد واقفه بتتفرج عليهم

ماجد بيحضن نور جامد ومستتمتع وبيشم في شعرها نور افتكرت اللي حصل منه وبعدت عنه...

ماجد زعل أن نور بعدت عنه ولكن ما اتكلمش

ماجد يلا تعالوا وركبوا العربيه وراحوا البيت

ماجد : انا هادخل اخد شاور استنوني هنا

ودخل ماجد ياخد شاور

نور قاعده وشهد

نور بتبص علي شهد شعرها اشقر وعيونها خضر وجسمها متناسق مافيش فيها غلطه وتقول لنفسها: رايح تتجوز عليا لبنانيه فيها ايه احلي مني يعني اسكتي يا نور انتي هتكذبي دا انا لو كنت راجل كنت اتجوزتها دي وسطها قد رقبتي بت ماليكان بس برده انا احلي منها الحلاوه حلاوة الروح برده

تقاطع تفكيرها شهد

شهد: راح تطلعي فيني كتير مارح نتعرف ونكون اصدقاء

نور بصت ليها بتكبر: لأ مش عايزه اتعرف علي حد ولا اصاحب حد

ابتسمت شهد

اتغاظت نور منها فقامت ولسه هاتمشي

وماجد طالع من الحمام : انا قلت استنوني بزعيق

قعدت نور وهيا متعصبه

قعد ماجد جنب شهد و ساب نور تشيط من الغيرة

ماجد: بصوا بقا انتوا الاتنين شغل البيت هيتقسم ما بينكم ومش عايز مشاكل كتير وانتي يوم وهيا يوم ومش عاوز نكد حد عنده اعتراض..

شهد: مافي حبيبي بس اضافيري رح ينكسروا

ماجد: بدلع سلامه اضافيرك من الكسر يا قلبي انا اشتغل شغلك وانتي ماتكسريش ضوافرك

نور قامت متغاظه ومتعصبه وراحت دخله اوضتها ورازعه الباب في وشهم اتجعزوا من صوته

ضحك ماجد وشهد

ماجد دخل الاوضه عند نور ونور واقفه وكانت خلصت لبس

ماجد: لو كنت جيت بدري دقيقه بس احنا فيها وحضنها من ضهرها

نور : ما رحتش للهانم بتاعتك ليه اطلع بره روحلها وزقته

ماجد : طوله لسان مش عاوز وبعدين هوا يوم ليكي ويوم ليها

نور: وانا مش عايزه يومي روحلها..

الفصل الحادي عشر من هنا